طلبات نوتة [الأرشيف] - الصفحة 4?login=1 - منتدى سماعي للطرب العربي الأصيل

وسام اكرم

11/11/2011, 14h42

الاستاذ العزيز و الغالي عادل صموئيل المحترم
اولا اشكرك على نوتة (يام الصابرين) و الحقيقة لاتتصور كم اعشق هذا اللون من الغناء, عندما تطلع كلمات الشاعر من القلب, و المطرب و الملحن على نفس الخط, و اشكر الاخ العزيز عاصم على ذوقة الرفيع. و لكن لي سؤال مهم عند حظرتك و الحمد لله جأت الفرصة في هذه الاغنية
في بداية صفحة 2 اشرت بكلمة( غناء الكوبلهات) اي بمعتى من ك1 والى اخر كوبلية يكرر نفسه من هذه المازورة و لاحاجة لاعادة تدوينها.
1- السؤال هل يمكن وضع علامة (سنيوا) عند هذه المازوة و علامة (كودا) للمازورة الاخيرة بدلا عن ذالك؟ ويكتب مثلا(يعاد 3 مرات من هنا) ؟ شرحت لي في مرة سابقة ان تفسير علامة السنيوا و الكودا مختلف في التدوين الشرقي عنه في التدوين الغربي.
2- و السؤال الثاني, ماذا يسمى الغناء قبل هذه المازوة سواء مطرب او غناء كورال؟ غناء مذهب؟ بصراحة في هذه النقطة عندي بعض الالتباس.ماهوا تعريف (غناء مذهب) بلغة التدوين الموسيقي؟
سوف اكون في غاية الامتنان لردكم الكريم.
تقبل خالص امتناني و شكري
وسام
اخى العزيز
التدوين فى الموسيقى الشرقية بيختلف عن التدوين فى الموسيقى الغربية , من حيث ان الغربية لها قواعد صارمة فى التدوين والمصطلحات , اولا لن كل شىء لازم يكون مكتوب مثل الحليات مثلا لأن العازف لازم يتقيد بالنوتة , يعنى حتى العزف القوى والضعيف كل شىء موجود , ايضا الموسيقى الغربية بتخضع لقوالب محددة لها خريطة مرسومة , لكن الشرقية ممكن كل لحن يكون فيه شىءمختلف
يعنى المذهب الصريح عندك مثلا اغنية انت عمرى : رجعونى عينيك لأيامى اللى راحوا , هنا ده مذهب صريح يعنى مقطع كامل محدود بتسليم موسيقى او لازمة انتظار , والتسليم هنا يعنى الموسيقى بتكون على ايقاع ثم يحدث إبطاء تدريجى لحد الوقوف
اما لازمة الانتظار يعنى مثلا زى اغنية ودارت الايام , جملة صغيرة بتتكرر عدة مرات بدون حساب لحد ما المطرب يحس انه عايز يغنى بيشاور للفرقة ويغنى , وتسمى لازمة انتظار يعنى انتظاراً ان المطرب يتسلطن ويبدأ الغناء , وفى اغنية ام الصابرين , تلاقى مافيش مذهب صريح , يعنى اكورال بيدخل وبترد عليه شادية وبيدخل تانى وهى بتدخل تانى , وهنا بتظهر حكمة المدون , انه ما يحاولش يعمل شكل ممكن يلخبط العازف , وايضاً من حكمة المدون فيه جملة بتعاد بعد فترة اناشخصيا بكتبها تانى لكن البعض بيعمل سينيو , طبعا لما تتفدى عمل السينيوهات بقدر الامكان افضل عشان العازف ما يفضلش نازل طالع , لكن فيه ظروف بتحتم عمل سينيوهات زى مثلا اغنية للصبر حدود عشان ما تبقاش الاغنية 15 صفحة
وكلمة غناء الكوبليهات عندما يكون لحن الكوبليه مكرر , واالموضوع الأهم انك قبل العزف لازم تنظر على الصفحة تفهم خريطة اللحن بعد كده كل حاجة سهلة
واكرر ممكن اتنين يدونوا نفس الحن , واحد منم تحس انك فاهم خط سير اللحن وواحد تانى تحس انك فى متاهة , ودى من اخطر المشاكل اللى بتحدث فى الاستديوهات واحيانا فى الحفلات لأن ممكن العازفين يدخلوا غلط
مع اطيب تحياتى عادل صموئيل
-----------------------------------
الاستاذ العزيز والغالي عادل المحترم
فعلا اشكرك على ردك الكريم و الجميل. هذه الاغنية على قصرها, و لكنها ليست كبيرة فقط بمعانيها و لحنها, و لكن بدروسها الموسيقي؛ اولا موسيقى, غناء كورال رجال؛ غناء مطربة؛ غناء كورال رجال؛ غناء كورال نساء؛ مطربة: يعاد بعدها كورال وبعد ذالك يبداء غناء الكوبليهات. بصراحة استاذي العزيز اكثر ماعجبني في تدوينك لها هوا (خارطة الطريق) اذا صح التعبير, لانه طريقية التكرار في هذه الاغتية على جماله, متداخل وقد يحير المدون. انت بسطها بالتدوين الحرفي للجزء الاول, و بعد ذالك اشرت الى الاجزاء المتشابهة (غتاء الكوبليهات), كما ان الغناء قبل هذا الجزء لاتنطبق عليه شروط(غناء المذهب) و قد شرحتها الان بشكل مبسط وسلس.
اكرر لك خالص امتناني وتقديري
المخلص
وسام

عمرو الهنداوي

11/11/2011, 16h06

استاذى الجميل / عادل صموئيل
الشكر الكبير عل نوتة (اه يا اسمرانى - و يا ام الصابرين )
فيه اغنية صغنتوته وحلوه ومنتشره فى مدارسنا
( احلف بسماها وبترابها )
لكن فيها افتكاسات كتيره فى العزف من كتير من الزملا المدرسين - الرجاء تنويتها - ولانى كمان بحهز فريق عزف من الطالبات يقدم مجموعه من الاغانى الوطنيه وعايز اختم بيها

استاذ عزت دة نوتة احلف بسمائها
شوفها لحد ما استاذ عادل يبقى يكتبها
كل التحية

عزيزى عمرو
انا شفت النوتة لقيت شكلها غريب
عندكم كده ولا عندى بس
هى سهلة ممكن اتكتبها لكم مش مشكلة
عادل صموئيل

وسام اكرم

11/11/2011, 18h12

الاستاذ العزيز عادل و الاخ العزيز عمروا
هذه نوتة (بحلف بسماها) بعد تعديل بسيط يمكن فتحها على اي حاسبة و بدون اشكال
مع تحياتي
وسام

عادل صموئيل

11/11/2011, 18h37

احبائى
دى نوتة

احلف بسماها

دونتها لكم بسرعة
اصل دى كانت السلام الجمهورى بتاع عبد الحيلم من النكسة لحد انتصار 1973
يعنى كنا بنبتدى بيها كل حفلة
مع اطيب تحياتى

http://www.moshreq.com/up/uploads/4ae12bfa11.jpg (http://www.moshreq.com/up/)

armendo

12/11/2011, 06h06

اخى العزيز مجتهد مجتهد.. اليك نوتة سماعى بياتى العريان من تدوين الأستاذ عادل ارجو ان تسعد بها ..اما نوتة انت عمرى فانا املك نوتة صعبة شوية فى العزف وغير متداولة فاذا اردت ان ارفعها لك فقط اخبرنى.
مع تحياتى
ارمندو

عادل صموئيل

12/11/2011, 16h47

احبائى
ردا على الموضوع السابق بخصوص ااغانى المنسية من الاذاعة حقول اللى اعرفه
اى مطرب محترم عالى المقام زى عبد الوهاب وام كلثوم وبالطبع كل اللى كان فى نفس المكانة من سنة 1930 ومابعدها , المطرب ده كان بتعمل له حاجة اسمها مطرب معتمد فى الإذاعة المصرية , والكلمة دى يعنى من تاريخ التعاقد ده كان المطرب بيجيب كل تسجيلاته السابقة على هذا التاريخ وكانت وقتها الاسطوانات الحجارى بتاعة الحاكى , او كانت الاذاعة بتتصل بكل الشركات اللى المطرب ده عمل عندها اسطوانات و وكانت بتشترى نسخة من الشركة وبالطبع المطرب والمؤلف والملحن كانوا بيقبضوا فلوس من الاذاعة , وبالطبع معنى كلامى ان كل مطرب كان بيجيب كل تسجيلاته السابقة , وكل التسجيلات اتالية كانت اوتوماتيكيا بتتسجل فى الإذاعة وتخرج للناس عن طريق الإذاعة المصرية , يعنى اصبح العكس بدل ماكان المطرب قبل الاعتماد بيسجل عند شركة الاسطوانات والإذاعة بتشترى منها , كان بعد الاعتماد المطرب بيسجل فى الإذاعة وشركة الاسطوانات بتشترى من الاذاعة , ولكا ظهرت الشركات الحديثة واللى ملك المطربين زى شركة محمد فوزى واللى اصبحت بعد كده صوت القاهرة , وشركة صوت الفن اللى ملك عبد الوهاب وعبد الحليم حافظ ووحيد فريد , كانت الشركات دى بالتعاون مع الإذاعة بينتجوا الاغنية , لأن كان ساعتها الفن تطور والفرقة الموسيقية كبرت والتكاليف اصبحت عالية بالنسبة للوقت ده , وبالطبع مش زى دلوقتى كانت المكاسب كلام فارغ , مما يستدعى ان الشركة والاذاعة بينتجوا اللحن بنسب محددة , طبعا من كلامى ده واضح جدا ان اى اغنية كانت موجودة فى مكتبة الإذاعة , اما اللى بيحصل ان كان فيه حاجة فنية خطيرة فى التقنية , ان الاسطوانة زمان كانت لو ما اتكسرتش او اتخدشت او اساعملت بطريقة غير صحيحة , يعنى كانت الاسطوانة زمان فيهفى الحاكى او الجرامافون او البيكاب ابرة , الاول كانت حديد كبيرة جدا زى المسمار , والابرة دى فيه منها نوعين , نوع رخيص ( كان ال 100 بعشر قروش مصرية يعنى ال 1000 بجنيه ) ودى كانت الابرة بتستعمل مرة واحدة ولازم تغيرها , وكتر الإستعمال الابرة سنها بيتبرى وتؤذى الاسطوانة , والابر النوع الفخم كانت الابرة بتستعمل عشر مرات وكان تمن ال 100 ابرة جنيه مصرى واحد وكان بيساوى خمسة دولار وقتها ) ومن هنا كان الشغوفين بإستعمال الاسطوانات لازم عشان يحافظوا عليها لازم يحسبوا الابرة اشتغلت كام مرة , والمعروف او التميز ان الايطوانة بتحتفظ بكفاءة التسجيل عليها مدى الحياة , بعد كده ظهرت الابرة الالماظ والاسطوانات المرنة اللى مش بتتكسر وكان زمنها كل وجه ساعة وكانت الاسطوانة القدييمة كل وجه 3 دقائق ونصف انتهت مشكلة الابرة , لأن البرة كانت ممكن تشتغل آلاف المرات ) , لما فى الاربعينات ابتدا التسجيل على الشرائط المغناطيسية فى سر خطير يمكن ماتعرفهوش , ان الريط المغناطيسى بتقل كفاءته بعد سبع سنوات , يعنى كان لازم يتنقل على شريط تانى جديد وكل سبع سنوات كان فيها جهاز من المهندسين شغلته الوحيدة عملية نقل الشرائط دى , وكمان بتتنقل على اجهزة عالية الجودة عشان تطلع النسخة بنفس كفاءة الشريط الاصلى , يعنى بيبقى شريط اصلى بيتنقل على شريط جديد , بعدين الشريط الاصلى بيروح لإستويوهات انتاج البرامج بيسجلوا عليه , تسجيل ببقى من الدرجة التانية , يعنى زى برامج الاذاعة المختلفة , على الناصبة مثلا وغيره , مش بيبقى شريط جديد لسه خارج من العلبة ولكن شريط اغنية ممسوح وبيتسجل عليه لحد ما يستهلك , العملية دى خلت فيه حركة خروج ودخول للشرائط واللى هى اغلى شىء فى الإذاعة , الدخول والخروج سهل سرقة الأغانى , والمصيبة كان الشريط اللى عليه الاغنية مش بيتسرق على اساس انه شريط عليه اغنية كذا , ولكن كان بيتسرق وبيتباع فى السوق ب 3 جنيه لهواة التسجيل بيشتروه مستعمل بدل ما يشتروا شريط جديد من المحل ب خمسة جنيه ساعتها , من الكوارث اللى انا حضرتها , بعد وفاة ام كلثوم بسنة جه واحد مندوب عن اذاعة تونس وانا قابلته , قال انهم فى تونس بيموتوا فى ام كلثوم بيعشقوها , وعايزين فى ذكرى ام كلثوم يعملوا اسبوع 24 ساعة فى اليوم ام كلثوم فقط ,
وطبعا قالوا حانجيب الاغانى كلها كلها منين , بالتاكيد الاذاعة المصرية عشان ال 500 سطر اللى انا كتبتهم فوق ودوشتكم بيهم , والراجل اخد تصريح من الاذاعة ودخل مكتبة الشرائط وهناك فوجت انه قعد يلطم على وشه , وقال يانهار اسود ( يعنى ما يقالبها بالتونسى ) قال احنا فى الإذاعة التونسية عندنا اغانى اد دول عشر مرات ولكم ان تتصورا شعورى وانا بسمع منه كده ..... وبدون تعليق طبعا و وللعلم كل الاغانى النادرة اللى بنقدر نصطادها بتكون من الدول الشقيقة او من الاماكن المحترمة زى سماعى هنا واللى عليه حاجات انقرضت من الاذاعة من زمان زى الديناصورات
ام عن اغنية من غير ليه
عبد الوهاب كان زى اى ملحن بيسجل الاغنية على شريط ويديها للمطرب يحفظ من الشريط , بس عبد الوهاب كان عنده تميز خطير , انه من هواة التسجيل وكان عنده اجهزة فى البيت من اللى قلبك يحبها ( والاحهزة دى وخبرتى انا فيها اكتر حاجة خلتنى انا وهو اصحاب ) المهم انه كان بيعمل الاغنية بصوته فى تسجيل عالى الجودة جدا فى بيته زى تسجيل ستوديو الاذاعة , وكان لما بيسجل بيسجل براحته يعنى يسجل المذهب مثلا عشر مرات لحد مايطلع احلى حاجة , بعدينبيستعين بواحد من خبراء المونتاج من الكذا ساعة تسجيل بيمسك المقص ويفصل له اغنية على العود 100% وطبعا تشرفت بصفتى خبير من خبراء المونتاج انى عملت له الحكاية دى كذامرة وبالذات عشان كنت بدون له اللحن , يعنى هو كان بيستفيد من انى بسمع اللحن وانا بقصه 300 مرة وفى التدوين ببقى فاهم هو عايز ايه بالضبط , المهم التسجيلات دى كانت بتتسرب بطرق كثيرة وانتم سمعتوها واشهرها لا تكذبى وست الحبايب وغيرها وكلكم سمعتوها , كانت اغنية من غير ليه هى المرشحة ليغنيها عبد الحليم وانا دونتها وطانت جاهزة , ولكن شاء الله ان يرحل عبد الحليم قبل بدء البروفات بشهر , طبعا فيه حاجة عايزكم تحسوا بيها , انا بعد ما اشتغت مع عبد الحليم او ام كلثوم صعب جدا اشتغل مع اى فسل او بتاع او سموا كما تشاءوا من اللى بيهببوا دلوقتى يعنى نفسى بتصعب عليا ( علما انه ممكن فى حفلة يدفع لى اد اللى قبضته من الفرقة الماسية فى سنة ) طبعا نفس الإحباط ده حسه عبد الوهاب يعنى الأغنية لما تكون معمولة عشان يخلدها عبد الحليم وانتم عارفين طبعا مكانة الأغنية اللى بيغنيها العمالقة بتبقى ايه بعدين فى الذكرى والتاريخ , وطبعا مفيش حد ممكن يحل محل عبد الحليمطالما معمولة لعبد الحليم , يعنى عبد الوهاب لحن لشكوكو واسماعيل ياسين وممكن يلحن لأى حد طالما بيدفع , لكن الاغنية لما تكون معمولة لعبد الحليم .... انتم طبعا فاهمين اللى ممكن اقوله فى 900 سطر وما اقدرش اقول اللى جوايا , وبعد عشرات السنين اما اللحن يموت او عبد الوهاب حس انه ممكن بعد مايموت اى حد اى كلام يسرق اللحن ما صاحبه مات , وقرر ان اغنية لعبد الحليم ما ينفعش إلا يغنيها عبد الوهاب بصوته , بس جت مشكلة خطيرة , ان عبد الوهاب كان لآخر لحظة صوته يمكن احلى من الاول , بس صحته ماتساعدش انتاج الاغنية
لأنه طريقته كان بيغنى فى التسجيل الكوبليه 950 مرة ولسه عايز احلى , ومن هنا جت الفكرة الجهنمية ومش حقول من اللى اشاربيها , اننا ناخد تسجيل عبد الوهاب واللى كان متسجل سنة 1975 , والنوتة اللى انا دونتها
ونسجل الموسيقى ونركب عليها صوت عبد الوهاب , بإمكانية التكنولوجيا ساعتها كانت عملية جنونية , بس بصراحة عبد الوهاب صرف كتير كتير كتير كتير , لدرجة اننا سجلنا الموسيقى فى ستوديو فى فرنسا بعد ماعملنا خمسين بروفة فى مصر , لأن كانت طبعا التكنولوجيا فى فرنسا اعلى كتير فى التركيب ده ساعتها , وطلعت الاغنية
اما مين غناها بعد كده مش تفرق لأنهاالمهم انها اتسجلت بصوت عبد الوهاب يعنى دخلت موسوعة عبد الوهاب ,
او ضمن كنوز عبد الوهاب , ولو كان هانى شاكر فقط غناها مع احترامى الشديد لهانى شاكر وهو صديقى وزميلى فى الكلية , بس اغانى هانى شاكر مالهاش بالطبع خلود اغانى عبد الوهاب وبالذات دى لأنها بصوته بعد ما بطل غناء عقود طويلة .
ومن الاسرار اللى احب اقولها لكم , كان السنباطى بيقبض من ام كلثوم اعل اجر 2000 جنيه فى اللحن فى السنوات الأخيرة , كان كل اغنية بيلحنها السنباطى لغير ام كلثوم يعنى لوردة مثلا لازم بيجيب فرقة ويسجلها بصوته
يعنى كان بيقبض الفلوس من ام كلثوم ويصرفها على تسجيل الحانه , والمؤسف والمخجل والمقرف والمقزز
ان الناس دول ماعملوش فلوس , يعنى تخيل لما الاطلال الملحن العبقرى يقبض فيها 2000 , واى اغنية حقيرة لعمر دياب مثلا الملحن بيقبض فيها تلاتين تلاف الفين وتسعمية وخمسميت الف ..... الخ جنيه
على فكرة : انا مشغول حاليا بكتب لكم اغنية رائعة من العيار التقيل اوى اوى
يعنى اى حد عايز اغنية من الحاجات السهلة ينتظر شوية , يعنى انا شطارتى انى بكتب الاغانى الكبيرة , والاغانى الصغيرة ممكن اى حد يدونها

وائل علوي

13/11/2011, 21h41

السلام عليكم جميعأ

هل هناك نوته لام كلثوم أنت عمري

بتدوين مبسط كتدوين الاستاذ عادل صموئيل

وشكراً لكم ســـــــــــــــــــــــــــــــــــــــــــــــــ ــلفاً
تفضل هذه النسخة رائعة ودقيقة وينقصها فقط جودة الطباعة

salhi_haithem

13/11/2011, 22h25

السلام عليكم جميعأ

هل هناك نوته لام كلثوم أنت عمري

بتدوين مبسط كتدوين الاستاذ عادل صموئيل

وشكراً لكم ســـــــــــــــــــــــــــــــــــــــــــــــــ ــلفاً

هذه نوته ام كلثوم أنت عمري
نسخة كاملة كرد على درجة "الصول" = لم انجح في رفعها لاني رفعتها من قبل
ونسخة كاملة كرد على درجة "لا"

علي ثلاثة

14/11/2011, 08h46

السيد الفاضل صموئيل عادل

تحية وسلاما

منذ وقت بعيد وأنا أتساءل عن أمر

يخص مدونة موسيقية.

و الأمر يتعلق بمقطوعتين

توجدان بكتاب موسيقا الشرق

لخالد الذكر الأستاذ عبد الرحمن جبقجي.

فإن كان عندك نسخة من هذا الكتاب

فإنك واجد بالصفحة 23 منه

مدونة-سوق العبيد.

والذي لفت انتباهي أن هذه المدونة غير منسجمة

مع المقطوعة المعزوفة.

ويظهر لي أنها مقطوعة-زمردة-

وهذه الأخيرة موجودة بالصفحة 19 من نفس الكتاب

ومدونتها هي مقطوعة سوق العبيد.

فإذن وقع تسمية كل واحدة منهما باسم الأخرى

وبما أنني لست متمكنا من هذا الفن النبيل

أردت أن استفهمك جلي الأمر.

فالذي يكون قد وقع ما هو إلا خطأ في الطبع

أو سهو بشكل من الأشكال.

ولكن لماذا حرصي على لفت الانتباه إلى هذا الأمر

لأنني وجدت أن الكثير يتناقلون هذا الخطأ.

