المساعد الشخصي الرقمي

مشاهدة النسخة كاملة : أعمال من تنفيذ الفنان محمد الآلاتي


الصفحات : [1] 2 3 4 5

الألآتى
13/07/2006, 12h43
أسماء الله الحسنى .. قمت بتحميلها من هذا الموضوع .. وأشكر كل من قام بمجهود واضح فى إثراء ورفع أعمال الشيخ سيد النقشبندى ..

ولكن هذه الأعمال .. ذكرتنى ببرنامج تلفزيونى يحمل نفس الإسم ( أسماء الله الحسنى ) .. وكان يذاع فى شهر رمضان بالطبع .. ولكن هذا كان من زمن طويل .. يتذكره الغالبية منكم بحكم السن .. وكانت مقدمة البرنامج ( التتر ) .. هى نفسها أسماء الله الحسنى بصوت النقشبندى .. ولكنها ليست من ضمن الأعمال الثلاثة الموجودة فى موضوعنا هذا ..

ووجدت أنه من الصعب أن أحاول تذكيركم بهذا التتر .. لأن الكلمات واحدة فى كل الأعمال .. هى أسماء الله الحسنى .. ولن تتغير ..

ففكرت أن أسجل جزءاً من هذا العمل بصوتى ( الوحش طبعاً ) .. لعلكم تتذكرونها ..

أرجو سماعها والبحث فيما تمتلكونه من كنوز .. لعل وعسى ..

الألآتى
08/08/2007, 13h43
موسيقى عزيزة .. لمحمد عبد الوهاب ...
تنفيذ متواضع لمحمد الألآتى .. مهداة للأستاذ العزيز : غازى الضبع .. أرجوا أن تنول رضاه ..

ايهاب عامر
08/08/2007, 14h20
موسيقى عزيزة .. لمحمد عبد الوهاب ...

تنفيذ متواضع لمحمد الألآتى .. مهداة للأستاذ العزيز : غازى الضبع .. أرجوا أن تنول رضاه ..

السلام عليكم ورحمه الله وبركاته
ايه يا عم محمد يعنى ما ينفعش حد غير حبيبنا غازى يحملها ولا ايه
عموما انا حملتها وعجبتنى جدا وبسمعها
ومش هخلى حد يقولك انها عجبتنى جدا
ومش هخلى حد يقولك انى عايز اقولك انت جميل بجد

الألآتى
08/08/2007, 16h27
ماتفهمنيش غلط ياإيهاب ..

كل المسألة .. إن عم غازى بيحب المقطوعة دى حسب كلامه .. لكنها مهداه للكل .. ولا تزعل ياعم ..

محمود
08/08/2007, 19h17
أول كلامي سلام ..

إيه ده يا عم محمد؟!!! ده مش شغل يتحط في قسم المبدِعِين. دول لازم يعملوا قسم المبَدََعين.

مع تحياتي

محمود

سامية
08/08/2007, 20h30
السلام عليكم ورحمه الله وبركاته
والله يا استاذ ابو حسام انت راجل فنان بجد .. وتنفيذك الغير متواضع على حد وصفك هو عمل اكتر من رائع
في انتظار أعمال أخرى لسيادتك .. تهديها لغازي بأه ، تهديها لأي حد برضه هانسمعها معاك
مع خالص تحياتي

الألآتى
09/08/2007, 01h24
إيه ده ياجماعة ... ماتنفخوش فيا قوى كده أحسن أفرقع .. وأفتكر نفسى مزيكاتى بجد ..

أنا بحب أنفذ الحاجات إللى بتعجبنى بس .. أنفذها زى ماهى .. بدون توزيع .. بدون إضافات .. لأنها مش للسوق .. أنا عايزها زى ماهى ..

ولعلمكم عايز أقول لكم حاجه .. ( فرصه بقى .. لقيت حد يعبرنى .. ) .

المزيكا مش مشكلة .. لأنى عازف من خمسة وتلاتين سنة ..

المشكلة فى الإيقاعات .. إنتوا عارفين .. أنا بعمل الإيقاعات دى إزاى ؟

أولاً : باستخدم برنامج إسمه Fruity Loops .. وده برنامج شامل ( إيقاعات ومزيكا ) ولكنى أستخدمه فى الإيقاعات فقط ..

أستخدم خامات الألآت الإيقاعية ( دم ، تك ، سك ، تش ، بش .. ألخ ) وأضعها بترتيب معين فى البرنامج فتنتج المازورة الإيقاعية التى أريدها .. وطبعاً علشان أنا عندى خلفية كويسه عن الإيقاعات وإستخدام الألآت الإيقاعية .. باأتخيل الشكل الإيقاعى المطلوب وأنفذه كما أريد .. هذه الخامات لها أكثر من مصدر .. من الإنترنت ، من الأصدقاء ، وأحياناً أحصل على هذه الخامات من الأصل .. يعنى إيه ؟

يعنى أجيب طبلة مثلاً .. وأسجل ( الدم ) لوحدها .. و ( التك ) لوحدها .. و ( السك ) لوحدها .. ( والشنبر ) لوحده .. وهكذا .. وأضع هذه الخامات فى البرنامج وأستخدمها .. فينتج صوت إيقاعى حقيقى .. وتسمعون إيقاع كما سمعتوه فى هذه المقطوعة ..

أغلبية الموزعين يستخدمون الإيقاع ك ( Loop ) لوب .. أى مازورة إيقاعية كاملة .. ويكررونها على مدار الأغنية .. طبعاً يستخدمون أكثر من مازورة .. لكنى أحب أن أعمل الإيقاع بنفسى حتى يأتى حسب خيالى .. كفايه كده ..

غازي الضبع
09/08/2007, 06h14
فرحت جدا أول ما دخلت المنتدى الساعة الثامنة صباحا ، وألاقي أول حاجة مستنياني هي رسالة على الخاص من حبيبي محمد الآلاتي .. وكمان ألاقي محتواها عبارة عن هدية من ذلك الانسان الجميل المهذب ذو الحس الراقي اللطيف
وكمان ألاقي الهدية عبارة عن المقطوعة الموسيقية اللي باحبها ..
الحمد لله رب العالمين .. أولا وأخيرا
ثم ألف شكر يا كبير الآلاتية يا جميل ..
بس تخيل بقى .. مش عارف أحملها ..
واجتمعت الظروف كلها ضدي ..
- منعوا الـ Download في الشغل .
- الـ DSL فيه عطل في البيت .

وهكذا وضعت الظروف تحت اسمي ( ممنوع من التحميل ) .. :mdr:

بس هي أكيد جميلة مادام عمي محمد الآلاتي هو اللي عاملها
وإلى أن تسمح لي الظروف بتحميلها هاكون مشتاق جدا ليها
لك مني خالص امتناني ومحبتي

Adham Osman
09/08/2007, 06h34
صباح المزاج الجميل

أخيرا ياعمنا سمعنالك حاجة أتمنى ألا تكون بيضة الديك بالنسبة لنا.
وفعلا ملحوظة جدا إن إيقاعاتك مش ريتم بوكس ولكن تحس إنها حية وكمان محبوكة قوى مع المزيكا.
وبعدين 35 سنة عازف وحتة واحدة طب خليهم إتنين.
الله ينور ياعم محمد

أدهم

ايهاب عامر
09/08/2007, 08h58
فرحت جدا أول ما دخلت المنتدى الساعة الثامنة صباحا ، وألاقي أول حاجة مستنياني هي رسالة على الخاص من حبيبي محمد الآلاتي .. وكمان ألاقي محتواها عبارة عن هدية من ذلك الانسان الجميل المهذب ذو الحس الراقي اللطيف
وكمان ألاقي الهدية عبارة عن المقطوعة الموسيقية اللي باحبها ..
الحمد لله رب العالمين .. أولا وأخيرا
ثم ألف شكر يا كبير الآلاتية يا جميل ..
بس تخيل بقى .. مش عارف أحملها ..
واجتمعت الظروف كلها ضدي ..
- منعوا الـ Download في الشغل .
- الـ DSL فيه عطل في البيت .

وهكذا وضعت الظروف تحت اسمي ( ممنوع من التحميل ) .. :mdr:

بس هي أكيد جميلة مادام عمي محمد الآلاتي هو اللي عاملها
وإلى أن تسمح لي الظروف بتحميلها هاكون مشتاق جدا ليها
لك مني خالص امتناني ومحبتي
السلام عليكم ورحمه الله وبركاته
اخى الكريم غازى
ربنا يسهل وتتحل مشكلتك مع الدونلود ومزود الخدمه دى .إس.إل
على فكره انا ما نبرتش فى الغنوه انا كنت بهرج مع عمنا محمد يعنى اتمنى انك تسمعها قريبا

هانى حازم
09/08/2007, 16h23
الله ينور با عم محمد دة مش بقك بس اللى بينزل سكر دة ايديك بردة فيها سكر

الألآتى
09/08/2007, 19h59
يا ولا يا والا يا والا يا ولا ترارارارارم :)هيك رجعتنا لبعيد يا الأللآتي روعه تسلم الأيادي وعايزين كمان وكمان ما ننحرم منك يا كريم



أخيراً .. العزيزة هامو شرفتنى وردت عليا فى مشاركة .. لو أعرف كده .. كنت وضعت المقطوعة من زمان .. مانحرمش منك أيتها الغالية ..

الألآتى
09/08/2007, 20h01
فرحت جدا أول ما دخلت المنتدى الساعة الثامنة صباحا ، وألاقي أول حاجة مستنياني هي رسالة على الخاص من حبيبي محمد الآلاتي .. وكمان ألاقي محتواها عبارة عن هدية من ذلك الانسان الجميل المهذب ذو الحس الراقي اللطيف
وكمان ألاقي الهدية عبارة عن المقطوعة الموسيقية اللي باحبها ..
الحمد لله رب العالمين .. أولا وأخيرا
ثم ألف شكر يا كبير الآلاتية يا جميل ..
بس تخيل بقى .. مش عارف أحملها ..
واجتمعت الظروف كلها ضدي ..
- منعوا الـ Download في الشغل .
- الـ DSL فيه عطل في البيت .

وهكذا وضعت الظروف تحت اسمي ( ممنوع من التحميل ) .. :mdr:

بس هي أكيد جميلة مادام عمي محمد الآلاتي هو اللي عاملها
وإلى أن تسمح لي الظروف بتحميلها هاكون مشتاق جدا ليها
لك مني خالص امتناني ومحبتي

عمى غازى ..

فرحتنى وزعلتنى فى نفس الوقت ..

فرحتنى علشان قدرت تدخل وتشوف هديتى .. وزعلتنى علشان ماقدرتش تحملها .. أرجو أن يزول السبب قريباً لأنه يهمنى رأيك .. لك كل تقديرى ..

الألآتى
09/08/2007, 20h06
صباح المزاج الجميل

أخيرا ياعمنا سمعنالك حاجة أتمنى ألا تكون بيضة الديك بالنسبة لنا.
وفعلا ملحوظة جدا إن إيقاعاتك مش ريتم بوكس ولكن تحس إنها حية وكمان محبوكة قوى مع المزيكا.
وبعدين 35 سنة عازف وحتة واحدة طب خليهم إتنين.
الله ينور ياعم محمد

أدهم


حلوة بيضة الديك ياعم أدهم .. والله العظيم ( أنا غلبان ) ..

أنا فعلاً ماباحبش الرتم بوكس .. لسبب مهم جداً .. إن الرتم بوكس مهما كان حلو .. حاستعمله فى أغنية أو إتنين .. ويبقى مكرر وقديم ..

وبالنسبة لوضعى قطعة واحدة .. أنا عندى من الهجس ده كتير لكنى كنت خايف أنضرب وأخد ميت جزمة .. لكن الحمدلله .. ربنا ستر وعدّت المرة دى .. إن شاء الله .. سأضع لكم العديد من هذه الخزعبلات ..

الألآتى
09/08/2007, 20h08
الله ينور با عم محمد دة مش بقك بس اللى بينزل سكر دة ايديك بردة فيها سكر


والله إنت إللى سكر ياهانى ياغالى .. ربنا يجبر بخاطرك زى ماجبرت بخاطرى .. روح ياشيخ .. ربنا يخلليهم لك ..

محمد تميمي
09/08/2007, 21h59
حبيبنا الالاتي اولا وبعيد عن المجاملات انت فنان وفنان وفنان.
هذا راي قلائل من سمعوه مني, وانت واحد منهم لانك فعلا فنان بما قدمت وفنان لانك قدمت عزيزه وعزيزه على كل محبي عبد الوهاب واعماله الخالده.
سماعي هو مكان طبيعي لامثالك ومتخفش عندنا سميعه والحمدلله تقدر كل فنان زيك, سيبك من التواضع والخزعبلات
وهات من جعبتك ما يسعدنا كما اسعدتنا عزيزه من اناملك.

mokhtar haider
10/08/2007, 01h13
إيه ده ياجماعة ... ماتنفخوش فيا قوى كده أحسن أفرقع .. وأفتكر نفسى مزيكاتى بجد ..


أنا بحب أنفذ الحاجات إللى بتعجبنى بس .. أنفذها زى ماهى .. بدون توزيع .. بدون إضافات .. لأنها مش للسوق .. أنا عايزها زى ماهى ..

ولعلمكم عايز أقول لكم حاجه .. ( فرصه بقى .. لقيت حد يعبرنى .. ) .

المزيكا مش مشكلة .. لأنى عازف من خمسة وتلاتين سنة ..

المشكلة فى الإيقاعات .. إنتوا عارفين .. أنا بعمل الإيقاعات دى إزاى ؟

أولاً : باستخدم برنامج إسمه Fruity Loops .. وده برنامج شامل ( إيقاعات ومزيكا ) ولكنى أستخدمه فى الإيقاعات فقط ..

أستخدم خامات الألآت الإيقاعية ( دم ، تك ، سك ، تش ، بش .. ألخ ) وأضعها بترتيب معين فى البرنامج فتنتج المازورة الإيقاعية التى أريدها .. وطبعاً علشان أنا عندى خلفية كويسه عن الإيقاعات وإستخدام الألآت الإيقاعية .. باأتخيل الشكل الإيقاعى المطلوب وأنفذه كما أريد .. هذه الخامات لها أكثر من مصدر .. من الإنترنت ، من الأصدقاء ، وأحياناً أحصل على هذه الخامات من الأصل .. يعنى إيه ؟

يعنى أجيب طبلة مثلاً .. وأسجل ( الدم ) لوحدها .. و ( التك ) لوحدها .. و ( السك ) لوحدها .. ( والشنبر ) لوحده .. وهكذا .. وأضع هذه الخامات فى البرنامج وأستخدمها .. فينتج صوت إيقاعى حقيقى .. وتسمعون إيقاع كما سمعتوه فى هذه المقطوعة ..


أغلبية الموزعين يستخدمون الإيقاع ك ( Loop ) لوب .. أى مازورة إيقاعية كاملة .. ويكررونها على مدار الأغنية .. طبعاً يستخدمون أكثر من مازورة .. لكنى أحب أن أعمل الإيقاع بنفسى حتى يأتى حسب خيالى .. كفايه كده ..

و دا اسمه كلام يا أبو حسام؟
شوف يا سيدي... تمتعنا في الأول وتسمعنا حاجة مخدومة... يعني مخدومة زي ما شرحت لنا ...و زي ما أنا حسيت من خلال استماعي لها... ثم تعمل لنا تعليق و تعطي شرحات على التوليفة الذكية اللي عملتها... لحد كدا كويس
ثم فجأة تيجي تقوم تقول لنا كفاية كدا... كمل يا سيدي دا البخل مش لايق عليك و الله.... عطشان يا أبو حسام... مش ترويني لحد ما ارتويي بجد؟؟؟

غازي الضبع
15/08/2007, 21h15
موسيقى عزيزة .. لمحمد عبد الوهاب ...




تنفيذ متواضع لمحمد الألآتى .. مهداة للأستاذ العزيز : غازى الضبع .. أرجوا أن تنول رضاه ..

.. إيه يا عم محمد الجمال والروعة دي ..
وتقولي .. أرجوا أن تنول رضاي ..
أنا ماشفتش تواضع كده أبدا
.. طب ساكت على نفسك ليه يا باشا
والله في منتهى الجمال
بس فين المزيد ..
أقولك على مقطوعة بقى أنا باموت فيها .. ولاونك مش بتحبها ..
مقطوعة قمر 14 .. يا سلام تبقى عملت معايا أحلى واجب
وأعتقد إنها صعبة قوي .. بس على مين ..
دا إحنا معانا الكبير قوي ..
محبتي يا قمر

الألآتى
16/08/2007, 00h35
ياعم غازى .. حرام عليك .. قمر 14 !!!

إنت عايزهم يطردونا من المنتدى ولا إيه ..

هى مش صعبة ولا حاجه .. هى بس فيها إيقاع كتير .. مش مشكلة أبداً ..

ولكنى أعتقد أن الهجوم علينا .. لن نستطيع صده أو رده ..

عموماً .. حاشوف .. يمكن أقدر أعمل لك جزء منها .. علشان ماتزعلش .. طالما بتحبها .. وفى نفس الوقت نراعى شعور العالم الذواقة إللى معانا .. بتوع ( أيها الراقدون تحت التراب ) ;) ..

غازي الضبع
16/08/2007, 07h37
ليه بس يا عم محمد يا آلاتي
يطردونا عشان خاطر عزفت موسيقى لموسيقار الأجيال
الموسيقار اللي موسيقاه تنور أي مكان وأي زمان
بلاش تلاكيك يا عم محمد .. ولا هي صعبة قوي كده
أكيد يعني كبير الآلاتية كلهم أدّها وأدود

الألآتى
16/08/2007, 15h22
أيوة ... لبسنى السلطانية .. لبّس

قلوظ لى العمّة .. قلوظ ..

بس إكبسها كويس .. أصل أنا باكل من الكلام ده ..

حاعملها لك من غير أونطة ..

