لقاء جميل بين الاخوه

[حسن كشك]

تم هذا اللقاء بين الاخوه فى منتدى سماعى بعد ترتيب سريع جدا- وفى وقت قليل للغاية حيث تم الاتفاق على اللقاء تليفونيا يوم الخميس وتم اللقاء يوم الجمعة صباحا
كان اللقاء فى بيت الدكتور محمد عمر - وكان الحضور
د. حسن توأمى
حسن كشك
محمد الالاتى
أ. سيد المشاعلى
م. محمد ابو مندور
أ. غازى الضبع
أ. محمود العيادى ( صديق شخصى لى )
واعتذر عن الحضور كل من ( رغم وعدهم بالحضور )
د. ثروت غنيم ( وهو عارف سبب الاعتذار البسيط اللى حرمنا من رؤيته )
أ. كمال عبد الرحمن ( لانشغاله باعماله - حجه وخلاص )
وكان لقاء ممتع فعلا
ساده الحوار الظريف الرائع - وتبادل المعلومات - وايضا المحبة - وكنا بعيدا بعيدا عن اى صراعات ولا مشاكل حياتيه
وضحكنا وغنينا وطربنا واكلنا وشربنا - وكمان صلينا الجمعة فى المسجد اللى بجوار منزل اللورد - وكمان خدنا برامج بالكوم من الدكتور محمد عمر وكان نعم المضياف
شكرا له ولاسرته الكريمه على الاستضافة ومجهودهم معنا

http://www.sama3y.net/forum/attachment.php?attachmentid=93165&stc=1&d=1212249642




http://www.sama3y.net/forum/attachment.php?attachmentid=93166&stc=1&d=1212249642




http://www.sama3y.net/forum/attachment.php?attachmentid=93167&stc=1&d=1212249642

[د.حسن]

الأخوة الأعزاء
مثلما كانا 8-2 و 25-4 عيدان فى الأسكندرية
كان أمس 30-5 عيد شبين الكوم عاصمة المنوفية
وصاحب العيد هو سيادة اللواء محمد عمر (لورد)
الذى دعا أ. د. ثروت غنيم وأ. محمد أبومندور والعبد لله (من الأسكندرية) قبل اللقاء بأقل من 24 ساعة
وتقبلنا الدعوة ولكن أستاذى د. ثروت وبأصالته وإتيكيته وأخلاقياته العالية قابلنا على محطة القطار ليقدم إعتذاره شخصياً وليس هاتفياً ... ووقف ينتظرنا حتى تحرك القطار-لقطة يجب التوقف عندها- وأترك لكم التعليق
وكانت صحبتى مع م. أبومندور بالقطار نقطة هامة إكتشفت فيها شخصيتة المتميزة والتى لم ألحظها فى اللقاء السابق نظراً لإنشغاله فى ضيافتنا والعمل على راحتنا فى فيلته ..
ووصلنا فيلا اللورد وكان اللقاء رائعاً مع توأمى أ. حسن كشك ( أول مقابلة لنا ) وصديقه أ. محمود العيادى الذى اتضح لنا أنه ذو موهبه عالية فى فن الإيقاع وشكـّل دويتو رائع مع أ. محمد الألآتى فى العزف
كما اتضح لنا أيضاً أنه بطل من أبطال أكتوبر الذين عبروا القناة فى السادس من أكتوبر وكانت فرصة لأستعيد الذكريات معه ومع البطل اللورد
كذلك كان اللقاء رائعاً لمن سبق أن شرُفت بلقاؤهم : أ. السيد المشاعلى وأ. أبوحسام وأ. غازى وكل منهم غنى عن التعريف
باختصار كان يوماً رائعا ياسادة .. ساده الحب والود والإحترام المتبادل
وضيافة رائعة من سيادة اللواء ونسخ أى طلب من أىّ منا لأى ملف عنده على DVD مما لديه من برامج وأغنيات وكتب إليكترونية .. ماشاء الله .. مكتبة متميزة
ومر اليوم وكأنه ساعة زمن بسبب الحب والوئام وصدق المشاعر التى سادت بيننا
ليتنى أستطيع أن ألتقى بكل فرد فى سماعى لأنه بالتأكيد سيكون على نفس درجة الحب والوئام وصدق المشاعر
آسف فإننى أعترف أننى لا أجيد صياغة الكلمات ولكنها لحظة اكتب فيها مشاعرى دون تنميق
مع تحياتى

