تحليلات سيادة الرئيس ـ أبو على

[الباشاقمرزمان]

و الله أفضل إنه يكون مقام ( الراست ) لأن معناه بالعربي ( المستقيم )

يا سلام عليك يا ريس اختيار أكيد حلو والسبب أحلى وملائم للهدف والغرض من اللحن

وكدة الريس قال يبدأ اللحن من الراست يا ترى باقي الأساتذة لو طلب منهم لحن للنشيد الوطني حيبدأ من أي مقام؟ ولماذا؟

وايه حكاية عثمان باشا .... هو يقرب ليلمظ باشا
طب فين لحن مصطفى باشا .... بس خميس مش أتاتورك:mdr:

[سيادة الرئيس]

و دون أي تحليل

إلا أنهما كانا من زمن الكرامة و الكبرياء العربي

يوم أن كنا لا نخشى ذكر السلاح في غنائنا

_______

تونس ( أرض الجدود )
غناء : المجموعة

رايح تونس
غناء : محمد قنديل

[abuzahda]

ده مَبحَث محتاج أكاديمية بحالها تقول لنا إيه السر (العجيب) بين المزاجين (التونسي و المصري)

مع إن (جغرافياً) كان المفروض يبقى اتضاح الموضوع في ليبيا أكثر نصوعاً (..)

،

لو استثنينا الإعلام الرسمي ( و المرهونة سخونته بمصالح و بروتوكولات ...)

فعلى صعيد الموروث الشعبي تدهشنا تغريبة بني هلال - مثلا

و لجهة المد الصوفي ، تزداد الدهشة بين البُعد الجغرافي (النسبي) و القرب الروحي (المطلق)

.......

فخامتك:emrose: سيبك من ده كله و سمعني:

عزيزة حبت يونس من أرض تونس من بلاد الغرب مالت له

لعمّنا أنور العسكري:emrose: ، الله يرحمه

...... .... ياريت "وريثـُه الشرعي"
(محمود سعد:emrose: عن عبده الاسكندراني:emrose:)
يسمعها لنا

و يبقى لكم الثواب

[سيادة الرئيس]

شوفوا إبن دين النبي محمد بيقول إيه


ده مَبحَث محتاج أكاديمية بحالها تقول لنا إيه السر (العجيب) بين المزاجين (التونسي و المصري)




مع إن (جغرافياً) كان المفروض يبقى اتضاح الموضوع في ليبيا أكثر نصوعاً (..)

،

لو استثنينا الإعلام الرسمي ( و المرهونة سخونته بمصالح و بروتوكولات ...)

فعلى صعيد الموروث الشعبي تدهشنا تغريبة بني هلال - مثلا

و لجهة المد الصوفي ، تزداد الدهشة بين البُعد الجغرافي (النسبي) و القرب الروحي (المطلق)



و بعدين يقوم قالع البدله و يلبس الحته ( السواحلي ) و يقوم قايل إيه




عزيزة حبت يونس من أرض تونس من بلاد الغرب مالت له





لعمّنا أنور العسكري:emrose: ، الله يرحمه



...... .... ياريت "وريثـُه الشرعي"
(محمود سعد:emrose: عن عبده الاسكندراني:emrose:)
يسمعها لنا




و يبقى لكم الثواب






يا جدع انت ما تجننش الست والدتي ( أمي يعني )

[Hisham Khala]

أختيارات ريسنا و زعيم الموسيقيين الأستاذ صلاح علام دائما جميلة
يبدو أن أغنية محمد قنديل كانت عام 1956 وقت ما حصلت تونس علي الأستقلال
علي العموم إذا كنت رايح تونس خدني معاك ، و الله دايما تونس علي بالي في البلاد اللي انا عاوز أزورها.

[بشير عياد]

رايح تونس
محمّد قنديل
كلمات : عبد الوهَّاب محمّد
ألحان : بليغ حمدي
(( طبقًا للفيديو المرفوع على الفيس بوك ، صفحة سيادة الرئيس صلاح علام ))
أرجو أن نعرفَ متى كانت هذه الأغنية ، أي في أي عام ؟
مع تحيّاتي
وقد كتبت لأخي صلاح على الفيس بوك :" إنني أسمعها للمرة الأولى ، ولم أسمع عنها قبل ذلك ، بالرغم من أنّ لي كتابًا عن الشاعر الكبير عبد الوهّاب محمّد ))
بوركتْ ثورة أحفاد الشابي العظيم الذي تركَ عصارة عمره وقودًا لكلّ الباحثين عن العدل والحريّة والحياة الكريمة .
ستعلو تونس على كل الصغار وصغائرهم ، وسوف تظلّ الدماء الطاهرة التي عطّرت ترابها مثلا أعلى لكلّ الأجيال المقبلة ، ولن تذهبَ هدرًا أبدًا ،، وندعو الله العليَّ القديرَ ألا تُراقَ قطرة دمٍ واحدة بعد اليوم ، وأن ينطلق شعب تونس العظيم من نارِ الألم إلى نورِ الفجرِ الجديد .

[سيادة الرئيس]

لسه يا عم إمام في أمل

كلمات : نجيب شهاب الدين


يا مصر قومي و شدي الحيل
كل اِللي تتمنيه عندي
لا القهر يطويني و لا الليل
آمان آمان بيرم أفندي

رافعين جباه حرة شريفة
باسطين أيادي تأدي الفرض
ناقصين مؤذن و خليفة
و نور ما بين السما و الأرض
يا مصر عودي زي زمان
ندهة من الجامعة و حلوان
يا مصر عودي زي زمان
تعصي العدو و انوي تعاندي
آمان آمان بيرم أفندي

الدم يجري في ماء النيل
و النيل بيفتح علي سجني
والسجن يطرح غلة و تين
نجوع و نتعري و نبني
يا مصر لسه عددنا كتير
لا تجزعي من بأس الغير
يا مصر ملو قلوبنا الخير
و حلمنا ورد مندي
آمان آمان بيرم أفندي

يسعد صباحك يا جنينة
يسعد صباح اللي رواكي
يا خضره من زرع إدينا
شربت من بحر هواكي
شربت من كاس محبوبي
و عشقت نيل أسمر نوبي
و غسلت فيه بدني وتوبي
و كتبت إسمه علي زندي
آمان آمان بيرم أفندي

[بلقيس الجنابي]

لسه يا عم إمام في أمل


كلمات : نجيب شهاب الدين


يا مصر قومي و شدي الحيل
كل اِللي تتمنيه عندي
لا القهر يطويني و لا الليل
آمان آمان بيرم أفندي

رافعين جباه حرة شريفة
باسطين أيادي تأدي الفرض
ناقصين مؤذن و خليفة
و نور ما بين السما و الأرض
يا مصر عودي زي زمان
ندهة من الجامعة و حلوان
يا مصر عودي زي زمان
تعصي العدو و انوي تعاندي
آمان آمان بيرم أفندي

الدم يجري في ماء النيل
و النيل بيفتح علي سجني
والسجن يطرح غلة و تين
نجوع و نتعري و نبني
يا مصر لسه عددنا كتير
لا تجزعي من بأس الغير
يا مصر ملو قلوبنا الخير
و حلمنا ورد مندي
آمان آمان بيرم أفندي

يسعد صباحك يا جنينة
يسعد صباح اللي رواكي
يا خضره من زرع إدينا
شربت من بحر هواكي
شربت من كاس محبوبي
و عشقت نيل أسمر نوبي
و غسلت فيه بدني وتوبي
و كتبت إسمه علي زندي

آمان آمان بيرم أفندي



الشعب قام وقال يا رب ، اسمعْ
والحر انتفض يجود بدمّه وما يركعْ
مصر نادت كل الأحرار تسمعْ
والحق صارخ يدوي مثل المدفعْ

[Hisham Khala]

جميلة ** جميلة ** جميلة
يا رب مصر تشد الحيل
يا رب هون الأيام الصعبة

[سيادة الرئيس]

نعم قد فعلها ساحر القصائد و مروضها

ما هذا الفكر و ما هذه الروعة

و قبل أن أشرع في ذكر فعلته
إلى حضراتكم أولا الكلمات و هى أبيات متفرقة من قصيدة للأستاذ : إبراهيم ناجي

أجل إن ذا يوم لمن يفتدي مصرا
فمصر هي المحراب والجنة الكبرى
حلفنا نولي وجهنا شطر حبها
و نبذل فيه الصبر و الجهد و العمرا
سلاماً شباب النيل في كل موقف
على الدهر يجني المجد للنيل و الفخرا
تعالوا فقد حانت أمور عظيمة
فلا كان منا غافل يصم العصرا
تعالوا نقل للصعب أهلاً فإننا
شباب ألفنا الصعب و المطلب الوعرا
شباب إذا نامت عيون فإننا
بكرنا بكور الطير نستقبل الفجرا
شباب نزلنا حومة المجد كلنا
و من يغتدي للنصر ينتزع النصرا

البداية بصوت سيمبال و هذه الآلة البسيطة من آلات البركشن لها فعل السحر على الأذن إذا ما وظفت بذكاء و دون إفراط .

لتبدأ بعدها الوتريات تنساب نهاوندياً تاركة بين جملها دقات في منتهى الرقة و القوة من التيمباني الذي ضبط على نغمتين بعينهما و قل من يفطن من الملحنين لضبط نغمات هذه الآلة المظلومة دوزاناً .
و هنا يجب القول أن الأستاذ لم يطيل في مقدمته كما عهدنا في الكثير من الأغاني الوطنية و ظني أنه أراد الدخول السريع في موضوعه الهام .

أجل .. كلمة ما أجمل وقعها على الأذن حتى دون نغم و كي يعطيها حقها و إن كانت هى وحدها أخذته من عَروضها الموسيقي تركها على نغمة أساس المقام و لم يبرحها إلا عند لمن .

لينساب لحنه في حرية منفلت من الإيقاع في تصاعد كله ملهم من سحر الكلمات و ما أجمل تكراره للوقوف على نغمة واحدة مما يزيد من بهاء النص آخذك إلى خمسة خطته اللحنية و بحجازية سريعة توصلك إلى الكبرى .

يعود إلى تكرار النغمة الواحدة في القسم حتى جائت حلفنا نولي وجهنا على نغمة واحدة ثم شطر حبها على ماتليها متصرفاً بعد ذلك و ببساطة ليرتكز و مؤقتاً على رابعة سلمه ليحضر لدخول ما أروعه نغماً و توفيقاً في بداية دخول الإيقاع الذي جاء في وقار من آلتي تيمباني و فقط تحريك صنوج الرق و بدعم من دقات الكونتراباص

سلاماً شباب النيل في كل موقف

ينقلك نغماً و بدخول الإيقاع إلى طريق آخر راستياً يفاجئ مشاعرك فلا تدري من الحلو هل تحويله أم سلاماً شباب النيل و كلاهما قادران على إفلات دموعك بسحر المعنى و النغم ليكمل هذا الثناء على الشباب لحناً مروراً بـ على الدهر يجني المجد للنيل و الفخرا مكررها لثبات وقعها و تحضيرا لما بعد لزمته الذكية التي ذهبت إلى جواب مقامه الأصلي بل تجاوزته إلى جواب الدرجة الثالثة ليرتكز بها على الدرجة الخامسة محافظا على وقار الإيقاع رغم تغيره .

تعالوا فقد حانت أمور عظيمة
فلا كان منا غافل يصم العصرا

و سحر الحجاز في النداء و يا له من سحر حتى في الترحاب بالصعب و لا يفوتني قدرة السيدة في نطق أهلا ليذهب بصوتها راكزاً على الخامسة في الوعرا بينما لزمته تحضر لما بعد ذلك من وصف لشبابنا و لله درك يا ناجي

شباب إذا نامت عيون فإننا
بكرنا بكور الطير نستقبل الفجرا

لا يجد حيال هذا السيل العارم من قوة المعنى إلا الرجوع إلى تكرار النغمات تاركاً وقع سحر ناجي يأخذك حتى تخيلت أنه سوف يترك البيت رستاتيفياً و رغم بساطة نغم البيت إلا أنه يكرره محضرا لقفلته الطليعية

نعم طليعية

شباب نزلنا حومة المجد كلنا
و من يغتدي للنصر ينتزع النصرا

و دون تكرار و لمرة واحدة فعلها و ذهب

يرتكز بصوتها على خامسة المقام في النصرا مستغلاً مدد مد ناجي إلى النهاية

تاركاً الآلات تلمس الحساس و أساس المقام لترتكز هى الأخرى على خامسة المقام صانعين كلهم

قفلة غير تامة

تاركين أساس المقام حائراً و تاركين المستمع يذهب بمشاعره إلى ديمومة النصر رغم القهر

قصيدة مصر
شعر : إبراهيم ناجي
لحن : رياض السنباطي
غناء : أم كلثوم

[الألآتى]

روح ياشيخ .. ربنا يبارك لك

تحليل رائع من فنان رائع وجميل

بالفعل .. السنباطى دائماً أستاذ القصائد ومروضها

ونادراً مانجد له لحن عادى .. كلها ألحان متميزة .. فيها من الجماليات والفكر مافيها

شكراً ياأبو على .. أرفع لك القبعة تحية و ... ميرسيه

[سيادة الرئيس]

ميرسيه



تعرف وحشاني كلمتك المميزه دي

[Islam Eidrisha]

يا نفحاتك يا أبو علي
يا عم يا عم يا ابو الوطنية
نقلة الراست كانت هتجيب أجلي
مع إن الجمال مش صفة الدماغ
بس اسمح لي أقول لك دماغك جميلة

[سيادة الرئيس]

يا أبو اسكندر لا أبو وطنية و لا بطيخ
الشباب همه كانوا الوطنية نفسها و اسكت وحياة أبوك دنا خجلان مني
تحياتي إلى شرفاء الإسكندرية و بوسه على رجل كل واحد فيهم و ربنا معاكم
تحياتي أيها النبيل

[حماد مزيد]

ليطمئن أخي سيادة الرئيس

فنون مصر تخطت حدودها التي يتصورها البعض على
الخريطة ، حدود مصر أبعد من ذلك كثيرا فقد استولت
مصر على وجدان كل من يراها بعين الشاعر وبعين
الفنان وبعين العالـِم وبعين ... وبعيني .