فلو بحثت في الشبكة العنكبوتية عن مدونة - سوق العبيد-

لعثرت على –زمردة-

وكما هو معلوم فإن فرانك بورسيل قد جمع بعض المعزوفات

ومنها زمردة فلو تتبعنا موسيقاها لكانت مطابقة لما هو مدون سهوا

تحت اسم- سوق العبيد

وتجد صحبته صورتين للمقطوعتين.

هذا وإذا كنت مخطئا فإنني أعتذر

ولك مني جزيل الشكر

اخى العزيز
طبعا هنا احنا لما بنتكلم مع بعض بنتكلم لخبراء فى الموسيقى
اساس المشكلة اللى انت بتتكلم فيها هى المطابع
يعنى فى المطبعة بيبقى العامل او الفنى بيعرف لغة عربية ولما بيكون الكتاب المراد طبعه باللغة الإنجليزية مثلا لازم يكون عامل طباعة بيعرف جيدا اللغة الانجليزية , وغير كده لو انت عايز تطبع كتاب باللغة الايطالية او الالمانية مثلا هنا , لازم تنزل وسط العاصمة وتختار مطبعة متخصصة فى اللغات دى وهم مش كتير يعنى عشرة % من مجموع عدد المطابع فى الدولة كلها لأن عندهم ناس متخصصين فى اللغات دى وعشان ماتحصل غلطات خطيرة , لن بالطبع اللى بيشترى كتاب ايطالى اكيد لازم بيكون بيفهم جدا فى اللغة الإيطالية ومش معقول طول ما بيقرأ حيلاقى غلطات لغوية
طبعا انا بحكى القصة دى عشان اعرف اشرح الموضوع , المشكلة الخطيرة والخطيرة جدا وهى طباعة الموسيقى
يعنى انا شخصيا تعرضت لها , صعب جدا تلاقى فى مطبعة على اى مستوى كان , تلاقى شخص بيفهم فى الموسيقى
ومن هنا لازم الموسيقى صاحب الكتاب يبقى متواجد معاهم لحظة بلحظة لحد ماتنتهى كل العمليات الإعدادية للكتاب وحتى يمثل للطبع ودى حصلت معايا انا شخصيا , لأن اى هفوة منى او جزء او صفحة اكون انا مش معاهم لازم تحصل فيها مصيبة من الناحية الفنية , لأن العامل او الفنى مش فاهم ايه اللى فى الورق اللى بيطبع فيه , يعنى عندك مثلا النقطة اللى بعد اى علامة ايقاعية هو مايعرفش دى ايه , المشكلة الأخطر ان ايام طبع كتاب الاستاذ حبقجى كان الطبع بالزنكوغراف يعنى الصفحة بيتعمل لها اكلشيه يعنى قالب معدنى بيتحط على ماكينة الطبعاة ساعتها وبيطبع عليه , يعنى اى غلطة مهما كانت الكتاب بينطبع وخلاص , اما دلوقتى الكمبيوتر عم معجزات اننا ممكن نصلح ونعدل بدون خسائر فادحة فى التكاليف , ولكن يبقى ان الموسيقى لازم يكون موجود فى المطبعة طول الوقت لحد ما الكتاب يتم طبعه
اما بالنسبة لك من حسن حظك انك عارف الفرق بين زمردة وسوق العبيد
او احيانا بتكون جمل موسيقية فيها غلطات فادحة فى التدوين نفسه
بس المشكلة كمان تكمن فى ان بعدض المدونين وبالذات من غير بلد منشأ اللحن بيكونوا سامعين اللحن بطريقتهم هم يعنى ممكن فى التدوين بيطلع حاجات مختلفة عشان كده انا مش بحب اشوف اى كتب مدونات موسيقية عربية , بحب اعتمد على نفسى فى التدوين لأنى عزفت مع كل الملحنين والمطربين وعارف اصل اللحن
ولو تلاحظ انى اى عضو بيطلب نوتة بطلب التسجيل مع انى ممكن اكون انا حافظ اللحن لكن بحب اتأكد من اى حرف بكتبه
عشان بعدين ما يجيش حد يقول عادل صموئيل كاتب غلط
مع اطيب تحياتى عادل صموئيل

عادل صموئيل

16/11/2011, 08h28

احبائى
اقدم لكم نوتة
رائعة عبد الوهاب

فى يوم وليلة

طبعا دى لما تشوفوا النوتة حتشوفوا فيها مجهود وتفكير 15 يوم للتدوين , انا المرة دى حبيت اشوقكم شوية , بس جابت نتيجة انكم ابتديتم تفكروا يعنى لما قلت لكم انها 18 صفحة سعدت جدا لما حد منكم قال انه لعبد الوهاب , والاغنية دى فى توقيت عملها , بعد رحيل ام كلثوم وعبد الحليم وكان عبد الوهاب لسه عنده موسيقى كتير , حط فيها كل اللى قدرعليه يعنىشىء مهم جدا ان الاغنية الطويلة جدا , كل جملة فيها تكون احلى من التانية , يعنى لو بتلاحظوا فى ملحنين كتير لو الاغنية طويلة تحس ان نصها الاخير متكلفت , او مش على مستوى اللى قبله , او تحس انه لحن بجد ( يعنى فكر واختار واضاف وحذف 100 مرة ) , والنص التانى من الاغنية تحس انه قعد مسك العود وطلعه وخلاص , لكن عبد الوهاب كان بيحرص على ان الاغنية لو فيها 300 جملة موسيقية لازم كلهم يكونوا بنفس الدرجة من الحلاوة والفكر والقيمة لأن كان المبدأ بتاعه ان جملة متكلفتة من ال 300 ممكن توقع اللحن كله , مش بس التلحين كمان الإخراج , يعنى لما تسمع اللحن تلاقى فى البروفات كان بيضيف حاجات صغيرة زى مثلا ايقاع الزفة فى الكوبليه الأخير , فى الفترة دى كان عبد الوهاب انا كنت بحسه فى كل لحن انه ممكن مايكونش موجود تانى السنة الجاية , او انه آخر لحن حايعمله فى حياته , الشعور ده كان بيخليه يضيف على ابداعه ابداعات , عارفين مين اللى عزف صولو الكمان فى الكوبليه الأخير ؟
طبعا هنا انا دونت اللحن وتعمدت التبسيط لأقصى درجة ممكنة دون المساس [اى فتفوتة فى اللحن ماعدا تقاسيم على القانو والاكورديون والتقاسيم زى ما انتم عارفين بتبقى ارتجالية ومش بتتكتب , والعازف اللى عايز يعزف التقسيمة بيكون بيعزفها سماعى ومن ابداعه هو مش بيحفظ تقسيمة حد , ممكن ياخد من روحها ويضيف هو بصمته ,
الاغنية دى كانت مكتوبة فى المنتدى انا شفتها بس كانت فظيعة , يعنى صعبة شوية واللحن ده عشان طويل اوى محتاج كتابة تكون بتساعدك شوية , اللحن ده كان ممكن يكون 16 صفحة لكن انا تعمدت انه يكون بالحجم ده عشان الموازير ما تبقاش زحمة , طبعا انا بستفيد من كلامكم معايا يعنى اخت عزيزة منكم قالت انها من اهم المميزات فى طريقة تدوينى او اخراجى للنوتة ان الموزير مفرطة بالمصرى يعنى مش زحمة متكربسة , وده درس مهم جدا لكل من عايز يدون ... يعنى لو تلاحظ ان لو عامل عدد الموازير فى السطر 4 , احيانا بتكون موازير فيها زحمة عشانتبقى مريحة فى القراءة وعلامات التحويل لو وجدت تبقى واضحة انا بطرد مازورة من السطر وانزلها السطر التالى بيبقى المدرج ده 3 موازير , فيه حاجة تانية كمان مهمة جدا , لو كروش فى آخر المازورة مربوط فى كروش فى اول المازورة اللى بعدها , بحاول اخلبكم دايما جنب بعض بأى طريقة عشان انت تلاقى الرباط قدامك ما يبقاش الرباط نصه فوق ونصه تحت , دى بالنسبة للمحترفين عادى لكن للهواة ممكن تلخبطه , الاوى بيحتاج نوتة هى بتقرا نفسها , طبعا انا مع تبسيطى للحن ان شاء الله كلكم حاتقروه من غير مشاكل يعنى بقى سهل اوى , بس انصحك اسمع كوبليه كوبليه وركز فيه بعدين اعزفه لأنها طويلة جدا جدا ما ينفعش تاخدها مرة واحدة من الاول
وللعلم احنا فى الفرقة الماسية ومع ام كلثوم كنا بنمسك كوبليه نقعد فيه اسبوع كل يوم بعدين ناخد كوبليه تانى , يعنى ممكن عبد الوهاب اول بروفة ناخد اكوبليه التانى او التالت عشان التركيز
مع اطيب تحياتى واتمنى ان تسعدوا بها
http://www.moshreq.com/up/uploads/9cbe176d68.jpg (http://www.moshreq.com/up/)

عادل صموئيل

17/11/2011, 11h54

احبائى
اقدم لكم نوتة

نشيد الجيش المصرى

واهدىه لجيش مصر العزيز داعيا الله ان يحفظه من الشرور التى تحاول الإساءة والوقيعة بينه وبين الشعب

فيه كذا ملحوظة
طبعا النشيد ده عازفه اوركستر كبير وتوزيع والمفروض انه يتعزف فى المدرسة على اورج واحد طبعا راعيت التبسيط عشان الاورج لو حده يبقى مالى مركزه واللحن ما يبقاش فاضى لعدم وجود الآلات الأخرى
زكمان عشان فيه ردود كتير فى التسجيل بتبقى كورد مكون من كذا نغمة انا اخترت هنا الأساسية
فيه لزمات صغيرة جدا بترد على الكورال اختصرتها لأنها ممكن توقع اللحن فى حالة الاورج الواحد
هنا الملاحظ فى الكورال انه مش كورال عادى برد ولكن ده مجموعة من المطربين الجامدين جدا ودة كانت من اهم صفات كورال زمان , كانوا مطربين مش جايبينهم يردوا على المطرب وخلاص زى ما بيحصل دلوقتى وده بيظهر فى العُرب الكتير فى اللاحن
بس هو اعتقد كده بقى سهل جدا تنفيذه
واكرر انا بصفتى كنت موجه اول فى وزارة التربية والتعليم كنت احب جدا المدرس اللى بيسمعنى حاجة جديدة فى المدارس مش ال كام نشيد التعبانين واللى استهلكوا 100 الف مرة وزهقنا منهم
مع اطيب تحياتى
http://www.moshreq.com/up/uploads/3efee784f3.jpg

وسام اكرم

17/11/2011, 15h53

الاستاذ العزيز و الغالي عادل صموئيل المحترم
رفعت اليك 5 صور و تظهر فيها بعض الوجوة المميزة في الفرقة الماسية لعازفي الكمان, كان نفس من زمان بعيد اعرف اسمائهم, و اذا اعطيتني اسمائهم فسوف اكون في غاية الامتنان لشخصك الكريم
1- في الصورة رقم 1 تظهر حظرتك في واحد من حفلات وردة الجزائرية.
2- في صورة رقم 2 و 3 يظهر عازف اشاهدة من حفلات يعود تاريخها الى الستينيات و حتى اواخر الحفلات للفرقة الماسية, من هوا هذا العازف؟ لم اسمع له اي عزف صولوا في اي من الحفلات.
3- في صورة رقم 4 عزف الصولوهات للفرقة الماسية المشهور بالجزء الثالث من مقدمة رسالة من تحت الماء, و كثير من الصولوهات للفرقة الماسية, من هوا هذا العزف؟
4- الصورة رقم 5 يظهر جالس الى جانبك ايضا واحد من اقدم الوجوه في الفرقة الماسية, سمعت له مرة صولوا في احد اغاني وردة الجزائرية, اشيب الشعر, من هوا هذا العازف؟
سوف اكون في غاية الامتنان لردكم الكريم
----------------------------------------
حبيب قلبي و اخي العزيز عاصم المحترم
اشكرك عن النبذة المفصلة لتاريخ اغنية في يوم و ليلة مع دعائي لك بالتوفيق و النجاح الدائم انشاء الله
-------------------------------------
الاخ العزيز سويفي
اشكرك على كلامك الطيب و اتمنى لك كل خير انشاء الله
اخوكم المخلص
وسام
الأخ العزيز وسام
العازف اللى بتسأل عليه اسمه نبوى ابراهيم زكان لفترة من الوقت قائد اوركسترفرقة رضا للفنون الشعبية بعد وفاة المرحوم على اسماعيل
اما عازف الصولو الاستاذ عبد الفتاح خيرى وكان زوجا للفناة فايزة احمد لبعض الوقت اول ما بدأت فى مصر وكان بيعزف جيتار وهو اللى عزف صولو الجيتار فى انت عمرى وانت الحب
اما العازف اللى بشعر ابيض هو الاستاذ ميشيل المصرى وقد كان حجة فى الموسيقى الخليجية
مع اطيب تحياتى عادل صموئيل
--------------------------------------------
الله ينور عليك ياستاذي العزيز ,, هذه الوجوه و ان لم اراهم في الحقيقة و لكن محفوظين في القلب منذ صغري, و اليوم تعرفت على اسامي اخرى
و انا في غاية الامتنان لردك الكريم
وسام

وسام اكرم

19/11/2011, 16h26

[QUOTE=وائل علوي;559939]هل ممكن احد من الاخوة الافاضل يعيد كتابة هذه النوتة الجميلة بالانكور انا وانت لوحدنا لفريد الاطرش حيث ان كتابتها غير واضحة وهي على هذا الرابط
http://www.sama3y.net/forum/showthread.php?t=1129&highlight=%DD%D1%ED%CF+%C7%E1%C7%D8%D1%D4+%E4%E6%C A%C9&page=2 (http://www.sama3y.net/forum/showthread.php?t=1129&highlight=%DD%D1%ED%CF+%C7%E1%C7%D8%D1%D4+%E4%E6%C A%C9&page=2)
مع خالص تحياتي
-----------------------------------------
اخي العزيز وائل المحترم
هذه النوتة بعد تصحيح صغير على الصور و جمعها في ملف واحد (بي دي اف) ؛ هل هي واضحة الان؟
في انتظار ردك الكريم

swaifi73

19/11/2011, 19h50

محاولة بسيطة لتدوين معزوفة غزل البنات لمحمد عبد الوهاب

وسام اكرم

20/11/2011, 14h33

الاخ العزيز وائل المحترم
بناء على طلبك اعدت كتابة نوتة (انا و انت لوحدينا) على برنامج انكور. كما ارفقت لك نسخة من ملف انكور في حالة رغبتك بالتدوين, بصراحة انا لست متأكد 100 % من النوتة.
مع التقدير
وسام

salhi_haithem

20/11/2011, 16h35

السلام عليكم ورحمة الله وبركاته
ارفع لكم اغنية وانا مهما خذتنى المدن في شكل ميدي فايل من توزيعي و هي معتمدة من نوتة الاستاذ عادل اطل الله في عمره و هي تتظمن 8 الات موسيقية ارجوا ان تنال اعجابكم
و مرفق اغنية العيون السود لوردة في شكل ميدي فايل وهي تتظمن 10 الات موسيقية موزعة حسب ذوقي ارجوا ان تنال اعجابكم
و لو فيه ملاحظة لا تبخلوا علينا فبالملاحظات نتقدم و نتعلم
اخوكم هيثم

swaifi73

20/11/2011, 18h18

الأستاذ الفاضل
salhi_haithem (http://www.sama3y.net/forum/member.php?u=497828)
تحية طيبة وبعد
هذا تدوين
الأغنيتان محولين عن
طريق برنامج أسبليوس ولكني لا أعرف التدوين عليه أو حتى أكتب العنوان عندي شرح لهذا البرنامج ولكني تعلمت أنكور حديثا وأخاف
تدخل المعلومات فبعض وصراحة حبيت إنكور لسهولته

وسام اكرم

20/11/2011, 20h40

[QUOTE=وائل علوي;560318][QUOTE=وسام اكرم;560282]الاخ العزيز وائل المحترم
بناء على طلبك اعدت كتابة نوتة (انا و انت لوحدينا) على برنامج انكور. كما ارفقت لك نسخة من ملف انكور في حالة رغبتك بالتدوين, بصراحة انا لست متأكد 100 % من النوتة.
مع التقدير
وسام..
انا عاجز عن شكري وامتناني لسرعة استجابتك اخي الجميل د\ وسام تسلم ايدك--- بس مستغرب لماذا النوتة استهلكت 5 صفحات انا ملاحظ ان عدد الموازير قليل في كل صفحة-هل توجد طريقة لتقليص عدد الصفحات؟ وفي ملاحظة في الصفحة الاولى اول مازورة اول نغمتين ري ري وليس دو دو
مع خالص تحياتي ..

بخصوص الموازير
انا شفت النوتة بسرعة
هو فعلا الموازير واسعة اكتر من الازم , يعنى اخى العزيز اكرم كان ممكن تعمل 4 موازير فى السطر كانت تطلع كلها 3 صفحات والحرفين رى رى زى ماقال اخى العزيز وائل
مع اطيب تحياتى عادل صموئي---------
---------------------------------------------
الاستاذ و المعلم الكبير عادل صموئيل
العزيز الغالي وائل المحترم
فعلا انا عندما بدأت اكتب النوتة من الصورة الاصلية, لاحظت ان عدد الموازير في المدرج كان 3 , كما هوا واضح في الصور التي رفعها الاخ وائل, و لكي لا (اتيهه) في نقل النوتة جعلت ترتيب الصفحة مشابهه الى الصورة, الان اعيد رفعها بعد ان عملت عدد المزاير في المدرج 4, و عدد المدارج في الصفحة 8 , و هكذا تحول عدد الصفحات الى 3 فقط. اما عن تصليح النوتة, فسوف اتركة اليك اخي العزيز وائل, انت قلت لي سوف تصلحها بمعرفتك’ حيث ان هذه النوتة لست اني الذي كاتبها, و لكن فقط استنسختها على ملف انكور, و مع ذالك انا تحت امرك اذا استطيع.
مع خالص تقديري
وسام
شكرا يا وسام على ثقتك الغالية
بس المفضل كمان اعمل عدد الاسطر والمدرجات 11 سطر فى الصفحة ,لأن 8 اسطر بيحصل فراغ كبير بين السطر والسطر بتخلى القارىء يحي بغربة مش زى شكل الكتابة المألوفة انا بكتب كده
مع اطيب تحياتى عادل صموئيل

عادل صموئيل

21/11/2011, 21h18

احبائى
اقدم لكم نوتة من العيار التقيل جدا جدا
رائعة السنباطى

شمس الأصيل

الاغنية دى بتتميز بان فيه عبقرية السنباطى , يعنى كل عبقرية وصعوبة السنباطى
ولما تسمعها تخسها سهلة , لكن لم تحللها او تعمل لها تشرريح تفصيلى تحس ان فيها نقلات صعبة جدا ,
يعنى انا اول مشكلة صادفتنى ان المقام حجاز كاركورد والدليل 4 يبيمول لكن طول السكة المقام بيتغير , بس انا قررت انى اخلى الدليل زى ماهو واخلةى علامات التحويل فى السكة , عشان ما اعملش لخبطة , يعنى انت طول الوقت تحس الدليل وتراعى علامات التحويل الكتير

المذهب انا حاولت ابسطه بس هنا لازم تكون حافظه من الشريط عشان النوتة تبقى سالة معاك ام الكوبليه الاخير محتاج تركيز اوى لأنه اصعب كوبليه فى الاغنية , ومن اصعب الحان السنباطى لو قلت اصعب عشر كوبليهات فى كل شغل السنباطى على الإطلاق , هو ادليب بس انا كتبته على ميزان تحايلت عليه اولا عشانالادليب مش بيتعزف فى اكور يعنى عشان اكتبه وانا بسمع اكتب ايه واحاول اضبط على ما اقدر فيه , وثانيا عشان يبقى سهل انك تقدر تعزفه
اتمنى لكم انها تسعدكم وتفيدكم
اللحن ده عن شمس مصر .... الجريحة الآن وتتمزق , ادعوا لمصر تخرجمن النفق المظلم ده
مع اطيب تحياتى
http://www.moshreq.com/up/uploads/fef03bfc3d.jpg (http://www.moshreq.com/up/)

عادل صموئيل

22/11/2011, 19h09

احبائى
اقدم لكم نوتة اغنية فلسطينية

يما مويل الهوا

انا اخترتها لأن لحنها حزين زى المود بتاع المصريين دلوقتى

مع اطيب تحياتى
http://www.moshreq.com/up/uploads/c2be7ddeb5.jpg

عاصم المنشاوى

25/11/2011, 15h17

الأصدقاء
حبيت بس ارفع لكم نوتة ل "شمس الأصيل"...
عشان نعرف بس قيمة وجود الفنان /عادل اللى بسط لنا هذا اللحن الصعب جدا ..يعنى لو قارنت النوتة بنوتة الأستاذ /عادل ...حتلاقى الفرق كبير ...وصعب جدا عزفها ....أستاذ /عادل ...احنا متشكرين ياريس...هاهاهاها
اللى بيسأل على الكلمات والألحان
كلمات:بيرم التونسى
ألحان :العبقرى رياض السنباطى
غنتها ام كلثوم فى 15 مايو 1955

swaifi73

26/11/2011, 07h11

الأفاضل أعضاء المنتدى
تحية طيبة أهدي لكم نوتة موشح (شاغلي بالحسن بدر)
وهذه أول مرة أدون عمل غنائي وأجرب أدون على الأحرف الموسيقية أحرف عربي وهذا الموشح قد تعاملت معه من قبل أتوقع أثناء دراستي أو يمكن في بداية حياتي العملية
وبما أن الميزان 7 من 8
قدر الأمكان جمعت بعض العلامات الموسيقية وفي بعض الأحيان تركتها لخدمة تقطيع النغمات على الأحرف العربية للموشح للحن وأشكر الأستاذ عادل المرجع الدائم لي ولأعضاء المنتدى
واشكر الدكتور وسام أكرم لمساعدتي الدائمة في التغلب على الصعاب التي تواجهني في تقنيات أستخدام برنامج التدوين
لقد رفعت لكم النوتة الموسيقية والملف الصوتي مرة الفرقة كاملة ومرة غناء بمصاحبة عود و إيقاع .