[د أنس البن]

أولا
ربنا يسامحك يا غازى , أشتكيك لمين بأه ؟
على كل حال لك إبن يترد عليه
طيب كنت ادينى واحد ألو
كده أتحرم من لقاء أحباب وأصدقاء
ماشى يا ابو فارس , إبقى افتكرها

ثانيا
شبين الكوم كلها نورت بضيوف جناب اللورد
وكنت أتمنى أكون معاكم
لكنى سعدت كثيرا باستمرار التواصل بين السماعيين
وسعيد بتلك الروح الجميله الساريه بينهم
وسعيد لسعادتكم جميعا
وأتمنى من الله أن يحفظ هذا الود فيما بيننا
وأن تدوم تلك الروح الطيبه
يا رب

[غازي الضبع]

أولا

ربنا يسامحك يا غازى , أشتكيك لمين بأه ؟
على كل حال لك إبن يترد عليه
طيب كنت ادينى واحد ألو
كده أتحرم من لقاء أحباب وأصدقاء
ماشى يا ابو فارس , إبقى افتكرها


أستاذي الحبيب ، وعمي الروحي
الدكتور أنس
المرة دي أنا كنت معزوم وبس ، ولم أقم بدور مدير العلاقات العامة
والنبي إوعى تقول لفارس ولا أم فارس لحسن أنا مفهمهم إني كنت رايح أصلي الجمعة وراجع على طول .
***
اللقاء كان ممتع جدا جدا قوي خالص
لدرجة أني من ساعتها مش عايز أخرج من البيت ، وقاعد عمّال أسترجع شريط ذكريات هذا اليوم الجميل ..
لا أستطيع أن أفي جناب اللورد حقه من الثناء والشكر على كرمه وضيافته ..
ومفاجآت اليوم عديدة ..
أهمها حضور الدكتور حسن ..
الذي حكى لنا عن ذكريات جميلة عن حرب أكتوبر ..
وكذلك حضور الأستاذ محمود العيادي ( صديق عم حسن كشك ) .. الذي اندمج معنا بسرعة جدا ، ولمع بسرعة أكبر في اللقاء ..
وشكّل دويتو رائع مع محمد الالاتي في عزف العديد من الأغنيات التي تغنينا بها في صومعة جناب اللورد .. بصحبة البارون السيد المشاعلي وأخي وحبيبي أبو مندور ..
طبعا والله كان نفسنا أن يكون الجمع كله متواجد ..
وخاصة الدكتور ثروت الذي اعتذر بسبب أتيكيتي أرستقراطي جدا .
إلى الآن أتعجب أن يكون هناك مثل أخلاق الدكتور ثروت ..
وطبعا أديبنا الكبير أ. كمال عبد الرحمن الذي فوجئت أنه مدعو ثم فوجئت أنه يعتذر في آن واحد .
***
مهما أقول يا جماعة ..
ومهما أحكي ..
لن أستطيع أن أصف لكم جمال هذا اليوم البديع ..
أعاده الله علينا بكل حب ، وإن شاء الله نكون جميعا مع بعض ..
خالص تحياتي ومحبتي

[د.حسن]

طب فين باقى الصور ياجماعة ؟
لازم اللقاء يبقى صوت وصورة
... قصدى كلمة وصورة

[هانى حازم]

السلام عليكم ورحمة الله وبركاته

ألاخوة الافاضل :

جناب اللورد - محمد عمر
د.حسن توأمى - أ. حسن كشك
أ. محمد الالاتى - أ. سيد المشاعلى
م. محمد ابو مندور - أ. غازى الضبع

((( أمتى الزمان يسمح يا جميل )))

اللهم أجمع هذه الصحبة الطيبة تحت ظلك

[حسن كشك]

