"هكذا تكلمت درعة" الشعر الغنائي لواحات وادي درعة

[مصطفى]

هـكـذا تـكـلـمـت درعــة(1)



لقد تعددت الفنون الشعبية التي يزخر بها المغرب، حتى بات بعضها لصيقا بمنطقة بعينها دون أخرى. و نظرا لهذه الخصوصية المكانية لم يُكتب لهذه الفنون أن تنتشر على نطاق أوسع، و ظلت حبيسة رقعة جغرافية ضيقة، بالرغم من قيمتها الفنية و الشهرة العالمية التي عرفتها بعض الألوان من التراث الشعبي.
إن التراث اللامادي الذي تزخر به واحات وادي درعة ليس مجرد رقصات و أهازيج كما يعرف البعض، أو كما يُسوق له البعض، بل هو نصوص تراثية و ثقافة شفهية قيمة، لا تقل قيمة عن فن الملحون، هذا الأخير الذي كُتب له أن يحظى بالعناية العلمية الأكاديمية اللازمة بفضل مجهودات العلامة محمد الفاسي الذي عمل على جمع قصائد الملحون و حفظها في موسوعة علمية بعد أن كانت مشتتة بين الحُفاظ في مختلف المدن، و كشف لنا عن قيمتها الفنية و الأدبية كما فعل الفراهيدي مع الشعر العربي؛ و كذلك الشأن بالنسبة لفنون واحات وادي درعة، فبعد دراستها سوف نجد أن نصوصها تقع في نفس مستوى القصيدة الملحونية من حيث تنوع الشكل و المضمون، غير أنها لم تحظى بنفس لاهتمام الذي لقته قصيدة الملحون نظرا لعدم وجود باحثين متخصصين في هذا الشأن. و من بين محاولات جمع هذا التراث اللامادي كانت هناك محاولة جليلة من قبل مجموعة من الباحثين، تحت إشراف الاستاذ عبد العزيز الراشدي، من أجل جمع و توثيق التراث اللامادي لواحات وادي درعة في كتاب سماه "هكذا تكلمت درعة"، و هو كتاب يقع في 549 صفحة و قد جُمعت نصوصه مباشرة من أفواه الرواة، نظرا لقلة النصوص المكتوبة، فكانت ثمرة هذا المجهود الضخم أن كشف عن نصوص تهجس بتاريخ و حضارة و حياة لمنطقة موغلة في العتاقة و العمق. و أكيد أن هذا العمل و ما سيأتي بعده من بحوث و دراسات سيفيد الباحثين في العلوم الاجتماعية في فهم الثقافة الدرعية أكثر. و قد حاول الباحثون توثيق أغلب صنوف القول الدرعي من عربي و أمازيغي مثل فنون الرسمة و الركبة و أقلال و السقل و الكدرة و أحواش و أحيدوس و غيرها.
لقد حصلت على نسخة من هذا الكتاب منذ ستة أعوام، و قد اكتشفت من خلاله فعلا أن فنون واحات درعة ليست مجرد رقصات أو استعراضات فولكلورية، و إنما هي نصوص أدبية شعبية مغناة لها نظامها "العروضي" الخاص بها شأنها شأن باقي القصائد الأخرى، لذا ارتأيت أن أدرج في هذا الموضوع بعض القصائد المختارة ليطلع عليها الباحث الزائر لمنتدى سماعي، و تجدر الاشارة إلى أن جل القصائد التي كتبت تظل مجهولة الناظم، فمن أخَص مميزات الأدب الشعبي أنه لا يُعرَف قائله، لأن الكلام هو الذي وصل بالتواتر و تم إغفال قائله.
و الشكر أولا لكل من ساهم في إعداد هذا الكتاب الذي أُعتبره معلمة في "كْلامْ" ناس درعة أو "الهَضْرَا" كما يطلقون عليها محليا.

https://www.sama3y.net/forum/attachment.php?attachmentid=416216&d=1591840277
ــــــــــــــــــــــــــــ
(1) عن كتاب هكذا تكلمت درعة، (مشروع توثيق التراث اللامادي بواحات وادي درعة)، إعداد مجموعة من الباحثين، إشراف عبد العزيز الرادشدي. الطبعة الأولى 2013. منشورات القصبة

[مصطفى]

القصيدة الأولى
من فن الرسمة





بسم الله و الصْلا على رْسولِ الله

هي دُكَّــــار كل حــــــــاجـــــــة

بســـــــــم الله فــــاولــو لْعْبـــادة

بسم الله مْنْ يْكُولها عَمْرو ما خابْ

بســـــــــم الله سْبْقَت الشْهــــــادة

بســـم الله واجْبة علينا بْالصْــوابْ

بســـــــــم الله لَّعْقْــــــــلْ يْفـــادة

بســـم الله بَرَكْة المَاكْل و الشْرابْ

بســـــــــم الله حْرْفْهـــا خْـواجــــة

بسـم الله كُلْ خْلْقْ فيها عادْ دْواهْ

مولاهـــا لْــكريــــم نــــاجــــــــا

يــا سَعْدْ القارييــن فْكتــــوبْ الله

هي دُكَّـار كــل حـــاجـــــــــــــة

*****

بسم الله و الصْلا على رْسولِ الله

هي دُكَّــار كـــل حـاجــــــــــــــة

يـا مْنْ تْفْهْمْ عْليـــــــهْ صْلِّـــــــي

و ابْدا مْدْحْ الْرْسول مْسا و صْبـــاحْ

مُوضْع مْكان خالــــــــــــــــــــي

ضُو الدّْنيا و لاَخْرة مولى لْربــاحْ

هُوَ كَنْزي و راسْ مالــــــــــــــي

هُوَ طْبِّي وْ راحْتي من كلْ جْراحْ

نْولِّــــي نْدكرو افْراجـــــــــــــــة

يْبـراَ لْعــقــــلْ مْن لْهْمــــــــــــوم

يْصيبْ دواهْ هوَ لِعادْ لِي عْلاجَة

من صابـــــــــي فْكُلْ يـــــــــــومْ

فْحْياتي نْلْڭاهْ هِيَ دْكَّار كُلْ حاجة

*****

بسم الله و الصْلا على رْسولِ الله

هي دُكَّــار كـــل حـاجــــــــــــــة

صْلـــى الله علــى لْمْفضّْــــــــــل

فَكْ جْميعْ الرجال بالهَمَّا و الشَّانْ

قَدْ زْوارْڭْ تْبــــاتْ تْهْطَـــــــــــلْ

وْ عْدادْ بْروكْها تَضْوي فالميزانْ

في تَمْجادْ و ڭْطَّعْ و فَصَّــــــــــلْ

يا فْمِّي إلى بْغيتْ تْبْرى مْنْ لْمْحانْ

كــانْ انتَ بْغيتْ تْـنْـجـــــــــــــى

وْاتْــركْ دي لْهْتـــــــــــــــــــوف

و استغفْرْ الله في رَحْمة سيدنا تْرْجى

وْلِّي رْجـــــــاهْ فـــــــــــــــرْضَ

يْوَفِّي ليهْ رْجاهْ هِيَ دْكَّار كلْ حاجة

*****

بسم الله و الصْلا على رْسولِ الله

هي دُكَّــار كـــل حـاجـــــــــــــة

يـــــــا مَسْعــدْ يُــوم زادْ لينــــــا

شهْرْ الموُلودْ لِيلةْ تنْعاشْ ضْواتْ

و ظْهرْ فَضْـــلو وْ بانْ لينــــــــا

مَسْعْدْ فيــهْ عيدْ بـــاخْتْ يا لَمَّاتْ

و التـالْـفْ مــا شْـكى عْلينــــــــا

غَرُّو يبْليـــسْ ســـارْ بيهْ للهواتْ

و اتـرْكْ ديــنْ النبــي و مـا جــــــــا

يا مَزْغْبْ فالڭْنوسْ داك لِعصــــاهْ

و تْـبـعْ ابليــس فْلحْراجـــــــــة

ابليس يَسْ من رْحمة الله و عْصاهْ

هي دُكَّــار كـــل حـاجـــــــــــة

صلـى الله عليــه ديـمــــــــــــا

ما دارْ الدهر و الليالي و الفُلْك

قَـدْ الخــالْـقـــــة بْـهيمـــــــــــة

و عْدادْ الطِيرْ قَدْ لَنْسْ مْعَ لْمْلوكْ

تـمْـجادُ وْ ما يْليهْ كيمــــــــــة

صلى الله على الرسول المبروك

منْ فضْلو واهْجَتْ لْوَهَّاجة

نارْ الكْويرْ و الكْواكْبْ منْ رِضاهْ

و لاحْــتْ الظْـــلامْ فــجـَّـــــــــا

مَنْ نورْ شْفيعنا عليه سْلام الله

هِيَ دُكَّار كلْ حاجة

*****

بسم الله و الصْلا على رْسولِ الله

هي دُكَّار كل حاجة

بسم الله ڭْلْتْ في كْلامي

بسم الله واجْبة عْلَ العبدْ المك

بسم الله ڭْلتْ في نْظامي

بسم الله تَغْسلْ العبدْ منْ الدُّنوبْ

صلى الله على التهامي

صَلاَ مْتَصْلة طَبْبَت كُلْ لَعْيوبْ

بسم الله وَسْمْها طْهاجة

بسم الله ترفع الدَرَجة

بسم الله ما خْفى العبدْ على مُولاهْ

بسم الله ما يْخيبْ حَدْ لِّي يسْعاه

هِيَ دُكَّار كُلّْ حاجة

(الشاعر الحسين بن امبارك)