الألآتى
17/08/2007, 00h33
بناء على تدبيسة الأستاذ غازى الضبع .. ونزولاً على رغبته السامية ..

أقدم لكم بكل خيبة قوية .. مقطوعة أو رقصة ( قمر 14 ) لمحمد عبد الوهاب ..

وزى ماإحنا عارفين .. هى أخر رقصة ألفها عبد الوهاب ..

أقدم لكم جزء منها .. وليس كلها .. لأنها حوالى 12 دقيقة .. ولأنى ماأقدرش أزعل حبيبى غازى .. أرجوا ألا تضربونى بالبُلغ .. وأتمنى لكم سماع طيب ..

سامية
18/08/2007, 21h15
بالشكل ده انا هاشجع غازي يدبسك كمان وكمان
طالما التدبيسات بتكون نتيجتها إبداع بالشكل ده
وبعدين يا عمنا كفاية تواضع احنا عرفنا اللي فيها
احنا كلنا لازم نشكر غازي لانه جاب رجلك في السكة دي
يعني لما احتاج حاجة زي كده منك يا استاذنا اجيب غازي واسطة لسيادتك
ولا اطلبها على طول ؟؟؟؟
بس تعرف ان غازي ده متسلط عليك معظم المواضيع اللي بيفتحها بيدبسك فيها وبيستغل مكانته عندك
على العموم يا ابو حسام انت مكسب كبير للمنتدى ولنا كلنا
مع خالص تحياتي

الألآتى
19/08/2007, 00h02
إنت ِ تؤمرى أيتها العزيزة سامية .. وطلباتك أوامر .. وأشكرك على كلماتك الرقيقة التى تزيد من شجاعتى لوضع مثل هذه الأعمال فى المنتدى .. وأعدك وأعد الأخوة الأعزاء بتحضير أعمال أكثر حرفية وأكثر جمالاً مما وضعت من قبل ..

غازي الضبع
19/08/2007, 09h01
يا آلاتي يا جميل ..
مش عارف أشكرك إزاي ..
أكيد جميلة جدا ( لسه ما حملتهاش للأسباب السالف ذكرها )
ولو إني مش عارف ليه رأيك فيها كده ..
دي جميلة جدا ..
شوفت إزاي بدأت بأوركسترا قوية جدا .. وكأنها مارش عسكري ، وفجأة تحولت إلى موسيقى راقصة ..
ما يعملشي الحتة غير الأستاذ ..
وبعدين شوفت إزاي بقت موسيقى حزينة جدا ..ثم تحولت إلى موسيقى كلاسيكية أشبه بالموسيقى التصويرية في الأفلام ..
ثم يعطينا درس كالعادة في التكرار نفس الجملة الموسيقية ولكن بعدة توزيعات مختلفة ..
زيها زي مقطوعاته الجميلة في نبتدي منين الحكاية ، وفاتت جنبنا .
وبعدين يؤكد إنه المايسترو العملاق الذي اخترع وابتكر أن يدخل كلمة ما داخل المقطوعة الموسيقية وكأن الكلام أصبح حروف موسيقية من اختراع عبد الوهاب ..
زي ما عمل كده في موسيقى .. عزيزة .. يا وله يا وله
وموسيقى زينة .. زينة زينة والله يا زينة
وموسيقى حبيبي الاسمر .. أسمر باحبه الاسمر .. حبيبي الاسمر .. حياتي الاسمر
وغيرهم ..
فيكمل المسيرة هنا بعدة حروف لالالالا لالالالا
ثم يعود إلى الدخلة الأروكسترالية التي بدأ بها .. وجعلني حينما سمعتها لأول مرة تساءلت .. إزاي حد هايرقص عليها دي ..
لكنه جاوب بتحويلة غاية في الجمال .. وأنهى بنفس الجملة التي تشبه المارش اللي قولنا عليه ..
الله الله الله
الله يرحمك يا عبد الوهاب
حرام عليك يا آلاتي ..
دي في نظري الشخصي من أجمل ما أبدع عبد الوهاب
وعلى فكرة .. أنا طول عمري أحب أسمع أي نقد فني لأي عمل فني ..
بس في النهاية ليا رأيي الشخصي ونقدي الشخصي .. وعمره ما بيتأثر برأي كبار النقاد ..
أرجوا منك يا كبير الآلاتية يا جميل .. تعيد النظر فيها ..
وما تتأثرش باللي اتقال عليها من النقاد وقتها ..
ولا بالتعليق اللي اتقال عليها من الأخ اللي رفعها هنا في المنتدى ..
تحياتي واحترامي ومحبتي لك يا صديقي السماعي

الألآتى
19/08/2007, 10h00
يا آلاتي يا جميل ..
مش عارف أشكرك إزاي ..
أكيد جميلة جدا ( لسه ما حملتهاش للأسباب السالف ذكرها )
ولو إني مش عارف ليه رأيك فيها كده ..
دي جميلة جدا ..
شوفت إزاي بدأت بأوركسترا قوية جدا .. وكأنها مارش عسكري ، وفجأة تحولت إلى موسيقى راقصة ..
ما يعملشي الحتة غير الأستاذ ..
وبعدين شوفت إزاي بقت موسيقى حزينة جدا ..ثم تحولت إلى موسيقى كلاسيكية أشبه بالموسيقى التصويرية في الأفلام ..
ثم يعطينا درس كالعادة في التكرار نفس الجملة الموسيقية ولكن بعدة توزيعات مختلفة ..
زيها زي مقطوعاته الجميلة في نبتدي منين الحكاية ، وفاتت جنبنا .
وبعدين يؤكد إنه المايسترو العملاق الذي اخترع وابتكر أن يدخل كلمة ما داخل المقطوعة الموسيقية وكأن الكلام أصبح حروف موسيقية من اختراع عبد الوهاب ..
زي ما عمل كده في موسيقى .. عزيزة .. يا وله يا وله
وموسيقى زينة .. زينة زينة والله يا زينة
وموسيقى حبيبي الاسمر .. أسمر باحبه الاسمر .. حبيبي الاسمر .. حياتي الاسمر
وغيرهم ..
فيكمل المسيرة هنا بعدة حروف لالالالا لالالالا
ثم يعود إلى الدخلة الأروكسترالية التي بدأ بها .. وجعلني حينما سمعتها لأول مرة تساءلت .. إزاي حد هايرقص عليها دي ..
لكنه جاوب بتحويلة غاية في الجمال .. وأنهى بنفس الجملة التي تشبه المارش اللي قولنا عليه ..
الله الله الله
الله يرحمك يا عبد الوهاب
حرام عليك يا آلاتي ..
دي في نظري الشخصي من أجمل ما أبدع عبد الوهاب
وعلى فكرة .. أنا طول عمري أحب أسمع أي نقد فني لأي عمل فني ..
بس في النهاية ليا رأيي الشخصي ونقدي الشخصي .. وعمره ما بيتأثر برأي كبار النقاد ..
أرجوا منك يا كبير الآلاتية يا جميل .. تعيد النظر فيها ..
وما تتأثرش باللي اتقال عليها من النقاد وقتها ..
ولا بالتعليق اللي اتقال عليها من الأخ اللي رفعها هنا في المنتدى ..
تحياتي واحترامي ومحبتي لك يا صديقي السماعي

جرى إيه ياعم إنت .. إنت بتدخل المنتدى كل إسبوع ولا إيه !!

عموماً .. حمدلله على السلامة ..

بالنسبة لنقدى للمقطوعة .. فهذا سأتحدث فيه فيما بعد .. بعد سماعك للملف المرفق ..

وأدعو الله أن ييسر لك الحال .. وتنتهى هذه الأزمة التى تمنعك من التحميل والإستمتاع ..

غازي الضبع
19/08/2007, 10h03
بس إيه رأيك ؟؟
عرفت أحكي الموسيقى ؟
شفت لفظ غريب إزاي .. هي الموسيقى بتتحكي
إيه رأيك بجد .. يهمني أعرف ؟

غازي الضبع
19/08/2007, 13h01
دا اسمه كلام برضه يا كبير الآلاتية يا جميل
أنا برضه ألبسك السلطانية
.. ولا أقلوظلك العمة ..
دا انت حبيبي ..
..
..
..
..
بس معلش احنا عايزين السلطانية :mdr:
أصلها مش بتاعتنا :mdr:

الألآتى
19/08/2007, 19h29
بس معلش احنا عايزين السلطانية :mdr:

أصلها مش بتاعتنا :mdr:


هاهاهاها ... عايزها بقى فاضيه ولا مليانة .. طرشى ..

تحت أمرك ياعم غازى ياغالى ..

الألآتى
19/08/2007, 19h33
بس إيه رأيك ؟؟
عرفت أحكي الموسيقى ؟
شفت لفظ غريب إزاي .. هي الموسيقى بتتحكي
إيه رأيك بجد .. يهمني أعرف ؟

طبعاً الموسيقى بتتحكى ..

وإنت حكيت كمستمع وذواق .. وليس أكاديمى .. والأهم أنك حكيت إحساسك ..

غازي الضبع
24/08/2007, 17h07
الله الله الله
يا كبير الآلاتية يا جميل
إيه الجمال والحلاوة دي
مش عارف أقولك إيه
جميلة جدا جدا جدا جدا جدا
لغاية رمضان .. كل سنة وإنت طيب
....
معلشي أنا لسه محملها دلوقتي .. وإنت عارف ليه
بس أنا زعلان منك عشان خاطر الوصف بتاعك ليها
يا راجل ..
حد يقول كده على هذه المقطوعة الجميلة الرائعة
دا مافيش أحلى ولا أروع ولا أجمل من كده
وإنت عملتها جميل جدا
برافو برافو برافو عليك والله
....
إنسى كل اللي قريته أو سمعته عنها وأحكم عليها بأذنك إنت يا راجل يا فنان
والله فعلا ختامه مسك
فعلا دي مسك ختام مقطوعات عبد الوهاب الموسيقية


...
مش هاطلب منك حاجة دلوقتي عشان ماتتخنقش مني
.. وعلى رأي المثل ( من أمثال غازي الضبع اللي عارفينها )

يا بخت من زار .. وغار

تحياتي ومحبتي وإعجابي

الألآتى
25/08/2007, 05h06
هاهاهاها ...

يوسف قاسمي جمال
02/09/2007, 17h34
سلام
هذه أول مشاركة لي بعمل تلفزي... يمكنكم مشاهدته في موقعي الخاص ... أرجو أن يتال التجديد في الموسيقى المغربية العريقة اعجابكم ...
http://musikassimi.blogspot.com/2007/03/youssef-la-tete-2m.html

ridha26
04/09/2007, 00h26
سلام
هذه أول مشاركة لي بعمل تلفزي... يمكنكم مشاهدته في موقعي الخاص ... أرجو أن يتال التجديد في الموسيقى المغربية العريقة اعجابكم ...
http://musikassimi.blogspot.com/2007/03/youssef-la-tete-2m.html

مع الشكر على مجهودك،
إلا أنه وجب التنبه أن نقل روابط لمواقع أخرى في المنتدى أمر محظور.
نأمل منكم تفهم الأمر

الألآتى
07/09/2007, 20h16
فاكرين الأغنية دى .. كانت بتغنيها مطربة فى فيلم لحن الوفاء .. فى الملهى الليلى ..

إسمعوها بصوتى ( الجحاشى ) وتنفيذى الموسيقى .. مع بعض الحبشتكات .. ( التوزيع ) .

غازي الضبع
07/09/2007, 20h41
فاكرين الأغنية دى .. كانت بتغنيها مطربة فى فيلم لحن الوفاء .. فى الملهى الليلى ..



إسمعوها بصوتى ( الجحاشى ) وتنفيذى الموسيقى .. مع بعض الحبشتكات .. ( التوزيع ) .

طبعا يا باشا فاكرينها .. ولو نسيناها
مين غيرك يا حبيبنا يفكرنا ..
إيه الجمال دا يا باشا
والله في منتهى الجمال ..
الله يفتح عليك يا باشا ..
إختيارك للأغنية جميل جدا ..
العزف جميل جدا
التوزيع هايل هايل هايل
الصوت .. مالوش حل ..
كلك على بعضك حلو يا كبير الألاتية

غازي الضبع
07/09/2007, 20h47
يا عم محمد أنا عدتها وكررتها ييجي عشر مرات لغاية دلوقتي من جمالها والله ..
الله ينور عليك ..
باقولك إيه ..
يا عم محمد يا آلاتي يا جميل
إيه رأيك تكمل جميلك علينا وترفع لنا أغنية بانو بانو بتاعة سعاد حسني .. بس بصوت عمي وعم الآلاتية كلهم ...

بالمناسبة .. هاتروح بكرة ونشوفك ولا إيه .. ؟

الألآتى
07/09/2007, 21h33
الله يخلليهم لك ياعم غازى ياجابر بخاطرى ..

بالنسبة لبانوا بانوا .. إن شاء الله سأحاول تظبيط الأغنية الموجودة عندى .. وأرفعها لك ..

وبالنسبة لمسألة المشوار .. مش عارف والله .. أنا متردد .. خصوصاً بعد الزوبعة بتاعة الموضوعات المحذوفة .. والقلق إللى حاصل فى المنتدى بسببها ..

الألآتى
07/09/2007, 22h07
بناءاً على طلب الأستاذ غازى ..

إسمعوا معى أغنية ( بانوا بانوا ) من تنفيذى ..

محمد الحمد
07/09/2007, 23h54
بناءاً على طلب الأستاذ غازى ..




إسمعوا معى أغنية ( بانوا بانوا ) من تنفيذى ..


رائع جدا

إسمحلي بمداخلة بسيطه من مجرد مستمع بسيط

أرى ان الرتم سريع أكتر من الازم

الصوت مع إحترامي وتقديري لك ايها العزيز لو كان أنثوي لكان التنفيذ أجمل وأجمل

مع تمنياتي لك بالتوفيق

غازي الضبع
08/09/2007, 02h13
بناءاً على طلب الأستاذ غازى ..



إسمعوا معى أغنية ( بانوا بانوا ) من تنفيذى ..

يا أستاذ محمد يا ألاتي
دا كتير عليا والله
بجد مش عارف أشكرك إزاي ..
كل حاجة فيها جميلة ...
تنفيذ حضرتك غاية في الجمال والروعة ..
وأنا متشكر جدا على سرعة الاستجابة ..
وربنا يخليك لينا يا فنان

غازي الضبع
08/09/2007, 02h19
رائع جدا


إسمحلي بمداخلة بسيطه من مجرد مستمع بسيط

أرى ان الرتم سريع أكتر من الازم

الصوت مع إحترامي وتقديري لك ايها العزيز لو كان أنثوي لكان التنفيذ أجمل وأجمل


مع تمنياتي لك بالتوفيق

الأستاذ الفاضل أمير النغم ..
مداخلة حضرتك جميلة جدا ..
واسمح لي أقول إني تذكرت حينما سمعت أغنية مشابهة لهذه عند الفنان محمد الآلاتي في بيته ..
وأعجبت جدا بها ، وقلت له إن صوتك جميل جداً
كان رده جميل ومتواضع جداً
قال لي : أنا بأدي في الأغنية .. صوتي مش حلو ولا حاجة .. لكن هذه تأدية أو آداء ليس أكثر ..
وفعلا جربت أنا أن أغنيها وجدتها صعبة الآداء .. ومش أي حد يأديها
....
بصراحة .. والله بدون مجاملة ..
أداء جميل جدا جدا جدا لعمنا الآلاتي .. فوق الوصف ..
تحياتي واحترامي لك يا أمير النغم ..

الألآتى
08/09/2007, 02h33
رائع جدا


إسمحلي بمداخلة بسيطه من مجرد مستمع بسيط

أرى ان الرتم سريع أكتر من الازم

الصوت مع إحترامي وتقديري لك ايها العزيز لو كان أنثوي لكان التنفيذ أجمل وأجمل


مع تمنياتي لك بالتوفيق


أشكرك أخى أمير النغم .. بالنسبة للرتم .. ملاحظتك جعلتنى أعود للأغنية الأصلية .. فوجدت الرتم مظبوط .. ليس أسرع ولا أبطأ .. من الجائز أن تكون النسخة التى لديك بطيئة .. أو النسخة الموجودة عندى سريعة .. عموماً .. الفارق لن يكون كبيراً .. وأشكرك مرة أخرى على الملاحظة ..

أما بالنسبة للصوت .. فهو صوتى شخصياً وليس صوت مطرب .. وإذا كانت سعاد حسنى ( وهى صوت أنثوى ) قامت بغناء الأغنية .. فما المانع أن نجرب نفس الأغنية بصوت رجالى .. وهذا مافعلته .. بغض النظر عن صوتى الغير مطرب بالتأكيد .. فأنا أؤدى الأغنية بصفتى ملحناً وليس مطرباً ولا أدّعى ذلك .. أشكرك ..

الألآتى
08/09/2007, 02h35
الأستاذ الفاضل أمير النغم ..
مداخلة حضرتك جميلة جدا ..
واسمح لي أقول إني تذكرت حينما سمعت أغنية مشابهة لهذه عند الفنان محمد الآلاتي في بيته ..
وأعجبت جدا بها ، وقلت له إن صوتك جميل جداً
كان رده جميل ومتواضع جداً
قال لي : أنا بأدي في الأغنية .. صوتي مش حلو ولا حاجة .. لكن هذه تأدية أو آداء ليس أكثر ..
وفعلا جربت أنا أن أغنيها وجدتها صعبة الآداء .. ومش أي حد يأديها
....
بصراحة .. والله بدون مجاملة ..
أداء جميل جدا جدا جدا لعمنا الآلاتي .. فوق الوصف ..
تحياتي واحترامي لك يا أمير النغم ..

أشكرك أخى الغالى غازى على التوضيح .. ولقد أوضحت نفس الفكرة للأستاذ أمير النغم .. أشكرك وأشكره .. وأتمنى أن تكون الأغنية أعجبتك ..

