المساعد الشخصي الرقمي

مشاهدة النسخة كاملة : فؤاد حداد شاعر شعراء العاميه

MOHAMED ALY
29/08/2006, 01h44
و انتهت هذه الجولة من الصراع العربى الاسرائيلى باندحار للجيش الاسرائيل بعد ان مرمغ ابطال المقاومة اللبنانية انف الصهاينة فى التراب...... و لكن تابى كل قوى الشر فى العالم الا ان تحاول ان تجهض ما حققته المقاومة ... فتلتف عليها مرة بقرارات مجلس الامن ( القومى الامريكى ) .... و مرة اخرى بتصريحات و مواقف حكماء الانبطاح ..... و ان شاء الله لن تفلح هذه القوى فى الالتفاف على ما حققته المقاومة ..... و لكن اخشى ما نخشاه ان تفلح محاولات الوقيعة لشق الصف اللبنانى ........و منذ اكثر من ثلاثين عاما كتب شاعرنا الراحل / فؤاد حداد هذه الابيات الى اهلنا فى لبنان

الخل الوفى
________

يا ابو الخل
و ليه بتخل
بحق الخل
على الخلان

احنا اصحابك كنا كتير
كنا بنجرى و كنا نطير
ما كان فينا سر فى بير
ما فينا صغـــــير و كبير
كنا الواحد مثل الكل
و يا ابو الخل ...

يا مالك فى القلب كنوز
سمعنا غنــــــوة فيروز
و احكى لنا قصة تموز
ما بيــصح و ما بيجوز
بتشــــــوفنا تفلق و تفل
و يا ابو الخل ...

عين الحــــر تلاقى العين
يا حر و اخلاقــــــك زين
لا تسمع لغراب الــــبين
احنا واحد ما احنا اتنين
الفرقة بتقتل و تعـــــــــل
و يا ابو الخل ...

يا ضاحك تحت الطربوش
غيرك جدو ما نحبــــوش
اسم الله فى بيتك منقوش
و بساطه لضيفك مفروش
فيه الضى و فيه الــــــظل
و يا ابو الخل ...

كنا بنقعد فى البستان
و الجنة ريحة لبنان
غنى و احلم بالانسان
و البدر فى ليلة نيسان
و الايام الحلوة تهــــل
و يا ابو الخل ...

يا ابو الخل
و ليه بتخل
بحق الخل
على الخلان
MOHAMED ALY
23/09/2006, 21h24
فى سنة 1964 بدأ فؤاد حداد فى كتابة ديوانه الشهير ( المسحراتى ) ...تلك الشخصية الرمضانية التى توقظ الناس للسحور. و قد حولها الشاعر فؤاد حداد من نداء لايقاظ الناس الى دعوة لايقاظ الوطن و الضمائر و الهمم . و قد كتب فؤاد حداد تحت هذا العنوان 111 قصيدة جمعت فى ديوان واحد صدر سنة 1988



( 1 )
عمر بن الخطاب
****
اصحى يا نايم
وحد الدايم


و قول نويت
بكره ان حييت
الشهر صايم
و الفجر قايم
اصحى يا نايم
وحد الرزاق
رمضان كريم
مسحراتى
منقراتى
تحت القمر
قريت مسائل
و من الاوائل
جانى الخبر
و من المدينة
و الراشدينا
فيما غبر
اصل الحكاية
سمع شكاية
مد البصر
شاف الخليفة
اجسام ضعيفة
زى الصور
لو لسه حيه
عيونها حافية
من النظر
فى نار تغلب
و ايدين تقلب
ميه بحجر
قالت يا سلى
ولادى يا اللى
تعرف عمر
و مهما نشهق
لا بد نزهق
من السهر
يمكن يغيتهم
نعاس يميتهم
قبل السحر
سالت دموعه
و بين ضلوعه
قلبه انفطر
قال كل مسلم
جناحه مؤلم
اذا انكسر
شوف جسمه مايل
تحت الحمايل
مد و صبر
قال شلت ذنبى
يغفر لى ربى
لو يغتفر
قامت قيامه
من اليتامى
لما ظهر
ابو المواجع
كأنه راجع
من السفر
جاب المؤونة
بايدين حنونة
و قال يا مضر
انا على
تخدم ايديا
بدو و حضر
ع الارض دنه
ينفخ و دقنه
بين الشرر
الانسانية
كلمة غنية
دم و عبر
اسلافنا هم
شقوا مداها
فطرة و بداهة
و خير امة
نمشى بهداها
على الاثر
و المشى طاب لى
و الدق على طبلى
ناس كانوا قبلى
قالوا فى الامثال :
الرجل تدب مطرح ما تحب
و انا صنعتى مسحراتى فى البلد جوال
حبيت و دبيت كما العاشق ليالى طوال
و كل شبر و حتة من بلدى
حتى من كبدى
حتة من موال :
يهدينى طول المدى رؤيا الندى و الطيف
و قلبى ينزل على كل القبايل ضيف
يطلع مع الحى رحلات الشتا و الصيف
و بشرب الطهر من زمزم براحاته
طابت جراحاته يا ساكن منى و الخيف
اصحى يا نايم وحد الدايم
السعى للصوم خير من النوم
دى ليالى سمحة نجومها سبحة
اصحى يا نايم يا نايم اصحى
وحد الرزاق
MOHAMED ALY
24/09/2006, 23h58
فى شهر رمضان سنة1388 هجريا ... الموافق نوفمبر سنة 1968 ميلاديا قام شاعرنا فؤاد حداد بتأليف ثلاثين قصيدة للمسحراتى .... كان من بينها هذه القصيدة .... و قد لحنها و غناها سيد مكاوى فى البرنامج الاذاعى الرمضانى الشهير : المسحراتى




الاستيماره
****

اصحى يا نايم
وحد الدايم
وقول نويت
بكره ان حييت
الشهر صايم
والفجر قايم
اصحى يا نايم
وحد الرزاق
رمضان كريم


مسحراتي منقراتي
ع الطبله ايدي
ريشه فى دوايتي
اسمع ياسيدي
اسمع حكايتي
مع استماره
راكبه الحماره
اول ماراحت
راحت لحسني
قالت ياحوستي
هو انت فاطر
قال كنت فاكر
مش حانسى تاني
خليك مكاني
الاستيماره
راكبه الحماره
راحت لفكري
قال تيجي باكر
وتروح لزكري
قال روح لشاكر
ولا لشكري
شكري في اجازه
راحت لبهجت
لا حط ماذا
ولا سألها
اشر نقلها
راحت لهاني
خليك مكاني
هاني الطاطوري
قال فيما يبدو
حتروح لعبده
لازم ضروري
ضروري لازم
راحت لحازم
منه لتيفه
شاغلاه لطيفه
منه لمكتب
راجل مؤدب
ببدله بني
قال لي اظني
في تاني اوده
عند الموظف
ابو بدله سودا
بدله رصاصي
قال لا مؤاخذه
مش اختصاصي
ياسيدي لاظوغلي
خلص لي شغلي
في تاني طرقه
على شمالي
لبدله زرقا
شرحت حالي
قال ثانيه واحده
والاستيماره
من يومها قاعده
راكبه الحماره
لو كنت راكب
ماكنتش اوصل
ولا أؤدي واجب
ولا احصل
واطلع بلاشي
احسن لي افضل
على مهلي ماشي


المشي طاب لي
والدق على طبلي
ناس كانوا قبلي
قالوا في الامثال :
الرجل تدب
مطرح ماتحب

وانا صنعتي مسحراتي في البلد جوال
حبيت ودبيت كما العاشق ليالي طوال

وكل شبر وحته من بلدي
حته من كبدي
حته من موال :

انا صايم الشهر طول الشهر ودا فاطـــــر
وانا ماشي في الشغل قلبي سخن ودا فاتر
ما يـتنـقـل شـبـر الا بـحــبـر ودفــــاتـــــر

اصحى يانايم وحد الدايم
السعي للصوم خير من النوم
دي ليالي سمحه نجومها سبحه
اصحى يانايم يانايم اصحى
وحد الرزاق
MOHAMED ALY
04/10/2006, 19h59
فى رمضان 1385 الموافق ديسمبر 1964 كتب فؤاد حداد 31 قصيدة من قصائد المسحراتى .... كان من بينها هذه القصيدة






عرب مصاروه

اصحى يا نايم
وحد الدايم
وقول نويت
بكره ان حييت
الشهر صايم
والفجر قايم
اصحى يا نايم
وحد الرزاق
رمضان كريم

مسحراتي
منقراتني
نازل الليله دي
بمزاج فرايحي
قالت مراوحى
يا قلب إهدا
أنا قلت إيه دا
خليه هليهلي
مزاحى يجلى
إحجل يا حجلى
أنا مش طاووس
حاطير برجلى
يادوب أدوس
أرضى تبارك لي
عاوز أبوس
على ترابها
مناخ عربها
حتى سرابها
يشفي النفوس
هى اللى هي
الانسانية
أم الليالي
أم الشموس
سرقت خيالى
وطبلي صهلل
وقلبى شخلل
زى الفلوس
وزاد جناني
وفاض حنانى
وكسر سنانى
العرقسوس
لفى يا ساقيه
دور يا قدوس
إحنا بصراحه
عرب فلاحه
فينا السماحه
عرب مصاروه
في مصر أرحم
بلد وثروه
فينا اللى شحم
زى اللى جير
كبير صغير
شايلين فانوس
ومن صعيدى
لبورسعيدى
إيدك وإيدى
علي الغموس

المشي طاب لي
والدق على طبلي
ناس كانوا قبلي
قالوا في الامثال :
الرجل تدب
مطرح ماتحب

وانا صنعتي مسحراتي في البلد جوال
حبيت ودبيت كما العاشق ليالي طوال
وكل شبر وحته من بلدي
حته من كبدي
حته من موال :

اصحى يانايم
وحد الدايم
السعي للصوم
خير من النوم
دي ليالي سمحه
نجومها سبحه
اصحى يانايم
يانايم اصحى
وحد الرزاق
MOHAMED ALY
05/10/2006, 12h52
فى 28 سبتمبر سنة 1970 رحل الرئيس جمال عبد الناصر قائد مصر و زعيم العروبة .... و مهما اتفقنا او اختلفنا معه و حوله فسيبقى اسم جمال عبد الناصر رمزا لمرحلة خالدة من مراحل النضال و الشموخ القومى بكل ما لها و ما عليها
و قد كتب شاعرنا فؤاد حداد هذه القصيدة فى الذكرى ( الاولى ) لرحيل جمال عبد الناصر :

جمال عبد الناصر


اصحى يا نايم
وحد الدايم
و قول نويت
بكره ان حييت
الشهر صايم
و الفجر قايم
اصحى يا نايم
وحد الرزاق
رمضان كريم

مسحراتى فى الطل راجع
و مطلع الشمس قبلتى
منقراتى يا طبلتى
و صوتى زيك من المواجع
شباك يا مطفى و شباك يا والع
دارت ليالى و لفت سنه
و جت فى ودنى اه يا ضنى
اكنى باسمع صوتى انا
و لسه باتعلم الكلام
و اجرب الحزن و المواجع
و الاقى كل الزمن يدور
و باطلب الحسنى فى الختام
كل اتجاه الليالى نور
احسنت يا صاحب المقام
يا هادى لولادى الابتسام
و هادى لعينيهم البريق
فاتح لهم روضة العلام
شوف زرع ايدك معنى و عدد
يفرش على اخر المدد
اخضر لاخضر توأم شقيق
وقفت فى مطرحى الطليق
انادى من ساعة الظلام
يا طول شعاع الفجر
فى قلب صلدق يمشى الطريق