swaifi73

26/11/2011, 20h47

أستاذي الفاضل عادل
أنا مصري ودارس في مصر ومتعلم بطريق أيمي بري
ومعرفش طريقة غيرها
بس أنا بقولك أن عندي هنا توانسة ما بيستخدموش هذه الطريقة
ومؤيدك جدا إنها أسهل وبتسهل النوتة جدا وتسهل توصيل المعلومة للطلاب
وبالنسبة
للتدوين التركي سبق أن شرحوهولي أحد الأشخاص
تقريبا بيرفعوا خمس درجات أو أربع
يعني تقريبا الخط الثاني صول عندهم أسمه دو
تقريبا مش أكيد رسلت لصديق يشرحلي الطريقة وهقولها بعدين
وطبعا بناء عليه الدليل بيتغير العلامات عليه
يعني الراست مثلا
مش هيكون على الخط الثالث (سي)والمسافة الرابعة (مي )
ورفقت لك بعض المدونات التركية
إلى أن أجيب المعلومة الصحيحة
عن
أسماء الخطوط والمسافات عندهم
وعن
رفع تون ضبط جميع الأالات عندهم
للفرقة
كاملة
يعني
هم يعزفوا النوتة
عادي بس التون بيكون مرفوع للكل
مقدار الرفع
هجيبه بعدين
وهذه نوت تركية إلى أن يتضح لي الموضوع
وطبعا أسماء النغمات مثل ما تكرمت
عندهم ( راست دوكه سيكه جهركاه نوى حسيني عراق ) وهكذا مثل دراستنا الشرقية في مصر

عزت شحاته

29/11/2011, 15h51

استاذ / وسام اكرم
عندى اكتر من نوته يسعدنى رفعهم
بعد اذن الاستاذ عمرو

عمرو الهنداوي

29/11/2011, 18h05

------------------------------------------------------------
الاخ العزيز و الغالي استاذ عزت
والله يعجز لسناني و قلبي عن التعبير ياصديقي. انا فعلا في غاية الامتنان على سرعة الاستجابة و لكرمك. اشكرك من كل قلبي و دعائي لك بالتوفيق و النجاح الدائم انشاء الله
اخوك المخلص
وسام

كل الشكر لكل الاخوة انا اتمنى استاذ عادل يكتب
اهواك زى ماعزفتها الفرقة الماسية بس
اكيد الاستاذ عادل مشغول جدا على العموم انا عندى نوتة
لى اهواك وبسيطة اوى وصح بنسبة كبيرة اوى
على حد اعتقدى والله اعلم
كل التحية

ملحوظة: لو النوتة ماظهرت عندكم كويس
سطبوا الفونت دة
http://sama3y.net/forum/attachment.p...9&d=1319782152 (http://sama3y.net/forum/attachment.php?attachmentid=272309&d=1319782152)

عمرو الهنداوي

30/11/2011, 13h12

ياجماعة دى نوتة ياحسن ياخولى الجنينة من تدوين
استاذ عادل والنوتة عبارة عن صورة وانا حولتها الى
ملف بى دى اف لكنى اتمنى استاذ عادل لو لسه عنده
النوتة ينزل ملف البى دى اف بتاع الاغنية
الاصلى لو كان لسه عنده
كل التحية
عزيزى عمرو
اليكم النوتة المطلوبة من حسن حظكم انى لقيت الملف
بس مش عارف ماعرفتش احذف الاولى
مع اطيب تحياتى

عادل صموئيل

01/12/2011, 15h17

احبائى
اقدم لكم نوتة اغنية من العيار التقيل جدا

اكتر م الحب

غناء ميادة الحناوى وتلحين محمد سلطان
اللحن ده انطلب وانا اول ماسمعته بصراحة ما عجبنيش ( ده ذوقى الشخصى ) , طبعا يهمنى اوصل وجهة نظرى لتلاميذى , اللى بيتعلموا منى حاجات تانية مهمة جدا فى الموسيقى غير مجرد نى بكتب نوتة وهم بيعزفوها
اول حاجة اللحن طويل جدا جدا , يعنى اكتر من حجم ميادة الحناوى , يعنى توب ميادة الحناوى بااالكتير نص الحجم ده , يعنى انا هنا كاتب 16 صفحة , ميادة بالكتير 8 صفحات عشان المستمع يقدر يستوعب اللى بيسمعه , يعنى حتى انا عادل صموئيل شخصيا , شوفوا كل جملة سمعتها كام مرة عشان الكتابة ودلوقتى اللحن عشان حجمه كبير جدا كله طار من مخى ما فيش ولا جملة لزقت , يبقى عامة الشعب المستمعين فقط حايحسوا بإيه ؟ عبارة عن قطار سريع جدا بحيث انك ما تحفظش اى منظر من مئات المناظر اللى بتعدى عليك , وده انا بعتبره مش ذكاء من محمد سلطان , هو متأثر بطريقة فايزة احمد الله يرحمها يعنى اللحن كان طريحة , شيلة كبيرة اوى , بس اختلاف فايزة عن ميادة ان الااعات بتذيع لها اللحن كتير , يعنى من اللحن للحن التانى 6 شهور ممكن يكون الجمهور استوعب فيها اللحن , ولو سمعت اللحن تحس بنكهة فايزة احمد فيه ظاهرة جدا , من اكتر الحاجات اللى ضايقتنى وتضايق اى مدون الصولوهات وبالذات صولو الكمان , يعنى لما تسمع زمان صولو الكمان تلاقى اما صولو بيقوله هو فقط او صوله الفرقة بتقوله بعدين الصولو بعدين الفرقة بتقوله تانى وهنا العازف بيلتزم بالنوتة , ممكن يقول حاجة قليلة جدا من عنده يعنى بصمته , لكن لازم يلتزم جدا بالنوتة , وده اللى انا اشتغلت فيه عشرين سنة , وهنا الفرقة بتقول جملة بعدين الكمنجة بتقولها هنا تبقى دقت طعم الجملة من الفرقة بعدين بتتذوق طعمها من الكمنجة بعدين تسمعها من الفرقة تانى عشان انت تكون تقريبا فهمت الجملة , لكن هنا ظهرت طريقة ( ظهرت بعد جيلى ) ان عازف الكمنجة الصولو والاورج بالطبع والعدوى دى ظهرت على جميع عازفى الصولو ) ان العازف عايز يستعرض عضلاته التكنيكية وبيخرج عن النص بيعمل حاجات عفاريتى يطلع فوق اوى وينزل فجاة يعنى كانك راكب مراجيح مدينة الملاهى , وهنا هو اول بيضيع الجملة , بيضيع ستيعاب الجملة بالنسبة للمسمتع لأنه مش حايفهم العفاريت اللى حصلت , يعنى مش ممكن المجهور يدندن الجملة , والكارثة لما الصولو يبتدى الاول زى اللحن ده , يعنى بيقول حاجة هلامية انت مش حاتفهم منها حاجة بعدين الفرقة تقول الصحيح هنا انت مش حاتلحق تستوعب الجملة , انا اول ماسمعت ده لولا ان الفرقة بتقول نفس الجملة بعد الصولو كنت مش ممكن حاقدر اكتب الصولو , وحتى لو تهورت وكتبته كان مش ممكن حد حايعرف يعزفه ولا حتى العازف اللى عزفه , لأنها حاجة فورية بتطلع منه وصعب هو نفسه يكررها تانى وانما حيقول حاجة تانية , من عيوب اللحن ان لو بصيت على النوتة من اولها لاخرها حتلاقى موازير كتير فيها دوبلات كروش كتير , لو تمعنت فيها وسمعت اللحن حتلاقيها مش تلحين ولكن تفصيل يعنى تعمد عرقلة الجملة او تشبه التمارين التكنيكية ود ه شىء يضيع الطرب , وللعلم تعبتنى جدا انى استوعبها مع السرعة العاللية بس عزائى انها بعد ما اتكبت انكم من السهل تطلعوها , وبرضه دى من اهم مساوىء الجيل اللى بعدنا من العازفين , يعنى احنا اهم شىء عندنا الطرب ثم الطرب ثم الطرب , والتكنيك ده حاجة من نفسك انت تذاكرها فى بيتكم , لذلك تلاقى كل الحان الزمن الجميل فيها الجمل طربية جدا وسهلة او تسميها السهل الممتنع , يعنى فيه مثلا مازورتين فى السطر الرابع والخامس من المقدمة استحالة انك تقدر تدننهم , ل انت قدرت 99% من الناس مش ممكن حتى حاتستوعبهم , بينما كل اغانى ام كلثوم مافيها المصيبة دى , الجيل اللى طلع بعدنا كان دماغه تكنيك بحت يعنى العازف يمسك الكمنجة ويروح واخد ال 16 صفحة طحن , انا طبعا جربت الموسيقى دى والموسيقى بتاعة زمان , كنا زمان بنستمتع باللى بنعزفة ونتمنى الجمهور يصقف اوى ونعيد المقطع تانى وتالت يعنى نفسنا الحفلة ماتخلصش , اما ايام الألحان اللى بطريقة اللاحن ده انا شخصيا كنت بحس انى مش بعزف ولكن بشيل نقلة زلط , كنت بحس ان كتفى ظهرى وجعنى من الكمنجة , يعنى الملحن زمان كان اهم شىء عنده ان العاف يتمتع اوى اوى باللى بيعزفه عشان يطلع كل اللى جواه , لما تسمع ام كلثوم تلاقى فى الكوبليه الاخير العازف بقاله ساعة ونصف بيعزف بس لسه مستمتع ومتسلطن وبيعمل عرب وسحبات جميلة , اما الالحان دى العازف بيبقى خلاص البنزين بتاعه خلص وعمال يستحمل لحد ما اللحن يخلص , وانا لولا الظروف النفسية اللى بتمر بيها مصر والانتخابات ما كنتش حاكتب اللحن ده يعنى اخد منى عشر ايام فى اقصى ظروف الاكتئاب النفسى وهنا لازم اكتب حاجة انا مش عايز اكتبها , المهم انتم عندى , يعنى اللحن فيه اجزاء صعبة واجزاء سهلة , عايزكم تعزفوا الاجزاء الصعبة , طبعا عشان تبقوا استفدتم كلكم من تعبى ما يستفيدش ممنه واحد او انتين فقط
على فكرة اللى يحب يرد بلاش اقتباس يعنى رد فى موضوع جديد لأن انا كاتب هنا كمية كبيرة لو خمسة نزلوها فى ردودهم حتاخد خمس صفحات
مع اطيب تحياتى وآسف للإطالة
http://files.fatakat.com/2010/8/1280767950.gif (http://files.fatakat.com/2010/8/1280767950.gif)

عمرو الهنداوي

03/12/2011, 23h42

ياجماعة دى نوتة السيدة فيروز سكن الليل كاملة
ومن تدوين استاذ سيمون شاهين
يمكن شكلها يخوف شوية لكنها سهلة اوى
على فكرة فى اشاعة فى المنتدى انه استاذ عادل
بيكتب انت عمرى والله اعلم
هههههه
كل التحية

عادل صموئيل

04/12/2011, 14h03

احبائى
اقدم لكم الاغنية اللى طلبتوها كتير
انا كنت مش عايز ادونها لأن فيها تفعيلات صعبة
لكن بناء على الحاح الجماهير الشعب يريد
اقدم لكم نوتة

الحب اللى كان

هى بجد صعبة جدا تفعيلاتها بس لو انت حافظ اللحن جدا ممكن تستوعب التفعيلات دى
مع اطيب تحياتى
http://www.moshreq.com/up/uploads/9cbe176d68.jpg (http://www.moshreq.com/up/)

عاصم المنشاوى

08/12/2011, 11h51

االأستاذ /احمد "السنباطى"...

دى نوتة "لست قلبى"أو "انت قلبى"...اتمنى توفى بالغرض مؤقتا لحين كتابتها....طبعا سيبك من الشخبطة اللى انا عاملها على النوتة لما كنت مبتدئ.....دى حاجات من 15 سنة[/

الصديق الفنان/نزيه محمد.....اخيرا ياعمنا شرفتنا هنا ونورتنا....ياريت تنزل لنا نوتك هنا ...بدل طريق رأس الرجاء الصالح ده...هاهاها...مع الأعتذار والحب للجميل دائما عم احمد "نور الصباح"...اللى عرفنا على حضرتك...

عاصم المنشاوى

08/12/2011, 12h09

الصديق /هيثم الصالحى
آدى نجوم الليل ...برضو ...تصبيرة ...لحد ماعمنا الماسى الأستاذ /عادل مايكتبهالنا...

عاصم المنشاوى

08/12/2011, 12h28

الأصدقاء
ودى نوتة "رقص العوالم"...أو "رقص الهوانم"....كتبها لنا صديقنا الفنان الفلسطينى فى منتدى "سماعى"...(سليمانا)...شكرا ياعمنا

swaifi73

09/12/2011, 18h09

أخواني وأعزائي أعضاء المنتدى الكرام أقدم لكم نوتة موشح(أرجعي يا ألف ليلة)
من الموشحات الأندلسية غنته الفنانة فيروز في وصلة مع عدة موشحات متواصلة مع موشح بلغه يا قمرو وموشحات أخرى
وهذا الموشح كنت درسته ايام دراستي
أتمنى أن ينال إعجابكم

armendo

09/12/2011, 20h37

أخي العزيز أحمد
خذ مثلا أغنية أغدا ألقاك في مقطع أنت يا جنة حبي، إنه تصوير رائع جدا جدا لمقام الصبا. استعمله من قبل السنباطي في لسه فاكر.
(في العود، العزف على السي أو المي هو شيء واحد، فقط إزاحة وتر).
أخي، أنا أنتظر منك نوتة أهواك لأقول هل هي سليمة أم ناقصة. وإذا لا زال السكانير معطل، ممكن أن تأخذ صورة بالموبايل وترفعها (فقط المقطع الذي نناقشه).
المقام الأول هو كرد عشيران، أي على 'لا' وليس على الصول كما ذكرتَ.

اخى فؤاد
اليك نوتة اهواك بعد ان تحايلت على الكومبيوتر بتغيير اسم الملف
اخوك...احمد

عادل صموئيل

09/12/2011, 21h53

احبائى
ومصر تعانى من النزع الاخير والفن على وشك ان يلفظ انفاسه الاخيرة

اقدم لكم حاجة حلوة عشان تفتكرونا بيها

امل حياتى

17 صفحة دونت فيهم كل فتفوتة من اللحن , حتى اللزمات الصغيرة التى تعيد المقاطع داخل الكوبليهات
واللزمات دى جميلة جداً مع ان احيانا فى المونتاج بيتجاهلوها , مع اننا كنا عشان نعمل لازمة من دول كنا بناخد فيها وقت طويل جدا
اتمنى ان تسعدوا بها , انا دونت الادليبات كلها على ميزان هى مضبطة من ماحية النغمات واقرب ما يمكن من الإيقاعات و وبالطبع لما تحفظ اداء ام كلثوم اوى حاتلاقى الادليب سهل جدا
ملحوظة تانية , انا طبعا ببسط كل حاجة صعبة بس هنا حتالاقوا كام مازورة صعبة , هى مش صعبة اوى لكن لو قمت بتبسيطها اللحن حايختل لأنها مش حليات ولكن من صلب او العمود الفقرى للجمل
مع اطيب تحياتى , ياترى لما ام كلثوم قالت
انا غن قدر الإله مماتى .... لن ترى الشرق يرفع الرأس بعدى

كانت بتتنبأ بسنة 2011 ؟؟؟ وهل كمان حايكسروا تمثال ام كلثوم ؟

http://img.mawaly.com/images/pictures/artists/252x336/43480-1269996780.jpg

عادل صموئيل

10/12/2011, 07h48

احبائى
اقدم لكم نوتة
مقدمة مسلسل نور التركى

مع اطيب تحياتى

http://www.moshreq.com/up/uploads/560475521c.jpg (http://www.moshreq.com/up/)

عادل صموئيل

12/12/2011, 11h31

احبائى
اقدم لكم نوتة اغنية ام كلثوم وزكريا احمد

حلم

الاغنية دى بتمثل عصر من الغناء وعصر من التلحين اسمه عصر المشايخ , والاغانى اللى من النوع ده بتعتمد على 40% لحن و60% اداء مطرب , لذلك بتحتاج مطرب قدير جدا جدا , يعنى من اهم الاغانى اللى ماحدش قدر يغنيها غير ام كلثوم , وللتوضيح انت لما تشوف اغنية مثلا زى امل حيتى فى اى مقطع تلاقى اللحن محدد يعنى المازورة مثلا فيها 4 نوار محددين والمطرب مقيد بيهم ولو حب يعمل عُربة بتبقى محددة جدا , والمطرب ما يعملش عرب كتير ( زى اصالة ) عشان مايفسدش اللحن , لكن فى الحان المشايخ تلاقى المازورة فيها سكتات وده بيدى المطرب القدير امكانية انه ممكن يملا السكتات يعنى يطول فيها ويقصر ويملا المازورة بما يحلو له , واما كلثوم بالذات كانت لما بتسخن وتتسلطن لازم تعمل تقاسيم من عندها , ولو تلاحظوا انها ماكانتش بتقسم كتير إلا فى الحان زكريا احمد لأن طبيعة اللحن بتديها امكانية تقول وتطلع كل اللى جواها , يعنى مرة فى اغنية اهل الهوى قالت اول جملة بعدين كان مزاجها عالى كملت اللحن كله من عندها , وده مش من فراغ , يعنى كان بيت زكريا احمد عبارة عن صالون غنائى وكان بيجتمع فيه عشان الفن ويغنوا كل يوم للصبح وكتير كانت ام كلثوم بتسهر معاهم وتغنى , وهنا كان الغنا مش محدد بوقت يعنى ممكن يمسكوا اغنية زى دى ويقعدوا يجودوا فيها للصبح , انت لو سمعت زكريا احمد تلاقى نفس الاغنية ممكن وهو بيغنى بيضيف كلام , الكلام ده ممكن بيكسر الوجة والميزان , مثلا اغنية شوف الزهور واتعلم , قال شوف الزهور يا بنى آدم واتعلم , كلمة يا بنى آدم تكسر الميزان لأنها دخيلة على اللحن , وهنا بييجى دور مهم لضابط الإيقاع , مع انها كلمة فجائية لكن بيقدر يظبط الايقاع بحيث انها تبان تجوديدة مش غلطة , وهنا لازم اتكلم عن النجم الخفى وراء اجادة الاغانى دى وهو عازف الرق الشهير ابراهيم عفيفى , كان راجل عجوز فطرى مش اكاديمى , ولكن ما جاش حد زيه عازف رق فى العالم العربى وهو السبب فى ظهور عازفى الرق العظام اللى تتلمذوا على يديه حسن انور وحسين معوض ومحمد العربى , التميز الخطير لإبراهيم عفيفى انه استلم ام كلثوم وهى عندها 16 سنة , كانت لسه بتتعلم وهو كان كبير ,, كان لما تغلط بيشتمها وياما اخدت منه شلاليت , وكان بيشتمها وهى على المسرح كتير ( بس طبعا ماحدش من الجمهور كان بياخد باله ) المطرب اللى من نوعية ام كلثوم بيبقى عنده طاقة عالية جدا ... يعنى خمسين الف فولت , واى طاقة فى الدنيا لازم تتحجم , يعنى اى مفتعل نوورى اهم جهاز فيه التحكم والسيطرة على الطاقة لأنها لو خرجت عن السيطرة تضيع الدنيا , وام كلثوم كانت كده , يعنى المطرب القدير بيبقى عنده بالدراسة والخبرة انه ممكن يلعب بطلاقة فى 47 مقام
وهنا ييجى النجم التانى محمد عبده صالح عازف القانون يعنى كان بيديها السسك عشان ماتتوهش , يعنى يديها لا بيمول مثلا , وهى تروح منها لكل المقامات القريبة وهو طول الوقت محوط عليها او محجمها , او ابراهيم عفيفى ,كان حافظها يعنى لما تخرج عن الوحدة بيحس انها فاهمة هى فين وتعدل نفسها او محتاجة حد يرجعها , كان فى وسط المازورة بيديها تكوك عشان ما تتزنقش وفجأة فى مكان مناسب يديها 2 دوم ترجع للوحدة , وقالت عنه ارباهيم عفيفى بيسترنى .... والطريف ان ام كلثوم انا شفتها فى بيتها لما تكون مع نفسها , لازم تسمع ام كلثوم كل يوم ساعتين , كانها مستمعة وتنقد نفسها , وكانت لما تسمع حاجة ماتعجبهاش تشتم نفسها بنفس الشتائم اللى كان بيشتمها بيها ابراهيم عفيفى , وكانت لما تسمع حاجة حلوة تمدح نفسها انا سمعتها بتقول الله عليكى ياسومة ياللى مفيش منك وعظمة ياست طبعا اللحن ده من الصعب ان اى حد يغامر ويكتبه بس من حسن حظكم انى بعزفه من اكتر من 30 سنة يعنى حافظه , حافظ اساه مش التجويد اللى مش ممكن يتكتب , وانت لو شفت النوتة حتلاقيه سهل كده ممكن ماتتخيلش انه سهل كده , بس هو محتاج مش قراءة حروف محتاج نشغل السماعى شوية يعنى تحفظ اللحن من التسجيل اوى بعدين تسترشد بالنوتة اكيد حايطلع حلو
مرفق الاعلان بتاع الحفلة الخميس 4 ديسمبر سنة 1947
مع اطيب تحياتى