أجل أخي نستمع لها

أجل إن ذا يــــوم لمن يبتغي مصرا
فمصر هي المحراب والجنة الكبرى

رحم الله كوكب الشرق
ورحم الله العملاق رياض السنباطي
ورحم الله الشاعر إبراهيم ناجي
وعاشت ثورة مصر المجيدة

[سيادة الرئيس]

وعاشت ثورة مصر المجيدة


بوركت أيها الشريف

[الباشاقمرزمان]

جراتسي سنيور

فقد أجدت الاختيار المناسب

والاختيار المعبر

جراتسي ميلا سنيورى ميو

أبو آلي
:emrose:

[سيادة الرئيس]

جراتسي ميلا سنيورى ميو

أبو آلي

:emrose:


أوع تكون دي شتيمة

عموما إحتياطيا و إستحراصا .... أهوه إنت

[يحيى زكي]

دايما عظيمة يامصر يامؤمنة

فثراك الحر تراب ابي وترابي

خجل من نفسي ....... لااملك الا الدعاءوووووووووو البكاء

[على اباهيم]

السلام عليكم جميعا سلام مملوء بعبق الحرية والتحرر هيا لنغير أنفسنا نحارب الرشوة والمحسوبية والفساد الذى كاد أن يفسد مصر ويهلكها ولنترحم على شهداء ثورة التغيير وأتقدم بخالص تعازى لكل مصرى ثم لذويهم وأقول لكل أم ثكلى لاتبكى ياأماه فجنة الخلد مثواه فلطالما قدم أبناء مصر أرواحهم ودماءهم رخيصة من أجل هذا البلد الحر إننى والذى فطر السماوات والأرض لم تجف عيناى من دموع الفرحة ببزوغ فجر الحرية الذى انتظرناه طويلا وأننا شعب لايستحق كل ذلك الظلم والطغيان فنحن شعب كريم حنون وعقبال كل الشعوب العربية وأشكر أخى على هذه الأنشودة التى أعتبرها هديتك لكل مصرى حر وأقول للشباب :ــــ


سلاماً شباب النيل في كل موقف


على الدهر يجني المجد للنيل والفخرا
تعالوا فقدحانت أمور عظيمة
فلاكان منا غافل يصم العصرا
تعالوا نقل للصعب أهلاً فإننا
شباب ألفنا الصعب و المطلبالوعرا
شباب إذا نامتعيون فإننا
بكرنا بكورالطير نستقبل الفجرا
شباب نزلنا حومة المجد كلنا
و من يغتدي للنصر ينتزعالنصرا





:emrose::emrose::emrose:

[سيادة الرئيس]

نعم يا شباب النيل

بكرتم بكور الطير و نزلتم حومة المجد و انتزعتم نصركم

[kebir42]

ثورة الابطال يا مصر اهلن بيكم مع الاحرار:emrose:

[سيادة الرئيس]

مصطفى سعيد من أول الأحداث بقى في الميدان حتى رحل الخرتيت

التسجيل بتاريخ 9/2/2011 من ميدان التحرير

كلمات : تميم البرغوثي
ألحان و غناء : مصطفى سعيد

YouTube - ‪O Egypt, it is only a few days away...‬‏ (http://www.youtube.com/watch?v=p7l26PsSF6Q&feature=player_embedded#at=147)

[بشير عياد]

الله الله الله
الله عليك وعلى مجايبك
صوت يصل إلى القلب أسرع من رنين الذهب
وإحساس فوق الوصف
و" الواد " تميم نحّات خرافي تأتيه الكلمات طائعة وكأنها تعشقه
الله الله الله

[بشير عياد]

يا ناس يا هوووه
عايزين هذه الروائع
mp3

[سيادة الرئيس]

من يومين كنت حطيت لينك لفيديو 3 دقايق للرائع مصطفى سعيد ( يا مصر هانت )

و في مكالمة ثلاثية معه و كمال بك دار الحوار حول جمال اللحن و الكلمات و كانت المفاجئة إنها مش 3 دقايق لا .. دي 10 .. و كام ساعة و كانت وصله

يا اخوننا حلاوه ما بعدها حلاوه و أنا بقول و أنا فايق من تأثير الفرحة و شجن الثورة إنها مش طبيعية بعد إذنك يا ثورة .. و حياة سيدنا النبي طرب و ثورة

عودك يا مصطفى حكاية
لحنك يا مصطفى حدوته و تحويلاتك موديل 2011 آه و الله 2011 و الحكم ليكوا
أدائك يا مصطفى فاق اللحن و حلاوة صوتك سكرها جازع

يا آلاتي أبوس إيدك تحلل البلوه دي و أكيد حتلاقي نسبة سكرها و تحويلاتها فيها خطوره على السميعه .. و شوف إبن دين النبي حط الخماسي فين

و طبعا في غمرة إعجابي بهذا اللحن مش ناسي إني أثني خيرا على كلمات : تميم البرغوثي .. فلولا جمالها ما سمعنا : عود و لحن و صوت و بدع .. مصطفى سعيد

يا مصر هانت
كلمات : تميم البرغوثي
لحن و عود و غناء : مصطفى سعيد

يا مَصْرِ هانِتْ و بانِتْ كُلَّها كامْ يُوم
نَهارْنا نادِي و نَهارِ النَّدْلِ مُش بَايِن
الدَّولَه ما فْضِلْشِ فيها غِيرْ شِوَيِّةْ شُوم
لَوْ مِش مِصَدَّقْ تَعالى عَـ المِيدان عَايِن
يا ناس مافِيش حاكِم إلاَّ مِنْ خَيالْ مَحكُوم
وِاللِّي حـَ يُقعُدْ في بِيتُه بَعْدَها خايِن
اللي حـَ يُقعُد كَأَنُّه سَلِّمِ التّانْيِين
لِلأَمنِ بِأديه وِ قالْ لُه هُمَّه ساكْنِين فِين
وِصْلِتْ لِضَرْب الرُّصاصْ عـَ الخَلْقِ فـِ المَيادين
حَتَّى الجُثَثْ حَجَزوها اِكْمِنُّهُم خايفِين
يا مَصرِ أَصبحْنا أَحْيا و مَيِّتِين مَساجِين
فَاللِّي حـَ يُقعُد في بِيتُه يِبقى مُش مَفهُوم
وِاللِّي حـَ يِنزِل إلهَي حارِسُه صايِن
يا مَصْرِ هانِتْ و بانِتْ كُلَّها كامْ يُوم
نَهارْنا نادِي و نَهارِ النَّدْلِ مُش بَايِن

نهارنا نادي و بأيدينا عَلَي فِكرَه
الصُّبح عَندُه فُضولْ راحْ نِعمِل إيه بُكرَه
إيدُه عَلى البابْ وِخايِف يِلمِس الأُكْرَه
اُدخُلْ يا أُستاذ بِراحْتَك والبَلَدْ حُرَّه
إحْنا زِهِقْنا نِشوفِ الصُّبحِ مِن بَرَّه
ادخل وِ خَرَّجْ بَقايا العَتْمَه بِالمَرَّه
النّاسْ دِي حُرَّه و جُنودِ الأَمْنِ مُضْطَرَّه
يا صُبحِ طَلَّعْتِ رُوحْنا لَجْلِ تِيجِي يَا خَيْ
طالْعِين نِجِبْيها أَهُوه فى كُلِّ حارَه وحَي
حتّى وَلَو ضَرَبونا بالرُّصاصِ الحَي
شوفِ المَدايِن كِدَه مَفرُوشَه خَلْقِ وضَي
دايمًا مُفاجْأَه وِ دايمًا وَقْتَها مَعْلُوم
الحُكْمِ لِينا وِ ليكِي الحَقِّ يامَدايِن
يا مَصْرِ هانِتْ و بانِتْ كُلَّها كامْ يُوم
نَهارْنا نادِي و نَهارِ النَّدْلِ مُش بَايِن

يا صَفِّ عَسْكَر بِدالِ الدِّرْعِ شِيلوا اتْنِين
خَمْسَه وِ عِشرينْ يَنايِرْ يا شَبابْ فَاكْرِين
كانْ فـِ انجِليزْ وِوَزيرِ الدَّاخِليَّه تخِِين
كان عَندُه بَرْضُه عَساكِر زيُّكُم جامْدِين
سابْهُم يموتوا عَلَوْلَه لَمْ سَأَلْ فيهُم
كانوا شَبَهْكُم أَساميكُم أساميهُم
يا عَسكَري البَهَوات اللّي بِتِحميهُم
مُمكِنْ يُرُدُّوا عَليكْ لمَاَّ تِناديهُم
يا عَسكَري أنا أَصْلي بَسِّ بَستغرَبْ
لَوْ لاقي تاكُلْ وتِشرَب قُومْ ياعَمِّ اِضرَب
اِضرَب عَشانِ الوَزير مِن ضَربِتَك يِطرَب
لكن حَـ تِشتَغَل ايه لمَاَّ الوَزير يِهرَب
أمّا الشِّديد القَوي القادِرْ أَبو القادِر
بَرْميل تَلامَه و نَشَعْ على مَصرِ مِـ الآخِر
لَوْ شَافِتُه مْعَدِّدَه تِكتِب أَدَب ساخِر
ثابِت يِقولْ للهَرَم يا كابتِن اتَّاخِر
وَ لَمْ يَزَل مُعتَقِد إنِّ الهَرَم حـَ يقوم
آدي الحَجَر والبَشَر قايمين يا سِيد القُوم
و الدِّين حـَ يِتْرَدِّ يا اللِّي عِشْت مِتْدايِن
يا مَصْرِ هانِتْ و بانِتْ كُلَّها كامْ يُوم
نَهارْنا نادِي و نَهارِ النَّدْلِ مُش بَايِن

دَه حكم أُسْرَه و لا خُوفُو و لا خَفْرَعْ
وَ لا وَجَع بَطْنِ يِتْعالِج بِزيت خَرْوَعْ
عَمَل مِسُوجَرْ بِعيدْ عَنَّكْ وَ لا يِطْلَع
جَرَّبنا فِيه كُلِّ شِىء مَالَقينا شِىء يِنفَع
ما طْلِعْش بالأَدْوِيَه جَرَّبنا أَلفِ طَبيب
وَ لا بْعِطارِة شيوخ ليهُمْ بَلَحْ وِ زْبِيب
ولا بِجَحْفَل مَغولي وِ ضَرْبِ بِالقَباقيب
عَمَل مِسوجَر وِ سُفْلِي شُغْل تَلِّ أَبيب
وِ شُغْل أَمْريكا مِتْغَلِّف و خِتْمُه عَلِيه
ضِيف زَارْنا يَا عَمِّ مِن غِير دَعوَه لابِسْ بيه
قَعَدْ تَلاتين سَنَه ما بِيقولْشِ قاعِدْ لِيه
وِ النِّيَّه يِدِّيها لاِبنُه النَّابِغَه بَعْدِيه
وِ يقول قَضا و قَدَرْ بِين البَشَرْ مَحتوم
قُولْنا لُه طَيِّبْ وِ مِين قالِ القَدَر مَعلُوم
وِ ايشْ عَرَّفَك يا فَخَامتَك بِالَّذي كَايِن
يا مَصْرِ هانِتْ و بانِتْ كُلَّها كامْ يُوم
نَهارْنا نادِي و نَهارِ النَّدْلِ مُش بَايِن