المشى طاب لى
و الدق على طبلى
ناس كانوا قبلى
قالوا فى الامثال :
الرجل تدب
مطرح ما تحب

و انا صنعتى مسحراتى فى البلد جوال
حبيت و دبيت كما العاشق ليالى طوال
و كل شبر و حته من بلدى
حته من كبدى
حنه من موال :
فى طلتك فى الدقايق تسبق المواعيد
و الابتسامة اللى احلى من السلام بالايد
اؤمر لى بحقوقى و هدوم الولاد فى العيد
و المجانيه و مرايل بيضا و الاناشيد

اصحى يا نايم وحد الدايم
السعى للصوم خير من النوم
دى ليالى سبحه نجومها سبحه
اصحى يا نايم يا نايم اصحى
وحد الرزاق
MOHAMED ALY
06/10/2006, 20h06
ليل رمضان

اصحى يا نايم
وحد الدايم
وقول نويت
بكره ان حييت
الشهر صايم
والفجر قايم
اصحى يا نايم
وحد الرزاق
رمضان كريم

مسحراتي
منقراتي
بادور وادور
يا فرح قلبي
بيتنقل بي
من نور لنور
أشوف قبالى
على الطبالى
صحبة زهور
أقول يا زرعه
هاتى السحور
وانتى يا زلعه
سبع بحور
لقمه هنيه
تكفى ميه
فى سلطانيه
متسلطنه
قال الزبادى
وصلت أنا
ست الحبايب
يا محضنه
أنا اللى أصلى
روح الضنى
وأخضر بقشره
اسمر في قدره
أقول له إطرا
ويقول لىغمس
خلص المدمس
يا مين يحمس
لنا الوابور
قامت الرقيقة
أختى الشقيقه
قالت دقيقه
والشاى يدور
الله يخلى
البرتقانه
طلبت أحلى
قالت لى آنا
شوف الشعور

و المشي طاب لي
والدق على طبلي
ناس كانوا قبلي
قالوا في الامثال :
الرجل تدب
مطرح ماتحب

وانا صنعتي مسحراتي في البلد جوال
حبيت ودبيت كما العاشق ليالي طوال
وكل شبر وحته من بلدي
حته من كبدي
حته من موال :


أنا اللي شفت الرياح تسكن قصب مسحور
شفت الجبال تتنقل والبحر يرمى بحور
ولا شفت ليل فى الليالي زى ليل رمضان
ولا فجر أطيب من الفجر اللى بعد السحور


اصحى يانايم وحد الدايم
السعي للصوم خير من النوم
دي ليالي سمحه نجومها سبحه
اصحى يانايم يانايم اصحى
وحد الرزاق
MOHAMED ALY
06/10/2006, 22h26
في اليوم الخامس عشر من رمضان سنة 658هـ وقعت موقعة عين جالوت، والتي انتصر فيها المسلمون بقيادة الأمير سيف الدين قطزعلى التتار وتم توحيد مصر وبلاد الشام.

و قد ظل العالم الاسلامى يتصدى للحملات الصليبية الشرسة على مدى قرنين من الزمان، والتي بدأت من سنة 490هـ/ 1096م وظلت تتدفق على شواطئ الشام ومصر في محاولة للسيطرة على رأس الحربةفي بلاد المسلمين ومن ثم القضاء على الإسلام والمسلمين.
و ما إن انتهت تلك الحملات حتى ظهر على الساحة الإسلامية خطر عظيم لا يقل ضراوة عن خطر الحروب الصليبية إنه خطر المغول والتتار الذين لم يهددوا العالم الإسلامي فحسب بل هددواالعالم باسره
والمغول كانوا شعبًا بدائيًا عاش في هضبة منغوليا بجوار الدولةالخوارزمية الإسلامية والتي كانت على علاقة طيّبة بالمغول ولكن سرعان ما ساءت العلاقة بينهم لمقتل بعض تجار المغول. فخرج "جنكيز خان" ملكهم بجيوشه لمحاربةالمسلمين، فما دخل قرية إسلامية إلا وأحرقها، وقتل سكانها الأبرياء.
واستمرالمغول في زحفهم المدمر حتى دخلوا بغداد عاصمة الخلافة العباسية، واستطاع "هولاكو" -حفيد جنكيز خان- إسقاط الخلافة العباسية، وقتْل الخليفة العباسي سنة 1258م، وتدميربغداد عاصمة الخلافة .
و واصل هولاكو تقدمه فاستولى على حلب ودمشق ولم يبق أمامهالا مصر حصن الإسلام المنيع وكنانة الله في أرضه فأرسل هولاكو رسالة تهديد لحاكم مصر آنذاك السلطان "سيف الدين قطز" ويطلب منه الاستسلام فأبى السلطان قطز وأخذ يعد جيوشه ويستعرضها في شوارع القاهرة ليرفع به من معنويات المسلمين.
و ارسل قطز قوة استطلاعية بقيادة بيبرس الذى استطاع ان يهزم احدى الفرق المغولية. ووصل الجيش المصري المسلم بقيادة قطز إلى عين جالوت في شهر رمضان من سنة 658هـ وهناك دارت تلك المعركة الفاصلة بين الفئة المؤمنة وأهل البغي والفساد من المغول . وحقق المسلمون نصرًا ساحقًا على جيش المغول وأسروا قائدهم، وأمر "قطز"بقتله .

وانتهت بانتهاء معركة عين جالوت أسطورة الجيش المغولي الذي لا يقهر و استطاع المسلمون إنقاذ العالم كله من همجية المغول وخطرهموالذين أخذوا يفرون إلى ديارهم وهم يجرون أذيال الخيبة والهزيمة في عين جالوت. وكانت هذه المعركة البداية لدولة المماليك في مصر والشام.



و قد كتب فؤاد حداد هذه القصيدة عن موقعة عين جالوت


عين جالوت

اصحى يا نايم
وحد الدايم
و قول نويت
بكره ان حييت
الشهر صايم
و الفجر قايم
اصحى يا نايم
وحد الرزاق
رمضان كريم

مسحراتى
منقراتى
الدنيا تصحى على دبيبى
فى ايدى طبلة رمضان حبيبى
نغمها شامى و نغمها ليبى
نغمها مصرى عسلى و حبيبى
نغمها واحد يا دنيا طيبى
نغمها سارب بين البيوت
و نغمها ضارب فى عين جالوت
و صلاح محارب زاح الطاغوت
و بيبرس غالب جيش الصليبى
و نغمها طالب نغم شقيق
دق الرحايه على الدقيق
من الجهاد و العرق نصيبى
و نغمها مسعد ونغمها زين
و نغمها موعد للعودتين
ضمينى ارض و شوفينى عين
يا قدس ياما حتفرحى بى
المشى طاب لى
و الدق علىطبلى
ناس كانوا قبلى
قالوا فى الامثال :
الرجل تدب
مطرح ما تحب

و انا صنعتى مسحراتى فى البلد جوال
حبيت ودبيت كما العاشق ليالى طوال
و كل شبر و حته من بلدى
حته من كبدى
حته من موال :

الفاتحين من جهات الشمس للمغرب
العاملين بالهدى كانوا سيوف تكتب
و لا يعيد مجدهم فى كافة الامصار
غير ايد توحد و تعلى راية الثوار
و ايد تجاهد و ايد تزرع و ايد تبنى
و ايد تزيد الطريحه الاوله و تتنى
صلب وحديد لما تعرق من عطشها نار

اصحى يا نايم وحد الدايم
السعى للصوم خير من النوم
دى ليالى سمحه نجومها سبحه
اصحى يا نايم يا نايم اصحى
وحد الرزاق
MOHAMED ALY
07/10/2006, 11h20
و هذه قصيدة اخرى للمسحراتى فؤاد حداد .... يتكلم فيها عن الشاعر ..فؤاد حداد


صاحب مزيه وأستاذيه


اصحى يا نايم
وحد الدايم
وقول نويت
بكره ان حييت
الشهر صايم
والفجر قايم
اصحى يا نايم
وحد الرزاق
رمضان كريم

مسحراتي
منقراتي
يا سيداتى
وسادتى
بعد التماسى
أنا التماسى
يدوم حماسى
وعادتي
أنا قلب أخضر
بفروع تجرجر
من الشجرجر
مودتى
من غير أذيه
صاحب مزيه
وأستاذيه
في مادتى
وأنا فى انسجامى
ما أنساش لجامى
تحكم كلامى
إرادتى
وباقول يا قافيه
المعنى أفيد
و لا حرف أزيد
عن حاجتى
وانا اللى مؤمن
بالله ومؤمن
بالانسانية
وبالتى
كأنى من يوم
ولادتي
المشي طاب لي
والدق على طبلي
ناس كانوا قبلي
قالوا في الامثال :
الرجل تدب
مطرح ماتحب

وانا صنعتي مسحراتي في البلد جوال
حبيت ودبيت كما العاشق ليالي طوال
وكل شبر وحته من بلدي
حته من كبدي
حته من موال :

أنا كنت فلاح وكان محراتى آه ورا آه
وكنت عامل ما حدش قدره ورآه
وكنت شاعر تئن اقلامى يا ورقاه
دلوقتى صوتى فرايحى فى العزيق والحرت
طبلت أنا وسحرت
قبلت أنا وبحرت
وصبحت أنا مسحراتي سمع الدنيا
ودب مطرح ماحب وكلمته العليا
من فجر يوليه اللى شافه وطيبه ورقاه


اصحى يانايم وحد الدايم
السعي للصوم خير من النوم
دي ليالي سمحه نجومها سبحه
اصحى يانايم يانايم اصحى
وحد الرزاق
MOHAMED ALY
07/10/2006, 11h47
و كتب شاعرنا المسحراتى فؤاد حداد هذه القصيدة عن الافلام الامريكية ....و كل ما هو امريكى ...



بضاعة الامريكان

اصحى يا نايم
وحد الدايم
و قول نويت
بكره ان حييت
الشهر صايم
و الفجر قايم
اصحى يا نايم
وحد الرزاق
رمضان كريم

مسحراتى
منقراتى
مره فى حياتى
دخلت سيما
شفت اللى آتى
كان ياما كان
حمار حصان
بجوزين حوافر
و جوز ودان
عليه مسافر
شجيع جبان
يشب فوقه
و يحدف بطوقه
و يقل ذوقه
عيان بيان
و حبيبته شقرا
فى ايديها زهره
فى عينيها زغره
و دموع كمان
طب سيبنا من دى
سيبها فى امان
ادى فى الامام
احمر و هندى
داهن دهان
دا هندى هان
ابو عين قويه
بالبندقيه
هات يا نشان
يقتل له ميه
و يمضغ لبان
و بعد غيبته
يرجع بخيبته
يحضن حبيبته
شوف الحنان
و دا علم ولا
دا حلم والا
دا فيلم و الا
دا شئ جنان
سهرتنا ضاعت
على بضاعة
الامريكان
كان ليه ندور
فى غير مكان
احنا اللى نور
فينا الأدان
لازم نطور
حواديت زمان
فن الميدان
شعر العروبه
بحر العذوبه
و العنفوان
زى العيدان
نبتت ولادى
فى كل ناحيه
باهتف لتحيا
فنون بلادى

و المشى طاب لى
و الدق على طبلى
ناس كانوا قبلى
قالوا فى الامثال :
الرجل تدب
مطرح ما تحب
MOHAMED ALY
07/10/2006, 15h20
اوصيك يا إبني

اصحى يا نايم
وحد الدايم
وقول نويت
بكره ان حييت
الشهر صايم
والفجر قايم
اصحى يا نايم
وحد الرزاق
رمضان كريم