د.حسن توأمى


ياهانى باشا
توأمى دى معناها اسمه حسن زى اسمى تماما
مش اسمه د. حسن توأمى

[unicorn]

بسم الله
السلام عليكم
حقيقة كان يوما رائعا من أيامنا فى ضيافة اللورد سيادة الواء محمد عمر
و لم يكن اللقاء له أى ترتيبات من جانبنا و الله يا دكتور أنس بل كانت مجرد مكالمات سريعة قبلها بيومين
و تتعوض مقابلة حضرتك ان شاء الله فى بيت الكرم بيت سيادة اللواء قريبا جدا ان شاء الله
و و الله كان اللقاء ينقصكم
د. حسن حافظ ( حسن توأمى :mdr:) دكتور الصدر ذائع الصيت فى الاسكندرية
موسوعة فنية و ذاكرة تاريخية دقيقة يتذكر الأحداث و تواريخها بمنتهى الدقة و عند روايته للمواقف يروى بمنتهى الأمانة , أعتقد أن طبيعة عمله أكسبته هذه الدقة فى كل شئ ,
أمتعنى حقيقة بذكرياته كمجاهد و مقاتل فى الجيش فى حرب اكتوبر و يكفى أن تعرفوا أنه كان أحد أفراد أول موجة عبور للقنال و من القلة الذين اجتازوا المانع الترابى الرهيب بدون سلالم.
و تركت الحرب وساما حربيا من أرفع الأوسمة على جسده الكريم ليكون ذكرى لأيام الجهاد العطرة التى خاضها سيادته.
أما عالمنا الكبير أ.د. ثروت غنيم الذى رتب لنا كيفية التحرك قبلها بليلة استيقظ مبكرا بالفعل و لكنه لأنه تعود طوال حياته على ترتيبات معينة فى زياراته و لضيق الوقت لم يتمكن من تنفيذها اعتذر بشدة و فشلت أنا و د. حسن فى إقناعه بان يكون أولنا فى هذه الرحلة الجميلة .
وصلنا شبين الكوم فى يوم شديد الحرارة و فى بيت اللورد الفخم سلمنا على الحبايب فردا فردا
غازى الضبع سلم علينا فى الشارع ثم صعد بنا الى البيت ليستقبلنا سيادة اللورد بترحابه الغير عادى ,ثم أ سيد المشاعلى و الابتسامة التى لا تفارق وجهه و الحميمية التى تعبر عن افتقاد حقيقي بيننا ثم المايسترو أبو حسام و أنتوا عارفينه طبعا يرفع التكليف على طول و يبعد عن أى رسميات و يخلى القعدة بسيطة و البساط أحمدى بتلقائية و عفوية محببة, ثم الجميل المحترم عم حسن كشك الذى كان يتوعدنى بركلات و لكمات و لكنه ساعة اللقاء استبدلها بأحضان المحبة و الشوق و كنت فى حاجة لمقابلته و لمجالسته و وجدته رجل فى منتهى الشهامة و الجدعنة , ابن بلد بجد و صعب المراس جدا , إذا بدأ طريق لا يتركه إلا فى نهايته فضلا عن تاريخه الذى رواه لنا جميعا ,
نيجى بأة للمفاجأة التى جاء بها عم حسن
محمود عيادى صاحب عم حسن اسمعلاوى موسيقى رياضى محارب
شخصية غير عادية بكل المقاييس , لا أعرف كيف يتركه أستاذ حسن دون عضوية سماعى
موسيقى هايل عارف كل حاجة فى المزيكا و طبال ممتاز , شكل مع أ. الالاتى أوركسترا شرقى بسيط يؤدى الغرض بمنتهى البراعة
و كانت الجلسة الموسيقية المنتظرة مننا جميعا
أ.الالاتى على الاورج أ. محمود على الايقاع و الباقين هم الكورال الغنائى
و غنينا و انجلينا و لعلعنا و صوتنا جاب اخر الدنيا
و كنت خايف (لأننا فى إقليم ريفي له عاداته ) أن يتجمع حول بيت اللورد رجال شبين الكوم الكرام يحملون المشاعل و هم يصيحون
الغازية لازم تنزل
الغازية لازم ترحل
و لكن الله سلم و عدّى اليوم على خير
و أمتعنا عزف أ. أبو حسام و لم ينسى أن يجاوب على أسئلتى أنا و غازى بكل حب و بمنتهى الأمانة و عرفنا مجموعة من المقامات
و بالذات مقام الهزام ;) صح يا غازى ؟؟؟
و انتهى اللقاء الحميم حوالى الساعة الحادية عشرة مساءا ليودعنا سيادة اللواء فى موقف شبين الكوم و سلمنا علي الجميع أنا و د. حسن و نحن نكاد نبكى , مش عايزين نروح يا جماعة عايزين نقعد معاكو على طول
و لكن للأسف ما ينفعش ورانا حياة تانية لازم نعيشها برضة
دة كان اليوم باختصار شديد
خالص شكرى و امتنانى لسيادة اللواء محمد عمر على حسن ضيافته و كرمه البالغ
و محبتى لكل المجموعة
استاذى و حبيبى سيد المشاعلى , أستاذ محمد الالاتى و أستاذ حسن كشك , أستاذ محمود عيادى , أخى و حبيبي غازى الضبع
و رفيق الرحلة الجميلة د. حسن حافظ
اتمنى أن ألتقى بكم جميعا فى أقرب فرصة

