أعمال من تنفيذ الفنان محمد الآلاتي

[unicorn]

إخس الله يكسفك

:mad:

ليه يا بنى ؟؟
و الله حلوين .
و بعدين لازم يبقى فيه بوسترات
الغنوة نزلها 22 ضحية حتى الان و دة رقم هايل , و مش بعيد يوصلوا ل 25 بعد البوسترات
بأقول ايه ما تنقلها عندك فى الغناء الفكاهى هاتبقى أحلى
http://www.sama3y.net/forum/attachment.php?attachmentid=165462&d=1254193152
هو الفتح الأول و لا التسليك يا سى مزاجنجى

[abuzahda]

فرصة لن تتكرر


فى أضخم إنتاج فى قسم المبدعون

قام ستوديو الألآتى فون .. بإنتاج أول أغنية يغنيها أربعة مطربون ..

إليكم أغنية .. القلب معاك ثانية بثانية

كلمات : فتحى قورة

ألحان : منير مراد

مقام : كرد

قام بالغناء أربعة من كبار مطربى المنتدى ( لاعلاقة لهم بالطرب أساساً )

وهم بالترتيب حسب الغناء

محمد الألآتى

السيد المشاعلى

محمد أبو مندور


غازى الضبع



:emrose:عمّي محمد:emrose:

ممكن ، و حياة حسام:emrose: و كريم:emrose:

تقولنا أسماء المطربين من حيث التقسيمة ؟

يعني مين غنى إيه ؟

كوبليه ... كوبليه

علشان تعليقي على الغناء يكون له طعم و معنى

بس وحياة أولادك تصارحني

إوعى تقوللي: ربنا أمر بالستر

أنا مستني الغلاف بتاع الألبوم متضمناً كل عناصر هذا العمل المفاجأة

[unicorn]

:emrose:عمّي محمد

ممكن ، و حياة حسام و كريم

تقولنا أسماء المطربين من حيث التقسيمة ؟

يعني مين غنى إيه ؟

كوبليه ... كوبليه

علشان تعليقي على الغناء يكون له طعم و معنى

بس وحياة أولادك تصارحني

إوعى تقوللي: ربنا أمر بالستر

أنا مستني الغلاف بتاع الألبوم متضمناً كل عناصر هذا العمل المفاجأة

أهو دة اللى كنا خايفين منه يا استاذ سيد ,
إحنا سايبينها عايمة عشان ما حدش يتعرف , تقوم تيجى برضه عشان تكشف المستور
تصدق بالله , و الله كنت متأكد إنها هاتيجى منك إنت بالذات يا أستاذ سيد :mdr:
الترتيب يا باشا زى ما المايسترو قدمه بالظبط ,أ. المشاعلى و بعدين العبد لله و بعدين غازى
على فكرة هما ظلمونى و خلونى أسجّل أول واحد و قعدوا يضحكوا على شنبى و هو بيغنى غنوة حريمى
آه لو سمعوها أهلى فى البلد ........
هايرجعونى لمقابر العائلة مفصص فى شوال :(

[mohssin]

:chut: والله عجز السان وعجز القلب عن التعبير

[abuzahda]

على فكرة هما ظلمونى و خلونى أسجّل أول واحد

بالجملة دي بقيت مطرب أصلي - من بتوع اليومين دول - يا معلم

أيوة ! صح كده !

أنا بشوفهم في الفضائيات يا :emrose:محمد:emrose:

أول ما المذيعة تطلب منهم يغنوا ، يقولوا كلام من ده:

معلش أصل عندي برد
أصل حواجبي بتنأح عليا
أصل خلوني اغني أول واحد

برافو يا :emrose:نجم:emrose:




هعيد سماعها على ضوء توضيحاتك علشان اعرف مين اللي كان بغني و هو بيغرق ده (قطع نفسي و انا بسمعه) ، مصيبة ليكون انت يا حمو ! ، معقولة اسكندراني يغرق ؟!

[الألآتى]

تقولنا أسماء المطربين من حيث التقسيمة ؟

يعني مين غنى إيه ؟

كوبليه ... كوبليه

علشان تعليقي على الغناء يكون له طعم و معنى



ياعم السيد .. أنا ذكرت ترتيب الغناء فى مشاركتى الأولى .. سلامة النظر ياحبيب قلبى .





وهم بالترتيب حسب الغناء

محمد الألآتى

السيد المشاعلى

محمد أبو مندور


غازى الضبع

[غازي الضبع]

يا ماندو .. بعد إذنك أنا هاشيل الصورة بتاعة السيجارة دي :mad:
إنت عايز الناس تعرف حقيقتي ..
إني ما باشربش غير دافيدوف Davidoff ( بـ 14 جنيه في مصر ، و 10 دولار في كندا .. يعني بمقام علبتين مارلبورو )
عايز الناس بتاعة الكيلوباترا والـ LM يبصولي في اللقمة .. قصدي في النـَفـَس :(
إيه إحداث النعمة بتاعك ده ؟ :mad:

[abuzahda]

QUOTE=الألآتى;360012] ياعم السيد .. أنا ذكرت ترتيب الغناء فى مشاركتى الأولى .. سلامة النظر ياحبيب قلبى .


[/QUOTE]


يسلموا لي نواظرك ، يا :emrose:غالي:emrose:

أنا واخد بالي يا :emrose:أستاذنا:emrose: ، إنها فاتتني

بس السبب ينقسم إلى درفتين:

أولاً من حلاوة و ظرف المفاجأة ، و استغراقي سماعاً لصوتك بأول العمل و الذي أأكد لحضرتك للمرة الثانية أنه يذكرني بصوت عمّنا الموجي الكبير (أوي) - و المرة دي الرأي عائلي ، حيث شاركني فيه سمّيعة بيت أبو زهده - فرع تورونتو .

صوتك يا عمّي محمد ضفيرة أحاسيس مجدولة بإدين الصنعة ،

و أنتم معشر المزيكاتيّة ليكم مصطلح : ذكي خبيث صريح متواري مُحيّر ! ، و هو:

لما بتوصفوا حد إنه بيغني بخبرته ( عمّنا حلمي بكر ، أحد أشهر مُستخدمي هذا التعبير ، و قد وصف به غناء سميرة سعيد - على سبيل المثال)

* * *

و موقفك من : تصنيفك مُطرباً (حيث تداوم على رفض ذلك) يذكرني بحادثة تاريخيّة لعمّنا محمود الشريف ، الذي كان على نفس موقفك التواضعي ، من حيث نكران الذات - الطربيّة.

كان محمود الشريف عليه رحمة الله ، قد قام بحجز الإستوديو بالإذاعة لتسجيل أغاني الصورة الغنائية :قِسم (يا ترى انت فين يا مرزوق ؟ - الشهير بـ زوقة !)

فلما آن موعد الحجز - التسجيل ، تخلف المطرب عن الحضور بالموعد ( راوي القصة ، لم يشأ التصريح بإسم المطرب - اللي عمل فينا معروف بدون ما يقصد)

تأجل التسجيل إلى موعد لاحق ، لكن المطرب إياه لم يحضر

فأزاحوا موعد التسجيل - للمرة الثانية - إلى يوم آخر ، بينما يبدو أن ذلك المطرب قد استخف بالصورة الغنائية : قِسَم ، التي أصبحت فيما بعد جزءً من التراث المصري العجيب.

و لأن العرف المعمول به يقتضي إلغاء حجز الإستوديو ، بعد تأجيلين ، فقد اضطر عمنا محمود الشريف إلى التسجيل بصوته من باب : أمرنا لله ....... إنقاذ ما يمكن إنقاذه ....

لكنها ترتيبات القدر ، ليهدينا ذلك الصوت المدهش أداءً ، حتى أني سمعت : ياخال انا خالي ، حوالي عشرتاشر ألف مرة ، و فشلت أذني في الإمساك بدخلة عمنا محمود الشريف ، إلى: يا خال انا خالي


معلش يا خال ، طوّلت عليك ....
يمكن علشان النهاردة أجازتي ، تلاقيني : أنا خالي روقتلك بالي ... يا ابو حسام ياغالي

* * *

أما الدرفة التانية:

فهي لشعوري ، كلما دخلت موضوعاً يتشرف بتوقيعك أو توقيع عمّي محمود سعد ، بحس ان انا محمود كامل أو عمّار الشريعي . و انتوا السبب في الغرور ده ..... ياللا ربنا يسامحكو

* * *

معلش بعد إذنك ، هقصـّر معاك دلوقت ، خليني اشوف بلطجية الغناء دول

[abuzahda]

وهم بالترتيب حسب الغناء


محمد الألآتى

السيد المشاعلى

محمد أبو مندور

غازى الضبع


المفاجأة التانية :

إن أداء أستاذنا المشاعلي:emrose: هنا ، مالهوش علاقة بتجاربه السابقة . التي كانت تسير بخط بياني متصاعد ، مما علقنا بأمل ميلاد مطرب بجد و جد

فنلاحظ محاولته بذل مجهود لملاحقة الرتم - و الذي لاسبيل لتقليل سرعته ، لطبيعة الأغنية -

حتى إذا هدأ الإيقاع في : إياك إياك ، نجد أن صوته الذي علقنا بالإمل ، قد عاد إلى سيرته الأولى.


* * *



المفاجأة الثالثة:

أن ابو مندور:emrose:ظهر واثقاً من أداءه المهمة ، لدرجة أنه لم يهتم بالتطريب و لم يفتعله .
هو جاي يؤدي دور محدد ، و ياللا عايزين نخلص

يعني الراجل عمل اللي عليه

( حبيبتك وجد كانت بترقص و هي بتسمع الأغية ! ، يا محمد)

* * *

المفاجأة المفاجأة:

الأستاذ ياسين:emrose:

الحكاية مش محتاجة صور ، علشان نعرف أثر أضرار التدخين على الصوت !
يمكن علشان السجاير الألماني حامية شوية ؟

أنا شايف يا ابو فارس ، إنك تحاول تغيّر ( لأ يا جدع ، ش الهـِوايات )
تغيّر نوع السجاير ، شوفلك نوع لايت ، و استخدم فلتر (مبسم)

و ياريت من النوع اللي بيستخدم أكتر من مرّة ، علشان كلما تنظفه .. تكره التدخين أكتر


* * *

و للجميع ، أقول:

فرَّح الله قلوبكم ، بإهداءكم هذا الفرح الصباحي الجميل - في يوم الأجازة

[الألآتى]

بص ياعم سيد ..

لكى تكون الأمور واضحة .. وهؤلاء المطربين العظام يأخذون حقهم .. ;)

لابد أن أشرح ظروف العمل ..

العالم دول كانوا متجمعين عندى فى الصومعة .. وكان الإحتفال بوجود أخانا أبو مندور .. لأنه قادم من الإسكندرية خصيصاً لنقعد هذه القعدة ..

وقاعدين لابينا ولا علينا .. نرغى ونتناقش .. ونغنى على روحنا ..

وفى هذه الأثناء .. جاءنا تليفون من واحد حبيبنا .. عازمنا على السهرة والعشاء ..

وبينما نحن نجهز أنفسنا للإنطلاق للعزومة .. ماتفهمش إيه إللى حصل .. وطلعت فى نافوخهم فجأة .. إنهم يغنوا عمل جماعى .. يعنى نشترك كلنا فى عمل واحد .. طيب ندور على عمل جاهز عندى .. لأن الوقت لا يسعفنى لتحضير وتسجيل موسيقى جديدة .. ندور وندعبس .. وهوب .. القلب معاك ثانية بثانية ..

بس دى أغنية لشادية .. وأغنية فردية كمان .. ده أنا إللى بقول ..

مش مهم .. المهم نغنى مع بعضنا .. ده هما إللى بيقولوا ..

ياجدعان مش حانلحق .. لأ حانلحق .. بس بسرعة ..

وقوام قوام حضرت المسائل .. وكل واحد كتب الكوبليه إللى حايغنيه ..

تخيل حضرتك الوضع كان شكله إيه .. كل واحد يغنى الكوبليه بتاعه .. ويجرى على الباب علشان متأخرين ..

يعنى لا فيه إعادة ولا توجيه .. ولا تصليح .. ولا أى حاجه أبداً .. وطلع العمل بعبله كده زى ماسمعتوه ..

مش كفاية إننا مطربين على ماتُفرج .. لأ .. ونغنى ونجرى .. أل يعنى واثقين من نفسنا قوى .

وطبعاً .. أنا لما رجعت من السهرة .. بدأت فى عمليات المكساج والماسترينج .. وتصليح ماأفسده الدهر ..

لكن إيش تعمل الماشطة .... فى أربعة مطربين منتسبين للطرب غلط ..

[محمودسعد]

وتاني تاني تاني
راجعين للحب تاني
واول مالجهاز يتصلح ادخل الاقي السيمفونيه الكامله دي من المحبه الخالصه
واحلي حاجه لما تيجي بظروفها ياالاتي ياواحشني


محمد الألآتى

السيد المشاعلى

محمد أبو مندور

غازى الضبع

صحبه ورد جميله
ومااحلاكم واجملكم
ياناس ياطيبين ياامرا
واحسنتم جميعا

[محمودسعد]

والله زمان ياصاحبي
انت واحشني بجد
وفي الاول وفي الاخر
انت اللي جمالك عجب وتعجب الباشا ياباشا

[محمودسعد]

مع اني عارف طريقك كويس ؟
بس برضه دايما اسالك فين طريقك فين ؟
ربنا يباركلك وينورلك طريقك دايما ياحاج محمد ياالاتي ياجميل

[MUNIR MUNIRG]

نقول إيه .. أكتر من اللي إتقال وبيتقال.....
قمه في ألأداء يا أستاذ آلاتي.... يافنان

[مازن عابدين]

أستاذنا الكبير الالاتي
أشكرك على هذا العمل الجميل الملىء بالطرب والحرفية. لقد أستمعت كثيرا بلاستماع الى هذه الرائعة من أعمال عبد الوهاب.
أما أذا كنت تسأل عن طريقي أنا فأحب أن أبلغك أني وجدتها عند أشتراكي في هذا المنتدى الرائع. أما أذا كنت بتدور على حد تاني قوللي وانا أوعدك ها أهدورلك عليه حتى لو في الصين أنت غالي علينا يا أستاذ... ومش ممكن ما نساعدك في هذه المحنة.
الله يخاللينا أيك ويحفظك لكي تشنف اذاننا وتطربنا بالتحف دائما يارب.

[غازي الضبع]

وفى هذه الأثناء .. جاءنا تليفون من واحد حبيبنا .. عازمنا على السهرة والعشاء ..


مش عارف ليه الالاتي ما قالهاش
لكن كان اللي عازمنا ده .. واحد حبيبنا كلنا
وهو الباشا رؤوف المسيري .. وكان عازمنا على تيس
وكانت عزومة جامدة قوي ، وبعدها قعدنا على قهوة ،، وشربتوا شيشة .. ماعدا أنا .. شربت دافيدوف :o

[الألآتى]

إخوانى الأعزاء

محلاها عيشة الفلاح

كلمات : بيرم التونسى

ألحان : محمد عبد الوهاب

تنفيذ وزقزقة : العبد لله

[محمودسعد]

محلاها مزيكه الالاتي
محلاك يابو حسام يابتاع المفاجات النادره
صوتك رايق اوي يامعلم في الاغنيه دي بالذات ؟ ومتسلطن قوي
وبجد ماينفعش يغنيها غيرك ؟؟؟؟
انت قولتها حلو اوي والتوزيع رايق وراقي
ربنا يكرمك ويخليك لينا وتمتعنا وتسلطنا وتعلمنا

[حسام ابوسته]

الالاتى + محمود سعد = الفن والطرب والالحان
والتوزيع الجميل

ربنا يخللى محمود سعد ويخللى الالاتى
ظاهر على وشى السعد من ساعة ماظهرتو فى حياتى

مع تحياتى حسام ابوسته

[ahmed noor]

القاعده ويا الخلان .. والقلب مصفصف فرحان

ياهى ياهى ياهى ياااااه

ايه يا عمنا الجمال ده والمتعه دى :emrose::emrose:

بس يا ترى عبد الوهاب كان منبهر لما سمع صوتك .. وهو بيقول صوتهم حلو قوى يا ريتهم كانو قريبين :rolleyes:

أحسنت كالعاده يا استاذى
غناء .. وعزف .. واللذى منه;)

[محمودسعد]

الالاتى + محمود سعد = الفن والطرب والالحان
والتوزيع الجميل

ربنا يخللى محمود سعد ويخللى الالاتى
ظاهر على وشى السعد من ساعة ماظهرتو فى حياتى

مع تحياتى حسام ابوسته



يااخي العزيز
ان كنت تحب محمود سعد فلك ان تعرف بان محمود سعد هذا ماهو الا تلميذ نجيب من تلاميذ الالاتي وعمنا الالاتي صاحب الموضوع وتعب فيه جدا وكنت اود لو انك شاركت لكي تتعامل مع استاذ كبير بحجم الالاتي لان مشاركتك في موضوع الاستاذ شرف لك وارجو ان تشيل من دماغك الجنان بمحمود سعد لما يكون الموضوع بتاع استاذ بحجم الالاتي بالذات واعذرني ياحسام فانا احب واحترم واقدر الاستاذ محمد الالاتي اكتر من نفسي وهو صاحب افضال عليه لاتحصي
وارجوك عدل مشاركتك ووجهها لصاحب الموضوع
الاستاذ محمد الالاتي

[محمودسعد]

إخوانى الأعزاء

محلاها عيشة الفلاح

كلمات : بيرم التونسى

ألحان : محمد عبد الوهاب

تنفيذ وزقزقة : العبد لله

اختياراتك دي بتجنني وبتلحس دماغي والله
مجرد الاختيار فقط ؟؟؟
فما بالك بالتوزيع والغناء
ربنا يقويك يابو حسام وانا لايكفيني مشاركه او اتنين في موضوعك اللذي هو موضوعي ؟؟
لالالا موضوعنا كلنا ؟؟

[الألآتى]

محلاها مزيكه الالاتي

محلاك يابو حسام يابتاع المفاجات النادره
صوتك رايق اوي يامعلم في الاغنيه دي بالذات ؟ ومتسلطن قوي
وبجد ماينفعش يغنيها غيرك ؟؟؟؟
انت قولتها حلو اوي والتوزيع رايق وراقي
ربنا يكرمك ويخليك لينا وتمتعنا وتسلطنا وتعلمنا


إنت عارف يامحمود .. إنى باختار الأغانى وإنت فى مخيلتى ..

عامل حسابك .. وبخاف منك فى نفس الوقت ..

بخاف يكون إختيارى مايعجبكش ..

لكن الحمد لله .. بنطلع كل مرة على موجة واحدة .. وبنفكر نفس التفكير .

أنا سعيد وفرحان إن إختيارى عجبك .. وإن شاء الله الجاى يكون أحسن

[الألآتى]

القاعده ويا الخلان .. والقلب مصفصف فرحان

ياهى ياهى ياهى ياااااه

ايه يا عمنا الجمال ده والمتعه دى :emrose::emrose:

بس يا ترى عبد الوهاب كان منبهر لما سمع صوتك .. وهو بيقول صوتهم حلو قوى يا ريتهم كانو قريبين :rolleyes:

أحسنت كالعاده يا استاذى
غناء .. وعزف .. واللذى منه;)



ميرسيه ياأحمد .. شكراً ياحبيب قلبى ..

إحنا فين يابنى وعبد الوهاب فييين .. ماتوقعناش فى الغلط وحياتك ..

[الألآتى]

الالاتى + محمود سعد = الفن والطرب والالحان
والتوزيع الجميل

ربنا يخللى محمود سعد ويخللى الالاتى
ظاهر على وشى السعد من ساعة ماظهرتو فى حياتى

مع تحياتى حسام ابوسته




أشكرك أخى حسام .. أتمنى أن يكون إختيارى عجبك ..

ويسعدنى بالتأكيد أن يغنى أستاذنا محمود سعد هذه الأغنية ..

[الألآتى]

يااخي العزيز

ان كنت تحب محمود سعد فلك ان تعرف بان محمود سعد هذا ماهو الا تلميذ نجيب من تلاميذ الالاتي وعمنا الالاتي صاحب الموضوع وتعب فيه جدا وكنت اود لو انك شاركت لكي تتعامل مع استاذ كبير بحجم الالاتي لان مشاركتك في موضوع الاستاذ شرف لك وارجو ان تشيل من دماغك الجنان بمحمود سعد لما يكون الموضوع بتاع استاذ بحجم الالاتي بالذات واعذرني ياحسام فانا احب واحترم واقدر الاستاذ محمد الالاتي اكتر من نفسي وهو صاحب افضال عليه لاتحصي
وارجوك عدل مشاركتك ووجهها لصاحب الموضوع
الاستاذ محمد الالاتي



خلاص ياعم محمود .. الراجل مايقصدش أى إساءة

هو بيحبك .. وكلنا بنحبك .. وأنا شخصياً أعتبر رده تكليف غير مباشر لتغنى هذه الأغنية ..

وسنكون جميعاً سعداء لنسمعها بصوتك ..

[الألآتى]

اختياراتك دي بتجنني وبتلحس دماغي والله

مجرد الاختيار فقط ؟؟؟
فما بالك بالتوزيع والغناء
ربنا يقويك يابو حسام وانا لايكفيني مشاركه او اتنين في موضوعك اللذي هو موضوعي ؟؟
لالالا موضوعنا كلنا ؟؟


ربنا مايحرمنى منك ولا من ردودك المشجعة ياعم محمود ..

خد لك جنب بقى .. وسيب الناس ترد ..