مسحراتي
منقراتي
تصدق ابنى
مصوراتي
عجب عجبني
مطرح ما شخبط
وراه مشعبط
رسم لى شجره
فى الحيط بتخبط
ورسم لى قمره
من غير براجل
وؤرسم لى راجل
بيبيع بليله
ورسم عرايس
لا مستحيله
الرمش ناقص
لكن كحيله
ورسم لى ورده
أوراقها فارده
أنا عينى بارده
صحيح جميله
ورسم لي بطه
ما تجيش ببلطه
من غير مغالطه
سحور قبيله
تسلم لى إيده
ما هيش بخيله
الله يزيده
قوه وحيله
الفن سرقك
يا ابنى ورقك
تسقيه بعرقك
يصبح خميله
وارسم لى قله
غطاها فله
أنا أب شاعر
مشيت أشاور
على البشاير


المشي طاب لي والدق على طبلي
ناس كانوا قبلي قالوا في الامثال
الرجل تدب
مطرح ماتحب

وانا صنعتي مسحراتي في البلد جوال
حبيت ودبيت كما العاشق ليالي طوال
وكل شبر وحته من بلدي
حته من كبدي
حته من موال :

أوصيك يا إبني وأتعلم وأقرا معاك
يا إبني أول ما تحفظ الفاتحه
أول كلامك ألف فتحه وب فتحه
أذكر أباك ألف فتحه وب فتحه
الطاقه فاتحه وأبواب السما سامعاك

اصحى يانايم وحد الدايم

السعي للصوم خير من النوم

دي ليالي سمحه نجومها سبحه

اصحى يانايم يانايم اصحى

وحد الرزاق
MOHAMED ALY
08/10/2006, 14h34
تبارك الله

اصحى يا نايم
وحد الدايم
وقول نويت
بكره ان حييت
الشهر صايم
والفجر قايم
اصحى يا نايم
وحد الرزاق
رمضان كريم

مسحراتي
منقراتي
نيلى فراتى
أشرب زلال
وأقرأ وردي
وارعش يا ولدي
من تحت جلدى
فى الابتهال
تبارك الله ذو الجلال

الله رحيم
إن كنت باطمع
قلبى سليم
فى عينى يلمع
نور النعيم
وبودنى أسمع
أدان بلال
تبارك الله ذو الجلال

الله ودود
أحب وطني
من غير حدود
وانقى قطني
من كل دود
واخد في حضني
كل العيال
تبارك الله ذو الجلال


الله لطيف
تغنينى لقمه
من الرغيف
عن جنس لؤما
وأنا الضعيف
من أجل حكمه
أشيل جبال
تبارك الله ذو الجلال


أشيل جبال
وأخد في حضنى
كل العيال
اسمع بودنى
أدان بلال
طريقي خالي
من الضلال
حالف ما أخاوي
إلا الحلال
كل الخطاوي
على كل حال
حتنحسب لي

المشي طاب لي
والدق على طبلي
ناس كانوا قبلي
قالوا في الامثال :
الرجل تدب
مطرح ماتحب

وانا صنعتي مسحراتي في البلد جوال
حبيت ودبيت كما العاشق ليالي طوال

وكل شبر وحته من بلدي
حته من كبدي
حته من موال :

يا أبو القلوب اللي بتسنبل وبتزهر
واللي بتبني الحياه وتشيلها وتعمر
أنا قلبي من نفسه يطلق نفسه ويعبر
عن فرحته بالبطل ويغني ويصور
فتحت بحرين وعليت العلم الأخضر
طلعت سربين تقبل فينا وتبحر
قلنا الصباح وأنت صحتنا بصباح أكبر
يوم القنال أنت جددته بيوم الأزهر
الله أكبر ولما طلعت ع المنبر
نفس الشهيد علي عمدان الحرم كبر

اصحى يانايم وحد الدايم
السعي للصوم خير من النوم
دي ليالي سمحه نجومها سبحه
اصحى يانايم يانايم اصحى
وحد الرزاق
MOHAMED ALY
08/10/2006, 14h47
أبو فصادة



اصحى يا نايم
وحد الدايم
وقول نويت
بكره ان حييت
الشهر صايم
والفجر قايم
اصحى يا نايم
وحد الرزاق
رمضان كريم

مسحراتي
منقراتي
مغنواتي
وكلامى دوا
لازم يدون
فى من تلوى
ومن تلون
كمثل سمكة
بتعوم فى كنكه
وعامل لى راجل
شديد فى بأسه
ع الخضرة أحضر
ع الصفرة أصفر
ع البيضه أبيض
والكل فاقسه
لكن ما همش
صاحبنا همش
على الدفاتر
وقال تآنسوا
بيروقراطي
يقول قيراطي
فدان بيطرح
دهب بلمسه
فدان بيطرح
من غير ما أفلح
غيرى اللى يسرح
ورا جمايسه

لكن الحكايه
لها نهايه
الريش حيسقط
اللي أنت لابسه
أراد صيدا
وكاد كيدا
أبو فصاده
فصاد نفسه
مثل ضربته
والا انضرب لى
علي غرابته

المشي طاب لي
والدق على طبلي
ناس كانوا قبلي
قالوا في الامثال :
الرجل تدب
مطرح ماتحب

وانا صنعتي مسحراتي في البلد جوال
حبيت ودبيت كما العاشق ليالي طوال

وكل شبر وحته من بلدى
حته من كبدى
حته من موال

كان عندي زغلول ورايح للطبيب عارضه
جسمه رقيق ما تعرف طوله من عرضه
خده انجرح في النسيم لما النسيم عارضه
يا للي حزين ع الي فات وقتلت زغلولى
كان عندى حب الدره أبرك من اللولى
حزنك على مال مكلفني الشقا والغم
والدمع والدم من عينى ومن عين أبى
أدى البلد نورت بالورد والعــــــــــــنب
ورجع لى زغلولي مالك ثورته وعرضه

اصحى يانايم وحد الدايم
السعي للصوم خير من النوم
دي ليالي سمحه نجومها سبحه
اصحى يانايم يانايم اصحى
وحد الرزاق
MOHAMED ALY
08/10/2006, 15h12
القدس

اصحى يا نايم
وحد الدايم
و قول نويت
بكره ان حييت
الشهر صايم
و الفجر قايم
اصحى يا نايم
وحد الرزاق
رمضان كريم

مسحراتى يا مؤمنين
منقراتى مد الأنين
الله على رعشة الحنين
عمره ما كان الامل ضنين
يا قدس نوارة السنين
كأن عينى فى ميتمى
يا قدس ما يحتمل دمى
الا أشوفك و أرتمى
و أبوس ترابك المريمى
أبوى و ابنى على فمى
ما أتوهش يا قدس فى المطال
سقاك من دمعته الهلال
يا قدس يا سبحة الشقا
الأعمى فى سجدتك رأى
و الفجر من صخرتك سقى
يا قدس تتفجر الجراح
و الصبر حرب و أيوب صلاح
يا أخت من مكه و البطاح
قلبى انضرب للعرب و صاح
لا بد من فتح فى الصباح

المشى طاب لى
و الدق على طبلى
ناس كانوا قبلى
قالوا فى الأمثال :
الرجل تدب
مطرح ما تحب

و انا صنعتى مسحراتى فى البلد جوال
حبيت و دبيت كما العاشق ليالى طوال
و كل شبر و حته من بلدى
حته من كبدى
حته من موال :

لما تقول اجمل ما فى الدنيا ..الميه للعطشان
يعرفوك عربى
اما للراوى ريحة البرتقان فى مداخل يافا
يعرفوك عربى
لما تقول ابنى اتولد لاجئ
يعرفوك عربى
لما تقول يا رب
يعرفوك عربى
لما تباشر جهادك.. ترمى اوتادك
فى قلب دابح ولادك
يعرفوك عربى

اصحى يا نايم وحد الدايم
السعى للصوم خير من النوم
دى ليالى سمحه نجومها سبحه
اصحى يا نايم يا نايم اصحى
وحد الرزاق
MOHAMED ALY
08/10/2006, 20h41
الكعـك



اصحى يا نايم
وحد الدايم
وقول نويت
بكره ان حييت
الشهر صايم
والفجر قايم
اصحى يا نايم
وحد الرزاق
رمضان كريم

مسحراتي
منقراتي
خالاتي عماتي سيداتي
على تل عجوه وعسل وسمن
ولا مجلس الامن سهرانين
لت وعجين
يبنوا الهرم
قالت حماه المحترم
ياكعك ياسيد الكرم
نبطلك في المشمشي
يابنت قومي وفرفشى
لاتحوشى
ولا تختشى
احمي الوابور واستحمشى
اشى واشى
تلاقيه مشى
اشى نغبشى
واشى حبشى
واشى دندشى
واشى انقشى
واشى ينحشى
واشى رشرشى
سكر عليه
بركة ايديه
فرحة عنيه
قال ايه وايه

المشي طاب لي
والدق على طبلي
ناس كانوا قبلي
قالوا في الامثال :
الرجل تدب
مطرح ماتحب

وانا صنعتي مسحراتي في البلد جوال
حبيت ودبيت كما العاشق ليالي طوال
وكل شبر وحته من بلدى
حته من كبدى
حته من موال

قال واحد اتنين تلاته واللي كان في الجرن
كله انفتل وانقتل وانشال وراح الفرن
عيني على رصه راحت ولا رصه جات
عمال اسحر وانا ماشي ورا الصاجات

اصحى يانايم وحد الدايم

السعي للصوم خير من النوم

دي ليالي سمحه نجومها سبحه

اصحى يانايم يانايم اصحى

وحد الرزاق
MOHAMED ALY
09/10/2006, 19h26
الحق واجب


اصحى يا نايم
وحد الدايم
و قول نويت
بكره ان حييت
الشهر صايم
و الفجر قايم
اصحى يا نايم
وحد الرزاق
رمضان كريم

مسحراتى
منقراتى
استثماراتى
أمل و نيه
فى الانسانيه
الناس هنيه
و الشعب قيم

أختار و أقدم
اللى بيخدم
و يا مصر كونى
بهجة عيونى
هلالى ثابت
و عودى نابت
على ثراكى
علمى اشتراكى
ايمانى مسلم

أختار و أقدم
اللى بيخدم
لا نخلى واحد
ع الكرسى قاعد
يذل تانى
ملزوم يعانى
يقف مكهرب
و دمه يهرب
و يدنه يضرب
تعظيم افندم

أختار و أقدم
اللى بيخدم
خلينى أصبح
ايمانى اصلح
طريقى أملح
دول حديثه
بقلوب حسيسه
و دراع فواعلى
أسبق و أعلى
من قبل ما اهدم

أختار و أقدم
اللى بيخدم
خلى الليالى
توصل حبالى
و أدور أسحر
الجيزه الأزهر
و اللى فى بالى
يبان و يظهر
بحس عالى
أخنار و أقدم
اللى بيخدم
بالمسك أختم

المشى طاب لى
و الدق على طبلى
ناس كانوا قبلى
قالوا فى الامثال :
الرجل تدب
مطرح ما تحب

و انا صنعتى مسحراتى فى البلد جوال
حبيت و دبيت كما العاشق ليالى طوال
و كل شبر و حته من بلدى
حته من كبدى
حته من موال :
يا اللى المعانى الكريمه تسعدك و تسر
شرع الكرامه اتوهب قبل الدهب و الدر
الحق واجب علينا فى كل ســـــــــــاعه تمر
رمضانى هدانى و هلال الهجره فى محرم
أنا ابن آدم مكــــــــــــــــــــرم ابن آدم حر

اصحى يا نايم وحــــــد الدايم
السعى للصوم خير من النوم
دى ليالى سمحه نجومها سبحه
اصحى يا نايم يا نايم اصحى
وحد الرزاق
MOHAMED ALY
09/10/2006, 19h47
ليلة القدر