[مصطفى]

القصيدة الثانية
من فن الرسمة



وْ ما قَبْل الموت وْ ما بَعْد الموت ** يا ربي كُنْ لي فْموتي

بسم الله بْديتْ نَوْزَنْ ** فالتَبْر الخالْصْ لَمْشَحَّرْ بالميزان

أنا دُومالي أُو مْخَزَّنْ ** وَنْحَبْ التّْبْر وَ اسراتي ولْبيزانْ

وَزَنْ وَرْزَنْ وْشْدْ و اخْزَنْ ** وانصَبْ وارغبْ وعَيَّطْ لرافعْ لَمْزان

يا من بْدا بنَفسُو قَبْل يْكُنْ الكوْنْ ** الكَايْنْ قَبْلْ كُلْ كايْنْ منْ لَكْوانْ

يا مَنْ صَوَّرْتْ الكَوْنْ بينْ الكافْ ** والنونْ يا منْ قَالِّه كُنْ بَعْد اكانَ كانَ

اسْألتَكْ بالنَبي احمدْ مفتاحْ الكَوْنْ ** و القبْلة و لَبقيعْ و لْبيتْ ولَرْكان

الساكْنْ يَتْسَكَّنْ ** وَاسْعَدْ فْمسْكنو

و النفس ليه تَرْكنْ ** بالصَّاحْ فْمَرْكنو

و السعدْ يَتْمَكَّنْ ** فعْلا الدرجْ مَّكْنو

يا ربِّي صَلَّحْ لي دْنْيِيتي


لا تَبْليني بْخابْتَة وَ لاَ مَخْبوتْ ** واجْعَلْ فالصَّالْحة كْلَمْتي

نَجِّيني مَنْ لْحَقْدْ و لَحْسدْ و لَبْهوتْ ** يا رَبِي كُنْ لِي فْمُوتي



*****



وْ ما قَبْل الموت وْ ما بَعْد المَوْت ** يا ربي كُنْ لي فْموتي

يا رَبِي ما خْفاكْ رَغْبي ** لاَ تَنْهَرني وَلا تْخَيَّبْ لِي مَرْغوبْ

يا رَبِّي شوفْ حالْ شَيْبي ** و ارحَمْ ضَعْفي وَ لاَ تْحافيني بْدْنوبْ

يا مَنْ نَسْعاكْ يا نَعْمْ التَّوابْ ** وادْرَكني يا الله بَكْمالْ التُوبة

وَامَرْني بالرْجوع لِكْ بْغَرّْ عِتابْ ** مَنْ قَبْلْ لاَ يَتَّغْلَقْ بابْ التُوبَة

واسْمَحْ لِي ما جْنيتْ فالشَرْكْ لَّغْتابْ ** وارْحَمْني لاَ تْكُنْ روحي مَتْعوبَة

انا كْثيرْ لَعْيوبْ ** عَدْتْ كُلْ عايْب

وارْجَعْت بَعْدْ لَهْروب ** مْنْ كُلْ عَيْبْ تايْبْ

يا رَبِّ كُلْ مَربوب ** و مْواهْبْ لَمْواهْبْ

اجْعَلْ تَوْبْ الرِضى كْسَوْتي

واجْعَلْ بينْ لْمْلايْكْ لْساني مَتْبوتْ ** واعْتَقْ يا خالْقي رْقَبْتِي

منْ نارْ الزَّمْهرير وَ شْرار البَهْموت ** يا رَبِّي كُنْ لي فْموتي



*****



وْ ما قَبْل الموت وْ ما بَعْد المَوْت ** يا ربي كُنْ لي فْموتي

يا ربِّي بالنَبي المَكِّي ** و جْبَلْ عَرْفة و مَنْ وْقَفْ فيهْ وْ مَكَّة

تَجْعَلْني فالوَرى مْزَكِي ** بالصَّلاَ و الصِّيامْ و الحَجْ و الزَكا

انتَ رَبِّي عليكْ نَشْكي ** ما خابْ عَبْدْ عَنْ مولاهْ شْكى

اللهم بْحَقَّكْ مولايا علْيكْ ** واسأَلْتَكْ بِكْ يا السامْعْ لمْنْ دْعاكْ

انْتَ الغَفورْ فْلَخْطا مَنْ تايْبْ ليكْ ** يا مْنْ صَوَّرْتْ صورْتي في شانْ رْضاكْ

انتَ سُلطانْ ما يْلِكْ فالمُلكْ شْريكْ ** واناَ مَمْلوكْ واقْفْ فْبابَكْ نْرْجاكْ