[NAHID 76]

بسم الله الرحمن الرحيم
الاخوة الاعزاء
اولا مبروك عليكم اللقاء الرائع

اما عن تصرف الدكتور ثروت غنيم



وحضورة اليكم عند محطة القطار فى الصباح الباكر لتوديعكم واعتذارة فهذا شيئ ليس بمسغرب علية انة انسان رائع بمعنى الكلمة ومثل هذ ا التصرف لا ياتى الا منة العالم الجليل الراقى الفكر والاحساس لفتة فى غاية الاخلاق اشكرك انا عليها استاذى ودكتورنا الجليل بارك الله فيك يا رب العالمين وكم اتمنى من الله ان التقى بسيادتكم مرات ومرات لاتعلم من سيادتكم كيف تكون الحياة
ان من اجمل الفضائل لمنتدى سماعى على ان اتاح لى فرصة التعرف على مجموعة رائعة من الاخوة والاخوات بل كل اعضاء المنتدى بلا اثتثناء اعتبرها فضل من المنتدى على وبمعرفتى بهم جميعا
جمعنا الله دائما على الود والمحبة

[الألآتى]

تلاقينا ( كالعادة ) نحن الثلاثة .. ثلاثى القاهرة .. المشاعلى وغازى والعبد لله ..

كان اللقاء فى موقف عبود .. إمتطينا أول سيارة متجهة لشبين الكوم .. ودرجن درجن .. وصلنا بسلامة الله .. وقبل أن نفكر فى الإتصال بجناب اللورد .. لنخبره بوصولنا الميمون .. فوجئنا بإتصال من أبو على كشك .. إنتوا فين ؟ .. إنت إللى فين .. أنا أهو .. ونرسل أبصارنا إلى الآفاق .. لنجد عم حسن يجلس على مقهى قريب .. وصل قبلنا .. ومعه الجميل الفنان ( محمود العيادى ) ..

وأهلاً وسهلاً .. وحشتونا .. وبوسه من هنا .. وبوسه من هناك .. وإتصال بجناب اللورد .. وخمس دقائق وجاء اللورد بسيارته الزوبة .. وأعدنا المشهد .. أهلاً وسهلاً .. وحشتونا .. وبوسة من هنا .. وبوسة من هناك ..

مش ياللابينا ... ياللا بينا .. المشوار مش بعيد .. قوام قوام .. لقينا نفسنا بجوار فيلا اللورد ..

طلعنا .. دخلنا .. قعدنا .. وبدأت التحيات والمشاريب بدرى بدرى .. وشوية وجاء وفد الإسكندرية ..

الدكتور حسن حافظ .. والأستاذ محمد أبو مندور .. سعادة مابعدها سعادة .. ياسلالالالالالالالام ... أنا فرحان ياجدعان ..