اصحى يا نايم
وحد الدايم
وقول نويت
بكره ان حييت
الشهر صايم
والفجر قايم
اصحى يا نايم
وحد الرزاق
رمضان كريم

مسحراتى
منقراتى
يا رب يا رب
أنا ذو شجن صب
أهدينى للصبر

اخدم فى ناسى
و يدوم حماسى
وأوفى بالندر

وقلبى مالي
أبدر آمالى
للعالمين بدر

الرايه قلعى
والصارى ضلعى
قادر على البحر

للسعد إبنى
ولعينى جفنى
وللأمان بر

مالكين مصيرنا
ينصر ناصرنا
صبح لنا قدر

فى كل ناحيه
عينينا صاحيه
يا ليلة القدر

ليلة بكل السنه
الطاقه عرض السما
والطاقه فى الصدر

المشي طاب لي
والدق على طبلي
ناس كانوا قبلي
قالوا في الامثال :
الرجل تدب
مطرح ماتحب

وانا صنعتي مسحراتي في البلد جوال
حبيت ودبيت كما العاشق ليالي طوال
وكل شبر وحته من بلدى
حته من كبدى
حته من موال :

يا بلدى نورك سرح فى كافة الأمصار
بدر الآمال بدر
مهاجرين فى سبيل الله مع الأنصار
غزينا فى بدر
ووفينا بالندر
لمنزل الوحى هادى الوحى والأبصار
فى ليلة القدر

اصحى يانايم وحد الدايم
السعي للصوم خير من النوم
دي ليالي سمحه نجومها سبحه
اصحى يانايم يانايم اصحى
وحد الرزاق
MOHAMED ALY
09/10/2006, 20h44
و لا كل مين

اصحى يا نايم
وحد الدايم
و قول نويت
بكره ان حييت
الشهر صايم
و الفجر قايم
اصحى يا نايم
وحد الرزاق
رمضان كريم

مسحراتى
منقراتى
ولا كل مين
فى الضلمه شقر
طبل و نقر
يعرف يسحر
يا مسلمين

و لا كل مين
عاش فى الحديقه
و قال فيه حريقه
على الحقيقه
اصبح امين

و لا كل مين
حط اللاوندى
ع القلقشندى
ينفع افندى
فى الفلاحين

و لا كل مين
كسر سنونه
و عمل لى نونو
يصدق جنونه
و يرجع جنين

و لا كل مين
له كلمه صابحه
فى ربع صفحه
و آراؤه صالحه
صلاح جاهين

و انا صحت صيحه
و لا كل مين
سحر و صحى
المشى طاب لى
و الدق على طبلى
ناس كانوا قبلى
قالوا فى الامثال :
الرجل تدب
مطرح ما تحب
MOHAMED ALY
10/10/2006, 21h12
صاحب ندا

اصحى يا نايم
وحد الدايم
و قول نويت
بكره ان حييت
الشهر صايم
و الفجر قايم
اصحى يا نايم
وحد الرزاق
رمضان كريم

مسحراتى صاحب ندا
منقراتى كدا و كدا
فى ايدى طبله مجوده
امشى على ريحة الندى
و النسمه فى الجو منشده
توالى موالى و الحدا
يا مصر يا واحه مسعده
نطقت و الفجر كان صدى
حتى الشجر فى الحجر شدا
لما بدأت التاريخ بدا
( لحمه و طول الزمن سدى )
انت الاميره المجاهده
الانسانيه ام الفدا
ام الحضاره يا والده
ضميت الازهر و السيده
و الف مادنه يدا يدا
سياج لامه موحده
يا مصر عيشى على المدى
و اهدينا ثانيه مخلده
اما الشهاده او الهدى
النصر الأكبر على المدى
يا كحل عينى يا منجده

و المشى طاب لى
و الدق على طبلى
ناس كانوا قبلى
قالوا فى الأمثال :
الرجل تدب
مطرح ما تحب

و انا صنعتى مسحراتى فى البلد جوال
حبيت و دبيت كما العاشق ليالى طوال
و كل شبر و حته من بلدى
حته من كبدى
حته من موال :

صوموا و قولوا آمنا يا عباد الله
كونوا قلوب مطمئنه يا عباد الله
النصر فينا و منا يا عباد الله
احنا عرب و النبى عربى و ضامنا
ما ينكرشى يميننا يا عباد الله

اصحى يا نايم وحد الدايم
السعى للصوم خير من النوم
دى ليالى سمحه نجومها سبحه
اصحى يا نايم يا نايم اصحى
وحد الرزاق
MOHAMED ALY
10/10/2006, 21h38
القمر

اصحى يا نايم
وحد الدايم
و قول نويت
بكره ان حييت
الشهر صايم
و الفجر قايم
اصحى يا نايم
وحد الرزاق
رمضان كريم

مسحراتى فى شهر الصيام
منقراتى على الدوام
شوف القمر اكتمل تمام
من الف ليله و الف عام
قمر يراكم مغرب و شام
قمر تراحم قمر وئام
يا من تواصوا ألفين سلام
قمرمحجب بالابتسام
بشفه يحيى فيها الكلام
لاغى الحمام اللى فى الامام
فى السيده حن للمقام
ذكر معانا و قال ما بانام
ذكرت يا سعد يا كرام
و الليل قطيفه و لا ملام
تحت القمر قلبى فى هيام
من ليلة النصف للختام
فى ليلة القدر له مرام

المشى طاب لى
و الدق على طبلى
ناس كانوا قبلى
قالوا فى الامثال :
الرجل تدب
مطرح ما تحب

و انا صنعتى مسحراتى فى البلد جوال
حبيت و دبيت كما العاشق ليالى طوال
و كل شبر و حته من بلدى
حته من كبدى
حته من موال :

بعد الشهاده و بعد السجده للرحمن
حينكتب لى قيام الليل و صوم رمضان
و ما دمت عارف طريقى و صالح النيه
و كل خطوه تزيد اوصالى حنيه
فى ساعة الفجر يفتح لى الأمل رضوان

اصحى يا نايم وحد الدايم
السعى للصوم خير من النوم
دى ليالى سمحه نجومها سبحه
اصحى يا نايم يا نايم اصحى
وحد الرزاق
MOHAMED ALY
18/10/2006, 00h56
راجل عجوز

اصحى يا نايم
وحد الـــــدايم
و قول نــويت
بكره ان حييت
الشهر صــايم
و الفجر قــايم
اصحى يا نايم
وحد الــرزاق
رمضان كريم

مسحراتى تحت السمـــــا
منقراتى و لـــــــــــــربما
ضحكت سنانى المطرمه
يمكن يجــوز
راجل عجوز

لكن جوانحى بـــــيرفرفوا
فى صدرى بلبل انا اعرفه
من قبل نسمه ما تحـــــدفه
يلاقى نسمه بتــــــــــــلقفه
يمكن يجــوز
راجل عجوز

لكن مؤكد يا ســـــــــــيدى
الفن زهر على يــــــــــدى
ليالى سمحه و صباح ندى
اصيل و شارب من دا و دى
يمكن يجــوز
راجل عجوز

لكن فى رجلى عجل عجل
ماضى بماضى من العمل
ما حلو الا طعم الأمـــــل
بكره لعل و عسى عسل

المشى طـــاب لى
و الدق على طبلى
ناس كانوا قبـــلى
قالوا فى الامثال :
الرجل تـــــدب
مطرح ما تحب

و انا صنعتى مسحراتى فى البلد جوال
حبيت و دبيت كما العاشق ليالى طوال
و كل شبر و حته من بلدى
حته من كبدى
حته من موال :

بالله عليكم يوم العيد تـــــــــــــرقوا له
دلوقتى لما تشوفوه مع طبلته قـــــولوا
راجل عجوز ماشى ويا شويه من قلبه
الفجر فوق الطريق هما اللى شقــوا له

اصحى يا نــايم وحد الـــــدايم
السعى للصــوم خير من النـوم
دى ليالى سمحه نجومها سبحه
اصحى يا نــايم يا نايم اصحى
وحد الرزاق
MOHAMED ALY
18/10/2006, 01h02
(20 )
اتشجعوا

اصحى يا نـايم
وحد الـــــــدايم
و قول نويـــت
بكره ان حيـيت
الشهر صــــايم
و الفجر قــــايم
اصحى يا نـايم
وحـــد الرزاق
رمضان كريم

مسحراتى
منقراتــى
رمضان يا ولدى بأودعــه
ليلى و عينى الأثنين سعوا
بلال و بلبل اتجمــــــــعوا
علشان ينـــوحوا و يدمعوا
سمعنا هاتف اتشـــــــجعوا
الهى قادر يــــــــــــــرجعه
قوم انت اسقى اللى يزرعوا
انشد مديح اللى يصنعـــــوا
غنى الحديد و اللى طــوعه
و الأمهات لما يرفعـــــــوا
ايدين بتشقى اذا دعــــــــوا
حطوا الجبل للى يطلـــــعه
و فى طاقة القدر و سعـــوا
قوم انت نقر
الليل ينـــور
قلبك دا ملك اللى يسمــــعه

المشى طاب لـــى
و الدق على طبلى
ناس كانوا قبلــــى
قالوا فى الأمثال :
الرجل تـــــدب
مطرح ما تحب

و انا صنعتى مسحراتى فى البلد جوال
حبيت و دبيت كما العاشق ليالى طوال
و كل شبر و حته من بلدى
حته من كبدى
حته من موال :

كنا تلاته اربعه و لا اربعه خمســـــــــــــــه
فى حى الأزهر بنسهر من قديم الدهــــــــــر
نقول فى كان ياما كان و فى أصبح و أمسى
و يدور علينا نبات الشاى بلون الزهـــــــــر
فكرك يا شهر الزمان يحفظ لنا همســــــــــه
يا شهر و الا جميع كل الزمان ينســـــــــــى
لا أوحش الله منك المسلمين يا شهـــــــــــــر

اصحى يا نايــم وحد الدايــــــم
السعى للصــوم خير من النــوم
دى ليالى سمحه نجومها سبحـه
اصحى يا نايــم يا نايم اصـــى
وحد الرزاق
MOHAMED ALY
18/10/2006, 01h06
(21)
يوم العمل يوم عيد

اصحى يا نايـم
وحد الدايـــــــم
و قول نويــــت
بكره ان حيـيت
الشهر صايـــم
و الفجر قايـــم
اصحى يا نايـم
وحد الـــرزاق
رمضان كـريم

مسحراتى من هنا لبعــــــــــــــــــيد
منقراتى من قنا لرشــــــــــــــــــــيد
يا كل سطح طلعته بالأناشــــــــــــيد
و كل بيت قايم على العوامـــــــــــيد
ودارى بحرى و دارى جوه الصعيد
اللى بناك و اللى ضرب طوبـــــــك
و اللى هداك السعد عمى السعــــــيد
قول يا ديوك ادنوا
و يا أمهات هنـنوا
و يا بنايين عنـــوا
يوم العمل يوم عيد

كان يوزن القالب براحة أيـــــــــــــد
ع المسطره بالسنتى يا ابو الســـــــيد
و يتم ألف و لو قالوا له يعــــــــــــيد
ظهره انحنى ساعتين بلا تنهـــــــــيد
للمغربيه و هو صايم اكــــــــــــــــيد
قول يا ديوك ادنوا
و يا أمهات هنــنوا
و يا بنايين غــــنوا
يوم العمل يوم عيد

للمغربيه و هو صايم اكيــــــــــــــد
يضوى العرق فى جبينه زى الشهيد
نور الأيمان يا أمة التوحـــــــــــــيد
نور السما فوق راسه بالزغـــــاريد
ينهض و يتشطف شبابه جـــــــــديد
قول يا ديوك ادنوا
و يا أمهات هننـوا
و يا بنايين غـــنوا
يوم العمل يوم عيد