عادل صموئيل

15/12/2011, 18h30

http://egymix.net/vb/imgcache2/29446.gif (http://egymix.net/vb/t15110.html)
احبائى
فى الاحتفال بوصول عدد صفحات موضوع طلبات النوت إلى 500 صفحة اتقدم لكنم اطيب التهانى واقدم لكم

زى الهوا يا حبيبى
اتمنى ان تسعدكم
والقادم احلى انا شاء الله

http://egymix.net/vb/imgcache2/29447.gif (http://egymix.net/vb/t15110.html)

sayed_lv

17/12/2011, 18h04

السلام عليكم ورحمة الله وبركاته
*********************
اقدم لكم اليوم نوتة
انتى بلاد طيبه
للفنان /محمد منير و انوشكا
"من تدوينى"
ومرفق ايضا ملف صوتى لتوزيع بسيط للنوتة على برنامج
FL Studio
وايضا الاغنية الاصليه
************
تحياتى
:emrose:http://cdn1.beeffco.com/files/poll-images/normal/popularity-egypt_1853.jpg
Sayed_lv

salhi_haithem

17/12/2011, 18h38

السلام عليكم ورحمة الله وبركاته
الاخواة الكرام تحية طيبة
اخي العزيز وائل العلوي سبق و رفعت نوتة اغنية نبتدي منين الحكاية المشكل انو فيها صفحات فيهم اخطاء مثال الصفحة اربعة (مرفق) فيها مازورات فيهم اللحن غير مستقيم و تنقص درجات و التعديل بالاحمر.. اما الصفحة الثانية فيها خطئ في الميزان اصلا و قد اعدت تدوين المقطع الخاطئ مع ملف صوتي (مرفق) و نرجوا من الاخواة و الاستاذ عادل ابدا رايهم في الموضوع (هل الميزان يتغير ليصبح 2_4 او يبقى 4_4) انا حسب نظري انو يبقى 4_4... و لو ممكن تواجد نوتة الاغنية ما فيهاش اخطاء
اخوك هيثم

عادل صموئيل

18/12/2011, 15h01

احبائى
اقدم لكم اليوم اغنية من العيار التقيل ( جدا جدا ) طلبتوها من اكتر من سنة وانا كنت متردد لنها من النوع اللى ما ينفعش يتكتب , لأنه اكبر من الكتابة ومن التدوين ومن القواعد , لكن مع اصراركم اقدمها لكم

الكرنك
والاغنية دى ماتمرش دون توضيحات , يعنى اول توضيح انها من قسم من اغانى عبد الوهاب اللى من المستحيل ان حد يقدر يغنيها , يعنى شىء عامله عبد الوهاب لنفسه , عند المقطع بتاع انا هيمان , هو بيعمل تقاسيم انا ماكتبتهاش لعدة اسباب , اول سب ان التقاسيم ما تتكتبش , هى مش تدوين موسيقى ولكن سكك , يعنى المطرب بيرسم لنفسه خريطة , يبدأ من مقام ايه ويروح فين وفين , ونفس المطرب لو غنى الاغنية عشر مرات كل مرة التقاسيم بتختلف , لأنها ارتجالية , يعنى حتى ما ينفعش هو نفسه يكرر اللى قاله , وزى ما انتم عارفين انى لما بعزف اى لحن بتخيل الملحن قدامى ولما اكتب بتخيل الملحن قدامى , ولو عيد الوهاب دلوقتى رجع وحب يدون الاغنية دى عشان يغنيها انا من حفظى لعبد الوهاب كان مش حايخلينى اكتب التقاسيم بتاتاً , يعنى حايخلينى اكتبها زى ما انا كاتبها هنا , وفى البروفة حايفهم الفرقة انه حايعمل تقاسيم فى المكان ده , وطبعا ضرورى قبل ماتفكر تعزف النوتة ترجع للحن عشرات المرات لأنه مش قرائة حروف , ولكن روح , حاتلاحظوا حاجة مهمة فى اللزمات الصغيرة اللى بيترد على التقاسيم او بتسد الفراغات , انك حاتسمع الفرقة مش محددة فى حاجة يعنى كل واحد بيقول حاجة , ودى لما كنت بعزف معاهم الملحن بيقول اشغوا ( دى كلمة مصرية قديمة يعنى انتشروا او زنوا , بنبقى زى صوت الحشرات بتاعة الغيط او الحقل بالليل , يعنى انت سامع اصوات كتير بس مش عارف ايه بالتحديد اللى بيعملها او ايه مع ايه , وهنا الفرقة بتونس المطرب او بتعمل نغمات فى خلال المقام اللى المطرب واقف عنده , فيه حاجة خطيرة فى عبد الوهاب , انا من معاشرتى له 20 سنة شخصيا وعشرين سنة قبل ما ادخل الوسط الفنى , ان عبد الوهاب لو ابتدا يقسم عمرك مها كنت قدير انك تتخيل هو رايح على فين , بمعنى انه لو بدأ من رى وعمل مى نص بيمول وداخل على الفا اى واحد عادى يتخيل انه حايروح على البياتى ... لكن تميز عبد الواحد انه بياخدك لى مقام من المستحيل انك تتخيله , وانا شخصيا رحت مع عبد الوهاب قعدات كتير جدا و يعنى هو وانا وعازف رق فقط , انا كنت لسه صغير جدا وكان فيه عازفين كبار جدا واحسن منى واكتر خبرة , هو كان بيختارنى لأن العازف الكبير بيحب يبين نفسه , يعنى زى ما قلت فى المثل ده لو عبد الوهاب اعطى الاحساس بالبياتى كان العازف الكبير ممكن يسحبه على باقى البياتى ويضيع الخيال اللى فى مخ عبد الوهاب , لكن انا شخصيا كان احساسى ان الاستاذ عبد الوهاب زى هرم خوفه , وانا جنبه نملة , وبالطبع مش انا اللى اوجهه يقول ايه , ولكنه ماسك العود وانا بتابعه , بعمل له حاجة زى خلفية او ارضية , دى كانت بتريحه جدا , الحاجة الاخطر ان عبد الوهاب لما ببسخن ويفتح ممكن فى تقسيمة زى دى بياخد ساعة ... وفى تسجيل الكرنك التقسيمة خمس دقائق فقط لأنه كان زمان مقيد بزمن الاسطوانة الحجارى , يعنى قبلما بيسجل اللحن بلإسبوع لازم حد يمسك له ساعة ويحدد يقعد فى كل جزء اد ايه كام ثانية , ودى بالطبع كانت بتعمل له تحجيم لطاقته .... بعكس رياض السنباطى كان حظه حلو انه لما كان بيسجل اغنية كان بيمسك العود ويقسم , على ايام الشرائط .... يعنى يقسم براحته ده رياض السنباطى , يعنى ممكن الاغنية 40 دقيقة فيها عشر دقائق تقاسيم .... وانا هنا بديكم فكرة عن عبد الوهاب يعنى انت لو بحثت هنا فى قسم اغانى عبد الوهاب على اغنية تكون عمرك ماسمعتها , واسمعها كتير ذاكرها ... حاتكتشف ان اى جملة لو سمعت نصها الاول مش ممكن حاتتخيل نصها التانى ولا حتى شبه اللى حايعمله عبد الوهاب ... مع ان فى اى مطرب تانى سهلة جدا تعرفها , وانا طالب فى الكلية كان من ضمن دروس القواعد الموسيقية بناء الجملة اعطيكم مثال يعنى جملة فى سلم دو الكبير او مقام عجم على دو ... الجملة 8 موازير ... القواعد الثابتة بتقول الجملة سؤال وجواب , يعنى اربع موازير ولازم تقفل على الدرجة الخامسة يعنى صول , والاربع موازير التالية لازم تقفل على الاساس يعنى دو ...
عبد الوهاب كسر كل القواعد دى ... ممكن يقفل الجملة على حرف مش ممكن تتخيله و او بيسحبك بالحرف ده على مقام تانى , يعنى لما حد يقول لك عبد الوهاب الاسطورة مش من فراغ , حاجة تانى خطيرة جداً .... انا فى محطة روتانا زمان بيجيبوا حفلات لفرقة الموسيقى العربية المصرية .. حفلات حديثة يعنى العازفين شباب من الجداد . شفت لحن همسة حائرة للمطرب السورى صفوان بهلوان ... المطرب حلو لكن الفرقة زفت ,,, او تحت الزفت ب 30 درجة . طبعا انا بخبرتى بعرف ايه العيب , ان اللحن مكتوب نوتة , والشباب اللى بيقارا بيقرا النوتة اللى قدامه , وشكله عمره ما سمع اللحن اصلا , يعنى انا هنا فى المنتدى عزفت همسة حائرة والجندول , مش عايز اقول انا شاطر لكن انا حافظ , يعنى اى اغنية من دول شرط اساسى انك عشان تعزفها انك تكون فيه علاقة بينك وبين الاغنية مش اقل من 30 سنة ,,, وحتى العازفين العظام اللى عزفوا الاغانى دى فى زمنها وهم اللى سجلوها قعدوا يحفظوا فيها شهر , يعنى بتبقى بالنسبة لنا زى البيت اللى انت ساكن فيه ... تقدر توصل له من عشرين طريقمختلف
طبعا انا آسف للإطالة وما اطمعش ان كتير منك يقدروا يعزوفوها بس حاولوا .... يعنى لو مبتدىء منك عزف منها جملتين اكون فى منتهى السعادة
فيه ملحوظة : حد منك قال انه شافها نوتة قبل كده وفيها غلطات كتير , وانا هنا بقدر الامكان حاولت اتفادى اى غلطات لأن عبد الوهاب فى النوعية دى من الاغانى الصعبة بتسمع حاجة وتكتبها تراجع تطلع حاجة تانية امسحها واكتبها تانى كذا مرة لحد ما احس انها حلوة كده وعمرى طبعا ما حوصل للكمال
وملحوظة تانية فى التقاسيم انا للعلم كتبت منها 3 سطور بعد عناء شديد لكن مسحتهم حسيت ان من المستحيل تتكب
مع اطيب تحياتى
http://files.fatakat.com/2010/8/1280767421.gif (http://files.fatakat.com/2010/8/1280767421.gif)

تلميذ القصبجي

20/12/2011, 06h27

ايها الاخ العربي الكريم
اليك مطلبك
والسلام عليكم
اخوك تلميذ القصبجي

ارجوانة

20/12/2011, 17h16

الاخ العزيز ارمندو هاك نوتة حسيبك للزمن تدوين العملاق الاستاذ عادل وهي عموما موجودة صفحة 202 مع شرح وافي عن تدوينها لتكون الفائدة فائدتين

عادل صموئيل

21/12/2011, 06h17

احبائى
اقدم لكم نوتة لقاء السحاب

انت عمرى

هى موجودة فى المنتدى بس انا حبيت ادونها احلى شوية
والغريب ان اللى خلانى ادونها انى بعد مادونت الكرنك حسيت انى عايز اكتب حاجة سهلة بالنسبة لى , لأن الكرنك تعبتنى اوى يعنى كنت كل سطر باخد وقت , نفس اولقت اكتب فيه صفحين من انت عمرى
المهم النهارده فيه درسين , الدرس الاول ان مدرسة عبد الوهاب لما تشوف جملة الجيتار فى المقدمة الموسيقية , تلاقيه كرر الجملة كذا مرة لكن كل مرة فيها حلية شكل يعنى ماتسمعش الجملة مرتين زى ما هى , يعنى تسمع الجملة اول مرة تلاقى فى كل جزء سكتات , تانى مرة تلاقى الكمنجات بتعمل 3 حروف بتملا السكتات و ولما الكمنجات بتقول الجملة بتعمل نغمات طويلة بدل السكتات و ولما الجيتار بيعيد الجملة فى اواخر المقدمة تلاقيه بيقف الجمل بحلية من عنده بدل السكتات , والملحوظ ان عبد الوهاب بيركز على اللعبة دى بالذات فى المقدمة الموسيقية بالذات مش بيعملها فى موسيقى الكوبليهات , لنه كان بيتبر ان المقدمة الموسيقية مقطوعة موسيقية منفردة يعنى ممكن تعزفها لوحدها كمقطوعة موسيقية والتنويع هنا طبعا مطلوب جداً , لكن موسيقى الكوبليهات بتبقى تمهيد للغناء , فيه حاجة مهمة تانية فى اللحن ده بالذات واضحة جدا , لو سمعت انت عمرى فى تسجيل الاستديو حتلاقى فى الكوبليه التانى ( بتاع الليالى الحلوة والشوق والمجبة ) موسيسقى الكوبليع حاجة على ايقاع وبتعزفها الفرقة ,,,, اما فى الحفلة حاجة تانية يعنى مويسسقى بدون ايقاع فيها صولو قانون ... وحبيت تعيشوا معايا الجو ده .. يعنى كنا بنشتغل فى مقدمة او مقطوعة موسيقية بعدين بعد ما نحفظها وتبقى 100% عبد الوهاب ( او الملحنين الكبار عادة ) ممكن يغير فيها يزود حتة ينقص حتة أو يغير شكلها العام او حتى ممكن يحذفها كلها ويحط واحدة جديدة بدالها زى هنا ... وده بيبن لك ان الناس العمالقة دول كانوا مش الملحن بيعمل اللحن ويقبض ويعمل البروفات ويسجله ويجهزه للحفلة ويخلع ,,, ولكن الملحن كان حتى بعد ما يعمل اللحن كان هدفه احلى حاجة ممكنة على الإطلاق ... يعنى كان ممكن يعمل تعديل حتى ممكن قبل الحفلة بساعة وحصلت كتير ... وانا هنا للأمانة عملت لكم الاغنية كاملة .. وعملت ملف مستقل فيه الجملة الملغاة دى لنها حلوة جداً من باب العلم بالشىء وسهلة جدا اقل واحد ممكن يعزفها
مع اطيب تحياتى
http://files.fatakat.com/2010/8/1280767601.gif (http://files.fatakat.com/2010/8/1280767601.gif)

armendo

21/12/2011, 09h56

اخى هيثم اليك نوتة انت عمرى على الصول واعتقد انها واضحة وذلك حتى يتسنى للأستاذ عادل تعديلها.
مع ارق تحياتى
ارمندو

swaifi73

21/12/2011, 17h11

أعزائي أقدم لكم موشح (بلغه يا قمر) وهو من الموشحات الأندلسية غنته الفنانة فيروز في وصلة من الموشحات الأندلسية منها موشح أرجعي يا ألف ليلة الذي سبق أن رفعته للمنتدى سابقا وهذا الموشح بلغه يا قمرو وموشح يا من حوى ورد الرياض
أتمنى أنا ينال إعجابكمِ

ابوكارم

21/12/2011, 17h22

السلام عليكم ورحمة الله وبركاته
الاستاذ العزيز استاذنا عادل صموئيل مشكور جزيل الشكر على اغنية انت عمري و بارك الله فيك وفي صحتك لي طلب صغير يا استاذ عادل لو ممكن باللمسة السحرية ببرنامج انكور ترفع لنا نسخة لنوتة انت عمري كرد على درجة "صول" اكون ممتن لاني من محبي هذه الاغنية و اعزفها على الصول مع الشكر الجزيل
مع اطيب تحياتي اخوك هيثم

اخى هيثم اشاركك الرأى
فعلا نريدها كرد النوى
وللاستاذ عادل جزيل الشكر
[COLOR=Red]ولا تزعلوا يا سيدى اليكم انت عمرى كرد النواه
يعنى لو انا ما ادلعكوش مين حايدلعكم ؟؟
على فكرة على برنامج انكور سهل فى دقيقة تنقل اى اغنية من اى طبقة بس المهم ان المدون نفسه يختار الدليل الصح
اما الصعب واللى بيحتاج تركيز العلامات الشرقية
لنها لما تكون النغمة الاصليلة فا نصف دييز مثلا لما بتنزل تون بتبقى مى نص بيمول وهنا بتحتاج انى بمر عليهم اصلحهم واحدة واحد دى المشكلة بس عشان خاطركم ربنا سهلهلا وعملتهم فى ربع ساعة
مع اطيب تحياتى اليكم النوتة
[B][SIZE="4"][COLOR="DarkGreen"]الاستاذ الكبير / عادل صموئيل
لكم الشكر المستمر النقطع النظير
للاستجابه والاهتمام وسرعه الرد والنوت القيمه والتنويت الدقيق
ابوكارم

عادل صموئيل

22/12/2011, 19h29

احبائى
اقدم لكم اغنية من العيار التقيل جدا جداً
ومع انها قصيرة جدا بس اتقى شر القصير دايمما

الاغنية دى صعبة جدا وبالذات الكوبليه التالث واللى حيرنى يومين مع انع سطرين
فيه شرك خداعى لدرجة انى لجات للأخ العزيز المايسترو محمد الآلاتى واللى وضح لى الشرك الخداعى الفظيع ده
وعبد الوهاب عامله برضه عشان تبقى من الاغانى اللى من المستحيل ان حد يقدر يغنى غيره الكوبليه الثالث
اقدم لكم
امتى الزمان يسمح ياجميل

المشكلة ان فيه لازمة صغيرة بتوصول للكوبليه الثالث , تسمع غناء الكوبليه الثالث تحسه ميزان عشرة على تمانية , بس فيه حاجة بتتكسر غلبتنى وقت طويل اوى , والاخ العزيز محمد الآلاتى وضح لى ان الخازوق اللى عامله عبد الوهاب فى الازمة الصغيرة انها مازورة واحدة ميزان 6/4 وال 10 على 8 بيبتدى من اول الغناء , مع ان كل الايحاء بيديك ان الميزان 10 على 8 بيبتدى من الازمة ويلضم فى الغنا ,,, شفتم العبقريات
عموما اتمنى ان تسعدوا بها واهديها للخت العزيزة ملكة المويسقى هى اللى طلبتها
مع اطيب تحياتى

http://files.fatakat.com/2010/8/1280767633.gif (http://files.fatakat.com/2010/8/1280767633.gif)

عادل صموئيل

24/12/2011, 08h36

احبائى
اقدم لكم رائعة من روائع العيار التقيل
رائعة عبد الوهاب

همسة حائرة

اتمنى ان تسعدوا بها
مع اطيب تحياتى

http://jewelsuae.com/gallery/data/media/14/v_31.gif

عادل صموئيل

25/12/2011, 16h59

احبائى

اقدم لكم نوتة

يا اعز من عينى

لأسطورة الاساطير ليلى مراد
والكلمة دى قليلة عليها , لأنها بجد كانت سندريلا الفن , يعنى كانت مطربة ممثلة , ماغنتش فى حفلات يعنى كان الجمهور بيشوفها فقط على الشاشة البيضاء , وفى الوقت اللى ظهرت فيه لحد ما اتعزلت كان الشاشة البيضاء لها سحر عند الجميع , والمعروف عنها ايضاً انها مش بتحضر حفلات فى المجتمع يعنى كانت بالفعل زى سندريلا ظهرت فجاة واختفت فجأة , واختارت الوقت المناسب للإعتزال , لن كان لها استايل معين ماحبتش انها تظهر بشكل اقل ,, وكانت ليلى مراد الفنانة الوحيدة اللى ظهر لها عدد كبير بإسمها زى ليلى لنت الفقراء وليلى بنت الاغنياء ... الخ
ومن القصص المهمة فى حياتها انها كانت تسكن فى عمارة الايموبليا وهى تقع فى وسط القاهرة , والعمارة دى كانت ملك عبد الوهاب وكان ساكن فيها عدد كبير من الفنانين , مرة نجيب الريحانى قابلها فى الاسانسير وقال لها نفسى اعمل معاكى فيلم يابنتى قبل ما اموت , واستهوت الفكرة انور منسى وحب انه يعمل فيلم خارق للعادة يعنى حط فيه كل النجوم , وعبد الوهاب عمل كل اغانى الفيلم بل وقدم بنفسه اغنية عاشق الروح , ومن سخرية القدر ان نجيب الريحانى توفى بعد تصوير الفيلم مباشرة وقبل عرضه , ومن اهم ماقدمته ليلى مراد ان ادوارها كلها كانت محببة جدا عمرها ما عملت دور شرير او دور مبتذل ... بإختصار كانت ظاهرة مش ممكن تتكرر
مع اطيب تحياتى

عادل صموئيل

27/12/2011, 06h12

احيائى
انا ساعات بحس انى شيخ او مكشوف عنى الحجاب
يعنى امبارح بعد ماقدمت لكم اغنية ليلى مراد واتكلمت عن فيلم غزل البنات , بالليل متعود اتفرج فى قناة الحياة 2 الساعة واحدة الفجر على برنامج اسمه الجورنال للصحفى المبدع نصر القفاص بيعجبنى سخريته , يعنى اى خبر بيفقع او يجيب الضغط او الاسقريوط بيقوله بطريقة مضحكة لن شر البلية ما يضحك , المهم ان القناة دى بتجيب بعد البرنامج كل يوم فيلم عربى من بتوع زمان بس ذوقهم حلو فى اختيار الافلام , وفجأة امبارح كان فيلم غزل البنات واسترجعت كل الذكريات واللى حكيت لكم عنها ... وطبعا ما اقدرش اخرج وايدى فاضية خلص الفيلم ( واللى شفته اكتر من 100 مرة واحب اشوفة اكتر واكتر ) خلصت الفيلم وقعدت كتبت لكم اغنية من اروع اغانى ليلى مراد