يا رَبَّنا اسْأَلْتَكْ منْ جودَكْ و احْسانَكْ

انتَ لْخيرْ عَنْدْكْ ** ضافِي عْلى عْبادْكْ

غْنيني بْفَضْلكْ ** الواسْعْ احْسانْكْ

واجْعَلْ مْشَرْبي وْ قوتي

دِكْرَكْ فْلْساني حْلاَ مَنْ لَدّْ القُوتْ ** واجْعَلْ يا خالْقي قْسْمْتي

قَصْرْ مْؤيَّدْ فْجَنَّةْ لَعْلاَ موْروثْ ** يا ربِّي كُنْ لي فَمُوتي



*****



وْ ما قَبْل الموت وْ ما بَعْد المَوْت ** يا ربي كُنْ لي فْموتي

يا رَبِّي يا قْريبْ لَعْطا ** يا مَنْ سَمِّيتْ نَفْسكْ الله العاطي

أنا عبدَكْ كْثيرْ لَخْطا ** وانتَ تغْفْرْ دَلَّةْ العبدْ الخاطي

عيْطة مْتْرادْفة فْعيْطة ** عَيَّطّْ عْليكْ ياكْ تسْمعْ لْعْياطي

يا منْ هو يدُّو عْلى لْعْطا مبْسوطة ** وْعْلى الوَرى جمعها كَفُّو مبْسوطْ

اللهم بِحَرْفْ الهاء و الطَّا ** غْني نَفْسي اللَّهطى عْلى المَلْهوطْ

واعْجْلْ بمْفاتْح لْقفالْ المربوطة ** وعْطيني فالكَوْن فاشْ انا مربوط

حتى نْكونْ فرْباطْ ** الصَّالْحينْ مربوطْ

و تْكونْ بينْ لْكْواط ** رجْلي فْراشْ أَكْطَ

و بْغيتْ فوقْ لْبساطْ ** كُلْمَا عَزّْ مبْسوط

غَلَّب رْزْقي عْلى نْفقْتي

اصلَحْ لي جْماعتي واهْدي لَخُّوت ** دهَّبْ ابليسْ عن اعتَبْتي

واعطَفْ بلْغَيْثْ عْلى الحَرَّاثْ ولْمحروثْ ** يا ربي كُنْ لي فْموتي



*****




وْ ما قَبْل الموت وْ ما بَعْد المَوْت ** يا ربي كُنْ لي فْموتي

يا مُولى الجْودْ يالْباقي ** يا مَنْ لِيهْ الدْوامْ و العَزْ و البْقا

اسألْتَكْ بالنْبي التاقي ** منْ اسمِيتُو انتَ العروة الوثقى

ترْحمْني لا نْكُنْ شاقي ** و اكتابي سْعيد نْحررْ لا نْشْقى

نتْوسل لِكْ بْجاهْ بوبكر الصديق ** نتوسل لِكْ بْجاهْ عمر الفاروق

نتوسلْ لِكْ بْجاه عثمانْ الرْفيق ** نتوسل لِكْ بصاحْبْ السيف المخلوق

تجْعلني من اولادْ فاطْمة تحْقيقْ ** لحم و عظْمْ دمْ و جوارْحْ و عْروق

تجعلْني محقَّقْ ** منْ لْشْرافْ لْحْقاق

منْ النسْل المصدَّقْ ** مول اللوى و البُراقْ

مَنْ لِيه القمر انشَقْ ** مَنْ بِيه زادْ لْشْراق

لْغيتْ لْمنْ سْغا نَعْتي

و انفِيضْ مْرامْتي فالنْسْبْ المنعوتْ ** منْ لا يبحتْ بحالْ بَحْتي

ما يعرْفْ بينْ ضادْ لْشْرافْ اليَقوت ** يا ربِّي كُنْ لِي فْمُوتي


*****



وْ ما قَبْل الموت وْ ما بَعْد المَوْت ** يا ربي كُنْ لي فْموتي

أَمُولايا فْحالْ صُغْري ** شَلاَّ دَوَّزْت بالصْبا وانا يْشيرْ

أَمولايا تقالْ وَزْري ** شْلاَّ نَحْمْلْ لا نْسرَعْ كِيف انْديرْ

أَمولايا يَبْياضْ عَضْري ** وهْرْمْتْ و افْراغتْ لاَ حْيالْ مْعَ التدبيرْ

أَمولايا ارْحمتَكْ تْفكْ المَحْصورْ ** و تْفكْ لِيسيرْ منْ عنْدْ الكفار

أمولايا انت فالكتاب المسطور ** حنَّانْ حْليمْ جَيِّد كْريمْ و غَفَّارْ

أمولايا خلَّفْتْ محمد مبرور ** اشفعْ فَامْتو هلْ الدنيا لُوْزارْ

من تابْ و استغفرْ ** و ارجع قالْ باري

و هُوَ النفس و اهجَرْ ** شيْطانها الضَّاري

قْبَلْ اتُوبْ و اغفَرْ ** ذنبو يا الباري

يا رب البيتْ يومْ لَبْتي

فْبِيتْ لْقبْرْ لا تخلِّيني مَكْبوبْ ** فضلَكْ يَغْنِي عْلى حَسَنْتي

يا دا العْزْ و الشَّملاَ و الجبَروت ** يا ربي كُنْ لِي فْمُوتي



*****



وْ ما قَبْل الموت وْ ما بَعْد المَوْت ** يا ربي كُنْ لي فْموتي

يا من هُو عَلْ الموت ساهي ** يَقَّضْ نْفْسكْ رُدْ بالْكْ لاَ تْسْهى

اكْدَعْ يا التابْعْ لَمْلاهي ** فالدْنْيا شُوزْ لاَخْرة رَدْ الوَلْهة

مَدَا ترْجاكْ منْ دْواهي ** الموت القبر لْحْسابْ بعْدْها

الحمد لله و الشكر لله ** ما خابْ عبدْ قْصَدْ مولاهْ

منْ خْدَمْ الله صابْ مَرْغوب فالله ** و جْميعْ لِّبْغاهْ عَنْدو وَهَبْ لِيهْ

ربي عبدو و نْشاهْ سبْحانو و اعْطاهْ ** و آمرْ لِّدعاهْ يستَجبْ دْعاهْ

سَعْدْنا بْطَهَ ** اكرم لَكْريمْ متْواهْ

و امْتو رضها ** حسن الرضى من رضاهْ

و ظْلامها فْجاها ** دينْ الاسلامْ ضْواهْ

قالْ الله لْغَني رحمتي

و لْحورْ و لبْساطْ لفْراشْ المَبْتوتْ ** و الحوض كتَّرتو نعمتيم

و السلسبيلْ لامَة حْبيبي ألليوت ** يا ربي كُنْ لي فْمُوتي


*****



وْ ما قَبْل الموت وْ ما بَعْد المَوْت ** يا ربي كُنْ لي فْموتي

نْهيتْ جواهْرْ لَقْصيدة ** لله الحمد و الشكر كَمَّل المقصودْ

بجواهر لَفْظْها سْعيدة ** واقْفْ الميمون سَعْد السَّعْدْ مسْعود

و افْديتْ سْرارْها نْفيدة ** ودُّو امْدادْ ودْنا بِهْ الوَدْ وَدْ

مولانا كل خير سبحانُو عندو ** رحَمتو سابْقة فضَلْ لْعبادْ

سلطان عْلى الدوامْ في ملكو وحدو ** يفعلْ ما شَا عْلَ نْهايْة مورادو

و الى نادى ماريد وصالو عبدو ** وارد لا يشِعْ فالخلقْ فْسادْ

قالْ الداعي فْلَنْشادْ ** عبدكْ بن الوَليد

ياكْ يا الصَمَدْ انتَ الله وْحيدْ

وامَرْتْ جْميعْ لْعبادْ ** يدعوك يا الواحد

احسنت الظن في رجوتي

فيك لغاتْ بجاه طه غوت الغوت ** تشفي بجاهتو مقلْتي

و تبني على الشهادة يوم الموت ** يا ربي كُنْ لِي فْمُوتِي



الشاعر محمد بن الوليد التنسيطي الدرعي

(و قد يكون كتب في الملحون أيضا، فقد ورد نفس الاسم في معلمة الملحون لمحمد الفاسي)

[مصطفى]

القصيدة الثالثة

من فن الرسمة




ما كَرْبو بْعيشة عنهم ما جا خْبيرْ ** لْعْرابْ باعْدو بالجورة
ماكَرْبو بوفوطى عَرَّاتْ لُوطى ** و ظلَّتْ جْمالْ في وَهْطة بها شايْمينْ
وْمَا خَصْ خاطْري كَنطة روحي قانْطة ** و بينْ لخْيامْ تَتْوطَّى كَسَّم الوالْعينْ
وْ طَلْكَتْ تْيوتْ مَمْشُوطة صبْحَتْ حانْطة ** و خايْفْ يْشوفْها يبْطى صافْيَة الجبينْ
و طاعو لْبوخْويتْهُم نقرة
لْبْناتْ ما يْشَبْهو عِينْ الباز الشرِّير ** الجَايْبة نَعَّاتْ الكَمْرة
هيَ تْشابْهْ المَا الحَيْ وْ هُما غْديرٍ ** لْعْرابْ باعْدو بالجُورة
*****
ما كَرْبو بْعيشة عنهم ما جا خْبيرْ ** لْعْرابْ باعْدوبالجورة
ما كَرّْبو بُودْوَّاح كْحِيلْ لَمَّاح ** جَيَّحْتْ لْعقَلْ تَجْياحْ عْليها نْكُول
و طْلْكَتْ تْيُوتْها مُباحْ عْلى الجِيبْ طاحْ ** بالمسك و لَغْوالي فاحْ سَكَّت لْفْتولْ
و نْصَرْ لَغْيود لِها راحْ نْهارْ كَبَّاحْ ** لِهَا دْعاوْ بالتَّرْباح ونَصْر يْكُول
و طاعُو لْبُوضْفيرة خضْرة
مَحْدَة فوكْ مصْرْفْ عِينو تَزْهْرْ زْهيرْ ** ماحو عْراشْها بالطَّمْرة
وَسْطْ الرْياضْ في عرْصةْ مولاي لَكْبيرْ ** لْعْرابْ باعْدو بالجورة
*****
ما كَرْبو بْعيشة عنهم ما جا خْبيرْ ** لْعْرابْ باعْدوبالجورة
غَيْدة منَّا و لَخْدودْ تْنُورْ دُّورْ تْجُور ** تلْبسْ خْلاخلْ المَعْصورْ كحَيْلْ لَمَّاعْ
العايْشة بْصي الخُورْ عَلاَّمْ الشْرورْ ** طاعُو لْزينَة لْمَهْضور الغيْداتْ كَاعْ
و صبَّحْ فْريكْهُم مشْمورْ عْلى كل شُورْ ** مَتْمعَّدْ شْهاوي بُورْ فَبْطَنْ لُوساعْ
مْثْلْ لْهْلالْ بَكْرة حَمْرة
مَتْيَصْلا حَمْيانِيَّة مَنْ كَسْب كِيرْ ** شَتَّاتْ في وْهامْ الدُورة
كَضَّتْ أَيَامْ تَفْسكِّي لَمْجابْدْ زْعِيرْ ** لعْرابْ باعْدُو بالجُورَة

[مصطفى]

القصيدة الرابعة
من فن الرسمة





واجْبْ عْلِيكْ تبْكي لِيلْ وْ نْهارْ يا السْكَّارْ مايْلُومَكْ عَرْبي
يُومْ لَخْميسْ كَاعْ تْلَمُّـو ** دارُو جْمايْعْ لْحيْوانْ
كُلْهــا مْغُوفْلْ شَبَّهْمُّـو ** شَرْكو فْعالَتْ النسْوانْ
صاحْبْ الدِّين فيهْ يْشَتْمو هادوكْ كامْلا خْيَّان
بْــــــرَّاوْ فِـــي امَّـــةْ النَّبـــي
خَلاَّو امْتُو عُشَّاقْ الكُفَّارْ هَكَّا صارْ يْعَبْدو لْصْنابْ
ايْجو و سَلْمُو فِي دِينْ المختارْ يا السُكَّارْ ما يْلومَكْ عَرْبي
*****
واجْبْ عْلِيكْ تبْكي لِيلْ وْ نْهارْ يا السْكَّارْ مايْلُومَكْ عَرْبي
واجْبْ عْليكْ تَبْكي حتى ** يبْردْ الخاطْرْ المهموم
ولِّيت فِي عْمُوقْ الكَلْتَة ** سوْدة مْخَلْطة سَحْمومْ
لْخَنْزْ يْفوحْ منْها وانْتَ غابْرْ فْوسْطْها مغْموم
فِي كَـــارْ حـــالْ قامـــكْ ربِّـــي
نَعْطيتْ لِناسْ سْماهُمْ لْحْرارْ فِينْ تُجَّارْ فايْتينْ صْحابي
كَفَّاوْ مَنْ وْراهُمْ ما جَبْتْ اخْبار يا السُكَّار ما يلومك عربي
*****
واجْبْ عْلِيكْ تبْكي لِيلْ وْ نْهارْ يا السْكَّارْ مايْلُومَكْ عَرْبي
السُّومْ طاحْ لِكْ تْوَضَّرْ ** و لهْبيل شَوْركْ جايْ
و لَتْمَرْ فُوكْ الخاطْرْ ** لْخْلاكْ ما بْغاتْك شايْ
دَعْواتْ فيكْ ما تقْدْرْ و تمْ فْلعْقلْ و الرَّايْ
خلِّيـــتْ قُـــومْ غيـــرْ تْبوبـــي
و انا عْيِيتْ نرْغْبْ العارْ شِّينْ لَبْصارْ ما نْفَعْني جَيبي
فكْريطْ منْ خْيالو ظاهْرْ لَحْمارْ يا السكار ما يلومك عربي