المشى طاب لـــى
و الدق على طبلى
ناس كانوا قبــــلى
قالوا فى الأمثــال :
الرجل تـــــدب
مطرح ما تحب

و انا صنعتى مسحراتى فى البلد جوال
حبيت و دبيت كما العاشق ليالى طوال
و كل شبر و حته من بلدى
حته من كبدى
حته من موال :

ما احلى العرق لما يضوى من جبين لجبين
من الغيطان و المصانع يفتح الميــــــــادين
و الديك بيدن ورافع راسه ع الانــــــــــتاج
ما أحلى البنا بالغنا ما أحلى العمل بمـــزاج
و ضحكة المصرى ترفع للسما ابـــــــراج

اصحى يا نايم وحد الدايم
السعى للصوم خير من النوم
دى ليالى سمحه نجومها سبحه
اصحى يا نايم يا نايم اصحى
وحد الرزاق
MOHAMED ALY
18/10/2006, 01h12
( 22 )

حاج راضى

اصحى يا نايم
وحد الدايـــــم
و قول نويـــت
بكره ان حييت
الشهر صايـــم
و الفجر قايـــم
اصحى يا نايـم
وحد الـــرزاق
رمضان كريم

مسحراتـــــــــى
منقراتــــــــــــى
يا حاج راضـــى
شيخ مصطفــــى
نورك جايبنــــى
نطرح و نبنــــى
رمضان واهبنى
سهل و دفا

ندى و سماحه
سمر جماعــه
ياألف قاعــــه
و مضيفه

يا ميت سرادق
تحت البيـــادق
على نمــــارق
مزخرفه

و الشمس مركب
مشوارها معجب
و كل معـــــرب
دمعه انطفا

ابسط يا صايم
هلت نســـــايم
و قلنا دايــــــم
و بالشفا

و ناس احبـــــه
زادونى ليــــــه
كل السعــــــاده
فى دى الزياره
و ان أراهــــــم
مبدأ تراحــــــم
و اقول كفى

اقول كفانــــــى
رمضان وافانى
و ايدين تفانـــى
و قلوب وفـــــا
مسهله لـــــــــه
دار الصفـــــــا
مسا هلالـــــــه
ما الطفـــــــــه

و المشى طاب لى
و الدق على طبلى
ناس كانوا قبــــلى
قالوا فى الأمثــال :
الرجل تدب
مطرح ما تحب

و انا صنعتى مسحراتى فى البلد جوال
حبيت و دبيت كما العاشق ليالى طوال
و كل شبر و حته من بلدى
حته من كبدى
حته من موال :

هات يا زمان هات تلات بلاحات و بق حليب
أبدأ فطارى على سنة رســـــــــــول و حبيب
اشم ريح الحجاز أسمع تهامــــــــــــــه و نجد
أشهد أعـــــــــــالى الشرف أحمل أحن الوجد
أقف بمجد العرب فى كل جمعه خطـــــــــيب

اصحى يا نايـــم وحدى الدايــم
السعى للصـــوم خير من النوم
دى ليالى سمحه نجومها سبحـه
اصحى يا نايــم يا نايم اصحـى
وحد الرزاق
MOHAMED ALY
18/10/2006, 01h18
( 23 )

كتب و ناس

اصحى يا نايـم
وحد الدايــــــم
و قول نويـــت
بكره ان حييت
الشهر صايـــم
و الفجر قايـــم
اصحى يا نايـم
وحد الـــرزاق
رمضان كريم

مسحراتى قديم جــــــــــديد
منقراتى خفيف شـــــــــديد
فاتح مدارس ساعة السحور
و طبلتى طبلة الحضــــــور
خدت الثقافه على اســـــاس
ان الثقافه كتب و نــــــــاس
قريت لطه و الحكـــــــــــيم
و لعم بيرم و النــــــــــــديم
و من المعره على بــــولاق
ابو العلا من ابو العــــــلاء
شفت الجميل يشكر الجميل
فى كل حته و فى كل جيل
من فننا جاءت الفــــــــنون
من شاعر جاء شاعــــرون
و من تراث لنا عريــــــــق
شيوخ اوروبا على الطريق
و مشيت فى شارع نور الظلام
و شفت لك يا عبد الســـلام
اكمنى راجل زيك أمـــــــير
الفجر أبيض زى الضـــمير

المشى طاب لـــى
و الدق على طبلى
ناس كانوا قبلــــى
قالوا فى الأمثـــال :
الرجل تدب
مطرح ما تحب

و انا صنعتى مسحراتى فى البلد جوال
حبيت و دبيت كما العاشق ليالى طوال
و كل شبر و حته من بلدى
حته من كبدى
حته من موال :

قلت المحبه و قلت المعرفه قسمـــــــــــه
و خدت عودى و كان عودى ربيع نسمه
أصبحه بالليالى و يجرى فى النجـــــــمه
انا قريت البلد و الفجر و الانســـــــــــان
و انا أتبعت الضحى و حدثت بالنعــــــمه

اصحى يا نايــم وحد الدايــــــم
السعى للصــوم خير من النــوم
دى ليالى سمحه نجومها سبحه
اصحى يا نـــايم يا نايم اصحى
وحد الــــــرزاق
MOHAMED ALY
18/10/2006, 01h27
( 24 )

دمشقيه


اصحى يا نايـم
وحد الدايــــــم
و قول نويـــت
بكره ان حييت
الشهر صايـــم
و الفجر قايـــم
اصحى يا نايـم
وحد الــــرزاق
رمضان كــريم

مسحراتى
منقــراتى
بادق بابك يا دمشق الشـــــــــــام

ضاحك و باكى
من شوك لماك
أطيب فطار عندك و أغلى صيام

فى عينى رقرق
صدق مــــورق
شغل الحميدى بالألف و الـــــلام

بهجة فــنونك
و نار كانونك
ريحانة الممسى و شذى الألهــام

سبحانه خالق
نور المشارق
قال كونى معصم للجبل و عصام
عين العروبه و مهجة الأســــلام
قهر الصليبيين أسد ضـــــــرغام
على نهج عالى و فى يمينه حسام
لما أن يهزه يروج الانســـــــــان
يأخذ بيد الأم و الأيتــــــــــــــــام
يوضع لنا كلمه و قدم و مقــــــام
و يدمر الباطل و لا ينضـــــــــام

أبو زيد هلالك
مهر المهــالك
و مهرها سالم و الفتى الهمــــــام

و فى كل عصــر
و ضحى لعصـر
و مغرب لمصر تحننى الارحــام

هاج الاعنه
خيالهـــــنه
طاب وصالك قبل جنح الظــــلام

يا ضى أحسن
كأنه لحـــــــن
الماضى من مستقبل الأيــــــــــام

المشى طاب لــــى
و الدق على طبلى
ناس كانوا قبــــلى
قالوا فى الأأمثــال :
الرجل تـــــدب
مطرح ما تحب

و انا صنعتى مسحراتى فى البلد جوال
حبيت و دبيت كما العاشق ليالى طوال
و كل شبر و حته من بلدى
حته من كبدى
حته من موال :

الليل دمشقى و نار الليل دمشقيـــــــــــه
كما ألات الطرب و الخيل دمشقيـــــــــه
و المكرمات و الأدب و الناس دمشقيــه
و احلف بنجم المسار ان ما خدتش التار
و ما طهرتش الديار تبقى دى مش هيه

اصحى يا نايــم وحد الدايــــــم
السعى للصــوم خير من النـوم
دى ليالى سمحه نجومها سبحه
اصحى يا نايــم يا نايم اصـحى
وحد الرزاق
MOHAMED ALY
18/10/2006, 01h33
( 25 )

تونس الخضرا

اصحى يا نايـم
وحد الدايــــــم
و قول نويـــت
بكره ان حييت
الشهر صايــم
و الفجر قايــم
اصحى يا نايم
وحد الــرزاق
رمضان كريم

سحر يا مسحراتـــــــــــى
نقر يا منقراتـــــــــــــــــى
تونس خضـــــرا لليله دى
جاى بربابه خضـــــــــرا
خيال و مغنــــــــــــــواتى
طبـــال والا نـايــاتـــــــى
تحت البرق الزناتـــــــــى
و فى قلبى قطره قطــــره
دموع فى الضحك اطرى
من العنب البناتــــــــــــى
على اسنان العــــــــزيزه
زى الخفاجه عامــــــــــر
غنى و خفق و غامـــــــر
قلبى فى ألف سامـــــــــر
و ألف غيط و جـــــــيزه
و ألف نيــــــــــــل و دلتا
و أنا ماشــى بدراعـــاتى
شفت الجنه فى حيــــــاتى
خدت فى حضنى الوطــن
المغـــــــــــــرب و اليمن
يا تــــــــــــونس ونسينى
كان الــــــــــزمن نسينى
و نسيت كل الـــــــــزمن
الا أنس الليـــــــــــله دى

و المشى طاب لى
و الدق على طبلى
ناس كانوا قبــــلى
قالوا فى الأمثال :
الرجل تــــــدب
مطرح ما تحب

و انا صنعتى مسحراتى فى البلد جوال
حبيت و دبيت كما العاشق ليالى طوال
و كل شبر و حته من بلدى
حته من كبدى
حته من موال :

ما نختلفشى فى نسبه أحمد بن عـــــروس
كان من صعيد مصر والا تونس الخضرا
هناك بنوا له مقام فوق الجبل محـــــروس
هنا بنوا له فى اوطان القلوب حضــــــره
على لسان كل مصرى كلمته حاضــــــره

عرب نغرب نشرق
يجمعنا شــعر و آه
لو حد بيننا يـــفرق
ما نستــاهلش حياه

اصحى يا نايـــم وحد الدايـــــم
السعى للصـــوم خير من النوم
دى ليالى سمحه نجومها سبحه
اصحى يا نايــم يا نايم اصحى
وحد الرزاق
MOHAMED ALY
20/10/2006, 00h45
( 26 )


العبد الشاكر

اصحى يا نايم
وحد الدايـــــم
و قول نــويت
بكره ان حييت
الشهر صايــم
و الفجر قايــم
اصحى يا نايم
وحد الــرزاق
رمضان كريم

مسحراتــــــــى
منقراتـــــــــــى
يقبل صلاتـــــى
اله رحــــــــيــم
لا تقولوا شاعــر
و لا مــــــــغنى
تقولوا عـــــــنى
كان عبد شاكـــر
قلبه سليــــــــــم
لا صوته يعــلى
على اليــــــــتيم
ولا عمره ينسى
و لا يناجـــــــى
مع اللــــــــــئيم
و كان يجــــــدد
و كان صمــــيم
حفظ حماســـــه
جاور تمـــــــيم
باسم العــــروبه
حبال طــــروبه
ناديت على الدنيا و الصدى
جاوبنى من آخر المــــــدى
يا شوقى للكل
ريحة الـــــفل
فى النـــــدى
فى كل طــــيب
انسان اغــــيب
عقلى و اهـــيم
و امشى الليالى
رمضان كريـم
عارف تراب الوطن نعيم

المشى طاب لــــى
و الدق على طبلى
ناس كانوا قبلــــى
قالوا فى الأمثـــال :
الرجل تــــــدب
مطرح ما تحب

و انا صنعتى مسحراتى فى البلد جوال
حبيت و دبيت كما العاشق ليالى طوال
و كل شبر و حته من بلدى
حته من كبدى
حته من موال :

يا أمهات المؤمنين هننوا و يا بنائين غنوا
المؤمنين بالرغيف و الماء يتهــــــــــــنوا
و لا يتولد طفل الا يلتقى الأحــــــــــضان
و ريحه من رمضان و ايدين تشيل عـــنه