دول واقفين طوابير طوابير على باب الموضوع مستنيين دورهم علشان يردوا ويشجعوا ;)

وسع شوية علشان الزحمة .. :mdr:

[عفاف سليمان]

صباح الخير على الابداع والفن الجميل
استاذنا الالاتى:emrose:
اسعد الله صباحك بالخير
جميله هذه الاغنيه وحلوتها انها تغنى فى الصباح:)
وحلوه لاى وقت
اختيار جميل وتوزيع اجملhttp://www.sama3y.net/forum/attachment.php?attachmentid=170893&stc=1&d=1257405725
وصوت هادىء ممتاز
تحياتى لك وللجميع باسعد واطيب وارق الاوقات
ودائما من ابداع الى ابداع
سلمت اختياراتكم
دمتم لسماعى:o
ودام سماعى للجميع
اختكم عفاف

[مروان شلبي]

إخوانى الأعزاء

محلاها عيشة الفلاح

كلمات : بيرم التونسى

ألحان : محمد عبد الوهاب

تنفيذ وزقزقة : العبد لله


اخي الالاتي
اين انت !!!!!
والحمد لله على سلامتك ...
وهذه الصفحة دونك ليس له طعم ولا لون ...
والحقيقة بانني بدأت اشعر ببعض البرود في العمل ..
والان وبعد سماعي لأغنيتك الجميله هذه .. بدأت اشحن بالطاقة ثانية ..
فالعمل دون منافسه ليس له طعم
واسلم لأخيم
مروان

[م عصامي]

خلاص وصل عليا الدور... طيب.. أخي محمد الآلاتي تحياتي الحارة لقد اخترت أغنية أحبها كثيرا وانا شاكر لك أختيارك الجميل،، رغم ماتتطلبه هذه الأغنية من تركيز وطول النفس .. لكنك كنت موفق في أدائها .كان الله في عونك وتقبل احترامي وتقديري.. أخوك: المولدي.

[الألآتى]

صباح الخير على الابداع والفن الجميل

استاذنا الالاتى:emrose:
اسعد الله صباحك بالخير
جميله هذه الاغنيه وحلوتها انها تغنى فى الصباح:)
وحلوه لاى وقت
اختيار جميل وتوزيع اجمل
وصوت هادىء ممتاز
تحياتى لك وللجميع باسعد واطيب وارق الاوقات
ودائما من ابداع الى ابداع
سلمت اختياراتكم
دمتم لسماعى:o
ودام سماعى للجميع

اختكم عفاف


أنا قلت فى نفسى .. مدام عفاف رايحه جايه ترد على الناس وتشجعهم ..

بصراحة حصل لى غيرة وحقد ونفسنة وزمحشرات .. إشمعنى هما يعنى ..

هو أنا وقعت من قعر القفة ولا إيه ..

لما أعمل أنا راخر أى حاجه والسلام .. علشان ينوبنى من الحب جانب .. قصدى من التشجيع جانب ..

لكن يظهر من ردودكم إنى ماعملتش أى حاجه والسلام .. دى طلعت حاجه كويسة .. يعنى

ميرسيه يامدام عفاف .. ربنا يخليكى للغلابة أمثالى ..

[الألآتى]

اخي الالاتي
اين انت !!!!!
والحمد لله على سلامتك ...
وهذه الصفحة دونك ليس له طعم ولا لون ...
والحقيقة بانني بدأت اشعر ببعض البرود في العمل ..
والان وبعد سماعي لأغنيتك الجميله هذه .. بدأت اشحن بالطاقة ثانية ..
فالعمل دون منافسه ليس له طعم
واسلم لأخيم
مروان




ولا تزعل نفسك ياأبو بشار .. أنا رجعت ياخويا أسخن الصفحة من تانى .. :mdr:

ياللا إشتغل بقى .. ورينا همتك ..

تصور إن ده إحساسى أيضاً .. قلة نشاطك أصابتنى أنا أيضاً بالكسل ..

لكن البركة فى حبايبنا رواد قسم المبدعون .. دون ذكر أسماء .. حتى لا أنسى إسم .. وضميرى يوجعنى .

[الألآتى]

خلاص وصل عليا الدور... طيب.. أخي محمد الآلاتي تحياتي الحارة لقد اخترت أغنية أحبها كثيرا وانا شاكر لك أختيارك الجميل،، رغم ماتتطلبه هذه الأغنية من تركيز وطول النفس .. لكنك كنت موفق في أدائها .كان الله في عونك وتقبل احترامي وتقديري.. أخوك: المولدي.

أنا سعيد لأن الأغنية أعجبتك أخى المولدي ..

والأغنية بالفعل صعبة فى الأداء .. ولقد سمعتها من أكثر من مطرب حتى أحفظ طريقة الغناء جيداً ..

سمعتها من عبد الوهاب .. ومن أسمهان .. ومن نجاة الصغيرة ..

والحمد لله .. ربنا ستر .. ومافيش نشاز أو خروج عن اللحن .. ولا إيه .. ;)

[Hisham Khala]

ايه دا كله
مزيكه حلوة .... و صوت بلبل صداح!
التنفيذ جميل و الناي حسيت انه ناي بجد ، الشغل حلو

[عفاف سليمان]

أنا قلت فى نفسى .. مدام عفاف رايحه جايه ترد على الناس وتشجعهم ..


بصراحة حصل لى غيرة وحقد ونفسنة وزمحشرات .. إشمعنى هما يعنى ..

هو أنا وقعت من قعر القفة ولا إيه ..

لما أعمل أنا راخر أى حاجه والسلام .. علشان ينوبنى من الحب جانب .. قصدى من التشجيع جانب ..

لكن يظهر من ردودكم إنى ماعملتش أى حاجه والسلام .. دى طلعت حاجه كويسة .. يعنى


ميرسيه يامدام عفاف .. ربنا يخليكى للغلابة أمثالى ..

http://www.sama3y.net/forum/attachment.php?attachmentid=170927&stc=1&d=1257433578

العفو دا اقل ما يجب استاذنا الالاتى:)
والله انت ابدعت ونورت من جديد بعد غيبه
واخيتارك كان جميل:o
خصوصا لما الواحد يسمعها ع الصبحيه
بتعمل اشراقه جميله للحياه
لك خالص تحياتى
ويارب دائما مبدعين ومنورين
وباختياراتكم مبسوطين
اختكم عفاف http://www.sama3y.net/forum/attachment.php?attachmentid=170926&stc=1&d=1257433589

[مروان شلبي]

إخوانى الأعزاء





محلاها عيشة الفلاح

كلمات : بيرم التونسى

ألحان : محمد عبد الوهاب


تنفيذ وزقزقة : العبد لله




اخي الآلاتي
احتفالا بعودتك للعمل احببت ان اشاركك العزف في اغنيتك الجميلة باضافة بعض الوتريات . وكنت ارغب ان اضيف صوت الكورس ايضا ولكن الركن الاساسي من الكورس في رحلة خارج البلد .
ارجو ان تعجبك الاضافة وارجو الا اكون قد اسات للعمل من حيث لاادري . لأنه كان مرتجلا .. كما اني اعتذر لاني لم اساتذنك برفع هذا الملف , لأنني احببت ان تكون مفاجأه .
ولك مني الف تحية
مروان

[حسام ابوسته]

أشكرك أخى حسام .. أتمنى أن يكون إختيارى عجبك ..



ويسعدنى بالتأكيد أن يغنى أستاذنا محمود سعد هذه الأغنية ..


عمى العزيز أنا لو ماعجبنيش أختيارك هايعجبنى ايه فى الدنيا
ربنا يخليك لينا يابوحسام والله انا بحبك جدآ جدآ ونفسى اشوفك
وأتكلم معاك

0181917403

[الألآتى]

ايه دا كله
مزيكه حلوة .... و صوت بلبل صداح!
التنفيذ جميل و الناي حسيت انه ناي بجد ، الشغل حلو



شهادة دكتوراه حصلت عليها من أستاذ كبير .. وفنان قدير أعتز بصداقته .

ربنا يجبر بخاطرك يادكتور هشام .

بس بلاش حكاية البلبل الصداح دى يادكتور .. أحسن تكبر فى دماغى ;)

[الألآتى]

اخي الآلاتي
احتفالا بعودتك للعمل احببت ان اشاركك العزف في اغنيتك الجميلة باضافة بعض الوتريات . وكنت ارغب ان اضيف صوت الكورس ايضا ولكن الركن الاساسي من الكورس في رحلة خارج البلد .
ارجو ان تعجبك الاضافة وارجو الا اكون قد اسات للعمل من حيث لاادري . لأنه كان مرتجلا .. كما اني اعتذر لاني لم اساتذنك برفع هذا الملف , لأنني احببت ان تكون مفاجأه .
ولك مني الف تحية
مروان

أجمل هدية حصلت عليها على الصبح ..

أهو كده ياأستاذ مروان .. أنا سعيد لأنى إستفزيتك للعمل مرة أخرى ..

عزفك أعطى العمل حياة ومصداقية .. وخلانى أطمئن إنى عزفتها صح ..

تسلم إيديك وقوسك وأوتارك .

شكراً شكراً شكراً .. وألف شكراً .

[الألآتى]

عمى العزيز أنا لو ماعجبنيش أختيارك هايعجبنى ايه فى الدنيا
ربنا يخليك لينا يابوحسام والله انا بحبك جدآ جدآ ونفسى اشوفك
وأتكلم معاك



الشرف ليا أخى حسام .. وإن شاء الله أتصل بيك ..

[الألآتى]

إخوانى الأعزاء

حقك عليا وسامح

كلمات : محمد البحطيطى

ألحان : عز الدين حسنى

غناء : نجاة الصغيرة

قمت بإعادة تنفيذها مع بعض الإضافات البسيطة

[محمودسعد]

ايوه ؟
هو زي ماقال مروان شلبي
حمدلله علي سلامتك يامبدع المبدعون ومااحلي نشاطك ومااجمل ان الواحد يفتح عالصبح يلاقي اصطباحه من حلوياتك النادره المميزه والملهمه واعلم جيدا ان نشاط الالاتي فيه متعه ونشاط في القسم كله
وشوف بقي نشاطك هايعمل ايه
وان غدا لناظره قريب
الفرح ولع يابو حسام
الا حقه نسيت اقوللك ؟؟؟؟
حقك عليه وسامح..... وارحمني بالنغم ؟؟؟؟؟؟
يانغم يانغم يانغم

[عفاف سليمان]

الله الله اللهhttp://www.sama3y.net/forum/attachment.php?attachmentid=170990&stc=1&d=1257502898
استاذنا
محمد الالاتى:emrose:
الاغنيه دى روووووووووعه
ايه جمال الكلمات دى والله انا اول مره اسمعها بالهدوء ده
والحنان ده
بصراحه حضرتك اديتها بصوتك الدافىء الجميل
والاغنيه جميله جدا ورائعه
اختيار ممتاز والله
وتوزيع احلى واروع
دائما لك اختيارات مبدعه:o
وكلمات مبهره
واداء صوتى دافىء
اسعدك الله كما اسعدتنا بهذه الاغنيه
والله كنت احيانا قليله اسمعها من نجاه ولكن مش بروعة الهدوء ده
http://www.sama3y.net/forum/attachment.php?attachmentid=170989&stc=1&d=1257502898
تحياتى لك وللجميع باسعد واطيب وارق الاوقات
اختكم عفاف

[حسام ابوسته]

الشرف ليا أخى حسام .. وإن شاء الله أتصل بيك ..


أشكرك جدآ يا أستاذى

وأرجو ان تسمع المقطع دة بصوتى

وتقولى أيه رأيك

مقطع للشيخ ياسين التهامى

تحياتى ليك عمى العزيز

[كمال عواد]

إخوانى الأعزاء


حقك عليا وسامح

كلمات : ؟؟

ألحان : عز الدين حسنى

غناء : نجاة الصغيرة


قمت بإعادة تنفيذها مع بعض الإضافات البسيطة


الله الله على الروقان...ايه يااستاذنا الصبا ده..والشجن ده.والنعوميه دى....يسلام عليك لما المزاج يكون رايق
وبجد وحشتنا..ووحشنا ادائك اللذيذ والبديع..
وما تغيبش عننا

[محمودسعد]

الله الله على الروقان...ايه يااستاذنا الصبا ده..والشجن ده.والنعوميه دى....يسلام عليك لما المزاج يكون رايق
وبجد وحشتنا..ووحشنا ادائك اللذيذ والبديع..
وما تغيبش عننا

اهو ياعم الاتي
مش انا لوحدي اللي بيقول ايه الروقان والنعومه في الصوت ؟؟؟؟ والشجن
هوانت رايق علطول قبل كده
بس حكايه روقان الصوت دي والنعومه بقت تخوفني منك ؟؟؟
الاول كنت بتعترض علي اللي يقوللك المغني حلوه ؟؟وانت غنيت حلو ؟؟ تقوم انت تقول نهيق ومش عارف ايه ؟؟
دلوقتي بقي هاتقول ايه في حكايه الصوت الناعم ده ؟؟
طبعا مش ناعم من التاني ؟؟ القصد انه مش صوت خشن واجش ؟
لا دا صوت مطرب متمكن وعارف مكان الاخراج كويس وطالع بيفسرالكلام اللي بيغنيه من جواه ؟؟مش من الحنجره
مش قلتلك ؟؟
انت يتخاف منك ؟
ولاايه يابوكمال انت كمان ياللي كنت فاكرانك ملحن بس؟ ولما غنيت وجعت قلبنا بخلاوه صوتك
ولاانتوا شايفين ايه انتو الاتنين ؟؟؟

[الألآتى]

ايوه ؟

هو زي ماقال مروان شلبي
حمدلله علي سلامتك يامبدع المبدعون ومااحلي نشاطك ومااجمل ان الواحد يفتح عالصبح يلاقي اصطباحه من حلوياتك النادره المميزه والملهمه واعلم جيدا ان نشاط الالاتي فيه متعه ونشاط في القسم كله
وشوف بقي نشاطك هايعمل ايه
وان غدا لناظره قريب
الفرح ولع يابو حسام
الا حقه نسيت اقوللك ؟؟؟؟
حقك عليه وسامح..... وارحمني بالنغم ؟؟؟؟؟؟
يانغم يانغم يانغم


والله ياعم محمود .. النشاط ده إنتوا السبب فيه ..

يعنى لما ألاقيك نشيط ومنشط القسم بأعمالك وألبوماتك

باتكسف على دمى .. وأرفع حاجه أنا كمان .. علشان ماسيبكش لوحدك ..

مانحرمش من كلامك الحلو .. إللى بيشجعنى أكتر وأكتر .. ياحلو

[الألآتى]

الله الله اللهhttp://www.sama3y.net/forum/attachment.php?attachmentid=170990&stc=1&d=1257502898

استاذنا
محمد الالاتى:emrose:
الاغنيه دى روووووووووعه
ايه جمال الكلمات دى والله انا اول مره اسمعها بالهدوء ده
والحنان ده
بصراحه حضرتك اديتها بصوتك الدافىء الجميل
والاغنيه جميله جدا ورائعه
اختيار ممتاز والله
وتوزيع احلى واروع
دائما لك اختيارات مبدعه:o
وكلمات مبهره
واداء صوتى دافىء
اسعدك الله كما اسعدتنا بهذه الاغنيه
والله كنت احيانا قليله اسمعها من نجاه ولكن مش بروعة الهدوء ده
http://www.sama3y.net/forum/attachment.php?attachmentid=170989&stc=1&d=1257502898
تحياتى لك وللجميع باسعد واطيب وارق الاوقات

اختكم عفاف


والله يامدام عفاف .. أحلى حاجة فى الموضوع .. التنظيم والتنسيق بتاعك ده ..

وصور ولوحات .. وحبشتكات .. يعنى من الأخر ..

الواحد بيصدق إنه عمل حاجه كويسه تستاهل تعبك وتنسيقك ده ..

ربنا يخليكى للمبدعون ..

[الألآتى]

الله الله على الروقان...ايه يااستاذنا الصبا ده..والشجن ده.والنعوميه دى....يسلام عليك لما المزاج يكون رايق
وبجد وحشتنا..ووحشنا ادائك اللذيذ والبديع..
وما تغيبش عننا


ياخويا أنا ماباغيبش .. إنت إللى بتغيب .. وحارمنا من أنسك .. قصدى من أعمالك ياكمولة ..

ربنا يديم علينا جميعاً المزاج الرايق ..

[الألآتى]

اهو ياعم الاتي

مش انا لوحدي اللي بيقول ايه الروقان والنعومه في الصوت ؟؟؟؟ والشجن
هوانت رايق علطول قبل كده
بس حكايه روقان الصوت دي والنعومه بقت تخوفني منك ؟؟؟
الاول كنت بتعترض علي اللي يقوللك المغني حلوه ؟؟وانت غنيت حلو ؟؟ تقوم انت تقول نهيق ومش عارف ايه ؟؟
دلوقتي بقي هاتقول ايه في حكايه الصوت الناعم ده ؟؟
طبعا مش ناعم من التاني ؟؟ القصد انه مش صوت خشن واجش ؟
لا دا صوت مطرب متمكن وعارف مكان الاخراج كويس وطالع بيفسرالكلام اللي بيغنيه من جواه ؟؟مش من الحنجره
مش قلتلك ؟؟
انت يتخاف منك ؟
ولاايه يابوكمال انت كمان ياللي كنت فاكرانك ملحن بس؟ ولما غنيت وجعت قلبنا بخلاوه صوتك
ولاانتوا شايفين ايه انتو الاتنين ؟؟؟


ياعم روووح .. مطرب إيه وهباب إيه

إنت حاتخلينى أصدق نفسى يامحمود ..

بالشكل ده .. حاتصحى يوم وتلاقينى .. منزل شريط فى السوق ..

مع البلبل الصداح محمد الألآتى .. قطيعة ..

أنا معاك فى صوت الأستاذ كمال عواد .. أيوه .. هو ده إللى مطرب بجد ..

ويستحق نقف جنبه لحد مايوصل .. لفين ؟ .. مش عارف :mdr:

[هامو]

حقك عليا وسامح



الألآتى الألآتى الألآتى الألآتى
حقك عليا وسامحني
علشان ما شفتهاش من بدري
بصراحة حلوة جدا واللي محليها هدوئك بتقديمها وصوتك فيه شجن
بالفعل تستحق المايسترو بإمتياز يا استاذ ابو حسام
مايسترو فنان ملحن
مطرب مكتشف
مشاء الله عليك
سأظل القبك عبقري سماعي
الألآتى الألآتى

[الألآتى]

الألآتى الألآتى الألآتى الألآتى


حقك عليا وسامحني

علشان ما شفتهاش من بدري
بصراحة حلوة جدا واللي محليها هدوئك بتقديمها وصوتك فيه شجن
بالفعل تستحق المايسترو بإمتياز يا استاذ ابو حسام

مايسترو
فنان ملحن

مطرب مكتشف
مشاء الله عليك
سأظل القبك عبقري سماعي

الألآتى الألآتى


مدام هامو .. العزيزة على قلوبنا جميعاً

لا تكفى كلمات الشكر للتعبير عن إمتنانى وتقديرى لكلماتك الرقيقة

والتى تشعرنى دائماً بأهمية وجودى فى منتدانا العزيز سماعى .

شكراً شكراً شكراً شكراً

[خليل ابراهيم]

[QUOTE=الألآتى;370391]إخوانى الأعزاء


حقك عليا وسامح

كلمات : ؟؟

ألحان : عز الدين حسنى

غناء : نجاة الصغيرة


قمت بإعادة تنفيذها مع بعض الإضافات البسيطة


الاستاذ الالاتي 0000000000000000000

لو سمحت لي الاغنية جميلة وانا لم اسمعها من قبل وادائك جميل وانت لست بحاجة لشهادة احد انت استاذ وموسيقي وبتعرف بتعمل ايه 0 ولي راي لوسمحت لي استخدام الصنجات المرافقة للاقاع كان غير مناسب وخاصة ان اللحن فيه من الشجن الكثير0
والانتقال من بعد جملة (من خوف على حبنا) لا اعرف التغير بسرعة الايقاع اوالموسيقة الخلفية كانت غير مريح

وارجو ان لا اكون قد تماديت بالملاحظات فانت بالعادة من يعطي الملاحظات ويقيم الاعمال ولكن احببت ان تكون لي مداخلة في هذا العمل0

[الألآتى]

الاستاذ الالاتي 0000000000000000000

لو سمحت لي الاغنية جميلة وانا لم اسمعها من قبل وادائك جميل وانت لست بحاجة لشهادة احد انت استاذ وموسيقي وبتعرف بتعمل ايه 0 ولي راي لوسمحت لي استخدام الصنجات المرافقة للاقاع كان غير مناسب وخاصة ان اللحن فيه من الشجن الكثير0
والانتقال من بعد جملة (من خوف على حبنا) لا اعرف التغير بسرعة الايقاع اوالموسيقة الخلفية كانت غير مريح

وارجو ان لا اكون قد تماديت بالملاحظات فانت بالعادة من يعطي الملاحظات ويقيم الاعمال ولكن احببت ان تكون لي مداخلة في هذا العمل0

أشكرك أستاذ خليل على ملاحظاتك المفيدة بالتأكيد ..

وسوف أعيد النظر فى إستخدام الصاجات .. فى مثل هذه الأعمال ..

أما بالنسبة للتغيير الذى شعرت به .. بعد جملة ( من خوف على حبنا ) فهذا يعود لأن الشكل الإيقاعى تغير ..

وعموماً .. أنا أهتم جداً بالملاحظات والنقد البناء .. لأنه يجعلنا نتقدم ونعرف مواطن الخطأ فى أعمالنا

شكراً أخى العزيز .

[ملحن مصري]

مع إن الموضوع للحاج محمد الألآتي لكن أنا كلامي موجه للأستاذ محمود سعد من تعليقك كده إنت جبت زتونة الموضوع
ياريت ياريت ياعم محمود تفضل منور المنتدي بمواضعيك اللي هاتخلي الحاج يتحفنا ونستفيد من الخبره اللي بيكسل يغني عشان نتعلم منه الكثير والكثير لحد مانوصل للمستوي للي يبني أصوات والحان جميله في مصر
وزي ماكان عبدالوهاب بيخلينا نسمع اللحن مرتين
الأولي عشان نسمع لحنه والتانيه عشان نسمع صولو "أنور منسي " يبقي نسمع عم محمود سعد مره و الحاج محمد مره تانيه في أعمال جديده
وبجد إختيارات عمنا الألاتي أجمل مافيها إختيار أعمال مش متداوله
يارب أكون قدرت أوصل وجهة نظري

[كمال عواد]

اهو ياعم الاتي

مش انا لوحدي اللي بيقول ايه الروقان والنعومه في الصوت ؟؟؟؟ والشجن
هوانت رايق علطول قبل كده
بس حكايه روقان الصوت دي والنعومه بقت تخوفني منك ؟؟؟
الاول كنت بتعترض علي اللي يقوللك المغني حلوه ؟؟وانت غنيت حلو ؟؟ تقوم انت تقول نهيق ومش عارف ايه ؟؟
دلوقتي بقي هاتقول ايه في حكايه الصوت الناعم ده ؟؟
طبعا مش ناعم من التاني ؟؟ القصد انه مش صوت خشن واجش ؟
لا دا صوت مطرب متمكن وعارف مكان الاخراج كويس وطالع بيفسرالكلام اللي بيغنيه من جواه ؟؟مش من الحنجره
مش قلتلك ؟؟
انت يتخاف منك ؟
ولاايه يابوكمال انت كمان ياللي كنت فاكرانك ملحن بس؟ ولما غنيت وجعت قلبنا بخلاوه صوتك
ولاانتوا شايفين ايه انتو الاتنين ؟؟؟


والله انت انسان شربات ياستاذ محمود....والف سلامه على قلبك
الجميل...وبتخجلنى بالكلام الرائع ده...انا لو فعلا صوتى عجبكم

والله ابدا مش علشان انا يعنى ممكن اغنى كويس..علشان سمعكم
الجميل المحترم...وعلشان بسمع بتغنوا ازاى..انت والاستاذ الالاتى والاستاذ عفيفى..واستاذنا مروان..اللى شايف انى ممكن
اغنى كويس...انما والله والله انا ابسط مما يتصور مخلوق....
ولى فلسفه فى حياتى كلها...لا اعلق اى شىء فى ذهنى..
حتى هواية الفن...تصور انى عمرى على مدى حياتى..لم يكن
عندى شريط واحد..لاى احد من الفنانين الى الان...وكل خبرتى
الفنيه كانت من خلال الاذاعه فقط....عبد الوهاب.حليم.ام كلثوم.
فايزه. نجاة.شاديه.كارم محمود...الخ.........................
يعنى انا حظى حلو انى موجود معاكم..وخلاص(هههههه)

وهسيبك واروح لاستاذنا

[كمال عواد]

ياعم روووح .. مطرب إيه وهباب إيه


إنت حاتخلينى أصدق نفسى يامحمود ..