الله .. أمال فين الدكتور ثروت .. ده أنا مستنيه ياناس .. الدكتور ثروت إعتذر فى أخر لحظة .. زعلت .. إتقمصت ..

لكن الأمل فى لقاء قريب أعاد لى البسمة ..

طيب فين الأستاذ كمال عبد الرحمن .. إعتذر .. يادى النيلة .. هو فيه إيه ؟ .. الراجل عند شغل .. طيب ..

وإتفتحت حنفية الذكريات الشخصية والعسكرية ..

سيادة اللواء محمد عمر .. أحد أفراد المجموعة 39 فى حرب أكتوبر .. الدكتور حسن حافظ .. أحد الأطباء فى كتيبة الخدمات الطبية فى حرب أكتوبر أيضاً .. الأستاذ محمود العيادى .. أحد أبطال أكتوبر برضه .. إحنا باين علينا وقعنا فى ملقف حربى ..

وهات ياذكريات وحكايات وبطولات .. و .. جاء ميعاد الطعام .. بس .. كله ييجى على جنب .. جاء ميعاد بطولاتى ..

وهجووووم ... وإندفاع حسب الخطة الموضوعة .. وإلتفاف حول السفرة .. لمعرفة نقاط الضعف عند العدو .. وحددت أهدافى بدقة .. ونشنت .. وأطلقت مدفعيتى .. وكانت أسلحتى ( الشوكة والملعقة والسكينة ) بالإضافة لأسنانى ( سلاحى الإستراتيجى ) .. سبباً فى كسبى المعركة دون خسائر تذكر ..

عارفين ياجماعة .. بالرغم من وجود أصناف عديدة على السفرة ( دجاج ، لحوم ، كفتة ، أرز ، مكرونة ، محشيات ، سلاطات ، مخللات .. ألخ )

لكنى لاحظت وجود صنف غريب .. طاجن كبير .. قاعد على جنب .. مكسوف من باقى الأصناف .. إيه ده يالورد ؟ .. ده مسقعة .. معمولة مخصوص وجايه من البلد .. مسقعة !!.. إوعى .. وسع .. سيبك من اللحوم والدواجن .. وهات الطاجن ده جنبى .. وعينك ماتشوف إلا النور .. قمت بالواجب تمام .. ولم أغفل باقى الأصناف بالطبع .. أصل أنا عندى مبدأ ياجماعة .. ماحبش أكسف صنف موجود على المائدة .. يعنى كل صنف تاعب نفسه وجاى يرحب بينا .. نسيبه .. نكسفه .. مش معقول ..

وعدنا من المعركة منتصرين .. لنكمل القعدة .. ويالا ياأستاذ ألآتى .. سمعنا شوية مزيكا .. مافيش أورج .. لأ فيه .. فين ؟ .. أجاب جناب اللورد .. عندى .. طيب عايزين طبلة علشان الأستاذ محمود العيادى يشاركنى .. فيه طبلة .. فين ؟ .. أهيه ..

إيه ده .. الراجل ده ماعندوش مشكلة .. كل حاجة موجودة بعون الله .. وهات ياتزمير وطبل وهيصة .. وقلبناها سيرك ..

ومش عايزين نروح .. مش عايزين القعدة تخلص .. لكنها خلصت للأسف ..

أتمنى تكرارها .. كثيراً كثيراً ..

[محمود]

وهات ياذكريات وحكايات وبطولات .. و .. جاء ميعاد الطعام .. بس .. كله ييجى على جنب .. جاء ميعاد بطولاتى ..

وهجووووم ... وإندفاع حسب الخطة الموضوعة .. وإلتفاف حول السفرة .. لمعرفة نقاط الضعف عند العدو .. وحددت أهدافى بدقة .. ونشنت .. وأطلقت مدفعيتى .. وكانت أسلحتى ( الشوكة والملعقة والسكينة ) بالإضافة لأسنانى ( سلاحى الإستراتيجى ) .. سبباً فى كسبى المعركة دون خسائر تذكر ..