الدنيا غنوة

هى قد تكون صعبة شوية بس لو تحفظها حاتبقى سهلة
من اهم الذكريات فى الفيلم ده ان لما غنى عبد الوهاب اغنية عاشق الروح لفت نظرى الفرقة اللى وراه ... بالطبع اللى سجلوا معاه اللحن كان ربع العدد ده .. لكنزى ماقلت انور وجدى حب يعمل فيلم كبير اوى .. فى اللقطة دى حط كل العازفين اللى فى مصر تقريباً يعنى شفت اصدقائى وزملائى فى شبابهم ... وناس سمعت عنهم ولكن رحلوا قبل ما اشوفهم ,,, والذ لقطة الاخيرة لما نجيب الريحانى ابتسم فى آخر الفيلم ,,, تصوروا ان دى كانت آخر مرة يتصور لأنه توفى بعديها بيومين ,, وزى ما قلت انه احس انه حيموت وحبيعمل فيلم خارق وغير عادى
ولاحطوا ليلى مراد اللبس المحترم والانيق وتسريحة شعر واحدة طول عمرها مش زى دلوقتى اللوك والنيو لوك اهم من الغنا نفسه
مع اطيب تحياتى

swaifi73

27/12/2011, 07h21

أستاذي الفاضل أ/عادل صراحة أشكرك جزيل الشكر فأنت صاحب فضل كبير عليه في تسهيل التدوين جزاك الله كل خير وأشكرك على المحاضرة أو الدرس الذي وضحتلي فيه أمور كثيرة جدا بلنسبة لدليل التدوين
وأشكرك ايضا على أغنيتين ليلى مراد وعلى المعلومات القيمة المصاحبه عن حياة الفنانين وسيرتهم الذاتية
وأهنئك ايضا بأعياد الميلاد وراس السنة أعادها الله عليك وعلى كل أخواني وأساتذتي بالصحة والعافية وأدام الله مصر عرق واحد ونسيج وقلب ونبض واحد مثل ما أحنا من ألاف السنين وسنظل بأذن الله على هذه الأرض المباركة التي تباركت بأقدام ورسالات المرسلين بأقدام (المسيح) وأقدام (موسى) (ويوسف) (وداود)وكثير من المرسلين
استاذي أقدم لك ولكل أعضاء المنتدى الكرام الموشح الثالث من الموشحات الأندلسية التي غنتها الفنانة فيروز (موشح يا من حوى ورد الرياض بخده)وقد سبق أن نزلت في المنتدى موشح (أرجعي يا ألف ليلة) وموشح (بلغه يا قمر)
أتمنى أن أكون وفقت في تدوينه وشكرا أستاذي وكل عام وكل أعضاء المنتدى بخير وربنا يجعل السنة القادمه سنة خير وسعاده على جميع الناس

عادل صموئيل

28/12/2011, 09h54

احيائى
اقدم لكم من روائع اغانى عبد الحليم حافظ

جانا الهوى

واللحن ده كان حظه وحش اول مانزل لأنه اتمنع من 1967 لحد 1973 , والسبب كان فى مصر وقتها بعد النكسة بالذات رقابة مشددة على كل كلمة بتتقال , واللى ماسكين الرقابة دى ناس اغبياء وحهلاء وبيتلككوا على اى كلمة او اى حاجة , يعنى عقدوا الكتاب فى عيشتهم كل كلمة يقول لك اسقاط , اسقاط بيعنوا بيها انك بتتكلم على موضوع وقصدك تشتم النظام ... الاغنية فيها كلمة ما رمانا الهوى ونعسنا واللى شبكنا يخلصنا ,,, قاولا ان اللى كتبها بيقصد ان عبد الناصر شبكنا فى الهزيمة مع اسرائيل ومسؤول يخلصنا , مع ان المؤلف اكيد مكانش فى مخه الكلام ده , وبعدين شبكنا ويخلصنا دى فيه نكهة من الفولكلور الصعيدى اللى قبل النكسة وقبل مايتولد حتى جمال عبد الناصر
اقدمها لكم اتمنى ان تسعدوا بها
مع اطيب تحياتى

http://t2.gstatic.com/images?q=tbn:ANd9GcSYwcnIDc1_vpgAZ3f-TgXKbKE3C0p9-K_kq_q0vUTAScyFykIPrw

عادل صموئيل

29/12/2011, 06h05

احبائى

اقدم لكم اغنية من العيار التقيل جدا جدا مع ان حجمها صغير

من روائع ليلى مراد القديمة

يا ما ارق النسيم

الاغنية دى لما انطلبت انا اول حاجة استبعدت انى ادونها لأنها اولا صعبة جدا ثانيا انها بتنتمى لعصر المشايخ يعنى طريقة زى طريقة زكريا احمد ,, بمعنى ان المطرب بيسلطن اوى ويجود اوى ويطرب اوى بس ممكن الميزان يتكسر .. ودى بتبقى صعبة جدا او مستحيلة فى التدوين .. لأن التدوين لازم اكتب ميزان مضبوط او ادليب .. لكن فى طريقة المايخ بتلاقى المطرب بيقول مازورتين وممكن يستكت همسة تطلع نوار تطلع نوار ونص .. حاجة عاملة زى خبطة والترددات بتاعتها عشان الجمهور يستوعبها .. حتى لما تسمع اللحن تلاقى عازف الايقاع زى ما يكون خايف يعنى تلاقيه بيدى الدوم بحذر شديد عشان هو ما يبقاش غلطان .. ولما المطرب يبتدى يغنى على الزمن المضبوط تحس عازف الايلق بيعزف بطريقة زى ما يكون حصان مربوط وينطلق
بس انا عشان اكتب اللحن الجميل ده كان لازم اسمعه500 مرة واحاول اغنية واضبط مشكلة الميزان دى , والحمد لله طبعا اتظبطت , وسيبكم من الكلام اللى انا كاتبه فوق مش بعقدكم ولا حاجة . لأنى قمت بتبسيط اللحن جداً . واهم شىء فى اللحن المقدمة الجميلة واللى اكتر من رائعة , واللى حاتحس لما تعزفها كأنك واكل ديك رومى
بس نحاول نسمع اللحن الاول كتير من التسجيل ونبتدى وان شاء الله حاتدعولى .. لأن مبتدئين وهواة كتيركان من رابع المستحيلات انهم يعزفوا الحان من النوعية دى ان شاء الله حايعزفوه
مع اطيب تحياتى وكل عام وانتم يخير

عادل صموئيل

30/12/2011, 08h20

احبائى
اقدم لكم
سلم على

للفنانة ليلى مراد
واهديها لأخى العزيز هيثم
التوزيع للموسيقار الكبير المرحوم عبد الحليم نويرة
مع اطيب تحياتى

عادل صموئيل

30/12/2011, 08h28

احبائى
اقدم لكم من روائع ليلى مراد

يالا تعالى قوام يالا

مع اطيب تحياتى والتهنئة بالعام الجديد

عادل صموئيل

30/12/2011, 08h52

احبائى

اقدم لكم من روائع اساطير الغناء
من روائع ليلى مراد

م القلب للقلب رسول

وقد يتساءل البعض ايه حكاية ليلى مراد معايا
انا مشكلتى مع ليلى مراد انى لما بشوف لها فيلم بتفضل لازفة معايا كذا يوم
ولسه كمان بكتب حاجة واحدة حلوة حاتعجبكم
مع اطيب تحياتى

عادل صموئيل

30/12/2011, 13h49

ويتوالى السيل
اقدم لكم من روائع ليلى مراد

دوس ع الدنيا

مع اطيب تحياتى

عادل صموئيل

30/12/2011, 13h54

اقدم لكم من روائع ليلى مراد

كلمنى يا قمر

واتمنى لكم عام سعيد
مع اطيب تحياتى

عادل صموئيل

30/12/2011, 16h43

احبائى
يلا النهاردة يوم مشهود
اقدم لكم كمان من روائع المطرب اللى مش ممكن يتكرر
محمد عبد المطلب

يا اهل المحبة

اتمنى ان تسعدوا بها وعام سعيد
وادعوا لنا ربنا يستر بكره
انا تحت بيتى مباشرة بنزينة كبيرة وقصاد بيتى كنيسة يعنى .........
الدول المتقدمة ليلة رأس السنة بيعملوا شجر كريسماس الشجرة اد العمارة وكلها لضواء وبيفرقعوا صواريخ
لكن احنا عندنا ناس متقدمة اكتر بتفرقع بنى آدمين
وربنا يستر اللى حصل السنة اللى قبل اللى فاتت فى نجع حمادى واللى حصل السنة اللى فاتت فى اسكندرية وان شاء الله السنة دى ما تبقاش التالثة تابتة , ولو حد منكم زعلان منى فى حاجة اتمنى انه يسامحنى
مع اطيب تحياتى
http://t3.gstatic.com/images?q=tbn:ANd9GcSZXcgRfYGN051TYwNe2PCw6bbH-n8mM4Ce6dXqK13h1nC_qN_u6w

عادل صموئيل

31/12/2011, 03h22

احبائى
اقدم لكم من روائع الفنان كارم محمود

سمرا يا سمرا

مع اطيب تحياتى

على فكرة العدد الكبير والغير مسبوق من النوت اللى انا نزلته النهاردة اوعا حد يفتكر ان النوت موجودة عندى من قبل دول كلهم مكتوبين خلال ال 24 ساعة الماضية
وللعلم انا مش بحتفظ بأى نوت اصلا اولاً لأن اللحن اللى بحب اعزفه بعزفه سماعى وثانياً .. شوفوا بدون من ييجى كام سنة يعنى لو محتفظ بكل النوت اللى مدونها كانوا يحتاجوا شقة لوحدهم
زمان ايام كتابة النوت بخط اليد كانت بيبقى عندى نوت واى حد من اصدقائى الموسيقيين بييجى عندى بيطلبهم وبياخدهم
لكن دلوقتى الكمبيوتر بحتفظ بيهم بس المشكلة فين ؟؟؟؟ لأن دايما النوت بتبقى على my documents وكل ما اشيل نسخة الويندوز بحطهم فى ملف وانقلهم على سى دى ,,, بس المشكلة ان عدد السيديهات عندى اصبح عدد مفزع يعنى بيبقى من الصعب شوية انى اعرف مكانهم محتاج هيئة سكرتارية
لذلك اتوسل الى كل واحد يطلب نوتة انه يشوف الاول النوت الموجودة على المنتدى لن حصلت كتير حد بيطلب نوتة وانا بكتبها تانى لأنى وسط الزحام الشديد بنسى الحاجات اللى كتبتها
مع اطيب تحياتى
http://www.muslmah.net/imgpost/11/b3e617e8b2e34f12baaefc2713e4998b.gif

عادل صموئيل

31/12/2011, 11h58

احبائى
اقدم لكم آخر اغنية فى عام 2011
دويتو عبد الحليم وشادية

حاجة غريبة

اتمنى ان تسعدوا بها
مع اطيب تحياتى
http://files2.fatakat.com/2011/3/12989352301604.gif (http://forums.fatakat.com/thread1270296)

ahmad_alahlawy

01/01/2012, 15h47

الأستاذ عادل:
هذه نوتة موعود من تدوينك الجميل
هل من الممكن تحويلها الى درجة اللا بدلا من الدو؟

اخى العزيز
التحويل او تغيير الطبقة ممكن فى حالات ومش ممكن فى حالات حسب طبيعة اللحن
وانا بصيت على النوتة
لو تلاحظ ان اللحن نهاوند على الدو , النهاوند على الدو ممكن يبقى نهاوند على لا ويبقى سهل جدا لأنه حيكون من غير دليل
لكن المشكلة هنا فى الكوبليه التانى راست على الدو لو اتحول الى راست على ال لا حايبقى صعب جدا ومش حاتقدر تعزفه
دى وجهة نظرى ... وفبعدين دى طبقة الاغنية الاصلية
مع اطيب تحياتى عادل صموئيل

عادل صموئيل

01/01/2012, 19h52

احبائى
يسعدنى ان اقدم لكم فى اول يوم فى السنة
من روائع عبد الحليم حافظ

يا خلى القلب

والاغنية دى بالطبع انا اتشرفت واتمتعت انى عزفتها معاه
اتمنى ان تسعدوا بيها فيها شغل كتير وانا كاتبها بذمة اوى يعنى ما فوتش فتفوتة منها
بس طبعا لازم مراجعة التسجيل عشان تعزفوها بمزاج
مع اطيب تحياتى

http://t0.gstatic.com/images?q=tbn:ANd9GcQNJaqbaQNL_dVEYzz86MdTvpjj34oe1 njx9LORorUE_KcVNTyG

عمرو الهنداوي

01/01/2012, 21h14

الأساتذة المُحترمين : يا ريت نوتة أغنية أنا مهما كبرت صغير ، لأني مش لاقياها عندي في الكمبيوتر
مع خالص التقدير

بعد اذن استاذ عادل والمنتدى بس انا مالقيت
مكان تانى لاضع النوتة فى نفس الوقت
حد من الصفحة عايزها
كل الشكر:crazy:

بالعكس الاخت العزيزة بيانو بيانو طلبت الطلب هنا واكيد حاتدور عليه هنا مش معقول نحطه فى حتة تانية وندوخها فى البحث عنه
مش كده ولا ايه ؟
مع اطيب تحياتى عادل صموئيل

عادل صموئيل

04/01/2012, 12h04

احبائى
اقدم لكم اغنية شريفة فاضل

امانة يا بكره

واهديها للأخ العزيز نور الصباح
واحب اقول لك انا نزلت اشترى الديك الرومى .. لقيت الديوك كلها صينى لأن كل حاجة فى البلد بقت صينى حتى سجادة الصلاة وفانوس رمضان
المهم لقيت الديوك الديك صغير حجمه زى الحمامة ومن غير واراك اصلا .. قالولى اصلا الديوك الرومى الصبنى معدلة يعنى من غير وراك مش عارف هل هم فى الصين اكلوا الوراك وبعتوا الباقى ولا سرقوا الوراك فى الجمرك , ولا هم فعلا فى الصين عملوا تعديل ولغوا الوراك من باب التطوير
مع اطيب حياتى
وفاضل لك طلب واحد يا مصطفىىىىىىىىىىىىىىىىىىىىى بعد 7 سنين
مع اطيب تحياتى
http://t3.gstatic.com/images?q=tbn:ANd9GcSZNersDnixnRpuBAjz9nchAD7Wc7WWH Xg5tagIo4gq2KTiMZuQozqboBuA

عادل صموئيل

04/01/2012, 14h40

احبائى
اقدم لكم اغنية

الوله جه

واقدمها ايضا للأخ العزيز نور الصباح
وانا مش بنسى او اتجاهل اى طلبات بس بتبقى ظروف
مع اطيب تحياتى
http://t3.gstatic.com/images?q=tbn:ANd9GcQZn2GqtzFESZdNIHVrve8ugRgJNdKOm 3Uj4ZAdmPiOFxhBwgdgwQ

عمرو الهنداوي

04/01/2012, 23h20

استاذ عادل
دى نوتة مضناك من تدوينك
كل التحية:)

عادل صموئيل

06/01/2012, 21h21

احبائى
اشكركم كلكم على شعوركم الجميل والعيد عيدنا كلنا وربنا يهدى كل واحد ضال عن الخير
اقدمك لكم العيدية بتاعتكم
من اروع ما لحن بليغ حمدى واروع وماغنت الست

الحب كله

انا اهديها لأخى العزيز عمرو هنداوى لأنه هو اللى طلبها بإلحاح
الاغنية دى تختلف عن كل اغناى ام كلثوم اللى قبلها واللى بعدها يعنى البطل فيها الإيقاع
يعنى بليغ حط فيها كمية ايقاعات متنوعة لم تتواجد باكلم ده مع ام كلثوم من قبل
واستعان بعازف الايقاع العمروف محمود حمودة وكان زميلنا احيانا فى الماسية عشان ينفذ الإيقاعات دى كلها
والبطل الثانى الجيتار .. وهنا عمر خورشيد قدم شىء جديد عمره ما اتقال ع الجيتار لا قبله ولا بعده
فى المقدمة الموسيقية اولا قال صولوا على ايقاع 13/4 وده لون جديد وغريب على الجيتار يعنى لو حد اجنبةى سمعه وهو عازف جيتار حايقطع شعره لأن الضرب عامل جو خطير وجديد وغريب .. والمهم طبعا ان عمر خورشيد ما اتكعبلش مع تعقيد الايقاع ودى على فكرة حاجة مهمة جدا وخطيرة جدا جداً . بمعنى ( عشان ما يبقاش بيننا اسرار ) العازف لما يكون محترف وبيعزف شرقى اكيد عزف كتير سملعى ولنجات وحاجات بيصاحبها الضروب والاوزان العربية المعقدة واللى بيبقى الدوم مش فى المكان العادى المتوقع زى الملفوف والمقسوم والواحدة الكبيرة , لكن مع عازف جيتار مهما كان بيبقى طول عمره ما عزف مع الإيقاعات دى ,, فطبعا انه ما يتكعبلش ويقع ده اعجاز ... انا كاتب اللحن بدقة متناهية لأنى بالطبع عزفته آلاف المرات ... والدقة دى ممكن تخلى بعض الموازير صعبة شوية بس اكيد لما تحفظ اللحن الاول كويس مش حاتبقى مشكلة . واكيد كلكم مستواكم بيرتفعبمرور الوقت يعنى لازم تتعودوا على السهل والصعب
واترككم مع اللحن الرائع
وكل عام وانتم بخير
http://sl.glitter-graphics.net/pub/2305/2305582dbmi8q79ay.gif

armendo

07/01/2012, 18h06

[QUOTE=salhi_haithem;566867]
السلام عليكم ورحمة الله
اخي العزيز ارمندو هي فكرة جميلة و لقد اقترحت على الاستاذ عادل ان يدون لنا من كل بستان وردة (ارجوا ان يدونه) وه
ولو لاحظت في كوكتيل بليغ انو يضم موسيقي من اغنية اسمعوني الصفحة الثانية الثلاث
ا[SIZE="5"][COLOR="DarkGreen"][B]خى هيثم
اخى ارمندو
اين كوكتيل بليغ؟
وهل اغنيه كل اطبا القلب قالولى قلبك داب (مدونه نوته)
وكذلك:اسال دموع عنيا
وشكرا

اخى ابو كارم
اغنية كل اطبا القلب لم تدون واتمنى تدوينها فهى اغنية جميلة فغلا وسارفع اليك كوكتيل بليغ ونوتة اسأل دموع عينية وارجو ان تسعد بهما مع تحياتى.
اخوك...ارمندو

عادل صموئيل

07/01/2012, 18h07

احيائى

اقدم لكم من روائع الفنان الكبير محمد عبد المطلب

بصعب على روحى

هى انطلبت الاسبوع ده .. وطلبتها اخت جيدية فى المنتدى وهى عازفة كمان على ما اعتقد
والاغنية دى انا بحبها جدا يعنى حبيت اقدمها لكم وانتم تستمتعوا باللحن الجميل بتاع العبقرى محمود الشريف
وعبد المطلب ده حكاية .. يعنى اول حاجة كوان كورال بيرد ورا بد الوهاب وجه يوم بقى عبد الوهاب يلحن له
وده بيوريك زمان كان الكورال ايه .. يعنى اقل واحد او واحدة منهم عنده طرب اكتر من كل اللى بيغنوا من 20 سنة لو جمعتهم على بعض 100 مرة .
ومشكلة عبد المطلب او مشكلة انى اكتب لحن لعبد المطلب صعبة جدا جداً .. لأنه مطرب اوى . يعنى الجملة الموسيقية الواحدة ممكن يغنيها بعشر درجات من التجويد .. ولما يسخن ويلعلع وبالذات بعد مايقول موال وكان احسن واحد يقول موال فى مصر ... كان ممكن يجود اكتر فى الجملة .. والمشكلة انى عشان اكتب لازم اكتب اللحن الاساسى ,, لذلك انا فى اللحن ده هنا وانا بكتب .. الاخت قدمت تسجيل على اليوتيوب .. بس انا سامع الاغنية كتير قبل كده .. اولا غناء عبد المطلب مختلف شوية زالتسجيل ناقص الكوبليه الاخير . وهنا الامانة الفنية خلتنى دورت على تسجيلين مختلفين تانى للأغنية وقعدت اسمع عشان احاول اوصل للحن الاساسى بقدر الإمكان ..
واعمكم حاجة انانت لو بتعزف مع عبد المطلب بالذات .. تبقى عينك على النوتة فى اللزمات الموسيقية فقط . اما فى الغناء لازم تكون عينك على النوتة 50% وودنك بتتابع معاه 50% . لأنه بيقول الحروف الموجودة امامك بس مش بالتحديد ومن هنا لو العازف عزف النوتة ممكن يحصل تعارض مع اللى بيقوله عبد المطلب .. فيهمشكلة كمان كانت خطيرة عند عبد المطلب .. انه عشان كان بيشتغل كتير اوى وكان عنده كازينو فى شارع الهرم اسمه الاريزونا وبيغنى فيه كل ليلة .. انه كانت الفرقة الموسيقية اللى بتشتغل معاه مش اد كده .. يعنى اعتماداً انه هو كل حاجة وبيدارى على عيوب الفرقة .. يعنى فى الكوبليه التانى فى الملف المرفق .. دخلوا موسيقى الكوبلليه غلط لخبطوها يعنى وحولوا يلموا نفسهم فى الإعادة شوية .. بس انا الشغل فى الفرقة المسية خلانى موسوس شوية وبخاف اكتب اللى فهمته يعنى لازم اتأكد ولقيت الجملة سليمة 100% فى تسجيل من التانيين اللى قلت عليهم ... وعبد المطلب مدرسة لا يمكن حد يقدر يقلده ... يعنى اى واحد يغنى حاجة لعمد المطلب ( وكان اسمه فى الوسط الفنى ( ابو نور ) كنت تحس انه زلطة صغيرة جنب هرم الجيزة
اترككم مع اللحن الرائع مع اطيب تحياتى
http://files2.fatakat.com/2011/3/12989354371985.gif