[مصطفى]

القصيدة الخامسة
من فن الرسمة





هَم الدنيا ْ و خُوفْ ربي و الغيوان ** بثلاثة جَوْرو عْلِيــــــــــــــــــــا
هَمْ الدنيا بْغيتْ شْــــــــــــــــــــــلاَّ ** المال الياسْرَة و لْمْلاكْ و لَغْراسْ
و دْيارْ بَبْنِيهَا تَعْـــــــــــــــــــــــــــــلاَ ** و مْصاري طالْعاتْ بالجِير و تَمْلاسْ
زَهْوْ الدنيا بْلا بْســــــــــــــــــــالا ** و نْصيبْ مْنايْتي مْعَ زهْوْ الرِّيَاسْ
فـــوكْ فْـــراشـــات دارْكِيَّـــة
جِيبْ الصْفْراتْ جيب كيسان عْلَ لَلْوانْ ** جيب مْقارِيشْ حَمْرا هِــــــــــــــــــــيَ
جيب التَّلْجي علاشْ يسْكَام الِّديوانْ ** بثلاثـــــــــــــــــة جـــورو عليـــا
*****
خوفْ الله كَلِّي تْهنَّى راهْ الدنيا تْفوتْ لا تسْحابْ دُّومْ
وِينْ قْبايْلْ هنا كْبلْنا وينْ الرسول وينْ هزَّامينْ الرُّومْ
و اترْكْ عنكْ كْلامْ لْغْنــــــــــــــــــى ** عَزْ الصَّلاَ وْ دِينْ ربِّي بالمقْيـــــــــومْ
تُوبْ لْسِيدكْ فْكُلْ سَيَّة
سالْ و سَوْلْ ما كَالْ القرآن ** وصَّانا كاملْ لُوصيـــــــــــة
كَالْ لِنَا لا تَبْغُو غَرْض الشيطان ** بثلاثة جوْرو عليـــــــــــــــــــــا
*****
سَلْكْ الغيوان في دْخــالــــــــــــــــي ** فايْضْ بَحْرُو وَ لا عمل لِي شَرْع الله
مَرَّاتْ يْزيَّن لْغْوالِــــــــــــــــي ** مرَّات يْزيَّن السْراتِي و التَّنْزاهْ
مرَّات يْزيدْني هْوالــــــــــــي ** مرَّات واشْ عقْلي صابْ مْناهْ
مُـــولايْ بلِيتُـــو بْلِيَـــــــــــــــة
مرَّات يْحُوزْني عْلى مَشْيةْ الطُرْكَان ** ما يَخْفى صَاحْبْ السْجِيَّـــــــــــــــة
مرَّاتْ يْكُلْ كْعَتْ بْلا عشْرانْ ** بثلاثة جورو عليـــــــــــــــا
*****
كَال هَمْ الدنيا بْغِيتْ لَغْنــــــــــــمْ ** فْمْحاصْرْ زامَّة وَعْدَتْهَا قَرْطاسْ
جَمْع تْرَازِينْها تْحُـــــــــــــــــوم ** جَمْع فْكَاريشْ دَايْرْ عْليهاعَسَّاسْ
مَنْ جاهُمْ ما كْدْ ينْجْــــــــــــــــمْ ** و عْداهُم دايْرِينْ مَنْهُمْ كُلْ قْياسْ
سَــكْـنُـــو بلْدانْهــــا مْرَيَّـــــــــة
وْ رْبيعْ جْديدْ زَخْرْفَتْ بِهْ الوَطْيانْ ** و عْزايْلْ رايْحَة عْشِيَّـــــــــــــــة
و بْناتْ تَتِيَّهْ لْعْزارى و الشُّبانْ ** بثلاثة جورو عليــــــــــــــــــا
*****
خوفْ الله عَادْ في وْراقِـــــــي ** رْقَّقْني من الموتْ مْعَ الحْراقْ
مادا واسيتْ في حْمَاقِــــــــــــي ** غيرْ الاَّقي و دَرْتْ فَعْل للمْلاقْ
يا ربي لا نْعودْ شاقِــــــــــــي ** يا الاَّقي لَمْنَا مْعَ مُول البوراق
و اعْفـــو يـــا خالْقـــي عليــــــــــــــا
و اغفْرْ ذنْبي نْهارْ يَنْدارْ الميزان ** و مْلوكَكْ يْشَهْدو عليـــــــــــــــا
بلْخيرْ ان شاء الله يا رب الفوكَانْ ** بثلاثة جورو عليـــــــــــــــــــــا
*****
هَمْ الدنيا و خوف ربي و الغيوان ** بثلاثة جورو عليـــــــــــــــــــــا
سلْكْ الغيوان يا السايْــــــــــلْ ** خَلاَّه كْبِيل فاتْ سيَدْنا حسَّـــان
في داكْ الجيل كان صايْـــــــــــــــلْ ** عنْدْ فْكَاريشْ و لغْوالِي و الشُّجْعـــانْ
اليوم الكُلْ عَادْ دَالْــــــــــــــــــــعْ ** نَرْخَى سُومو و دَلّْ فْهادْ الزْمــــان
خَــــــصْ الوقـــــتْ لَـــمْـــراوْحِــــــــي
رْيامْ الكعو زْغَأريتْ أُو بَلْسانْ ** لَغْنجْ بشْفُوفْها نْكِيَّــــــــــــــــــة
جْمَعْ تْرازِينْ يوكَّدْ و فُوكْ الفرسانْ ** بثلاثة جورو عليـــــــــــــــــــــــــا
*****
هَمْ الدنيا و خوف ربي و الغيوان ** بثلاثة جورو عليــــــــــــــــــــا
همْ الدنْيا ولادْ صَرْبَــــــــــــــا ** واحد يْقْرا فْلُوحْتُو واحد فلاَّحْ
واحْدْ غَراضُو مْعَ لَكْسيبــــــــــــــــــــا ** و وَّاحد غْرْضُو مْعَ البلْ مْسا و صْباحْ
واحد يعْرَفْ لْكُلْ غَيْبَـــــــــــــــة ** و وَّاحدْ صيَّادْ ظَلْ بارود و صْياحْ
و بَّاهُـــم حِيلْتُـــــــو قوِيَّــــــــــــــــــة
وقتْ اجْموعْ لِهْ تتْسَنَّطْ لَكْرانْ ** معلومْ و كلْمْتو زكيَّـــــــــــــــة
وَ بْنِي عمُّو يْساعْدوه بْلا جحْدانْ ** بثلاثة جورو عليــــــــــــــــــــا
*****
هَمْ الدنيا و خوف ربي و الغيوان ** بثلاثة جورو عليــــــــــــــــــــا
و النفسْ بْغاتْ كُلْ حاجَــــــــــــة ** كَدْعَتْ وَ لاَ بْغاتْ تكْدعْ يا لطيف
كَالْتْ كثْرْ لَفْراجَــــــــــــــــــــــــة ** و عْلاهْ عْليكْ ماَ تْشَدّْ الناسْ عصِيفْ
هَوْلْ الدنيا مْشَا تْفاجَـــــا ** مُولانَا راهْ يحسبنا بكْليفْ
هـــذا مُـــوجَـــبْ النَّـــفـــسْ هِـــــــيَ
سكَّمْ راسْكْ و صاوعْ جلاَّبْ الغزلان ** خايفْ منّْكْ تْهُونْ بـــــــــــــــــــــــي
دِيرْ ثْيابكْ حْريرْ و ملف و كتَّان ** بثلاثة جورو عليـــــــــــــــــــا

[مصطفى]