فاتنة
08/09/2007, 09h07
مقطوعه اكثر من رائعه
اخترت اغنيه جميله قامت
بغنائها الفنانة سعاد حسني..

سلمت يداك
تحيــــــاتي

الألآتى
09/09/2007, 22h59
الفنان الألآتي
استمعت الآن إلى الحلو في الفراندة رائعة حضرتك
خطيرة جدا
وبدي أسأل حضرتك عن كيفية تركيب الكورال
ولا تسجيل استوديو
آسف إذا كان سؤالى ساذج

سؤالك ليس ساذج أخى على .. فمن منا يعرف كل شئ ؟

أغنية الحلو فى الفراندة .. مثال للموسيقى الآلية ..

الأغنية بالكامل تم تنفيذها على الكمبيوتر .. الألات الموسيقية والإيقاعات والمصاحبات والباص .. كل شئ ..

فيما عدا الصوت البشرى .. فإنه طبيعى وحقيقى

أما بالنسبة للكورال .. فلقد أديته بنفسى دون الإستعانة بشخص أخر ..

سجلت مقاطع الكورال على ثمانى تراكات منفصلة .. وكل تراك سجلته بمفرده .. بدون نسخ أو فلاتر .. وحاولت أن أغير فى صوتى قليلاً مع كل تراك .. حتى يكون الأمر أقرب للطبيعى .. وهذا ماأنصح به بعيداً عن الفلاتر والأصوات الصناعية ..

ali_ahmed
12/09/2007, 05h38
أنا متشكر يا أ. الألاتي على إجابة السؤال
وعلى ذوق حضرتك معايا
وعلى فكرة أ. غازي ياما كلمني عن حضرتك وقال أطيب الكلام عن شخصكم الكريم

الألآتى
12/09/2007, 15h59
أنا متشكر يا أ. الألاتي على إجابة السؤال
وعلى ذوق حضرتك معايا
وعلى فكرة أ. غازي ياما كلمني عن حضرتك وقال أطيب الكلام عن شخصكم الكريم

أشكرك ياباشمهندس على .. لى كل الشرف بمعرفة حضرتك .. وأشكر أخانا العزيز غازى على تفضله بتعارفنا ..

Jassim
12/09/2007, 17h48
عمل في قمة الروعه استاذ الالاتي اهنيك على هذا العمل

غازي الضبع
30/09/2007, 10h44
إيه يا عم محمد يا كبير الآلاتية
إيه التقــل ده ..
فين يا سيدي الجديد من أعمالك ..
المرة دي مش هاطلب منك حاجة ..
هاسيبك إنت تنقي لنا حاجة على ذوقك تقدمها لنا ..
وبعد كده هاطلب منك الموسيقى اللي جوة أغنية طيب يا صبر طيب اللي عزفها عمار ..
شفت بقى أنا مش هاطلب وهاقعد ساكت :yes:

:AW32:

الألآتى
30/09/2007, 12h31
هههههههههههههه ..

كل سنة وإنت طيب ياعم غازى .. طيب بجد والله ..

الألآتى
30/09/2007, 19h45
إتفضل ياعم غازى .. حاجه كده على ما قُسم .. نسلك بيها زورنا .. لحد ماتُفرج ..

غازي الضبع
30/09/2007, 20h25
يا عم محمد مش عارف أقولك إيه ولا أعمل لك إيه ؟
أروح أتعلم النحت عشان أعملك تمثال ..
ولا أروح أتعلم الرسم عشان أرسملك تابلوه
ولا أروح أتعلم الميري عشان أضربلك تعظيم سلام
قوللي إنت .. ؟
.............
ألف شكر يا عم محمد..
............
. فين نلاقي فنان جميل زيك ؟
. فين نلاقي راجل كريم زيك ؟
. فين نلاقي استجابة سريعة زيك ؟
.فين طيب يا صير طيب :cool:

الألآتى
30/09/2007, 20h42
ييييييييييييه ..

طيب حاضر .. إتفضل ياسيدى ..

أنا مش عارف ليه بضعف قدامك .. يمكن علشان حبيبى .. جايز ..

غازي الضبع
30/09/2007, 21h20
يا عم محمد يا قمــر
إنت عمي .. وأستاذي
إنت حبيبي .. وإنت صديقي ..
وإنت أنور وجدي
..............
يا عم محمد والله
إنت أحسن حاجة حصلتلي هنا في سماعي
ربنا ما يحرمنا منك يا رب

عثمان دلباني
01/10/2007, 03h00
ايه الحكاية يا الألاتي انا من النهار ده ح اسميك الحلواتي عشان العسل اللي بينقط من صوابعك ، انا برضه استعمل البرنامج نفسه يعني fruity loops و عندي النسخة الأخيرة و بعض المرفقات وانا اوعدك لم انزل مصر ان شاء الله حجيبلك معاي حاجات جميلة و انا واثق انها حتعجبك . الله لا يحرمنا من اعمالك الجميلة يا حلواتي افندي

Sami Dorbez
01/10/2007, 03h48
نعم يا صديقي عثمان انا اشاطرك الرأي العزف جميل ومتقن واختيارات الالاتي فيها ذوق.... شكرا ولا تحرمنا من المزيد

الألآتى
01/10/2007, 21h24
أسمر ياسمرانى

عبد الحليم حافظ

تنفيذ : محمد الألآتى

ايهاب عامر
01/10/2007, 21h40
السلام عليكم ورحمه الله وبركاته
ايه الجمال ده يا راجل يا جميل يا اسمر
بجد والله يا عم محمد
جميله فعلا
ربنا يخليك لينا وتمتعنا
تقبل تحياتى

غازي الضبع
02/10/2007, 19h21
إيه المزاج العالي ده يا عم محمد
عظمة على عظمة يا باشا

غازي الضبع
02/10/2007, 19h23
حد سمع أغنية ولدي للفنان محمد عبد الهادي
اللي من ألحان محمد علي سليمان
الأغنية دي صعبة بشكل
فيها أداء عالي جدا من المطرب ومن الكورال ( رجالي ونسائي )
تفتكروا فيه حد يقدر يعمل كل ده لوحده
يبقى هو العازف والموزع الموسيقي
والمغني والكورال ( الرجالي والنسائي )
فعلا .. والنسائي كمان
...
الإجابة ..
فعلا فيه واحد بس هو اللي عمل كل ده بمفرده
عارفين مين .. ؟
هو هايجاوب بنفسه .. ;)

الألآتى
02/10/2007, 21h21
لازم يعنى يعنى الفضايح دى .. إتفضل يابو لسان طويل ..

nasser shafi
03/10/2007, 02h12
[B][B]رائع جداً ياأستاذ محمد (أبو حسام) .. إشتقنا منذ زمن بعيد للفن الجميل ..
أنا من عشاق الفن الجميل الشرقي بكل أشكاله ..تحياتي لجميع أفراد عائلة المنتتدي.
د/ناصر الشافعي

سماعي
03/10/2007, 02h25
يا جماعة الأستاذ سارق في عمره اللي حاطه في المنتدى وإلا إيه؟؟؟
ده صوت ونفس واد عمرة عشرين سنة
:crazy:

برافو برافو يا استاذ

عامل إزاي وأنا عارف إنك من المدخنين المدمنين
اللهم لا حسد

ربنا يديك طول العمر ويزيدك في قوة النفس وخفة الروح

الألآتى
03/10/2007, 09h21
ايه الحكاية يا الألاتي انا من النهار ده ح اسميك الحلواتي عشان العسل اللي بينقط من صوابعك ، انا برضه استعمل البرنامج نفسه يعني fruity loops و عندي النسخة الأخيرة و بعض المرفقات وانا اوعدك لم انزل مصر ان شاء الله حجيبلك معاي حاجات جميلة و انا واثق انها حتعجبك . الله لا يحرمنا من اعمالك الجميلة يا حلواتي افندي

الكلام ده كتير عليا ياعم توفيق .. أشكرك على لسانك إللى بينقط سكر ..

وفى إنتظار سماع أعمالك الجميلة بإذن الله .. وبالمناسبة : أنا أستعمل الفروتى لوبز فى الإيقاعات فقط ..

الألآتى
03/10/2007, 09h23
نعم يا صديقي عثمان انا اشاطرك الرأي العزف جميل ومتقن واختيارات الالاتي فيها ذوق.... شكرا ولا تحرمنا من المزيد

الله يخليك ياأستاذ سامى .. إنت الجميل وكلامك أجمل .. وكلك ذوق ..

الألآتى
03/10/2007, 09h26
السلام عليكم ورحمه الله وبركاته

ايه الجمال ده يا راجل يا جميل يا اسمر
بجد والله يا عم محمد
جميله فعلا
ربنا يخليك لينا وتمتعنا

تقبل تحياتى


وعليكم السلام ورحمة الله وبركاته ..

هوبا حبيب الكل .. أشكر لك إطلالتك الجميلة على أعمالى المتواضعة .. روح ياشيخ .. ربنا مايحرمك منى .. :mdr:

الألآتى
03/10/2007, 09h29
رائع جداً ياأستاذ محمد (أبو حسام) .. إشتقنا منذ زمن بعيد للفن الجميل ..
أنا من عشاق الفن الجميل الشرقي بكل أشكاله ..تحياتي لجميع أفراد عائلة المنتتدي.
د/ناصر الشافعي

الدكتور ناصر ..


شرف لى أن تكون أول مشاركة لك فى المنتدى من نصيبى ..


أشكرك وأتمنى أن تقضى أوقاتاً ممتعة فى بحر سماعى الملئ بالكنوز ..

الألآتى
03/10/2007, 09h37
يا جماعة الأستاذ سارق في عمره اللي حاطه في المنتدى وإلا إيه؟؟؟
ده صوت ونفس واد عمرة عشرين سنة
:crazy:

برافو برافو يا استاذ

عامل إزاي وأنا عارف إنك من المدخنين المدمنين
اللهم لا حسد

ربنا يديك طول العمر ويزيدك في قوة النفس وخفة الروح



حبيب قلبى الأستاذ محمد ..

بداية أشكرك جداً على كلماتك المشجعة ..

فى الحقيقة أخى العزيز .. أن هذا العمل ( ولدى ) قمت بتسجيله قبل حوالى خمس سنوات .. يعنى كان فينا شوية نَفَس .. كما أن الخبرة الطويلة فى عالم الموسيقى .. تجعلنى أستطيع الأداء بصوت حاد ( جواب ) وذلك بإستخدام صوت مستعار .. وهذه يفهمها المتخصصون فى الغناء والموسيقى .. أى أؤدى بطريقة مختلفة عن الطريقة العادية لزوم إصدار صوت مختلف ولتلافى الحشرجة وأثار التدخين ..

أشكرك مرة أخرى صديقى العزيز ..

nasser shafi
05/10/2007, 00h42
الأستاذ محمد ( أبو حسام )
موسيقانا الشرقية الجميلة مليئة بالجواهر الثمينة المليئة بالإحساس المرهف الصادق والحس الفني الجميل النابع من النفس
المحبة للحياة.. لن أكون مبالغاً إن قلت أن سيادتك من هذه الجواهر العربية النادرة .. وأنا فخور للغاية بكم وبأعضاء المنتدي من الفنانيين الموسيقيين والسميعية (اللي أنا واحد منهم)...تعظيم سلام.

غازي الضبع
08/10/2007, 10h20
مبروك يا عم محمد الوسام الجميل الذي نوّر عندما تم إهداؤه لك
والحقيقة إنت بفنك وعلمك وعطائك وكرمك تستاهل أكتر من كده
دا أنا دلوقتي ما بقتش أسمع حاجة غير من أداءك يا عم محمد
وبقيت إنت كل سماعي ( ما أسمعه )
وإنت اهتمامي
وإنت نشوتي
وإنت عمري
.
.
.
هـــــــاه
.
.
إنت عمري ;)

الألآتى
08/10/2007, 19h20
تصور ياعم غازى .. أول مرة ألاحظ وجود هذا الوسام .. شكراً لك للفت نظرى ..

مش عارف أقول إيه ..

الشكر الجزيل للأستاذ محمد زمنطر ( سماعى ) ولكل طاقم الإدارة .. على حُسن ظنهم بشخصى الضعيف .

وبصراحة أنا أعتبر وجودى بينكم هو الوسام الحقيقى .. وأتمنى أن أكون مستحقاً له .

الألآتى
08/10/2007, 19h49
أغنية التلفزيون

التى جاءت فى مقدمة فيلم ( صغيرة على الحب ) ..

غناء الثلاثى المرح وثلاثى النغم

من ألحان عبد العظيم محمد

وقد قمت بتنفيذها بنفسى .. موسيقى وأداء ..

غازي الضبع
10/10/2007, 10h12
جميلة جدا يا عم محمد
تسلم إيديك
...
انا أعرف الثلاثي المرح
لكن مين ثلاثي النغم ؟

الألآتى
10/10/2007, 18h35
جميلة جدا يا عم محمد

تسلم إيديك
...
انا أعرف الثلاثي المرح

لكن مين ثلاثي النغم ؟


ثلاثى النغم دول ياسيدى .. فاكر الكورال إللى كان بيردد خلف عبد الحليم حافظ ..

دول ثلاثة منهم .. أفتكر منهم عم محيى الدين الخضرى .. ( بتاع ياحضرة العمدة إبنك حميدة حدفنى بإستفنديه )

وكان ليهم شنة ورنة أيام العز وزمن الفن الجميل .. ودول تقدر تشوفهم فى أغنية ( ضحك ولعب وجد وحب ) بتاعة عبد الحليم .. وتقدر تسمعهم كمان فى أغنية العتبة جزاز و هنا مقص مع الثلاثى المرح برضه .. وحاجات كتير قوى ..

غازي الضبع
10/10/2007, 18h50
متشكرين يا عم محمد يا موسوعة
...
مش ناوي تدينا العيدية بئى ..
...
أنا طالب موسيقى في ملفات تنقص الأعضاء بتاعة فيلم ومضى قطار العمر ..
بس واضح إنها مش عند حد ..
لو فاكرها يا عم محمد يا ريت تعملها لنا بعد إذنك ..
...
لو مش فاكرها ..
خلاص مش هازعلك .. اعملنا المقطوعة التانية اللي في أغنية إنت عمري
طبعا عارفها ..
اللي هي بعدها مباشرة بتقول .. أد إيه من عمري قبلك راح ............
.. ماشي يا باشا ..
بس بتوزيع الآلاتي بقى .. Ok :good:

Adel
10/10/2007, 19h28
ايه الحلاوة دي يا عمنا ده انت طلعت صوتك حلو
مشكور ياعم غازي انك عمال بتقلبه و بيطلع الحاجات الحلوة دي
والله مش عارف أقولك ايه يا أبو حسام أستـــــــــــــــــــــاذ كبير
حبيبك عادل

الألآتى
10/10/2007, 21h11
متشكرين يا عم محمد يا موسوعة
...
مش ناوي تدينا العيدية بئى ..
...
أنا طالب موسيقى في ملفات تنقص الأعضاء بتاعة فيلم ومضى قطار العمر ..
بس واضح إنها مش عند حد ..
لو فاكرها يا عم محمد يا ريت تعملها لنا بعد إذنك ..
...
لو مش فاكرها ..
خلاص مش هازعلك .. اعملنا المقطوعة التانية اللي في أغنية إنت عمري
طبعا عارفها ..
اللي هي بعدها مباشرة بتقول .. أد إيه من عمري قبلك راح ............
.. ماشي يا باشا ..
بس بتوزيع الآلاتي بقى .. Ok :good:

بالنسبة لمضى قطار العمر .. مش عندى والله ياغازى ولا حتى فاكرها .. لكن أوعدك أدور عليها ..

أما مزيكة إنت عمرى .. حاضر .. من عنيا ..

الألآتى
10/10/2007, 21h14
ايه الحلاوة دي يا عمنا ده انت طلعت صوتك حلو
مشكور ياعم غازي انك عمال بتقلبه و بيطلع الحاجات الحلوة دي
والله مش عارف أقولك ايه يا أبو حسام أستـــــــــــــــــــــاذ كبير
حبيبك عادل

بالراحة علينا ياعم عادل .. إحنا مش قدك .. كل الحاجات دى باعملها علشان مزاجى .. مزمزة يعنى .. مش شغل إحترافى ..

الألآتى
13/10/2007, 05h26
إتفضل ياعم غازى

الكوبليه الأول من أغنية

إنت عمرى

الألآتى
13/10/2007, 05h38
وكمان حته من عندى

الكوبليه الأخير من أغنية

أنساك

وطبعاً فيه سبب وجيه لتنفيذى هذا الكوبليه ..

معروف طبعاً أن أنساك من مقام الراست .. وقد عمد الملحن العبقرى بليغ حمدى إلى إستخدام طريقة الكروماتيك ( السلالم الملونة ) للإنتقال من الراست لمقام الصبا من الدرجة التالية للراست ..

فإذا كان الراست من درجة الدو .. فيكون الصبا من درجة الرى .. وهذه نقلة غير طبيعية وغير تقليدية وإستمر بليغ مع الصبا إلى أن إنتقل للبياتى من نفس الدرجة مع جملة ( فى حبك إنت ) وإستمر مع ( كل العواطف الحلوة بينا ) مع البياتى .. ثم الصبا مرة أخرى .. إلى أن قرر العودة لراست الدو مرة أخرى فإستخدم مقام النكريز ككوبرى للإنتقال للراست وهذه براعة لحنية .. بصراحة الكوبليه ده عاجبنى .. علشان كده حبيت تسمعوه معايا ..

غازي الضبع
13/10/2007, 20h02
وكمان حته من عندى




الكوبليه الأخير من أغنية

أنساك

وطبعاً فيه سبب وجيه لتنفيذى هذا الكوبليه ..

معروف طبعاً أن أنساك من مقام الراست .. وقد عمد الملحن العبقرى بليغ حمدى إلى إستخدام طريقة الكروماتيك ( السلالم الملونة ) للإنتقال من الراست لمقام الصبا من الدرجة التالية للراست ..