[بلقيس الجنابي]

:emrose:

شكرا لهديتكم سيدي

حملتها لاستمع واركز على ما ذكرت

ألف شكر

[سيادة الرئيس]

خدي راحتك يا ست بلقيس

خللي بالك من تأثيره النغمي ( تحويلاته ) خلاها ديما اللئيم من :

يا مصر هانت وبانت كلها كام يوم :: نهارنا نادي ونهار الندل مش باين

و كل مره بطعم جديد

[بشيرالأنس]

تصد ق يارئيس أذني قليلا ماتطرب لغير الست لهذا فضلت أسمع قبل أن أحمل...ماهذا الجمال ينصر دينك؟ ممكن تتوسط لنا للحصول على مثل هذه القنابل من صديقك الخطير ده؟

[محمد الصباح]

على فكرة مفيش كلام
ايه الحاجات الحلوة دى عندك حق نرجوا سماعها اكثر من مرة
فى كل مرة تلاقى فيها جديد فين الحاجات دى من زمان

[الألآتى]

ربنا يورينى فيك يوم ياصلاح .. هو أنا ناقص

سمعتها وتمعنت فيها .. فيها شغل يستاهل السمع

إن شاء الله .. أحللها .. حاضر

[بلقيس الجنابي]

ربنا يورينى فيك يوم ياصلاح .. هو أنا ناقص


سمعتها وتمعنت فيها .. فيها شغل يستاهل السمع


إن شاء الله .. أحللها .. حاضر



لن يكون أعظم من شغلك أُستاذي في قصيدة أُخت المُعز .. لم يمر علي سمعي عمل فخم كما صنعتم من أروع لحن ممكن أن يوصف من عظمة \ فخامة\ روعة\إبداع متناهي

وإياك تظلم نفسك يا أبا حسام فأنت عظيم عظيم والعظمة لله :emrose:

[محمودسعد]

اااااااااااااااااااااااااااااااااااااااااه
يامخرج ومقدم الروائع
يااروع الناس وافرحهم بالثوره
دمت لنا حبيبا دائما ياحبيب العمر

[محمودسعد]

من يومين كنت حطيت لينك لفيديو 3 دقايق للرائع مصطفى سعيد ( يا مصر هانت )

و في مكالمة ثلاثية معه و كمال بك دار الحوار حول جمال اللحن و الكلمات و كانت المفاجئة إنها مش 3 دقايق لا .. دي 10 .. و كام ساعة و كانت وصله

يا اخوننا حلاوه ما بعدها حلاوه و أنا بقول و أنا فايق من تأثير الفرحة و شجن الثورة إنها مش طبيعية بعد إذنك يا ثورة .. و حياة سيدنا النبي طرب و ثورة

عودك يا مصطفى حكاية
لحنك يا مصطفى حدوته و تحويلاتك موديل 2011 آه و الله 2011 و الحكم ليكوا
أدائك يا مصطفى فاق اللحن و حلاوة صوتك سكرها جازع

يا آلاتي أبوس إيدك تحلل البلوه دي و أكيد حتلاقي نسبة سكرها و تحويلاتها فيها خطوره على السميعه .. و شوف إبن دين النبي حط الخماسي فين

و طبعا في غمرة إعجابي بهذا اللحن مش ناسي إني أثني خيرا على كلمات : تميم البرغوثي .. فلولا جمالها ما سمعنا : عود و لحن و صوت و بدع .. مصطفى سعيد

يا مصر هانت
كلمات : تميم البرغوثي
لحن و عود و غناء : مصطفى سعيد

يا مصر هانت و بانت كلها كام يوم
نهارنا نادي و نهار الندل مش باين
الدوله ما فضلش فيها غير شوية شوم
لو مش مصدق تعالا عـ الميدان عاين
يا ناس مافيش حاكم إلا من خيال محكوم
واللي حـَ يقعد في بيته بعدها خاين
إللي حـَ يعقد كأنه سلم التانيين
للأمن بأديه و قاله همه ساكنين فين
وصلت لضرب الرصاص عـَ الخلق فـِ الميادين
حتى الجثث حجزوها اكمنهم خايفين
يا مصر أصبحنا أحيا و ميتين مساجين
فاللي حـَ يقعد في بيته يبقى مش مفهوم
واللي حـَ ينزل إلهي حارسه صاين
يا مصر هانت وبانت كلها كام يوم
نهارنا نادي ونهار الندل مش باين

نهارنا نادي و بأيدينا علي فكره
الصبح عنده فضول راح نعمل إية بكره
إيده علي الباب وخايف يلمس الأكره
ادخل يا أستاذ براحتك والبلد حره
إحنا زهقنا نشوف الصبح من بره
ادخل و خرج بقايا العتمه بالمره
الناس دي حره و جنود الأمن مضطره
يا صبح طلعت روحنا لجل تيجي يا خَي
طالعين نجبيها أهوه فى كل حاره وحي
حتى لو ضربونا بالرصاص الحي
شوف المداين كده مفروشه خلق وضي
دايما مفاجأة و دايما وقتها معلوم
الحكم لينا و ليكي الحق يامداين
يا مصر هانت و بانت كلها كام يوم
نهارنا نادي و نهار الندل مش باين

يا صف عسكر بدال الدرع شيلوا اتنين
خمسه و عشرين يناير يا شباب فاكرين
كان فـِ انجليز و وزير الداخليه تخين
كان عنده برضه عساكر زيكم جامدين
سابهم يموتوا علوله لم سأل فيهم
كانوا شبهكم أساميكم أساميهم
يا عسكري البهوات إللي بتحميهم
ممكن يردوا عليك لما تناديهم
يا عسكري أنا أصلي بس بستغرب
لو لاقي تأكل وتشرب قوم ياعم اضرب
اضرب عشان الوزير من ضربتك يطرب
لكن حـ تشتغل إية لما الوزير يهرب
أما الشديد القوي القادر أبو القادر
برميل تلامه و نشع علي مصر مـ الآخر
لو شافته معدده تكتب أدب ساخر
ثابت يقول للهرم يا كابتن اتاخر
و لم يزل معتقد إن الهرم حـَ يقوم
آدي الحجر والبشر قايمين يا سيد القوم
و الدين حـَ يترد يا اللي عشت متداين
يا مصر هانت و بانت كلها كام يوم
نهارنا نادي ونهار الندل مش باين

ده حكم أسرة و لا خوفو و لا خفرع
و لا وجع بطن يتعالج بزيت خروع
عمل مسوجر بعيد عنك و لا يطلع
جربنا فيه كل شىء مالقينا شىء ينفع
ما طلعش بالأدوية جربنا ألف طبيب
و لا بعطارة شيوخ ليهم بلح و زبيب
ولا بجحفل مغولي و ضرب بالقباقيب
عمل مسوجر و سفلي شغل تل أبيب
و شغل أمريكا متغلف و ختمه عليه
ضيف زارنا يا عم من غير دعوه لابس بيه
قعد تلاتين سنه ما بيقولش قاعد ليه
و النيه يديها لابنه النابغه بعديه
و يقول قضا و قدر بين البشر محتوم
قولنا له طيب و مين قال القدر معلوم
و ايش عرفك يا فخامتك بالذي كاين
يا مصر هانت وبانت كلها كام يوم
نهارنا نادي ونهار الندل مش باين




الله الله الله
يااااااااااااااااه
عالجمال والروعه والاحساس والتكامل الفني
كلمات والحان وعزف وغناء
شكرا من اعماق القلب
ربنا مايحرمنا منك ياعظيم يابو علي ياصلاح ياسياده الرئيس

[سيادة الرئيس]

تصد ق يارئيس أذني قليلا ماتطرب لغير الست لهذا فضلت أسمع قبل أن أحمل...ماهذا الجمال ينصر دينك؟ ممكن تتوسط لنا للحصول على مثل هذه القنابل من صديقك الخطير ده؟



عمي بشير الأنس .. الأحلى من ردك إنك شرفت موضوع ليا .. واحشنا يا رجل

[سيادة الرئيس]

اااااااااااااااااااااااااااااااااااااااااه

يامخرج ومقدم الروائع
يااروع الناس وافرحهم بالثوره
دمت لنا حبيبا دائما ياحبيب العمر



يبارك لي ربنا فيك يا محمود يا ذواق عشان فنان

[سيادة الرئيس]

على فكرة مفيش كلام

ايه الحاجات الحلوة دى عندك حق نرجوا سماعها اكثر من مرة

فى كل مرة تلاقى فيها جديد فين الحاجات دى من زمان



شكرا لك أخي محمد

[سيادة الرئيس]

ربنا يورينى فيك يوم ياصلاح .. هو أنا ناقص


سمعتها وتمعنت فيها .. فيها شغل يستاهل السمع


إن شاء الله .. أحللها .. حاضر


حبيبي يا ابو حسام

[يوسف الصفتي]

عمي بشير الأنس .. الأحلى من ردك إنك شرفت موضوع ليا .. واحشنا يا رجل

الله الله الله الله ،، صحيح والله الثورة بتطلع من جوه الناس جواهر ،، شكراً ومليون شكراً علي هديتك ،،، سمعنا وبكينا وربنا يخليكوا لينا ويديمكم لنا يا مصحيين وجداننا 24 ساعة

[جابر الحسيني]

شكرا يا أستاذنا لتعريفنا بهذا العمل الجميل الواعد ..
أول شيء يلفت في هذا العمل هو الغنى النغمي و التطريبي و التعبير الجميل عن المعاني ..

أما المفاجأة في هذا العمل فهو شيء جديد (بالنسبة لي) و قد يكون " تجديدا " في فن الطقطوقة و هو التمهيد (تغيير اللحن أو المقام) للغصن الموالي انطلاقا من المذهب الذي يتكرر و ليس انطلاقا من اللازمة الموسيقية كما تعودنا على ذلك .. لست أدري هل أتى الملحن مصطفى سعيد بشيء جديد في هذا المجال و لكن لا يحضرني مثال لطقطوقة لحنت على هذا النحو المهم أنه نفذ ذلك باقتدار و تمكن .. و الأساتذة ممكن يفيدونا أكثر في هذا الموضوع

[سيادة الرئيس]

أما المفاجأة في هذا العمل فهو شيء جديد (بالنسبة لي) و قد يكون " تجديدا " في فن الطقطوقة و هو التمهيد (تغيير اللحن أو المقام) للغصن الموالي انطلاقا من المذهب الذي يتكرر و ليس انطلاقا من اللازمة الموسيقية كما تعودنا على ذلك ..


إسمح لي ... يخرب بيت عقلك يا حساس جدا

شوفت أنا بحبك ليه

[محمد علي الزوالي]

عمل اكثر من رائع
احساس جبار فيه الجمال والحب والوطنية وكل شيئ
بارك الله لكم هدا العمل الجيد جدا واحر التهاني لمصر العظيمة

[سيادة الرئيس]

عمل اكثر من رائع




احساس جبار فيه الجمال والحب والوطنية وكل شيئ


بارك الله لكم هدا العمل الجيد جدا واحر التهاني لمصر العظيمة





تسلم يا أستاذ علي

و شكرا على التهاني

[kabh01]

ودي تحللها إزاي ومنين يا بو علي؟

صياغة اللحن أو التصوير أو التسلسل المقامي أو العفقات أوالقفلات المعصورة. ربنا يهد عدوينك يا مصطفى يا سعيد.......ذاكر النكتة اللي حكالنا ياها؟

حــــــــــــــــــــــــول

[بشير عياد]

و النيه يدّيها لابنه النابغه بعديه
و يقول قضا و قدر بين البشر محتوم
قُلنا له طيِّب و مين قال القدر معلوم ؟؟
و ايش عرَّفك يا فخامتك بالذي كاين ؟؟؟
يا مصر هانت وبانت كلها كام يوم
نهارنا نادي ونهار الندل مش باين
*****
لا لا
دي ثورة في كلّ شيء
هذا عمل أدارَ عقلي وأطارَ صوابي !!!!
الله يجازيكم خير
تميم البرغوثي ، مصطفى سعيد
ويجازيك يا سيادة الرئيس الذي لا نريد خلعه ولا غيابه أبدًا

[محمود العيادى]

سياده الرئيس..... ولا كلمه ...و نفس ..و لاتنهيده ... دي مش اغنيه ... دي حكايه ...يارب ما نتحرم من هداياك اللي زي دي .

[سعدالشرقاوى]

عمي بشير الأنس .. الأحلى من ردك إنك شرفت موضوع ليا .. واحشنا يا رجل

الله على جمالك يابو على
ياللى وحشنى وبتوحشنى وانا حتى معاك
كلمات ولحن اخر جمال
سلمتم
وعاشت مصرنا حرة

[حمدي السمر]

ياااا للجمال :emrose:

[الألآتى]

بسم الله نبدأ فى تحليل ( يامصر هانت )

يالهوى ..