القصيدة السادسة
من فن الرسمة


قصيدة الوالدين







نُوصيكْ يا اللِّي ما احْسَنتْ للوالْدين ضَيَّعْتْ حَقْ ربِّي لِيهُمْ
نْوَصِيكْ يا اللِّي غَفْلانْ اغْواكْ الزْمانْ ** يَخْليهْ شَرْبَكْ لمْحانْ تْغَلَّبْ عْليـــــــــــكْ
اتْرُكْ فْعايْلْ الشيطان وْ دِيرْ لحْسانْ ** و اتبَعْ وْصايْةْ القرآن اللِّي كَال لِيـــكْ
و اليُوم خالقْ الرحمان معظَّمْ الشَّانْ ** و الوالْدِين فيكْ احْنان و عَطْفو عْليـــكْ
وَ عْلاهْ مَا تْكافي ليهُــــــــــمْ
باعو اللِّي رْخيصْ وْ غَالي رَفْدُو الدِّينْ و اسوايْعْ التْعبْ فيهم
اهْلِي يْضيَّع العمل اللِّي دايْرينْ ضيَّعتْ حق ربي ليهم
رفْدوكْ من المهد صغيرْ شبْحكْ قصير ** و بالْعَيْن ما تْشُوفْ بْصير و ادَّاولـــــــوكْ
وْ ما عَوْلو عْليكْ تْسير و تمسَى الخير ** و تْجيبْ من خْيامْ الغيــــــرْ اللِّي يْحَسْدوكْ
وْ ديرْ فالزمانْ عْشيرْ عْدوهم كبير **ماذا من كْلامْ ايْصيرْ الى قَرْبـــــــــــوك
حُوزْ الصبـــر وْ رُوفْ عْلِيهُـــــمْ
وْ فكَّرْ امْنينْ كانو في اغْراضَكْ حاضْنينْ و الوقت ما رَتَّاتْ عْليهم
و اللِّي اكْتابْ ربِّي بْاعْطاه مْيَقْنِينْ ضَيَّعْت حق ربي ليهم
سوَّلْ وْ سَالْ عَلْ لجْوادْ وْ رُدْ لَجْوابْ ** وْ فالوَقْتْ لا ادِّير حْسابْ مْعَ الوالْديـــــــن
اللي بْغهْ ربي تابْ وْ جا للصَّوابْ ** كمَّلْ مْزَيْتو ما خافْ من الصَّالْحيـــــــن
و فالرَّزْقْ ما يْسَدْ الباب و ربي اكتاب ** و هُوَ يْديرْ ليهْ اسْبابْ اجِيبو مْنيــــــــــــــــنْ
شَمَّـــتْ يــا الباخْــلْ فيهــم
لِكُونْ بْعَيْنيك تبكي طول اسْنِيـــــــــــــــــنْ ** ما يْفَكَّكْ انْدامْ عْليهم شَفْنا قْبايْلْ قبَلْنا و الْقِينا اخْرينْ
ضيعت حق ربي ليهم
ضيَّعْت حقْ بالتحْقيق ارْجَعْ للطريقْ ** نْوَصِّيكْ يا الغافل فِيقْ و من الله تُــــــوبْ
مَا كِي الوالدين ارْفيقْ ولا صْديقْ ** و انتَ تْعَزْهُمْ و تِيقْ
و رَبِّــــي يْنُـــــــوبْ
دارو اللي مْعاكْ يْليقْ بْشْغُلْ لَعْتيقْ ** وْ صبْرو عْليكْ يُومْ الِّيقْ وْ ما هُو كْذوبْ
فَرْكو مْنينْ زَتْ عْليهـــــم
حَرْصُو عْليكْ و اعْطاوْ العاهْد كاملين بالمال واخَّا تغنيهم شي حَدْ ما تخْتارو
عََنَّكْ العيــــــــــــــــــن ** ضيَّعت حق ربِّي ليهم

[مصطفى]

القصيدة السابعة
من فن الرسمة


قصيدة الحنين


جِيتْ نْفاكَدْ لَرْسامْ صْبْتْهُمْ خاليِين ما عَكْبُوهُم سكَّانة
جيتْ نْفاكْدْ لَرْسامْ وِينْ ناسْ لَخْيـــــامْ ** وِينْ رْجالْ وْ لَرْيامِ لاَ خْبرْ لاَ عْلومْ
وَلْدْ بْنادْمْ ما يْتْلامْ كُلْشي بالـــــــدْوامْ ** هادْ الدْهرْ الهَدَّامْ نْعَرفو ما يْــــدُومْ
يَتْكَلَّبْ عامْ بْعامْ بالمْهَلْ و الـــــــدْوامْ ** و اللِّي فاتْ الكُدَّام مَا يْوَلِّي اليُــــومْ
كَـــمْ احْجَـــلْ لِـــي فـــي الكَانــــــــة
وِينْ اكْسابْ اتّْمَرَّح عْلى اهْلْها فَرْحِين تضَّابحْ و الحَنَّانة و هذا حالْ الدنيا
وْ نَاسْها راحْلِين مَا عَكْبوهُمْ سكَّانة
تَوْ الْحَكْتْ المَوْكَرْ لْقِيتْ غِيرْ لْقْفَـــــــــرْ ** وِينْ اهْلِينْ المحْصَرْ امْنِينْ كانُو اجْوَارْ
الْكِيتْ الرَّسْمْ اقْفَرْ جْوارْحِي تْنْعْكَـــــرْ ** وْ مَا كَدِّيتْ نْصَبَّرْ دْموعْ عَيْنِي مْطَارْ
كَانْ الجَّبْحْ امْعَمَّرْ فِيهْ كَسْبْ و حْجَرْ وْ فِيهْ رْجالْ تْبَكَّرْ مْءعَ طْلُوعْ لَفْجْرْ
فيهُمْ غَيْداتْ يْفاوْلُو لْغَاهُمْ احْنِنْ زَغْرَدَاتْ و غَنَّايا و طْبَلْهُمْ بِينْ احْلَلْ يْباتْ
حَسُّو يْنِينْ ما عَكْبُوهُمْ سكَّانة
نَلْحَكْ رَسْمْ المِيْلافْ بِينْ مَلْكَا احْكَافْ ** تَوْ الْحَكْتُو هَدَّافْ ما بْقَى كِيفْ كـانْ
غَيْر الضَّمْ و لَرْصافْ فيهْ عَقْلي زْعافْ ** و الغاشي ما يَتْشافْ حَـــــــــــــــــــدْ
شُوف لَعْيانْ
و الغَرْبي نَسَّاف و الرْمَلْ و انْشــافْ ** و الغَيْمْ عْلى لَرْيافْ ضَرْكُو ما يْبانْ
ظلَّت نَفْسِي حَيْرانة
عَقْلِي فَوَّتْ لِيَامْ بالّصّْبَرْ و لِيقينْ و الصبَرْ مْعَاهْ الكَانة و اَمُورِي لَحْتُو لله في كُل ساعَة و حِينْ ما عَكْبُوهُمْ سكَّانة

[مصطفى]