بالشكل ده .. حاتصحى يوم وتلاقينى .. منزل شريط فى السوق ..

مع البلبل الصداح محمد الألآتى .. قطيعة ..

أنا معاك فى صوت الأستاذ كمال عواد .. أيوه .. هو ده إللى مطرب بجد ..

ويستحق نقف جنبه لحد مايوصل .. لفين ؟ .. مش عارف :mdr:


(هههههههههههههههههههههههههههههههههههههههههههه)
(هههههههههههههههههههههههههههههههههههههههههههه)
(هههههههههههههههههههههههههههههههههههههههههههه)

تسدا بالله...انا صوتى جاب الشارع من كتر الضحك....اه
فعلا هوصل اروح فين.
بس انت عارف..كل انسان له طموح معين..عمر ماكان طموحى
قبل هذا الوقت ان اكون فنانا....مابالك انت بالوقت اللى احنا فيه..

لان حتى حلم الشهره..لم يعد حلما الان...بسبب الانتشار الفظيع
للفضائيات...فاصبحت شىء عادى...لان لكل مواطن قناة الان...يعنى اصبحت مشاع

انما انا يكفينى هذه القناة التى تجمع اناس افاضل..يجمعهم الود
والحب..والفن المحترم...الذى تجسده موهبه حقيقيه..وفطريه
ليست مكتسبه.......(هى قناة سماعينا.للطرب الاصيل)

فانت استاذ محمد...عندما قابلتك...وجدتك معجون بالموهبه الحقيقيه..فلكل حرف عندك حساب...وودنك حلوه اوى اوى
وانا ايه انا علشان اقول رايى...بس ده احساسى السمعى
لان الموهبه دى مش عند اى حد من مخاليق ربنا.........
يمكن احساسى الفطرى بالموسيقا..وكهاوى...يختلف قليلا مع
حرفيتك..المتبوعه ايضا..بالموهبه العاليه....
ولكن فى النهايه...هناك فن محترم...ويسعدنى انا شخصيا
بصرف النظر عن كل العالم

وبعدين انا وصولى اليكم منتهى امالى....يعنى ساعدونى اوصل
ليكم..(ههههههههههههههههههه)...نهاية كلامى ضحكه من ضحكاتك الجميله

[عفاف سليمان]

والله يامدام عفاف .. أحلى حاجة فى الموضوع .. التنظيم والتنسيق بتاعك ده ..


وصور ولوحات .. وحبشتكات .. يعنى من الأخر ..

الواحد بيصدق إنه عمل حاجه كويسه تستاهل تعبك وتنسيقك ده ..


ربنا يخليكى للمبدعون ..

اكيد طبعا ان حضرتك عملت حاجه كويسه
وده اقل ما يجب انى اعمل شوية اللوحات دى والصورhttp://www.sama3y.net/forum/attachment.php?attachmentid=171353&stc=1&d=1257754436
((((بس مش حبشتكنات))));)
كفايه انكم بتفكروا تختاروا اى أغنيه
وتقوموا بغنائها
وتوزيعها
ورفعها للمنتدى
وسهر عليها
ياترى هتبقى حلوه ولا لا:cool:
طيب نعيد الكوبليه ده
طيب نغنى بالطبقه دى ولا دى
طيب اعلى صوتى ولا اخفضه
كل ده
لازم يبقى فيه على الاقل
رد جميل
مثل جمال تعبكم
ولا ايه
ربنا يسعدكم كما اسعدتمونا
ودائما موفقين
ومن الناجحين
دمتم لسماعىhttp://www.sama3y.net/forum/attachment.php?attachmentid=171354&stc=1&d=1257754436
ودام سماعى للجميع
اختكم عفاف

[محمودسعد]

بجد ومن قلبي
ربنا يخليك لينا كلنا
يامحمد يابن حسن الالاتي

[ahmed noor]

والله انا فى قمة الاحراج والخجل من روحى

بس حضرتك عارف انا مبدخلش المنتدى الفتره الاخيره ليه؟

احب اهنى حضرتك يا استاذى على هذا العمل القيم بمعنى الكلمه

وياااااااااااارب يخليك لينا دايما وميحرمناش من ابداعاتك

وبعدين يا مايسترو انا عاوز حضرتك تنقيلى حاجه اعملها وارجع بيها للمبدعين

بس والنبى حاجه تكون بياتى من الفا ;) عاوزين نسلطن

اظن المعلومات دى بفضل الله ثم استاذى اللى مظبطتى :mdr:

ربنا يبارك فى حضرتك وميحرمناش من طلتك

ابنك اللى بيحبك اوى

[star man]

استاااااااااااااااااااااااااذ:cool:!!!!

------------

اولا عتذر لتاخري لسماع الجمال ده - فصاعقة من الصواعق اللي نزلت ضرب فبيروت من اسبوعين كانت كفيلة بالحاق اضرار بالغة في الشبكة مما ادى الى حرماني الاستماع والمشاركة

واقول تاني استاااااذ يا استاذ الاتي وربي ما يحرمناش من التجديدات الحلوة اللي بتسعدنا فيها دايما

[الألآتى]

إخوانى الأعزاء

نزولاً على مبادرة أخى وصديقى محمود سعد

بالعودة إلى العمل وإثراء القسم من جديد ..

وحيث أن الحزن فى القلب .. ولن ننسى الراحل الغالى

فإننى أبدأ بنفسى .. وأقدم لكم اليوم قصيدة

متى ستعرف كم أهواك

كلمات : نزار قبانى

ألحان محمد عبد الوهاب

غناء : نجاة الصغيرة

وحيث أن القصيدة طويلة نوعاً ما .. فقد قسمتها إلى أجزاء

تسمعون اليوم الجزء الأول .. وهو عبارة عن المقدمة الموسيقية والمذهب الغنائى

وأعمل الأن فى الأجزاء التالية ..

العمل طبعاً من عزف وتنفيذ ومكساج وتروكاج ومكوجى رجل : العبد لله

أرجو أن نعود لأعمالنا من جديد .. لأن الحياة ستمضى بنا سواء أردنا أم لم نرد ..

[Hisham Khala]

أنا قاعد بأصفق تصفيق حاد
برافو برافو .......
الشغل جميل و الاختيار موفق
و انت ابدعت و امتعنا

[محمودسعد]

اييييييييييييييييييييه
الدنيا وحالها ياحاج ربنا يوعدك بحج بيت الله
حمد لله علي سلامتك ياحبيبي ياكبير
وانا ايضا اقف بجوار اخي د هشام واصفق بشده فانت ابو الصعب كله
وانا اعرف انك تهواني وانت تعرف كم اهواك
تقدم يامتقدم الصفوف ياقائد

[محمودسعد]

إخوانى الأعزاء

نزولاً على مبادرة أخى وصديقى محمود سعد

بالعودة إلى العمل وإثراء القسم من جديد ..

وحيث أن الحزن فى القلب .. ولن ننسى الراحل الغالى

فإننى أبدأ بنفسى .. وأقدم لكم اليوم قصيدة

متى ستعرف كم أهواك

كلمات : نزار قبانى

ألحان محمد عبد الوهاب

غناء : نجاة الصغيرة

وحيث أن القصيدة طويلة نوعاً ما .. فقد قسمتها إلى أجزاء

تسمعون اليوم الجزء الأول .. وهو عبارة عن المقدمة الموسيقية والمذهب الغنائى

وأعمل الأن فى الأجزاء التالية ..

العمل طبعاً من عزف وتنفيذ ومكساج وتروكاج ومكوجى رجل : العبد لله

أرجو أن نعود لأعمالنا من جديد .. لأن الحياة ستمضى بنا سواء أردنا أم لم نرد ..



والنبي انا مستني باقي القصيده لان دماغي ضربت في الحيط لما خلصت بسرعه
لا وايه ؟
صوتك رايق اوي

[كمال عواد]

اللهم صلى على النبى...حاجه تحفه يافنان...وشغل عالى المستوى جدا...وشوية مزيكا جنان..وتنفيذ شيك جدا..والايقاعات
مدرسه..وحيه جدا جدا....الله يبارك لك...ماسمعتش مزيكا
من فتره..وفطرت دلوقتى على هذه المقطوعه ..الاكثر من رائعه

تنفيذا وغناء............................................. ......

[رائد عبد السلام]

تسلم إيدك ياأستاذ ياكبير
أ/ الآلاتي
قصيدة نجاة (إلي رجل)
كانت هي (العزول) بين كل اثنين محبين
زمااااااان ......أيام الرومانسية

ربنا يبارك لك في موهبتك ياأستاذنا

كل حاجة في الشغل رائعة

تنفيذ __ عزف __ غناء
:emrose:

[أمال سالم]

متى ستعرف كم أهواك يا رجل



أبيع من أجله الدنيـــا ومافيها
لو تطلب البحر في عينيك أسكبه أو تطلب الشمس في كفيك أرميها



رائعه من روائع الفنانه الكبيره نجاة الصغيره
كل الشكر والتقدير لهذه الرائعه ولهذا العزف الجميل والأداء
الرائع

في انتظار بقية الاغنيه لاتطول علينا أخي الكريم محمد
والله يرحم دكتور محمود ويدخله فسيح جناته
وكلنا لها ياجماعه بعد عمر طويل لكم

[ahmed noor]

كم أنت مبدع وممتع وشيق يا مايسترو

وشئ كالعاده يأخذ الاذهان الى زمن جميل بكل ما به

..................

ربنا يديم عليك الصحه والعافيه وتمتعنا بكل ما هو شيق يا دكتور الاتى

بس برضه انا منتظر من سيادتك حاجه حلوه اعملها

ولا ايه الحكايه ;)

[مروان شلبي]

إخوانى الأعزاء

نزولاً على مبادرة أخى وصديقى محمود سعد

بالعودة إلى العمل وإثراء القسم من جديد ..

وحيث أن الحزن فى القلب .. ولن ننسى الراحل الغالى

فإننى أبدأ بنفسى .. وأقدم لكم اليوم قصيدة

متى ستعرف كم أهواك

كلمات : نزار قبانى

ألحان محمد عبد الوهاب

غناء : نجاة الصغيرة

وحيث أن القصيدة طويلة نوعاً ما .. فقد قسمتها إلى أجزاء

تسمعون اليوم الجزء الأول .. وهو عبارة عن المقدمة الموسيقية والمذهب الغنائى

وأعمل الأن فى الأجزاء التالية ..

العمل طبعاً من عزف وتنفيذ ومكساج وتروكاج ومكوجى رجل : العبد لله

أرجو أن نعود لأعمالنا من جديد .. لأن الحياة ستمضى بنا سواء أردنا أم لم نرد ..



الأخ العزيز الالاتي

كعادتك دائما تبحث عن الجمال حتى لو كان في الوصول اليه

صعوبات كبيره , وتنفيذك لهذا اللحن بهذه الطريقة الجميلة يؤيد

كلامي .

نحن ننتظر الجزء الثاني بفارغ الصبر

ولك جزيل الشكر .

[اسلام عاكف]

ااحلى حاجة في حضرتك يا استاذ انك بتدور على الصعب فين وتعمله وبتبذل جهد كبير طبعا ومبتبخلش عليه .ربنا يخليك لينا يا استاذ وتمتعنا دايما ... بس هو حضرتك زعلان مني؟؟؟؟؟

[خليل ابراهيم]

العمل طبعاً من عزف وتنفيذ ومكساج وتروكاج ومكوجى رجل : العبد لله


الاستاذ الالالتي0000000000000000
انطلق من هذه الجملة لاقول لك انا احسدك لخبرتك الجميلة بهندسة الصوت والتوزيع الاجمل0
استاذنا العمل كله جميل وتوزيع رايق وادائك اداء موسيقي متمكن
والايقاع مميز وكانه ليف ولي نفس الملاحظة لو سمحت لي وهي
لو انك تجرب الغاء الصاجات ابتوع الرق المرافق للغناء كما هي في بداية الغناء وتبقي عليها مع الموسيقا تكون اجمل ولك الراي الاخير والاخبر
كما ارجو من حضرتك ابدا رايك في اللحن الموجود في قسم اعمال من الاعضاء تحت اسم (مسكين يا ورد)

[MOHAMED ALY]

ايه ده يا عم محمد .. تقل .. ولا بخل .. ولا دلال ... إن من فتح الأبواب يغلقها .. و إن من أشعل النيران يطفيها .... الله يخليك .. ارجع اليا .. و أكمل هذه الرائعة .

[الألآتى]

أنا قاعد بأصفق تصفيق حاد
برافو برافو .......
الشغل جميل و الاختيار موفق
و انت ابدعت و امتعنا


يارب مايحرمنى منك ولا من تصفيقك ياحبيبى ..

أشكرك يادكتور هشام ..

[الألآتى]

اييييييييييييييييييييه

الدنيا وحالها ياحاج ربنا يوعدك بحج بيت الله
حمد لله علي سلامتك ياحبيبي ياكبير
وانا ايضا اقف بجوار اخي د هشام واصفق بشده فانت ابو الصعب كله
وانا اعرف انك تهواني وانت تعرف كم اهواك
تقدم يامتقدم الصفوف ياقائد


القلوب عند بعضها ياعم محمود .. وربنا العالم .. وأشكرك ياأستاذى على تشجيعك الدائم لى ..

[الألآتى]

والنبي انا مستني باقي القصيده لان دماغي ضربت في الحيط لما خلصت بسرعه

لا وايه ؟
صوتك رايق اوي


ياعم رايق إيه وبتاع إيه ..

نيجى إحنا إيه جنبك .. خللى الطابق مستور ياعم محمود .

[الألآتى]

اللهم صلى على النبى...حاجه تحفه يافنان...وشغل عالى المستوى جدا...وشوية مزيكا جنان..وتنفيذ شيك جدا..والايقاعات
مدرسه..وحيه جدا جدا....الله يبارك لك...ماسمعتش مزيكا
من فتره..وفطرت دلوقتى على هذه المقطوعه ..الاكثر من رائعه

تنفيذا وغناء............................................. ......

أللهم صلى عليك يانبى ..

يهمنى جداً أن أسمع رأيك ياأستاذ كمال .. لأنه رأى نابع من موهبة أصيلة لم يلوثها الإحتراف ..

ميرسيه جداً

[الألآتى]

تسلم إيدك ياأستاذ ياكبير

أ/ الآلاتي
قصيدة نجاة (إلي رجل)
كانت هي (العزول) بين كل اثنين محبين
زمااااااان ......أيام الرومانسية

ربنا يبارك لك في موهبتك ياأستاذنا

كل حاجة في الشغل رائعة

تنفيذ __ عزف __ غناء

:emrose:


إيه ياعم رائد ده .. كله حلو كده .. تنفيذ وعزف وغناء ..

مش معقول يعنى .. مؤكد فيه حاجه منهم وقعت منى .. مافيش حد كامل يامستر ..

ربنا يخليك ليا يامظبط نفسيتى .

[الألآتى]

متى ستعرف كم أهواك يا رجل




أبيع من أجله الدنيـــا ومافيها
لو تطلب البحر في عينيك أسكبه أو تطلب الشمس في كفيك أرميها



رائعه من روائع الفنانه الكبيره نجاة الصغيره
كل الشكر والتقدير لهذه الرائعه ولهذا العزف الجميل والأداء
الرائع

في انتظار بقية الاغنيه لاتطول علينا أخي الكريم محمد
والله يرحم دكتور محمود ويدخله فسيح جناته
وكلنا لها ياجماعه بعد عمر طويل لكم





ميرسيه جداً للأخت أمال .. وإن شاء الله أكمل البقية فى أقرب وقت ..

[الألآتى]

كم أنت مبدع وممتع وشيق يا مايسترو


وشئ كالعاده يأخذ الاذهان الى زمن جميل بكل ما به

..................

ربنا يديم عليك الصحه والعافيه وتمتعنا بكل ما هو شيق يا دكتور الاتى

بس برضه انا منتظر من سيادتك حاجه حلوه اعملها


ولا ايه الحكايه ;)



أشكرك جدياً ياحمادة .. وبإذن الله أعملك حاجة جديدة .. بس أفوق شوية .. ماتقلقش .

[الألآتى]

الأخ العزيز الالاتي

كعادتك دائما تبحث عن الجمال حتى لو كان في الوصول اليه

صعوبات كبيره , وتنفيذك لهذا اللحن بهذه الطريقة الجميلة يؤيد

كلامي .

نحن ننتظر الجزء الثاني بفارغ الصبر

ولك جزيل الشكر .





حبيب قلبى وأستاذى مروان ..

حضرتك من المميزين اللذين أنتظر مشاركاتهم بفارغ الصبر ..

لأن حكمك سيكون بالتأكيد فى الصميم .. وبإذن الله نسمع الجزء الثانى قريباً .

[الألآتى]

ااحلى حاجة في حضرتك يا استاذ انك بتدور على الصعب فين وتعمله وبتبذل جهد كبير طبعا ومبتبخلش عليه .ربنا يخليك لينا يا استاذ وتمتعنا دايما ... بس هو حضرتك زعلان مني؟؟؟؟؟


الجهد يهون علشانكم ياإسلام .. وأنا مش زعلان منك ولا حاجة ..

لأنك زى حسام إبنى تمام ..

[الألآتى]

العمل طبعاً من عزف وتنفيذ ومكساج وتروكاج ومكوجى رجل : العبد لله



الاستاذ الالالتي0000000000000000
انطلق من هذه الجملة لاقول لك انا احسدك لخبرتك الجميلة بهندسة الصوت والتوزيع الاجمل0
استاذنا العمل كله جميل وتوزيع رايق وادائك اداء موسيقي متمكن
والايقاع مميز وكانه ليف ولي نفس الملاحظة لو سمحت لي وهي
لو انك تجرب الغاء الصاجات ابتوع الرق المرافق للغناء كما هي في بداية الغناء وتبقي عليها مع الموسيقا تكون اجمل ولك الراي الاخير والاخبر
كما ارجو من حضرتك ابدا رايك في اللحن الموجود في قسم اعمال من الاعضاء تحت اسم (مسكين يا ورد)

أشكرك ياأستاذ خليل على ملاحظتك القيّمة .. وإن شاء الله أعمل بها فى القادم من الأعمال ..

أشكرك أخى العزيز ..

[الألآتى]

ايه ده يا عم محمد .. تقل .. ولا بخل .. ولا دلال ... إن من فتح الأبواب يغلقها .. و إن من أشعل النيران يطفيها .... الله يخليك .. ارجع اليا .. و أكمل هذه الرائعة .

عم محمد .. حبيب الملايين ..

وأنا فى وسطكم .. لايمكن أكون بخيل أو تقيل ..

وطلباتك أوامر ياعمى .. حاضر ..

[صالح الحرباوي]

انا متابع و مواضب على كل أعمال و تحليلات حبيبنا المايسترو الألآتي ....
رغم أني مقل في مشاركات الشكر :cool:

لكن هنا .... ليس لي من خيار غير واجب الشكر و الإعجاب بما أتحفنا به
المايسترو محمد بأدائه الرائع لهذا العمل الصعب ...
يالله يا أبا حسام شد حيلك و واصل تطريبنا
الله يبارلك فيك و يكرمك
:emrose::emrose:

[الألآتى]

انا متابع و مواضب على كل أعمال و تحليلات حبيبنا المايسترو الألآتي ....

رغم أني مقل في مشاركات الشكر :cool:

لكن هنا .... ليس لي من خيار غير واجب الشكر و الإعجاب بما أتحفنا به المايسترو محمد بأدائه الرائع لهذا العمل الصعب ...
يالله يا أبا حسام شد حيلك و واصل تطريبنا
الله يبارلك فيك و يكرمك

:emrose::emrose:



أستاذى صالح ..

أشكر هذا العمل الذى جعلك تشرفنى .. وليس مهماً أن تشكر أو تجامل ..

تكفى زيارتك لتجعلنى سعيداً .. أشكرك ..

[الألآتى]

أصدقائى

أقدم لكم الجزء الثانى من قصيدة

متى ستعرف كم أهواك

كلمات : نزار قبانى

ألحان : محمد عبد الوهاب

غناء : نجاة الصغيرة

وطبعاً كالعادة .. كل شئ من تنفيذ العبد لله ( يادى النيلة )

ويبقى فاضل لكم فى ذمتى .. الجزء الثالث والأخير من القصيدة .. يامسهل .