لم أجد أقرب من هذا اللفظ لأبدأ به تحليل هذه النصيبة ( المصيبة ) التى جاءنا بها صلاح علام

وبصراحة كده وعلى بلاطة ... لقد خشيت من الخوض فى تحليلها .. بعدما رأيت أساتذتنا الموسيقيين تواجدوا فى الموضوع تباعاً

وبعد كلام الدكتور هلال .. الذى حملنى مسئولية وجعلنى أتحسس وأتلمس كل نغمة فى العمل .. لئلا أكون ( فُرجة فى المنتدى )

المهم ... توكلنا على الله

البداية من مقام الراست .. ومن درجة الراست أيضاً ..

وللأخوة الغير موسيقيين .. نقول أن مقام الراست يختلف عن درجة الراست ..

فمقام الراست .. هو المقام الشرقى الجميل الأصيل .. أما درجة الراست .. فهى نغمة ( الدو )

لازمة موسيقية قصيرة من الراست .. ليغنى المطرب الجميل ( مصطفى سعيد ) من الراست طبعاً

يامصر هانت وبانت .. كلها كام يوم ) .. ومن أولها نسمع الحِرفية فى الجملة اللحنية ..

فبينما يبدأ من نغمة الصول وينتهى عند الدو .. نجده فى الشطرة التالية ( لو مش مصدق تعالا ع الميدان عاين )

ينتهى عند الصول وليس الدو .. ولا نشعر أن القفلة معلقة .. ليييييه

لأنه قفل على درجة ركوز جنس الفرع للراست .. وهو راست برضه .. ولكن من الصول ( النوا )

وفيه حاجة كمان .. هو عايز يعيد نفس الجملة .. من الصول .. فهو أرسل نفسه للصول .. لتكون الإعادة طبيعية

وحينما أراد أن ينتقل للشطرة التالية ( ياناس مافيش حاكم إلا من خيال محكوم ) من جواب الدو

أعطانا ( تن ) من العود .. وهذه الـ ( تن ) من الدو الجواب .. خلصت الحكاية

ويمهد للحجاز عند ( إللى حايقعد فى بيته كأنه سلم التانيين ) ويمعن فى الحجاز بعدها فى ( وصلت لضرب الرصاص ع الخلق فى الميادين )

ويعود للراست مرة أخرى عند ( فاللى حايقعد فى بيته يبقى مش مفهوم ) إلى نهاية هذا الجزء

ولا يمكننا بالطبع أن نترك هذا الجزء بدون أن نشير للجماليات ( العُرب )

فنلاحظ أنه عند غناء ( يامصر أصبحنا أحيا وميتين مساجين ) لمس نغمة السى بيمول ليعود للحجاز من تانى

طيب ليه .. ماهو كان فى الحجاز أصلاً .. هذه هى العُربة التى تضيف جمالاً للجملة اللحنية ..

ولأنه يريد العودة للراست بطريقة مختلفة وليست تقليدية .. هل نقول أنه وضع خطة للحن ؟

أم نقول أنها موهبة فطرية وإحساس بالكلمات .. بالمختصر المفيد .. الراجل ده .. بيلحن كلام هو مقتنع به

ييييييه ... نسيت .. أهم حاجة فى قفلة هذا الجزء ..

هو طبعاً عاد للراست لينهى المقطع .. عارفين رجع منين ؟

رجع عن طريق النكريز ... يادى النيلة .. طيب ليه ؟ .. حانعرف فى الجزء إللى جاى ..

نسمع لازمة موسيقية من النكريز .. ويغنى ( نهارنا نادى وبإيدينا على فكرة .. الصبح عنده فضول راح نعمل إيه بكره )

عرفنا ليه هو قفل على النكريز .. لأنه أراد أن يغنى الجزء التالى من نفس المقام ..

وده بيفكرنى بلحن عمنا الموجى ( حانة الأقدار ) .. كان بيقفل على المقام إللى حايبدأ به الكوبليه التالى )

وده يحسم الجدال .. الراجل ده بيشتغل حسب خطة .. وليس جهجهونى ( أى كلام )

ويظل مع النكريز حتى ( أدخل ياأستاذ براحتك والبلد حرة ) .. فنجد أنه تحول لجنس الراست الفرعى

أى من درجة النوا .. ونريح نفسنا ونقول إنه عمل راست من النوا .. وخلاص .

وفجأتن .. أى والله فجأتن .. نلاقيه عمل صبا من الحسينى .. يالهوى .. فين الكلام ده

عند ( ياصبح طلعت روحنا لجل تيجى ياخى ) .. إيه إللى جاب الشامى للمغربى !!

هو مش كان فى راست النوا ؟؟!! .. وإحنا مالنا .. هو عايز كده ..

عمل إيه بعد كده ؟

ساب الرى بيمول ( بتاعة صبا الحسينى ) ومسك فى الرى ناتوريل ( بيكار ) .. ليه ؟

علشان يرجع لراست الدو من تانى .. ياخرابى

طيب .. إحنا قلنا .. إنه أنهى الكوبليه السابق على مقام النكريز .. علشان يبدأ الكوبليه الجديد بنفس المقام

تعالوا نشوف هو أنهى الكوبليه ده من أى مقام .. من مقام البياتى .. ودى تلاحظوها عند ( نهارنا نادى ونهار الندل مش باين )

أنا شخصياً .. ماعرفش أرجع الرجعة دى .. الكدب خيبة . دى عايزة مطرب قرارى أو على رأى صلاح علام ( آرارى )

المهم .. غنى الأستاذ مصطفى من البياتى ( ياصف عسكر بدال الدرع شيلوا إتنين )

وبعدين راح للصبا عند ( كان عنده برضه عساكر زيكم جامدين ) .. ونقدر نتجرأ .. ونقول إنه لمس البستنكار

لأنه رجع لغاية المى سيكا .. ( أحياناً ) ..

وإللى يأكد كلامنا .. إنه عمل ( هزام ) عند ( ياعسكرى البهوات إللى بتحميهم )

يعنى هو تعمد يعمل بستنكار .. علشان يروح للمى يبدأ منها الهزام .. مش محتاجة فكاكة يعنى ( ذكاء )

وبعدين يعنى .. إحنا لسه ماخلصناش نص الأغنية ..

عموماً .. نكمل فى المشاركة التالية .. لأنى تعبت من الجرى ورا التحويلات

[الألآتى]

وقفنا فين المرة إللى فاتت ؟

أه .. وقفنا عند الهزام و ( ياعسكرى البهوات إللى بتحميهم ) .. وبعدين ؟

بعدين .. عمل حجاز عند ( إضرب عشان الوزير من ضربتك يطرب )

ومنها لراست النوا عند ( لكن حاتشتغل إيه لما الوزير يهرب ) ثم نقلة جديدة تماماً لمقام العجم

فين الكلام ده .. عند ( أما الشديد القوى القادر أبو القادر ) ..

وعودة لراست الدو عند ( ثابت يقول للهرم .. ياكابتن إتاخر )

إللهى يوجع قلبك ياللى فى بالى .. مافيش جملة زى التانية ..

ونسأل أنفسنا .. هل عاد للراست حتى نهاية الكوبليه .. كده وخلاص ؟

إزاااى .. وده يصح برضه .. لازم يلف دماغنا .. يرجع عن طريق السوزناك ..

يعنى أخد الحجاز معاه وهو راجع .. حانلاقيه عند ( ولم يزل معتقد إن الهرم حايقوم )

ويتجه بعدها للراست حتى ( يامصر هانت وبانت كلها كام يوم )

فنجده تحول للكرد .. ويعود للرست لينهى الكوبليه ..

إقفش .. وسع .. الخماسى وصل ..

تحويلة لسلم الخماسى .. ولغير الموسيقيين نقول أن السلم الموسيقى الطبيعى سبعة درجات نغمية

لكن الخماسى خمسة درجات نغمية فقط .. وهو مقام مستعمل فى دول إفريقيا .. والسودان خاصة

نسمع الخماسى عند ( ده حكم أسرة ولا خوفو ولا خفرع )

ويتحول للعجم عند ( عمل مسوجر بعيد عنك ولا يطلع )

ويظل مع العجم .. مع زيارة قصيرة للحجاز .. ( ماطلعش بالأدوية .. جربنا ألف طبيب )

ثم تحويلة للنهاوند عند ( عمل مسوجر وسفلى شغل تل أبيب ) ..

وعودة للخماسى عند ( وشغل ألأمريكا متغلف وختمه عليه )

ومنه للنهاوند المرصع عند ( ضيف زارنا ياعم من غير دعوة لابس بيه )

ثم تحويلة للنوا أثر عند ( قعد تلاتين سنة مابيقولش قاعد ليه )

وعودة للراست عند ( قلنا له طيب ومين قال القدر معلوم ) وقفله حراقة ..

أو صاعدة حتى الدو ( جواب ) وتسمى كردان

وخلصت الحكاية .. وتوتة توتة .. ماخلصتش الحدوتة

أنا قعدت أجرى ورا الراجل ده لما إنقطع نفسى ..

مين حايعوضنى عن الخمستاشر كباية شاى والعشرتاشر علبة سجاير إللى شربتهم أثناء هذا التحليل المتعب

أرجو أن تلتمسوا لى العذر .. إذا كان هناك أخطاء أو هفوات فى التحليل ..

[سيادة الرئيس]

إلهي و انت جاهي يا ابو حسام يجعل اليابسه في إيدك خضره و يجعل رزقك عند رجلك

كشفت راسي عندها و قلت يا طاهرة يا ام العواجز أشوف فيك أسبوع هنا يا محمد يا ابن الآلاتي

يا راجل ألف شكر .. خلتني أحط وداني على مواطن جمال أكتر في العمل ده

أما عن خسايرك فليك عندي إتنين ( كوكو الضعيف ) و باكو ( العروسه ) و ربنا ما يحرمنا منكم يا أهل الفضل

[سيادة الرئيس]

سياده الرئيس..... ولا كلمه ...و نفس ..و لاتنهيده ... دي مش اغنيه ... دي حكايه ...يارب ما نتحرم من هداياك اللي زي دي .

و ربنا ما يحرمنا من ذوقك يا أستاذ محمود

[سيادة الرئيس]

يا عم محمد زوفة التحويلات إللي موجوده دي سببها كم التصوير الهايل إللي في الكلمات و أنا شايف إنه قدر يدي لكل كلمة نغمها إللي تستحقه و الكلمة ما غلبتهوش و طبعا ناهي حضرتك عن أسلوبه الجميل في الأداء الدرامي و وقفاته الموفقه على كتير من المعاني

و طبعا زي ما قولت في ردي على الست بلقيس . و حسها بحسه الموسيقى صديقنا الشاب جابر الحسيني . إنه عمل عمله أنا أول مره أسمعها و هيه إن إنطلاق تحويلته الجديده بتبدأ من نهاية الكوبلية ممهده للزمة الكوبليه الجديد ... حتى لما حط في خطته إن الكلام حيكون عن أسر فرعونية راح و من نفس مكان تحويله في كل الأغنيه (يا مصر هانت ... ) إداها نهاوند عشان يسلـِّك تسليكة الخماسي مستريحه و يقول شوية نوبي على أبوه .

و في حاجه مهمه أوي يا محمد .. إنت مش واخد بالك إنك و لأول مره بتحلل أغنيه فيها هجاء صريح للغير مأسوف على غورته هوه و أهله ;)

الشكر مره تانيه يا عم محمد يا آلاتي

[الألآتى]

و في حاجه مهمه أوي يا محمد .. إنت مش واخد بالك إنك و لأول مره بتحلل أغنيه فيها هجاء صريح للغير مأسوف على غورته هوه و أهله ;)




فعلاً كلامك صحيح .. لكن حاتصدقنى لو قلت لك .. إن ودانى مابتركزش فى الكلمات زى مابتركز فى المزيكا واللحن

يعنى أى أغنية بسمعها .. بعد ماتخلص .. مابقاش فاكر ولا كلمة منها .. الجملة اللحنية بس هى إللى بتفضل فى ودانى

طبعاً فيه إستثناءات .. زى أغنيتنا دى .. كلامها فظيع .. وعشت معاه بكل تركيزى

شكراً مرة تانية يابو على على هديتك الجميلة .