القصيدة الثامنة
من فن الرسمة


قصيدة الروح


كُومِي لِينا انْشَرْفُو رَسُولْ الله
ما حَدَّكْ يا الرُّوحْ حَيَّة
مادا واسِيتْ في شْبابــــــــــــــــــــــي ** ما دَرْتْ حْسابْ مُوتْ و لاَ حالْ عْذابْ
و انْصبَّن و انْشُوفْ في ثْيابــــي ** و انْديرْ لْباسْ زِينْ و نْقَلَّبْ لَلْعابْ
و اليُومْ انْدمْتْ يا اصْحابــــــــــــــــي ** خايْفْ مَنْ الفَعْلْ دايْرُو منْ غِيرْ صْوابْ
لَبْليسْ اكْبِيلْ غَرّْ بِيَا
مادَا تَبَّعْتْ خاطْرُو و امْشِيتْ مْعاهْ نَسْحابُو راهْ زينْ لِيَا و اليُومْ ارْجعْتْ ناعْلُو عَدِيوْ الله
ما حدَّكْ يا الرُّوحْ حيَّة
******
تُوبْ لِيَا تْوَابْ خَالْــــــــــــــــصْ ** كَدْعِي لِيَا خْلاصْ يا نفْسي يَهْدِيكْ
مادا كَانْصْت في المْكَانــــــــــصْ ** تبَّعْتْ الغرْضْ ليكْ و الزْهُو يْشَهِّيكْ
و انْضُورْ الطَّنْزْ و النْقايْــــــــــصْ ** و الضَّحْكْ بْلاَ صْوابْ يبْليس يْوَرِّيكْ
و القلب اهبيل دَة عْلِيَا
ما دايْرْ مَنْ غْرَايْبْ يا مَعْداهْ مشْطُوني تَبَّعْ لَخْطِيَة و اليُومْ ارْجَعْ وْ عَادْ خايْفْ من مُولاهْ
ما حدك يت الروح حية
******
كُومِي يَاتَا و لاَ تْنُومـــــــــــــي ** للْوَقْتْ اللَّازْمَة عْليكْ بْصلاوات
وَدِّي فَرْضَكْ عْليكْ صُومــــــي ** و طْريقْ الله تِكَبْضِيها في الحَياةْ
رَا فَرْضْ الدِّينْ بِيهْ قُومِــــــــي ** تُوبي لله و اسْتَغْفْرِي قبل المَمَاتْ
تُوبي لله في كُلْ سِيَّا
نعْلْ الشيطان ضاع في عَدِيوْ الله ما رِيدُو صاحْبْ لَخْزِيَة منَّكْ ياتا اتْبَعْدِيهْ انْ الله
ما حدَّكْ يا الروحْ حَيَّة
******
يا نَفْسي خِيرْ لِيكْ تُوبِي لله ** استَغفْري للِّي خلْقَكْ و انْشَاكْ
شُوفي ما كَالْ لِيكْ ربِّــــــــــي ** و ارْسَلْها في لَكْتوبْ يا مادا وَرَّاكْ
و انْتِيَا لاهْيا تْكَذْبــــــــــــي ** هَمّْ الدنيا مْتَلْفكْ شَمْتكْ و اغْواكْ
تْسْحابْها دُّومْ هِيَا
لازمْ لِيَا انكَدْعُو من غِيرْ هْواهْ عَقْلِي يْزَّاكْ تُوبْ لِيَا و امْشِي لِينَا مْعَ انّْجَا و الله
ما حَدَّك يا الروح حية
******
يا روحي عَوْلي تْروحـــــــــــــــي ** منْ هادي تْروحي تْكِيسي دِيك الدَّار
يا روحي كُلَّ يُومْ مَدْحـــــــي ** نَبْغِيكْ تْكَطْريهْ تَشْرَافْ المختار
شدِّي بالله لاَ اطِّيحِــــــــــــي ** ياكْ تْرِيحِي منْ لَمْحَانْ و تَزْفَارْ
يُومْ السِّيوانْ حَنْ فِيَا
يحضَرْ لِي ليلْة لقبرْ راني نَرْجاهْ زينْ الخاتم يْكُونْ لِيَا وانَا عَارِي عْلِيهْ و ارْجَايَا في الله
ما حدك يا الروح حية
******
يُومْ المحشر و فَمْ نَحْشْـــــــــرْ ** و بْنَادمْ كان مَتْلُوحْ و انْشَفْ مَاهْ
و الشمس بْحَرْها تَزْفَـــــرْ ** و مَنْ دَايْرْ ذْنوبْ فَمَّا يَسْتنَّاهْ
لا حَدْ تْلا يْصيبْ يَنْكـــــرْ ** و الناس مجَفْدة غدَّا كُدَّام الله
لا هلاَّهْ شافعْ لمِيَّة
يَجْعَلْني من اتْباعْتُو نَمْشي في ارْضاهْ أَنا و اهْلِي والْدِيا و اخُّوتِي كامْلِينْ و اللِّي يرْجَا الله
ما حدك يا الروح حية
******
بسم الله كُلْتْ في اوْجابِـــــــــــي ** بسم الله و الصْلاَ عْلى شافْعْ لَمَّاتْ
هِيَ فَضِلي مْعَ اسْبابــــــــــــي ** بْهَا نَنْجَأ إن شاء الله يوم الصراط
و انْشَدّْ باليمنى كْتابـــــــــــي ** عنِّي يمحي الذْنوب يُومْ الصراطْ
و اعوان الله كان لِيا
نَبْشَرْ كَلْبي امْشيتْ في حَسْنُو و ارْضاهْ برْضاةْ الله و وَّالْدِيَا يسمَعْ طَلْبي و ما يْخِيبْ اللِّي يسْعاه
ما حدك يا الروح حية
******
ألف صْلاَ عْليهْ كَثَّـــــــــــــــــــرْ ** كْدْما في لَكْتُوبْ و الكرسي و امْلاهْ
و عْدادْ خْلُوقْ وَسْطْ لَبْحَــــــرْ ** و عْدادْ الكايْنَة و ما في عَلْم الله
و عْدادْ اللِّي بْغَا ينْحْشَــــــــرْ ** و احْسابْ الحق كل واحد يستنَّاهْ
و عْدادْ اعْداد كل حية
من شرق و غرب كَدْ مَنْ شَكُّو وَلْياهْ و عْدادْ الدارْكة عْلِيا و عْدادْ الظاهْرة و ما فرضو و اسْماهْ
ما حدك يا الروح حية
******
صلَّى الله عْلى لَمْفضَّــــــــــل ** زين الفلجة الطيبي شارق لنوار
في امْديحو كُول لاَ تْكَلـــــــــــــلْ ** و اشْهرْ دين لَكْريمْ و صْلاةْ المختار
و اركع و اسجد و زيد نَفَّــــــلْ ** و اكْدعْ و ارْجعْ و توب لله الغفار
و اهْمومو كَلْفو عْلِيَا
خايفْ من فَعْلْ شِينْ دَرْتُو لا نلْكَاهْ و افْعالي تالْفينْ لِيَا و اليوم ارْجَعْتْ عَتْ نتَّايْبْ لله
ما حدك يا الروح حية
******
كثَّرْ في شْناهْ يا البــــــــــــــــــادي ** و اشهر دين الرسول حبيب الرحمان
اصْفا قلْبي زْيانْ سَعْـــــــــــــدي ** مَلِّي راني ابْديتْ في صْلاةْ العدلان
عزِّيتو عَزْ مَنْ وْلادي ** و عْزيزُو عازُّو عْلِيـــــا
مَنْ صابْ اللِّي تَمْ في حْياتُو يَلْكَاه لَمْجدْ بُو لالَّة رقية و الله يلَمْنا و تْناظرْ لُوْجاه
ما حدك يا الروح حية
******
صلَّى الله عْلى الطاهــــــــــر ** لَمفضَّل شافع أُمْتُو يُومْ لَحْسابْ
في مْدِيحُو كُلْ يُومْ ساهــــرْ ** لا تَبْخل في شْناه مولانا توَّابْ
يوم المحشر و فَمْ يحضـر ** قادْرْ هُوَ يْفَكْنا من كُلْ عْذابْ
رسول اله كُونْ لِيَا
فَكِّيتْ الخيل من الهِيك طَلْ وْراهْ جايْتَكْ مَضْيوم يا نْبِيَا في حوضك إن شاء نَرْوَا منْ مَاهْ
ما حدك يا الروح حية
******
يا ربي حَرْمْتَكْ قْبَلْنــــــــــــــــي ** و اقبل طَلْبي و لا تْخيَّبْ لِي وْجابْ
يا ربي حَرْمْتَكْ ارحمنــــــــــي ** و ارحمْ لَسْلام كُلْها شايْبْ و شْبابْ
يا ربي لا يْخيب ظنِّـــــي ** يا حيْ و لاَ تْنُومْ يا فاتْحْ لَبَّابْ
و ارحم لَسْلامْ كُلْ هِيَّا
را خيرك يا يْلاهْ في جنة نلْكَاهْ أنا و الضايرين بِيَا ليكْ نْعُودُو جْوارْ يا رْسول الله
ما حدك يا الروح حية
******
نسْبي مَعْروفْ ما نْكَنُّـــــــــو ** عَبُّويي من اتْرايكْ ولد ابراهيم
مْسَمِّي بالمداني و زيد فنُّـــــــــــــو ** معروفْ يْلا خْطيتْ ضْعيفْ و مسكين
يا ربي عاونو و عينــــــــــو ** دَخْلْتْ عْليكْ بالنبي و الصالحين
مفهوم و صاحْبْ لَمْزِيَّة
نظَّامْ الكُول بِيهْ نْضَعَّفْ لله يَاكَنْ هوَ يْحَنْ فِيا و العبد يْطيعْ خَالْقُو يا من يعطاه

ما حدك يا الروح حية

[مصطفى]

القصيدة التاسعة
من فن الرسمة


قصيدة مزين مديحك





مْزِينْ امْديحَكْ ما كيفُو تْجارَة يا رْسول الله
مْزين امديحَكْ يا المِيـــــرْ ** خِيرْ منْ لَقْفاطِينْ مْعَ دْوايْرْ
خِيرْ لِي منْ صابَاتْ شْعِيرْ ** و اشْجارْ المَحْضِية في ابْحَايْرْ
و خيرْ لِي من كَسْبْ كْثيـــــــــرْ ** و خِيرْ لِي من لَحْريرْ و مالْ الدْزاير
خِيرْ لِي من خَيْلْ التَّنْزَاهْ
و خير لي من شبَّان الضَّصارة داكْ لْداكْ اشْباهْ و خير لِي من مَحْدْ امْدَبلَجْ بلَطْمارة يا رسول الله
خِيرْلِي من مال و فضَّات ** خير لي من بَكْراتْ لَعْزايْـــــلْ
و كابْرة في طَهْجْ النَّوْعاتْ ** ما ضَّيَلْها صَهْداتْ لَكْوايْـــــــــلْ
و لَبْراكَا و البَرْكِيات ** باهْرة مَسْواهُمْ عَنْدْ لَقْبايْـــلْ
و كنز عند العارف مَسْواهْ
طُبْ عقلي بيهْ انْفاخي لَغْيارة حامْد بيه الله بيهْ نَفْخَمْ عادْ لْجَبْحِي اعْمارة يا رسول الله
خير لي من مال باشَّات ** و اسْلاطينْ اللِّي تحْكَمْ عْليهـــــا

و في مْنازلْها لَفْراشات ** و اطْبل و النوبة تخبط عْليهـا
و باهْرة في الدنيا ما فات ** يا المغرور اللِّي طامع فيهـــــــا
و فايْتة و المُلْكْ لْمُولاهْ
ما دُّوم الدنيا بعد لَعْمارة لا غاشي تلْكَاه جبْحْها لابدْ يبكى اقفارة يا رسول الله
خير لي من مْيَاةْ ألف سروجْ ** باذْهب تعشق غِيرْ اتْشُوفْ فيهــا
لَرْضْ من خافرْها مفْروزْ ** اهْلْ الْحايَا و الغَرْمة يْركبوها
ظالاَّ في الخزيانْ تْحوزْ ** كَانْعين الصَّبارة صَوْتوهـــــا
و جاهْدو في عَدْيانْ الله
من الضَّبْسْ يْواسي سِيدي لْمارة في سبيل الله و لَغْزو زايْرْ لينا في انْصارة يا رسول الله

(الشيخ بوكورو)

[مصطفى]