اصحى يا نايـــم وحد الدايـــــم
السعى للصـــوم خير من النوم
دى ليالى سمحه نجومها سبحه
اصحى يا نايــم يا نايم اصحى
رمضان كريم
MOHAMED ALY
20/10/2006, 00h57
( 27 )


لازم أصحى الحى

اصحى يا نايـم
وحد الدايــــــم
و قول نويـــت
بكره ان حييت
الشهر صايـــم
و الفجر قايـــم
اصحى يا نايم
وحد الـــرزاق
رمضان كريم

مسحراتى أرمى صوتى لـــــفـــوق
مسحراتى بانســــــــــانــــيه و ذوق
ذوق مش قوى لأحسن ماينــــفعشى
لازم أصحى الحى كل الــــــحـــــى
لا بد طبلى يــــــــدوى فـــــيهم زى
فوج المدارس فى تــــمام الــــــضى
علم الصغر كما فى الحجر نـــــقشى
غلب حمارى لم غلب جــــــحـــــشى
أضرب مثل و الدنيا مش ســاهــــــيه
قلبى اتغسل بالطل و الــــــســـــــاقيه
دقت العسل على سنتى الــــــبـــــاقيه
يحلى كلامى و ضحكتى و قــــــفشى
و يا عم شاكرمين هنا يســـــــــــواك
مستكفى بالنعناعه و المســـــــــــواك
يصحى لى قبل ما افوت و ما ينامشى
ميات حبايب فى البلد و الـــــــــــوف
على صوتى فى الشهر الكريم بتــلوف
على عينى شلت الفضل و المعــروف
تحت الحواجب و البيوت أمـــــــــشى

المشى طاب لـــى
و الدق على طبلى
ناس كانوا قــــبلى
قالوا فى الأمثال :
الرجل تــــــدب
مطرح ما تحب
MOHAMED ALY
20/10/2006, 18h21
( 28 )


نفس ترياق


اصحى يا نايـم
وحد الدايــــــم
و قول نويـــت
بكره ان حييت
الشهر صايــم
و الفجر قايــم
اصحى يا نايم
وحد الــرزاق
رمضان كريم

مسحراتى ينادى فى الاحـــــــــــياء
منقراتى من الألف للـــــــــــــــــياء
صرف القسيمه على بسيمه و علاء

و المكوجى بيكوى هدوم العــــــــيد
و البيت دا هو مقبل على الزغـاريد
و الصاجه رايحه و جايه بالمـواعيد
ريحة المخابز من هنا لبــــــــــولاق

و السهرانين فى الحــــــى منتشرين
حتى الساعاتى منــــــــور الــبتارين
و أنا دورى نمره اربعه و عــشرين
فى محل الأسطى سيد الحـــــــــلاق

و بامد رجلى عترت فى القصاقيص
دا ترزى بدله و جاره ترزى قميص
قفطانى الأخضر أسعد الأزيــــــــاء

و جناحى الأخضر لو أمرته يطـــير
دا أنا ألف ليله و جلة الأساطــــــــير
يا عم با اللى بتدرس الأشـــــــــــياء

و الطفل دا اللى فى قلبى لسه حاويه
يرجع يغنى ع الفانوس وحــــــــويه
أبوك صغر يا ابنى يعنى خـــــــاويه
أصل الكريم رمضان نفس تـــــرياق

المشى طاب لـــى
و الدق على طبلى
ناس كانوا قبــــلى
قالوا فى الأمثــال :
الرجل تــــــدب
مطرح ما تحب

و انا صنعتى مسحراتى فى البلد جوال
حبيت و دبيت كما العاشق ليالى طـوال
و كل شبر و حته من بلدى
حته من كبدى
حته من موال :

أنا طالب القرب من وحوى فى اياحه
قمره على خدها زغاريد و تفــــــاحه
قالوا لى تكبر عليك انا قلت بالــراحه
دى ابوها سلطان لكين البنت فـــلاحه

اصحى يا نايـــم وحد الدايـــــم
السعى للصـــوم خير من النوم
دى ليالى سمحه نجومها سبحه
اصحى يا نايـــم يا نايم اصحى
رمضان كريم
MOHAMED ALY
22/10/2006, 00h45
( 29 )

الوقفه

اصحى يا نايـم
وحد الدايــــــم
و قول نويـــت
بكره ان حييت
الشهر صايـــم
و الفجر قايـــم
اصحى يا نايـم
وحد الــــرزاق
رمضان كريـم

مسحراتــــــــى
منقراتـــــــــــى
خفت آهــــــاتى
و قلبى طـــــاب

غار البـــــطوله
مع الطـــــــفوله
للأمـــــــــــهات
فصل الخـــطاب

لا حسى خافـــت
و لا عينى خافت
الثوره على الكل ساهره

فردت قوامـــــى
و آن اوانــــــــى
كل الأمانى مجــــــاهره

رقصت شعـــبى
دقيت بكــــــعبى
على تيجان الأباطـــــره

قديمى شافــــــع
و جديدى نافـــع
ألهمنى بلبل و طائـــــره

اه يا حـــــوارى
و يا كبــــــارى
و يا مداين و يا قــــــرى

نبات و معـــدن
و ديوك بتـــدن
و الأشتراكيه ظافــــــره

فى قلبى ساعـه
زى الأذاعــــه
دقاتها مبهوره باهـــــره

مع العروبـــــه
بحبال طروبــه
هنا الليالى و القاهـــــره

للى هـــــــواها
يهدى التــواهى
أمل و دنيا و آخــــــــره

و المشى طاب لى
و الدق على طبـلى
ناس كانوا قبـــــلى
قالوا فى الأمثــــال :
الرجل تــــــدب
مطرح ما تحب

و انا صنعتى مسحراتى فى البلد جوال
حبيت و دبيت كما العاشق ليالى طوال
و كل شبر و حته من بلدى
حته من كـبدى
حته من موال :

هدوم ولادى جديدة و بــــــرتقالى جديـــد
و الوقفه وقفه لها سقفه و لها تــــــــرديد
سحرت تسعه و عشرين يوم بعزم شديـد
يدوم و قبلى و بعدى و من قريب و بعـيد
كل الديوك و المآذن
كل النبات و المعادن
تدن لفجر العــــــــيد

اصحى نايــــــم وحد الدايـــــم
السعى للصــوم خيرمن النــوم
دى ليالى سمحه نجومها سبحه
اصحى يا نايـــم يا نايم اصحى
وحد الــــــرزاق
MOHAMED ALY
22/10/2006, 18h44
( 30 )



صباح العيد

بعوده الأيام يا حـــــــــبايب
و كل عام و العود طـــــايب
و البرتقان احمر و جـــــديد
اليوسفاوى صباح العــــــيد
قال اليافاوى ما عدش بعــيد
بعوده لبلاده الغـــــــــــــايب
و بعوده للعش زغـــــــــايب
نفرد حبالنا على الغـــــــارب
نحضن مشارق و مغــــــارب
بعوده الأيام يا حبـــــــــــايب
بعوده الأيــــام

انا الذى ســــــــــــــــحر طبل
بحر قبل
و الشهر خـــــــدته من الأول
مسحــــــــــــراتى على البازه

ما قلتش ان الليل طــــــــــول
نلت مطالبى
يا كعكه يا دبلة قلـــــــــــــبى
تسلم ايدين الخبــــــــــــــــازه
قول للصــــــاجات حيى البازه
تسلم ايدين الخبــــــــــــــــازه

سرحت حـــــــــر فى أحضانى
هوى أوطانى
يا حبذا فى رمضــــــــــــــــــان
ساعة السحــــــــــــور يا حبذا

قطعت فى الطل تــــــــــــــــذاكر
راضى و شاكر
و الشمس قالت من بـــــــــــاكر
تضحك فى خدى الغمــــــــــازه

حكم المهيمن من فــــــــــــوقى
طبلتى جوقى
بادور و يتغير طـــــــــــــــــــوقى
زى الحمامه القـــــــــــــــــــــــزازه

و انده و اقـــــــــــــــول خلينى كدا
طول عمرى كدا
مش قلبى لو بطلت نـــــــــــــــــدى
مش ايدى لو خدت اجـــــــــــــــازه
قول للصاجــــــــــــــات حيى البازه

و تعيش بلادنــــــــــــــــــــا العربيه
اشتراكيه
فجر السلام و الحــــــــــــــــــــــــريه
على دول غير منحــــــــــــــــــــــــازه
قول للصاجات حيى البــــــــــــــــــازه
سيف بدوي
19/01/2007, 23h38
ربما يداخلني الشك في قدرتي علي أن أضيف قولاً في هذا المقام الطيب
غير أن " أبويا الشيخ فؤاد " يظل معطاءاً حتى حين يلهمنا الحديث عنه
" أيام العجب والموت " قالها وكتبها فؤاد حداد وكأنما كان يوثق ويؤرخ
لأيام التهمت حياته وروحه ، إلا إنها كانت افتتاحية لأيام أشد عجباً !!!!!
تستطيع أن تقرأ أزمة الأوطان داخل أزمة الأيام الأخيرة في حياة الشيخ فؤاد:
كنت دايخ ولا خايف أقع
والا باسأل نفسي لأجل المر
اللي يتلقانى بين الرياح
إمتى كان ممكن يضيق البراح
قالوا هات شقفة مرايه يضيق
جبتها من الشارع النواح
جبتها من الشارع التايه
اللي بيدور عليه الهوى
لما تجري دموعى زي الريق
المراية في إيدي زي الدوا
المرايه في إيدي زي السلاح

فؤاد حداد : آخد من كلامك دليل
وآخد من كلامك إشارة
يا دموع فوق الخدود لا تسيل
إلا في موت النضال والجسارة
السلالم تعشق المواويل
والأغاني تشتهيها المرارة

أبويا فؤاد حداد : " نام في حضن الأرض واحلم لي "
احمد الديب
14/09/2007, 09h56
جواب الديب وتوحيشه

يادياب البشر ..... ياديـــاب
أنـــــيابكم هــــى الأنيــاب
***
لو واحـــد يـلاقي التاني
ما كانشي مشي واحـــداني
حتشـــوف الهلال الثــابت
في حـــضن الليالي نابـــت
وتشــوفه بيحــبي وينهــض
وتقول يا قمر ليه أبيض ؟!!
ويـــقولك عـــيوني شابت
بـتــدور على الأحــــباب

ياديــــاب البشر يا ديــــاب
أنــــيابكم هـــيا الأنـــياب
***
لا أهـــــي ولا أواهــــــي
ولا كنت الرقيق الواهـــــي
ولا فـــج وشقي ومفجـــــوع
أنا لونــي تراب موجــــوع
وأنا خشــمي بلون الشامــة
وياخدني العــطش والجــــوع
للـقــلب اللي في الشمامــة
أنا أكـــسر عليه البـــاب

يادياب البشـر ... يا دياب
أنيـــابكم هيا الأنيــــاب
***
واللـيلة بيعوي الحــــس
الديــب الجعـان بيعـــس
والليلة بيعوي الصـــوت
لو يحـــكم علياالمــــوت
علشان أفتـــدي من الموت
أظلم له أخـــويا ودمـي
أنا أفضل أمــوت متـغمي
وحيــاة الظــلام والغاب

يادياب البشر ... يادياب
أنيـــابكم هيا الأنيــاب
*****

ومصــــير البرئ يتـــــبرأ
وأنا باحلم برمل يــورق
وحــــزام المزارع الازرق
وبالاخضر وبالليــــموني
وأنا عيني كما المكـسـورة
من يوســف جميل الصــورة
إخــــــواته بيتـهـموني
مين صـــادق ...ومين كداب