فإذا كان الراست من درجة الدو .. فيكون الصبا من درجة الرى .. وهذه نقلة غير طبيعية وغير تقليدية وإستمر بليغ مع الصبا إلى أن إنتقل للبياتى من نفس الدرجة مع جملة ( فى حبك إنت ) وإستمر مع ( كل العواطف الحلوة بينا ) مع البياتى .. ثم الصبا مرة أخرى .. إلى أن قرر العودة لراست الدو مرة أخرى فإستخدم مقام النكريز ككوبرى للإنتقال للراست وهذه براعة لحنية .. بصراحة الكوبليه ده عاجبنى .. علشان كده حبيت تسمعوه معايا ..

والله زمان يا أبو حسام يا كبير الآلاتية
وحشتنا التحليلات الجميلة دي ..
إيه .. ؟؟؟ مش ناوي بقى ترجع تمتعنا بتحليلاتك الجميلة
ياللا بقى مشتاقين لك يا حبيب الكل
دعوة موسيقية مستنياك



إتفضل ياعم غازى




الكوبليه الأول من أغنية


إنت عمرى


الله الله الله
وأقولها لغاية العيد الجاي
تسلم إيدك ودماغك العالية ومزاجك الرايق
إيه يا عم التوزيع الجامد ده
والله ما فيش بعد كده
وبعدين عايز أقولك على ملحوظة .. كنت قولتها لك كذا مرة لما اتقابلنا
إنك يا عم محمد بتقول وبتعمل كل اللي نفسي فيه ومش عارف أقول عليه ولا أوصفه
يعني مثلا في التوزيع الجميل اللي عملته لإنت عمري .. أحلى ما يميزه هو الإعادة بتاعته بعد الكوبليه نفسه .. يعني الموسيقى ثم الكوبليه ثم إعادة الموسيقى .. أهي دي اللي أنا باموت فيها
وماكنتش عارف أطلبها ولا أقولها .. لقيتك إنت عملتها لوحدك
طب قوللي والنبي أعمل انا إيه بقى معاك
كل كلمات الشكر والمدح والاطراء والإعجاب مش كفاية عليك
..................
عارف يا عم محمد
والله
انا لو معايا قرشين
لكنت عملت مع صفقة جامدة قوي
وعملنا سلسلة شرايط لهذه الألحان الجميلة موزعة توزيع الآلاتي
وكنا هانكسر الدنيا كلها
ولا تقوللي بقى عاشق الساكس ولا غيره مع احترامي للمرحوم سمير سرور
بس معلشي
إن شاء الله نعملها
وهذه دعوة لكل المستثمرين الذين يهوون الفن الأصيل الجميل للدخول في هذا المشروع الناجح الذي سوف ينتفع به أولا .. كل من يسمع نتاجه
وثانيا .. كل من يشارك فيه
..............
كل سنة وحضرتك طيب يا أستاذ محمد يا أجمل فنان في المنتدى


أخوك الصغير
غازي

الألآتى
15/10/2007, 01h10
حبيبى غازى ..

سعادتك هى سعادتى .. وإنبساطك هو إنبساطى ..

أنا قلت قبل كده .. إن أنا بحب أعمل الحاجات دى .. وأى مزيكة تعجبنى أحب أنفذها .. ومافكرتش أبداً إنى أستغل الحكاية دى تجارياً .. برغم العديد من العروض من بعض الأصدقاء والمعارف لعمل شريط لهذه الأعمال .. وكنت أرفض دوماً .. لم أفكر يوماً فى الإنتشار أو الشهرة أو حتى عمل علاقات فنية .. كلها حاجات بداخلى أستمتع بتنفيذها وسماع نتاج عملى .. فقط ..

أشكرك على إطراءك وكلماتك الرقيقة الجميلة .. وإنتظر منى المزيد بإذن الله ..

Adel
17/10/2007, 14h22
والله زمان يا أبو حسام يا كبير الآلاتية
وحشتنا التحليلات الجميلة دي ..
إيه .. ؟؟؟ مش ناوي بقى ترجع تمتعنا بتحليلاتك الجميلة
ياللا بقى مشتاقين لك يا حبيب الكل
دعوة موسيقية مستنياك





الله الله الله
وأقولها لغاية العيد الجاي
تسلم إيدك ودماغك العالية ومزاجك الرايق
إيه يا عم التوزيع الجامد ده
والله ما فيش بعد كده
وبعدين عايز أقولك على ملحوظة .. كنت قولتها لك كذا مرة لما اتقابلنا
إنك يا عم محمد بتقول وبتعمل كل اللي نفسي فيه ومش عارف أقول عليه ولا أوصفه
يعني مثلا في التوزيع الجميل اللي عملته لإنت عمري .. أحلى ما يميزه هو الإعادة بتاعته بعد الكوبليه نفسه .. يعني الموسيقى ثم الكوبليه ثم إعادة الموسيقى .. أهي دي اللي أنا باموت فيها
وماكنتش عارف أطلبها ولا أقولها .. لقيتك إنت عملتها لوحدك
طب قوللي والنبي أعمل انا إيه بقى معاك
كل كلمات الشكر والمدح والاطراء والإعجاب مش كفاية عليك
..................
عارف يا عم محمد
والله
انا لو معايا قرشين
لكنت عملت مع صفقة جامدة قوي
وعملنا سلسلة شرايط لهذه الألحان الجميلة موزعة توزيع الآلاتي
وكنا هانكسر الدنيا كلها
ولا تقوللي بقى عاشق الساكس ولا غيره مع احترامي للمرحوم سمير سرور
بس معلشي
إن شاء الله نعملها
وهذه دعوة لكل المستثمرين الذين يهوون الفن الأصيل الجميل للدخول في هذا المشروع الناجح الذي سوف ينتفع به أولا .. كل من يسمع نتاجه
وثانيا .. كل من يشارك فيه
..............
كل سنة وحضرتك طيب يا أستاذ محمد يا أجمل فنان في المنتدى


أخوك الصغير

غازي

ياعم الحاج غازي انا جاهز للتمويل بس عم محمد يأشر

غازي الضبع
18/10/2007, 07h09
ياعم الحاج غازي انا جاهز للتمويل بس عم محمد يأشر


طب ياللا يا باشا
رتب أمورك .. وحدد ميعاد نتقابل فيه
وأنا معاكم قلبا وقالبا
وعلى فكرة أنا عندي خبرة كبيرة في مجال المبيعات
كما أني لي باع كبير في العلاقات العامة
.....
تبقى خطوة مهمة جدا
موافقة عم محمد الآلاتي
ودي سيبها عليا
بس إنت انوي


...
لو قررت ونويت .. راسلني على الخاص لكي أعطيك رقم موبايلي ونتفق على ما سنفعله ..

سمعجى
20/10/2007, 13h18
الله عليك يا عم محمد يا ابو الفن و الجمال
من عزيزة و قمر 14 و الحلو فى الفراندة .. و حتى أسمر ياسمرانى و أنساك و انت عمرى ، إستمتعت بأدائك الحساس
الواعى .. و بالذات ( ولدى ) و ( التليفزيون )
و أرجو أن تأخذ مشروع ( عادل / غازى ) بجدية
و كل سنة و انت طيب

الألآتى
21/10/2007, 03h19
حمدلله على السلامة ياأستاذ كمال ..

فينك ياعم من زمان وفين حاجاتك الحلوة ..

أشكرك أخى العزيز على ذوقك وأسلوبك الجميل وكلماتك الرقيقة ..

أما بالنسبة لمشروع الأستاذين عادل وغازى .. الذى أشكرهم على طرحه وأشكر ثقتهم فى شخصى الضعيف .

بصراحة .. الموضوع يحتاج تفكير متعمق .. لأنى لم أفكر يوماً أن أصدر ألبوم لأعمالى المتواضعة .. برغم بعض العروض السابقة ..

لأنى لن أرضى أن يخسر أحدهم أمواله بسببى وخاصة لو كان حبيب مثل الأستاذ عادل ..

كما وأن المسألة تحتاج لحسابات أخرى غير الفن .. فالزمن غير الزمن .. وأذواق المستمعين تغيرت بفعل فاعل ..

عموماً : لكل مقام مقال .. ودع الأمر لوقته ..أشكرك مرة أخرى ..

غازي الضبع
21/10/2007, 07h36
أولا .. الموضوع نور بعودة الأديب الكبير الأستاذ كمال عبد الرحمن
ثانيا .. بالنسبة لمشروع توزيعات كبير الآلاتية
إن شاء الله ربنا يسهل وندرس الموضوع كويس
أنا هاكلم أ.عادل وشكلنا كده هانروح نطب على عم محمد ونعمل عليه كابسة
وربنا يقدم ما فيه الخير

Adel
21/10/2007, 10h28
عمي محمد حبيب قلبي
انت فين يامعلمي
ان شاء الله نعمل عليك كبسة انا و غازي
ولايهمك موضوع المكسب و الخسارة احنا هنعمل حاجة لمزاجنا
و بعدين احنا ممكن نخلي شرط العضوية بالمنتدي
ان العضو الجديد يشتري مننا شريط :mdr::mdr:
علي فكرة انا واخد الموصوع بجد و معايا تليفون غازي و هكلمه دلوقت ان شاء الله
اخوك عادل

سمعجى
21/10/2007, 12h20
و الله واحشنى يا بو حسام

و كلماتك ( كما وأن المسألة تحتاج حسابات أخرى غير الفن )
إستوقفتنى ، فالموضوع إذن يلزمه سلسلة ذهب ( جنزير ) و أنسيال
و بدلة إيطالى حرير ، و قميص فوسكوز واسع ، مع رشة برفان
غرور ، و كام سهرة من بتوع المزاج العالى مع منتجى فن اليومين دول ، و ماتنساش تعمل واجب مع بتوع النقابة علشان التصريح ..
و عليك ( بصك ) وسام سماعى فى خان الخليلى و تعليقه على
الجاكيت ( الموضوع دا حايعمل شغل جامد ) ، و لازم تسمع العيال اللى بيغنوا اليومين دول .. سوسو بؤة و هيثم و تامر و النونو ( من باب العلم بالشىء ) .. و ساعتها يا عم مش حاتلاحق
ع السبُّوبة ..
و لأنك أصيل ، فسوف تخصص جزءا من السبُّوبة لدعم مؤتمر سماعى الأول للأصالة و المعاصرة

منك لله يا بو حسام ..إنت اللى قلت ( حسابات أخرى غير الفن )
و القافية تحكم يا أستاذنا

سمعجى
21/10/2007, 12h28
النور نورك ياأستاذ غازى
و على رأيك ( والله زمان )
و أنا عارف إنك ( أدَّها و أدوووود ) و أنك أستاذ فى الأعمال
التنفيذية ، ربنا يخليك لنا و لسماعى بأفكارك المستنيرة و نشاطك
المتألق و وجودك الذى يملأ قلوبنا بمعانى الحب و الأخوَّة

سمعجى
21/10/2007, 12h34
الأستاذ عادل
بَدَل ما تعمل عليه كبسة ، إعمل له كبسة ، و ابقى اعزمنى

غازي الضبع
21/10/2007, 13h11
كلاكيت تاني مرة
والله زمان

بس المرة دي لعمي وحبيبي وأستاذي سمعجي

وحشتنا والله يا أستاذ
ووحشنا تعليقاتك الجميلة وخفة دمك الرائعة
أنا بقالي نصف ساعة عمّال أضحك على حاجتين
المطرب سوسو بؤه
وعلى اقتراح الأستاذ عادل .. إن اللي يسجل في المنتدى لازم يشتري مننا شريط الأول
وما شاء الله المنتدى بيسجل فيه يوميا حوالي من 80 : 100 عضو يوميا
يعني إن شاء الله هانغتني .. وتبقى أحلى سبوبة
الله يمسيكم بالخير يا جماعة
وعود حميد
وكل سنة وأنتم طيبين

..............
على فكرة
طبعا الأستاذ مختار حيدر يحضر نفسه للتوزيع بالجزائر
والأستاذ محمد زمنطر في تونس
والأستاذ أديب في سوريا
والأخ الصديق رضا ( حليم ) في المغرب
والأستاذ أحمد الديب في الكويت
ولسه باقي الأخوة الكرام
... إيه رأيك يا عم عادل ..
شوفت بقى ..
أديني كمان وزعتلك الشريط في الدول العربية الشقيقة ;)

الألآتى
21/10/2007, 19h28
خلاص عملنا الشريط وطبعناه ووزعناه .. وكسبنا كمان .. ده إيه الهنا إللى أنا فيه ده ..

وبعدين كبسة إيه إللى بتتكلموا عنها .. ده أنا بنام أحلم بالزيارة الميمونة دى ( حلوة الميمونة ) بغض النظر عن المشاريع والحسابات والحاجات إللى مافهمش فيها دى .. المهم الزيارة نفسها .. وأشوف عادل أفندى لأول مرة .. وأشوف كمان غازى باشا إللى واحشنى ..

وياسلام لو كمولة يسيب دمنهور شوية ويشرفنى فى صومعتى المتواضعة .. يبقى مش عايز حاجة تانية ..

حليم الشرق
21/10/2007, 21h08
:( من مواليد رام الله
تعلق في سن مبكر لالة العود وسمحت ظروفه بان يدرسها محترفا التقى الفنان الفلسطيني عيسى بولص وتعلم على يده اولا ثم التحق بالمعهد الوطني للموسيقى جامعة بير زيت وتتلمذ بنظري والعزف على يد الفنان خالد جبران
له مشاركات عديدة ودورات الأامر مكنه من التناقف مع بعض عازفيه العود في العالم
يقوم سامر طوطح بتدريس اله العود في المعهد الذي تخرج منه

دول عربية وغربية كانت مسرحا لعروض قدمها طوطح مع فرق موسيقى شرقة وفرقة الموسيقى الشعبية الفلسطينينة وفرقة سرية رام الله
الاولى


:crazy::mdr:

احمد الديب
22/10/2007, 21h28
الصديق العزيز
ابو حسام
انا خجلان ووشي منك في الأرض
لأني متابع الموضوع بس ما ممناعنيش عن تقديرك سوى التلاهي والحياة ربنا مايبليك بيهم
وانتهز هذه الفرصة لأهنيك على حاجتين
انت اكيد الحاجة كانت داعيالك
وقالت روح يامحمد يابن قلبي
ربنا يرزقك بغازي
الحقيقة مدير أعمال من الطراز الأول (مع حفظ المقامات )
ومبروك يا عم على الألبوم الأول
وانا جاهز هنا في الكويت
تحياتي يا ابو الآلاتية
:mdr:

الألآتى
22/10/2007, 22h14
حبيب قلبى .. أبو الديابة ..

ولا يهمك ياباشا .. أنا عارف إنك معانا بقلبك ..

أما الأستاذ غازى .. فده مكسب حقيقى .. صديق بجد .. وربنا يعلم أنا بحبه قد إيه ..

وربنا يديم المعروف ..

غازي الضبع
23/10/2007, 07h36
الصديق العزيز

ابو حسام
انا خجلان ووشي منك في الأرض
لأني متابع الموضوع بس ما ممناعنيش عن تقديرك سوى التلاهي والحياة ربنا مايبليك بيهم
وانتهز هذه الفرصة لأهنيك على حاجتين
انت اكيد الحاجة كانت داعيالك
وقالت روح يامحمد يابن قلبي
ربنا يرزقك بغازي
الحقيقة مدير أعمال من الطراز الأول (مع حفظ المقامات )
ومبروك يا عم على الألبوم الأول
وانا جاهز هنا في الكويت
تحياتي يا ابو الآلاتية
:mdr:


هو أنا أطول يا أحمد بك
دا عم محمد الألاتي دا حبيب قلبي .. بس هو يوافق أبقى مدير أعماله وأنا تحت أمره
.........
المهم بقى عايزين باب جديد اسمه أعمال من تنفيذ الفنان أحمد الديب
عشان أبقى مدير أعمالكما انتما الاثنين
....
وعلى يدك الشريط الأول بتاع عم محمد كسر الدنيا وأدينا بنفكر في الشريط التاني :mdr:
خالص تحياتي للجميع :)

الألآتى
24/10/2007, 19h41
حاجة بسيطة كده تقزقزوا فيها

لغاية ربنا مايفرجها ..

إلى رحاب يثرب

karawan19
25/10/2007, 00h46
أخى الغالى الأستاذ محمد
جعلتنى أستمع الى عزيزة تسعة مرات ولا تسخر منى فعلا تسعة مرات وقارنتها بالمقطوعة الأصلية كى أتمعن فى كل حركة فى عزف المقطوعة
1- هل تذكر عندما سألتك أن تكتب لنا عن دور العازف فى التنفيذ والشكل النهائى للحن وهل هو مجرد مؤدى لما هو مكتوب فى النوته وقد كتبت ووعدت بالمزيد ومازلت فى انتظار الوعد
2- وجدت أن عزفك فيه حسم والأداء له شخصية واضحة وليس مترددا رغم التزامه بالنوته وربما كان ذلك مااراده عبدالوهاب بانهاء جمل بحسم وهذا ماكان يحدث فى عزف الفرق التى أدت الحان العظماء
3- لست أدرى هل لاحظت أنت نفسك أنك اضفت وواضح أن اصابعك لعبت حاجة فى أول المقطوعة وفى أماكن أخرى ربما لأجزاء من الثانية وهى لمسات العازف مع الألتزام بالنوته وهذا اعتقد مافعله منسى فى مقدمة الفن وبالتالى أحسست بطعم فى عزفك الجميل وبشخصية العازف
4- أحسست بمسألة التراكات والعزف الآلى للأيقاع وهذا ماجعلنى أتمنى أن تعيد العزف بمصاحبة عازف أيقاع ولنر كيف يكون الفارق
خبرتك واضحة جدا جدا ولك كل الشكر والتحية على هذا الأداء المبهر

الألآتى
25/10/2007, 12h27
1- هل تذكر عندما سألتك أن تكتب لنا عن دور العازف فى التنفيذ والشكل النهائى للحن وهل هو مجرد مؤدى لما هو مكتوب فى النوته وقد كتبت ووعدت بالمزيد ومازلت فى انتظار الوعد



بالتأكيد هناك دور كبير للعازف .. فهو ليس بغبغاناً .. وخاصة عندما تكون هناك فترات عزف حر .. وهذا يؤدى إلى ظهور عازف جيد وعازف غير جيد .. وإن شاء الله لنا عودة للحديث عن هذه الجزئية .. فأنا لم أنسى وعدى ولكنها ظروف الحياة فقط .