عادل صموئيل

08/01/2012, 10h06

احبائى

اقدم لكم اغنية قصيرة لوردة

من زمان

من مسلسل اوراق الورد
كان فيه سؤال اتسأل الاسبوع ده عم مجدى الحسينى وكان عمره 13 سنة وكان عايز ينضم للفرقة الماسية والعازفين ماقبلوهوش بينهم لصغر سنه
بس العملية مش كده ... اولا فى الوقت ده كان مجدةى الحسينى بيعزف اكورديون والفرقة الماسية فيها عازف اكورديون ومتميز جدا مش معقوا يمشوه ويجيبوا بدله طفل مهما كان
لكن الموضوع حاجة تانى .. مجى الحسينى كان بيعزف سماعى مش بيقرا نوتة .. واهم مواصفة فى العازف للقرقة المسية هى اجادة قراءة التنوة الفورية بنسبة 500% على الأقل يعنى انت بقرأ عربى بسرعة كام ؟ لازم تقرا نوتة اسرع من كده 100 مرة .. ولما كبر مجدى الحسينى اتعلم اورج واصبح عازف اورج شاطر جدا لكن تبقى مشكلة النوتة
هو نجح مع ام كلثوم لن ام كلثوم زى ماقلت الملحن كان بيحفظ الفرقة سماعى على العود ومش مجتاجة نوتة .. لكن لما عزف مع الفرقة الماسية وكان الاورج طالع جديد كانت المشكلة النوتة .. وفى اغانى عبد الحليم كانت البروفات كتير بيلحق يحفظ الصولو .. لكن المشكلة الرئيسية فى تسجيلات الاستوديو الفورية .. يعنى اغنية زى اغانى مسلسل اوراق الورد .. احنا بندخا الاستوديو مش عارفين حانسجل ايه .. لأن الاغانى الصغيرة دى محتاجة نوتة مكتوبة صح وبنعزفها فى خمس دقائق ونسجلها فى نص ساعة عى الاكثر يعنى حجز الاستوديو بيكون 3 ساعات ممكن نسجل فيهم خمس او ست اغانى من الحجم ده .. وهنا تظهر اهمية سرعة قراءة النوتة .. يعنى لو عازف وبالذات الصولو مش بيقرا نوتة او بيقرا مص مص ممكن يعمل لنا مشكلة انه يغلط ونفضل نعيد من الاول يتعبنا يعنى .. ومشكلة اخطر كان ساعات الملحن بيقابل مجدى الحسينى فى مكان وبيحقظه اللحن عشان يسجله معانا .. بيبقى حافظ الصولو لكن ما بيعرفش مكانه بالتحديد لن النوتة مكتوب فيها مكان الصولو والعازف بيبقى متابع معانا واحنا بنعزف وعند الصولو يدخل صح .. لكن لو مش بيقرا نوتة لحظة الصولو حتى لو المايسترو او قائد الفرقة شاورله بيخل ممكن متاخر او مش جاهز وتحصل نفس المشكلة نقف ونعيد تانى من الاول .. لذلكدى كانت فرصة عمر هانى مهنى لنه كان بيجيد قراءة النوتة ... كنا بندخل الاستوديو اول ما الورقة تتحط قدامنا انا بشوف بس الديل ايه , والمايسترو او قائد الفرقة بيشاور لنا مازورة فاضية عشان السرعة وبيقول لعازف الإيقاع الايقاع كذا ملفوف او مقسوماو هكذا . بعدين يشاور واجنا نعزف اللحن كله بل توقف .. ولو لحن طويل شوية بناخده كوبليه كوبلليه
مع اطيب تحياتى
http://t3.gstatic.com/images?q=tbn:ANd9GcT6rIRBS3-J5jxT1H_m1AuRDUp_OD91JK8n_BtT004fCT6UjVBjeXo0V8Ac5 Q

عادل صموئيل

08/01/2012, 18h02

احبائى
اقدم لكم من اغنى وردة

كل اطبا القلب

والاغنية ى كانت من اوائل الاغانى اللى غنتها وردة فى مصر
يعنى كان كل مطرب مهما كان فى بلده مكانته كان بيبقى محلى ... لكن كان كل مطرب عربى اهم حاجة ييجى مصر ولو غنى فى حفلة فى مصر بينطلق الى العالمية
يعنى شوفوا كل الكلام اللى انا قلته عن الفن وفضل مصر ام الدنيا على الفن
والحكاية بتاعة ان المطرب العربى بيبتدى عمره الحقيقى من مصر دى انا شفتها عشرات المرات .. يعنى كان بييجى مطربين من دول عربية زى سميرة سعيد وعزيزة جلال ممكن كانوا نجوم فى المغرب .. لكن كانوا فى داخل المغرب لأن زمان ايامنا مكانش فى اقمار صناعية ولا اطباق .. يعنى المطرب التونسى او الجزائرى ماحدش بيشوفه غير فى تتليفزيون بلده .. لكن لما بييجى مصر ويعمل الحان عند الملحنين الكبار ,, ويحاول يعمل حفلة او اتنين وفى الاول حتى لو دفع تكاليف الحلفة والإذاعة التليفزيونية على حسابه ( وتمت على ايدى او امامى كتير ) ظهور المطرب فى التليفزيون المصرى شهادة اعتماد دولية
وربنا يحفظ مصر ويحافظ على مكانة مصر الفنية
مع اطيب تحياتى
http://ahyaarab.net/images/021.gif (http://forum.mn66.com/t106403.html)

عادل صموئيل

10/01/2012, 00h39

احبائى

اقدم لكم
من روائع فريد الاطرش

نجوم الليل

اتمنى ان تحوز رضاكم
مع اطيب تحياتى

http://n4hr.com/up/uploads/f6ab3a2039.gif (http://n4hr.com/up/)

عادل صموئيل

11/01/2012, 06h11

احبائى
بناء على طلب اخى العزيز هيثم اقدم نوتة

نجوم الليل
حجاز كار الدوكاه
المشكلة ان التسجيل اللى كتبت منه كان من درجة مى
بس هو كده اكيد اسهل كتير بالذات الكوبليه الثانى
اما عن المقدمة انا ما سمعتش مقدمة اكتر من المكتوبة
ومعلومة هو هنا المقدمة مركز على البيانو ... يعنى حتى لو فيه مقدمة حتحتاج بيانو يعنى على اى آلة مش حاتحس نفسك بتقولها حلو
اما عن سؤال اخى العزيز ارمندو عن آلة التشيللو والكونترباص
الآلتين دول بالذات لهم وظيفتين مختلفتين فى االاوركسترا السيمفونى والفرقة الشرقسة
بإختصار فى الاوركسترا السمفونى بيكون عددهم كبير يعنى مش اقل من 8 شيللو و6 كونترباص . وبيبقى لهم خطوط لحنية غير اللى بتعزفها الكمنجات والكونترباص ممكن يتعزف بالقوس او النبر بالإصبع فى السيمفونى بيتعزف بالقوس
اما فى الفرقة الشرقية دورهم مختلف .. الكونترباص بيتعزف بالنبر بالأصبع وبيدى نبرة على الاضلاع الاساسية من المازورة يعنى فى ميزان 4/4 مثلا بيعطى نبرة على الضلع الاول ونبرة على الضلع الثالث بيحزم الفرقة يعنى . والنبرة دى مرتبطة بالرق . يعنى الدوم اللى انت بتسمعها بتكون للكونترباص والرق معا .. اما لو فى حالة وجود سكتة فى اول المازورة هنا نبرة الكونترباص بتكون نغمة من عنده هو حسب ذوقه , ولما بيكون العازف شاطر اوى بيدى نغمة تعمل سلطنة عالية جدا ,, بالطبع لما تسمع وتشوف ام كلثوم شوف عباس فؤاد ( عظمة ) بيعمل ايه
بعدين فى جهازك اقفل الباص عشان تحس بالكونترباص وتمتع بيه
اما عن الشيللو : الفرقة بتكون عادة فى حدود 12 كمنجة ودول صوتهم مع بعض بيبقى بناتى اوى وهنا بيحطوا عليهم 3 شيللو بيعملوا موازنة فى الصوت يعنى زى الكورال بيبقى بنات ورجال ... والحميع بيعزف طبعا نفس اللحن .. فيه تميز فى التشيللو انه بيتعزف بالقوس . وممكن يتعزف بالنبر . ويسمى بتسكاتو .. ببس النبر ده وبالذات فى الشرقى محتاج عازف ماحصلش وكان عندنا فى الفرقة الماسية عازف اسمع حسان كمال وهو كان ايضا مع ام كلثوم... يعنى كان بيعمل ايقاعت بالشيللو فى اماكن بتحتاج ملو يعنى لما تشوف ام كلثوم هو بيبقى فى الاغانى القديمة فى النص وفى الاغانى الاحدث اول شيللو .. كان بيعمل حاجات تطير العقل يعنى وام كلثوم بتغنى
كان بيدى ايقاع منغم يعنى تم ترر رمرم تتم تم .. وحسان كمال الله يرحمه كان ابرع عازف شيللو شرقى بيتسكاتو فى العالم يعنى كان بيملى الكوبليه كله احيانا .. بعده حاولوا يقلدوه اكن اشطر واحد بيعمل لك مازورتين ويقع او مايقدرش يكمل ... لسبب خطير جدا جداً .. ان الابداع ده فطرى يعنى موهبة فى العازف يعنى مش بيعلموا فى الكليات بمعنى ان فى الكليات بيعلموا القوس بس . اما النبر ده لازم العازف يكون متمكن وذوقه عالى جدا جدا ..يعنى كان بيسلطن ام كلثوم بدرجة عالية جدا جدا وعشان تحس باللى بيعمله ركز فيه لما تتفرج على ام كلثوم
وعصرنا شهد عازف شيللو اسمه مجدى بوس كان برضه زميلنا فى الماسية ومع ام كلثوم .. ده كان اعظم عازف شيللو شرقى فى العالم بالقوس يعنى كان فى البروفات الشيللو بيقعد ورايا كان بيسطلنى ... يعنى بيغنى كانه كمنجة الله يرحمه .. وبرضه ما اتكررش تانى ... وصعوبة الشيللو والكونترباص ايه ؟
الكمنجة والعود بتبقى ايدك لما بتعزف .. فى نطاق الاربع اصابع نغمات كتير , يعنى تقدر تقول جملة طويلة فى نفس الوضع او البوزيسيون . ام فى التشيللو المسافات بين الغمات واسعة جدا .. يعنى عشان تعزف دو وبعدها رى لازم تطلع بوزيسيون وتقعد ايدك طالعة نازلة على المراية .لذلك تلاقى 90 % من عازفى التشيللو وحشين
لأنه ايده لما تتحرك طالع نازل بتحصل كتير جدا جدا ان صباعه مايجيش فى مكانه وتطلع النغمات خاسسة او زايدة
لذلك العازف بيخاف يتكشف بيقول بصوت واطى .. لكن العازفين بتوعنا واللى مش حيتعوضوا تانى كان العازف بيدخل فيك شمال يعنى بكل قوته لأنه مضبوط 1000% .. والمشكلة الخطيرة فى اغانى وفرق النهاردة الدوشة والخبط والضجيج حتى لو موجودة الآلات دى مش حاتسمعها فى الزحمة . بعكس زمان كان المسرح هادى والصوت كله هادى مش مزعج لذلك كنت تسمع كل آلة بتقول ايه
مع اطيب تحياتى

عزت شحاته

11/01/2012, 11h40

استاذ / ارمندو
اتمنى تكون فى صحه جيده والقلب يكون تمام
فأنا رفيقك فى وجع القلوب
فمحسوبك مركب دعامتين والحمد لله ليه خمس سنين
ولك (نوتة شحات الغرام) اتمنى تعجبك
تصبيره لحد الباشا ما يدون لنا النوتة
==================
استاذى الجميل / عادل صموئيل
بمناسبة القلوب
ممكن نوتة ( تعب القلوب ) لمحرم فؤاد
مرفق نوتة قديمة + الاغنية
لكن شتان الفارق لو كانت من تدوينك

عادل صموئيل

11/01/2012, 17h19

احيائى
اقدم لكم من روائع الفنان الكبير محمد عبد المطلب

ساكن فى حى السيدة

انا لما بدون نوتات لعبد المطلب بالذات بحس انى بعمل عمل له قيمة لسبب مهم .. انك لما بتسمع عبد المطلب تحس انك من المستحيل تعزفها .. لأنه بيجود كتير بحيث يتهيأ لك ان اللحن صعب جدا ...لكن انا لما بعمل له تبسيط فى الكتابة لما تشوف النوتة تحس انه سهل جداً
اتمنى ان تسعدوا بها مع اطيب تحياتى

http://www.ct-7ob.com/vb/storeimg/live_1313758996_956.gif (http://www.ct-7ob.com/up/redirector.php?url=%61%48%52%30%63%44%6f%76%4c%32% 34%30%61%48%49%75%59%32%39%74%4c%33%56%77%4c%77%3d %3d)

عادل صموئيل

12/01/2012, 11h42

احبائى
مش قلت لكم انا اى مطرب لما بدون له حاجة بيلزق معايا كام يوم ؟
اقدم لكم مناشهر روائع عبد المطلب

السبت فات

اتمنى ان تحوز رضاكم

عايز تسجيل لأغنية شفت حبيبى بس يكون تسجيل استديو عشان ادونها
اناعندى تسجيلات حفلات بس مشعارف اكتب منها لأنه الاغنية دى بالذات كل حفلة بيعمل موال بخليه يسخن اوى ويغنيها بطريقة احترافية اوى اوى فوق مستوى التدوين السهل
لكن فى الاستوديو بيكون الى حد ما ملتزم باللحن ( من ان ماحدش بيقدر عليه )
مع اطيب تحياتى
http://files.fatakat.com/2010/3/1267498204.gif

armendo

13/01/2012, 11h21

[QUOTE=abade 85;568042][FONT=Microsoft Sans Serif]اخوانى كلى أمل بأن تتكرمو عليا بمدى بالنوتة الخاصة بموشح يا نديم الراح وسأكون شاكرا لكم تعاونكم

[SIZE="5"][COLOR="Purple"]اخى العزيز
اليك نوتة موشح يا بعيد الدار ارجو ان تسعد بها.
مع ارق تحياتى
ارمندو

عادل صموئيل

13/01/2012, 15h01

احبائى
اقدم لكم من روائع الفنان محمد عبد المطلب

شفت حبيبى

اتمنى ان تسعدوا بها
مع اطيب تحياتى

http://www.savvy-clearance.com/wordpress/wp-content/uploads/2007/01/Valentines%20Day%20Roses.jpg

عادل صموئيل

13/01/2012, 21h18

احبائى
بس لو ماكنتوش تحلفوا

اقدم اليكم رائعة عبد المطلب اللى انتم عايزينها

يا حاسدين الناس

مع اطيب تحياتى
http://t0.gstatic.com/images?q=tbn:ANd9GcRN0014JgVmRE9VByLz28Fr47A-YElShdDJ2eqa1gIG8Ndyt30dN8Kr193v4g

عادل صموئيل

13/01/2012, 21h41

احبائى

واقدم لكم

مقدمة نجوم الليل

تعزفها وتدخل على الباقى من المقدمة
وتكمل النوتة الاولى
وعلى الدوكاه زى ما انتم عايزين
مع اطيب تحياتى
شوفوا بقى شغل اندريا رايدر

http://t1.gstatic.com/images?q=tbn:ANd9GcQOjFSF0_L2RP4gRwVG26G8n4Mr87jSU YLMRhLhNC9AmaiI7CyP

عزت شحاته

14/01/2012, 15h12

استاذى الجميل / عادل صموئيل
ايه الحلاوه دى ؟
ايه الطعامه دى ؟
اييييييييييييييييه ؟
معلهش طلبت ( حكيم )
حضرتك عارف انه مغاغاوى
بس بجد هوه دا التعبير اللى جه على خاطرى
============================
الاخ / مجتهد مجتهد
اليك النوتة المطلوبه وهاحاول اكتبها بالانكور وانزلهالك

عادل صموئيل

14/01/2012, 16h02

احبائى
اقدم لكم نوتة

لونجا حجاز كاركور صابر عبد الستار

طلبها الاخ الجديد فى المنتدى جون يوسف

موجودة فى صفحة 527 للى منكم يحب يسكعها

طبعا ى تعبتنى جدا فى التدوين لسبب انها سريعة جدا
وطريقة كتابتها العادية ان ان مؤلفها هو يكتبها بنفسه عشان بيبقى عارف هو عامل ايه او ان حد حافظها جدا جدا بيعزفها ببطء للى حايدونها مازورة مازورة عشان المدون يقدر يستوعبها
المهم انا تحيت نفسى وكتبتها وانتمى ان يستفيد منها الجميه هى تمرين على السرعة
مع اطيب تحياتى
http://t0.gstatic.com/images?q=tbn:ANd9GcTAfb7KkS2GQmTLEhW5NUSHEGsGIebij xY4E5VnnT6AcnEdD9RpWA

عادل صموئيل

14/01/2012, 17h06

ولا تزعل يا استاذ نور الصباح
اقدم لك

على خده ياناس100 وردة
مبسطة لدرجة تخوف يعنى

اتمنى تجبك بس والنبى بلاش عياط عشان قلبى خفيف
مع اطيب تحياتى
http://t0.gstatic.com/images?q=tbn:ANd9GcTNGG03D4xsUxw0LIlCX0QzxznfC5FV1 1SvAzE58JLvwsf0irIWTQ

عادل صموئيل

15/01/2012, 11h39

احبائى

بعد الوجبات الدسمة اقدم لكم وجبة خفيفة
من روائع الفاناة شادية

مين قال لك تسكن فى حارتنا

الاغنية دى من نوع الاغنية المضحكة او المونولوج
واهم ما بتثبته شوفوا التهريج او الضحك ايام زمن الفن الجميل كان فيع طرب اد ايه وكمية شغل اد ايه
ولو قارنتها بشغل اليومين دول تلاقى الاغنية المرحة او المضحكة بيبقى نص كلامها منحط ( او بيئة بالتعبير الحديث )
زائد ان اللحن بيبقى اى حاجة
ومن اهم العناصر او الاسباب اللى كانت بتخلى كل الأغانى على درجة عالية جدا من الجودة ان زمان كان فيه حاجة اسمها حفلات اضواء المدينة .. كان الحفلة بيبقى فيها على الاقل 3 نجوم كبار يعنى عبد الحليموشادية وفايزة احمد مثلا وعلى الاقل خمس فقرات من نجوم الصف الثانى يعنى كارم محمود وعبد العزيز محمود ومحمد قنديل وغيرهم
وهنا كان اهم شىء ان لمكا تسمعهم كلهم فى حفلة واحدة لازم تكون المستويات متقاربة ... عشان ماتحسش ان ده كبير اوى وده قليل اوى ودى كانت من اهم مميزات الزمن الجميل يعنى ما تقدرش تقول على واحد انه فنان من غير مايكون على درجة معينة
عايز اقول حاجة انا فى بيتى ماعنديش نوت بتاتاً .. يعنى اى نوت بنزلها بكون كاتبها حالا ... حتى زمان ايام الكتابة باليد كان بيبقى عندى نوت باقية او اصول النوت اللى بيقلم الرصاص كانوا اصدقائى وحبايبى بييجوا يكنسوها اول باول .. انا لما بحب اعزف حاجة بعزفها سماعى مش بحتاج النوت إلا للشغل مع غيرى
ولو حصل انك تطلب نوتة وتلاقيها نازلة بعد ساعة بتكون اغنية صغيرة من اللى بحبهم اوى وهى بتنده لى تقول لى اكتبنى حالا
مع اطيب تحياتى

عادل صموئيل

15/01/2012, 22h43

احبائى
اقدم لكم
من اروع اغانى ششادية

شبك حبيبى

مع اطيب تحياتى

http://www.bhnebras.net/up/uploads/images/BH-6d5e5154ca.jpg

عادل صموئيل

16/01/2012, 20h15

احبائى
ومع شادية
اغنية كانت بتستخدم جدول الضرب

خمسة ف ستة

كان اى تلميذ فى اى سنة ايتدائى تسأله 5×6 يقول لك 30
اسأله 6×7 مايعرفش
لو كانت شادية غنت كل جدول اضرب كانت حاتختلف
مع اطيب تحياتى

http://www.iraqup.com/up/20100501/JP72u-aL2k_101076344.gif

عادل صموئيل

17/01/2012, 22h05

احبائى
اقدم لكم لون تانى من اغانى الفنانة التى لن تتكرر شادية
هى كانت بتشهتر بأغانى الخفيفة
هنا نقدم الطرب الشرقى الأصيل

