المساعد الشخصي الرقمي

مشاهدة النسخة كاملة : في حضنك باستخبي

علاء طه ياسين
03/07/2009, 14h46
حبيت مبقولشي لأه
وقلبي ف كل دقة
بيزيد إحساس ورقة
وكل مشاعره ليكي
... :emrose: ...
حبيتك شهرزاد
حدوتة ف ليل حصاد
غاوية تلف البلاد
تقول للناس عليكي
... :emrose: ...
حبيتك نبع صافى
وضمة حضن دافى
وشمس تقول عوافي
علي طلة عنيكي
... :emrose: ...
حبيتك حبة حبة
وف حضنك باستخبي
وأزهار المحبة
راشة العطر ف ايديكي
... :emrose: ...
بابدأ يومي بحبك
واختم يومي بحبك
وباعيش بنبض قلبك
وباحسب عمري بيكي
...
..
.
علاء ياسين
NAHID 76
03/07/2009, 15h12
بسم الله الرحمن الرحيم
الشاعر الغنائى علاء يا سين
اليوم كلماتك غايه فى السرعه والرشاقه والقفز
فأنا اراها أمام عينى تثب وتقفز هنا وهناك
سريعة الايقاع بالدرجه
أما تصورى لمن يغنيها هذه المره
مش حتصدق
عبد الحليم حافظ
وأعتقد انه غنى شيئ يشبه ذلك
أحضرونا ايها الساده الشعراء
تحياتى
حمدي السمر
03/07/2009, 15h34
... :emrose: ...
بابدأ يومي بحبك
واختم يومي بحبك
وباعيش بنبض قلبك
وباحسب عمري بيكي
...
..
.

علاء ياسين


وانا ببدا يومي هنا ...
بان اتذوق واتشرّب هذا الجمال ...
دمت لنا استاذي ... علاء يا سين
علاء طه ياسين
03/07/2009, 15h40
حبيتك والسنين
ف عنيكي الدبلانين
خلت عيون ياسين
بيموتوا يا حلوة فيكي
:emrose:
حبيتك والحنين
ف شفايف عطشانين
نساني أنا مين
وحابب حبي ليكي
:emrose:
حبيتك نسمه هاله
وشمس جريئة طاله
وموجة بحر خلي
مراكبي تروح إليكي
...
..
.

مدام / ناهد :emrose:
يارائعة الردود والوجود

عبد الحليم حافظ ..
احنا فين يا ناهد هانم ..
واللي كانوا بيكتبوا لعبد الحليم فين ..
انا يدوبك علي شط بحورهم ..

مدام ناهد
يا مدهشة الطلة

كلماتك الرقيقة بتأسرني بحلاوتها ..
مش عارف أقولك ايه ..
جميلٌ لا نستطيع رده ..
وأفضال علينا منك لا تعد ..
لك مني تحية يحملها قمر يسافر في براري الياسمين ..
ولك مني سلام يحمله عصفور يحلق فوق سنابل قمح خضراء ..
ودمتي بصحة وعافية ..
علاء
علاء طه ياسين
03/07/2009, 15h45
الأستاذ الرقيق المشاعر
حمدي السمر :emrose:
:emrose:
أشكر لك مشاعرك الرقيقة وتشجيعي ..
ولكن يا اخي أين كتاباتك أنت
نريد أن نري لك شيئا
ينتعش المنتدي بوجودك مع وجودنا
لك مني كل تمنيات طيبة
:emrose:
علاء
سعدالشرقاوى
03/07/2009, 21h24
شقيقى/علاء ياسين
رائع
رائع
حبيتك شهرزاد
حدوتة ف ليل حصاد
غاوية تلف البلاد
تقول للناس عليكي
... :emrose: ...
حبيتك نبع صافى
وضمة حضن دافى
وشمس تقول عوافي
علي طلة عنيكي