2- وجدت أن عزفك فيه حسم والأداء له شخصية واضحة وليس مترددا رغم التزامه بالنوته وربما كان ذلك مااراده عبدالوهاب بانهاء جمل بحسم وهذا ماكان يحدث فى عزف الفرق التى أدت الحان العظماء



رغم حرصى على أداء الجمل الوهابية كما هى .. لكن التكنيك الشخصى يغلب فى بعض الأحيان .. وشخصية العازف عموماً تظهر فى أعماله .. وهذا ما يصنع فرقاً بين عازف وأخر .





3- لست أدرى هل لاحظت أنت نفسك أنك اضفت وواضح أن اصابعك لعبت حاجة فى أول المقطوعة وفى أماكن أخرى ربما لأجزاء من الثانية وهى لمسات العازف مع الألتزام بالنوته وهذا اعتقد مافعله منسى فى مقدمة الفن وبالتالى أحسست بطعم فى عزفك الجميل وبشخصية العازف



نفس الرد السابق ..



4- أحسست بمسألة التراكات والعزف الآلى للأيقاع وهذا ماجعلنى أتمنى أن تعيد العزف بمصاحبة عازف أيقاع ولنر كيف يكون الفارق





من المؤكد سيكون الفارق واضح ..

ولكن مسألة تواجد عازف إيقاع معى أثناء التسجيل .. مسألة صعبة بعض الشئ .. فهذه الأعمال ليست تجارية .. وإنما أنفذها لنفسى .. فأين هذا العازف الصايع الذى سيتواجد معى ليل نهار ويعمل ( بلوشى ) ..

وعموماً : لقد حاولت أن تكون الخامات الإيقاعية التى أستخدمها طبيعية بقدر الإمكان .. فهذه الخامات أصنعها وأسجلها بنفسى .. من واقع ألآت حقيقية .. فلدى بعض الألآت الإيقاعية مثل ( الطبلة ، والدف ) وأستخدم خاماتها فى عملى ..

أشكرك أخى كروان على إهتمامك ومتابعتك لأعمالى المتواضعة ..

غازي الضبع
25/10/2007, 12h58
كان برنامجي هذا الأسبوع أن أذهب إلى مايو بعد صلاة الجمعة ..
ولكن قدمت الميعاد إلى اليوم حتى أذهب إلى هناك كي أحمل هذا العمل الجديد
إنت عارف يا عم محمد إني مابحمِّلش من هنا .. ولازم أكون في مايو
...
يبقى إن شاء الله بكره هاجيلك من مايو
أنا والدكتور أدهم عثمان
والأستاذ عادل سيد
حضّر السحلب
وهاجيب معايا سي دي فاضية عشان أنسخ شوية حاجات من عندك
ودوّر على أغنية الأساتوك عشان أنسخها منك :mdr:

الألآتى
30/10/2007, 11h10
النهاردة جايب لكم موسيقى

حياتى

تأليف : محمد عبد الوهاب

أتمنى تعجبكم

الألآتى
30/10/2007, 11h23
أغنية

كنت فين

من أعمال عبد الوهاب أيضاً

الألآتى
05/01/2008, 08h19
أسكتش
قلبى ياغاوى خمس قارات

فؤاد المهندس ، شويكار
كلمات : حسين السيد
ألحان : منير مراد
تنفيذ وغناء ( وكل حاجة ) : محمد الألآتى

سمعجى
05/01/2008, 10h08
الله الله الله
ربنا يسعدك يا ابو حسام .. دا أنا باموت في الأغنية دي

لكن ازاى عرفت تتكلم ياباني ، في مقطع شويكار الذي يبدأ
ب توكـَّا توكـَّا توكـَّا :confused:

تكونشي بتعرف ياباني و مخبِّي :rolleyes:

الحقيقة تنفيذك للعمل رائع ، ربنا يحِظـَّك يا شيخ

الألآتى
05/01/2008, 11h23
ربنا يجبر بخاطرك ياكمّولة ..

بصراحة ماكنتش متوقع حد يدخل هنا لفترة طويلة .. لأن الموضوع غير مثبت ولم أضع الأغنية فى موضوع جديد .. ولكن يظهر عليك متابع ياأرووب ..

بالنسبة لليابانى .. ده مش يابانى بس .. ده إنجليزى وفرنساوى كمان ..

فى الحقيقة .. إللى أنا قلته ده .. مش يابانى ولا فرنساوى ولا حتى إنجليزى .. لأن الكلام ماكانش واضح من شويكار ..

أنا طرطقت ودانى وجبت ورقة وقلم .. وكتبت إللى سمعته .. مش مهم يكون صح ولا غلط .. المهم يمشى مع اللحن .. وإللى عايز يعدل يعدل براحته ..

شكراً مرة أخرى ياعم كمال ياشاعر الثلاث أقطار ..

massi
05/01/2008, 13h10
والله روعة سيدي محمد الالاتي , الف شكر و الله يحفظك:cool:

احمد الديب
05/01/2008, 16h57
يا اخي دانت جميل بشكل
ياعم محمد ايه الدلع والحلاوة دي كلها
بس اندهاش
اشمعنى الإسكتش ده بالذات
اللي اخترت تنفذه
حاجة غريبة يا أخي
السيميا عاملة شغل عالي قوي
اوعى تكون غاوي
;)
على فكرة
مرة المحاور الفظ (يعني الفظيع ) - المستفيد فوري
براءة الإسم للصديق للشاعر الراحل خالد عبد المنعم
سأل أستاذنا الكبير محمد عبد الوهاب
الله يرحم التلاتة
ايه يا استاذ اللي بيعجبك في الست
رد الأستاذ - الكعب العالى
يبدو ان الكعب العالي له علاقة بالموسيقى والموسيقيين
يمكن الإيقاع بتاع
الواحدة السايرة
دم تك - دم تك - دم تك - دم تك
:mdr:
رائع يا مطرب
بس هدي التمبو شوية
قطعت نفسي

الألآتى
05/01/2008, 17h20
والله روعة سيدي محمد الالاتي , الف شكر و الله يحفظك:cool:


أخجلتم تواضعنا إبنتنا العزيزة .. أشكرك جداً ..

الألآتى
05/01/2008, 18h01
يا اخي دانت جميل بشكل

ياعم محمد ايه الدلع والحلاوة دي كلها
بس اندهاش
اشمعنى الإسكتش ده بالذات
اللي اخترت تنفذه
حاجة غريبة يا أخي
السيميا عاملة شغل عالي قوي
اوعى تكون غاوي
;)
على فكرة
مرة المحاور الفظ (يعني الفظيع ) - المستفيد فوري
براءة الإسم للصديق للشاعر الراحل خالد عبد المنعم
سأل أستاذنا الكبير محمد عبد الوهاب
الله يرحم التلاتة
ايه يا استاذ اللي بيعجبك في الست
رد الأستاذ - الكعب العالى
يبدو ان الكعب العالي له علاقة بالموسيقى والموسيقيين
يمكن الإيقاع بتاع
الواحدة السايرة
دم تك - دم تك - دم تك - دم تك
:mdr:
رائع يا مطرب
بس هدي التمبو شوية
قطعت نفسي


شرف كبير لى ياعم أحمد أن تشرفنى بسماع إحد أعمالى المتواضعة ..

بالنسبة لسبب إختيارى لهذا الإسكتش بالذات ..

فى الحقيقة .. لقد كان هذا الإسكتش فى مخيلتى من زمان .. وكنت أحفظه عن ظهر قلب .. وأردده كثيراً مع نفسى .. وكنت أتمنى أن أنفذه .. ولكن طوله وتشعبه من مقامات وأرتام وتحويلات جعلنى أخشى تنفيذه ..

ولكنى تشجعت أخيراً ..

وبرغم تكرار هذا الإسكتش كثيراً فى السينما العربية والعالمية .. إلا أن منير مراد جعلنى أفضله عن باقى الإسكتشات الأخرى ..

egmagdi
05/01/2008, 22h26
مساء الخير يا استاذ محمد
انا حاولت انزل ملف اغنية كنت فين لكم الملف نزل بمساحة 206 كيلو فقط بالرغم من انه ظاهر بمساحة كاملة على المشاركة - انا مش عارف يبدو ان هناك مشكلة فى مكان التخزين لأن هذه المشكلة تكررت فى موسيقى عزيزة

اسف انا نزلت الملفين كاملين الآن - وبالمناسبة سولو البيانو فى اغنية مانحرمش العمر منك مالوش حل
واضح جدا ان الاورج بتاعك ظابط الربع تون على الشعرة

الألآتى
06/01/2008, 04h36
وبالمناسبة سولو البيانو فى اغنية مانحرمش العمر منك مالوش حل
واضح جدا ان الاورج بتاعك ظابط الربع تون على الشعرة

أولاً : مبروك على نجاحك فى تنزيل الملفات كاملة ..

ثانياً : هناك ملحوظتان هامتان فى كلامك ..

الملحوظة الأولى : صولو البيانو من مقام الحجاز .. وليس به ربع تون

الملحوظة الثانية : البيانو لا يستطيع عزف الربع تون أصلاً ..

تقبل تحياتى ياأستاذ مجدى ..

egmagdi
06/01/2008, 19h54
مساء الفل
معلش يا عم الألآتية انا معلوماتى فى التمييز بين المقامات محدودة للغاية كما اننى علمت ان الاورج اذ ( اتسييك ) ممكن يجيب الربع تون
سامحنى ولكن الموسيقى الحلوة ما بتفرقش بين المقامات

الألآتى
07/01/2008, 02h18
مساء الفل
معلش يا عم الألآتية انا معلوماتى فى التمييز بين المقامات محدودة للغاية كما اننى علمت ان الاورج اذ ( اتسييك ) ممكن يجيب الربع تون
سامحنى ولكن الموسيقى الحلوة ما بتفرقش بين المقامات

يمكن إضافة الربع تون للأورج .. ولكن لايمكن إضافته للبيانو ..

وإذا كنا نستعمل الأورج فى إصدار صوت بيانو .. فلا يجب أن نستعمل الربع تون فى العزف .. لابد أن نكون صادقين مع أنفسنا ..

وهذا مايقع فيه الكثيرون من العازفين أو الموزعين .. فيستخدموا الربع تون فى العزف على ألآت غربية ( عن طريق الكمبيوتر ) لا تقبل الربع تون فى الحقيقة ..

أى خدمة ياأستاذ مجدى ..

الألآتى
29/03/2008, 00h49
الحكاية .. إن أنا كنت قاعد ألعب وأفنّن .. صايع ومافيش ورايا حاجة ..

فجأتن .. أى وغلاوتكم فجأتن .. لقيت حتة المزيكا دى طلعت .. إزااااى .. ماعرفش ..

هى عبارة عن كوكتيل متنوع .. مكون من أجزاء من الأغانى والموسيقات التالية ( أغنية الفن لعبد الوهاب ، القلب يعشق كل جميل لأم كلثوم ، هدية العيد لعبد الوهاب ، ليلة حب لأم كلثوم ) ..

أجزاء قصيرة ربطت بينها بجمل موسيقية من أم رأسى .. علها تعجبكم .. أو ترفعوا عليا قضية ..

مفيد عوض
29/03/2008, 01h58
كوكتيل جميل جدا
شكرا لك ابو حسام امتعتنا ونرجو المزيد
مع تحياتي .... مفيد عوض

الألآتى
29/03/2008, 02h41
أشكرك أستاذ مفيد .. لا حرمنا الله من طلتك ..

سامية
29/03/2008, 10h09
رائعة يا ابو حسام
والله باكتبلك رد وانا باسمعها لرابع مرة
ربنا لا يحرمنا من ابداعاتك يا فنان
وياريت تلعب وتفنن كتير علشان فجأتن .. اي وغلاوتك فجأتن هاتلاقي نفسك بتسعدنا بإبداعك
مع خالص تحياتي

سمعجى
29/03/2008, 12h34
فجأتن ؟! و من أم رأسك ؟!

أبوس أم رأسك :eek:

MUNIR MUNIRG
29/03/2008, 13h16
ألأستاذ ألآلاتي آخر جمال و حرفنه

mohamedafify
29/03/2008, 19h19
اللة عليك تسلم ايدك ودماغك اللى بتمتعنا كدا احسنت اختيار الاغانىوعملت تركيبة جميلة مع تحياتى محمد عفيفى

أحمد شوبكى
29/03/2008, 20h42
عمنا الموسيقار محمد الآلاتى

الله يعمر بيت أم رأسك ،،، إيه ده يا عمنا ،،، والله حاجة غاية فى الجمال والروعة

تسلم يا فنان ،،، وربنا يبارلك لنا فيك وفى فنك وتفضل دايماً ممتعنا بفنك الجميل

أدينى أم راسك أبوسها ( أنا قصدى شريف والله :mdr:)

الألآتى
29/03/2008, 21h24
رائعة يا ابو حسام

والله باكتبلك رد وانا باسمعها لرابع مرة
ربنا لا يحرمنا من ابداعاتك يا فنان
وياريت تلعب وتفنن كتير علشان فجأتن .. اي وغلاوتك فجأتن هاتلاقي نفسك بتسعدنا بإبداعك
مع خالص تحياتي



ربنا يخللى لنا ودانك يامدام سامية .. وربنا يخللى لك الأفندى ..

الألآتى
29/03/2008, 21h25
فجأتن ؟! و من أم رأسك ؟!

أبوس أم رأسك :eek:


حبيب قلبى ومكملى .. أتمنى أكون أسعدتك .. ياكمولة ..

الألآتى
29/03/2008, 21h26
ألأستاذ ألآلاتي آخر جمال و حرفنه

أشكرك ياأستاذ منير .. أخجلتم تواضعنا ..

الألآتى
29/03/2008, 21h27
اللة عليك تسلم ايدك ودماغك اللى بتمتعنا كدا احسنت اختيار الاغانىوعملت تركيبة جميلة مع تحياتى محمد عفيفى



ربنا يكرمك يابو حميد يافنان .. أرجو أن أكون عند حُسن ظنك ..

الألآتى
29/03/2008, 21h29
عمنا الموسيقار محمد الآلاتى


الله يعمر بيت أم رأسك ،،، إيه ده يا عمنا ،،، والله حاجة غاية فى الجمال والروعة

تسلم يا فنان ،،، وربنا يبارلك لنا فيك وفى فنك وتفضل دايماً ممتعنا بفنك الجميل


أدينى أم راسك أبوسها ( أنا قصدى شريف والله :mdr:)




ههههه ..

هو أنا تايه عن قصدك الشريف ده ياعم أحمد .. ;)

أشكر لك كلماتك الرقيقة ياأبو الذوق ..

ايهاب عامر
29/03/2008, 21h40
السلام عليكم ورحمه الله وبركاته
عمنا ابو حسام الالتى الجميل
الله عليك وعلى جمالك يا غالى
ربنا يكرمك وتلعب كده كتير
وفجأتن
نشوف الجمال بتاعك
اجمل ما فيها يا غالى هو جمال التنقل بين كل جزئيه واخرى
شكرا يا غالى على فجأتناتك الجميله:mdr:
تقبل خالص تحياتى

M O H A M E D
29/03/2008, 21h44
بقول لك ايه ،،



إلعب غيرها ;)

الألآتى
30/03/2008, 01h54
السلام عليكم ورحمه الله وبركاته

عمنا ابو حسام الالتى الجميل
الله عليك وعلى جمالك يا غالى
ربنا يكرمك وتلعب كده كتير
وفجأتن
نشوف الجمال بتاعك
اجمل ما فيها يا غالى هو جمال التنقل بين كل جزئيه واخرى
شكرا يا غالى على فجأتناتك الجميله:mdr:
تقبل خالص تحياتى


أشكرك ياهوبة ياجميل .. وأشكر لك إهتمامك بالجمل الإنتقالية .. لأن دى هى إللى فيها الشغل كله ..

الألآتى
30/03/2008, 01h56
بقول لك ايه ،،




إلعب غيرها ;)



حــــاضر ..

المشكلة أخى سلامونى أن المسألة تخضع للمزاج الرايق .. وده بيجى كل فين وفين ..

Sami Dorbez
12/04/2008, 14h13
يا سلام يا الاتي يا جميل

الصوت الوحش هو اللي هيقول عليك وحش

غازي الضبع
12/04/2008, 14h19
يا عم محمد يا كبير الآلاتية
طول عمرك برنس
روح يا شيخ .. إلهي يفتحها في وشك

الألآتى
12/04/2008, 17h53
ياسامى ..

ياغازى ..

فيه إيه !!؟؟

إيه إللى فكركم بالموضوع ده النهاردة ..

أنا فرحت وقلت إنكم وجدتم الملف .. يادى الحوسة ..

غازي الضبع
12/04/2008, 20h25
ياسامى ..


ياغازى ..

فيه إيه !!؟؟

إيه إللى فكركم بالموضوع ده النهاردة ..


أنا فرحت وقلت إنكم وجدتم الملف .. يادى الحوسة ..