[بلقيس الجنابي]

يا عم محمد زوفة التحويلات إللي موجوده دي سببها كم التصوير الهايل إللي في الكلمات و أنا شايف إنه قدر يدي لكل كلمة نغمها إللي تستحقه و الكلمة ما غلبتهوش و طبعا ناهي حضرتك عن أسلوبه الجميل في الأداء الدرامي و وقفاته الموفقه على كتير من المعاني




و طبعا زي ما قولت في ردي على الست بلقيس . و حسها بحسه الموسيقى صديقنا الشاب جابر الحسيني . إنه عمل عمله أنا أول مره أسمعها و هيه إن إنطلاق تحويلته الجديده بتبدأ من نهاية الكوبلية ممهده للزمة الكوبليه الجديد ... حتى لما حط في خطته إن الكلام حيكون عن أسر فرعونية راح و من نفس مكان تحويله في كل الأغنيه (يا مصر هانت ... ) إداها نهاوند عشان يسلـِّك تسليكة الخماسي مستريحه و يقول شوية نوبي على أبوه .

و في حاجه مهمه أوي يا محمد .. إنت مش واخد بالك إنك و لأول مره بتحلل أغنيه فيها هجاء صريح للغير مأسوف على غورته هوه و أهله


الشكر مره تانيه يا عم محمد يا آلاتي



تمام التمام :emrose:

والان يا سي صلاح علام .. بما أن أخونا الغالي محمد الألآتي حلل اللحن أفضل ما يكون
جاء دوركم سيدي مع حسكم العااااااااااااااااااااااااااااااالي جدا في تذوق الموسيقى .. تحلل لنا لحن قصيدة أُخت المُعز الذي صنعه لنا بكل حواسه السمعية وجوارحه ، المايسترو { ألألآتي} وديرر بالك في جعبتي تحليل نصي للحن القصيدة لكن أُريد تحليل حضرتك وبيدك الكريمة ،، وكما قال العزيز أبوحسام .. عش اللحن وافصل الكلمات عند تموسق ألالات.
ستجد لحن:emrose: راائع جدا استخدم فيه عدة مقامات,

الان ننتظرك يا سيدي أنا والأستاذ المايسترو الكبير
شكراً مقدماً
:emrose:عزيز وغالي:emrose:

صباحك فـُل يا مصر

[بلقيس الجنابي]

إلهي و انت جاهي يا ابو حسام يجعل اليابسه في إيدك خضره و يجعل رزقك عند رجلك


كشفت راسي عندها و قلت يا طاهرة يا ام العواجز أشوف فيك أسبوع هنا يا محمد يا ابن الآلاتي

يا راجل ألف شكر .. خلتني أحط وداني على مواطن جمال أكتر في العمل ده


أما عن خسايرك فليك عندي إتنين ( كوكو الضعيف ) و باكو ( العروسه ) و ربنا ما يحرمنا منكم يا أهل الفضل



إلهي و انت جاهي يا ابو حسام يجعل اليابسه في إيدك خضره و يجعل رزقك عند رجلك


كشفت راسي عندها و قلت يا طاهرة يا ام العواجز أشوف فيك أسبوع هنا يا محمد يا ابن الآلاتي





:o:o:o:o
اللهم آمين اللهم آمين اللهم آمين

[kabh01]

يـا شيــــــــــــــــخ

أهو ده الكلام العدل

دي محاضرة لازم تدرس في المعهد الموسيقي...آه وربنا

ربنا يعطيك ألف عافية ويبارك فيك يا محمد يا آلاتي

حـــــــــــــــــــــول

[mazzikaty]

ربنا يورينى فيك يوم ياصلاح .. هو أنا ناقص

سمعتها وتمعنت فيها .. فيها شغل يستاهل السمع

إن شاء الله .. أحللها .. حاضر


انا عمرى ما شفت كدة دا مش تحليل ابدا
مش عارف اوصف او اعبر
كل اللى اقدر اقوله لحضرتك
......................
مش عارف برضة
شكرا ليك

[سيادة الرئيس]

حـــــــــــــــــــــول



هوه إيه موضوع ( حول ) ده

أوع تكون شتيمه و لا حاجه

[kabh01]

هوه إيه موضوع ( حول ) ده

أوع تكون شتيمه و لا حاجه



:mdr::mdr:

[سيادة الرئيس]

:mdr::mdr:


برضه ما قولتش ؟؟

[kabh01]

برضه ما قولتش ؟؟


هذا مصطلح عسكري يا بوعلي. بما أننا أصبحنا جميعا ثورجيين

حــــــــــــــــــــــــــــــــــــــــــــوِّل
:mdr::mdr:

[سيادة الرئيس]

من أين يأتي بهذه القدرة على لبس العمل بهزليته الفائقة

( المدعوئه دي بخنافتها ) جاء ذكرها في الثلث الأول من العمل لكن من البداية ( خنافتحها ) محققة في أدائه


و الله حتى عوده كأنه ( واخد له شمَّه )

__________

إشمعنى يا نخ
الكوكايين كخ
دا أكل المخ
هلكنا اعمله على غيرنا
رايح لي تطخ
وجاي تبخ
شطب
هو أنت شريكنا حتى في مناخيرنا ؟
إيش عرفك انت يا دونكي
المدعوئة دي بخنافتها
بتكلفني كوكايين كام في ليلتها ؟
ياما راح قناطير جواها
من القزايز إياها
صحة ماصحة ... لا إله إلا الله
راحت مورتو
العايز أهبل يا خواجه زنفل
و يروح أبو زعبل
وأبوه علشان تنشيقه
و لا خمسة جرام
ولاعشرة جرام ... بيقضوا أخوك
دا انا اشطب على ميت توريقه
مش غايته الجيب حـَ ينفض
إيه يعني
المخ يأكسد
إيه يعني
نشمه أبيض .. يطلع إسود
ياما حُكما و أجزاجيَّة
ياما حانوتيَّة و ترابيَّة
بقوا أغنيَّا
على حس الكوكايينجيَّه
شوف الدنيا
مابقينا صمٌ بكمٌ عميٌ
شوروروم بوروروم
يا أفندي البيجي بيجي بيجي
من السما إحنا وقعنا لك
وانتي استلقيتينا
يا مصلحة الجمارك
حـَ تلاقينا تفليته ورا تفليته
رايحيين ميَّة ورا ميَّة
وآخرتها تري بتي تيتي
عـَ العباسية
حوشيني يا امه
عـَ العباسية
دي مناخيري
طولت شويه


العباسية : الأسم المتداول لمستشفى الأمراض العقلية

__________


من سهرة في دبي 25-2-2011

الكوكايينجيَّه

كلمات : بديع خيري
ألحان : سيد درويش
عود و أداء : مصطفى سعيد

[kabh01]

يا سيدي إرحم............دماغي

دي ببيت "كمان" ؟
:mdr::mdr:

[سيادة الرئيس]

يا سيدي إرحم............دماغي



دي ببيت "كمان" ؟



أمال في الشارع يعني :mdr::mdr::mdr:

[حمدي السمر]

هكذا يكون تجسيد الكلام علي النغم
ربنا يكرمك سيادة الرئيس ويكرم هذا المصطفي :emrose:
في زمن الغناوي الغش ,,,
______
استحضرتني هذه الادائية في العمل الجميل يامصر هانت

ده حكم أسرة و لا خوفو و لا خفرع
و لا وجع بطن يتعالج بزيت خروع
عمل مسوجر بـعـيد عنك و لا يطلع

هذا المصطفي يعرف من اين توكل كتف الاداء
شكراً لكم بحق :emrose:

[سيادة الرئيس]

استحضرتني هذه الادائية في العمل الجميل يامصر هانت

ده حكم أسرة و لا خوفو و لا خفرع
و لا وجع بطن يتعالج بزيت خروع
عمل مسوجر بـعـيد عنك و لا يطلع

هذا المصطفي يعرف من اين توكل كتف الاداء


ماهو بيتكلم عن أسر فرعونية فلازم يروح أعلى مصر .. النوبه يعني فخده فكره الجميل لتحويله نهاوند يسلك منها الخماسي بتاع النوبه حتى كمان غني بأسلوبهم ... وطبعا جت على مزاج حضرتك يا أصحاب الخماسي في سودانا العزيز

[بشير عياد]

الليـــــلة
(( الأحد ، 27 مارس ))
مصطفى سعيد
بـ " سهرة الأحد "
إذاعة " صوت العرب "
*****
إلى كلّ الذينَ أحبّوا فنّ الموهوب مصطفى سعيد
تلتقونَ معهُ الليلة ـ الأحد ، 27 مارس 2011م ـ في فقرة من فقراتِ برنامج " سهرة الأحد " الذي يذاعُ على موجةِ إذاعةِ " صوتِ العرب " لمدة خمسٍ وأربعين دقيقة ً بدءًا من الواحدة والنصف بعد منتصف الليل (( بتوقيتِ القاهرة )) ، تستمعونَ إلى حوار معه ، ومقتطفات من أعمالِهِ الرائعةِ التي انطلقت من قلب ميدان التحرير .
السهرة من إعداد وتقديم : محمد عبد العزيز

[سيادة الرئيس]

شكرا على التنويه يا أستاذ بشير

لكن لسوء حظي لسه شايفه دلوقت

[سيادة الرئيس]

و بعد إذن حبيبي كمال القصار إللي مَنَ عليّا بيها

يا سادة

غيري على السلوان قادر

بصوت

عصير أصوات العصر الماسي

صالح عبد الحي

ألف هنا و شفا

[kabh01]

دي رابع مرة أسمعها وأستمتع بها بعد أن أهداني إياها أبو ماهر يا صلاح وما زلت لا أشبع منها كلما تعمقت في كل عربة فيها. أرجو من أي مستمع مخضرم هاو تسجيلات برنامج ألحان زمان يكون قد سجل هذه الحلقة عن صالح أفندي لكي يزودنا بها كاملة . فكما قال لي كمال بأن صوت المقدمة قبل التسجيل هو صوت هالة الحديدي. وشكرا سلفا. ومرسي لألك يا خواجا!

[سعدالشرقاوى]

عام بيعدّى وييجى العام
نلقى معاه أحلى الايام
يبقى تاريخ النور فى حياتنا
هوّ ميلادك يابو علام

عشان انت رائع
كل حاجه لك حلوة
كل عام وانتم بخير
يابوعلى
متعكم الله بالصحة والعافية

[Islam Eidrisha]

عنوان الملف بحد ذاته يعتبر سبق غير مسبوق
أن يغني الأفندي غير على السلواني قادر
هذه المفاجأة كفيلة أن تبهرنا حتى قبل السماع والاستمتاع
مما دعاني لسماعها بأصوات كل من أدى هذه الدرة من أم كلثوم وما قبلها
الشيخ أبو العلا محمد والشيخ أحمد الشيخ والسلطانة منيرة المهدية والشيخ سيد الصفتي والست سكينة حسن فلم يتفوق أحد في أدائها على الشيخ أبو العلا محمد من وجهة نظري يأتي من بعده الأفندي هنا فقد أداها بطريقة وصبغة مختلفتين عما قبله خاصة الدخلة الموسيقية الجميلة والعجيبة والتي لا تتوقع بعدها أن يبدأ بقصيدة غيري على السلوان قادر
عفوا هذه ليست تورتاية تفنى بأكلها بل هي تحفة ودرة للفرجة تسر الناظرين وتشرح النفوس
دائما ما يهل علينا يوم ميلادك بالنوادر والعجائب والهدايا الثمينة فهل نستأذنك أن نجعله كل سنة عيد للسميعة؟
كل سنة وانت طيب يا أبا علي

[سيادة الرئيس]

أرجو من أي مستمع مخضرم هاو تسجيلات برنامج ألحان زمان يكون قد سجل هذه الحلقة عن صالح أفندي لكي يزودنا بها كاملة . فكما قال لي كمال بأن صوت المقدمة قبل التسجيل هو صوت هالة الحديدي. وشكرا سلفا. ومرسي لألك يا خواجا!