آخر ليلة

مع اطيب تحياتى بس خلوا بالكم من فروق الرسعات

http://t1.gstatic.com/images?q=tbn:ANd9GcTaStuuLE_luCshop5roXu1zHZ2lO-6l1ZRQ3T7-fJC1O0xt1gU

عادل صموئيل

17/01/2012, 22h38

احبائى
وكمان اقدم لكم

حبينا بعضنا

والتميز فى الاغنية دى انى دونتها فى عشر دقائق
مع اطيب تحياتى

http://files2.fatakat.com/2011/3/12989352301604.gif

عزت شحاته

18/01/2012, 08h14

الغالى / عاصم المنشاوى
النوتة اللى عندى ويارب تعجبك

sayed_lv

18/01/2012, 21h28

السلام عليكم ورحمة الله وبركاته
******************
نوتة مشربتش من نيلها للاستاذ عاصم
"بس يبدو اننى مكنتش سريع كفايه:crazy:"
ههههههههههههههه
عالعموم انا كتبتها و دونتها لو حضرتك حبيت تشوفها
مع تقديرى وتحياتى لكل اعضاء المنتدى الكرام:emrose:

عادل صموئيل

18/01/2012, 21h51

احبائى

اقدم هذه الاغنية لأخى العزيز نور الصباح

اللى بيعشق ليه

من اغانى الفنانة شادية
واشكره على المعايدة الرقيقة والصور الجميلة
مع اطيب تحياتى
http://t0.gstatic.com/images?q=tbn:ANd9GcQNJaqbaQNL_dVEYzz86MdTvpjj34oe1 njx9LORorUE_KcVNTyG

عادل صموئيل

19/01/2012, 05h51

احبائى
اقدم لكم من روائع شادية

مخاصمنى بقالو مدة او ( التليفون )

الأغنية دى بتعتبر من الاغانى الكوميدية الدرامية يعنى بتحكى قصة
واكرر مع انها كوميدية بحتة إلا ان فيها كمية شغل وكمية طرب مش ممكن يعنى بتكرر الكلام ده تانى بعد العصر الذهبى
وخلوا بالكم اوى اوى من علامات التحويل لأن فيها كمية شراك خداعية لا بأس بها
فيه ملحوظة انا سبق قلت لكم ان شادية كان معظم تسجيلاتها مش على الفرقة الماسية .. يعنى عدد محدود من تسجيلاتها كانت على الفرقة الماسية ومنهم اللحن ده ... ممكن واحد يسأل طيب انا عرفت ازاى لن اللحن ده ممكن يكون اتسجل وانا لسه فى تانية ابتدائى اقول لكم ... الفرقة المسية لها نكهة بالذات فى الكوبليه الاول فيه ردود بيتسكاتو على كلامها : قال ايوه .. آلو 3 حروف بس مش فى مكانهم الكبيعى يعنى بعد سكتة ,, وده بيسمى الوزن المضاد او ( sencopatin ) وده بتبقى النغمة مخلوعة متأخرة عن زمنها بكروش مثلا ودى بتحتاج دقة فى تنفيذها .. وعشان فرقة تعملها مع بعض فى نفس الوقت وتلاقيها طالعة زى الفل من غير شوائب .. مفيش غير الماسية وتحدى !
اما الاثبات التانى ان دى الفرقة الماسية فى الكوبليه الاخير صولو ناى .. مش ممكن يعزف بالحلاوة دى ولا بنظافة الصوت غير محمود عفت اعظم عازف ناى فى تاريخ الموسيقى العربية .. يعنى كان بيمتازبأنقى صوت ناى على الإطلاق غير ان مافييييش اى سكة او اى مقام بيقف معاه
انا نزلت لكم الملف اللصوتى للى مش سامعها كويس
ودلوقتى انتم اخدتم حقكم ممكن انا استأذن عشان النهارده عند المسيحيين عيد الغطاس وعندنا ديك رومى شهيد عايز اروح اعمل له حفلة تأبين والمسيحيين يوم عيد الغطاس لازم ياكلوا قلقاس .. وكفاية كده عشان ساعة البطون تتوه العقول مع اطيب تحياتى
http://www.m5zn.com/uploads/2010/3/1/photo/gif/zuw4lpaa6vjvynsh.gif

عادل صموئيل

19/01/2012, 10h53

احبائى
اقدم لكم التحفة دى
من الحان عبد الوهاب القليلة لشادية

احبك

الاغنية دى بتعتبر من الروائع اللى انا بحبها جدا من زمان
والقصة النهاردة بعد مانزلت لكم المشاركة بتاعة مخاصمنى بقالو مده
انا عندى مشكلة ان شادية بتلزق معايا .. قبل ما اقفل الكمبويتر واروح انام قلت لما القى نظرة كده بسرعة على مكتبة شادية على جهازى اختار الاغنية القادمة ... طلعت لى الاغنية دى شغلتها ربطتنى على الجهاز ...
جربت البيتش بتاعها لقيتها من الطبقة المظبوطة للكتابة كرد على الحسينى ... ومافيها مشاكل يعنى زى ما قلت لكم قبل كده مشاكل فى الموازين تحتاج تفكير او ادليب لازم اخطط له .. ثوانى كنت قاتح النكور وكتبت الدليل واول مازورة ..الحركة دى بحس انى كتبت نص الاغنية لقيتها ماشية معايا زى الحلاوة ... المهم خلصت فى 25 دقيقة ... وبالطبع خلصتها وعملت لها عمليات التشطيب والنتيق وقلت انزلها لكم بالمرة
مع اطيب تحياتى وانتمى ان يعجبكم ذوقى فى اختيار الاغانى

http://www.islamswomen.net/vb/imgcache/12337.imgcache.gif (http://www.islamswomen.net/vb/t1905/)

عزت شحاته

19/01/2012, 13h43

استاذى الجميل / عادل صموئيل
كل سنه وحضرتك طيب
لى طلب صغنون وياريت تلبيه
نوتة ( قولوا لعين الشمس )
حضرتك نزلت النوتة من فتره
ولكن ناقصه البدايه ( اللازمه + غنا الكورال)وابتديت على طول من غنا شاديه
لو ينفع لانى ابتديت تحفيظها ودخلة الكورال حلوه قوى

salhi_haithem

20/01/2012, 05h50

الاستاذ/ عادل
عيد سعيد
على الجميع
بالنسبه لشاديه فيه اغنيه
يام الصابرين

السلام عليكم
اخي ابو كارم
الاستاذ عادل دون اغنية يام الصابرين (مرفق) و معها آه ياسمرانى اللون لو اردت سارفعها لك
اخوك هيثم

salhi_haithem

20/01/2012, 05h54

السلام عليكم فرداً فرداً مع إحترامي لكم جميعاً
لقد سألت سؤآل بخصوص مقام الصبا وسمعت أن هنا صبا حسيني فاريد من حضرتكم سلم مقام صبا حسيني وأريد أدليب على هذا المقام مع أغنية سهلة ونوتة النهر الخالد بالنوتة المبسطة ولكم جزيل جزيل الشكر والامتنان :crazy:
http://www.samysoft.net/fmm/fimnew/meelad/1/65756.gif:crazy:
الاخ العزيز
عايز تتعلم صح ؟
كاتنظرش لمقام الصبا على انه من درجة رى ولكن من درجة الحسينى بيبقى شىء تانى هو هو بمعنى هات مرقة موسيقى واكتب مقام الصبا اولا من رى الى رى وبعدين ضع عليه علامات التحويل واضبطه
بعدين تحته اكتب من لا لا وضع عليهمعلامات التحويل لكى تصبح ابعاد القام كما فى اللى فوق
وتحته اكتب من صول الى صول وضع عليهم علامات التحويل بحيث تجعل الابعاد مثل اللى فى الاول يبقى عندك صبا دوكاه وصبا حسينى وصبا النواة وهى اشهر التعاملات مع مقام الصبا ... يعنى مثلا لو شخص تعرفه اسمه محمد مثلا
مرة لابس بدلة وكرافتة ومرة لابس تى شيرت ومرة لابس جلابية .. هل محمد بيتغير ؟ ولا بيفضل محمد ولكن بشكل تانى ؟
اما عن نوتة النهار الخالد موجودة اكيد فى المنتدى
مع اطيب تحياتى عادل صموئيل

السلام عليكم ورحمة الله وبركاته
اخي الكريم هنا مرفق اغنية خلاص مسافر صبا حسينى شادية تدوين الاستاذ عادل
و معها اغنية النهر الخالد تدوين الاستاذ عادل
مع الشكر اخوك هيثم

عادل صموئيل

20/01/2012, 10h40

اخى العزيز عزت شحاته
اقدم لك

قولوا لعين الشمس كاملة

المشكلة ساعات الملفات اللى بتنزلوها بتكون مش بادية من الاول

فيه ملحوظة النوتة اللى انت منزلها كانتمن بياتى الدوكاه بس انا شايف الملف الصوتى بياتى من الحسينى

وممكن يكون من ادلوكاه عالى اوى على الناس عندك وحرصاً على ( ما يسمى خدمة ما بعد البيع )
انا عملت لك نسختين واحدة بياتى ع الدوكاه وواحدة بياتى حسينى وانت اختار اللى تريحك

armendo

20/01/2012, 13h40

أستاذي المحُترم أ/ عادل صموئيل
مليون شكر أستاذي على العمل الرائع الجميل " قولوا لعين الشمس متحماشي "
و يا سلام لو تنوت لنا أغنية ليالي العمر معدودة ، هي صحيح أغنية حزينة قوي بس بصراحة لحنها رائع وأداء شادية يجذب من يستمع إليها ....
مع خالص شكري وتقديري

الأخت العزيزة بيانو بيانو
اليك نوتة ليالى العمر معدودة للرائعة السيده شادية ارجو ان تسعدى بها.
مع ارق تحياتى
ارمندو

swaifi73

20/01/2012, 14h36

أشكر استاذي ومعلمي عادل على النصائح الدائمة
ربنا يعطيك الصحة وطول العمر
أستئذن أستاذ عادل أن أنزلها في طلبات النوت لأني لا أعرف غير هذه الصفحات ولا أدخل المنتدى إلا فيها هي وحتى تنال متابعة استاذي عادل لأنه أول من علمني أخط وأدون نوت وحتى يرها باقي الأستاذة وأستفاد من نصائحهم وملاحظاتهم
أقدم لزملائي في المنتدى نوتة ليالي لبنان لمحمد عبد الوهاب
أتمنى أن تكون قد المستوى
وأي ملاحظات من الزملاء والأساتذة الذين نتعلم منهم أنا مستعد لأي تعديل أو تغيير

إيمان.

20/01/2012, 17h59

كل ده كان ليه من تدوين الاستاذ عادل

swaifi73

20/01/2012, 18h58

عادل صموئيل

20/01/2012, 23h37

احبائى
اقدم لكم من روائع شادية

شفت القمر

مع اطيب تحياتى

http://www.iraqup.com/up/20100501/Ou7Lj-4V2u_117234929.gif

عادل صموئيل

21/01/2012, 19h51

احبائى
اقدم لكم اغنية من العيار التقيل جدا

رائعة ام كلثوم والسنباطى

ليلى ونهارى

كاملة فى 7 صفحات

انا دونتها فى يوم واحد ( يعنى مش طول النهار طبعا يعنى على 4 جلسات كل جلسة نصف ساعة وهى ماتعبتنيش لأنى حافظها من 45 سنة وعزفتها بالطبع مليون مرة وموجودة بعزفى المتواضع فى قسم المبدعون ) هى صعوبتها فى الادليب فى كل كوبليه بس لو تحفظه جيدا من ام كلثوم حايبقى سهل جداً
الجمل الموسيقية فى اللحن ده رائعة اروع من الروعة يعنى ممكن اللى مايعزفش الاغنية كلها ممكن يعزف الجمل الموسيقية بس خلوا بالكم من علامات التحويل
اترككم مع النوتة مع اطيب تحياتى

http://www.hanaenet.com/vb/imgcache/2409.imgcache

عادل صموئيل

22/01/2012, 10h05

احبائى
اقدم لكم من لاوائع عبد الحليم حافظ

الحــلوة

اتمنى ان تحوزرضاكم مع اطيب تحياتى

http://i218.photobucket.com/albums/cc162/mohamedabdulla/flowers_spread_rose.gif

عادل صموئيل

22/01/2012, 18h55

احبائى
اقدم لكم اغنية لم كلثوم من زمان اوى اوى اوى

يا كروان والنبى غنى

اقدمها للأخ العزيز احمد الاهلاوى هو طلبها النهاردة
الاغانى اللى فى المرحلة دى ما ينفعش تتدون يعنى انا دونتها تحدى لنفسى بس هى المفروض بتتعزف سماعى لأن ما ينفعش اى حد يعزفها اصلا
محتاجة واحد يكون بيعزف سماعى 100 % ويحفظها صم وبعدين يعزفها والسبب
انك لما تسمعها وانا منزل الملف الصوتى الفترة دى كانت من المرحلة الاولى من حياة ام كلثوم الغنائية .. كان ساعتها المغنى هو كل حاجة والفرقة وراه حاجة اى حاجة .. يعنىالموسيقى كان ساعتها تسند المطرب بس .. يعنى هنا المقدمة الموسيقة مش معمولة للحن ده مخصوص ولكن حاجة اسمها دولاب يعنى العازف بيبقى حافظ كام دولاب فى مقامات مختلفة واى اغنية فى مقام نهاوند مثلا يعزفوا دولاب النهاوند .. وبعدين تلاحظ جدا اللخبطة فى العزف يعنى تحس فيه تفعيص وكرببسة فى العز بحيث ان اللزمات الصغيرة بتكون مش واضحة للمستمع ومش محددة واحيانا فيها غلطات .. وانا عشان اكتب لكن الجملة او المازورة سمعتىها كتير جدا احاول استخلص منها حاجة تتكتب , وللعلم لو اى مويقى تانى ممكن يستخلص منها حاجة غير اللى انا طلعته لن زى ماقلت كتير جدا بتبقى ما لهش معالم محددة .. كمان المطرب كان ساعتها زمن المشايخ ( واعتقد ان اللحن ده لزكريا احمد نكهته كده ) يعنى غناء المشايخ كان مش بيبتقيد بالوحدة والزمن .. ولما نيجى للكورال ( او المذهبجية وجه كان اسمهم ساعتها )
تحس انه قاعد فى قهوة او قعدة بيتى مش فى استديو يعنى تلاقى واحد منهم مسحوب من لسانه وعمال بيغازل المطربة .. وبعدين بيتسلطنوا وهم بيسمعوها وبينسوا نفسهم ودايما دخولهم بعدها بيبقى مبتور حرف او بيتسحبوا ورا بعض .. وكل الحاجات دى بتخلى الكتابة شبه مستحيلة .. لأنى بكتب الجملة بعد ما اسمعها 100 مرة آجى اسمعها تانى اراجع عليها تلاقى لسه فيها حاجات رفيعة .. وافكر اكتب ايه واترك ايه .. ودى اكبر مشكلة لن طريقة المشايخ فيها خلط مابين التجويد وبين اللحن الاساسى .. وبحتار لنى لو كتبتها بالضيط حاتبقى معقدة جدا على تعقيدها الاصلى وماحدش حايعرف يعزفها .. المهم بختار التبسيط
بس برضه بنرجع للمشكلة الأساسية انك لازم تكون حافظ اللحن صم 100% وتسترشد بالنوتة وربنا يستر
مع اطيب تحياتى واتمنى تستفيدوا منها
:emrose::emrose::emrose::emrose:

عادل صموئيل

22/01/2012, 21h38

احبائى

اقدم لكم اغنية نجاة

مسير الشمس

مع اطيب تحياتى

http://img192.imageshack.us/img192/7284/1267500369.gif

sayed_lv

22/01/2012, 23h31

السلام عليكم و رحمة الله وبركاته
*******************
اقدم لكم اليوم نوتة رائعة على الحجار
الحان احمد الحجار
توزيع ياسر عبد الرحمن
لما الشتا تدق البيبان
بناء على طلب الاستاذ عاصم المنشاوى
و هى كامله 5 صفحات
بس ارجو المراجعه لان اللحن و التوزيع ده صعب اوى لانه من غير ايقاع و مش باين فيه اى ميزان خالص بس انا "فبركت" موازين كتير اوى و مخلتش فيها ادليب خالص
و يا ريت لو فى اى ملاحظات ارجو اخبارى على الفور
تحياتى لكل اعضاء المنتدى:emrose:

swaifi73

23/01/2012, 16h55

أشكر معلمي وأستاذي أستاذ عادل صموئيل صراحة استاذ عادل الله يعينك التدوين مجهد جدا حاولت أدون نوتة بالسلام أحنا بدينا لأم كلثوم عصرت عقلي وقلبي في التركيز على مدي يومين كاملين وخاصة إن فيها أهات وأمتداد للنغمات كثير وعلشان تنزل الدم في مكانها تعبة كثير خاصة الكوبليه الثاني وأشكر استاذ عمرو الهنداوي على برنامج
Audacity 1.3 Beta (Unicode)
فعلا ممتاز كانت الأغنية تبدأ من ال ( لا ) نصف بيمول ورفعتها إلى ( السي نصف بيمول) وبطئيت سرعة الأغنية 50 فلمئة فأصبحت واضحة ومفصلة
أقدم إلى أستاذي ومعلمي وإلى زملائي أعضاء المنتدى نوتة بالسلام إحنا بدينا لأم كلثوم

عادل صموئيل

23/01/2012, 19h17

احبائى
اقدم لكم

عربية يا أرض فلسطين

اقدمها للأخ جون يوسف

بس انا عندى ملاحظة للأخ جون
فيه فرق خطير بين جيلنا والاجيال اللى بعدنا من اللى بيدرسوا الموسيقى
ان الموسيقى الشرقية كانت طرب والجيل اللى بعدنا اصبحت تكنيك .. وهم عندهم مفهوم خاطىء للموسيقى احب اوضحه لأن عليه بيتوقف ضياع الموسيقى الشرقية
الفرق بين الموسيقى الشرقية والغربية ايه ؟
ان الموسيقى الغربية تمنيك وتنفيذ صارم للنوتة .. والونتة مكتوب فيها كل حاجة يعنى العزف بينفذهازى القطار .. لكن الموسيقى الشرقية اولا طرب وثانيا احسا والتكنيك ده بتمارسه لنفسك بحيث انك بترفع بيه مستواك كعازف .. لكن لما تعزف للناس ما ينفعش تعزف لهم لحن كله تكنيك وبسرعة عالية لن الجمهرو مش حايفهم انت بتقول ايه
يعنى مثلا اللحن ده هنا لو شفت المقدمة .. تلاقى فيها حاجات سريعة جدا ودى الناس مش حاتفهمها .. والسلطنة مش حاتحصل .. يعنى تلاحظ اول حاجة ان آمال ماهر دخلت مش مضبوطة لن المقدمة عمالة تكر وفجأة هبطت عشان الغنا مفيش تمهيد للغناء .. وبعدين لما تيجى لكلمة آذان تلاقيها بتستعرض عضلاتها فى العرب وهى بتزعق اوى تحس بعدها ان صوتها خلص .. بعدين اى لحن الناس المفروض بتغنيه بعد كده هنا العرب الكتير ماحدش حايقدر يقولها .. وفيه لازمة صغيرة فى وسط اللحن بتحصل كتير يعنى 4 دوبل كروش وسطهم بيتغير المقام ودى ماتديش وقت للى بيغنى انه يلقط المقام الجديد
يعنى ارجع للحن ليلى ونهارى شوف كمية السلكنة اد ايه يعنى المستمع بيبقى معاك حاسس وفاهم انت بتقول ايه
وانصحكم ارجعوا للفن الشرقى الصح
مع اطيب تحياتى

http://www.m5zn.com/uploads/2010/3/1/photo/gif/fm1w54zw8vzowtudv8.gif

swaifi73

24/01/2012, 10h13

استاذ أرمندو والأستاذ عمرو الهنداوي أشكركم جزيل الشكر على تشجيعكم لي
وعلى الملاحظلت للأستاذ عمرو
إنشالله هأخذها في الحسبان
وأشكرك جدا لأنك دايما منظم وترقم الشيئ وتضعه بطريقة يستطيع الشخص أستيعابها ومراجعتها بدقة كلما قرأها وحابب أجاوب عليهم بتريبك الجميل
1 - بلنسبة لعنوان الأغنية أو أي عمل إنشالله هيكون بخط كيبر وواضح فيما بعد
2-وبلنسبة لأرقام الصفحات متفق معك وسوف أجعله في المنتصف
3- بلنسبة لأرقام النوتات أنا كاتب بس بداية كل مدرج علشان إذا أحد من الأساتذة عنده ملاحظة على أي مازورة يقدر يشوف الرقم في أول المدرج ويقولي ملاحظته في ما زورة رقم كذا وتكون أسهل عليه وعلى من يقدم لي رأيه لأن (جل من لا يسهو) ممكن أكون غلطان في علامة تحويل لأن الواحد قرب الأنتهاء من التدوين يكاد يكون مش شايف قدامه من كثر التعب
4- توحيد الخطوط إنشالله في المرات الجاية بس أنا كنت بكتب بخط كان ذكره أستاذ عادل في شرحة وطابعة
( البي دبي أف)عندي لا تعمل مع برنامج إنكور وهذا من مشاكل الفيستا عندما أريد ألطباعة يتوقف البرنامج ويفصل
فبضطر أروح لجهاز أخر في المنزل خاص بعائلتي وهو وندوز 7 حتى أحوله ل( بي دي أف) فكان لا يتعرف على الخط ويظهر الكلام بلغة غير العربي فبطر سرعا أختار أي خط يتعرف عليه وعنما يقراه عربي بنسخ بسرعة قبل أن تواجهني مشلكة أخرى تعرف البرنامج مع الفيستا والوندوز 7 له عيوب كثير
المهم سوف أحاول في المرات القادمه توحيد موضوع الخطوط
5- معك حق سوف أنوه للكوبليه بحرف ك فقط فيما بعد
6-فكرة كل كوبلية في بداية السطر جميلة هنفذها إنشاءالله
7- بلنسبة لتنويت الكلام فوق المدرج يا ريت أتمنى يكون فوق بس ما هي الطريقة أنا بدون على إنكور حسب شرح أستاذ عادل بضغط على حر ال (L)
ويكتب تحت لو تعرف طريقة تجعله فوق أتمنى تفيدني يكون أفضل وبلسنبة أن الحروف لاصقة في العلامات هذه أيضا تقنية برنامج لو عندك طريقة اوسعها أيضا عرفني
وموضوع كتابة الكلام كله للكوبلية فعلا معك حق ممكن أكتفي ببداية الكوبلية فقط لأنه أخذ مجهود كبير وحسسني في الأخر أنه( نشيد مدرسي) وليس أغنية لأم كلثوم وزحم النوتة جدا
أشكركم على الملاحظات أنا فعلا تعلمت من المنتدى الكثير وما لم أتعلمه في دراستي أثناء الجامعه
وهذه هي النوتة بعد نصائح الأخ عمرو الهنداوي شلت الكلام كله وكتبت فقط عند بداية كل كوبلية وبلنسبة لحجم الخطوط عدلتها قدر الأمكان علشان مشكلة الجهاز الأخر وطابعة ال ( بي دي أف ) وتعرف الجهاز على نوع الخط بس قدر الأمكان وحدت الخط
كل الشكر والتقدير لكم جميعا

salhi_haithem

24/01/2012, 17h26

السلام عليكم ورحمة الله وبركاته
شكرا لكل الاخوان على الكلمة الجميلة و المشجعة و ساضع انشاء الله القائمة النهائية لفهرس الاستاذ عادل الذي يتضمن كل النوتات التي دونها .. و بطبيعة الحال سيكون اضخم فهرس و اجمل فهرس ... و اليوم ارفع لكم البعض من النوتات التي دونت من قبل الاستاذ عادل و هي غير موجودة في صفحة طلب النوتات ممكن هي موجوذة في مواضيع اخرى ..