والله يا عم محمد لسه واخد بالي دلوقتي من تاريخ المشاركة الأولى ..
إزاي يا عم تكون عامل التحفة دي ، ومستخبية كده ، لا حس ولا خبر ..
ياللا نفذ أوامر سيادة اللواء
طبعا إنت عارف يعني إيه لواء :)

الألآتى
13/04/2008, 04h55
والله يا عم محمد لسه واخد بالي دلوقتي من تاريخ المشاركة الأولى ..
إزاي يا عم تكون عامل التحفة دي ، ومستخبية كده ، لا حس ولا خبر ..
ياللا نفذ أوامر سيادة اللواء
طبعا إنت عارف يعني إيه لواء :)


ياغازى .. إتلم وإبعد لسانك عنى .. ده بدل ماتدور معانا على العمل الأصلى .. داخل تصحى موضوع نام من زمان ..

سمعجى
13/04/2008, 05h21
إيه العذوبة دي يا ابو حسام ..
أراهن إنك سجلتها ساعة فـَجرية
و ريحة ندىَ الفجر هَلـَّة على روحَك من الشِبَّاك


يا نفحَاتك يا نقشبندي

the pearl
13/04/2008, 15h28
تتسسسسسسسسلم ايدك يارب دي تحفة تجنن بجد ....
متاسفة ان الرد شوية متاخر بس ضغط الدراسة ما بيخلينيش اعمل حاجة انا مش عارفة ايه اللي خلاني اكمل .......
بجد تسلم ايدك و ياريييت دايما نلاقي حاجات روعة كدة المنتدى دا بجد بيفش القلب ..... بس انا مش عارفة هيي قلة بحث مني في الموقع او انا عتبي صحيح ان ليا عتب بسيط جدا عن عدم الاهتمام لموسيقات و مقطوعات الرقص الشرقي الاصيلة القديمة و اللي بالتوزيعات الجديدة ياريت نلاقي اكتر واكتر لانو بجد فن اصيل و الرقص كمان فن و متعة ...... انا حموت و لاقي موسيقى للاغنية الرائعة لام كلثوم ( ليلة حب ) بس موسيقى للرقص و مش عارفة الاقيها لا هيي و لا تمر حنة و لا ست الحسن مع العلم اني وجدت ست الحسن على المنتدى الرائع بس مع الاسف مش صافيةيعني نستمتع بالاستماع اليها وبس . و اعيد الشكر اني و اخيرا لقيت عندكو و بعد طو بحث برررة .. موسيقى عزيزة .

ياريت لو حد يلاقيلي ليلة حب اكون شاكرة جدا

مع جزيييييييل الشكر للآلاتي و جميع اعضاء المنتدى و المندى بحد ذاته

اللولية ....the pearl
ميرسيي مرة تانية على التحفة يا اخ آلاتي :)

lord
14/04/2008, 15h44
ابو حسام
ليس لك حجة
مرفق طيه أسماء الله الحسنى للنقشبندى بتسجيل عالى النقاء
ومازلت فى الإنتظار

الألآتى
14/04/2008, 18h37
ابو حسام

ليس لك حجة
مرفق طيه أسماء الله الحسنى للنقشبندى بتسجيل عالى النقاء
ومازلت فى الإنتظار



الشكر واجب طبعاً ياجناب اللورد .. بنتعبك معانا ..

لكنها للأسف ليست هى المقصودة ..

فأنا لدى أكثر من تسجيل لأسماء الله الحسنى .. بصوت النقشبندى .. والشيخ سيد مكاوى .. والمطرب الشاب هشام عباس .. وغيرهم ..

لكن الملف المرفق فى مشاركتى الأولى .. غير موجود للأسف .. أتعرف أننى أبحث عنه منذ أكثر من عشرون عاماً أو يزيد ..

زماااان .. زمان .. كان التلفزيون يذيع برنامجاً إسمه ( أسماء الله الحسنى ) .. وكانت مقدمة البرنامج بصوت سيد النقشبندى ..

هذا العمل .. لم أسمعه قط فى أى مكان أخر .. ولا حتى فى الإذاعة .. وأشك أنه موجود لدى عائلة النقشبندى نفسها .. وأخشى ماأخشاه أن يكون التلفزيون مسح أشرطة البرنامج ضمن مامسح من برامج وأعمال فنية أخرى ..

عموماً .. أشكرك شكراً جزيلاً ..

غازي الضبع
14/04/2008, 19h06
الشكر واجب طبعاً ياجناب اللورد .. بنتعبك معانا ..


لكنها للأسف ليست هى المقصودة ..

فأنا لدى أكثر من تسجيل لأسماء الله الحسنى .. بصوت النقشبندى .. والشيخ سيد مكاوى .. والمطرب الشاب هشام عباس .. وغيرهم ..

لكن الملف المرفق فى مشاركتى الأولى .. غير موجود للأسف .. أتعرف أننى أبحث عنه منذ أكثر من عشرون عاماً أو يزيد ..

زماااان .. زمان .. كان التلفزيون يذيع برنامجاً إسمه ( أسماء الله الحسنى ) .. وكانت مقدمة البرنامج بصوت سيد النقشبندى ..

هذا العمل .. لم أسمعه قط فى أى مكان أخر .. ولا حتى فى الإذاعة .. وأشك أنه موجود لدى عائلة النقشبندى نفسها .. وأخشى ماأخشاه أن يكون التلفزيون مسح أشرطة البرنامج ضمن مامسح من برامج وأعمال فنية أخرى ..


عموماً .. أشكرك شكراً جزيلاً ..

عم محمد ..
إنت متاكد إنك سمعته زمان ..:crazy:

غازي الضبع
14/04/2008, 19h15
إيه ده يا عم محمد
إنت بتعمل شغل من ورايا ولا إيه ؟؟
رفعتها إمتى دي ,,, ؟؟؟
لأ .. أنا زعلان منك :mad:
***
بس إماكانتش عجبتني بس
!!
***
الله ينور يا عم يا كبير الالاتية
وبما أن جناب اللورد أمر بمنحك لقب سلطان النغم
إذن ..
الله ينور يا سلطان

egmagdi
14/04/2008, 20h26
كوكتيل رائع يا عم الالاتية
يالله شد حيلك عاوز اكمل السى دى

الألآتى
15/04/2008, 00h43
عم محمد ..
إنت متاكد إنك سمعته زمان ..:crazy:


أيوه يافالح .. متأكد ..

ماهو زمان بتاعنا .. غير زمان بتاعك ياحلو ..

يعنى من عشرين سنة مثلاً .. يبقى عندنا .. إسمه زمان ..

لكن عندك إنت .. يبقى إسمه .. فجر التاريخ ..:mdr:

غازي الضبع
15/04/2008, 07h20
أيوه يافالح .. متأكد ..



ماهو زمان بتاعنا .. غير زمان بتاعك ياحلو ..

يعنى من عشرين سنة مثلاً .. يبقى عندنا .. إسمه زمان ..

لكن عندك إنت .. يبقى إسمه .. فجر التاريخ ..:mdr:

:mdr: ماشي يا عم ..
أنا أقصد إنت متأكد إنك سمعته أساساً
أصلك بتقول سمعته مرة زماااان ..
وبعدها عمره ماتذاع في أي حتة
وحتى النقشبندي نفسه مش عنده ..
مش يمكن اللي انت رافعه ده إبداعك الشخصي .. وإنت مش واخد بالك ..:crazy:

Egy_LoveR
16/04/2008, 00h00
أستاذي....
كوكتيل ملوش حل....جميل جدا ، والنقلة بين كل مقطع والتاني معمولة بأسلوب معلمين ;)

ممكن سؤال: الجزء الخاص بحديث الروح سريع شوية رتمه ؟

الألآتى
16/04/2008, 05h50
أستاذي....
كوكتيل ملوش حل....جميل جدا ، والنقلة بين كل مقطع والتاني معمولة بأسلوب معلمين ;)

ممكن سؤال: الجزء الخاص بحديث الروح سريع شوية رتمه ؟


أخى معتز ..

أشكرك حبيبى لتهنئتك الرقيقة ..

أولاً : حديث الروح ليس موجودة ضمن الكوكتيل .. لعلك تقصد ( القلب يعشق كل جميل ) ..

الكوكتيل يحتوى على أربع مقاطع ( الفن ، القلب يعشق ، هدية العيد ، ليلة حب ) ..

بالنسبة للسرعة .. فالسرعة واحدة لكل المقاطع .. وعموماً .. سأتدارك ذلك فى القادم من الكوكتيلات .. وأعطى لكل مقطع سرعته .. بالرغم من أن ذلك يأخذ مجهوداً أكبر ..

شكراً لك على المتابعة ..

Egy_LoveR
16/04/2008, 10h38
مين؟ ايه اللي جاب حديث الروح......انا الظاهر النوم كان كابس عليا...فعلا انا اقصد القلب بعشق كل جمييل

ومنتحرمش من الابداعات والكوكتيلات ;)

:emrose:

الألآتى
21/04/2008, 18h59
أغنية

إبعد عن الحب وغنى له

كلمات : فتحى قورة

ألحان : منير مراد

تنفيذ وغناء : محمد الألآتى

الألآتى
22/04/2008, 12h46
وهذه الموسيقى بدون غناء .. حتى يتسنى لمن يريد الغناء أن يستخدمها ..

egmagdi
22/04/2008, 21h43
اسلام عليكم يا استاذ محمد
لو قلتلك عزفك رائع فائق حتقولى قديمة - انا ما عنديش وصف لتقييم عزفك - ومبروك عليك لقب المايسترو ولو انه برضه شوية عليك
انا مستعد ادفع نص عمرى واشوفك وانت بتعزف

الألآتى
23/04/2008, 01h33
اسلام عليكم يا استاذ محمد
لو قلتلك عزفك رائع فائق حتقولى قديمة - انا ما عنديش وصف لتقييم عزفك - ومبروك عليك لقب المايسترو ولو انه برضه شوية عليك
انا مستعد ادفع نص عمرى واشوفك وانت بتعزف

ياحبيب قلبى .. ولا تدفع نص عمرك ولا حاجة أبداً .. ربنا يديك الصحة وطول العمر ..

أنا ليا الشرف إن يكون ده رأيك فى عملى المتواضع ..

وأتشرف بلقاءك فى أى مكان أو زمان ..

غازي الضبع
23/04/2008, 07h21
عم محمد يا جميل
للأسف مش قادر أحمل الأغنية عشان ظروف الشغل اللي انت عارفها
لكني مشتاق جدا أسمعها
إنت عارف إني من هواة أعمالك الرائعة الجميلة
وأهنيك عليها وأُحييك بشدة عليها من قبل أن أسمعها
فهي أكيد رائعة
يكفي أنها من أعمال المايسترو الكبير
تحياتي ومحبتي

مصطفي كيلاني
23/04/2008, 14h15
كل اللي ااقدر اقوله
بسم الله ماشاء الله وسبحان المبدع الذي وهبك هذا الصوت والنقاء
من فضلك اتم مابدأت بارك الله فيك وفي من حولك

الألآتى
23/04/2008, 20h45
أغنية : يام الطرحة معطرة

تنفيذ وغناء :

محمد الألآتى

أحمد شوبكى
23/04/2008, 21h25
يا موسيقار يا جميل يا فنان يا عبقرى

مش عارف اقولك إيه ؟ الأغنية جميلة وأداءك رائع ولا ابن عشرين سنة ،،، متمكن قوى من الغناء ومن العزف ومفيش ولا حرف واحد نشاز ،،، والنبى يا أخى ما تحرمنا من الحاجات الحلوة دى ،،،

يا ريت كل يوم من ده

الألآتى
23/04/2008, 22h16
يا موسيقار يا جميل يا فنان يا عبقرى


مش عارف اقولك إيه ؟ الأغنية جميلة وأداءك رائع ولا ابن عشرين سنة ،،، متمكن قوى من الغناء ومن العزف ومفيش ولا حرف واحد نشاز ،،، والنبى يا أخى ما تحرمنا من الحاجات الحلوة دى ،،،


يا ريت كل يوم من ده


هاهاهاها ..

لأ .. كل يوم صعب .. إنت عارف ياعم أحمد .. المسائل دى بتيجى لما يكون المزاج رايق .. إدعى معايا يكون رايق على طول ..

مانحرمش منك ومن ذوقك يابو حميد ..

الألآتى
23/04/2008, 22h24
الأغنية موسيقى فقط بدون غناء ..

لمن يريد تجربة صوته عليها ..

mohamedafify
23/04/2008, 22h27
اللة عليك يا مايسترو يا جامد التوزيع جامد الاداع اجمد معرفش انا هاغنى الحاجا ت دى بعدك ازاى
تحياتى لك على الاحساس العالى دة مع تحياتى لك وتمنياتى لك بدوام الصحة وتمتعنا على طول كدا محمد عفيفى

غواص النغم
23/04/2008, 22h34
جميلة يامايسترو استمتعت وانا استمع اليها
هذه من تاليفك صح؟
جميلة شكرا لك على اهدائها للمنتدى
وانا استمع للموسيقى الان وصوتك منور فيها
كويس يبقى عبدالعزيز محمود غنى ياام الملاية معطرة وحضرتك غنيت للطرحة
علشان مايزعلوش من بعض
ويديك طولة العمر وتعطر المنتدى بملفاتك وكلامك الجميل
:emrose::emrose:تحياتي:emrose::emrose:

الألآتى
23/04/2008, 23h48
اللة عليك يا مايسترو يا جامد التوزيع جامد الاداع اجمد معرفش انا هاغنى الحاجا ت دى بعدك ازاى


تحياتى لك على الاحساس العالى دة مع تحياتى لك وتمنياتى لك بدوام الصحة وتمتعنا على طول كدا محمد عفيفى


ياخويا غنى إنت بس ومالكش دعوة بيا .. أنا باغنى علشان أوضح الكلمات فقط .. وليس لعرض صوتى الجميل .. ;)

الألآتى
23/04/2008, 23h50
جميلة يامايسترو استمتعت وانا استمع اليها

هذه من تاليفك صح؟
جميلة شكرا لك على اهدائها للمنتدى
وانا استمع للموسيقى الان وصوتك منور فيها
كويس يبقى عبدالعزيز محمود غنى ياام الملاية معطرة وحضرتك غنيت للطرحة
علشان مايزعلوش من بعض
ويديك طولة العمر وتعطر المنتدى بملفاتك وكلامك الجميل
:emrose::emrose:تحياتي:emrose::emrose:





أشكرك أخى عبد المنعم على كلماتك الرقيقة ..

وبالمناسبة .. هذه الأغنية ليست من تأليفى ..

هى أغنية لمحمد رشدى .. وليس لى فيها إلا إعادة التنفيذ فقط ..

غواص النغم
24/04/2008, 00h02
أشكرك أخى عبد المنعم على كلماتك الرقيقة ..

وبالمناسبة .. هذه الأغنية ليست من تأليفى ..

هى أغنية لمحمد رشدى .. وليس لى فيها إلا إعادة التنفيذ فقط ..

اسف اعذرني لست خبيرا في رشدي
انا مؤجل الاستماع لرشدي والعزبي
يعني اسمع لرشدي كعب الغزال وياحمام الغية وعرباوي وميتا اشوفك وحارة المحروسة
اما العزبي استمع له في الثقل صنعه واغاني فيلم اجازة نص السنة واغنية لحنها له فوزي

محمد بوليصة
24/04/2008, 00h48
رائع واختيار رائع ورؤيه فنيه لعمل جميل


الاتى ياعم محمد يا فنان صوت جميلومعبر

استمعت واستمتعت بهذا الاداء الراقى ا

تقبل تحياة اخ الاتى قديم وضيف جديد عليكم

اخوك محمد بوليصة من الشرقيه

الألآتى
24/04/2008, 05h48
رائع واختيار رائع ورؤيه فنيه لعمل جميل


الاتى ياعم محمد يا فنان صوت جميلومعبر

استمعت واستمتعت بهذا الاداء الراقى ا

تقبل تحياة اخ الاتى قديم وضيف جديد عليكم

اخوك محمد بوليصة من الشرقيه


أهلاً وسهلاً بالأخ محمد بوليصة ( الألآتى الزميل ) .. شرفت ونورت المنتدى ..

أشكرك حبيبى على ذوقك وكلماتك الطيبة .. وإن كنت لا أعتبر تفسى مطرباً .. إنما مجرد مؤدى للأعمال التى أقوم بتنفيذها ..

MOHAMED ALY
24/04/2008, 06h49
ايوه يا الو حسام يا ابو سيرة معطرة .. وجودك معانا خللى ايام سماعى منورة ... عدلت مزاجى على الصبح و ان رايح على يوم عمل كله مشاكل ...الله يروق بالك .

د أنس البن
24/04/2008, 07h06
رائع رائع وبدون أدنى مجامله والله يا ابو حسام
وأنتهز هذه الفرصه لأعبر عن سعادتى بمداخلة الأخ الفنان محمد بوليصه ووجوده معنا فى سماعى , والحقيقه هو مايعرفنيش , لكن انا تشرفت به فى بلدتنا الجماليه من عدة سنوات فى إحدى الإحتفاليات ولفت نظرى تمكنه من العزف على الأورج بطريقه هادئه وحرفيه عاليه ,
وأذكر إن كان معاه فريق كورال للموسيقى العربيه وأدوا أعمال جميله من التراث وكان أيضا معه مطرب جميل لا أذكر إسمه غنى إله الكون للسنباطى بتمكن واقتدار , يا ريت يا سى محمد يا فنان ترفع لنا بعض أعمال هذه الفرقه فى قسم المبدعين ولك الشكر مقدما
د أنس البن

أحمد شوبكى
24/04/2008, 10h39
رائع واختيار رائع ورؤيه فنيه لعمل جميل


الاتى ياعم محمد يا فنان صوت جميلومعبر

استمعت واستمتعت بهذا الاداء الراقى ا

تقبل تحياة اخ الاتى قديم وضيف جديد عليكم

اخوك محمد بوليصة من الشرقيه


الفنان محمد بوليصة ابن مركز الحسينية محافظة الشرقية

أهلا بك يا فنان معنا فى منتدى سماعى للطرب الأصيل ،، كم أسعدتنى مشاركتك واسعدت الأخوة الأعضاء ، وقد تشرفت بلقاءك فى القناة الرابعة حيث كنت وفرقتك أصحاب نصيب الاسد فى كل البرامج التليفزيونية بالقناة الرابعة وذلك عن جدارة واستحقاق ،،، أكرر طلب الأب الغالى الدكتور أنس البن بأن تقوم برفع بعض أعمال فرقتك لنستمتع بها فى المنتدى

مرة أخرى مرحباً بك يا فنان

الألآتى
02/05/2008, 02h08
إخوانى الأعزاء

بناءً على رغبة غالية من أخى الحبيب المهندس محمد على ..