يا ريت يا هلال ... ده المطلوب

[سيادة الرئيس]

عام بيعدّى وييجى العام

نلقى معاه أحلى الايام
يبقى تاريخ النور فى حياتنا
هوّ ميلادك يابو علام

عشان انت رائع
كل حاجه لك حلوة
كل عام وانتم بخير
يابوعلى

متعكم الله بالصحة والعافية



ربنا ما يحرمنا من رباعياتك يا عم سعد على الدوام ... شكرل لك

[سيادة الرئيس]

عنوان الملف بحد ذاته يعتبر سبق غير مسبوق
أن يغني الأفندي غير على السلواني قادر
هذه المفاجأة كفيلة أن تبهرنا حتى قبل السماع والاستمتاع
مما دعاني لسماعها بأصوات كل من أدى هذه الدرة من أم كلثوم وما قبلها
الشيخ أبو العلا محمد والشيخ أحمد الشيخ والسلطانة منيرة المهدية والشيخ سيد الصفتي والست سكينة حسن فلم يتفوق أحد في أدائها على الشيخ أبو العلا محمد من وجهة نظري يأتي من بعده الأفندي هنا فقد أداها بطريقة وصبغة مختلفتين عما قبله خاصة الدخلة الموسيقية الجميلة والعجيبة والتي لا تتوقع بعدها أن يبدأ بقصيدة غيري على السلوان قادر
عفوا هذه ليست تورتاية تفنى بأكلها بل هي تحفة ودرة للفرجة تسر الناظرين وتشرح النفوس
دائما ما يهل علينا يوم ميلادك بالنوادر والعجائب والهدايا الثمينة فهل نستأذنك أن نجعله كل سنة عيد للسميعة؟
كل سنة وانت طيب يا أبا علي





يا عم إسلام يا سميع بالأوي ... أشكر كلماتك

[سيادة الرئيس]

أبريل 1970

و نبؤة صلاح جاهين التي تحققت

لا . . قولوا ورايا :

نـَهـَضَ
عـَبـَرَ
فـَتـَحَ
نـَصـَرَ

الدرس انتهى لموا الكراريس

ألحان : سيد مكاوي
غناء : شادية
___________


وَثـَبَ
قـَفـَزَ
قـَذَفَ
قـَتـَلَ

الدرس انتهى لِمّوا الكراريس
بالدم اللى على ورقهم سال
فى قصر الأمم المتحدة
فـ مسابقة لرسوم الأطفال
إيه رأيك فى البُقع الحمرا
يا ضمير العالم يا عزيزى
دى لِطفلة مصرية و سمرا
كانت من أشطر تلاميذى
دمّها راسم زهرة
راسم راية ثورة
راسم وجه مؤامرة
راسم خلق جبابرة
راسم نار
راسم عار
عـ الصهيونية و الاستعمار
و الدنيا اللى عليهم صابرة
و ساكتة على فعل الأباليس
الدرس انتهى
لِمُّوا الكراريس

وَثـَبَ
قـَفـَزَ
قـَذَفَ
قـَتـَلَ

إيه رأى رجال الفكر الحر
فى الفكرة دى المنقوشة بالدم
من طفل فقير مولود فى المر
إنما كان حلو ضحوك الفم
دم الطفل الفلاح
راسم شمس الصباح
راسم شجرة تفاح
في جناين الإصلاح
راسم تمساح
بألف جنــاح
فى دنيا مليانه بالأشباح
لكنها قلبها مرتاح
و ساكتة على فعل الأباليس
الدرس انتهى لِمُّوا الكراريس

وَثـَبَ
قـَفـَزَ
قـَذَفَ
قـَتـَلَ

إيه رأيك يا شعب يا عربى
رأيك إيه يا شعب الأحرار
دم الأطفال جايلك يحبي
يقول انتقموا من الأشرار
و يسيل على الأوراق
يتهجى الأسماء
و يطالب الآباء
بالتار للأبناء
و يرسم سيف
يهد الزيف
و يلمع لمعة شمس الصيف
فى دنيا فيها النور بقى طيف
و ساكتة على فعل الأباليس
الدرس انتهى لِمّوا الكراريس

وَثـَبَ
قـَفـَزَ
قـَذَفَ
قـَتـَلَ

لا . . قولوا ورايا
نـَهـَضَ
عـَبـَرَ
فـَتـَحَ
نـَصـَرَ

[سعدالشرقاوى]

رائعة
الدرس انتهى
وعودة الى
زمن الفن الجميل
بارك الله لكم
استاذنا
صلاح علام
لكم التحية والتقدير

[albujairami]

يا سلام ، لحن جميل و غني بجمله الموسيقية و التحويلات النغمية التي كانت بديلا عن الإنزياحات اللغوية التي نزرت في النص . المجاز الذي استعمله في السلم الخماسي في ,, ده حكم أسرة ولا خوفو ولا خفرع،،رائع و لا سيما أنه جعله كناية موسيقية عندما أعاد استعماله في الأمريكا فقد كنى بذلك عن فرعنة التصرفات الأمريكية خلافا لادعائها نصرة الديمقراطية . عمل محكم و جميل .:cool:

[محمد معاذ]

عندي سؤال للأخوة الأفاضل في هذا الموضوع النادي
لهذا المصطفى السعيد خالص

ياترى حضرة هذا المبدع
مصطفى
مصري ولا فلسطيني
وللكل صاحب جهد فضل ومحبة

[سيادة الرئيس]

المجاز الذي استعمله في السلم الخماسي في ,, ده حكم أسرة ولا خوفو ولا خفرع،،رائع و لا سيما أنه جعله كناية موسيقية عندما أعاد استعماله في الأمريكا

( وشغل أمريكا متغلف و ختمه عليه ) في الجزأ ده إستخدم و براعه تسلسل ( بلوز ) من ( نيوأورليانز )

[سيادة الرئيس]

عندي سؤال للأخوة الأفاضل في هذا الموضوع النادي

لهذا المصطفى السعيد خالص

ياترى حضرة هذا المبدع
مصطفى
مصري ولا فلسطيني
وللكل صاحب جهد فضل ومحبة



هو من مصر و من أصل طنطاوي

و كاتب الكلمات من أب فلسطيني و أم مصرية

[محمد معاذ]

أسمحوا لي بتعرف الأخوة هنا بالمبدع السعيد
مصطفى
دا حوار في جريدة المصري اليوم يكشف بعض جوانب شخصيته وابداعه
==========================================ملحن قصيدة «يا مصر هانت وبانت» مصطفى سعيد: لم أقدم شيئا للثورة.. وسأقول «لا» للتعديلات الدستورية

كتب هيثم دبور ١٦/ ٣/ ٢٠١١بين أوتار عوده وحركة أصابعه تغدو الثورة نغما مميزا يستطيع من خلاله أن يعكس الأمل والرجاء اللذين وضعهما تميم البرغوثى فى قصيدته «يا مصر هانت وبانت».. يدندن مصطفى سعيد بما كتبه «البرغوثى» فيتحول اللحن والكلمات إلى حالة مستمرة معك مثلما تستمر الثورة فى نفوس من شاركوا بها كوابل الرصاص وهاجس الفشل وضبابية الغد وصحبة الغريب وأمل النصر والاستمرار.. من لبنان يتحدث مصطفى سعيد لـ«شباب اليوم»:
■ ما دور مؤسسة التوثيق والبحث فى الموسيقى العربية التى تعمل فيها مديرا؟
- هى مؤسّسة تسعى إلى جمع الوثائق المسجّلة منذ مطلع القرن العشرين على أسطوانات أو أقراص أو أشرطة ريل إذاعيّة تحوى مواد موسيقيّة عربيّة وتحويلها إلى مادّةٍ رقميّة ثم تنظيفها من الشوائب الصوتيّة الناتجة عن بدائيّة وسائل التسجيل آنذاك وأيضاً عن عوامل الدهر، وبعد ذلك نشرها مع تحقيقٍ مكتوب لكى تكون متاحة للجميع على شبكة المعلومات.
■ الثورة بألوانها وحركتها وتناغمها الشديد كيف رأيتها بعينيك؟
- ما بلاش حكاية عينىّ تحديداً، لأن ساعتها سأقولها لك بصراحة «مشفتش حاجة يا سيدنا»، أمّا عن قضيّة ألوان الثورة فهى ألوان الشعب المصرىّ، هى مصر بكامل أطيافها وأشكالها، هى النيل بواديه ودلتاه، هى الصحراء، سيناء والواحات، يعنى لا أطيل عليك الثورة هى مصر وربّك يسترها وتظلّ كما بدأت.
■ كيف جاءتك فكرة تلحين قصيدة «يا مصر هانت»؟
- كما جاءت فكرة تأليفها لمؤلّفها.
■ وما كان تعليق تميم البرغوثى عليها؟
- قال لى إنّه يحبّ هذا النوع من الموسيقى فوجد اللحن مناسباً لها، لكن أفضّل فى هذا سؤاله هو فلا يُسأل عن رأى إلا صاحبه.
■ هل كنت تتوقع نجاح القصيدة المغناة خاصة مع ابتعاد المصريين عن القصائد المغناة؟
- لم أكن أرجو من تلحينها نجاحاً أو غير نجاح، فقل لى أنت، هل حينما نزلتَ إلى الشارع فى الخامس والعشرين من يناير الفائت، هل كنت تنظر إلى هذا التحقيق الذى أنت بصددِه الآن؟ أو هل كنت تنظر إلى الحادى عشر من فبراير وما تبعه؟ أو، ما هى العين - ولا تؤاخذنى على حكاية العين دى - ما هى العين التى كنت تنظر بها إلى المستقبل آنذاك؟
■ كيف ترى التعديلات الدستورية الأخيرة؟
- أتمنّى ألا تنقطع عادة الشعب المصرى فى قول (لا) وأن يصرّوا على مبدأ الثورة الأوّل (الشعب يُريد إسقاط النظام).
■ وما رأيك فى عدم السماح للمصريين المقيمين بالخارج بالمشاركة والتصويت؟
- من منظارٍ شخصىّ حاولت قدر استطاعتى العودة إلى مصر للمشاركة فى التصويت وقول (لا) بما أوتيت من قوّةٍ، غير أن تجديد الإقامة هو الذى منعنى من ذلك لكون جواز سفرى مع الأجهزة المخوّلة بتجديد الإقامة، أمّا من منظورٍ عام فأنا لا أرى إلا أن هناك علامة استفهام حول عدم فتح باب التصويت فى السفارات وعلامة استفهام كبيرة كمان؟ لكن.. كلّى ثقةٌ فى إخوتى الثوّار وأقول لهم «يا ليتنى كنت أستطيع أن أكون معكم لقول كلمة (لا) فأفوزَ فوزاً عظيما».
■ هل تسعى لتقديم أعمال أخرى عن الثورة؟
- لم أقدّم شيئاً للثورة، ليت فى استطاعتى تقديم شىءٍ لهذه الثورة التى كنت فيها أقلّ من فردٍ عادىّ، ولا يسعنى أن أُقدّم لها إلا ما قد خجلت وشرفت فى نفس الوقت بتقديمه وهو الانتماء لها كانتمائى لمواطنتى، أمّا خجلى فلعدم استطاعتى تقديم أكثر من الانتماء.
■ وما أعمالك المقبلة؟
- بصدد إصدار عزفٍ منفردٍ على العود يضمّ سبع مقامات على نظريّة الموسيقى العربيّة الفصحى إذا جازت هذه التسمية كما أنّ هناك سماعاً غنائياً يطول الحديث عنه.
■ كيف ترى الغد؟
- «يضحك» مش عارف أنا من أوّل الحوار وانتَ عمّال تقوللى ترى وعينيك، إنت شايفنى «زرقاء اليمامة»! أكيد خير، كلّ الخير لمصر ولشعب مصر الطيّب.

[د أنس البن]

شكر واجب
وإن جاء متأخرا
لكل من الأحباب المحترمين
صلاح علام:emrose:
أبو حسام الآلاتى:emrose:
ولكل مبدعى هذا العمل الرائع
الشاعر تميم البرغوتى:emrose:
والفنان مصطفى سعيد:emrose:
بارك الله فيكم جميعا وأكثر من أمثالكم
رغم أنف الحاقدين

[علي سيف]

الله الله على الجمال وصحيح هانت وبانت:mdr::mdr:

[الألآتى]

شكر واجب

وإن جاء متأخرا
لكل من الأحباب المحترمين
صلاح علام:emrose:
أبو حسام الآلاتى:emrose:
ولكل مبدعى هذا العمل الرائع
الشاعر تميم البرغوتى:emrose:
والفنان مصطفى سعيد:emrose:
بارك الله فيكم جميعا وأكثر من أمثالكم
رغم أنف الحاقدين


إتأخر براحتك يادكتور .. يكفينا تشريفك للموضوع

والحقيقة .. من يستحق الشكر بجد

هو أبو على .. مكتشف الدرر الثمينة

[aliwaza]

http://www.moshreq.com/up/uploads/fb15a26baf.jpg

مبروك للشاعر تميم البرغوثى الجنسية المصرية ومبروك علينا تميم

[سيادة الرئيس]

http://www.moshreq.com/up/uploads/fb15a26baf.jpg


مبروك للشاعر تميم البرغوثى الجنسية المصرية ومبروك علينا تميم



أي و الله ألف مبروك علينا إبننا و ابن مصر الموهوب تميم البرغوثي

[الجندىالاصيل]

اخى الكريم جزاكم الله خيرا على هذه التحفة المصرية الاصيلة لقدسعدت كثير بالاستماع اليها والاستمتاع بها ولكن اذا
كان عندنا عمالفة مثل مصطفى وتميم فلماذا كان الاحاح على اسماعنا ليل نهار بهذا المسخ المسمى بلاغنية الشبابية
حتى ظننا انه لايوجد على الساحة غير ذلك

[aminsaleh]

ما شاء الله على لحن الأغنية التي ليس من سهولة كلماتها أن تلحن.... ومع ذلك موهبة مصطفى سعيد كانت قاهرة لكلمات الأغنية وتطويعها للحن يشدو به السامع... وما أجمل التحويلات التي كانت سهلة ممتنعة....
و ما شاء الله على كلمات الأغنية من الشاعر تميم البرغوثي .... بارك الله فيكم... وأنتم بهذا تضعوا أثقالا على عاتقكم حيث أنكم قادرين على إثراء الساحة الفنية بدرر كتلك التي أبدعتما فيها...