[محمودسعد]

اااااااه
اه
اه ياالاتي اه
وجعتلي قلبي يااخي الله يريح قلبك
خالص الشكروالتقدير والاحترام والامتنان
لك ياعظيم

[Hisham Khala]

عظمة علي عظمة يا ألآتي
امتعتنا ربنا يمتعك بالصحة و العافية
بس الإيقاع عاوز يهدي مع الغناء
كل سنة و أنت طيب و أهل سماعي طيبيين
عيد سعيد

[أمال سالم]

السلام عليكم

ماشاءالله تبارك الله اخي الكريم

روعه اداءك وعزفك
بس الأيقاع كما قال الأستاذ Hisham Khala
بس هذا مايمنع بانها روعه
واختيارك موفق لهذه الاغنيه الجميله للفنانه الكبيره نجاة

بانتظار الجزء الثالث

وكل سنه والجميع بخير وعيدكم سعيد

[عفاف سليمان]

استاذنا وموسيقارنا
الاستاذ محمد الالاتى
جميل انتقاءك لهذه الاغنيه
فانا من عشاق الاغنيات القصائديه
وخصوصا هذه القصيده
متى ستعرف كم اهواك يا أملا
وجميل ان حضرتك
لم تقم ببثها الينا مره واحده
حتى نستمتع بجمال كل كوبليه منها :pepper1:
على حدى
او ربما انت قصدت ذلك
حتى لا نسمعها مره واحده وتمر مرور الكرام
بصراحه
هى التقطيع لها كان جميل من حضرتك:thankyou:
اننا نستمتع بكل ما فيها من جمال
موسيقى وفنى وتوزيع ابداعى وصوتى
الى اللقاء فى الجزء المتبقى لهاhttp://www.sama3y.net/forum/attachment.php?attachmentid=173292&stc=1&d=1259338682
وسلمت يداك واختيارك
وتوزيعك واداءك
دائما من ابداع الى ابداع:bunny:
اختكم عفاف

[سلطان محمد]

الاستاذ محمد الالاتى
جزيل الشكر عزيزي

[نايف القيصر]

الله الله الله

فن راقي في زمن اعور

الالاتي أنت تستحق أن تمجد في زمن غريب

فعلاً مبدع فأين أنت من الساحات

سيدي أنا لدي قصائد عديدة طبعاً باللغة الفصحى وعلى إستطاعة تامة أن أزودك بها وإن رغبت ىن أتي إليك فانا حاظر

أنت موسيقي مبدع

لك ودي وتقديري

نايف

[وسام اكرم]

أخي العزيز أستاذ محمد المحترم
كل عام و انت بألف خير انشاء الله. استمعت للجزء الاول و الثاني من رائعة نجاة الصغيرة( متى ستعرف) و انا اشكرك جدا على العمل المميز بالعزف و الغناء على حد السواء. و لكن لي سؤال بسيط جدا لو سمحت؛ الايقاع من الة الارغ؟ ام من برنامج Fruity loop ؟ و اذا كان من الارغن, اي موديل أستعملت باماها؟ كورغ؟ رولاند؟ او شيء اخر؟
مع خالص حبي و تقديري
وسام

[الألآتى]

اااااااه

اه
اه ياالاتي اه
وجعتلي قلبي يااخي الله يريح قلبك
خالص الشكروالتقدير والاحترام والامتنان
لك ياعظيم


سلامة قلبك ياحبيب القلب ..

[الألآتى]

عظمة علي عظمة يا ألآتي
امتعتنا ربنا يمتعك بالصحة و العافية
بس الإيقاع عاوز يهدي مع الغناء
كل سنة و أنت طيب و أهل سماعي طيبيين
عيد سعيد


ملحوظاتك أوامر يادكتور .. حاضر ..

[الألآتى]

السلام عليكم


ماشاءالله تبارك الله اخي الكريم

روعه اداءك وعزفك
بس الأيقاع كما قال الأستاذ Hisham Khala
بس هذا مايمنع بانها روعه
واختيارك موفق لهذه الاغنيه الجميله للفنانه الكبيره نجاة

بانتظار الجزء الثالث


وكل سنه والجميع بخير وعيدكم سعيد


حاضر ياست أمال .. نقعد الإيقاع ونكمل الجزء الثالث .. من عنيا .

[الألآتى]

وجميل ان حضرتك
لم تقم ببثها الينا مره واحده
حتى نستمتع بجمال كل كوبليه منها :pepper1:
على حدى
او ربما انت قصدت ذلك
حتى لا نسمعها مره واحده وتمر مرور الكرام
بصراحه



فعلاً يامدام عفاف .. أنا قصدت التقطيع ..

علشان ماتضيعش فى الزحمة .. لأنى تعبت فيها فعلاً ..

ميرسيه على جمال تنسيقك .. والحركات إللى إنتى بتعمليها فى الردود ..

[الألآتى]

الاستاذ محمد الالاتى

جزيل الشكر عزيزي


العفو أخى الكريم ..

[الألآتى]

الله الله الله

فن راقي في زمن اعور

الالاتي أنت تستحق أن تمجد في زمن غريب

فعلاً مبدع فأين أنت من الساحات

سيدي أنا لدي قصائد عديدة طبعاً باللغة الفصحى وعلى إستطاعة تامة أن أزودك بها وإن رغبت ىن أتي إليك فانا حاظر

أنت موسيقي مبدع

لك ودي وتقديري

نايف

أشكرك أخى نايف على شعورك الطيب ..

أما بالنسبة لقصائدك .. يمكنك وضعها فى القسم الأدبى .. وسأقرأها بالتأكيد ..

أشكرك .

[الألآتى]

أخي العزيز أستاذ محمد المحترم
كل عام و انت بألف خير انشاء الله. استمعت للجزء الاول و الثاني من رائعة نجاة الصغيرة( متى ستعرف) و انا اشكرك جدا على العمل المميز بالعزف و الغناء على حد السواء. و لكن لي سؤال بسيط جدا لو سمحت؛ الايقاع من الة الارغ؟ ام من برنامج Fruity loop ؟ و اذا كان من الارغن, اي موديل أستعملت باماها؟ كورغ؟ رولاند؟ او شيء اخر؟
مع خالص حبي و تقديري
وسام


فى الحقيقة يادكتور وسام ..

أنا شرحت من قبل .. طريقة الإيقاع فى أعمالى ..

وعموماً .. هى ليست من الأورج .. ولكنى أحصل على خامات الإيقاع بطريقتى الخاصة ( خامات طبيعية ) .. ومن ثم أصنع إيقاعاتى بنفسى على برنامج الفروتى لوبز .. ولا أستخدم إيقاعات جاهزة ..

[وسام اكرم]

الاخ العزيز أستاذ محمد المحترم
أشكرك جدا على التوضيح و استطيع تخيل كم من الوقت و الجهد تطلبه هذا العمل! فيجب ان نصمم (صورة ايقاعية) للكوبلية بالكامل و بعد ذالك يتم العزف و الغناء,, فعلا عمل جميل جدا و مميز
أشكرك مع خالص تقديري و احترامي
وسام

[Basil Mahran]

جميلة قوي
في انتظار باقي الحلويات
كل سنة و انت طيب

[Basil Mahran]

بعد ما سمعت الجزء الثاني دورت علي الجزء الأول
و الله جميلة قوي
الله يفتح عليك و تسمعنا الحلويات الطعمة.

[الألآتى]

إخوانى الأعزاء

إليكم الجزء الأخير من قصيدة

متى ستعرف كم أهواك

كلمات : نزار قبانى

ألحان : محمد عبد الوهاب

غناء : نجاة الصغيرة

وبكده .. أبقى خلصت ذمتى ..

إنتظروا المفاجأة القادمة .. عمل من العيار الثقيل أيضاً

[Hisham Khala]

أهو دا الشغل الجميل
الله ينور
بس الايقاع مليان قوي مع الغناء , عاوز يهدي شوية.
منتظرين العيار الثقيل

[عفاف سليمان]

العمل طبعاً من عزف وتنفيذ ومكساج وتروكاج ومكوجى رجل : العبد لله
احلى حاجه استاذنا
(محمد الالاتى)
روح الدعابه الجميله التى تضفيها علينا ببداية الموضوع
اسعدك الله ....كما اسعدتنا بهذا اللحن الجميل
وهذه الكلمات الرائعهhttp://www.sama3y.net/forum/attachment.php?attachmentid=173599&stc=1&d=1259508418
والصوت الدافىء الهادى لحضرتك
وفعلا كما قال استاذنا
محمود سعد
ان البدايه قصيره وجميله
وتباعا نذهب لباقى اجزاء الاغنيه
فكرة تقطيعها جميل
حتى نستمتع بكل جزء منها على حدى
ونحس بطعم النغم والاداء والزوق فيه
تحياتى لك بالتوفيق والابداع الدائم
وللجميع اسعد واطيب الاوقاتhttp://www.sama3y.net/forum/attachment.php?attachmentid=173600&stc=1&d=1259508418
اختكم عفاف

[عفاف سليمان]

إنتظروا المفاجأة القادمة .. عمل من العيار الثقيل أيضاً
خاتمه جميله ورائعهhttp://www.sama3y.net/forum/attachment.php?attachmentid=173602&stc=1&d=1259508895
وننتظر المفاجاءه التى هى من
العيار الثقيل
كام كيلو كده بالصلاة على النبى:mdr:
تحياتى لك وللجميع باسعد وارق واطيب الاوقات:)
ننتظرhttp://www.sama3y.net/forum/attachment.php?attachmentid=173603&stc=1&d=1259508895
اختكم عفاف

[اسلام عاكف]

كل اعمال حضرتك جميلة يا استاذ و منتظرين المفاجاة القادمة ...متتاخرش علينا بقى يا استاذ:)

[الألآتى]

حُلم من أحلامى القديمة ..

طالما حَلُمت بتنفيذ هذا العمل .. ونظراً لصعوبته وقلة الإمكانيات .. كنت أحجُم عن تنفيذه

لكنى إستخرت الله وشربت عصير أسد .. وقررت تنفيذه فى لحظة تهور وإندفاع شبابى ;)

العمل الملحمى .. الوطن الأكبر

هذا العمل غنى عن التعريف بالطبع .. فهو نتاج مجهود ضخم لبعض رموز الفن والموسيقى

وكلما تخيلت حجم الأوركسترا الذى قام بالتنفيذ الموسيقى .. أبلع ريقى .. ويبقى عرقى مرقى ..

لكن ياللا .. مش خساره فيكم .. وإنتوا مش غُرب .. أجرب فيكم وأمرى إلى الله

الكلمات : أحمد شفيق كامل

الألحان : محمد عبد الوهاب

التوزيع وقيادة الأوركسترا : على إسماعيل

الغناء بالترتيب ( عبد الحليم حافظ ، صباح ، شادية ، فايدة كامل ، وردة ، نجاة ، عبد الحليم حافظ )

طبعاً نفذت العمل بإمكانياتى المتاحة .. وغنيت بصوتى الجميل ;) .. حتى البنات ( تصوروا )

ماهى هيصة بقى ..

وإن شاء الله فيه عمل جاهز قادم .. بنفس الضخامة ..

[zanou]

حُلم من أحلامى القديمة ..



طالما حَلُمت بتنفيذ هذا العمل .. ونظراً لصعوبته وقلة الإمكانيات .. كنت أحجُم عن تنفيذه

لكنى إستخرت الله وشربت عصير أسد .. وقررت تنفيذه فى لحظة تهور وإندفاع شبابى ;)

العمل الملحمى .. الوطن الأكبر




أداء ممتاز، يستحق الثناء.

[محمودسعد]

اخي الحبيب وصديقي الصدوق واستاذي
محمد الالاتي
ممكن يكون كلامك وكلام اخوه اخرين عن طريق الخاص ؟؟وايضا هذا الموضوع الحلم (الوطن الاكبر )كل هذا وذاك يجعلاني اعمل عيل وارجع في كلامي واقفل الاجازه ؟؟؟؟احتراما لكبار لااحب ان اكون بعيدا عنهم ولاعن حبهم وعلمهم ولكني اصبحت كاره ان اغني ؟؟وساكتفي بردودي ومشاركاتي الكلاميه حتي لااغضب احدا وساكتفي بالاستمتاع بما تقدمه بغزاره ؟انت والاخوه الاساتذه الافاضل وكم اسعدني وامتعني هذا العمل وان كانت لي ملحوظه واحده وغريبه شويه ؟
هو مفيش حد في المنتدي يقدر يقوم بادوار المطربين والمطربات اللذين قدموا هذا العمل ؟؟يعني مش كان يبقي اجمل لو انت قمت بدور عبد الوهاب والاخوه والاخوات الاخرون (انا لا طبعا )يقومون بادوار حليم وشاديه وورده وفايزه وفايده
ولاايه ؟
(طبعا الادوار الغنائيه مع احترامي للجميع)
بس بصراحه احسنت وابدعت وكل الكلام الحلو الحقيقي شويه عليك وانا عارف انك كنت تتمني ان يتم العمل كما طلبت انا الان
واخيرا تسلم ايديك وعنيك وصحتك وعافيتك

[مروان شلبي]

حُلم من أحلامى القديمة ..


طالما حَلُمت بتنفيذ هذا العمل .. ونظراً لصعوبته وقلة الإمكانيات .. كنت أحجُم عن تنفيذه

لكنى إستخرت الله وشربت عصير أسد .. وقررت تنفيذه فى لحظة تهور وإندفاع شبابى ;)

العمل الملحمى .. الوطن الأكبر

هذا العمل غنى عن التعريف بالطبع .. فهو نتاج مجهود ضخم لبعض رموز الفن والموسيقى

وكلما تخيلت حجم الأوركسترا الذى قام بالتنفيذ الموسيقى .. أبلع ريقى .. ويبقى عرقى مرقى ..

لكن ياللا .. مش خساره فيكم .. وإنتوا مش غُرب .. أجرب فيكم وأمرى إلى الله

الكلمات : أحمد شفيق كامل

الألحان : محمد عبد الوهاب

التوزيع وقيادة الأوركسترا : على إسماعيل

الغناء بالترتيب ( عبد الحليم حافظ ، صباح ، شادية ، فايدة كامل ، وردة ، نجاة ، عبد الحليم حافظ )

طبعاً نفذت العمل بإمكانياتى المتاحة .. وغنيت بصوتى الجميل ;) .. حتى البنات ( تصوروا )

ماهى هيصة بقى ..

وإن شاء الله فيه عمل جاهز قادم .. بنفس الضخامة ..



الأستاذ المايسترو

محمد الالاتي

الحقيقة بانك تستحق كل هذه الالقاب بكل جداره . للأعمال المهمه

والصعبه التي تنفذها بحرفية عاليه . خاصة بعد ان استطعت

منفردا ان ترسم لنا صورة كاملة لهذه الانشوده التي عشعشت في

ضميرنا ولاتزال .


التوزيع كامل بكل عناصره وقد اعجبني وضوح دور الة البيكولو

التي لعبت دور البطولة في هذا النشيد فقد كانت تحلق عاليا

لترفع معها احلامنا وامالنا .

شكرا لك

[Hisham Khala]

تنفيذ الموسيقي هايل ، و ودنك حساسة جداً عشان تعرف تنفذ التوزيع بهذا الاتقان.
تحياتي ليك

[رائد عبد السلام]

رائع يا مايسترو:emrose:
ماشاء الله عليك ...بلدوزر موسيقي

صدقني الإمكانيات المحدودة دي بإحساسك
أحسن ألف مرة من كل التقنيات الحديثة بلا روح

تسلم إيدك وإبداعك
وفي انتظار ما وعدتنا به

تقبل خالص تحياتي
ياصديقي المايسترو الكبير
:emrose:محمد الآلاتي:emrose:

[الألآتى]

أداء ممتاز، يستحق الثناء.

أشكرك ياأخت zanou .. من بعض ماعندكم

[الألآتى]

شوف بقى .. كل الكلام ده مايدخلش ذمتى بتعريفة ..

إنت حاترجع .. يعنى حاترجع .. هو أنا عندى كام محمود سعد ..

حاترجع يامحمود وتلعلع من تانى .. وتزهزه المبدعون ..


وان كانت لي ملحوظه واحده وغريبه شويه ؟

هو مفيش حد في المنتدي يقدر يقوم بادوار المطربين والمطربات اللذين قدموا هذا العمل ؟؟يعني مش كان يبقي اجمل لو انت قمت بدور عبد الوهاب والاخوه والاخوات الاخرون (انا لا طبعا )يقومون بادوار حليم وشاديه وورده وفايزه وفايده
ولاايه ؟
(طبعا الادوار الغنائيه مع احترامي للجميع)



طيب خلى حد غيرك يقول الكلام ده ..

مانت عارف يابو دينا .. المشقة والجهد الذى يتطلبه تنفيذ العمل بالشكل الذى تريده ..

ده الواحد علشان يشرك مطرب أو مطربه من مطربين المنتدى .. بيشوف الأمرين ..

تقوم تقول لى .. أشرك خمسة مرة واحدة ..

أنا طبعاً نفسى مطربين ومطربات المنتدى يشاركوا فى مثل هذا العمل ..

حاتكون حاجه جميلة جداً ..

وياريتها كانت سهلة .. كنت عملتها ..

[الألآتى]

الأستاذ المايسترو


محمد الالاتي

الحقيقة بانك تستحق كل هذه الالقاب بكل جداره . للأعمال المهمه

والصعبه التي تنفذها بحرفية عاليه . خاصة بعد ان استطعت

منفردا ان ترسم لنا صورة كاملة لهذه الانشوده التي عشعشت في

ضميرنا ولاتزال .


التوزيع كامل بكل عناصره وقد اعجبني وضوح دور الة البيكولو

التي لعبت دور البطولة في هذا النشيد فقد كانت تحلق عاليا

لترفع معها احلامنا وامالنا .


شكرا لك


أخجلتم تواضعنا يافنان ..

أشكرك أخى مروان .. وأتمنى عودة التعاون بيننا ..

فهذا شئ يسعدنى جداً ..

[الألآتى]

تنفيذ الموسيقي هايل ، و ودنك حساسة جداً عشان تعرف تنفذ التوزيع بهذا الاتقان.
تحياتي ليك


إنت لسه عارف النهارده .. إن ودنى حساسة يادكتور ..

دى هى الحاجة الوحيدة إللى طلعت بيها من الدنيا ..

مش كفاية خيبان فى كل حاجة ..

المهم .. أتمنى تكون بخير .. وصحة جيدة .. وأشكرك ياحبيب قلبى

[الألآتى]

رائع يا مايسترو:emrose:

ماشاء الله عليك ...بلدوزر موسيقي

صدقني الإمكانيات المحدودة دي بإحساسك
أحسن ألف مرة من كل التقنيات الحديثة بلا روح

تسلم إيدك وإبداعك
وفي انتظار ما وعدتنا به

تقبل خالص تحياتي
ياصديقي المايسترو الكبير

:emrose:محمد الآلاتي:emrose:


ربنا يسلمك من كل شر ياعم رائد ..

كل العملية .. إنى باتحدى نفسى فى الأعمال الكبيرة دى ..

وبحاول أتغلب على قلة الأمكانيات ..

وكمان باختبر ودانى فى الخلفيات والهارونيات والخطوط الموسيقية المتعددة فى العمل ..

وأرجو أن أكون نجحت فى 30 % بس .. رضا من ربنا .. حاننهب .

[mohamedafify]

اخى العزيز الغالى ابو حسام اجمل وارق تحية على هذا العمل الضخم الجميل منتهى الروعة والابداع
ربنا يكرمك على هذا المجهود الجميل
تحياتى محمد عفيفى

[بشير عياد]

وحشتنا
يا مايسترو

[الألآتى]

اخى العزيز الغالى ابو حسام اجمل وارق تحية على هذا العمل الضخم الجميل منتهى الروعة والابداع

ربنا يكرمك على هذا المجهود الجميل

تحياتى محمد عفيفى



ميرسيه ياعفيفى .. ربنا مايحرمنى من طلتك يافنان ..

ماتغيبش تانى بقى .. وعايزين شوية همة ..

[الألآتى]

وحشتنا


يا مايسترو


إنت إللى وحشتنا ياأستاذ بشير ..

حمدلله على السلامة ..

[الألآتى]

منك ياهاجر دائى

كلمات : أحمد شوقى بك

ألحان : محمد عبد الوهاب

عزف وتنفيذ وكل حاجة ( كالعادة ) : العبد لله

[mohamedafify]

الله على الاختيارات يا ملك الصعب يالالاتى محدش عمرة يفكر فى تحف زى دى الا واحد جامد زى الالاتى اجمل تحية منى ليك انت والاسرة الكريمة بكتب وانا متمتع بتحفة من الروائع
اخوك محمد عفيفى

[الألآتى]

ربنا يخليك ليا ياعفيفى .. ياصاحبى ..

إنت الوحيد إللى بليت ريقى من صباحية ربنا ..

يظهر البضاعة مش عاجبة الزباين ..

المرة الجاية حاعمل لهم ( أه ونص ) بتاعى نانسى عجرم ..

يمكن يعبرونا ويجبروا بخاطرنا .

[rif3at]

مش بس بضاعتك يا أستاذ ألاتي حتى بضاعتي أنا كمان أقول لك أحسنت كما العادة و شكرا جزيلا على هذه القطعة الجميلة .

[الألآتى]

مش بس بضاعتك يا أستاذ ألاتي حتى بضاعتي أنا كمان أقول لك أحسنت كما العادة و شكرا جزيلا على هذه القطعة الجميلة .

أشكرك أخى رفعت على كلماتك المشجعة ..

هى فى الحقيقة حالة عامة .. ويظهر إن الناس زهقانة ..

معلش .. كأننا بنغنى فى الحمّام .. ومافيش جمهور ..

[الباشا]

أعرف أنك تنتظر الرأى الفنى وليس رأى مستمع عادى
ولكن أرغب فى تحيتك وشكرك
وأقدر إقدامك على أداء هذا العمل الصعب الذى يندر أن يتصدى له أحد
هو تحدى لابد أنك قضيت فترة طويلة فى التجهيز له

وأهنئك على أنك كنت على قدر تحديك لنفسك

شكرا لك يا مايسترو

[علوي الكاف]

المايسترو / الألآتى

جميل وعمل رائع
لك شكري وتقديري

[الألآتى]

أعرف أنك تنتظر الرأى الفنى وليس رأى مستمع عادى
ولكن أرغب فى تحيتك وشكرك
وأقدر إقدامك على أداء هذا العمل الصعب الذى يندر أن يتصدى له أحد
هو تحدى لابد أنك قضيت فترة طويلة فى التجهيز له

وأهنئك على أنك كنت على قدر تحديك لنفسك

شكرا لك يا مايسترو



بالطبع أستاذى رؤوف باشا .. أنا أنتظر الأراء الفنية ..

ولكن فى نفس الوقت .. أرى أن هناك العديد ممن حملوا الأغنية وقرأوا الموضوع ..