جئت لكم اليوم بأغنية

لو غبت عنى ولو شوية

كلمات : زين العابدين عبد الله

ألحان : عبد العظيم محمد

غناء : إسماعيل شبانة

وأستأذنكم أن تسمعوها بصوتى هذه المرة .. وربنا يعينكم على السماع ..

mohamedafify
02/05/2008, 03h08
اية ياعمنا الجمال دة واللهى برنس انت بتختار كل اللى نفسى اغنية
التوزيع جميل والغناء اجمل يعنى انت على بعضك كلك حلو اعمل جميل فخوك الغلبان وارفع التوزيع الجميل دة عشان اتشرف بالغناء علية دةبعداذنك ولو سمحت وطبعا انا عارف ان انت كريم جدا ومش هاتحوش موسيقاتك الجميلة عنى لانى انا حبيبك مع تحياتى محمد عفيفى

MUNIR MUNIRG
02/05/2008, 04h02
أستاذ ...... و بيغني
لازم النتيجه تبقى حلوه
آخر حلاوه يامايسترو
آخر....طرب
صوت جميل ودارس... وأداء صادق...
إحساس معبر عن كل كلمه في الاغنيه
وهذا بالطبع نتيجة الموهبه المصقله بالعلم

MOHAMED ALY
02/05/2008, 04h23
و الله يا ابو حسام انت حكايتك حكاية ... سرعة التلبية تدلل على مدى عمق الموهبة و التمكن و المخزون المعرفى الهائل ..بسم الله ما شاء الله .. ربنا يبارك فيك .

سيادة الرئيس
02/05/2008, 14h56
يا أخي بتفكرني طريقتك بصوت عازف ( أكورديون ) إشتغلت معاه زمان و أكيد إنت كمان عرفه

علي العرايشي

طبعا هوه صوته ( أجش ) عنك كتير بس مظبوط ع الشعره

الألآتى
02/05/2008, 15h33
يا أخي بتفكرني طريقتك بصوت عازف ( أكورديون ) إشتغلت معاه زمان و أكيد إنت كمان عرفه


علي العرايشي


طبعا هوه صوته ( أجش ) عنك كتير بس مظبوط ع الشعره



يااااه ياصلاح .. إنت كمان إشتغلت مع العرايشى .. الله يرحم الأيام الحلوة دى .. كانت أيام شقا وغلب .. لكن جميلة .. أيام شبرا الخيمة وشارع عرابى والمظلات .. أيام .

بالنسبة للصوت المظبوط .. والكلام ده ..

كان ولا يزال رأيى .. أن الملحن لابد أن يؤدى مظبوط .. وإلا فكيف يوصل الجملة اللحنية للمطرب ؟

مش مهم يكون صوته حلو .. لكن لابد أن يكون معبر ..

الألآتى
05/05/2008, 17h36
وهذه موسيقى الأغنية ..

لمن يريد إستخدامها فى الغناء ..

الألآتى
17/05/2008, 13h21
إخوانى الأعزاء

نزولاً على رغبة الأستاذ الدكتور عصمت النمر ..

أقدم لكم اليوم أغنية

شال الهوا

كلمات : أحمد فؤاد نجم

ألحان : الشيخ إمام

من المعروف أن أعمال الشيخ إمام مسجلة على العود ..

لذا حاولت وضع الأغنية فى قالب موسيقى مع شئ بسيط من التوزيع ..

وإستحملوا بقى صوتى الوحش ..

عصمت النمر
17/05/2008, 14h01
الله
الله الله
الله الله الله
استحلفك بكل غالى ان تقوم بتوزيع هذا العمل الذى ارفعه
ياغربة روحى روحى لا تحطى على سطوحى
*
اتارى عندنا كنوز من المبدعين ...صوت دافئ متمكن من جواباته وتوزيع شديد الحساسية لم يخرج عن اللحن ...ياعنى لو الشيخ امام عايش كان زمانه فى فرحان بيكم
انا طماع ياالالاتى ياعنى استعدوا لتوزيع مجموعة من اعمال الشيخ

الألآتى
17/05/2008, 15h06
أهـــ .. دخلنا فى الطمع ..

عموماً .. عشمك فى محله يادكتور ..

حاضر .. سأسمع الأغنية .. وربنا يسهل الأمور ..

mohamedafify
17/05/2008, 15h18
استاذى الالاتى السلام عليكم اللة اللة اللة برنس ياشا انت اساسا حاجة هايلة مش عارف اقولك على الايداع دة الاول على اختيارك لحاجة للشيخ امام وتوزيع جيد وصوت اية مقولقش حاجة هايلة واللهى حلو يا باشاوماتخافش انا معرفش اغنى اغية جامدة زى دى يعنى مشهاقولك هات الموسيقى مع تحياتى محمد عفيفى

عصمت النمر
17/05/2008, 16h40
ابو حسام ومحمد عفيفى
ياسلاااام

الألآتى
18/05/2008, 01h23
ابو حسام ومحمد عفيفى


ياسلاااام


ياسلام إيه ..

بيقول لك مايقدرش يغنيها .. جواباتها صعبة .. ودى إمكانيات صوتية .. مالهاش دعوة بالموهبة يادكتور ..

والمشكلة إن معظم أعمال عمنا الشيخ إمام جوابات .. وسوبرانو كمان ..

نبقى نحاول نشوف له .. حاجه تليق بصوته .. ربنا يسهل ..

الألآتى
18/05/2008, 13h38
إخوانى الأعزاء

أقدم لكم اليوم أغنية

ياعينى ياقلبى

كلمات : كمال إمام

ألحان وتوزيع : محمد الألآتى

هوهوة ( غناء ) : محمد الألآتى ( برضه )

karawan19
18/05/2008, 14h01
صدقنى اللحن جميل وله جسم وكيان والجملة الموسيقية فى المذهب منطقية وبها شجن - لا أجاملك - واللحن يحتاج الى مطرب قوى قراراته وجواباته مناسبة - صدقنى هذا اللحن كان يحتاج لمحمد قنديل وياسلام لو غناه هانى شاكر - ارجو منك حبيبى الأستاذ محمد أن تتم مجموعة لحنية من هذه النوعية العاطفية ومين يعرف لو مطرب جميل و يتعمل شريط .... اصبر فالصبر طيب....

محمد علي الزوالي
18/05/2008, 15h23
الله الله يا استاذ محمد اصيل والله انا سلطنت مع الاغنية

NAHID 76
18/05/2008, 15h56
بسم الله الرحمن الرحيم
ياعينى علينا احنا المستمعين
تمكن ما بعدة تمكن
صوت رخيم بتضخيم الخاء والراء هادئ بلا انفعال ماسك النغمة مظبوط
ونا حقول اية بعد استاذنا كروان بك واستاذى المبدع الفنان محمد زوالى
حقول لية مش بتنزل البوم فى السوق
اضمن لك النجاح
مبروك حقيقى بلا مجاملة مبروك
تحياتى :emrose:

عصمت النمر
18/05/2008, 16h01
ياواد ياجن
ياعايم فى بحور الفن
ايه الرشاقة دى

ALY ELHELALY
18/05/2008, 16h37
أستاذنا الفنان المبدع
محمد الألاتى
والله جميلة الغنوة جدا كلمة ولحن وتوزيع وأداء
بجد حاجة تطرب

دمت بكل خير

dreamsmoon
18/05/2008, 17h37
ماشاء الله عليك يا استاذ محمد رائعه ماشاء الله جميله جداااااااااااا
واللحن رائع بجد وكمان الكلمات تحفه

ربنا يكرمك

الألآتى
18/05/2008, 18h36
صدقنى اللحن جميل وله جسم وكيان والجملة الموسيقية فى المذهب منطقية وبها شجن - لا أجاملك - واللحن يحتاج الى مطرب قوى قراراته وجواباته مناسبة - صدقنى هذا اللحن كان يحتاج لمحمد قنديل وياسلام لو غناه هانى شاكر - ارجو منك حبيبى الأستاذ محمد أن تتم مجموعة لحنية من هذه النوعية العاطفية ومين يعرف لو مطرب جميل و يتعمل شريط .... اصبر فالصبر طيب....


لى الشرف أستاذى دكتور ثروت .. أن تكون أول المشاركين فى موضوعى هذا ..

أما بالنسبة لمن يغنيها أو من تصلح له من المطربين الكبار .. فأقول .. يسمع منك ربنا ..

ولكنى للأسف لا أجيد الطرق على الأبواب .. كما تعرف عنى .. وليس عندى غير الصبر .. أشكرك ..

الألآتى
18/05/2008, 18h37
الله الله يا استاذ محمد اصيل والله انا سلطنت مع الاغنية


من بعض ماعندكم أستاذى محمد .. فأنتم الأصل ..

الألآتى
18/05/2008, 18h40
بسم الله الرحمن الرحيم
ياعينى علينا احنا المستمعين
تمكن ما بعدة تمكن
صوت رخيم بتضخيم الخاء والراء هادئ بلا انفعال ماسك النغمة مظبوط
ونا حقول اية بعد استاذنا كروان بك واستاذى المبدع الفنان محمد زوالى
حقول لية مش بتنزل البوم فى السوق
اضمن لك النجاح
مبروك حقيقى بلا مجاملة مبروك
تحياتى :emrose:




الأخت العزيزة مدام ناهد ..

أشكرك بشدة على إطراءك الرفيع المستوى ..

أما بالنسبة لمسألة الألبوم .. فأنا لست مطرباً وإنما أؤدى ألحانى أو الألحان التى تعجبنى فقط .. لمجرد الهواية .. لأن صوتى ليس صوت مطرب والحمد لله ..

الألآتى
18/05/2008, 18h42
ياواد ياجن

ياعايم فى بحور الفن
ايه الرشاقة دى



حبيب قلبى دكتور عصمت ..

رأيك فى عمل لى .. شرف كبير .. أعتبره شهادة الأيزو ..

الألآتى
18/05/2008, 18h43
أستاذنا الفنان المبدع

محمد الألاتى
والله جميلة الغنوة جدا كلمة ولحن وتوزيع وأداء
بجد حاجة تطرب


دمت بكل خير



أستاذ هلالى ..

ربنا يجبر بخاطرك .. أشكرك بجد ياشاعرنا الجميل ..

الألآتى
18/05/2008, 18h44
ماشاء الله عليك يا استاذ محمد رائعه ماشاء الله جميله جداااااااااااا

واللحن رائع بجد وكمان الكلمات تحفه


ربنا يكرمك


حبيبى أحمد .. ميرسيه جداً .. فى إنتظار جديدك ..

Sami Dorbez
19/05/2008, 17h58
جميل يا ابو حسام
خليتني انسى الاغنية الاصل اللي بالعود..
;)

سامح الاسواني
19/05/2008, 20h55
تسلم ايدك يا ابو حسام
دي فرصة علشان اشكرك بأثر رجعي على كل ما تبذله و على كل ابداعاتك
و دي فرصة برضه علشان اشكرك على توزيعك لهذه الاغنية التي اعشقها و التي راوغتني كثيرا .
فمنذ سنوات بعيدة سمعت الاغنية من شريط جلبه الوالد من قطر في الوقت الذي لم تكن اعمال الشيخ متاحة في مصر للجميع مثلما الان ، لكن ضاع الشريط مع التنقل الدائم من سكن لاخر
واستطعت ان اجد الاغنية حين سافرت العراق في زيارة لكن ضاع الشريط مرة تانية أو بمعنى أدق سرق و حين عثرت على قسم الشيخ في المنتدى كانت هي اول من بحثت عنها ، و ربنا يستر مايضربش الكمبيوتر او يتسرق

الألآتى
19/05/2008, 21h02
جميل يا ابو حسام

خليتني انسى الاغنية الاصل اللي بالعود..

;)



يعنى حلوة ولا وحشة ياسامى .. :mdr:

الألآتى
19/05/2008, 21h13
تسلم ايدك يا ابو حسام
دي فرصة علشان اشكرك بأثر رجعي على كل ما تبذله و على كل ابداعاتك
و دي فرصة برضه علشان اشكرك على توزيعك لهذه الاغنية التي اعشقها و التي راوغتني كثيرا .
فمنذ سنوات بعيدة سمعت الاغنية من شريط جلبه الوالد من قطر في الوقت الذي لم تكن اعمال الشيخ متاحة في مصر للجميع مثلما الان ، لكن ضاع الشريط مع التنقل الدائم من سكن لاخر
واستطعت ان اجد الاغنية حين سافرت العراق في زيارة لكن ضاع الشريط مرة تانية أو بمعنى أدق سرق و حين عثرت على قسم الشيخ في المنتدى كانت هي اول من بحثت عنها ، و ربنا يستر مايضربش الكمبيوتر او يتسرق


أحمد الله أنى إستطعت إسعادك أخى العزيز أستاذ سامح ..

وألف سلامة على الكمبيوتر ..

غازي الضبع
19/05/2008, 21h28
إيه ده يا عم محمد ؟؟
الأغنية دي مش جديدة عليا
لسه سامعها من كام يوم عند واحد صاحبي
كنت قاعد عنده في بيته مع اتنين صحابنا تانيين
حتى بالأمارة
شرّبنا سحلب
:crazy:

الألآتى
19/05/2008, 22h17
إيه ده يا عم محمد ؟؟
الأغنية دي مش جديدة عليا
لسه سامعها من كام يوم عند واحد صاحبي
كنت قاعد عنده في بيته مع اتنين صحابنا تانيين
حتى بالأمارة
شرّبنا سحلب
:crazy:

ليه الفضايح دى يابو فارس .. إنت كل ماتشرب سحلب تيجى هنا تجرسنى .. هو أنا باسقيك شَربه .. :mdr:

سامح الاسواني
20/05/2008, 00h35
أحمد الله أنى إستطعت إسعادك أخى العزيز أستاذ سامح ..

وألف سلامة على الكمبيوتر ..

انت قادر دائما على إسعادي وإسعاد الآخرين يا أستاذنا لكن أنا اللي مقصر معك

غازي الضبع
20/05/2008, 14h37
الحقيقة بقالي كتير ما دبّستش عم محمد الآلاتي في حاجة ..
والنهاردة جاي أدبّسه في رائعة الموسيقار عبد العظيم محمد
الأغنية التي تم غنائها في فيلم صغيرة على الحب
عارفينك .. فاهمينك
وطبعا عم محمد عُمرهُ ما بيأخرلي طلب ;)
وأنا في انتظاره

الألآتى
20/05/2008, 15h51
غالى والطلب رخيص ياأبو فارس ..

تعيش ليا وتعيش تدبيساتك ..

غازي الضبع
20/05/2008, 18h26
مانحرمش منك أبدا يا عم محمد يابو الكرم كله ..
إيه يا عم الجمال ده !!
الأغنية في منتهى الجمال والروعة ..
أعتقد أن المؤدات هن سناء ، ووفاء ، وصفاء
أو الثلاثي المرح
والأغنية من ألحان عبد العظيم محمد
وإن كان قد حدث لبس من قبل في كوّنها من ألحان عبد العظيم عبد الحق أم عبد العظيم محمد .
ماعرفش الكلمات لمين ؟؟؟
لكن الأداء رائع رائع رائع
سواء من الثلاثي المرح أو من عم محمد الألاتي
والتوزيع جميل جدا
تسلم إيديك يا عم محمد ..
لك خالص تحياتي ومحبتي

غواص النغم
20/05/2008, 20h28
اعتقد يا عم يا الالاتي
غازي
من الناس
اللي عارفينك وفاهمينك ومدبيسينك كمان
ياريت ياغازي تدبسه في اغاني حلوة ثانية كمان وكمان

ولا مونولوجات احنا واحشنا المونولوج جدا
:emrose::emrose:تحياتي:emrose::emrose:

غازي الضبع
20/05/2008, 20h48
اعتقد يا عم يا الالاتي

غازي
من الناس
اللي عارفينك وفاهمينك ومدبيسينك كمان
ياريت ياغازي تدبسه في اغاني حلوة ثانية كمان وكمان

ولا مونولوجات احنا واحشنا المونولوج جدا

:emrose::emrose:تحياتي:emrose::emrose:

يا سلام .. إنت تؤمر يا مِنعم
إستنى عليا ، وأنا هادبسهولك في كل اللي انت عايزه

الألآتى
20/05/2008, 23h41
جرى إيه ياغازى .. إنت بقيت متعهد التدبيس فى المنتدى ولا إيه !!

وبالنسبة للمؤديين فى الأغنية ..

هما مطربتان من الأسكندرية .. واحده إسمها شمس .. والتانية مش فاكر إسمها .. إرجع إلى الفيلم ياحبيبى ..