عارفين ياجماعة .. بالرغم من وجود أصناف عديدة على السفرة ( دجاج ، لحوم ، كفتة ، أرز ، مكرونة ، محشيات ، سلاطات ، مخللات .. ألخ )

لكنى لاحظت وجود صنف غريب .. طاجن كبير .. قاعد على جنب .. مكسوف من باقى الأصناف .. إيه ده يالورد ؟ .. ده مسقعة .. معمولة مخصوص وجايه من البلد .. مسقعة !!.. إوعى .. وسع .. سيبك من اللحوم والدواجن .. وهات الطاجن ده جنبى .. وعينك ماتشوف إلا النور .. قمت بالواجب تمام .. ولم أغفل باقى الأصناف بالطبع .. أصل أنا عندى مبدأ ياجماعة .. ماحبش أكسف صنف موجود على المائدة .. يعنى كل صنف تاعب نفسه وجاى يرحب بينا .. نسيبه .. نكسفه .. مش معقول ..

وعدنا من المعركة منتصرين .. لنكمل القعدة .. ويالا ياأستاذ ألآتى .. سمعنا شوية مزيكا .. مافيش أورج .. لأ فيه .. فين ؟ .. أجاب جناب اللورد .. عندى .. طيب عايزين طبلة علشان الأستاذ محمود العيادى يشاركنى .. فيه طبلة .. فين ؟ .. أهيه ..

إيه ده .. الراجل ده ماعندوش مشكلة .. كل حاجة موجودة بعون الله .. وهات ياتزمير وطبل وهيصة .. وقلبناها سيرك ..

ومش عايزين نروح .. مش عايزين القعدة تخلص .. لكنها خلصت للأسف ..

أتمنى تكرارها .. كثيراً كثيراً ..




أول كلامي سلام ..

"يومك يا دمشقي"

لا مؤاخذة، أقصد .. يومك يا آلاتي ..

والله وحشتونا يا حبايبنا .. من أول الاسماعيلية وحتى الإسكندرية.

تحياتي

محمود

[الألآتى]

أول كلامي سلام ..

"يومك يا دمشقي"

لا مؤاخذة، أقصد .. يومك يا آلاتي ..

والله وحشتونا يا حبايبنا .. من أول الاسماعيلية وحتى الإسكندرية.

تحياتي

محمود




بجد .. القعدة كانت ناقصاك ياعم محمود .. كنت حاتنبسط قوى ..

عموماً .. الجايات أكتر من الرايحات ..

[حسن كشك]

أول كلامي سلام ..

"يومك يا دمشقي"

لا مؤاخذة، أقصد .. يومك يا آلاتي ..

والله وحشتونا يا حبايبنا .. من أول الاسماعيلية وحتى الإسكندرية.

تحياتي

محمود


اهلا بالدكتور محمود
تتصور .... انى قلت له نفس الكلمه ( يومك يادمشقى ) وقت الغداء
القلوب عند بعضها يا اخى

[محمود]

اهلا بالدكتور محمود
تتصور .... انى قلت له نفس الكلمه ( يومك يادمشقى ) وقت الغداء
القلوب عند بعضها يا اخى



أول كلامي سلام ..

شفت تآلف الأرواح يا أبا علي ..

المحدثين من أهل العلم يسمون هذا telepathy أو تخاطر عن بـُعد (أو بالبلدي عمرك اطول من عمري). يعني حضرتك قلت الكلمة في شبين وانا قلتها في القاهرة. دون أي تواصل مادي. بماذا تعلل ... !!! :emrose::crazy: :crazy::emrose:

تحياتي

محمود

[حسن كشك]

أول كلامي سلام ..

شفت تآلف الأرواح يا أبا علي ..