ولكنهم لم يكلفوا أنفسهم بكلمة واحدة .. لتشجيع العبد الله .. وحثه على بذل المزيد من الجهد ..

ولكنى عموماً .. سأستمر .. لأن هذا واجبى تجاه قسم المبدعون .. ومنتدى سماعى .

أشكرك حبيب قلبى لتشجيعك .. وهذا ليس بغريب عليك .

[محمودسعد]

اخي وصديقي الحبيب
دائما انت مبدع
وحريف
وخبير
وغاوي
وبتعرف تنقي وتختار
وكلك شباب وحيويه ونشاط وهمه
ومش محتاج حد يقوللك حاجه ؟؟؟؟اي حد ؟؟؟مع احترامي للجميع ...انت خلص فيك الكلام كله ؟؟؟انت معروف بابداعات وابتكارات في اختيار الموضوع ماتلاقيهاش ؟؟ونادر وجودها يااستاذ وبعدين علي راي الافلام الكبيره قوي زمان بيقولوا علي البطل المتفرد انه بيمثل وبيرقص وبيغني وكانت ده ابداع فريد ؟؟؟انما انت بتختار ؟؟وبتنقي ؟؟وبتعلم ؟؟وبتوجه؟وبتعزف ؟وبتوزع ؟وبتسجل ؟وبتمنتج ؟وبتمكسج ؟وبتخرج وبتمثل بس الحمدلله مابتعرفش ترقص ؟؟بس هاترقص يوم فرح حسام وخالد وكريم
وتحيه خالصه من اهلك هنا في بيتك الثاني وتحيه بناتك اللي بتحبهم وبيحبوك ووووو
وحشتهم

[الألآتى]

أخى وصديقى الغالى أبو دينا ..

لقد تأخرت عليا ياحبيب قلبى .. وكان هذا من أسباب كتابتى وإمتعاضى من عدم الإهتمام ..

فأنت أول واحد أنتظر مشاركاته ورأيه الفنى الخالص ..

وبصراحة .. إننى أضعك أمام عينى وأنا أختار وأنفذ الأعمال ..

ياترى ياهلترى .. حاتعجب محمود .. ولا لأ

سلامى للأسرة الجميلة وحبايب قلبى .. دينا وحبيبة

وقول لدينا ماتزعلش من عمو محمد .. لأنه بيحبها وعاوزها تكون أحسن مطربة فى العالم .

[محمودسعد]

أخى وصديقى الغالى أبو دينا ..

لقد تأخرت عليا ياحبيب قلبى .. وكان هذا من أسباب كتابتى وإمتعاضى من عدم الإهتمام ..

فأنت أول واحد أنتظر مشاركاته ورأيه الفنى الخالص ..

وبصراحة .. إننى أضعك أمام عينى وأنا أختار وأنفذ الأعمال ..

ياترى ياهلترى .. حاتعجب محمود .. ولا لأ

سلامى للأسرة الجميلة وحبايب قلبى .. دينا وحبيبة

وقول لدينا ماتزعلش من عمو محمد .. لأنه بيحبها وعاوزها تكون أحسن مطربة فى العالم .



ومين قاللك ان دينا زعلانه
اقوللك علي حاجه بقي علي الملا ؟
دينا لما كانت بتسجل ماكانتش مبسوطه ومقتنعه انها بتغني وكانت بتغني عشان انا طلبت منها تغني وطبعا ماحدش يعرف دينا يعني مثلا الاستاذ احمد مخدش باله ان دينا هاويه جدا ومش محترفه ومش عارفه هي بتقول ايه وانا ماحاولتش اتدخل معاها عشان متخافش مني لان هي اتعودت انها تغني امام الالاتي وانت كمان عامل زي اللي عامللها عمل ؟؟تشوفك هي والصغيره يغنوا زي اللبلب ؟؟ثم ان دينا اشتكتني لمامتها وقالتلها انها مش بتعرف تغني الا عند عمو محمد الالاتي ؟؟والله هذا حصل ؟؟ودينا كان نفسها تغني وانت موجود وبتوجهها تبقي زعلانه ايه بقي ؟؟
اما من ناحيه التخير فلست انا من يتاخر عنك ابدا ودائما ابدا انا في الصداره لكي اهنئك اولا علي العمل ؟؟ثم اقول رايي زي مانت بتقول اما اني اتاخر فلا والف لا وممكن برضه تقول ان قسم المبدعون فيه حاجه مش طبيعيه ؟؟؟؟؟؟؟ولاحظ اني كمان مش برفع اعمال لاني اصبحت رافض تماما اني ارفع اي عمل لان هناك شئ ما ؟؟ايه هو ماعرفش ؟؟بس يمكن لان جميع منتجوا الاعمال من المطربين الزملاء مابيدخلوش مواضيع بعض ؟؟ومابيكلموش بعض ؟ومابيتعرفوش علي بعض ؟؟وساعات احس ان منهم من يتعالي علي الغير ومايعرفش الا موضوعه هو بس ؟يعني مش بيدخل الا عشان يرفع موضوع او اغنيه ويتابعها بس ولو نزلت تحت شويه يرد علي نفسه عشان تبقي الاغنيه في الاول ودي اساليب بتاعه منتديات تانيه مش بتاعتنا ؟؟وهناك ايضا من يرمي بالكلام ويتساءل هو ليه الناس مش بتدخل ليه مع انهم بيدخلوا مواضيع اقل منه وشايف انه احق بزياره الاعضاء ونفسي يسال نفسه ؟؟فيه كام موضوع هو زاره ودخل جبر بخاطر صاحبه ؟؟عرفت بقي انا ليه متاخر حتي عن دخول القسم نفسه ؟؟وبعدين فيه ناس اعمده في المبدعين غير متواجدين ودول دائما وجودهم بيخلق نشاط وحيويه في المبدعين ؟مثل الاستاذ الكبير مروان شلبي والاخت عفاف والاخوه الزائرين الكبار اين هم فهم لايدخلوا قسم المبدعون ايضا ليه ماعرفش ويمكن برضه نفسيه الناس تعبانه شويه من ظروف قهريه حدثت في المنتدي نفسه
ارجو يااخي ان تسامحني لتاخيري الغير مقصود ؟وارجو ان توجه نداء للاخوه الزملاء بمشاركه زملائهم في مواضيعهم والمجامله والكلمه الحلوه مطلوبه خصوصا من زميل لزميله فهذا احسن وافضل من ان نتباكي علي مواضيعنا اللتي لايدخلها احد ؟اما انت فانت استاذ جيل ومواضيعك دروس نستفيد منها والزائر لموضوعك مولود والغائب مفقود

[الألآتى]

النهارده ناخد هدنة من الأعمال الكبيرة

عمل ليس من الزمن الجميل .. ولكنه يحمل مقوماته

سامحتك كتير

كلمات : محمد حمزة

ألحان : محمد سلطان

تنفيذ : العبد لله

[محمودسعد]

مبدئيا عشان الحق اكون في الاول زي مانت بتحب ؟
عاوز اقوللك اولا
انت لوحدك زمن جميل ........ماضي ... وحاضر... ومستقبل

[Hisham Khala]

شغل جميل من المايسترو الفنان الكبير ، الغناء فيه احساس بالكلمات و باللحن و بتغني بأسلوبك بعيد عن اسلوب اصالة ، الايقاع فيه وقفات و انتقالات ، بس عند "الزمان لو يغيرك" (دم تك تك تك) حساس انها معمولة بخبطات مسطرة مش بطبلة أو بونجز آو طمطم و بعدين ماانت مشغل الرق طول الاغنية ليه وقفته عند الجزء ده ، بالطبع هذا لا يعيب التنفيذ الجميل ، و العزف الرائع و التسجيل و المونتاج الهايل.
احسنت و امتعتنا

[mohamedafify]

اخى الحبيب الالاتى الرايق قوى اللى ملعلع الغنوة دى يا صحبى انا اول واحد سمعها عندك فى الصومعة وانت استاذ ياعم الحج واللحن دة انا بحبة من زمان
الله ينور يا باشا اية الاحساس العالى دة
اجمل تحية منى ليك
تلميذك محمد عفيفى

[محمودسعد]

الالاتي رمي الطعم
لدينا
ولابوها ؟؟؟

[ملحن مصري]

ليا طلب عندك يا حاج محمد
ياريت لو تتحفنا بأغنيه " لو تعرفوا " لأصاله وفيه لحن أنا سمعته وعجبني جدا
لفايد محمد فايد إسمه " لاموني الناس "
علي كره أنا لسه ماسمعتش سامحتك بس متأكد إنك زي كل مره بتعلمنا حاجه جديده

[عبدالعزيز حسن]

شكرا ليك ياغالي (الالاتي)

وفعلا نتمنى لو تعرفوا
طبعا ملحنها الراحل سيدمكاوي
بيات على نغم الـ لا
خرافي جدا اللحن

[الألآتى]

مبدئيا عشان الحق اكون في الاول زي مانت بتحب ؟

عاوز اقوللك اولا
انت لوحدك زمن جميل ........ماضي ... وحاضر... ومستقبل



إنت الأول فى قلبى يامحمود .. بالتأكيد .

[الألآتى]

شغل جميل من المايسترو الفنان الكبير ، الغناء فيه احساس بالكلمات و باللحن و بتغني بأسلوبك بعيد عن اسلوب اصالة ، الايقاع فيه وقفات و انتقالات ، بس عند "الزمان لو يغيرك" (دم تك تك تك) حساس انها معمولة بخبطات مسطرة مش بطبلة أو بونجز آو طمطم و بعدين ماانت مشغل الرق طول الاغنية ليه وقفته عند الجزء ده ، بالطبع هذا لا يعيب التنفيذ الجميل ، و العزف الرائع و التسجيل و المونتاج الهايل.
احسنت و امتعتنا


والله يادكتور هشام .. أنا مستعمل فى الجزء ده .. الطبلة والدفوف .. علشان هو عايز كده ..

الرق مش حايبرز الإيقاع زى مانا عاوز .. وعموماً .. نجرب الرق .. ونشوف

مانحرمش منك ولا من ملاحظاتك الفنية الواعية

[الألآتى]

اخى الحبيب الالاتى الرايق قوى اللى ملعلع الغنوة دى يا صحبى انا اول واحد سمعها عندك فى الصومعة وانت استاذ ياعم الحج واللحن دة انا بحبة من زمان

الله ينور يا باشا اية الاحساس العالى دة
اجمل تحية منى ليك

تلميذك محمد عفيفى


ربنا مايحرمنيش منك ياعفيفى .. ياأبو الإحساس كله .. يافنان .

[الألآتى]

الالاتي رمي الطعم

لدينا
ولابوها ؟؟؟



للإتنين يامحمود .. يالا شدوا حيلكم ..

[محمودسعد]

والله يادكتور هشام .. أنا مستعمل فى الجزء ده .. الطبلة والدفوف .. علشان هو عايز كده ..

الرق مش حايبرز الإيقاع زى مانا عاوز .. وعموماً .. نجرب الرق .. ونشوف

مانحرمش منك ولا من ملاحظاتك الفنية الواعية




والله ياصديقي الواحد اتعلم منك ازاي يتقبل النقد باستاذيه ؟؟؟؟؟؟
وبتواضع جم ........
ربنا يوعدك بزياره الحبيب
http://www6.0zz0.com/2009/12/12/03/791508045.gif

[الألآتى]

ليا طلب عندك يا حاج محمد

ياريت لو تتحفنا بأغنيه " لو تعرفوا " لأصاله وفيه لحن أنا سمعته وعجبني جدا
لفايد محمد فايد إسمه " لاموني الناس "
علي كره أنا لسه ماسمعتش سامحتك بس متأكد إنك زي كل مره بتعلمنا حاجه جديده


شكرا ليك ياغالي (الالاتي)

وفعلا نتمنى لو تعرفوا
طبعا ملحنها الراحل سيدمكاوي
بيات على نغم الـ لا
خرافي جدا اللحن

حبيب قلبى تامر

أخى عبد العزيز

أشكركم إخوانى على مشاعركم الجميلة الطيبة ..

بخصوص أغنية ( لو تعرفوا ) .. بالتأكيد حاسمعها ..

ولو رأيت أنها تستحق وضعها فى سماعى .. سأنفذها بإذن الله ..

لأنى دائماً .. أراعى أن تكون الأعمال مناسبة لسياسة المنتدى ..

أنا وضعت ( سامحتك كتير ) لأن كاتبها وملحنها من زمن الفن الجميل ..

كما أن الجملة اللحنية لا تنتمى بالتأكيد لزمن العفرتة والتنطيط .

[ملحن مصري]

طيب ياريت بالمره بقي تسمع باقي أغنيات الشريط ده لأنها تقريبا كلها حلوه وفيها أغنيه لمحمد الموجي
وموضوع الإختيار أنا واثق من إختياراتك
المهم ماتحرمناش من سماع أعمال جميله

[مروان شلبي]

النهارده ناخد هدنة من الأعمال الكبيرة

عمل ليس من الزمن الجميل .. ولكنه يحمل مقوماته

سامحتك كتير

كلمات : محمد حمزة

ألحان : محمد سلطان

تنفيذ : العبد لله


عزيزي ابو حسام

لقد ايقظتني من سباتي الشتوي على انغام هذا اللحن الجميل

والمنفذ بدقة عالية ..وهذا ماانقذك من الافتراس .:mad:

والآن استودعك الله الى غفوة اخرى . :cool:

[الألآتى]

عزيزي ابو حسام

لقد ايقظتني من سباتي الشتوي على انغام هذا اللحن الجميل

والمنفذ بدقة عالية ..وهذا ماانقذك من الافتراس .:mad:

والآن استودعك الله الى غفوة اخرى . :cool:





ليه بس ياعم مروان ..

إفتراس ليه .. ده أنا غلباااان

[هشام سليمان]

بصراحه كده انت احساسك عالى قوى هو ده الكلام عايز اقولك كتير بس هاقولك (بحبك كتير) و (فنان كبير)

[الألآتى]

إخوانى الأعزاء

أغنية : عابد المداح

كلمات : صلاح أبو سالم

ألحان : عبد العظيم محمد

غناء : قنديل

تجرأت ونفذتها .. كما هى .. بدون أى إضافات أو رؤية شخصية ..

وكالعادة .. كل شئ موجود فى العمل .. من تنفيذ العبد لله .. حتى الكورال النسائى

إسمعوها منى وأمركم لله ..

[محمودسعد]

يعني ايه اتجرات ؟؟؟
دانت مخترع حبوب الجراءه الفنيه العاليه النادره المفاجاه ؟؟؟؟
ياسلام عليك يااخي
عبقري والله
والله العظيم تلاته
تلاته بالله العظيم
انت عبقري وعظيم واكثر من فنان
انت كتير قوي ياالاتي
وكبير قوي بفنك واخلاصك وحبك للنغم الاصيل وال (الجرئ)
طب نقول ايه اكتر من ربنا مايحرمنا من جراتك ونوادرك ومفاجاتك الجريئه المعبره عما بداخلك من فن عظيم
ياعظيم

[MOHAMED ALY]

يا فتاح يا عليم يا رزاق يا كريم ... يعنى يا عم محمد أنت غاوى كل كام يوم تعطلتى عن الشغل .. أقوم من النوم صباحا الأقى حكاية مستنيانى .
و المرة دى أغنية محتاجة لمطرب ( فتوة ) أغنية كلها جوابات .. تقطع النفس و تجيب ذبحة صدرية ... و عم قنديل حتى و هو بيقول ( البنت قالت باحبه يابا ) برضه مش هاين عليه ينزل لأى قرار و يغنى زى كل المغنيين اللى خلقهم ربنا .. لأ على رأسه ريشه ... ماهو قنديل بقى .
تجربة جريئة جدا ... و يا عم محمد .. كلك على بعضك حلو .
و دعوة الى مطربى المنتدى الأساتذة محمود سعد و محمد عفيفى و أحمد محسن و رفعت ... يا ريت نسمع منكم هذه الأغنية ... كل بإسلوبه و طريقته .

[محمودسعد]

يا فتاح يا عليم يا رزاق يا كريم ... يعنى يا عم محمد أنت غاوى كل كام يوم تعطلتى عن الشغل .. أقوم من النوم صباحا الأقى حكاية مستنيانى .
و المرة دى أغنية محتاجة لمطرب ( فتوة ) أغنية كلها جوابات .. تقطع النفس و تجيب ذبحة صدرية ... و عم قنديل حتى و هو بيقول ( البنت قالت باحبه يابا ) برضه مش هاين عليه ينزل لأى قرار و يغنى زى كل المغنيين اللى خلقهم ربنا .. لأ على رأسه ريشه ... ماهو قنديل بقى .
تجربة جريئة جدا ... و يا عم محمد .. كلك على بعضك حلو .
و دعوة الى مطربى المنتدى الأساتذة محمود سعد و محمد عفيفى و أحمد محسن و رفعت ... يا ريت نسمع منكم هذه الأغنية ... كل بإسلوبه و طريقته .


طب وحياه النبي ياعم محمد ياباشمهندس يامحترم انا لسه كنت هانقل لينك الموضوع واحطه هديه عيد ميلادك من ابو حسام الالاتي العظيم بس مين ده ؟
ياعمنا انت بتشعر برحيق القنديل الاكبر محمد قنديل من علي بعد وفرحت قوي لما لقيتك منور المبدعين ودخلت موضوعك وكم تنتابني حاله من السعاده عندما اقرا اسمك زائرا للمبدعين
ومن هذه اللحظه انا مجهز نفسي يابو حسام تلبيه لطلب الكبير حبيبك وربنا مايحرمنا من كرمك ونبل اخلاقك الفنيه الرفيعه ياالاتي ياشمعه بتنور لكل المبدعين
وليس معني جاهزيتي ان اكون لوحدي ؟؟
فكم يسعدني ان يغنيها زملائي واحبابي الحلوين قوي عفيفي ومحسن واشرف والعزيز رفعت وكمان اسلام ابن اختي ياباشمهندس محمد
اشكرك علي هذا التشريف بالنيابه عن كل اخوتي واخواتي في المبدعين
وايضا اشكرك للتكليف

[محمودسعد]

إسمعوها منى وأمركم لله ..



اصطبحنا وصبح الملك لله
يافتاح ياعليم يارزاق ياكريم علي راي عمنا محمد بك علي
ياعم ياللي بنتعلم كلنا كده علي بعض منك بلاش تقول الكلام اللي بيضايقني انا شخصيا ياعم الاتي
وحياه كريم ياشيخ لتكمل علامك فينا ولينا وغني واحنا من بعدك نهتدي بغنائك وننهل ونتعلم كيف نغني
والنبي ياشيخ كلنا بنحب نسمع منك انت الاول وبعد كده التلامذه ترمح وتقول وتعفق
ماهو انت الدليل
يادليلي
يااخر صبري
ال اسمعوها وامركوا لله
اوعي كده ياشيخ ؟؟؟
علي راي عبد العاطي في فيلم الارض ؟؟؟؟

[الألآتى]

الكلام أولاً لعمنا الباشمهندس محمد على ..

أنا بصراحة عملتها لمناسبة ميلادك الميمون .. حلوة الميمون دى ..

ويسعدنى بالتأكيد أن يغنيها كل أحبابى فى المنتدى .. وكل واحد يرفع سيفه ويورينا عابد المداح تتقال إزاى ..

لأنها تقيلة بالفعل .. وعايزة مطرب بجد .. وأنا شخصياً تعبت علشان أغنيها .. وحاولت بقدر الإمكان أجيب جواباتها المتعبة .. لأن عمنا قنديل بيقول حاجات مايقدرش عليها غيره ..

أما أخويا محمود سعد ( أبو دينا ) ..

أنا عارف إنك يامحمود تقدر تغنيها وتلعلع كمان .. لأنها جوابات .. وإنت ملك الجوابات ..

وأنا باغنى الحاجات دى علشان أجر شكلك .. إنت والأحباب .. ويسعدنى ويشرفنى يشرف مزيكتى .. إنك تغنى عليها ..

وماتزعلش ياعم .. علشان بقول ( إتجرأت ) أو ( أمركم لله ) ..

أنا فعلاً محتاج مطربين يغنوا أعمالى .. ولو إنت قريب منى .. كنت خليتك تغنى أعمالى من بابها .. دون الحاجة لأن أغنيها أولاً ..

الحمد لله إنها عجبتكم .. وهذا غاية المراد من رب العباد ..

[MOHAMED ALY]

طب وحياه النبي ياعم محمد ياباشمهندس يامحترم انا لسه كنت هانقل لينك الموضوع واحطه هديه عيد ميلادك من ابو حسام الالاتي العظيم بس مين ده ؟

ياعمنا انت بتشعر برحيق القنديل الاكبر محمد قنديل من علي بعد وفرحت قوي لما لقيتك منور المبدعين ودخلت موضوعك وكم تنتابني حاله من السعاده عندما اقرا اسمك زائرا للمبدعين
ومن هذه اللحظه انا مجهز نفسي يابو حسام تلبيه لطلب الكبير حبيبك وربنا مايحرمنا من كرمك ونبل اخلاقك الفنيه الرفيعه ياالاتي ياشمعه بتنور لكل المبدعين
وليس معني جاهزيتي ان اكون لوحدي ؟؟
فكم يسعدني ان يغنيها زملائي واحبابي الحلوين قوي عفيفي ومحسن واشرف والعزيز رفعت وكمان اسلام ابن اختي ياباشمهندس محمد
اشكرك علي هذا التشريف بالنيابه عن كل اخوتي واخواتي في المبدعين
وايضا اشكرك للتكليف


لأ يا عم محمود .. أنا زعلان منك و مخاصمك :mdr::emrose:
يا راجل يا طيب أنا طلبت منك من أكثر من شهرين أغنيتين لسيد إسماعيل ... كمان بقى غرامة تأخير اضيف اليهم أغنية ( فايت و عينيه فى عينيا ) لعمنا أبور نور .. بالليالى و المواويل.
يا أستاذ محمود ... عبد المطلب و سيد إسماعيل كلاهما مطرب حقيقى لازم يتسلطن و ( يتّنك ) و هو بيغنى ... و العباقرة أمثال محمود الشريف و عبد العظيم عبد الحق و كمان سيد إسماعيل كانوا يضعون الألحان التى تسمح لهم بالتصرف و التطريب و الأتيان بما لا يستطيعه المطربون الأخرون .
يا عم محمود .. أراك مطربا من نفس عائلة طلب و سيد إسماعيل ... لازم تتسلطن و تأخذ راحتك و أنت بتغنى ... الألحان اللى بتخللى المطرب يغنى ( بين سطرين متوازيين لا يستطيع الخروج عنهما ) بتقلل كثيرا من انطلاقات المطرب و تجلياته .