هنيئا لكما وهنيئا للسميعة....

[ahmed genena]

بسم الله العلى العظيم خالق كل شئ جميل .....هذه أول مشاركة لى كتابةً ولقد أسعدنى الحظ برؤية أحد البرامج وكان الضيف فيها المبدع مصطفى سعيد وإلى جواره شاعرنا الفاجومى أحمد فؤاد نجم وقد إتصل الموسيقار العظيم عمار الشريعى بالبرنامج وأثنى بشدة على اللحن

[سيادة الرئيس]

زانها بالحضور و تشرفت بهم :

أستاذنا و آسي أرواحنا الدكتور : الباز
الفنان الرائع : مصطفى سعيد
السيدة الفاضلة : والدة مصطفى سعيد
الفنانة السورية : إيمان باقي
الصديق العزيز الدكتور : جورج
الرقيق الغالي : جرجس
الشاعر الكبير : كمال عبد الرحمن
عصفورنا الطاير الأستاذ : جمال
و طبعا الغالي و العزيز الضبع الشهير بـ : ياسين

تمتعت و أسرتي بهم أيما إستمتاع و بالطبع كانت ذروة متعتنا جميعا الإستماع إلى فنون ( إيمان و مصطفى )

أبدأ بواحدة لمصطفى قالها بكل قدرة رغم تفاصيلها اللحنية بالغة التعقيد

مصطفى سعيد

إللي يحب الجمال

[سيادة الرئيس]

رفعها مشكور العزيز : جرجس

‫ظ…طµط·ظپظٹ ط³ط¹ظٹط¯ - ط§ظ„ظ„ظٹ ظٹط*ط¨ ط§ظ„ط¬ظ…ط§ظ„‬‎ - YouTube (http://youtu.be/kRbLB9BA8uY)

[Hisham Khala]

الله يا سيدي الله
الاداء جميل قوي لدرجة قريبة من اداء عبد الوهاب

[ليلى ابو مدين]

الله يا سيدي الله
الاداء جميل قوي لدرجة قريبة من اداء عبد الوهاب


والله عندك حق يا دكتور هشام
أداء أكثر من رائع وفعلاً قريب الشبه جداً من أداء عبد الوهاب
ولو سمعناه دون أن نعرف من الذي يغني لأعتقدنا انه عبد الوهاب نفسه
ماشاء الله مطرب متمكن جداً
والشكر للأستاذ جرجس لرفعه هذه التحفة لموسيقار الأجيال عبد الوهاب
خالص تحياتي واحتراماتي
ليلى ابو مدين

[سيادة الرئيس]

" قصب " و ما أدراك ما " قصب "

و " رق الحبيب " و ما أدراك ما " رق الحبيب "

أعتبرها كخمسة " بيتهوفن " في إستخدامها كعلامة تأريخ له .. فهذه كانت قبل الخامسة و تلك بعدها

و بالبلدي الفصيح شوفوا لما ملحن يحترم " كلمة " فيغير خطته الإيقاعية المصاحبة للحنه البديع في " حقل " واحد بس و اخوه اليامه التانيه

هـجرت كـل خـليـل لــيا و فضلت عايش مـع روحي
أحسن يبان شئ فـ عنيا من كتر خوفي على روحي

و بالتحديد أكتر ( خليل و شئ )

شوفوا يا اخوانا ليلة البيتين ضربهم ( سماعي طاير )

http://www.sama3y.net/forum/attachment.php?attachmentid=271356&stc=1&d=1318961900

حاجه كده نغشه و بتتنطط ما بين ( دومايه ) و ( تكتين ) و تقدر تقول للتقريب ( فالس )

طب و حياة أبوكم جربوا تزنوا البيتين على ( سماعي طاير ) . . يعدوا . . بس ( خليل و شئ ) معديين بالعافيه و ( مدهم ) متاكل حقه . . بس الفالس حلو و مناسب حتى للسير الدرامي و أنعش إللي سبقه من كلام و لحن .

يقوم سيدي قصب نازل على ( هجرت كل حبيب لـ . . ) و ( أحسن يبان شئ فـ عنـ . . ) بـ ( سماعي تقيل )

http://www.sama3y.net/forum/attachment.php?attachmentid=271355&stc=1&d=1318962276

و يا تقيل يا قصب و يا أسطى يا قصب

عشان ( خليل و شئ ) بقدروا يتنفسوا و يخدوا ( مدد مدودهم ) بكل راحه

و بكل أستذه يرجع عمي القصب لـ ( دوم ) الفالس من ياء ( . . ـيا و فضلت عايش مـع روحي ) و ( . . ـيا من كتر خوفي على روحي )

عيزك بئى تسمع ( المرفق طيه ) و تتمعن في زمن كان الملحن فيه بيحترم الكلمة و يمكن توصل للحرف قصاد يومين بنعيشهم فيهم ملحنين بيلحنوا بالشاكوش و لمبة الأوكشوشجين بتاعة سمكري العربيات .

[الألآتى]

المجنون رجع تانى

فينك يا أبو على .. ياعينى على ودانك إللى بتجيب الزعابيب دى

أنا فضلت ماشى ورا الإيقاع .. لغاية لما لقيتنى دخلت فى حارة سد

فيه دُم تايهه فى النص .. زيادة بقى ولا نقصان .. مش واخد بالى

تخيلت .. إنى لو حاولت أنفذ رق الحبيب موسيقياً .. حاجى عند الحتة دى .. وأتوحل

هى حاتيجى .. بس بعد مشاوير

لاحظ كمان ياعم صلاح .. إن الرقّاق بيترجم الكلام واللحن .. يعنى بيغنى معاهم .. مش ماسك الواحدة وخلاص

ومافيش داعى نتكلم على اليومين دول .. بتوع السمكرية .. خلّى الطابق مستور

حمدلله على السلامة يافنان

[رائد عبد السلام]

ياصباح النور والسرور
وحلاوة ظبطياتك ياأبو علي

أنا مش عارف ليه الناس ما بتاخدش الألماظات
دي وتعملها نغمات موبايل بدل الرعشة اللي بنسمعها


أنا مش فاهم في اللي معاليك كتبته
عن تصاريف الموسيقي
بس عجبني (الصهللة) اللي في المقطع

[سيادة الرئيس]

حبيبي يا عم الآلاتي و ربنا ما يحرمنا من الجنان ده على الدوام


فيه دُم تايهه فى النص .. زيادة بقى ولا نقصان .. مش واخد بالى





لا في نقصان و لا زيادة و الأسطى مظبط المسائل على الشعرة و حياتك

( دوم ) السماعي بتدخل على ج ( هجرت ) و يكمل طقم السماعي الوحيد عشان يرجع ( دوم ) الفلس من ي ( ليا ) و يعيدها سماعي وحيد ( دوم ) على أ ( أحسن ) و يرجع ( دوم ) الفلس من ي ( عنيا ) بالتمام و الكمال

و الله الموفق

الله . الوطن . القصبجي . بالأمر

[سيادة الرئيس]

ياصباح النور والسرور

وحلاوة ظبطياتك يا أبو علي




صباحك أبيض من شاش مستشفى الدمرداش ( أيام مجدها )

ربنا ما يحرمني من دخلتك عليا يا عم رائد

[د أنس البن]

لفته ذكيه يا ابو على لا ينتبه لمثلها
الا فنان بدرجة سميع قرارى
أما من ناحيتى فهذا اللحن الفذ كنت ولا زلت أعتبره
فلته فنيه خرجت من عبقرية القصبجى
فى ظرف زمانى لا يمكن فهمه أو ادراك أسراره
لأنه لحن غير عادى لا مثل ولا نظير له
فى كل ألحان الست ام كلثوم
وطبعا بدون مبالغه
وأتصور أن خبرة القصبجى الكبيره
ومعايشته لكلاسيكيات عصر النهضه
وادمانه على حضور حفلات الكونسير
والانصات لهذه الموسيقى من منابعها
كل هذا كان له أثر كبير فى الإعداد لرق الحبيب
التى لم ولن تتكرر
وعلى نفس النهج الذى اتبعته فى تحليلك
لجمله ايقاعيه واحده وما فيها من لطائف
تناسب المعنى والكلمه , يمكن أن نستخرج من هذا اللحن
بلا مبالغه عشرات النقاط العبقريه
التى تؤكد أن القصبجى لم يكن فى حاله بشريه طبيعيه
وهو يبدع هذا اللحن
بدليل أنه لم يكرره بعد ذلك
واكتفى بالجلوس عوادا فى تخت الست
تأمل مثلا الفقره التى سبقت "هجرت كل خليل ليا"
تأمل التركيبه اللحنيه العجيبه الغريبه
من أول "طلع عليا النهار"
يصور لك ان فيه نهار طالع فعلا
"وغنت الأطيار" تكاد مع اللحن تسمع غنى الأطيار
وبعدين يروح ناقل الى لحن كله بهجه وفرح ونشوه
تعبر عن حالة المحب "وفضلت افكر فى معادى"
شوف الفرحه فى "من فرحتى بدى اتكلم"
وشوف التوجس والحسره فى "لكن أخاف ليكون بينهم"
وبعدين يروح ناقل على الفالس اللى جنابك أفضت فى بيانه
الخلاصه الغنوه كلها تهبل
من أول رق الحبيب وواعدنى
وانتهاء ب وفضلت خايف على عمرى
من غير ما اشوف حسن حبيبى

[يحيى زكي]

الواحد من زمان بيعشق الاغنية دي.........ليه مش عارف؟؟؟؟؟ لحد ما جاء عم صلاح وقعد يشرح(من التشريح) في كلمة واحدة وجملة موسيقية واحدة ورغم ان الواحد مابيعرفش من هذاا لفن الاالاستماع والاستمتاع كما انني فرحت بتواجد العماليق في التعليق وزاد عشقي لهذه الرقة الحبيبية .ربنا مايحرمنا منكم......

[سيادة الرئيس]

أما من ناحيتى فهذا اللحن الفذ كنت ولا زلت أعتبره
فلته فنيه خرجت من عبقرية القصبجى
فى ظرف زمانى لا يمكن فهمه أو ادراك أسراره
لأنه لحن غير عادى لا مثل ولا نظير له
فى كل ألحان الست ام كلثوم
وطبعا بدون مبالغه
وأتصور أن خبرة القصبجى الكبيره
ومعايشته لكلاسيكيات عصر النهضه
وادمانه على حضور حفلات الكونسير
والانصات لهذه الموسيقى من منابعها
كل هذا كان له أثر كبير فى الإعداد لرق الحبيب
التى لم ولن تتكرر
وعلى نفس النهج الذى اتبعته فى تحليلك
لجمله ايقاعيه واحده وما فيها من لطائف
تناسب المعنى والكلمه , يمكن أن نستخرج من هذا اللحن
بلا مبالغه عشرات النقاط العبقريه
التى تؤكد أن القصبجى لم يكن فى حاله بشريه طبيعيه
وهو يبدع هذا اللحن
بدليل أنه لم يكرره بعد ذلك
واكتفى بالجلوس عوادا فى تخت الست
تأمل مثلا الفقره التى سبقت "هجرت كل خليل ليا"
تأمل التركيبه اللحنيه العجيبه الغريبه
من أول "طلع عليا النهار"
يصور لك ان فيه نهار طالع فعلا
"وغنت الأطيار" تكاد مع اللحن تسمع غنى الأطيار
وبعدين يروح ناقل الى لحن كله بهجه وفرح ونشوه
تعبر عن حالة المحب "وفضلت افكر فى معادى"
شوف الفرحه فى "من فرحتى بدى اتكلم"
وشوف التوجس والحسره فى "لكن أخاف ليكون بينهم"
وبعدين يروح ناقل على الفالس اللى جنابك أفضت فى بيانه
الخلاصه الغنوه كلها تهبل
من أول رق الحبيب وواعدنى
وانتهاء ب وفضلت خايف على عمرى
من غير ما اشوف حسن حبيبى



ماهو بعد المكتوب أعلاه أكاد أجزم إنك كنت بتهرب من كلية الطب و بتحضر في معهد النقد الفني

سلمت لنا يا أبو فكر و ودان و قلب ألماظ

[جابر الحسيني]

آآآآآآآآآآآه .. السمع مع الإستمتاع حلو .. لكن السمع مع الإستمتاع مع الفهم أحلى بكثيييييير ..
شكرا جزيلا يا :emrose:أستاذنا:emrose: على هذا الشرح الجميل