يادياب البشر ... يادياب
أنيـــابكم هيا الأنيــاب
*****
شعر بالعامية المصرية
من ديوان رقص ومغنى - الرقصات
فؤاد حداد
yousrysaad
20/12/2007, 16h53
السلام عليكم ..مهما قلنا ومهما قال اى حد .. اللى بيتعرض على هذه الساحة لا يقدر بكل الاحجار الكريمة أن كان فيه لسه أحجار كريمة عايشة على الأرض ..
يابا وصاحبى
شايلك ف قلبى
يابا وعينى
شايلك ف عينى
يانن عينى
فى روحى دايما
قصادى دايما
ف قلبى الأيسر
وقلبى الأيمن
هذا كلامى انا - رجاء من لديه اى حاجة من الحضرة الزكية ينزلها وله وافر الشكر
محمودسعد
24/06/2008, 15h04
بارك الله فيكم ونفعنا الله بكم دائما
يا اهل الاصاله
يااهل الزمن الجميل
شكرا لتقديمكم بعض من اشعار والدالشعراء عمنا فؤاد حداد
واذكر له من ديوان الاراجوز
انا المصري افتدي انا المصري افن
كان فيه مره يابيه واحد لابس بيريه الدنيا بتجري ليه
الطربوش اختفي
وانا افندي مش افا
بغبغني البغبغان ولخبطني اللخبطان مابقت ايام رطان والقطه عالحيطان
بتنونو بالاوندي
انا المصري افندي
زمرت وقلت توت ادوني بدل سكوت وانا في الملوخيه اموت مع نسوان البيوت
واحب القرطفه
انا افندي مش افا
وارجوا من الاساتذه الكرام لو اي استاذ من حضراتكم عنده ديوان الاراجوز
وشكرا لكم
رائد عبد السلام
25/06/2008, 15h26
كان فؤاد حداد -رحمه الله- شاعرا مثقفا ولم يلجأ إلي العامية عن عجز بل كان يكتب بها ليكون أقرب إلي نبض الجماهير وعندما تقرأ أشعاره بالفصحي لا تفرّق بينه وبين كبار شعراء الفصحي...وكان مترجما جيدا عن الفرنسية وخاصة أشعار لويس أراجون الشاعر الفرنسي الكبير ....رحم الله الشاعر الوالد فؤاد حداد ..وهذه مرثيته بقلم العبد لله:
كل الجراح كدّابة ....
إلاك ياجرح الموت
تشبه وحوش الغابة
تنهش ومالك صوت
إزاي تجيلك روح تقبض فتي الفتيان
أبو صوت كمثل الموج ..يعلي كما الطوفان
ينطق يقول الحق
حتي ولو ينشق
قلبه من الأحزان ..
مين اللي عاش النهاردة وما بكي بالدمّ ؟
صعب الجراح العميقة بالضماد.. تتلمّ
عيني النهاردة عشانك
سابت بكا ودموع
وعرفت أول مرّة
طعم العطش والجوع
طعم العطش للندي
والجوع لكلمة ضيّ
تفتح طريق قدام
تهدي طريق الجايّ
أنا عارف الأحزان تشبه لون الجراح
وإن عشت بعدك وحيد
يفضل لجرحي براح
بين الوريد ..... والوريد
يسقيني حزن جديد
يسقيني ليه الفراق
دابحني وانت بعيد
بعد النهاردة مفيش صوتك يهز المدي
يبوس شواشي الشجر
يطيب لضحك الندي
آدي الحياة ياوالدي
تشرق علشان .... تغيب
مكتوب عليك الشقا والوحدة والتغريب
تبني قصور الأمل
تبني آمال وتخيب
مين اللي قالك تكون بين البشر شاعر؟
شايل هموم الكون
علي طريق واعر ..
أصل الحمل التقيل لابد راح يتعبك
وإن كان قلبك كبير ..
بحر الحياة ....كدّبك
صاحبك ماهوش صاحبك
وماعادش فيه إخوان
إنت الطير المسافر
علي جناح الزمان
واخد م الشعر سكّة
ومن الخوف ...الأمان
ياوالد الشعراء....سامحني مش بارثيك
لو كان حجر الطريق بيحس كان يبكيك
إنت الآهه الذبيحة بتشق موّالنا
صدقني مش بارثيك
ده انا رثيت ....حالنا
MOHAMED ALY
26/05/2009, 18h56
من ديوان : الحضرة الزكية ( 1 )


أَحَدٌ أَحَدٌ

يا اهل الأمانة و الندى و الشوق يا مجمعين
الشمل فى الحضره الزكيه أوّل ما نبـــــــدى
القول نصلى على النبى
المصطفى سيّد ولــــــــــد عدنان
قلنا النبى عربــــــى النبى إنسان
و قلنا سبحان الذى أسمــــــــــــانا
ردّتّ جهات لا تنتهى سُبـــحَانًـــــــه
سألنا بحر غميق و دنيا بــــــــــــراح
من أى قرية بـــــــــــــــــلالّ بن رباح
حطت حمامة مــــــــــــــرفرفة بالنور
دخل الصباح فى الليل حـــلم بالصباح
باحكى حكاية كبيـــــــــــــرة معروفه
عن ناس ما حدَش فيها بيـــعرف حدَ
بالرحمة تصبح دنيا مـــــــــــــــــألوفه
و فجر يتـــــــــــــــــــــــنهّد ظلام ينهدّ
كان يا ما كان يا مجـــــــــاورين الأذان
ع الغصن بلبل من ولــــــــــــــــد آدم
من طينة الأرض اللى زارعـــــه النيل
نــــــــوّارة الصبر اللى طارحه النخيل
يثبت و يمـــــــــــــــتد و يقع و يشيل
ربطوه بحبل و قربوه من مــــــــــــوته
ربطــــــــــــوا معادن كل قلب و مركب
و لآخر الدنيا العطـــــــــــاشى بصوته
ربطوا الضحـــــــــى و العصر و المغرب
أَحَدٌ أَحَد طلعت جبــــــــــــــــال مكه
نزلت واديها شعشــــعت فى الشعاب
بلال مطر بنهار و ليل و ســـــــــــحاب
و برق أســـــــــرع من سؤاله الجواب
أَحَدٌ أَحَد سكك الشبــــــــاب مطروقه
دابسين عليها زى لحد قـــــــــــــديم
رفعـــــــــــــــت راسى مش حاوطّيها
قسماً برب العرش و العــــــــــــــــزّه
و الناس ما عدتش تانـــــى أكسرها
أَحَدٌ أَحَد مــــزروع أنا مــــــــــــــزروع
أستغفر الله ان أصابنى المــــــــــرح
سمعتهم قــــــــــــــالوا ما بيحسَش
أستغفر الله ان أصابنـــــــــــى الغرور
ان كنت شايـف نفسى
دا جسمى شايف عذابه
دا كل رمش يحس بشقايا
دى كل نظره شاهِدَه معايا
أَحَدٌ أَحَد

أَحَدٌ أَحَد
أَحَدٌ أَحَد
هم ميتون
و اللهُ حىّ
أَحَدٌ أَحَد
إنّى أحسُ
فى كل فودِ
عرقاً اليماً
يقيمُ أودى
إنّى أرانى
عبداً و حراً
و الناسَ طرّاً
بينى و بينى
و الأُفُقُ ليسَ
يغولَ عينى
يا هولَ صَيحَه
يومَ القيامة
ليسوا نياما

هم ميتون
و اللهُ حىّ
أَحَدٌ أَحَد
أَحَدٌ أَحَد
يا هَوّلَ صَيحَه
تردَّدت
فبدَّدت
حُجُبِ الظلام
لمّا بَدَت
هذا كلامى
ماضٍ أمامى
كل المضاء
مثل القضاء
ضوء أضاء
على مرامى
ضجّ الفضاء
وُجِدت عيون
هم ميتون
و اللهُ حىّ
أَحَدٌ أَحَد

أمَا الذى إسمه أُمَيَّةُ بنُ خَلَف
إسمه يقول لك إيه يا راوى الخبر
الخير إذا بقّع بيبقى كريه
إيش حال بقى الشرّ اللى بيبقّع
جبان لأنه مدّعى و ظالم
و غنى و بخيل و جبان لأنه جبان
يحدف رقيته زىّ حدّايه
يلفّ ما يلّفش دنى و عجبان
يعمل كأّنه لمّا يمشى بيكبر
و لما بيمسك لحيته بيدبّر
شئون جليله فى مقام أبو جهل
أبو جهل كان بيبص لابن خلف
حدايه طايره لظلها اللى زحف
ا لهش حتى فى الجهاله شرف
هوَّ اللى جاب الصخره زى الرحايه
علشان يعذب فى الظهيره بلال
ينقلها له فى الرمضاء على صدره
يقول يكفر بالذى أرسل مُحَمَّد
ما خبرش لسه فى يمينه المهنّد
بلال كأنه اتولد يَتشَهَّد
بلال فى أعلى الدوح فى أعلى الدوح
عيونه تتفصّل عليها المناظر
و صوته بيكسّر حدود السلاسل

أَحَدٌ أَحَد
أَحَدٌ أَحَد
هم ميتون
و اللهُ حىّ
أَحَدٌ أَحَد
يا ربّ فارحم
هذا الجَسَد
قد اجتهدتُ
كما اجتهد
و قد جثمتُ
و كان صمتُ
و كان صوتُ
و كان أنّى
الذى انتصرتُ
فى الرضعتينِ
قلبى و عينى
دنيا و أخرى
جاهاً و سخره
حقاً و نيّه
أمّا الدنّيه
فلن تكون
هم ميتون
و اللهُ حىّ
أَحَدٌ أَحَد
هل كان يحلو
لو كل شئ
فى الأرض سهلُ
شممتُ شمساً
سأستعيدُ
و أستجيدُ
عصارتيها
تحت الظلال
ما كان تيها
و لا ضلال
لقد رشدتُ
فيما نشدتُ
و ما احتشدتُ
و اسمى بلال
مثل الهلال
فوق الظنون
هم ميتون
و اللهُ حىّ
أَحَدٌ أَحَد
أَحَدٌ أَحَد

يا ليل يا ليل يا اللى شجانى هلاله
بلال و صوته و الاّ صوت و بلاله
الأسمر الشمسى هديل النور
عطشه اللى بيريّح هطول المطر
و يعطّره و يطّيبه و يسقيه
بلال بلال الماء أموت دلوقتى
والا أعيش سبعين سنه و ثمانين
الجنّه جنبى لما اقول الله
أَحَدٌ أَحَد و لا يسمعوا لى أنين
إن عذبونى فى الحجاز قادر
أعرف روايحها الحجازيه
وطن مُحَمَّد ابتسامته جميله
أنا طفل ياجرى تحتها فرحان
و شاب باتعذب بجرأة و ثبات


أَحَدٌ أَحَد
أَحَدٌ أَحَد
هم ميتون
و اللهُ حىّ
أَحَدٌ أَحَد
يا هول صيحه
تفنى الغدا
قولوا بلالٌ
تشهّدَا
و راح يهدى
كما اهتدى
مادَ المدى
أراح ظهره
وَ أَسنَدَه
الى جدارٍ
من الندى
لقد أحبَّ
مُحَمَّدا
الله أكبر
الله حى
أَحَدٌ أَحَد
أَحَدٌ أَحَد

يا اهل الأمانه و الندى و الشوق
قلنا بلال عارف بألف دليل
حريته تحت ابتسام النبى
و جنته فى مكان بين الصحابه
و حديث شريف مسموع فى أسد الغابه
ان النبى ما دخلش مَره الجنّه
إلا و حس بلال بيستقبله
حى العرب يا مجاورين الأدان
صلى الإلهُ على الرسولِ و سلَم
( صلوا عليه و سلموا تسليما )
رائد عبد السلام
08/06/2009, 14h23
http://www.sama3y.net/forum/attachment.php?attachmentid=151559&stc=1&d=1244470423


فؤاد حداد



أشعر شعراء العامية على الإطلاق …… قامة فارهة في الشعر العامي …. تعلم الكل منه …


في أحاديثه الخاصة يقول بيرم لا أحد أشعر من فؤاد حداد . أول شاعر طبع ديوانا بالعامية المصرية عام 1947 .