[MOHAMED ALY]

الكلام أولاً لعمنا الباشمهندس محمد على ..


أنا بصراحة عملتها لمناسبة ميلادك الميمون .. حلوة الميمون دى ..

ويسعدنى بالتأكيد أن يغنيها كل أحبابى فى المنتدى .. وكل واحد يرفع سيفه ويورينا عابد المداح تتقال إزاى ..

لأنها تقيلة بالفعل .. وعايزة مطرب بجد .. وأنا شخصياً تعبت علشان أغنيها .. وحاولت بقدر الإمكان أجيب جواباتها المتعبة .. لأن عمنا قنديل بيقول حاجات مايقدرش عليها غيره ..

أما أخويا محمود سعد ( أبو دينا ) ..

أنا عارف إنك يامحمود تقدر تغنيها وتلعلع كمان .. لأنها جوابات .. وإنت ملك الجوابات ..

وأنا باغنى الحاجات دى علشان أجر شكلك .. إنت والأحباب .. ويسعدنى ويشرفنى يشرف مزيكتى .. إنك تغنى عليها ..

وماتزعلش ياعم .. علشان بقول ( إتجرأت ) أو ( أمركم لله ) ..

أنا فعلاً محتاج مطربين يغنوا أعمالى .. ولو إنت قريب منى .. كنت خليتك تغنى أعمالى من بابها .. دون الحاجة لأن أغنيها أولاً ..


الحمد لله إنها عجبتكم .. وهذا غاية المراد من رب العباد ..


و الله يا عم محمد كل اعمالك بأحب الأستماع اليها و بتطربتى و تنعشنى .. من اول يا ام الطرحة معطرة ... لغاية عابد المداح .
و نفسى يا عم محمد أسمع منك حاجة لعباس البليدى ... عدينى يا معداوى ...

[M O H A M E D]

نفذتها .. كما هى .. بدون أى إضافات أو رؤية شخصية ..

وكالعادة .. كل شئ موجود فى العمل .. من تنفيذ العبد لله .. حتى الكورال النسائى



تسلم إيدك يا أستاذ محمد ..
و أحييك على تنفيذ اللحن كما هو .. بشكل رائع
بس بجد الكورال النسائي ده صوتك ؟؟ :eek: والله انت مشكلة يا عم محمد :mdr:
ربنا يسعدك يا مايسترو يا فنان
:emrose:

[محمودسعد]

لأ يا عم محمود .. أنا زعلان منك و مخاصمك :mdr::emrose:
يا راجل يا طيب أنا طلبت منك من أكثر من شهرين أغنيتين لسيد إسماعيل ... كمان بقى غرامة تأخير اضيف اليهم أغنية ( فايت و عينيه فى عينيا ) لعمنا أبور نور .. بالليالى و المواويل.
يا أستاذ محمود ... عبد المطلب و سيد إسماعيل كلاهما مطرب حقيقى لازم يتسلطن و ( يتّنك ) و هو بيغنى ... و العباقرة أمثال محمود الشريف و عبد العظيم عبد الحق و كمان سيد إسماعيل كانوا يضعون الألحان التى تسمح لهم بالتصرف و التطريب و الأتيان بما لا يستطيعه المطربون الأخرون .
يا عم محمود .. أراك مطربا من نفس عائلة طلب و سيد إسماعيل ... لازم تتسلطن و تأخذ راحتك و أنت بتغنى ... الألحان اللى بتخللى المطرب يغنى ( بين سطرين متوازيين لا يستطيع الخروج عنهما ) بتقلل كثيرا من انطلاقات المطرب و تجلياته .



السلام عليكم ورحمه الله وبركاته
بادئ ذي بدء ياسيدي فتعقيبك هذا يعتبر محاضره ؟؟
انا عارف انك عارف ياعم محمد ان انا راجل دوغري وبحب يكون اللي في قلبي علي لساني وانا مش قلبي بس اللي قاللي ؟؟لالالالا دا عقلي وقلبي واحساسي وخبرتي المتواضعه خلوني اقول ان اللي انت قلته يعتبر محاضره فنيه عاليه قوي ؟؟؟
كلنا بنغني من غير تفصيل فعلا ياعم محمد ومن غير مساحات كافيه تخلينا نقول ونقول مابداخلنا ؟فعلا هي دي الاغاني بتاعه اللي عاوز يغني لان فيها من المساحه اللي تخلي المطرب يلاقي نفسه ويسمع نفسه بجد ويستمتع يعني الحقيقه بتقول ان هناك من سمع ووعي لصوت المغني وفصل له لحنا يستطيع من خلاله ان يبرز محاسن صوته ومحاسن خياله كمان لان فيه مساحه والاعجب كمان زي مانت قلت ياعم محمد ان اي مطرب جميل اخر غني هذا اللحن هايلاقي زي مانت قلت مساحه للابداع الشخصي ؟
كلام كبير ياعم محمد كان لازم اذكره في الاول لان محاضرتك وتوجيهاتك ونصائحك جت فيه قوي ياعم محمد ياعاشق القنديل الاجمل سيدي محمد قنديل
ثانيا
انا ياعم محمد لن ابرر اي تقصير حدث مني وجعلك تخاصمني
فعلا انت محق ومن صميم حقوقك كعم ان تخاصمني وتصالحني
وانا ياعمي لقيت فرصه ومنحه منك تاني في ان اصالحك صلحا لاخصام بعده اطال الله في عمرك ومتعك بالصحه والعافيه ويخليك لينا ويبارك لنا في الالاتي اللي اتسبب مع عم محمد قنديل وعابد المداح في ان يجعلونا نستمتع ونتعلم بوجود كبار المحبين والمؤسسين ومغرمي قنديل معنا في المبدعون
عم محمد السلاموني وعمنا محمد علي

وطلباتك اوامر ياباشمهندس محمد وسانفذ ماامرتني به ان شاء الله مع منقذي وجابر خاطري الالاتي

[عفاف سليمان]

http://up.johina.net/up/20220/bsmlah.gif

الله الله الله
وكمان
الله
يعنى حضرتك تغيب عنا فترهhttp://www.sama3y.net/forum/attachment.php?attachmentid=180217&stc=1&d=1261887584
وتختفى وانت بتشاهدنا
داخلين ....خارجين من قسم المبدعون
وتفكر .....وتقرر....تيجى لنا بتحفه جميله
وفعلا
جئت لنا بأجمل التحف الفنيه
للقناديلى
محمد قنديل
عابد المداح
الله عليك يا استاذنا
طيب يعنى انا حاولت الصراحه انى اقتبس من كلمات
اخوانى السابقين
من جمال كلماتهم
لكن
قلت اكتب انا اللى يطلع من ضميرى الان
دون مبالغه او اوزان
او تحضير للكلام
رائع رائع رائع
دائما تبدع
يا رئيس قسم المبدعين
بجد
كلكم والله حلوين
كلكم ممتازين
وقسم اللى يدخله ميعرفش باب الخروج تانى
منين
يعنى بيجرش فيه كده بالبلدى
هههههههههههههههههه
تحياتى لك وللجميع
واجمل صباح
اختكم عفافhttp://www.falntyna.com/img/data/media/11/0076.gif

[Hisham Khala]

طول عمرك فنان رائع
بس قنديل غول غناء ، اقدر اقول انه اقوي صوت في جيله و الاجيال القادمة حتي قيام الساعة. ما غلبوش غير الفنان؟ توتي حوسي ؟ اللي وجعين دماغنا بيه في الفضائيات ....

[محمودسعد]

طول عمرك فنان رائع
بس قنديل غول غناء ، اقدر اقول انه اقوي صوت في جيله و الاجيال القادمة حتي قيام الساعة. ما غلبوش غير الفنان؟ توتي حوسي ؟ اللي وجعين دماغنا بيه في الفضائيات ....



ههههههههه
مين توتي حوسي ده يادكتور

ياحوستي ؟؟؟
قوللي مين
ههههههههههه
الله يحظك يادكتور علي راي الشراقوه
لا وال ايه ؟؟؟ غلب قنديل ؟؟
اه غلب قنديل البحر بقي ؟؟
ااااااااه ياحوستي ؟؟
بس برضه مين توتي حوسي ده ؟؟؟
والله انا مسخسخ خالص هههههههههه
الحقني يادكتووووووووووور
فكرتني بالفيلم والاطفال ععمالين يقولوا
دكتوري اوسني
اوسني دوكتوري

[الألآتى]

و نفسى يا عم محمد أسمع منك حاجة لعباس البليدى ... عدينى يا معداوى ...

حاضر ياعم محمد .. من عونيا .. قريباً تسمعها إن شاء الله

يانخلتين فى العلالى الحسن جملكم .. حبيبى فى قربكم ولا بعيد عنكم ..

[الألآتى]

بس بجد الكورال النسائي ده صوتك ؟؟ :eek: والله انت مشكلة يا عم محمد :mdr:
ربنا يسعدك يا مايسترو يا فنان
:emrose:


هو مش صوتى بالظبط .. أنا أديت الكورال النسائى .. بصوتى العادى ..

ولكن بطريقة معينة .. ثم إستخدمت بعض الفلاتر ليصبح نسائياً ..

خد بالك .. بطريقة معينة .. يعنى لم أغنى بصوت رفيع مثلاً .. لأ

باخد بالى أثناء الغناء .. أتلافى الحروف الخشنة .. زى الشين والخاء .. شغلانة يعنى ..

ميرسيه يادكتور محمد على تشجيعك .. ولسانك العسل ..

[الألآتى]

http://up.johina.net/up/20220/bsmlah.gif


الله الله الله
وكمان
الله
يعنى حضرتك تغيب عنا فترهhttp://www.sama3y.net/forum/attachment.php?attachmentid=180217&stc=1&d=1261887584
وتختفى وانت بتشاهدنا
داخلين ....خارجين من قسم المبدعون
وتفكر .....وتقرر....تيجى لنا بتحفه جميله
وفعلا
جئت لنا بأجمل التحف الفنيه
للقناديلى
محمد قنديل
عابد المداح
الله عليك يا استاذنا
طيب يعنى انا حاولت الصراحه انى اقتبس من كلمات
اخوانى السابقين
من جمال كلماتهم
لكن
قلت اكتب انا اللى يطلع من ضميرى الان
دون مبالغه او اوزان
او تحضير للكلام
رائع رائع رائع
دائما تبدع
يا رئيس قسم المبدعين
بجد
كلكم والله حلوين
كلكم ممتازين
وقسم اللى يدخله ميعرفش باب الخروج تانى
منين
يعنى بيجرش فيه كده بالبلدى
هههههههههههههههههه
تحياتى لك وللجميع
واجمل صباح

اختكم عفافhttp://www.falntyna.com/img/data/media/11/0076.gif



إيه ده .. إيه ده .. كل الكلام الحلو ده علشانى ..

يادى الهنا يادى الهنا .. وكمان صورة متحركة جميلة ..

ميرسيه يامدام عفاف ..

حلو الفرح إللى إنتى عاملاه ده ..

ربنا يديم علينا الأخوة والمحبة .. وتفضل المبدعون عمرانة بحسك وحس الأخوة الأعزاء ..

[الألآتى]

طول عمرك فنان رائع
بس قنديل غول غناء ، اقدر اقول انه اقوي صوت في جيله و الاجيال القادمة حتي قيام الساعة. ما غلبوش غير الفنان؟ توتي حوسي ؟ اللي وجعين دماغنا بيه في الفضائيات ....


ومين قال غير كده يادكتور .. بالتأكيد قنديل غول غناء .. وكلنا متفقين على كده ..

[ابو سيف المصري]

والله حضرتك فنان بمعنى الكلمة
وامتعتني فعلا ... شكرا لك يا استاذ:emrose:

[Hisham Khala]

ههههههههه

مين توتي حوسي ده يادكتور

ياحوستي ؟؟؟
قوللي مين
ههههههههههه
الله يحظك يادكتور علي راي الشراقوه
لا وال ايه ؟؟؟ غلب قنديل ؟؟
اه غلب قنديل البحر بقي ؟؟
ااااااااه ياحوستي ؟؟
بس برضه مين توتي حوسي ده ؟؟؟
والله انا مسخسخ خالص هههههههههه
الحقني يادكتووووووووووور
فكرتني بالفيلم والاطفال ععمالين يقولوا
دكتوري اوسني
اوسني دوكتوري

يا مكار يا محمود
من كلامك انت عارفه و عاوزني اكتب اسمه عشان يكون بيدخل علي سماعي بالمصادفة او حد يقوله و يرفع علي قضية ، دا واد وش محاكم.

[عفاف سليمان]

يا مكار يا محمود


من كلامك انت عارفه و عاوزني اكتب اسمه عشان يكون بيدخل علي سماعي بالمصادفة او حد يقوله و يرفع علي قضية ، دا واد وش محاكم.

مممممممممممم
طيب واللى فعلا يا د هشام
ميعرفوش زى حالاتى كده;)
اعرفه ازاى:o
على رأى نيلى
عروستىىىىىىىىىىىى:mdr:
ممكن تقولولى فى ودنى:chut:
ومش هقول لحد

[الألآتى]

إخوانى الأعزاء

عمل وطنى أخر .. من إبداعات محمد عبد الوهاب

صوت الجماهير

كلمات : حسين السيد

ألحان : محمد عبد الوهاب

توزيع : أندريا رايدر

الغناء حسب الترتيب ( عبد الوهاب ، نجاة ، شادية ، فايدة كامل ، فايزة أحمد ، عبد الحليم حافظ )

تنفيذ وكله ( علاوله ) : العبد لله

[Hisham Khala]

دخلنا علي الاعمال الكبيرة
صوتك رايق و اداء جميل.
يعني غيرت في التيم شوية و ما حدش اتكلم.
انا طبعاً سامع الترمبت ، و البيكولو شغالين الله ينور
تسلم الايادي.

[رائد عبد السلام]

إخوانى الأعزاء


عمل وطنى أخر .. من إبداعات محمد عبد الوهاب

صوت الجماهير

كلمات : حسين السيد

ألحان : محمد عبد الوهاب

توزيع : أندريا رايدر

الغناء حسب الترتيب ( عبد الوهاب ، نجاة ، شادية ، فايدة كامل ، فايزة أحمد ، عبد الحليم حافظ )


تنفيذ وكله ( علاوله ) : العبد لله



مش غريب عليك الإبداع
يافناننا االكبير
أ/ محمد الآلاتي .... نجم النجوم

والله ياأستاذ ده تراث عالي القيمة
وأنت فنان استثنائي ولا ينقص من قدرك ابداً
احتجاب الشهرة (التجارية) عنك
فنحن في مصر

وصدق المتنبي لما قال زمان :
وكم ذا بمصر من المضحكات
ولكنه ضـــحك كالبــــــــــكاء
:(

أحسنت ياأستاذ
وربنا يديك الصحة
:emrose:

[مروان شلبي]

إخوانى الأعزاء

عمل وطنى أخر .. من إبداعات محمد عبد الوهاب

صوت الجماهير

كلمات : حسين السيد

ألحان : محمد عبد الوهاب

توزيع : أندريا رايدر

الغناء حسب الترتيب ( عبد الوهاب ، نجاة ، شادية ، فايدة كامل ، فايزة أحمد ، عبد الحليم حافظ )

تنفيذ وكله ( علاوله ) : العبد لله



الاستاذ العزيز الالاتي

كالعادة دائما الأعمال الكبيره لاينفذها الاالكبار

ما احلى ومااصعب ان تحول صوره مطبوعه في الخيال وبكل

تفاصيلها الجميله الى واقع رائع

بصراحه برافوووووووووووو

[mohamedafify]

اخى الحبيب الالاتى الكبير كبير وهو دة الخط اللى بتبدع فية لازم يكون صعب عشان ينفذة استاذ الله ينور يا الاتى يا جامد بتمتع باختياراتك
اجمل تحية منى على هذا العمل الجميل
اخوك محمد عفيفى

[محمودسعد]

طاقه حيويه نشاط فن ابداع ابتكار انتقاء تنفيذ حلاوه
انا مش هقوللك الا الكلمه اللي كان الراجل الطيب بيقولها اثناء انشاد وابتهال عمنا نصر الدين طوبار
اللهم صلي علي حضره النبيييييييييييييييييييييييييييييييييييييييييييييي يييييي

[ابو سيف المصري]

اود ان احيي حضرتك على هذا المجهود الكبير والوفير
الذي يستحق الشكر .. وهذا اقل ما استطيع ان اقدمه:emrose:
حضرتك فنان عظيم

[الألآتى]

دخلنا علي الاعمال الكبيرة
صوتك رايق و اداء جميل.
يعني غيرت في التيم شوية و ما حدش اتكلم.
انا طبعاً سامع الترمبت ، و البيكولو شغالين الله ينور
تسلم الايادي.


وغلاوتك ماغيرت حاجة فى التيمة يادكتور ..

إنت عارفنى .. ماحبش أغير حاجة فى الأعمال الكبيرة دى ..

لأنى .. مش عبد الوهاب ولا أندريا رايدر .. ولا أجرؤ أن ألعب فى شغلهم ..

المسألة إنى إشتغلت بناء على تسجيل ستوديو للعمل .. يمكن تسجيل الحفل مختلف .. يمكن

أما حكاية الترومبيت والبيكولو .. فلازم يظهروا ويلعلعوا ..

ده أندريا رايدر ياجدعان .. ملك النحاس والخشبيات ..

[الألآتى]

مش غريب عليك الإبداع

يافناننا االكبير
أ/ محمد الآلاتي .... نجم النجوم

والله ياأستاذ ده تراث عالي القيمة
وأنت فنان استثنائي ولا ينقص من قدرك ابداً
احتجاب الشهرة (التجارية) عنك
فنحن في مصر

وصدق المتنبي لما قال زمان :
وكم ذا بمصر من المضحكات
ولكنه ضـــحك كالبــــــــــكاء
:(

أحسنت ياأستاذ
وربنا يديك الصحة

:emrose:


ياعم رائد .. شهرة تجارية إيه وبتاع إيه

سيبناها لهم .. يشبعوا بيها ..

كفاية عليا حبايبى وخلانى .. يسمعوا معايا ..

[الألآتى]

الاستاذ العزيز الالاتي

كالعادة دائما الأعمال الكبيره لاينفذها الاالكبار

ما احلى ومااصعب ان تحول صوره مطبوعه في الخيال وبكل

تفاصيلها الجميله الى واقع رائع

بصراحه برافوووووووووووو






الحمد لله إنها عجبتك ياأستاذ مروان ..

أنا فعلاً بحاول أنفذ العمل زى ماهو بالظبط .. علشان ماغيرش الخيال إللى عشنا عليه سنين طويلة

ميرسيه ياحبيب قلبى .

[الألآتى]

اخى الحبيب الالاتى الكبير كبير وهو دة الخط اللى بتبدع فية لازم يكون صعب عشان ينفذة استاذ الله ينور يا الاتى يا جامد بتمتع باختياراتك

اجمل تحية منى على هذا العمل الجميل

اخوك محمد عفيفى


كلامك بيشجعنى ياعفيفى .. ويحمسنى ..

ربنا مايحرمنى منك ولا من طلتك الجميلة ..

فين شغلك بقى يافنان .. إشتقنا .

[الألآتى]

طاقه حيويه نشاط فن ابداع ابتكار انتقاء تنفيذ حلاوه

انا مش هقوللك الا الكلمه اللي كان الراجل الطيب بيقولها اثناء انشاد وابتهال عمنا نصر الدين طوبار
اللهم صلي علي حضره النبيييييييييييييييييييييييييييييييييييييييييييييي يييييي


عليه أفضل الصلاة والسلام ..

لولا سلامك سبق كلامك .. لاكلت لحمك قبل عضامك ..

إيه إللى إنت كاتبه فى أول سطر ده يامحمود

كل ده .. أنا ؟

جايز .. إنت أدرى ..

[الألآتى]

اود ان احيي حضرتك على هذا المجهود الكبير والوفير

الذي يستحق الشكر .. وهذا اقل ما استطيع ان اقدمه:emrose:
حضرتك فنان عظيم


أشكرك أخى العزيز .. أخجلتم تواضعنا ..

[اسلام عاكف]

استاذنا....
ربنا يخللي حضرتك لينا ... وتحسسنا بوطنيتنا تاني ... اللي للاسف اتهزت شويه
شكرا يا استاذ .. وطبعا مفيش كلام على شغل حضرتك لاني كلامي مش حيقدر يوصف جمال حضرتك

[الألآتى]

إخوانى الأعزاء

سمعنا التقيل .. وطنى الأكبر ، صوت الجماهير ، عابد المداح .. ألخ

تعالوا نهلس شوية ..

تعالوا نسمع مع بعض موسيقى مشاعل

من أعمال الفنان هانى مهنا

بالرغم من أنها موسيقى راقصة ( ميزانسيه )

إلا أنها فيها شغل .. وخصوصاً فى الإيقاعات .. والتحويلات

ياللا نسمعها ..

[سيادة الرئيس]

إقفش النحت القديم يا ( آلاتي )

تسلم إيدك

[الألآتى]

إنت بتقول فيها يابو على ..

دى كانت أكثر ميزانسيه بنقوله فى الشغل ..

كانت كل هانم من دول .. نسألها .. حا .. على إيه يامدام ..

تقول لك مشاعل .. هو مافيش غير مشاعل .. كلكن متدربين عليها بس ..

وكنت واحد من القلائل إللى حافضينها كلها .. لأنها طويلة ومابتتقالش كلها فى الشغل ..

والسبب فى حفظى لها .. إن أخويا الكبير كان حقاق .. خليها حقاق ..

وكنا نقعد نذاكر أنا وهو فى البيت .. فكنت حافض الميزانسيهات كلها زى ماقال الكتاب ..

( سهرة ، شارع الهرم ، أحمد حمودة ، شروق ، مشاعل .. ) وغيرهم وغيرهم ..