[جابر الحسيني]

دعوني أفتح بابا للنقاش انطلاقا مما تفضلتم به يا أساتذة .. كنت في السابق أعتقد بأن دور ظابط الإيقاع ثانوي أي بمعنى أنه فقط يسند الموسيقيين و المغني أو كما قال الأستاذ الألاتي ماسك الواحدة و خلاص .. لكن اتضح لي فيما بعد أن دوره أكبر من ذلك و أدعو الأساتذة لإفادتنا بهذا الخصوص ..
و لدي سؤال آخر حول من يضع (يختار) الوزن أو الإيقاع المناسب هل الملحن أو ضارب الإيقاع
لأنه بعد شرح الأستاذ صلاح أعلاه ظهر بأن المسألة أكثر تعقيدا مما كنت أتصور..
و شكرا جزيلا

[سيادة الرئيس]

أهلا بالرقيق الغالي جابر باشا

لا تعقيد و لا حاجه يا عمنا و ان شاء الله لنا حوار في هذا الموضوع في القريب العاجل يا عزيزي

[سيادة الرئيس]

في الذكرى الأولى لثورتنا المبهرة

كلمات رائعة من : تميم البرغوثي

لحن و أداء أروع من : مصطفى سعيد

منصورة يا مصر مش بجميلة العسكر



إحنا اللى روَّحنا بدرى بس مش أكتر

قول للى روَّح عشان يرتاح فما ارتاحشى

الراحة كلِّ ما تستعجلها تِتْأخَّر

واللى ها ينزل ها يُحكُم لو ما روَّحشى

قصر الرياسة بْبلاش، بسِّ انتَ مستخسر

●●●

قصر الرياسة ما فيش بينك وبينه كتير

فيه سلك شائك وكيس رملة وكُشْكِ غفير

لو جيت لوحدك، ها يضرب، والرقاب ها تطير

وان رحت مليون، ها يهرب، وانتَ تبقى أمير

رئيسنا واحد شهيد، يحكُم من التحرير

قصر الرياسة الجديد بِصينِيَّة ومدوَّر

●●●

منصورة يا مصر بجميلة خيام الخيش

بيحرقوها عشان تمشى ولا تمشيش

يا مصر عُمْرِ ما فيه ثورة تقوم بِشْوِيش

المُلك ده اللى ادِّتيه للعسكرى بقشيش

حقّ العيال اللى ماتوا فى طابور العيش

وبنت عَرّوها فى الشارع و شيخ أزهر

●●●

يا حاجّة ياللى بتقرى الكفّ والفناجيل

إقرى وشوش البشر، ع النصر تلقى دليل

ده حقنا ف مصر مش ها نسيبه للتساهيل

وان قلتى نصبر يومين، يبقى ها نصبر جيل

أجلنا قبل كدة فادنا بإيه التأجيل

رَمْيِ الجُثَثْ فى الزبالة فى الضُّحَى الأحمر

●●●

منصورة يا مصر بجميلة ولاد وبنات

بجميلة اللى انحبس بجميلة اللى مات

بجميلة التريَقَة والضحك فى الأَزَمات

ودم فوق الرصيف ناقش سُوَر وآيات

يا مصر ياللى انتصرتى فْ جُمعِتين وِتَلات

نفس العَدُو هُوَّه هُوَّه بَسِّ متنكَّر

●●●

الصبح طالع لِقِى دبابة فوق راسُه

مربَّعة فوق دماغُه وكاتمة أنفاسُه

والشرق مقفول وخِتْمِ النِّسر ترباسُه

قام خبَّا شمسُه ووزَّعها على ناسُه

على العيال اللى ماتوا غدر وانداسوا

بقى شرق فى كل جسم، وشمس بتنوَّر

●●●

الشعب واقف وصدره للرصاص عريان

والدولة خايفة ولافَّة نفسها ف جدران

وزى ما الحاوى ممكن يلدغُه التعبان

شوفوا حيطان السجون بتلفّ ع السجان

والفالح اللى بيتهوَّر على النسوان

ما شفناهوش ع الحدود يا ناس بيتهوَّر

●●●

كان للفراعنة إله قرد وإله تمساح

وللإله كهنة وعسكر يقف بسلاح

وخزنة متقفِّلة بالضبة والمفتاح

وقصر يشبه قصور الجمهورية براح

يا عينى ع الآلهة بقوا فرجة للسياح

ياللى بنسر وسيفين فرحان ومتكبَّر

●●●

الشمس تُدعى الغزالة فى اللغة فاعلم

وبالغزالة المضيئة فى السما باحلم

غزالة ممكن تبيِّن طبعها الوحشي

ما تغرّكمش الأسامى ورقِّة المبسم

دى شمس واللى يِقَيِّدها ما يفلحشي

ومصر حالفة، ها تتحرر، ها تتحرر

[جمال المنياوي]

سيادة الرئيس / مشرف دار المحترم
كلماتك تمس القلب وفعلا هي أجمل ما يمكن سماعه اليوم وكل يوم مع إنتصار العزة والكرامة . بس أنا لي تعليق بسيط
ليه كل الاسوة دي على الجيش ؟ مش هو الجيش ده إللي حما الثورة ؟ التوفيق من عند الله بس لازم مننساش الجميل وربنا يحمي مصر ويدوم عليها نعمة الامن والامان .
تقبل كل الاحترام والتقدير ,,,,,:emrose:

[Hisham Khala]

سيادة الريس
لك أطيب تحية و تهنئة بعيد الثورة الاول و التي مازالت مستمرة.

أنا قرأت الكلمات و وجدتها تدور حول فكرة رأسية عدم الثقة في العسكر و الندم علي عدم الاستمرار في التظاهرات (علي مدار العام)

جيش مصر أكيد مصريين ، هم أحنا و هم أخوتنا و هم ولادنا
فإذا ما أختلافنا علي أسلوب الفترة الانتقالية و التي فيها كثير من الأخطاء فلا داعي أن نقوم بتشويه جيشنا و إضعاف الروح المعنوية لنا أولا و له ثانياً.

أيضا مفيش ثورة علي مر العصور كانت مثالية و خالية من الفوضي و بدون أخطاء و بدون ثمن ، إلا إذا كان إنقلاب منظم له من يقوده.

إضافة لما سبق الخناقة و الاختلاف الحالي هو أختلاف علي مصالح بعض التكتلات ، بمعني: من قام بالثورة و أشعلوا شرارتها الاولي كانوا مجموعة من الشباب الواعي و الذين لم يكن لهم أي نشاط سياسي سابق لكن الكعكة ذهبت من أيديهم إلي غيرهم ، و هنا أمامان شيئين:
هل من قام بالثورة لابد من مكافئته بحكم مصر؟ حكم مصر لا يكون بطريقة عشوائية! حكم مصر لابد له من إدارة و قوة لأستتباب الأمن و دفع الاقتصاد.
هل من حصلوا علي الحكم يستحقونه؟ هل هم جديرين علي الادارة السليمة؟ هم منظمون من زمن بعيد - و بعيدا عن رأيي الشخصي - فلقد أختارهم الشعب بأغلبية ساحقة و حتي الآن لم يظهر منهم شئ لا يروق لي.

بعض التكلات الاخري التي ليس لها رصيد شعبي و حولها علامات استفهام تثير المشاكل بخطورة شديدة لأنها برغم من تنظيمها لم تنل نصيب طيب من الكعكة.

و عليه هذه صرعات وقتية حتي يحدث أتزان بين القوي المختلفة و الارادات المتباينة و سوف يحدث هذا الاتزان قريبا.

للأسف لم اسمع الاغنية حتي أتكلم عن اللحن و الاداء ، فانا مستعجل جدا و علي سفر.

[نوران احمد]

بصراحة كلمات رائعة سواء هى او قصيدة و اغنية يا مصر هانت كلها كام يوم
تميم البرغوثى شاعر اكثر من رائع و حساس جدا
:emrose:

[Hisham Khala]

بعد الاستماع للاغنية
أكرر تحفظاتي علي الكلمات
و لكن أعجبني هذا المقطع

كان للفراعنة إله قرد وإله تمساح

وللإله كهنة وعسكر ((حرس)) يقف بسلاح

وخزنة متقفِّلة بالضبة والمفتاح

وقصر يشبه قصور الجمهورية براح

يا عينى ع الآلهة بقوا فرجة للسياح


هناك تنويعات في المقامات و الالاتي أدري بالتحويلات المقامية الشرقية
و الاداء جميل فيه طابع الموال
نشكرك علي تقديم هذا العمل.

[سيادة الرئيس]

الأستاذ جمال

الدكتور هشام : الذي إذا مر على موضوع زاده علم و بهاء

و الله أنا لا أقصد إلا النواحي الجماليه في النص و الأكثر في اللحن و الأداء . . أما السياسة فأنا أحترم وجهة نظركم و إن اختلفنا

أسأل الله أن يعم الخير على مصر في كل مجالاتها و تعود رائدة برائد مخلص

[هدى دولت]

http://www.sama3y.net/forum/attachment.php?attachmentid=280926&stc=1&d=1327883525


سيادة الرئيس ..
نتقدم بكل فروض الطاعة والولاء
لكل إختيار تأتي به
يعبر عن روعة الجمال
بمنظور راقي
يستوعب المعنى
وينطرب للحن
وينفعل بالحدث
بكل الصدق .. نقول .الله الله الله
على الصوت الدافى
وإيقاع ننفعل به .. بشجن ولوعة
وإحساس مصري عميق
وعلينا أن نفرق بين الجيش
" كجنود بواسل على الحدود"
وبين " المجلس العسكري العتيق " !!!
بوعى رجل الشارع البسيط
ماأروع فطرة الإنسان المصري الأصيل
ما أشد فطنتك أيها الفلاح الفصيح

ننحنى لصاحب الكلمات النابضه
بحنين للمبدع تميم البرغوثي
وننحنى لآهات الصدق
بصوت المصري الحاني
مصطفى سعيد

سيادة الرئيس ...
بعيداً عن أى شعور
برهبة حضوركم الباهي
ننحنى لوجودكم المُهيب
ونعترف ..
إعتراف مغلف بكل الحب
صدقت ..
أجمل ما يمكن سماعه في كل زمان ومكان
نبض الشعب على ضفاف ساحرة
في صفحتك يا جميل ..يا نــيــــل
قبل أن تُسطر على صفحات التاريخ

مداد القلم ...
مياه الخالدة مخلوطه بدماء طاهرة
بأطياف أرواحهم السامية
نقرأها على ضفافك ...يا نيل

سيادة الرئيس ..
ننحنى لرقة هذا اليوم
وندخر منه زاداً من الجمال ..
... لأيامنا القادمة ...

أشكرك ..

دولت

[سيادة الرئيس]

و الله يا ست دولت الواحد مش عارف يقول إيه قدام سيل المشاعر و رقة الكلمات النابعه من جوهرة مصونه زيك

بارك الله فيك و في زوجك و أسرتك على الدوام

[إســـلام جـُـبـّـه]

سيادة الرئيس اوافقك الراْي من ناحية اداء مصطفي سعيد الذي غني من قبل يا مصر هانت وبانت وابدع فيها وذكرنا بخليط مكون من الشيخ سيد مكاوى و الشيخ امام عيسي وعن الكلمات فانني اتحفظ علي الاخ البرغوثي وايدولوجيته الشعرية دون الدخول في تفاصيل وبعضها ساقها الدكتور هشام والاستاذ جمال وختاما ارق تحياتي اليك سيدى

[عادل محمد]

سيادة الرئيس
شكرا جزيلا على هذه الغنوة الجميلة كلاما ولحنا وغناء
بمناسبة أغانى الربيع العربى لو أمكن أن يتم جمعهم فى ملف خاص ، وهناك غنوتان لعلى الحجار من كلمات الأبنودى وغنوة لمحمد منير وأيضا غنوة تونسية وكمان غنوة لفرقة إسكندريلا : هات لى يابكرة صفحة جديدة...حط لى مصر فى جملة مفيدة .
تحياتى للجميع

[anozae]

منذ ان دخلت منتدي سماعى وانا اسعد واسر بتواجد الاصدقاء و اضافاتهم الطيبه الرائعه منتدي جميل واعضاء فى منتهى الروعه

[علي نصر]

لماذا امنع من دخول او تحميلالكثير من رواع هذا المنتدي ارجو من الادارة حل تلكالمشكلة فاني محب للانشاد الديني (http://tito.lover16@yahoo.com):chut::crazy::(

[may ahmed]

الأغنية في غاية الروعة ومصطفى سعيد مبدع للغاية في غنائه وأدعو الجميع بسماع رباعيات الخيام بصوته فهي مميزة للغاية