المحدثين من أهل العلم يسمون هذا telepathy أو تخاطر عن بـُعد (أو بالبلدي عمرك اطول من عمري). يعني حضرتك قلت الكلمة في شبين وانا قلتها في القاهرة. دون أي تواصل مادي. بماذا تعلل ... !!! :emrose::crazy: :crazy::emrose:

تحياتي

محمود


حب

[karawan19]

المنتدى والأنسان
لاشك أن المنتدى قد أوجد بعدا أنسانيا لم يكن أحد يحلم به – ان البعد الأنسانى هو حلم لم يكن ليتحقق بالمعايير العادية – فلم يصبح المنتدى مجرد صفحة تكتب فيها الآراء ووجهات النظر ولم يعد المنتدى مجرد مكان تختزن فيه الألحان وتحمل – لقد استطاع المنتدى أن يحول البشر من خيالات وصفحات تنثر فيها الكلمات الى بشر من لحم ودم وروح وياللعجب – تكونت اسرة كبيرة وتعارف الناس – صارت عزوة وظهير اذا غبت سألوا عنك وشاركوك همومك وافراحك لوجه الله تعالى يشاركونك هواياتك وتتبادل الثقافة معهم ولنتصور هذا الكنز الذى منحنا الله اياه - اشقاء وأخوة ربما كانت الروابط بينهم أقوى من روابط الدم أسرة كبيرة روافدها هنا وهناك من الجمالية مرورا بالأسماعيلية ومن القاهرة الى الأسكندرية مرورا بدمنهور – اسرة عميدها أخى وعزيزى الغالى الدكتور أنس والأخت الكريمة السيدة ناهد هانم والأستاذ حسن كشك الذى أقول له "حبيبى ياللى خيالى فيك حبيبى" والأساتذة غازى الضبع وسيد المشاعلى و محمد الآلاتى وسمير عبد الرازق ودكتور محمود رزق وحازم البيلى واسرة اخرى فى شبين الكوم تتكون من اللواء محمد عمر وناهيك عن اسرة الأسكندرية فيها الدكتور حسن والدكتور عادل عتبانى والدكتورة سوزان والمهندس حسام ابوسالم والأستاذ محمد أبو مندور وفى دمنهور الأستاذ كمال عبد الرحمن والسيدة نورا هؤلاء رأيتهم رأى العين وكان بيننا عيش وملح وكلهم هذا الأنسان الرائع المعطاء أما من لم أراهم ولكن توطدت الأواصر من خلال المنتدى فهاهم الأساتذة صلاح السويفى و أحمد الديب وايهاب عامر وأحمد شوبكى وصلاح الحرباوى والأستاذه سامية ولايمكن أن ننسى الأستاذ محمد الزمنطر الذى شرفنا وأعتبر زيارته لنا فى الأسكندرية جميل ودين فى أعناقنا نحمله له دائما فى ذكريات حلوة عطرة.
أرايتم اخوانى الأعزاء كيف كشف المنتدى اصالة الأنسان وكشف عن جوهره الرائع الجميل ولقد كان من نتاج هذه العلاقات الأنسانية أن تبارى كل من استطاع فى تقديم أجمل وأحلى ماعندهم من مستويات ثقافية رفيعة – انه ليس صفحة على الأنترنت انه أسرة وصداقة ومودة أدامها الله علينا.
مع تحياتى

[حسن كشك]