كانت أياااام .......................... سوده

[Hisham Khala]

القطعة ممتازة الاداء و كنت ها اتكلم في التغييرات اللي حصلت فيها من كروماتك و تغييرات في المقامات ، و الناي اللي صوته حلو و الربع تون بتاعه 100٪ .... لكن لقيت كلمات غريبة عاوز افهمها:
النحت: خلاص فهمتها من السياق
حقاق: لم افهمها
ميزانسيه: فهمتها لما سمعت المقطوعة
نرجو الشرح و التوضيح

[سيادة الرئيس]

النحت: خلاص فهمتها من السياق
حقاق: لم افهمها
ميزانسيه: فهمتها لما سمعت المقطوعة
نرجو الشرح و التوضيح



بين الموسيقيين فقط و ده كان زمان كان يطلق على الطبله ( حُق ) بضم الحاء و تنطق عاميا ( حؤ )

و عازفها ( حقاق ) و تنطق ( حئاء ) و أظنها وليدة العازفون البسطاء لأن الكلمة أصلها العامي يعني ( حاوية دائرية ) فيقال
( حؤ بودرة )

و المصنع الأوحد لصنع كل المفرادات الشعبية الخاصة بالموسيقيين كان شارع محمد علي

[محمودسعد]

ياسلام ياسلام ياسلام
قلبت علينا النحت والمرمه والحقاق والابيج واميييييه والانصيف والسهلي بضم الميم والبرقع
ياااااااه
كل ده افتكرته من تعقيبك انت والغالي صلاح علام (سياده الرئيس)
صحيح كانت ايام ؟؟؟؟؟؟؟؟؟؟؟؟؟؟؟؟؟
مش سوده ؟
لا كانت ايام تمشي فيها في الشارع تلاقيه شبه فاضي
ياسلام عالتجاره وحلاوتهم وكازينو شريف وسرسع ووووو
زمان يافن
دلوقتي بتوع موبيليا كسر كمان في محمد علي
وعاوز يكون فيه فن ياراجل منك له ؟
البركه فيكم انتم ويديكم الصحه والعمر ويخليك لينا يامشعل مشاعل المبدعين ياالاتي

[الألآتى]

القطعة ممتازة الاداء و كنت ها اتكلم في التغييرات اللي حصلت فيها من كروماتك و تغييرات في المقامات ، و الناي اللي صوته حلو و الربع تون بتاعه 100٪ .... لكن لقيت كلمات غريبة عاوز افهمها:
النحت: خلاص فهمتها من السياق
حقاق: لم افهمها
ميزانسيه: فهمتها لما سمعت المقطوعة
نرجو الشرح و التوضيح


أهو سيادة الرئيس شرحلك يادكتور ..

ومحمود سعد فضحنا ..

وزيادة فى الفضيحة .. مانا خلاص سبت الشغلة .. حاقولك على شوية مصطلحات ومعناهم ..

محمود سعد قال شوية منهم زى :

النحت = الشغل
المرمة = شغلانة صغيرة ( على قدها )
الحقاق = الطبال
الأبيج = الأجر
أميييه = خليها فى سرك
الأنصيف = نصف جنيه
الصوهلى = جنيه
البرقع = ربع جنيه

وكمان شوية من عندى ..

الشمالة : خمسة جنيه .. وكانت زمان خمس قروش
العنترة : عشرة جنيهات .. وكانت زمان عشرة قروش
الرخوة : الأكل
مآحلى = الشاى

وغيرهم وغيرهم .. ده غير الكلام بالسيم .. أو السين

يعنى كل كلامنا يبدأ بحرف السين .. ثم نقول كلمة تبدأ بالحرف الذى وضعنا مكانه السين .. شغلانه يعنى

بس الكلام ده قدام الزباين بس .. لكن بينا وبين بعض .. بنتكلم عادى ..
ياللا .. عايزين فضيحة أكتر من كده ..

كل ده بسبب مشاعل

كلما بقى يادكتور هشام .. عن التغييرات والكروماتيك والذى منه .

[الألآتى]

ياسلام ياسلام ياسلام

قلبت علينا النحت والمرمه والحقاق والابيج واميييييه والانصيف والسهلي بضم الميم والبرقع
ياااااااه
كل ده افتكرته من تعقيبك انت والغالي صلاح علام (سياده الرئيس)
صحيح كانت ايام ؟؟؟؟؟؟؟؟؟؟؟؟؟؟؟؟؟
مش سوده ؟
لا كانت ايام تمشي فيها في الشارع تلاقيه شبه فاضي
ياسلام عالتجاره وحلاوتهم وكازينو شريف وسرسع ووووو
زمان يافن
دلوقتي بتوع موبيليا كسر كمان في محمد علي
وعاوز يكون فيه فن ياراجل منك له ؟
البركه فيكم انتم ويديكم الصحه والعمر ويخليك لينا يامشعل مشاعل المبدعين ياالاتي


تصور بقى يامحمود .. إنى عمرى ماشتغلت فى محمد على .. أو طلعت مع أى فرقة من هناك ..

لأنى كنت بشتغل فى باب الشعرية .. وكانت معايا فرقتى الخاصة ..

وكنا بنعتبر محمد على .. مستوى أقل من باب الشعرية .. لأنه لامم من كل لون ..

طبعاً لما كبرت .. كنت باروح الشارع علشان أجيب البنات بس .. وماحدش يفهم غلط .. البنات يعنى الراقصات .. علشان الشغل ..

الله يخرب بيت دى أيام .. وتقوللى مش سودة ياعم محمود ..

[محمودسعد]

تصور بقى يامحمود .. إنى عمرى ماشتغلت فى محمد على .. أو طلعت مع أى فرقة من هناك ..

لأنى كنت بشتغل فى باب الشعرية .. وكانت معايا فرقتى الخاصة ..

وكنا بنعتبر محمد على .. مستوى أقل من باب الشعرية .. لأنه لامم من كل لون ..

طبعاً لما كبرت .. كنت باروح الشارع علشان أجيب البنات بس .. وماحدش يفهم غلط .. البنات يعنى الراقصات .. علشان الشغل ..

الله يخرب بيت دى أيام .. وتقوللى مش سودة ياعم محمود ..


اه ياخويا قلب علينا قلب
مش بقوللك الدم بيحن
الله يرحمك يابو كحله انت وجلال الشنكحاوي وعم توكال ورمضان القهوجي بتاع الدفراوي وغير بقي محمد الامبابي ؟؟؟
يااااااه
الله يباركلك يابو حسام
تصور ان الحال من بعضه في حكايه باب الشعريه ؟؟برضه انا خريج باب الشعريه
بس والله كانت ايام حلوه يامحمد
رغم اي شئ ؟؟ علي الاقل كنت بتتعامل مع فنانين مش نبطشيه وكان زميلك يعني فنان ؟مش حاجه تاني وماكانش اي واحد بيجعر يبقي مطرب وماكانش اي واحد يسجل سيديهايه ايا كان بيشتغل ايه وفجاه تلاقيه بقي مطرب
ياعم بقي؟؟؟؟؟؟
وانا ياعم راضي حكم الناس القديمه ؟
هل دلوقتي هو اللي اسود ؟؟ولا زمان من 30 سنه ؟؟؟
ولنعتبر ده سؤال للجميع ارجو الاجابه عليه
وانا راضي ياالاتي ؟؟

[الألآتى]

اه ياخويا قلب علينا قلب

مش بقوللك الدم بيحن
الله يرحمك يابو كحله انت وجلال الشنكحاوي وعم توكال ورمضان القهوجي بتاع الدفراوي وغير بقي محمد الامبابي ؟؟؟
يااااااه


ربنا يرحمهم جميعاً .. وفاكر ( عم قرنى ) مكوجى الرجل .. كان قصاد أبو كحله على طول .

دلوقتى الشارع كله مش موجود .. الحكومة هدت المكان كله علشان تفتح شارع على بورسعيد ..

حتى الذكريات مستكترينها علينا .

[عفاف سليمان]

http://www.sama3y.net/forum/attachment.php?attachmentid=181370&stc=1&d=1262158951
ماشاء الله ماشاء الله
الابداع فعلا ابداع والله
اعتذر عن تأخرى اليومين اللى فاتوا
بسبب تعطل النت وبطئه عندى والله
بجد والله http://www.sama3y.net/forum/attachment.php?attachmentid=181369&stc=1&d=1262194954
ومجهود اروع
واختيار اجملhttp://www.sama3y.net/forum/attachment.php?attachmentid=181371&stc=1&d=1262194954
تحياتى لك دائما بالابداع المتميز
ويارب يارب دائما منورين قسم المبدعون
وتتحفونا بكل جديد وجميل
تحياتى للجميع:thankyou:
اختكم عفاف

[عفاف سليمان]

أهو سيادة الرئيس شرحلك يادكتور ..


ومحمود سعد فضحنا ..

وزيادة فى الفضيحة .. مانا خلاص سبت الشغلة .. حاقولك على شوية مصطلحات ومعناهم ..

محمود سعد قال شوية منهم زى :

النحت = الشغل
المرمة = شغلانة صغيرة ( على قدها )
الحقاق = الطبال
الأبيج = الأجر
أميييه = خليها فى سرك
الأنصيف = نصف جنيه
الصوهلى = جنيه
البرقع = ربع جنيه

وكمان شوية من عندى ..

الشمالة : خمسة جنيه .. وكانت زمان خمس قروش
العنترة : عشرة جنيهات .. وكانت زمان عشرة قروش
الرخوة : الأكل
مآحلى = الشاى

وغيرهم وغيرهم .. ده غير الكلام بالسيم .. أو السين

يعنى كل كلامنا يبدأ بحرف السين .. ثم نقول كلمة تبدأ بالحرف الذى وضعنا مكانه السين .. شغلانه يعنى

بس الكلام ده قدام الزباين بس .. لكن بينا وبين بعض .. بنتكلم عادى ..
ياللا .. عايزين فضيحة أكتر من كده ..

كل ده بسبب مشاعل


كلما بقى يادكتور هشام .. عن التغييرات والكروماتيك والذى منه .



تصور بقى يامحمود .. إنى عمرى ماشتغلت فى محمد على .. أو طلعت مع أى فرقة من هناك ..

لأنى كنت بشتغل فى باب الشعرية .. وكانت معايا فرقتى الخاصة ..

وكنا بنعتبر محمد على .. مستوى أقل من باب الشعرية .. لأنه لامم من كل لون ..

طبعاً لما كبرت .. كنت باروح الشارع علشان أجيب البنات بس .. وماحدش يفهم غلط .. البنات يعنى الراقصات .. علشان الشغل ..

الله يخرب بيت دى أيام .. وتقوللى مش سودة ياعم محمود ..




اه ياخويا قلب علينا قلب

مش بقوللك الدم بيحن
الله يرحمك يابو كحله انت وجلال الشنكحاوي وعم توكال ورمضان القهوجي بتاع الدفراوي وغير بقي محمد الامبابي ؟؟؟
يااااااه
الله يباركلك يابو حسام
تصور ان الحال من بعضه في حكايه باب الشعريه ؟؟برضه انا خريج باب الشعريه
بس والله كانت ايام حلوه يامحمد
رغم اي شئ ؟؟ علي الاقل كنت بتتعامل مع فنانين مش نبطشيه وكان زميلك يعني فنان ؟مش حاجه تاني وماكانش اي واحد بيجعر يبقي مطرب وماكانش اي واحد يسجل سيديهايه ايا كان بيشتغل ايه وفجاه تلاقيه بقي مطرب
ياعم بقي؟؟؟؟؟؟
وانا ياعم راضي حكم الناس القديمه ؟
هل دلوقتي هو اللي اسود ؟؟ولا زمان من 30 سنه ؟؟؟
ولنعتبر ده سؤال للجميع ارجو الاجابه عليه
وانا راضي ياالاتي ؟؟

http://up.johina.net/up/20220/bsmlah.gif

والله انا استمتعت بالموسيقى
وبالكلمات الجميله عن السين اللى بيبقى بين الموسيقيين
المفروض تعملوا قاموس للغه دى فى ملف قبل ان يتنسىhttp://www.sama3y.net/forum/attachment.php?attachmentid=181373&stc=1&d=1262159914
وينتهى مع الزمن
كنوع من المعلومات العامه
مش هتضر لكن ممكن تفيد
هههههههههههههههههه
تحياتى دائما لابداعاتكم الجميلهhttp://www.sama3y.net/forum/attachment.php?attachmentid=181372&stc=1&d=1262159914
و يارب دائما تنوروا سماعى
وتذكرونا معكم بايااااااااااااااااام زمان
اختكم عفافhttp://www.falntyna.com/img/data/media/11/0076.gif

[سيادة الرئيس]

و في السياق و لكي تعم الفائدة أنصح و بشدة الإطلاع على هذا الموضوع

هنا (http://www.sama3y.net/forum/showthread.php?t=62992)

[محمودسعد]

عليه أفضل الصلاة والسلام ..

لولا سلامك سبق كلامك .. لاكلت لحمك قبل عضامك ..

إيه إللى إنت كاتبه فى أول سطر ده يامحمود

كل ده .. أنا ؟

جايز .. إنت أدرى ..


اه انت ؟
عاجبك ولا مش عاجبك
وصح انا ادري

[محمودسعد]

كلامك بيشجعنى ياعفيفى .. ويحمسنى ..

ربنا مايحرمنى منك ولا من طلتك الجميلة ..

فين شغلك بقى يافنان .. إشتقنا .


__________________
مع تحياتى .. محمد الألآتى .. أبو حسام .




انا مش عاوز اتكلم وساكت خالص اهو
انا مش عارف انت فيه ايه ياعفيفي
كفايه بقي يااخي ؟؟

[محمودسعد]

و في السياق و لكي تعم الفائدة أنصح و بشدة الإطلاع على هذا الموضوع

هنا (http://www.sama3y.net/forum/showthread.php?t=62992)


اللي عاوز يتعلم لغه غريبه عليه لانها لغه ولاد الكار (الفنانين )
يدخل فعلا موضوع سياده الرئيس
مع ان اللغه دي اندثرت بس عم صلاح فكرنا بيها هو والالاتي

[Hisham Khala]

شحلوح شمبول بلابل المفلي

انتم فاكرين انكم الواحدين اللي تعرفوا السيم

السخس فونا ذي فونا

= الشخص فينا ذو فن

[رائد عبد السلام]

شحلوح شمبول بلابل المفلي


انتم فاكرين انكم الواحدين اللي تعرفوا السيم

السخس فونا ذي فونا


= الشخص فينا ذو فن



علي غير العادة في العالم كله
يبقي المصري هو الوحيد
القادر علي بعث النكتة من أشد الظروف قسوة

وهكذا ... استطاع أبناء كار الفن أن يخترعوا لهم
لغة تسليهم وتهوّن عليهم ساعات الشقاء والسهر
ذات الملاليم التي تكفي بالكاد لإطعام العيال !!

سلابوقلي سملـّح شلاقوطـّة
=
بصراحة ... مش عارف معناها :mdr::mdr::mdr:

[عفاف سليمان]

علي غير العادة في العالم كله

يبقي المصري هو الوحيد
القادر علي بعث النكتة من أشد الظروف قسوة

وهكذا ... استطاع أبناء كار الفن أن يخترعوا لهم
لغة تسليهم وتهوّن عليهم ساعات الشقاء والسهر
ذات الملاليم التي تكفي بالكاد لإطعام العيال !!

سلابوقلي سملـّح شلاقوطـّة
=

بصراحة ... مش عارف معناها :mdr::mdr::mdr:


شحلوح شمبول بلابل المفلي


انتم فاكرين انكم الواحدين اللي تعرفوا السيم


السخس فونا ذي فونا


= الشخص فينا ذو فن
والله ردودكم موتتنى من الضحك:mdr:
حلوه اخونا وشاعرنا الرقيق رائد عبد السلام
مفيش ترجمه
ههههههههههههههههههههههههههه
ود هشام كمان عارف اللغه الجميله الخفيفه دى
بس متهيئلى دى صعبه شويه ان الواحد فى العصر ده يحفظهااااااااا
او بالاخص عنى انا
وفقكم الله الى كل خير
ودائما من المبدعين ومصريين خفاف الدم
اختكم عفاف

[abuzahda]

النحت = الشغل
المرمة = شغلانة صغيرة ( على قدها )
الحقاق = الطبال
الأبيج = الأجر
أميييه = خليها فى سرك
الأنصيف = نصف جنيه
الصوهلى = جنيه
البرقع = ربع جنيه

وكمان شوية من عندى ..

الشمالة : خمسة جنيه .. وكانت زمان خمس قروش
العنترة : عشرة جنيهات .. وكانت زمان عشرة قروش
الرخوة : الأكل
مآحلى = الشاى


نسيت أهم حاجة يا :emrose:أستاذ:emrose:





الكيت


* * *

[الألآتى]

نسيت أهم حاجة يا :emrose:أستاذ:emrose:





الكيت


* * *






ماتنقطنا بــ .. ياعم السيد .. :mdr:

[محمودسعد]

ماتنقطنا بــ .. ياعم السيد .. :mdr:



تصدق صح
بس كيت دي تبع المحلات اكتر انما في الشوارع كان الحوا بكسر الميم وكمان السبيج بس اهم حاجه نسيتوها عاوزين نرخي يعني عاوزين ناكل

[محمودسعد]

انتوا نسيتوا موضوع المشاعل ولا ايه؟؟؟؟؟

[abuzahda]

ماتنقطنا بــ .. ياعم السيد ..



تصدّق يا :emrose:أستاذ:emrose: .....
رغم إنك قدهيَّجت شجوني ، كنت ناوي أنقطكم بسكاتي ....

لكن بالعند في الكيت مش هسكت الليلة دي


خاصةً و :emrose:عمّي محمود:emrose: ، ذكر : التجارة و كازينو شريف و سرسع ..... ونسي خليل الدمس ، مع إنه - حسب علمي - مازال بعمارة الوحدة ! لم ينتقل من أمام حديقة أرض شريف
(اللي زرعها عمّي أنور الشهير بمحمود الترزي)


أمّا باب الشعرية ، شي لله يا سيدي عبد الوهاب ، شي لله يا سيدي الخوّاص .


لماذا دائماً كان شارع محمد علي (أقصد ما بين سوقيْ العتبة و السلاح) يعتبر المقر الحي لنقابة الموسيقيين ؟ و ليس باب الشعرية ؟


و ما الذي يجعل أم كلثوم "تقعد" على قهوة التجارة لتلتقي بالموسيقيين أيام تأسيس النقابة ؟ ثم يسلك مسلكها كل من رشح نفسه لمنصب النقيب (رأيت الأستاذ أحمد فؤاد حسن ، أثناء حملته الإنتخابيّة مع أقطاب فرقته الماسيّة . في الثمانينات)


ربما تغيّر الوضع الآن كما أشار عمّي محمود سعد ، لكني أتكلم عن ذلك الزمن الذي خرج فيه من باب الشعرية : معوض العربي ، الذي أوجد لنفسه مساحة بين هرمي ذلك الزمان : كتكوت و عدويّة ، فغنت مصر كلها :تاكسي المطار و فكهاني و ياواد انت ياهايل (ياعمّي ابو حسام)



ثم حسن الأسمر ، الذي صنعته صدفة سقوط ألبوم طقطقة لعدوية ، فغرّق مصر بـ عيون ست البنات ، و كان شكل جديد لاهو بالأغنية و لا ه بالموال (رَصْ) ، لكن تواضع موهبته و انعدام ثقافته الإجتماعيّة و طبقته المصنوعة ... لم تؤهله لأن يكون عدوية جديد ، رغم الفرص التي أتيحت له (أعجبها مشاركته النجمين : نيللي ، أسطورة الإستعراض ، و حسن كامي ، مطرب الأوبرا في مسرحية إنقلاب من إخراج جلال الشرقاوي )



ثم عبد الباسط حمُّودة ، الذي كانت وكالات الأخبار تصور غناءه بالأفراح الشعبية ، لكنه خيّب التوقعات أيضاً ..




في محمد علي ، كانت هناك مرجعيّة فنيّة ، تتمثل في أخذ رأي أهل الخبرة ، فقد كان هناك الريّس بيرة و عمّي حمص و ابو عزة (عازف الأوكرديون) ، و علي العرايشي .... وغيرهم ممن لايضعون أنفسهم موضع المنافس لطالب المشورة .



مرّة شفت الطوخي توفيق (مخرج المعارك السينمائية) بيهزأ منولوجست بزئ (توفاه الله) ، فما كان من المنولوجست - الذي اشتهر ببزاءته - إلا أن قبل رأسه ثم همس له بأذنه ، و فهم الحاضرون من رد الطوخي أنه : أكل عيش .


لكن ، عندما فاجأنا معوض العربي ، بشعوذات الطرابيش المغربي .... لم يجد من يوجه له النصح ..


،


المهم يا عمّي ابو حسام ، هيّ دي عادتك و مش هتشتريها ،
كل ما ننام .... تصحينا


فكرتني بالخرنفش و القاضي بوهار و الطشطوشي و سوق اللمون و شارع الجيش و عبده باشا ....
و الله يسامحك



أمّا بالنسبة لمشاعل ، فلقد استمعت إليها و (....) تدخل إلى المسرح كفراشةٍ بوشاحٍ من لهيب الشروع في السهر ....
تقبل الله توبتها و غفر للجميع.


* * *

هو الملف اللي انت رفعته ده يا عمّي محمد ، من توزيعك ؟
المزيكا فيها ريحة شغلك (اللي بيصحي الذكريات النايمين)

[الألآتى]

بس اهم حاجه نسيتوها عاوزين نرخي يعني عاوزين ناكل


مانسيتهاش ياعم الصاحى ..

إرجع لمشاركتى من تانى ..



وكمان شوية من عندى ..

الشمالة : خمسة جنيه .. وكانت زمان خمس قروش
العنترة : عشرة جنيهات .. وكانت زمان عشرة قروش
الرخوة : الأكل
مآحلى = الشاى

[الألآتى]

انتوا نسيتوا موضوع المشاعل ولا ايه؟؟؟؟؟



البركة فى صلاح علام .. إللى رجع لنا الذكريات ..

[الألآتى]

فكرتني بالخرنفش و القاضي بوهار و الطشطوشي و سوق اللمون و شارع الجيش و عبده باشا ....
و الله يسامحك




الذكريات بالفعل حلوة ياعم السيد .. خصوصاً لما تتشارك فيها مع آخرين .. لهم نفس الذكريات ..

عموماً : أنا لسه بانزل باب الشعرية لحد دلوقتى .. لأن بيت العيلة مازال موجود .. وأبويا عايش فيه ..



هو الملف اللي انت رفعته ده يا عمّي محمد ، من توزيعك ؟

المزيكا فيها ريحة شغلك (اللي بيصحي الذكريات النايمين)


لأ ياعم السيد .. مش من توزيعى .. من توزيع هانى مهنى .. وأنا قمت بتنفيذه بمجهود فردى ..