هذا الشاعر الذي أدهش الكبار …. أكبر الكبار :


بيرم …رامي …صلاح جاهين.... الأبنودي ….أحمد فؤاد نجم ….. أحد الكبار قال قدر مصر أن يكون أكبر شعراء عاميتها … شامي وتونسي…..( فؤاد و بيرم ) . هذا الشاعر الذي هاجم أنظمة الحكم الديكتاتورية ودفع ثمن ذلك في ظلام السجن سنينا عدة هذا هو فؤاد حداد ….



قيل عنه :


عبد الرحمن الأبنودي قال :


كان للخلايق إنسانهم


للفلاحين حد فيسانهم


غنوا الفقارى بلسانهم


***


أحمد فؤاد نجم قال :


فؤاد حداد أستاذ الأساتذة.. يعني لو أنه هناك أكاديمية لشعر العامية المصرية سيكون “حداد” عميد الأكاديمية..


وفى رأيي أنه لا يقل شاعرية عن عباقرة الفصحى والمتنبي وأبو تمام و غيرهما.. وهو صاحب اختراعات وأشهر كشاف لمعاني الكلمات والتراكيب وشعره عظيم لكنه ليس بسيطا.. هو غابة ومتاهة.


***


جمال الغيطاني قال :


أحيانا أتساءل :هل من قبيل المبالغة لو قلت أن فؤاد حداد أشعر من خطا فوق أرض مصر بعد المتنبي وأبي نواس وشوقي


كلما عدت إلى قراءته أتأكد من صدق الإجابة في الإيجاب


***


خيري شلبي قال :


قام فؤاد حداد بتمصير الشعر …؟؟؟؟؟


***


بهاء جاهين قال :


أخشى أن أكون قد ادعيت أجنحة لا أملكها حين تجاسرت على التحليق في سماوات شاعر من أكثر شعراء الإنسانية رحابة.


***


الشاعر جمال بخيت قال :


الله يرحم قلبي وعيني


قلبي وعيني فؤاد حداد


هو وابويا كانوا سنيني


كانوا رجولتي وهم ولاد


الله يرحم حسناً فيهم


الله يرحم نور لياليهم


الله يرحم ساقية بتسقي


عطش الوادي وعطش الواد


الله يرحم قلبي وعيني


قلبي وعيني فؤاد حداد


***


سيد حجاب قال :


الله…إنها والله قامة شعرية فارهة شامخة وطاقة إبداعية لانهائية من روح إنساني ثري ورائع.


***


يعتبر فؤاد حداد ذو الأصول الشامية رائد شعر العامية وشاعرها الأول في مصر وصاحب أول ديوان في شعر العامية أصدره عام 1947 وهو ديوان “أحرار وراء القضبان”. وقد ارتبط مسار حياته بالحركة الوطنية الديمقراطية المصرية وأمضى فترات في المعتقل أيام حكم الملكية .وبعد ثورة 23 يوليو/ تموز 1952 في عهدي الرئيسين الراحلين جمال عبد الناصر وأنور السادات.



وقد استطاع عند ظهور أول أعماله في الأربعينيات نقل الشعر الشعبي المصري من مساحة الزجل الذي يستهدف النقد الاجتماعي إلى مرحلة الشعر الصافي المرتبط بالقضايا الوطنية والمؤسس على جماليات جديدة، واستفاد فيها من ميراث الشعر العربي التقليدي ومن الأدب الشعبي المصري والشامي والعربي بأشكاله المختلفة.


وتمكن الراحل فؤاد حداد من التأثير في الأجيال التي عاصرته مثل صلاح جاهين الذي توقف عن الكتابة بالفصحى وبدأ الكتابة بالعامية تأثرا بشعر حداد، إضافة إلى من جاء بعده مثل عبد الرحمن الأبنودي وسيد حجاب وفؤاد القاعود.


وكان فؤاد حداد شاعرا غزير الإنتاج ومن أبرز أعماله “المسحراتي”، وهي قصائد غناها السيد مكاوي في برنامج إذاعي شهير مازال يذاع في شهر رمضان من الستينيات وحتى الآن. ومن أعماله أيضا “ريان يا فجل” و”أيام العجب والموت”، و”يا أهل الأمانة” و”الحضرة الزكية”، إضافة إلى “من نور الخيال وصنع الأجيال في تاريخ القاهرة” الذي كتبه ردا على نكسة يونيو/ حزيران 1967 قدمته الإذاعة عام 1969، وديوان “النقش باللاسلكي” الذي كتبه عن مجزرتي صبرا وشاتيلا عندما كانت فلسطين تشكل القضية المحورية في شعره.


محطات حياتية سريعة :


فؤاد سليم حداد من مواليد 28 أكتوبر 1928 .


تعلم في مدرسة الفرير ثم مدرسة الليسية،


كانت لديه رغبة قوية للاطلاع على التراث الشعري الذي وجده في مكتبة والده.


اعتقل لأسباب سياسية عدة مرات.


خرج من السجن ليكتب في شكل جديد لم يكن موجودًا في الشعر العربي.


اصدر 33 ديوان منها 17 اثناء حياته والباقى بعد وفاته.


سمى بفنان الشعب وغنى على أفواههم واستلهم منهم الملاحم العظيمة مثل أدهم الشرقاوى وحسن المغنواتى.


توفى رحمه الله فى 1 نوفمبر 1985.



قال لى


إيه الورد فوق السطوح




كل ما بتجرى عيونى يزيد

أسعد الناس اللى ميّت شهيد
أكرم الناس اللى عاش مفضوح
الرصاص أجرأ من الزغاريد
والرصاص معترجمان الأمل
ماشى ينهج فى طلوع الجبل
"فؤاد حداد – اللوحة – ديوانأيام العجب والموت"
*****








"لازم تعيش المقاومة"


*****
حقيقــــةالــــدم هاجمـــــه
لازم تعــــــيشالمقاومـــه




مـــن كــــل وادى لـــوادى
فـــــوق الكفــــوفزوادّى
بــــارئ مــــن الأســـــرار
وصّــــانى ليــــــلونهــار
إمــــــــا ولاد الــــــــــديب
إمـــــــــا ولادالـــــــــــدار
مــــا أظلـــــم التغريــــــب
عينــى بكــت مــنطيـــب
الأغنيـــه اللــــى تقــــول
آه يــا نســــيمالصـــــــبا
نــــازل علـــــى مرحبــــا
بــــين الخيـــاموالعبـــــا
مـــن بعــــد آب أيلـــــول
يجــرى الشتا المستخفى
يحكـــىربيـــع زغلـــول
يــورد أتـــر مــن زحفـى
علـــى رملهـــاالمبلــول
حلـّـفـــْتــكــــمُ بالنــــعمه
لازم تعــــيش المقاومــه




شــاهد علــىمشــــهدى
مــانع يفـــيض بالكيــــل
خبـــز الغـــرارهنـــــدى
أنــــوى تمــــامالليـــــل
أفــرد وأطــوى جنـاحى
علــــى قــــدم ســـلاحى
بـين المضـاربصـاحى
واعـرف ظنـون الظـلْمَه
لازم تعـــيشالمقاومــه




كــان يــوم مــن الأيــام
جـدى فـى طريـقالشام
حـــــادى ولا ســــــــّلام
تــارك عــنانالهـــودج
متعــــــــوّد الأنغــــــــام
صـــوته تهــــدّجلمــــا
طلــت عــيونه لســـلمى
لازم تعـــيشالمقاومــه




مـاء الدموع فى الكــون
مــــا للحبايــــبلـــــون
الله يكـــون فـى العـــون
بـــين الســنابل وقفــــت
لاتميــــل ولا تتلفــــــت
نظـرت لصـوب الشــرق
مـن جفنهـا اللـىانشــق
طالبــه الــوطن والــحق
دايـــم شـــقاها ودايمـــه
لازم تعـــيشالمقاومـــه




ذكــرت يافـــاوأريحــــه
وفـــى الخيـــال عــــدّيت
والقـدس أختى الجريحـه
لمــــابَــــدَت غضــــيت
تحــت اللغــط والــدهس
أنّـــت أنـــين الــــــنفس
درج البيـــوتالنايمـــه
لازم تعــيشالمقاومـــه






حيفـــــــــــــــا ورامالله

ومــن الجـــليل عليــــاه
لا تعيــــــد علــــــىَّالآه
عـــادت علـــىَّ ســــنين
هـــــــذا أوان التـــــــين
لعـــبالتـــراب بـــالنور
رجـع الصــدى المبــهور
بـين الزيتــونوالكرمــه
لازم تعـــيشالمقاومـــه




الطيبـــات فـــى الحقــــل
بكريّـــــــةالأحضـــــــان
وكتـــاب يبـــرّ العقــــل
يامـا ســقيتالحيضـــان
وشـكرت فضـل الغيطـان
كرامـــــــهالأوطــــــــان
أنــا ابنــى يكبـــر عنّـــى
حمــد ومــودهورحمـــه
لازم تعـــيشالمقاومـــه




فــى الأمنيــــهوالأمــــل
فــى الشــارع المفتـــوح
فــى الشــارع اللى انقفل
وبـينرصـيف وسـطوح
وبـين كراســى وموائـــد
وفى الاحتـرام والحُـــــبّ
علـــىإيــــدين الوالـــــد
فــى الماء نبـع ويصُـــب
وفى حضـــورالصــــبح
وفى إجتمـــــاع القمـــــه
لازم تعــــيشالمقاومــه




الإنســـــــانيهكرامــــــه
والطيبـــــه والأخـــــلاق
مــــايقبلوش الملامـــــه
مجـروحكـأن السلامــه
إهانـــــــه للشـــــــهداء
محمودأبوفاطمة
06/08/2009, 14h46
أيها الفضلاء أيها المشرفون على المنتدى الأفضل :
أتمنى منكم استجابة أمنيتى بأن أقوم بتحميل جميع حلقات المسحراتى ؛ فإننى من عشاق الساحر فؤاد حداد والرائع سيد مكاوى ، كما أتمنى أن تردوا على مسرعين بالرد قبل حلول الشهر الكريم فأنا أعشق الفن الأصيل وأعيش فى جلبابه وسأعيش معه وفيه حتى يتوفانى اله مأجورا غير مأزور .
محمود أبو فاطمة
رائد عبد السلام
07/08/2009, 14h00
محمودأبوفاطمة; أيها الفضلاء أيها المشرفون على المنتدى الأفضل :
أتمنى منكم استجابة أمنيتى بأن أقوم بتحميل جميع حلقات المسحراتى ؛ فإننى من عشاق الساحر فؤاد حداد والرائع سيد مكاوى ، كما أتمنى أن تردوا على مسرعين بالرد قبل حلول الشهر الكريم فأنا أعشق الفن الأصيل وأعيش فى جلبابه وسأعيش معه وفيه حتى يتوفانى اله مأجورا غير مأزور .
محمود أبو فاطمة



الأخ الفاضل
محمود
كل سنة وأنت طيب
حلقات المسحراتي موجودة في صفحة
الأستاذ سيد مكاوي

اضغط هنا (http://www.sama3y.net/forum/showthread.php?t=587)