القصيدة العاشرة
من فن الركبة

باسْمَكْ باشْ بْدِيتْ


بَاسْمك باشْ ابْدِيتْ يا رْفيعْ السْما ** يا عالْمْ لَعْلَى تسبقْ لِي فْالقُـول


مَانِي سامْحْ لْلحسُودْ و النَّمنام ** همَّا اِبَدْلُو فْكْلاَم اهْلْ القُـولْ


وَانَا طَايْعْ لْشْيُوخْ و العُلَمَا ** تركتْ النبي بهَا باشْ نْصُولْ


و الكفَّار مْعَمْرينْ جَهنَّمَـــــا ** وَانَا لْقِيتْ بابْ الجنَّة مَحْلُولْ


يَا رْسُولْ الله بِيتْ فِيكِ زيَّــــارة ** أنا و وَالْدِيَا و اهْلِي و السَّامْعينْ


نَمْشُو لمْقامْ النبي الرسول

[مصطفى]

قصيدة 11
من فن الركبة




طَالْقة سْبْلة مْثْقْبة العين هْدْبــــــــــة ** و ظْريفْ جَا عْلى حْسْن بْهَاهَا
أوفِي صْدْرْهَا صَابِي باقِي مَا تْرْبَّى ** و العاشْقْ لُوْ كانْ شافْها يتْمنَّاها
يا خُّوتي منْ اخُّوتْ حاسْدينْ بِيَـــــــــــا ** لُوْ كُونْ تْكُونْ نِيرانْ لاهْبة نْتْخطَّاها
لْغْزالْ فاطْمة السَّعْدْ منْ لْكَاهــــــــا ** مرت لْخْلاكْ و العْقِيْلْ كَاعْ بْغاها

[مصطفى]

قصيدة 12
من فن الركبة

يا اهْلي عْنُّو جِيتْ نْسالْ يا الحضَّارْ ** وْرِّينِي كِيفْ صارْ مالْ حْبيبي عَدَانِي
و بْكِيتْ حتَّى نبْتُو لْشْجـــــــــــــــــــــــــارْ ** يا وْلِيدي دْعْدُوعْ لِّي مْوْلْفو خايْفْ لا يْنْساني
عاوْدْ لِي دَاكْ اشِّي كِي صـــــــــــــــــــارْ ** لا يْحاوْلو النمْناما مْنْ بْعيدْ لا نْتَّاهْمْ جِيراني
امْباركة و رْقِيَة لْغْــــــــــــــــــــــــــزال ** يا وْلِيدي سلْطانْ البارْزاتْ باني بالهذب باني

[مصطفى]

قصيدة 13
من فن الركبة


عْجْبونِي في الميا خارْجاتْ عْشْيَا ** البْناتْ يا ربِّي مثْل النُــــــــــوارْ
دكُّوني دَكَّة وَلاَ رْتاوْ عْلِيــــــــــَا ** دَازُو مثْلْ العاشْقْ بنظــــــــــارْ
وْ فازُو يا ودِّي عْلى بْناتْ الْحْيَّــــــــا ** سبحانْ مَنْ نْشأْهُمْ ربْ القَهَّــــــــــارْ
يا و المْعْناوِيَّاتْ لاَشْ جاتْ هْديَـــــــــــــــــــة ** مبْروكْ فْرحْكُمْ خويَا و اللِّي كَبْرُو رْبِّــــــــــي

[مصطفى]

قصيدة 14
من فن الركبة


سْلْبوني خوداتْ يا السَّامعْ لِيَّــــــــــا ** وْ مْنِينْ رِيتْهًمْ دْلاَّلِي مَـــــــــــا راحْ
دْكُّونِي دْكَّة وْ مَا ارْثَاوْ عْلِيَّــــــــــــــا ** رَانِي عْلَى وْسادِي وْ منْ غِيرْ جْـراحْ
ناسي يا ناسي اِلَى عْلْمْتُو مَا بِيَّــــــــــــــــا ** لِلَّه سْبْبُو لِيَّا راهْ لَعْقْلْ جَـــــــــــــــــــــــــاحْ
آتُوني بالزْهْرَة مْعَ فاطْمَــــــــــــــــــــــــة ** هْيَ وْ لْغْزالْ نعيمة اِلى بْغَاوْ خْلاكِي يْرْتاحْ

[مصطفى]

قصيدة 15



عَتْ كِيفْ الْمَجْلِي وْ نْكَاطْعْ لْمْرايْرْ ** و رْسامْ اخُّوتْنَا فْالبْلادْ كْلاَلُــــو
صَاحْبِي كُنْتْ مْعَاهْ نْبادْلْ السْرايْــرْ ** وْ انْتُومَا شاهْدِينْ وْتْبدَّلْ حَالُــــو
كْنْتْ جِيتُو مْتْقَطَّعْ عَتْ زَايْـــــرْ ** مَا جَاوْبْني وَلاَ عْرَفْنَا مَالُــــو
كُولْ لَلْغِيدْ تْجِي وْ تْسانْدْ لْمْبْشّــــــرْ ** مازالْ الخيرْ عنْدْ ربِّي وْنْسالُــــو

[مصطفى]

قصيدة 16


سِيدِي لُوْكانْ في الْسْمَا نْكْرِي لُو فَرْخْ لْحْمامْ ** وْ نْجِيبُو فْ الجُوْ الْعَألِي
يَا سِيدِي لُوْكانْ في البْحَرْ نكْرِي لُو عَـــــــــوَّامْ ** و نْجِيبُو في المُوجْ التَّالِي
يَا سِيدِي لُوْكانْ في الخْلاَ نَمْشِي لُو مَشْيْ الدْوَامْ ** و نْجِيبُو في الثلث الخالِي

[مصطفى]

قصيدة 17
المْحبَّة و الْوَالْفِيَة النَّارْ هِـــــــــــــــــيَ ** يْحْسَنْ عْوَانِي جْوارْحِي مَنْهَا طَابـــــو
مَا تْدُومْ العَشْرَة يافَاهْمْ لَقْصِيَــــــــــــــة ** و اليُومْ خْلاَصْ كُلْهَا غَرْضُو صَابُـــــو
ضَرْكُوكْ عْلِيَا يَا زِينْةْ السْمِيَــــــــــــــة ** حُسَّادْكْ يَا الرِّيمْ فِيهَا مَا غَابُـــــــــــــــو
يالْغَادِي دِيرْ الطَّفْلَة رْكَابْ مِيَّـــــــــــــة ** يدِّي هَادْ السْلاَمْ وْيْرَدْ وْجَابُــــــــــــــــو

[مصطفى]

قصيدة 18


ابْقِيتْ وَحْدِي لْفْراكْ صْعِيبْ يَا سْيَادِي ** مَانَاكُلْ مَانْضُوكْ مْنْ وَحْشْ احْبَابِي
لاَ بْــــــرِيَّة لاَ تِلِيفُونْ مْنْ بْــــــــلاَدِي ** فَرْكَتْ لِيَامْ اًو حَالْةْ لْبْعَــــــــــــادِي
ابْغِيتْ يَا مُولْ القُدْرَة تْفُكْ هَـــــــــــــاذِي ** حَتَّى نْزُورْ الْوَالْدِينْ يُوْفَى مُــــــرَادِي
مَاسْخِينَأ باللاَّمَة يَالْخُّوتْ زِينَـــــــــــــــة ** و اللَّه يْلَمْنَا فِي حَجْرَةْ لَسْعَــــــــــــادِي

[مصطفى]

قصيدة 19


يَا وْلِيدِي عَمَّرْ لْبْنَاتْ مَا يْدُومُــــــــــو ** هَذَا حَالْ ازْمَانْ لَوَّلْ وَ التَّالِــــي
وَاخَّا كَعْدُو كَمْ مَنْ عَامْ بَايْ يْكُومُـــــــو ** بَدَانْ تَعْرَا ارْسَامْهُمْ يَا دَلاَّلِــــــي
وَ اللِّي الْكِيتُو يَبْكِي لْبْنَاتْ لاَ تْلُومُـــــو ** و اللاَّيْمْ بْلَفْرَاكْ تَبْلِيهْ بْحَالِـــــــي
وْ لَغْزَيَّلْ فَاطْمَة سُلْطَانْ جَابْ كَوْمُـو ** يَرْعَاهْ الله وْ بُوعْلاَمْ الجِيلاَلِــي

[مصطفى]

بعد عرض نماذج من أشعار فن الرسمة و الركبة نعرض لمختارات من الأشعار التي تؤدى في فن أقلال