الألآتى
20/05/2008, 23h44
اعتقد يا عم يا الالاتي

غازي
من الناس
اللي عارفينك وفاهمينك ومدبيسينك كمان
ياريت ياغازي تدبسه في اغاني حلوة ثانية كمان وكمان

ولا مونولوجات احنا واحشنا المونولوج جدا

:emrose::emrose:تحياتي:emrose::emrose:




تحت أمرك أخى عبد المنعم إنت والأستاذ غازى .. ربنا يقدرنى على تلبية رغباتكم ..

mohamedafify
21/05/2008, 18h00
الله عليك يا الالاتى يا جامد قوى توزيع جميل ولحن مميز واداء رائع ولايق عليك قوى قوى قوى انت بتعرف تختار اللى يناسبك مع تحياتى محمد عفيفى

mohamedafify
21/05/2008, 18h18
الله الله يا جامد ايه يا عم الألحان الحلوه دي دا انت كده بتاكلنا جامد قوي كده ملناش لزمه جمبك استاذ والله العظيم بعد اذنك بقى ممكن اغنيها اصلها جامده قوي وقطعتني دا بعد اذنك طبعا ياريت ماتقولش لأ اصلها جامده قوي يا عم الألاتي اهو شغل شحاته اهو يا عم غنوه جميله تمنع بلاوي كتيره مع تحياتي لأحلى ملحن وموزع محمد الألاتي مع نحياتي أخوك محمد عفيفي

MOHAMED ALY
21/05/2008, 18h30
طبعا رأيى قلته لما سمعت هذه الاغنية اثناء زيارتنا لكم فى منزلكم الكريم العامردائما ان شاء الله ... بصراحة مستوى اللحن و التمكن فى الاداء اذهلنى ... و فاق كل ما سمعته منكم من قبل ... اعمل حسابك الزيارة الجاية ان شاء الله .. صباحى يا ورق العنب ... و متزهقش بقى .

غازي الضبع
21/05/2008, 19h08
هو مين ده اللي يزهق يا بشمهندس محمد علي ؟؟
هو بمزاجه ولا إيه ؟؟
ناقص كمان تقول إنه مش هايسقينا سحلب
ولا هايخلينا نغني ..
تسلم إيدين اللي اشترى ...
أومال هو بيعمل الأغاني دي لمين .. ؟
مش عشان السميعة التقال اللي هم احنا
وشرّيبة السحلب المتين :mdr:

الألآتى
21/05/2008, 19h21
الله الله يا جامد ايه يا عم الألحان الحلوه دي دا انت كده بتاكلنا جامد قوي كده ملناش لزمه جمبك استاذ والله العظيم بعد اذنك بقى ممكن اغنيها اصلها جامده قوي وقطعتني دا بعد اذنك طبعا ياريت ماتقولش لأ اصلها جامده قوي يا عم الألاتي اهو شغل شحاته اهو يا عم غنوه جميله تمنع بلاوي كتيره مع تحياتي لأحلى ملحن وموزع محمد الألاتي مع نحياتي أخوك محمد عفيفي



ميرسيه يابو حميد ..

وبالنسبة للأغنية .. للأسف لا أستطيع إرسالها فى الوقت الحالى لأسباب سياسية :mdr:

أول سبب : أنها لم تنزل السوق بعد .. ولم يتم تسويقها ..

ثانياً : كاتب الكلمات لم يعلم إلى الأن أنى رفعتها للإنترنت .. ولو علم .. سيرفع عليا قضية .. باتكلم جد .. لأنه كاتب محترف وقديم ..

أتركنى قليلاً لأحاول محادثته وإقناعه .. ربنا يسهل ..

الألآتى
21/05/2008, 19h23
طبعا رأيى قلته لما سمعت هذه الاغنية اثناء زيارتنا لكم فى منزلكم الكريم العامردائما ان شاء الله ... بصراحة مستوى اللحن و التمكن فى الاداء اذهلنى ... و فاق كل ما سمعته منكم من قبل ... اعمل حسابك الزيارة الجاية ان شاء الله .. صباحى يا ورق العنب ... و متزهقش بقى .


ياسلام ياعم محمد .. ده إنت تشريفك لى يوم عيد .. وعمرى ماأزهق من قعدتك الحلوة ..

الألآتى
21/05/2008, 19h25
هو مين ده اللي يزهق يا بشمهندس محمد علي ؟؟
هو بمزاجه ولا إيه ؟؟
ناقص كمان تقول إنه مش هايسقينا سحلب
ولا هايخلينا نغني ..
تسلم إيدين اللي اشترى ...
أومال هو بيعمل الأغاني دي لمين .. ؟
مش عشان السميعة التقال اللي هم احنا
وشرّيبة السحلب المتين :mdr:


أنا إللى جبته لنفسى ياأبو فارس .. علشان خليتك تغنى مرة .. حاتاخدها حلوانة فى سلوانة .. ماتاخدش على كده يامطرب العواطف .. :mdr:

الألآتى
21/05/2008, 21h19
إخوانى الأعزاء

إليكم أغنية

ياغربة روحى روحى

كلمات : أحمد فؤاد نجم

ألحان : الشيخ إمام

توزيع وتنفيذ وغناء : محمد الألآتى

MOHAMED ALY
21/05/2008, 22h56
و بعدين بقى يا ابو حسام ... منحنى ادائك الغنائى فى الاعمال التى تتحفنا بها فى تصاعد .. ادائك فى كل اغنية له طعم و لون و مذاق مختلف ... بصراحة فنان هايل و محترم .

عصمت النمر
21/05/2008, 23h51
اشهد ياعم محمد ياعلى
ان اللى بنى مصر كان فى الأصل
آلاتى
بصراحة المفاجأة فى صوتك زى ما قال الصديق الخلوق الدمث محمد بك على
وبعدين راكب قوى مع شغل مولانا
الله ينور

الألآتى
22/05/2008, 00h12
يعنى أنفع ؟؟

ALY ELHELALY
22/05/2008, 18h39
والله ديماً بتفاجئنا بروائعك يا أستاذ محمد
إيه الجمال ده
ومن ناحية تنفع فإذا مكنتش بالحلاوة والجمال ده تنفع أمال مين اللى هينفع
ربنا يخليك لسماعى وعشاق الطرب الأصيل
تقبل تحياتى

الألآتى
22/05/2008, 20h43
والله ديماً بتفاجئنا بروائعك يا أستاذ محمد

إيه الجمال ده
ومن ناحية تنفع فإذا مكنتش بالحلاوة والجمال ده تنفع أمال مين اللى هينفع
ربنا يخليك لسماعى وعشاق الطرب الأصيل

تقبل تحياتى


ربنا يطمن قلبك ياأستاذ على .. ونجاملك فى الأفراح دايماً إن شاء الله ..

وبعدين لما أنا حلو وجميل .. تبقى إنت إيه .. إنت الأحلى والأجمل ياشاعرنا الجميل ..

عصمت النمر
22/05/2008, 21h13
دايما المبدع الحقيقى لديه تواضع مربك
ومبدع جميل فى حجم ابو حسام تواضعه يصيبك فى مقتل فلا نعرف ازاى نشكره ممتنين وزاى نعبر عن اعجابنا بمهاراته
فى دروب الموسيقى
وآل بيقول يعنى ننفع
:mdr:

الألآتى
26/05/2008, 15h38
أغنية

علّى صوتك بالغنا

التى غناها محمد منير فى فيلم المصير ..

حاولت تنفيذها ..

وأتمنى أن أكون وُفقت ..

mohamedafify
26/05/2008, 17h03
اية ياعم الحلاوة دى واللهى لايقة عليك احلى مافيك اختيارك للييناسبك قولتها حلو قوى مش عايز اقول احلى من منير لاتفكرنى بجملك بس بجد حلوة قوى مع تحياتى محمد عفيفى

الألآتى
26/05/2008, 19h27
مانحرمش منك ياعفيفى ياحبيبى ..

بالتأكيد مش أحلى من منير .. لأن منير ده حبيبنا كلنا .. وأنا أبعد ماأكون عنه أو عن غيره .. لأنى مش مطرب من أصله .. وقلت لك قبل كده .. أنا بغنى الحاجات إللى بانفذها فقط .. ليس حباً فى الغناء .. شكراً مرة أخرى حبيب قلبى ..

ALY ELHELALY
26/05/2008, 20h19
جميلة قوى الأغنية يا أستاذ محمد
وإحنا اللى بنطلب منك إنك تعلى صوتك بالغنا
ومتحرمناش من الروائع دى
بجد فنان وفنان كبير قوى
تمنياتى لك دوام الصحة والعافية ودوام التوفيق والرقي
تقبل تحياتى

الألآتى
26/05/2008, 20h54
جميلة قوى الأغنية يا أستاذ محمد

وإحنا اللى بنطلب منك إنك تعلى صوتك بالغنا
ومتحرمناش من الروائع دى
بجد فنان وفنان كبير قوى
تمنياتى لك دوام الصحة والعافية ودوام التوفيق والرقي

تقبل تحياتى



كم سررت بردك الكريم ياأستاذ على ..

وأنتهز هذه الفرصة لأوضح جزئية مهمة قد تكون خافية عليكم ..

أنا أضع هذه التجارب .. لبيان مدى نجاحى ( فلاحتى ) فى العزف والتنفيذ .. وليس لإسماعكم صوتى ( والعياذ بالله ) .. فأنا أنأى بنفسى أن أكون سبباً فى نكدكم بسبب صوتى الجميل .. المسألة كلها مزيكا وبس .. وربنا يبارك فى المطربين إللى ماليين البلد .. مش ناقصانى يعنى ..

دمت لى مشجعاً ياعم هلالى ..

ALY ELHELALY
26/05/2008, 21h11
أستاذ محمد
صدقنى الصوت مش كل حاجه
أهم حاجة الإحساس والأداء من القلب وصدقنى صوتك بيوصلنا بإحساسك الجميل
أما من ناحية الموسيقى فإنت لا تنتظر رأى فإبداعك يشهد لك
وهطلب منك تانى على صوتك بالغنا ومتحرمناش من هذه الروائع

الألآتى
26/05/2008, 21h41
أستاذ على ..

أنا من رأيى دائماً .. أن الملحن يجب أن يكون أداءه جيد .. حتى يستطيع توصيل لحنه للمطرب .. وكم من أصوات ناعمة وحنينه .. لكنها لا تستطيع الغناء أو توصيل المعنى للمستمع .. وحاضر ياعم .. سأعلّى صوتى بالغنا حتى تستغيثوا منى ..

عصمت النمر
31/05/2008, 00h39
ايه الحلاوة دى ياقرارى
اكثر من رائعة اداءا وتوزيعا
:emrose:

محمودسعد
10/06/2008, 17h57
الكبير كبير
وانت فنان كبير وربنا ينفعنا بيك
وانااتعلم من الجميل دائما وانت جميل وربنا يذيدك جمال

الألآتى
17/06/2008, 21h53
حانة الأقدار

كلمات : طاهر أبو فاشا

ألحان : محمد الموجى

تنفيذ وأداء : محمد الألآتى

MOHAMED ALY
18/06/2008, 02h59
مش عارف يا ابو حسام اقول لك ايه ..الله ينور عليك ... اعجبنى تغيير الايقاعات اكثر من مرة فى هذا العمل .. يا ريت ربنا يكرمك ...عدينى يا معداوى .

الألآتى
18/06/2008, 04h14
مش عارف يا ابو حسام اقول لك ايه ..الله ينور عليك ... اعجبنى تغيير الايقاعات اكثر من مرة فى هذا العمل .. يا ريت ربنا يكرمك ...عدينى يا معداوى .

أشكرك أستاذى محمد .. فى الحقيقة إن مسألة تغيير الإيقاعات فى هذا العمل .. يُسأل عنه عمنا محمد الموجى نفسه ( رحمه الله ) ..

وهذا العمل بالذات شغل تفكيرى لسنوات .. قبل أن أغامر بتنفيذه .. لأنه عمل كبير وشرقى صميم .. وبه عدد كبير من المقامات والإيقاعات والتحويلات المرعبة ..

بالنسبة لـ ( عدينى يامعداوى ) .. حاضر ياقناديلى .. من عنيا .. إنت تؤمر ..

د أنس البن
18/06/2008, 04h48
الله الله الله عليك يا فنان يا كبييييييييييير
إختيار رائع لعمل رائع من فنان رائع
تعرف يا ابو حسام ان هذا العمل الفنى الجميل موجود فى المنتدى بصوت الفنانه الشعبيه الكبيره سكينه أحمد من حفل أضواء المدينه ويقوم بتقديمها الفنان محمد الموجى شخصيا , كان رفعه حبيبنا رضا رشيد

الألآتى
18/06/2008, 08h15
الله الله الله عليك يا فنان يا كبييييييييييير
إختيار رائع لعمل رائع من فنان رائع
تعرف يا ابو حسام ان هذا العمل الفنى الجميل موجود فى المنتدى بصوت الفنانه الشعبيه الكبيره سكينه أحمد من حفل أضواء المدينه ويقوم بتقديمها الفنان محمد الموجى شخصيا , كان رفعه حبيبنا رضا رشيد

مانحرمش من طلتك عليا يادكتور أنس ياكبير ..

وأشكرك على التنويه بالأغنية بصوت الفنانة سكينة أحمد .. لما أروح أدعبس عليها وأسمعها .. ميرسيه ..

Sami Dorbez
18/06/2008, 11h26
الله الله يا ابو حسام والله حطيت السماعات وانا بشتغل عالنت وسمعتها اكثر من مرة بدون ما احس بمرور الوقت...

على فكرة انا عاوز اغني اهواك لعبد الحليم انا بحبها كثير وياريت تقدر تعملي * باكقراوند* (موسيقة اغنية)جميل للاغنية وتبعثهالي وانا اركب فيها صوتي..
مش عارف انا حاسس انها حتطلع حاجة كويسة من ايدين حلوة وحريفة..;)

الألآتى
18/06/2008, 20h49
الله الله يا ابو حسام والله حطيت السماعات وانا بشتغل عالنت وسمعتها اكثر من مرة بدون ما احس بمرور الوقت...

على فكرة انا عاوز اغني اهواك لعبد الحليم انا بحبها كثير وياريت تقدر تعملي * باكقراوند* (موسيقة اغنية)جميل للاغنية وتبعثهالي وانا اركب فيها صوتي..
مش عارف انا حاسس انها حتطلع حاجة كويسة من ايدين حلوة وحريفة..;)


شرف لى وأى شرف أن يغنى فنان الطفولة سامى دربز على موسيقاى ..

من عنيا ياأستاذ سامى .. سأشرع فى تحضير موسيقى أهواك .. ولكن قبل ذلك .. أستسمحك فى أن ترسل لى جزء صغير بصوتك حتى أحدد الطبقة الصوتية التى سأعمل عليها ..

وهاهو إيميلى حتى ترسل لى المقطع عليه ..

elalaty@yahoo.com (elalaty@yahoo.com)

أو

elalaty@hotmail.com (elalaty@hotmail.com)

عصمت النمر
20/06/2008, 13h31
حد يفسرلى انك بتنشن على الاعمال اللى انا شخصيا باسلطن عليها
وبعدين اسمع واقول لنفسى طيب هايوزعها ويؤديها ازاى؟ وكل مرة تهزمنى بالقاضية
ياعم ايه اللى انتى عامله دا ..كأنك شارب روح العمل من مبدعها
الله ينور

الألآتى
20/06/2008, 14h42
ياعم ايه اللى انتى عامله دا ..كأنك شارب روح العمل من مبدعها
الله ينور


الله ينور عليك إنت .. يارافع معنوياتى ..

mohamedafify
22/06/2008, 06h22
اخى العزيز الموسيقى الجامد الالاتى اللةا اللة حاجة جميلة جدا ودى من الحاجات اللى انا مش قدها دى عايزة حد متمكن يا متمكن

الألآتى
22/06/2008, 08h13
إخوانى الأعزاء

بناءً على رغبة أخى العزيز : الباشمهندس محمد على

أقدم لكم

أغنية : يامعداوى .. لمحمد قنديل

تنفيذ وأداء العبد لله

الألآتى
22/06/2008, 08h20
اخى العزيز الموسيقى الجامد الالاتى اللةا اللة حاجة جميلة جدا ودى من الحاجات اللى انا مش قدها دى عايزة حد متمكن يا متمكن



العفو ياأستاذ عفيفى .. العين ماتعلاش عن الحاجب .. بالتأكيد أنت تستطيع أداء أى أغنية مهما كانت .. المشكلة فى الطبقات الصوتية التى تميز كل مطرب عن الأخر ..

MOHAMED ALY
22/06/2008, 08h30
دلوقت اتا فى الشغل ... اصبر عليا لما ارجع البيت ان شاء الله ..بعدين اسمع و اشكر ... لكن عموما فان كل اعمالك الغنائية بصوتك بتطربنى و تسعدنى .

M O H A M E D
22/06/2008, 08h34
صباح الإبداع :emrose:

يسعدني اني أكون أول واحد حمـّل الاغنية

بيعجبني فيك يا أستاذ محمد إنك بتحافظ على التوزيع الأصلي للأغنية

الأغنية روعة و التنفيذ جميل :good:

تسلم لنا يا فنان :emrose:

بس بعد إذنك ممكن تتكرم علينا و ترفع الموسيقى ؟

غازي الضبع
22/06/2008, 13h15
جميل جدا يا عم محمد
وعلى فكرة كلمات الأغنية تحفة
لما تمعنت فيها فعلا جميلة جدا جدا
طول عمرك ذوقك حلو يا بشمهندس محمد علي

غواص النغم
22/06/2008, 19h17
صباح الإبداع :emrose:

يسعدني اني أكون أول واحد حمـّل الاغنية

بيعجبني فيك يا أستاذ محمد إنك بتحافظ على التوزيع الأصلي للأغنية

الأغنية روعة و التنفيذ جميل :good:

تسلم لنا يا فنان :emrose:

بس بعد إذنك ممكن تتكرم علينا و ترفع الموسيقى ؟


يرفع الموسيقى
وتسمعنا صوتك عليها
موافق؟:emrose:

MOHAMED ALY
22/06/2008, 19h30
الله ينور عليك يا ابو حسام .. اداء متمكن كالعادة ...معلهش انا عارف ان اللحن متعب فى الغناء ...لكنك دائما تأتى بالمفاجأت ...على رأى محمد عبد الوهاب عندما سألوه : ما هو الفن ..قال : انتظار ما لا ينتظر .

mohamedafify
22/06/2008, 20h21
اخى العزيز ابو حسام اللة ينور عليك الغنوةجميلة جدا والتوزيع هايل وطبعا دا الطبيعى مع تحياتى محمد عفيفى