المنتدى والأنسان
لاشك أن المنتدى قد أوجد بعدا أنسانيا لم يكن أحد يحلم به – ان البعد الأنسانى هو حلم لم يكن ليتحقق بالمعايير العادية – فلم يصبح المنتدى مجرد صفحة تكتب فيها الآراء ووجهات النظر ولم يعد المنتدى مجرد مكان تختزن فيه الألحان وتحمل – لقد استطاع المنتدى أن يحول البشر من خيالات وصفحات تنثر فيها الكلمات الى بشر من لحم ودم وروح وياللعجب – تكونت اسرة كبيرة وتعارف الناس – صارت عزوة وظهير اذا غبت سألوا عنك وشاركوك همومك وافراحك لوجه الله تعالى يشاركونك هواياتك وتتبادل الثقافة معهم ولنتصور هذا الكنز الذى منحنا الله اياه - اشقاء وأخوة ربما كانت الروابط بينهم أقوى من روابط الدم أسرة كبيرة روافدها هنا وهناك من الجمالية مرورا بالأسماعيلية ومن القاهرة الى الأسكندرية مرورا بدمنهور – اسرة عميدها أخى وعزيزى الغالى الدكتور أنس والأخت الكريمة السيدة ناهد هانم والأستاذ حسن كشك الذى أقول له "حبيبى ياللى خيالى فيك حبيبى" والأساتذة غازى الضبع وسيد المشاعلى و محمد الآلاتى وسمير عبد الرازق ودكتور محمود رزق وحازم البيلى واسرة اخرى فى شبين الكوم تتكون من اللواء محمد عمر وناهيك عن اسرة الأسكندرية فيها الدكتور حسن والدكتور عادل عتبانى والدكتورة سوزان والمهندس حسام ابوسالم والأستاذ محمد أبو مندور وفى دمنهور الأستاذ كمال عبد الرحمن والسيدة نورا هؤلاء رأيتهم رأى العين وكان بيننا عيش وملح وكلهم هذا الأنسان الرائع المعطاء أما من لم أراهم ولكن توطدت الأواصر من خلال المنتدى فهاهم الأساتذة صلاح السويفى و أحمد الديب وايهاب عامر وأحمد شوبكى وصلاح الحرباوى والأستاذه سامية ولايمكن أن ننسى الأستاذ محمد الزمنطر الذى شرفنا وأعتبر زيارته لنا فى الأسكندرية جميل ودين فى أعناقنا نحمله له دائما فى ذكريات حلوة عطرة.
أرايتم اخوانى الأعزاء كيف كشف المنتدى اصالة الأنسان وكشف عن جوهره الرائع الجميل ولقد كان من نتاج هذه العلاقات الأنسانية أن تبارى كل من استطاع فى تقديم أجمل وأحلى ماعندهم من مستويات ثقافية رفيعة – انه ليس صفحة على الأنترنت انه أسرة وصداقة ومودة أدامها الله علينا.
مع تحياتى
استاذى الدكتور ثروت غنيم
كروان المنتدى الصداح
انا اقولك يا استاذنا
ميتى اشوفك اشوفك ياغايب عن عينى
لكن والله ماغبت عن القلب ابدا ..... والله اعلم بذلك الحب الذى وجدته فى قلبى لك .... والذى يسعدنى ويشرفنى .....نعم كلنا اسره واحده نفخر بكبارها امثالك ... ونسعد بذلك الكيان والعزوه ...متيقنين بان لنا اسره واخوه منتشرين فى كل مكان فى مصر وغير مصر .... واننا لسنا وحدنا
ادامك الله لنا وادامك للمنتدى وادام كلماتك الرائعة الحنونه المليئة بالاخوه
وياغاليين عليا .... ياهل اسكندريه
واقولك
لاسأل عن دياره .... واروحله وازوره .... واتملا بنوره ..... واخدله هديه
عاوز هديه ايه يااستاذى
حسن كشك

[unicorn]

نسيت أذكر حاجة مهمة أوى
أولا دكتور ثروت غنيم وصّلنى أنا و د. حسن لغاية محطة القطار بسيدى جابر
و أصر بأخلاق عالية جدا ان ينتظرنا حتى يتحرك القطار و طبعا أخجلنا هذا التواضع و الكرم منه و بالعافية وافق ان يذهب بعد أن ركبنا القطار ,
حقيقي الف شكر لك يا دكتور ثروت
ثانيا : أستاذ حسن كشك قدم لنا أنا و د. حسن تحية طربية جميلة و هى وصلة غنائية لأغنية بين شطين و مية بمصاحبة الأوركسترا بتاعنا (الالاتى و محمود عيادى و باقى الأخوة)
و أثرت فينا جدا هذه اللفتة الطيبة
ثالثا : و دى للمجموعة اللى ذهبت للقاء
عارفين مين كلمنى تليفونيا النهاردة ؟؟؟
أ. محمود عيادى
و الله بجد اتبسط قوى باتصاله و سؤاله و وده الخالص
انسان محترم بجد
و مش حاسيب عم حسن الا لما يدخله معانا المنتدى
شكرا على هذه المعرفة يا أستاذ حسن
و خالص شكرى و سلامى للأخ محمود