القصيدة 20
من فن أقلال


مالِي وْلاشْ يَا مَّا مَالِي كُولْ أَمَالِي أَمُولاتِي مَامَة يَا مَّا
ابْــــــــــــــــــــــــــدِيتْ باســـــــم الله بِها نَبْـدَا وَاوِي
بـاســـــــــــــم الله رَاحَة وَاجْبَة فــــــــــــــــي اللِّسَانْ
اوْ قـصَّــــــــــــةْ الصِّينِيَـــــة نَبْدَا للْفَاهْمْ بالمَـــــاوِي
و الصِّينِيَــــــة نَجْمَــــــــة تْضَوِّي بِينْ لَجْــــــــــوَادْ
وَا الصِّينِيَّــــــــــة مَنْ زْيُوفْ دَرْنَــــــــــا لِيكْ كْسَاوِي
بالنْظَافَـــــــــــــة مَتْخَالْفَـــــــة عْلَــــــــــــــــى لَلْوَانْ
أرافْــــــــــــــــــــعْ السْمَـــــــــا خنتنـــا بكْسَـــــاوِي
مَـــارِيتْ أَنـــــا اللِّــــي يَقْنَـــــعْ مَــــنْ الكِيسَـــــــــــانْ
سِــــــوَى اللِّــــــــــي مَنْهُــــــمْ رَاسُـــــــــــــو خَاوِي
وَلاَ قلْـــــــــــــــــتْ بْضَاعْتُـــــــــــو لْحَكَّـــــــــــــــانْ
ولاَ مــــــْعَ طْمَـــــــعْ الدنيــــــــــــــــــــا مَتْــــــلاَوِي
وْ شَـــــلاَّ مَـــــــــــــــا كْــــــــــــرَمْ ضِيفَــــــــــــــانْ
بْهْـــــــــــوَاكْ يَــــــا الـصَّفْـــــــرَا يَجْرَحْ وْ يْـــــدَاوِي
يَبْرَا الخَاطْــــــرْ وَخَّــــــــــا يْجِـــــــــي نَكْـــــــــــدَانْ
القَالْـــــــــــبْ واقْفْ عْلــــــــى يْمَانُــــــو تَلْجَـــــــاوِي
الرْبِيعَـــــــــة و الــــحَكْ المقـــــــص مزْيــــــــــــــانْ
الصِّينِيَــــــة صَنْبُـــــولْ و البَـــــــــرَّادْ فَضَّـــــــــاوِي
المْقَـــــارشْ طَألْقَــــــــة سْبُولَــــــــة حَسَــــــــــــــــانْ
المَجْمــــــــــــرْ جَــــانَـــــا فْسَهْطَاتُــــــــو كَــــــــاوِي
و الرَّابـــــــوزْ شْجَــــــى عْدِيمَــــا اِيْصُوطْ فالنِّيـــرَانْ
و النَّعْنَــــاعْ جَـــانَــــا مْكَــــرَّضْ بْــــــدْوَاهْ يْـــــدَاوِي
فِــــي كِيسَــانْ الزَّاجْ في العَرْصَاتْ تْصِيحْ القَطْبَــــانْ
أَتـــــــــــــايْ كَيْحَــــــبْ الرَّاجْــــــلْ مَعْنَـــــــــــاوِي
عِينُـــــــــــــــو تْقَيّـــــــمْ مَـــاحْتَــــــــاجْ مِـــــــــيزَانْ
و كــــــــــــان بِينْ بِينْ و الكَنْيَة مِيسَـــــــــــــــــــاوِي
عَقْلُـــــــو يْكـــــــــــبْ و اِيْكَـــــــــادْ فالكِيسَــــــــــــانْ
البْحَـــــــــرْ فَـــــاضْ لِيــــــهْ باللَّــــذَّة و تْقَــــــــــاوِي
بَاعْ وْطَــــا وَحْــــــــدَة خْــــــواتْ لُـــــو لَمْكَـــــــــــانْ
الصَّمْـــــــتْ و الفْهَامَــــــة و حَكْمَـــــــــة و تْقَــــــاوِي
الخَفَّـــــــــــة تْـــــوَرْتْ فْعَايْـــــــــلْ النُّقْصَــــــــــــــانْ
او الطَّـــــــــاوْسْ يَا لِّي مَنْ صَنْفُــــــــو صَحْـــــــرَاوِي
هُـــــــوَ بْنُـــــــورُو كَيْحَيَّــــــــــــــرْ لَعْيَــــــــــــــــــانْ
حيَاتِــــــــي و شـــــــــــــلاَ بْغَاتْهَــــــــا قُـومَـــــــــــانْ
بَهْــــــــــوَاكْ يَـــــا الصَّفْرَا يَجْرحْ و يْــــــــــــــــداوِي
يَبْــــــــــرَا الخَاطْـــــــرْ وَخَّــــــــــا يْجِـــــي نَكْــــــدَانْ
كَـــــــاسْ البَنَّـــــــــــــارْ صَنْعُــــــو مْعَلّمْ ترْكَــــــاوِي
بتْقَاوْسُـــــــــو يتْشَـــاورْ مْـــــعَ مْنَــــــازْهْ السُّلْطَــــــانْ
الجَّـــــــــاجْ مَــانَنْسَــــــاكْ كَاسُـــــــو عَــــــــــــدْرَاوِي
و الزّْرابِـــــــــي مَتْخالْفَــــــة عْلــــــــــى لَلْــــــــــــوَانْ
أَتَــــــــايْ فـــــــي لْوَانُــــــو مَـــــاهُـــــو مَتْسَـــــــاوِي
عْبَـــــــــــــــرْ دَاكِ فُــــــوكْ دَاكْ رَاهْ بْثَمَـــــــــــــــــنْ
أَتَـــايْ مِنْ عَامْ ثْنينْ و ثلاثين عَـــادْ ظْهَـــــرْ وْ بَــــــانْ
و سْلامْنَـــــــــــا لْسَادَاتْنَــــــــا الطُّلْبَــــــــة هَلْ لِيمَـــانْ
اُو مَــــــــــا نَـــوْقَـــــــفْ كْدَّامْ حَامـــــــلْ القـــــــــــرآن
اللِّـــــــي مَـــا طَاعْهُـــــــمْ هَــــــدَاكْ جْغَـــــــــــــــــاوِي
مَـــنْ كْبَّــــــــــــــــرْ نَفْسُـــــــــــو ادَّاوْهْ الوِيــــــــــــدَانْ
بَهْوَاكْ يَـا الصَّفْـــــــــــــرَا يجْــــــرَحْ و يْــــــــــــــدَاوِي
يْبْــــــــــــرَا الخَاطْــــــــــرْ وَاخَّـــــــــا يْجِــــــي نَكْــدَانْ

[مصطفى]

قصيدة 21
من فن أقلال




لاشْ يَامَّا مَالِي مالي لاشْ يَامَّا مَالِي مالي
أَيْمَّا يْمَّا مالي مالِي
وبْدِيتْ باسْمَكْ يا حَيْ لا يْنُومْ يَاكْ نَبْدَا بِيكْ يَا رْفِيعْ السْمَا
باسمْ الله سابْقَة لِي فالكُول يَا ناسْ الحضَّارْ
قالْ أَنا سِيدِي بِهَا بْدَاوْ ناسْ الفْهَامَة
باسمْ اللهْ حْجَابْ وْ سَابْقَة لِي في لَشْعَارْ
ياك سْيَادِي بِها بْدَاوْ ناسْ القَارْيِين ناسْ العْلاما
باسم الله ياكْ نْسَبَّقْها ولِّي كَانْ يحْضَرْ
بِيتُو يَحْضَرْ شِيخِي فِي حْماكْ يا كْريمْ الكُرَامَا
يا المُولَى تَغْفَرْ ذْنُوبِي فِي لِيلةْ القبر
الصْلاةْ و السْلامْ عْلِيكْ يا عْريس القِيامة
سِيدْنا محمد شْفيعْنا يومْ المحشر
الصلاة و السلام عْلِيكْ قَدْ ما خْلَقْتْ في الما
أزارع فيها بالروح سبحان الواحد القهار



صلى الله عليه طُولْ الدْوامْ شْفيع الأمة
عْدادْ ما هَزَّتْ لَرْعادْ و صبَّت لَمطارْ
حمْلَتْ لشْعابْ أويدانْ جايَّة كَتْرامى
السواقِي تَسْقي البْلاد أوتَنْبتْ لَشْجارْ
نْحَمْدُو مُولانا قوَّى الرجال في كل حُومَة
واحد عْطاه الله الخير وْكانْ تَيْتْعَفَّرْ
نْسى ما في الدنيا و نسى الآخْرة كَيَتْعامى
ما دارْ بحساب السؤال في لِيلَةْ القبر
غَرْ بِيهْ الشيطان دارْ لو قصر في جهنم
هوَ اوْ معصي الوالدين قولو الله يستر
الصلاةْ و السْلامْ عْليكْ يا عْريس القيامة
سيدنا محمد شفيعنا يوم المحشر
رَدْ بالَكْ لِيَّا و اسمع ما حْكاوْ النظامة
يا الغافل في طريق الله غادي للخطر
لي كذَّبْ في كلامي يْمْشي يْسَالْ العُلاما
سْيَادْنا رجال الله في الكْتابْ تْناظرْ
ديرني في حْماكْ نْروح يا كريم الكرام
يا رزاق العباد انت لِّي قادْرْ
تْفَكْنا فالضيقة يوم الزحامْ يا عين الرحمة
دْخيل برجال الله الغايب و الحاضر
دْخيلْ ليك بْسيدي عيسى ابْنُ مريم
دْخِيلْ لِيكْ بالمرحوم مْعاهْ وْ سِيدْنا بوبكر
دْخيلْ ليكْ بالحسن و الحسين اولاد لالة فاطمة
اولاد عم الرسول بيت عْلي يحضر
دخيل ليك بسيدنا داود مع سيدنا عثمان


دْخيلْ ليكْ بْوَلِيْ الله سيدنا عمر