محتاجه مداخلات شعريه
بس والله الاخت عفاف عكننت عليه
لى معك عوده
تسلم الايادى يابو ياسين
Tarek Elemary
04/07/2009, 09h34
ناهد هانم ست الكل
فعلا عبدالحليم غنى رائعة الأبنودى ((الهوى هوايا)) و هى على نفس الشاكلة و علاء بلديات الأبنودى ((صعايدة)) يعنى ... و التطور الطبيعى للحاجة الحلوة إن علاء بكلماته الجميلة و معانيه الحلوة و موسيقاه الرائعة يكون من أكثر كتاب الأغنية فى مصر شهرة و الله و بدون مجاملة.
لكن باقية يا علاء و مصيرك يوم تاخد حقك
علاء طه ياسين
04/07/2009, 10h51
توأمي الرائع وحبيبي وأخي الذي لم تلده أمي
سعد الشرقاوي :emrose:

مستني مداخلاتك الشعرية معايا
ومدام عفاف عكننت عليك ليه
دي ممتازة جدا
ولا يمكن العكننة إنها ناوية تسيب المنتدي
هترجع يا حاج سعد
صدقني هترجع
هنا بيتها زي ما هو بيتنا
هي بس زعلانة شويتين وهتروق إن شاء الله
وأنا باوجه لها رجاء بالعودة
ولنا عودة
علاء ياسين
علاء طه ياسين
04/07/2009, 11h13
الوالد الحنون
مصطفي زقزوق
:emrose:
أحس بنفحات علوية يا سيدي الفاضل حين تتكلم أنت ..
وكلامك وسام علي صدري ..
أعتز به .. وأفخر ..
لا تحرمنا من إطلالتك الصافية العذبة ..
وشكرا لك ..
:emrose:
علاء ياسين
علاء طه ياسين
04/07/2009, 11h25
الأخ الكبير
طارق العمري
:emrose:
أنت تعلم كم أحبك
وكم أعتز برأيك الذي لا يجامل
وأشكر لك ما تفضلت به من كلام جميل
في حقي
وبعدين بالبلدي كده
انا من غيركم ولا حاجة
ومن غير تشجيعكم
ولا أقدر أكتب كلمة واحدة
إنتم أهلي واخواتي
وعالمي اللي باحس فيه بالراحة والسعادة
:emrose:
والله يا طارق بك
كلكم هنا ناس أفاضل
أنا بجد سعيد جدا لأني معاكم
ويكفيني كلمة حلوة لو أجدت
وعتاب ونقد لو أخفقت
:emrose:
حبيتك م البداية
وهاحبك للنهاية
ومش هاقول كفاية
وهاموت مابين ايديكي
:emrose:
علاء ياسين
abuzahda
05/07/2009, 05h23
حبيت مبقولشي لأه


وقلبي ف كل دقة
بيزيد إحساس ورقة
وكل مشاعره ليكي
... ...
حبيتك شهرزاد
حدوتة ف ليل حصاد
غاوية تلف البلاد
تقول للناس عليكي
... ...
حبيتك نبع صافى
وضمة حضن دافى
وشمس تقول عوافي
علي طلة من عنيكي
... ...
حبيتك حبة حبة
وف حضنك باستخبي
وأزهار المحبة
راشة العطر ف ايديكي
... ...
بابدأ يومي بحبك
واختم يومي بحبك
وباعيش بنبض قلبك
وباحسب عمري بيكي
...
..
.

علاء ياسين


أخي :emrose:علاء ياسين:emrose:

يبدو أنه يتوجب عليّ في كل مرّة أدخل فيها رحابك :
أن أعتذر عن الغياب (ده انا بقيت ممل بجد)

أخي علاء
بساطة كلماتك تدل على أعمق معاني الحب ، حتى أنني تصورتها غنوة في حب :emrose:مصر:emrose:
و هذا من علامات التوفق : حين تكون المحبوبة معنىً ، لا شخصاً بعينه

تقبل إعجابي بما كتبت ، و محبتي و احترامي
علاء طه ياسين
05/07/2009, 07h54
شاعرنا العظيم
أبو زهدة :emrose:

أنا يكفيني من النهر العظيم رشفة ماء
ومادمت حضرت يا سيدي
فكفاني شرفا هذا الحضور
وأنت الذي جذبتني إلي رحابك يا سيدي
ووجودك في موضوعي الذي لايرقي لمستواكم
حافز لي علي الإجادة
شاكر لك الفضل الذي خصصتني به
ولك مني كل احترام وتقدير وحب

علاء