أما بخصوص ماذكرته عن شارع محمد على وشهرته المدوية ..

فهو بالفعل كان أشهر من باب الشعرية بكثير

ربما لأنه كان الأقرب للبلد وللنقابه ولمعظم الفنانين ..

وربما أيضاً لأنه يحوى كل الألوان والأصناف البشرية ( على كل لون ياباتستة )

ويمكن لأنه الشارع الموصل للقلعة ( مركز الحكم زمان )

على كل حال .. الموضوع محتاج لبحث متخصص .. ليس هنا مكانه بالتأكيد ..

[الألآتى]

وبمناسبة مشاعل .. والميزانسيهات ..

طلبوا منى أعمل ميزانسيه لمشهد فى كباريه .. فى إحدى المسرحيات الشبابية ..

وعملت الميزانسيه بالفعل ..

وفى أول ليلة للعرض .. خرجت الرقاصة ( فى المسرحية ) وهات يارقص وتنفيض ..

وفجأة .. لقينا الصالة ولعت .. وهاج الجمهور وهات ياتصفيق وصفافير .. وكأننا فى كباريه بالفعل .

وإضطرينا لإختصار الميزانسيه .. حتى لايحدث مالا تحمد كعباه ..

وبعدها .. تم إلغاء مشهد الراقصة نهائياً ..

أنا مازعلتش .. بالعكس .. فرحت .. لأن الميزانسيه بتاعى أقنع الجمهور بالمشهد لدرجة أنهم نسوا أنها مسرحية .

[اسلام عاكف]

كالعادة طبعا يا استاذ محمد
مفيش كلام يتقال على حلاوة حضرتك و نحت حضرتك(يعني شغل ولا انا بعك؟؟؟؟) :mdr:
واشكر حضرتك والاساتذة الكبار
على هذة المناقشة الممتعة والمفيدة ;)
بس اللغة دي اصعب من الصيني وعايزة سرعة بديهة جبارة
ما شاء الله على حضراتكم:rolleyes:
فنانين بقى:)

[ahmed noor]

والله يا استاذ محمد انا مش عارف اتكلم عن مشاعل

ولا اشكركم على المناقشه الجميله دى

مشاعل جميله ويكفى لمستك ولو كان برفعها بس

ثانيا لغة الكار دى مازالت موجوده فى الدقهليه ودمياط وكفر الشيخ

بس انتم نسيتو _ البدهه _ يعنى اقلب بدرى بدرى

شكرا يا مايسترو

[الألآتى]

بس انتم نسيتو _ البدهه _ يعنى اقلب بدرى بدرى


شكرا يا مايسترو


أيوه .. مظبوط ياأحمد

البدهة .. يعنى القفلة .. أو النهاية ..

وإحنا مانسيناش ولا حاجة

إحنا ذكرنا أمثلة فقط .. لأن المصطلحات كثيرة ..

[محمودسعد]

أيوه .. مظبوط ياأحمد

البدهة .. يعنى القفلة .. أو النهاية ..

وإحنا مانسيناش ولا حاجة

إحنا ذكرنا أمثلة فقط .. لأن المصطلحات كثيرة ..



والسلوطي كمان
يعني اخر حاجه في الفرح

[كمال عواد]

طبعا والله مانا عارف اقول ايه بعد كل اللى اتقال.......
اختيارات راقيه جدا..وتنفيذ ولا اروع..وفنان بكل المقاييس
وما تحويه الكلمه من ابداع وحس وثقافه فنيه وغير فنيه....
والله ماحرمنى انى استمع الى هذه الاعمال...غير النت اللى مجننى...مش عارف شركات النت بتستهتر بالفلاحين ولا ايه....

حبيبى اسعدتنى والله جدا بهذه الغنوه الحماسيه الرائعه..وادائك
للمعانى الرائع......الف شكر يامايسترو..الف شكرعلى كل هذا الجهد

[الألآتى]

طبعا والله مانا عارف اقول ايه بعد كل اللى اتقال.......
اختيارات راقيه جدا..وتنفيذ ولا اروع..وفنان بكل المقاييس
وما تحويه الكلمه من ابداع وحس وثقافه فنيه وغير فنيه....
والله ماحرمنى انى استمع الى هذه الاعمال...غير النت اللى مجننى...مش عارف شركات النت بتستهتر بالفلاحين ولا ايه....

حبيبى اسعدتنى والله جدا بهذه الغنوه الحماسيه الرائعه..وادائك
للمعانى الرائع......الف شكر يامايسترو..الف شكرعلى كل هذا الجهد

قلبى معاك ياأستاذ كمال .. لو ينفع أبعت لك شوية نت فى قرطاس أو سلطانية ..

ميرسيه ياحبيب قلبى على كلماتك المشجعة ..

[هشام سليمان]

استاذنا الفاضل ابو حسام طالما بدأت كمل يا بطل ( ست الحسن وشموع وميرفت ونيلى )علما اننىمن هواه احمد حموده وست الحسن وسهره يا ريت تكمل اللى بدأته استاذنا الفاضل

[الألآتى]

استاذنا الفاضل ابو حسام طالما بدأت كمل يا بطل ( ست الحسن وشموع وميرفت ونيلى )علما بانى كنت فضل احمد حموده وست الحسن وسهره يا ريت تكمل اللى بدأته استاذنا الفاضل

أشكرك أخى العزيز هشام على ثقتك فى شخصى المتواضع ..

لكننا ياأخى لابد أن نراعى كل الأذواق ..

فنحن فى منتدى يهتم بالأصالة فى الموسيقى والغناء فى المقام الأول ..

ولانريد أن نحول القسم لموسيقى الرقص والشخلعة :mdr:

والسبب فى وضعى لموسيقى مشاعل .. أن بها مايستحق التنفيذ والسماع .. وليست مجرد موسيقى راقصة .

وأعدك أن ألبى طلبك على فترات .. حتى نفسح المجال للأعمال الأخرى

[هشام سليمان]

استاذنا الفاضل ردك فقط شرف لى ولو انت متعبتش فى حقظ وتنفيذ التابلوه ده وغيره على نفس الشاكله (يبقى ده شخلعه) مع وافر احترامىلشخصك الكريم وفنك الراقى وذوقك العالى واحساسك البديع

[الألآتى]

تحقيقاً لرغبة بعض الأخوة

إليكم ميزانسيه أخر ..

ست الحُسن

من أعمال الموسيقار محمد سلطان

تنفيذ العبد لله ..

[ahmed noor]

:emrose:بسم الله الرحمن الرحيم:emrose:

مبدأيا انا ليا الشرف اكون اول حد يرد على الموضوع

المزيكا تحفه يا استاذ محمد:emrose: والنقلات بتاعتها جميله

ومش جديد على حضرتك التميز

بارك الله فيك وفى ابداعاتك الفنيه

تقبل تحياتى

ابنك احمد نور

[كمال عواد]

شوية مزيكا تحفه...وتنفيذ كالعاده جنان...وفكرتنى بايام عشتها
فى الغردقه..زمان...مع فرقه من طنطا...وانا واد صغير..كده بيحب يغنى...اشتغلت شهر معاهم...واول يوم شغل..لقيتهم..عدوا
على شوية بنات راقصات...ولقتنى واقف اغنى..وادامى واحده بترقص...وافتكرت الميزانسيه..اللى الراقصه كانت تدخل عليه
ده كان طبعا فى القرى السياحيه..وكام اغنيه كده..حفظتهم مع الفرقه...وبقينا نقضى الساعه....وفضلت شهر ياعمنا...مستنى اقبض فلوس...ولقيت بعد السهر ده كله...مبلغ تافه............
وقالولى ياستاذ كمال...مفيش نقطه..الناس بتسمعك..وماتتفرجش على الرقاصه...انت مابتعرفش تجيب نقطه(ههههههههههههه)

ومن يومها ماشتغلتش مع فرق تانى...........................
اشتغلت بالعود مع نفسى..كده فى قريه...مرتب شهرى........ومحاسب الصبحيه
وكان ديما المشكله معايا...النقابه..(يعنى رجعت لايام.وتجارب جميله...وحياه تانيه خالص..)قلت افتكرها معاك.ونضحك

لانى قريت التعليقات بتاعتكم وذكرياتكم الجميله مع العمل

[fadyviolin]

مشكور مايسترو هذه المعزوفة جميلة جدا وانا اؤديها مع فرقتي الموسيقية ولكن اتحفتني بها لاننا نؤديها على السمع وقد سمعناها من تسجيل قديم ويا ليت اذا متوفر عندك معزوفة ( سهرة ) للموسيقار الراحل المايسترو احمد فؤاد حسن واكون لك من الشاكرين وتسلم ايديك جدا جدا مايسترو اخوك عازف الكمان فادي تمور من سوريا حمص

[Hisham Khala]

تحقيقاً لرغبة بعض الأخوة

إليكم ميزانسيه أخر ..

ست الحُسن

من أعمال الموسيقار محمد سلطان

تنفيذ العبد لله ..


و الله انا افتكرت انك ها تسمعنا ست الحسن بتاعة محمود الشريف
لكن الظاهر الحنين و الشوق زايد لأيام "النحت" (استعارة من كلام سيادة الرئيس ، من موضوع مشاعل)
علي العموم الشغل 100٪ و آخر روقان و الله ينور

[الألآتى]

شوية مزيكا تحفه...وتنفيذ كالعاده جنان...وفكرتنى بايام عشتها
فى الغردقه..زمان...مع فرقه من طنطا...وانا واد صغير..كده بيحب يغنى...اشتغلت شهر معاهم...واول يوم شغل..لقيتهم..عدوا
على شوية بنات راقصات...ولقتنى واقف اغنى..وادامى واحده بترقص...وافتكرت الميزانسيه..اللى الراقصه كانت تدخل عليه
ده كان طبعا فى القرى السياحيه..وكام اغنيه كده..حفظتهم مع الفرقه...وبقينا نقضى الساعه....وفضلت شهر ياعمنا...مستنى اقبض فلوس...ولقيت بعد السهر ده كله...مبلغ تافه............
وقالولى ياستاذ كمال...مفيش نقطه..الناس بتسمعك..وماتتفرجش على الرقاصه...انت مابتعرفش تجيب نقطه(ههههههههههههه)

ومن يومها ماشتغلتش مع فرق تانى...........................
اشتغلت بالعود مع نفسى..كده فى قريه...مرتب شهرى........ومحاسب الصبحيه
وكان ديما المشكله معايا...النقابه..(يعنى رجعت لايام.وتجارب جميله...وحياه تانيه خالص..)قلت افتكرها معاك.ونضحك

لانى قريت التعليقات بتاعتكم وذكرياتكم الجميله مع العمل

هههههههههههه .. أيوه فعلاً ياأستاذ كمال .. إنت ماتعرفش تجيب نقطة ..

لأنك بتغنى .. وشغل الأفراح محتاج نوعية معينة من المطربين ..

لأن المسألة سبوبة وأكل عيش .. مش تسجيل إذاعى ..

[الألآتى]

مشكور مايسترو هذه المعزوفة جميلة جدا وانا اؤديها مع فرقتي الموسيقية ولكن اتحفتني بها لاننا نؤديها على السمع وقد سمعناها من تسجيل قديم ويا ليت اذا متوفر عندك معزوفة ( سهرة ) للموسيقار الراحل المايسترو احمد فؤاد حسن واكون لك من الشاكرين وتسلم ايديك جدا جدا مايسترو اخوك عازف الكمان فادي تمور من سوريا حمص

أشكرك أخى العزيز على كلماتك المشجعة ..

وبالنسبة لموسيقى سهرة .. ستجدها على هذا الرابط ..

http://www.sama3y.net/forum/showpost.php?p=139188&postcount=18 (http://www.sama3y.net/forum/showpost.php?p=139188&postcount=18)

[عفاف سليمان]

استاذ محمد
دى مش ست الحسن بس
دى ست الحسن
وست الكلhttp://www.sama3y.net/forum/attachment.php?attachmentid=183000&stc=1&d=1262811792
وست الناس
و
ست ستات
بصراحه جميله جدا
وتورزيع رائع
خصوصا الجزئيه الاخيره منها
وصوت حضرتك فيها مع التوزيعhttp://www.sama3y.net/forum/attachment.php?attachmentid=183001&stc=1&d=1262811792
تحياتى لاختياراتك الجميله
ويارب دائما من المبدعوووووون
واتمنى لكم وللجميع اسعد وارق واطيب الاوقات
اختكم عفافhttp://www.falntyna.com/img/data/media/11/0076.gif

[fadyviolin]

الف شكر لك استاذنا الكبير ولكن اذا ممكن سؤال هل هناك مقطع موسيقي ناقص في المعزوفة اي من الدقيقة 1,44 وبعدها ام نحن كنا نسمعها من تسجيلات غير الفرقة الماسية ام انه النقل عن الكاسيت لانه قبل مقطع الحجاز هناك مقطع سيكاه وصولو اكورديون وصولو مزمار على كل هذه المعزوفة سارسلها لك وقد عزفتها مع فرقتي الموسيقية ولكن اردت الاصلية للمقارنة واشكرك للاهتمام اخوك فادي تمور

[اسلام عاكف]

والله يا استاذ انا بكون في موقف صعب جدا وانا برد على عمل من اعمال حضرتك
لاني ببقى خايف اقول كلام اقل من قيمة العمل
وميوفيش حق حضرتك
.....
ممكن اسأل سؤال؟؟؟
ميزانسيه يعني ايه بالظبط؟؟
.....
وممكن اطلب طلب؟؟؟
ممكن يا استاذنا تمتعنا بمزيكة مسسلل زيزنيا (المقدمة)
لمحمد الحلو
......
انا عارف ان كدة اوفر :mdr:
بس معلش بقي يا استاذ

[هشام سليمان]

استاذنا الفاضل ابو حسام لك مزيد الشكر والحب والاحترام وربنا ما يحرمنا من عطائك الفنى مبدع كعادتك فأنت تعمل على اسعادنا بفنك ادام الله عليك الصحه وراحه البال انت واسرتك اجمعين

[ملحن مصري]

أعتذر أستاذ محمد عن عدم التعليق لوجود مشكله عندي ف النت لانه مفصول
لكن حبيت اوجهلك كل الشكر لتذكيرنا باعمال تم تجاهلها منذ فتره

[محمودسعد]

اهو النت وصل ياعم والحمد لله
وشك حلو
ايه ياعم الذكريات اللي بتقلبها علينا دي
ياسيد الحسان وحط كسره تحت الحاء ؟
والله انت رائع دائما ونادر في اختياراتك ومبدع في توزيعاتك
ربنا يديك الصحه
يانشيط ياهمام يافنان

[الألآتى]

إخوانى الأعزاء

على بالى

محمد عبد الوهاب

مأمون الشناوى

تنفيذ : محمد الألآتى

[كمال عواد]

اهيم عطشان وانا ساقى بدمعى زهر ايامك...الله الله الله يا استاذ
اقول ايه بس...شىء محترم...وتنفيذ راقى.حساس..الجمل كلها
سواء توزيع لها او اداء لالاغنيه..كلها احساس..يسلم العقل
اللى فكر ورتب...ويسلم القلب اللى حس. والصوابع اللى عزفت.كل حرف فى الاغنيه
الجميله لموسيقار الاجيال...والاداء السليم جدا..اللى كلنا بنتعلم
منه بدون مجامله والله.....وحمدا لله على سلامتك..ومن تالق
الى تالق دائما..ومساء الانواروالنغم الحلو

[Hisham Khala]

الله الله
ايه ياعم الابداع
الايقاع تحفة
و التلوين في استخدام الآلات رائع
بس فين الباص؟ و ما تقوليش أعلي ال Sub-hover لأن سمعتها علي سماعات Surround
بس هي جميلة كده

[الألآتى]

بس فين الباص؟ و ما تقوليش أعلي ال Sub-hover لأن سمعتها علي سماعات Surround


لا تعلّى ولا توطى ..

خد ياسيدى الملف ده علشانك ..

وقول لى رأيك فى لعب الباص ده .

[fadyviolin]

الحمد لله على سلامتك استاذنا الكبير الف سلامة عليك ..........ما هذه الدرة وهذا الاداء الدافيء والتنفيذ الرائع والله حقيقة شيء رائع بدون ولا ادنى مجاملة فالشيء الجميل لا يخبئ نفسه ولا يسعك الا ان تقول الاه من القلب يعطيك الف عافية استاذ محمد

[الألآتى]

اهيم عطشان وانا ساقى بدمعى زهر ايامك...الله الله الله يا استاذ
اقول ايه بس...شىء محترم...وتنفيذ راقى.حساس..الجمل كلها
سواء توزيع لها او اداء لالاغنيه..كلها احساس..يسلم العقل
اللى فكر ورتب...ويسلم القلب اللى حس. والصوابع اللى عزفت.كل حرف فى الاغنيه
الجميله لموسيقار الاجيال...والاداء السليم جدا..اللى كلنا بنتعلم
منه بدون مجامله والله.....وحمدا لله على سلامتك..ومن تالق
الى تالق دائما..ومساء الانواروالنغم الحلو

مايحرمنيش من ذوقك وكلامك الجميل ياكمولة ..

ربنا يسلمك من كل شر ..

[الألآتى]

الحمد لله على سلامتك استاذنا الكبير الف سلامة عليك ..........ما هذه الدرة وهذا الاداء الدافيء والتنفيذ الرائع والله حقيقة شيء رائع بدون ولا ادنى مجاملة فالشيء الجميل لا يخبئ نفسه ولا يسعك الا ان تقول الاه من القلب يعطيك الف عافية استاذ محمد

الله يسلمك ياأستاذ فادى ..

لقد أحسست أنى بعيد عن القسم وعنكم .. فأردت العودة بعمل شيك وراقى ..

ولم أجد أحسن من ( على بالى ) ..

أشكرك لسؤالك عنى .

[fadyviolin]

الله يسلمك ياأستاذ فادى ..


لقد أحسست أنى بعيد عن القسم وعنكم .. فأردت العودة بعمل شيك وراقى ..

ولم أجد أحسن من ( على بالى ) ..


أشكرك لسؤالك عنى .

استاذنا الكبير ما شاء الله عليك كل اعمالك راقية وشيك ولست بحاجة لشهادة من احد بعدين انت كنت بعيد عنا بالجسد ولكن روحك معنا وانت في قلبنا وستظل هكذا باذن المولى القدير عافاك الله

[M O H A M E D]

على بالي والله يا أستاذ محمد :emrose:
استمتعت جداً بالأغنية
و بدون أي مجاملة أداءك رائع ، و لايق عليك اللحن :) ..
أما التنفيذ الموسيقي فهو لعبتك و انت ما شاء الله لعِّيب كبير ;)
تسلم لنا يا مايسترو .. و دايماً تمتعنا بحضورك و إبداعاتك .. و ألف حمد لله على سلامتك :emrose:

[Hisham Khala]

لا تعلّى ولا توطى ..

خد ياسيدى الملف ده علشانك ..

وقول لى رأيك فى لعب الباص ده .



هي جميلة و روعة من اول مرة و مش محتاجة باص عشان الايقاع الدم بتاعه طاغي علي الباص ، في المرات القادمة اعمل للحاجات اللي لها ايقاع قوي باص معاكس للايقاع عشان يظهر مع التك لان الدم طاغي عليه.
و الله هي حلوة و جميلة كده ، بس انا باعكسك شوية.

[محمودسعد]

ماهو الحال من بعضه ؟؟
انت تقوم بالسلامه وده المهم والاهم وانا استلم السرير ؟؟لاوايه ؟؟النت كان قاطع ومالحقتش اكتب واقول اني عياااااااااااان والبرد اسلمني بذمه يابو خالد بس الحلاوه في كده انك كنت ومازلت وستظل علي بالي اخا وصديقا ومعلما وطيبا ورجلا بمعني الكلمه بس المره دي اول مره ماتسالش في التليفون وخايف لتكون زعلان مني بس انت عارف ان حياتي كلها تخلص حرب تلاقي حرب واهو الواحد بعون الله وبنفسك معي بس الحمد لله لما قمت من نومتي الرخمه والنت حن ووصل دخلت بسرعه لقيتني علي بالي ومغنيلي علي بالي وطبعا شكلي لسه ماسمعتش بس علا الجواب باين من عنوانه ياعمنا وبصمه الالاتي دائمه موجوده ومميزه وفريده ونادره ومنتقاه بعنايه شديده وده شئ بتعلمه منك ولسه هاتعلمه
وتسلملنا دايما ويارب دائما سليم معافي

[الألآتى]

ماهو الحال من بعضه ؟؟

انت تقوم بالسلامه وده المهم والاهم وانا استلم السرير ؟؟لاوايه ؟؟النت كان قاطع ومالحقتش اكتب واقول اني عياااااااااااان

حبيب قلبى .. ألف سلامة ..

أنا مش ممكن أزعل منك يامحمود ..

أنا محضر لك شوية قنابل .. بس مش حاتسمعها إلا عندى ياحلو ..

مش حانزلها المنتدى إلا بصوتك ..

[الألآتى]

على بالي والله يا أستاذ محمد :emrose:

استمتعت جداً بالأغنية
و بدون أي مجاملة أداءك رائع ، و لايق عليك اللحن :) ..
أما التنفيذ الموسيقي فهو لعبتك و انت ما شاء الله لعِّيب كبير ;)
تسلم لنا يا مايسترو .. و دايماً تمتعنا بحضورك و إبداعاتك .. و ألف حمد لله على سلامتك :emrose:


ربنا مايحرمنى من طلتك عليا ياسلامونتى ..

كلك ذوق ورقة ألفاظ يادكتور محمد .

[الألآتى]

هي جميلة و روعة من اول مرة و مش محتاجة باص عشان الايقاع الدم بتاعه طاغي علي الباص ، في المرات القادمة اعمل للحاجات اللي لها ايقاع قوي باص معاكس للايقاع عشان يظهر مع التك لان الدم طاغي عليه.
و الله هي حلوة و جميلة كده ، بس انا باعكسك شوية.


أصل إنت مش فاهم اللعبة جت إزاى يادكتور هشام ..

دى من المرات القلائل .. إللى بستخدم فيها Loop Bass ..

يعنى مش مانيوال زى معظم أعمالى .. علشان كده ماتحكمتش فى موازير الباص .

عموماً .. الأغنية القادمة ( جاهزة ) .. حاتسمع الباص وتستلذ بيه .. حلوة تستلذ دى .