حاقبله بكره - ام كلثوم
يا حلاوتك ياجمالك - فايزة احمد
سنة وسنتين - فريد الاطرش
احكى لى عن بلادي - فيروز
الله معاك يا هوانا - فيروز
سهر الليالي - فيروز
يا واحشني رد عليا - محرم فؤاد

اخوكم هيثم

armendo

24/01/2012, 17h56

اخى عيسى سعيد..اليك الصفحة الأولى من نوتة عندما ياتى المساء مع الكلمات وسابحث عن الصفحة الثانية والتى لا اعرف اين ذهبت وفور عثورى عليها سارفعها فورا.
مع ارق تحياتى
ارمندو

عادل صموئيل

24/01/2012, 19h56

احبائى
اقدم لكم
اغنية شادية وفاتن حمامة

آلو آلو احنا هنا

والاغنية دى من الاغانى الكوميدية بس تلاقى فيها كمية طرب وفيها شغل معمولة حلو

وجدير بالذكر ملحوظة : كانت فاتن حمامة بتغنى بس فى حدود محددة وهنا الملحن الشاطر بيعمل فى حدود امكانياتها

مع اطيب تحياتى

http://t2.gstatic.com/images?q=tbn:ANd9GcTP9WX7Q1aM_H4s9a4MnfMDzi4ZH-zhiox_0YhIByJ3-T9Lz_-hfLrSWzsP5A

swaifi73

25/01/2012, 15h14

أعزائي وأخواني أعضاء المنتدى الكرام حبيت أعمل حاجة علمها لي أبوية واستاذي استاذ عادل صموئيل أني أصور اللحن بعد تدوينه هذه نسخة من أغنية بالسلام لأم كلثوم ولكن من درجة ال ( لا نصف بيمول)
ومعه الملف الصوتي أيضا من ال( لا نصف بيمول) وهذه الطبقة الأصلية التي غنت منها أم كلثوم
وأعلى نغمة غناء فيها ( الدو)
أما النوتة السابقة من ( سي نصف بيمول) والتسجيل الصوتي أيضا من ال ( السي نصف بيمول) ولكني كنت رافعه ببرنامج الأستاذ عمرو الهندواي
وأعلى نغمه فيها هي ال( رى)
يعني لو أستاذ حابب ينفذها حسب المغنية التي سوف تقدمها إذا وصلت لنغمة الرى مرتاحة هتكون أسهل وأريح للعازفين
وأتمنى من استاذ عادل والأخوة الأعزاء إذا فييها أي ملاحظات أنا تحت أمركم

عادل صموئيل

27/01/2012, 14h35

احبائى
اقدم لكم تحفة عبد الوهاب وام كلثوم

انت الحب

كاملة فى 12 صفحة
اللحن العبقرى ده اتقدم سنة 1965 لكن لما تسمعه تحس انه بينتمى الى فرة ابعد يعنى قمة الطرب الشرقى الاصيل مع مسحة غربية . وكانت تانى مرة عبد الوهاب يستعمل الجيتار
من اهم مميزات عبد الوهاب كانت انك لما تسمع الجملة الموسيقية مرة وتسمعها تانى لازم تسمعها باى نكهة مختلفة حتى لو سمعتها عشر مرات فى نفس الاغنية
والفرقى كمان كانت مع الإعادة بتقى متسلطنة لدرجة عاية جدا تحس انها لما تعزف جملة وتعيدها بتكون الاعادة فيها تجويد اكتر وسلطنة اكتر
انا عزفت اللحن ده فى قسم المبدعون واليكم الرابط للى يحب يسمعه من عزفى المتواضع
مع اطيب تحياتى

http://www.sama3y.net/forum/attachment.php?attachmentid=96600&d=1214502827

http://img600.imageshack.us/img600/6761/1267662543.gif

نور الصباح

27/01/2012, 17h51

الأخـــــــــــــوة الأحــــــــــــــبة أصدقـــــــــــــائى وأحـــــــــباب قلـــــــــــبى
الأعضــــــــــــــــاء والعضـــــــــــــوات
سلام الله عليكم ورحمته وبركاته
وبعــــــــــــــــــــــــــــــــــــــــد:
اســـــــــــــــمحوا لى أن أقــــــــــــــدم لكــــــــــم النوتة الموسيقية التى تكلم عنها الأخ
محمـــــــــــــــــــــــــــــــــــــد الســـــــــــــــــــــــــــــــويفى
swaifi73
حفظه الله
وهى النوتـــــــــة الموسيقية لأغنية
محمــــــــــــــــــــــــــــــــــــــــــد فـــــــــــــــــــــــــــــــــــــــــــــوزى
( تـــــــــــــمللى فى قـــــــــــــبى يــا حبيبى )

لقد لمحتــــــــها فجأة وأحببت أن أفــــــــــاجئه وأفــــــــــــاجئكم بهـــــــــــا
بس على شـــــــــــرط ما حدش يقول له إنى أخدتهــــــــــا من وراه ومن غير ما يعرف
واطلـــــــــبوا ليا منه الســـــــــــــــماح والعفو
أصل السماح طبع الملاح ويا بخت من سامح
وقولوا له
حـــــــــــذر فـــــــــــــــزر أنــــــا جبت النوتة منين
اللى يعرف الإجــــــــابة يتصل بالنمرة دى
0 00 000 000 00 0
وسوف يحصل على جائـــــائزة كـــــــبرى وهى
( مفتــــــــــــــــــاح صــــــــــــول )
هههههههههيييييييييــــــــــــه

وشكرررررررررررررررررررررررررررررا
أخوكم
نـــــــــــــــور الصـــــــــــباح

عادل صموئيل

28/01/2012, 17h01

احيائى
اقدم لكم من روائع شادية الكلاسيكية

يا سارق من عينى النوم

اتمنى ان تسعدوا بها هى فيها ملحوظة فى الكوبليه التانى فيه فا بيمول بس اكاديميا لازم تتكتب كده
هى الفا بيمول هى هى مكان المى ناتورال على الآلات الوترية
مع اطيب تحاتى

http://t2.gstatic.com/images?q=tbn:ANd9GcT9PvYtYZP1d9hn84fTas5HEeZCOZUvg qbmywiez7QFzRa7Phov

عادل صموئيل

29/01/2012, 18h04

احبائى
واقدم لكم

ولا قدك ميٌة يابوالعين العسلية

وهى من اغانى شادية التى تعتبر شعبية
ولكن تختلف تماما عن نوعية الاغانى الشعبية بأنها صعبة وفيها شغل
بس اللحن ده بيعتبر صعب شوية فى العزف نظراً انك تشوف فيه دوبلات كروش كتير متتالية
اللحن ده يفيد جدا والتكنيك اكتر منه انه جملة طربية
يعنى كمان بإختلاف ترتيب العلامات الإيقاعية ممكن بيلخبط وده بيتميز بان لو قرأتها حلو بيرتفع المستوى فى القراءة
مع اطيب تحياتى
http://t2.gstatic.com/images?q=tbn:ANd9GcT84ZZQSkn46QEZSYN_99VEcNyBp6048 DcaX0tfuThWGP6UtUqn8g

عادل صموئيل

29/01/2012, 20h11

nader1976

31/01/2012, 13h54

احبائى
اقدم لكم من روائع نجاة الصغيرة

ع الشوق ماشى

مع اطيب تحياتى

http://t1.gstatic.com/images?q=tbn:ANd9GcTzqivUTAU9rOo8g69akBl_d78FFbVNW A1pWhnoAdfQ6V7X0hEPf_SOCJh41Q

اردت التعبير عن مدى امتناني وتقديري للاستاذ الانسان الرائع عادل صموئيل، والى موقع سماعي والذي هو في الواقع مجمع للفنون التراثية وليس مجرد منتدى، باضافة نوتة اغنية الدنيا ريشة ف هواه للمطرب سعد عبدالوهاب

الملف يحتوي على النوتة بصيغة بي دي اف، ايضا ملف ميدي لها، واخيرا ملف خاص ببرنامج سيبليوس.

swaifi73

01/02/2012, 11h01

أعزائي وأخواني أعضاء المنتى الكرام أقدم لكم نوتة أغنية ( تعب الهوى قلبي ) للفنان محمد فوزي
وأشكر أستاذي ومعلمي أنه ساعدني في تدوين الكوبليه الأخير وتوضيح بعض الأمور الفنية
لأن محمد فوزي سلطن في الكوبليه الأخير وطول في نغمات على حساب نغمات ليس كخطأ منه لأ ولكن كأحتراف ولذالك أستاذ عادل قرب اللحن أو الجمله اللحنية للكوبليه الأخير بحيث تكون منطقية ونستطيع عمل مرجع للكوبليه
أشكركم وأتمنى أن يكون قدر مستوى صفحة طلبات النوت

abdelrazak

01/02/2012, 11h44

أستاذ عادل حقيقة لساني يعجز عن الشكر لأن أي كلمة شكر هي غير كافية لما تقدمه لنا من دروس و نوتات ووو....
أنا اليوم عندي طلب أتمنى بفارغ الصبر أن تلبيه لي و هو تدوين المقدمة الموسيقية لأغنية بانده عليك للفنانة وردة الجزائرية و المقدمة الموسيقية لأغنية نبتدي منين الحكاية
لأنني سأشارك في حفل افتتاح معهد جديد و لم يتبقى إلا القليل على موعد الحفل . أنا أعرف الكم الهائل من الطلبات التي تنتظرك لكن ماذا سأفعل؟
أستاذي الجليل سأقول مرة أخرى أنا بحاجة ماسة لهتين النوتتين
و شكرا
اخى العزيز
اقدم لك النوتتين مقدمات
نبتدى منين الحكاية
و
انده عليك
انا ما اقدرش اتأخر لما يكون حد عايز النوت فى ظرف قهرى يعنى عنده حفلة او حاجة زى كده
طبعا هم ما اخدوا منى وقت كتير يعنى كل نوتة نصف ساعة لأنى عزفتهم مع عبد الحليم ووردة وكل اغنية عملنا عليها خمسين بروفة
مع اطيب تحياتى بحفلة حلوة

swaifi73

01/02/2012, 11h58

عفوا زملائي هذه النسخة أفضل وضعت فيها أماكن اللزمات الموسيقية وأماكن ردود الكورال تحياتي
محمد السويفي

swaifi73

02/02/2012, 07h39

السلام عليكم
انا عضوة جديدة بينكم و ارجو ان تقبلوني بينكم
الاساتذة الكرام محتاجة ظروري و بكل الحاح و شكر ثلاث نوتات
يازهرة في خيالي فريد الاطرش
عدت يا يوم مولدي فريد الاطرش
الربيع فريد الاطرش
و شكرا
أختي الفاضلة زينة الغريبي تحية طيبة
هذه النوت التي طلبتيها في ملف مضغوط يحتوي على نوتات يا زهرة في خيالي ونوتة الربيع كاملة
عدت يا يوم مولدي موجودة عندي ولكن حاولت أنزلها في المنتدى ولكن يبدو أن المنتدى لم يقبل صيغتها أختاري ما يحلو لك من الطرق وأنا أرسلها لك
تحياتي
محمد السويفي

swaifi73

02/02/2012, 08h26

السلام عليكم
انا عضوة جديدة بينكم و ارجو ان تقبلوني بينكم
الاساتذة الكرام محتاجة ظروري و بكل الحاح و شكر ثلاث نوتات
يازهرة في خيالي فريد الاطرش
عدت يا يوم مولدي فريد الاطرش
الربيع فريد الاطرش
و شكرا
الأخت زينة الغريبي لقد حولتلك صيغة مرفق عدت يا يوم مولدي إلى pdf
حتى أتمكن من إرسالها إلى المنتدى ووضعتها في ملف مضغوط
تحياتي
محمد السويفي

swaifi73

02/02/2012, 21h36

أعزائي وأخواني أعضاء المنتدى الكرام أقدم لكم
نوتة( يا طير يا طاير على أطراف الدنيا) للصوت الملائكي فيروز كان طلبو مني أخ نواف
اسمحولي لقد أستخدمت الكتابة العربي فيها كثير علشان أوضح أجزاء في الأغنية لأن فيها أجزاء بدون إيقاع أو زمن
فأستخدمت الكتابة بالعربي وأستخدمت المرجع الثالث وأستاذ عادل كان قايلي أنه قليل الأستخدام في الموسيقى العربية ولكن أضطررت لذالك لأن موسيقى الكوبليهات الثالثة متكررة ولكن تختلف في قفلتها فقط
فأستخدمت المرجعات الثلاثة الأول لنهاية الكوبليه الأول والثاني يعزف مع نهاية الكوبليه الثاني والثالث يعزف في المرة الثالثة مع الكوبليه الثالث حاولت أن أرفق الملف الصوتي ( التسجيل) للأغنية ولكن المرفقات أعطتني رسالة أني نزلتها في المنتدى من قبل سوف تجدوها في الصفحة السابقة لهذه الصفحة
أتمنى أن أكون وفقت في الأغنية
أخوكم محمد السويفي

حلوة .. هو ده الشغل عادل صموئيل

عادل صموئيل

02/02/2012, 22h06

احبائى
الاخ العزيز رزاق من المغرب
طلب منى تدوين مقدمات

انده عليك
و نبتدى منين الحكاية

وانا دونتهم ونزلتهم فى مشاركته قبل صفحتين
ولكن متهيألى ما حدش منكم شافهم
لذا اقدمهم لكم هنا تانى
حتى يتسنى للجميع الاستفادة منهم
مع اطيب تحياتى

عادل صموئيل

03/02/2012, 00h31

الأخت العزيزة زينة الغريبى

اقدم لكى نوتة اغنية
يا زهرة فى خيالى

انا زى ماقلت هى صغيرة اوى واستغرقتى من اقل من نصف ساعة
ومع انى بكتب عمل كبير جدا جدا وطويل يعنى حوالى 16 صفحة ( والاخوة الاعضاء حايتجننوا يعرفوا ايه هو ) بس مش حقول لهم غير غداً .. يعنى يتعبوا يشتاقوا شوية عشان انا بتعب فى تدوين الاعمال الكبيرة
المهم
انا مراعاة لظروف المبتدئين حاولت ابسطها بقدر الإمكان لكن ما تتبسط اكتر من كده لأن اللحن ممكن يختل
ومراعة ايضا انا دونتها فى نسختين
نسخة نهاوند على دو
ونسخة نهاوند على الرى
وانتم تختاروا النوتة اللى تريحكم عشان علامات التحويل
وانا اشكرك انك فكرتينى باللحن الجميل ده وانا بصراحة لما انتى طلبتيه سمعته اشتقت انى اكتبه فوراً
وبالمناسبة لكل الأعضاء انا اافتكرت فى ذكرياتى مع فريد الاطرش وكان صديقى جدا .. مرة كنا سهرانين مع بعض فى مكان هادىء .. يعنى الهدوء ممكن يخلى الانسان يفضفض .. شوفوا قدر فريد الاطرش الموسيقى أد ايه
تخيلوا انه قال لى اناه زعلان انه ماتعلمش موسيقى اكتر من كده يعنى كان نفسه يسافر ايطاليا ويتعلم الموسيقى اكتر
يعنى انا اتجننت من التواضع ده بتاع الفنان العظين
قلت له يا أستاذ انت الموسيقى بتاعتك بيشتهوا يدرسوها فى كل المعاهد والكليات الموسيقة فى مصر وكل الدول العربية وتركيا يعنى عايز اكتر من كده اد ايه ؟؟؟
وبالطبع افتكرت اللى عاملين نفسهم فنانين النهاردة واى واحد فيهم مايساوى حتة حجر صغيرة بجوار فريد الاطرش وكمية الغرور اللى فيهم وتعجبت ....
مع اطيب تحياتى وانتظروا بكرا المفاجأة اوعوا حد يروح اى حتة ... يعنى تصلوا الجمعة وترجعوا البيت تنتظروا
http://t2.gstatic.com/images?q=tbn:ANd9GcTQkdtTOnP6m_OUg3ivrQQwmXIP4akns LbCWdtspM7MEifHfau8dQ

swaifi73

03/02/2012, 18h17

والله يا جماعة أني محرج منكم جدا سامحوني لأني كثير عجول وعندما راجعت النوتة كنت كاتب عند مازرة 40
ك3 يعني الكوبليه الثالث وفي الواقع أن الأغنية كوبليهين ومذهب فقط وليست 3 ومازورة 40 تكملة الكوبليه الثاني بس الخطاء كان في ك3 سماحوني وأوعدك المرات القادمه سوف اراجع النوتة جيدا قبل ما أنزلها
تحياتي
محمد السويفي

عادل صموئيل

04/02/2012, 14h04

احبائى

طبعا انا آسف للتأخير عذر قهرى حصل عطل كبير فى الشركة اللى انا متعاقد معها فى النت اللى عطل فجر يوم الجمعة والمشكلة ان موقع الشركة فى قلب القاهرة وسط الاحداث المشتعلة يعنى منطقة ميدان التحرير ووزارة الداخلية وشارع محمد محمود المنطقة اللى على طول مالية الاخبار والشركة فى وسطهم ومش عارف يتصلح امتى انا دلوقتى داخل من كمبيوتر واحد قريبى
اقدم لكم التحغة الرائعة اللى وعدتكم بيها

الليلة الكبيرة

فى 16 صفحة
طبعا انا دونت منها 90% لأن فيه مقطع بيتغنى ما ينفعش يتدون
اتمنى ان تسعدوا بها ومع اطيب تحياتى للجميع ولو غبت عليكم شوية اعذرونى النت مش عارف حايرجع امتى
اللى يحب يسمع التسجيل الصوتى

http://www.sama3y.net/forum/attachment.php?attachmentid=35255&d=1180302636 (http://www.sama3y.net/forum/attachment.php?attachmentid=35255&d=1180302636)

swaifi73

06/02/2012, 22h45

أخواني وأخواتي أعضاء المنتدى الكرام
الأستاذ عمرو الهنداوي
أقدم لكم نوتة (بحلم معك لنجاة )مع الملف الصوتي
النوتة سهله جدا ولكن في ملاحظة علشان تدون بشكل سليم 100%
لازم تدون على مدرجين لأن في لازمات بتستمر في العزف ونجاة بتدخل في الغناء واللازمة مستمرة أنا عملت اللزمات قدر الأمكان بحيث تدخل نجاة في وقتها في الغناء وفي موسيقى في مازورة 14 و16
تسكت فيها نجاة ويلعب الجيتار (بايز) مصاحب أنا دونتها سكتات لأن نجاة لم تغني ولم تعزف ألة نغمات تدون غير بايزات الجيتار وهذا يحتاج مدرجين مفتاح صول ومدرج مفتاح فا
تحياتي
ملحوظة نجاة كانت مغنيها ناقصة نصف تون يعني من (السي بيكار)
وأنا دونتها من( الدو) حتى تكون أسهل في العزف وعلامات التحويل والدليل واخذت بنصيحة أستاذ عادل مرة من المرات عندما سئله استاذ عمرو الهنداوي عن أغنية ( أنا بعشق البحر) لنجاة ونصحة بأنها لو رفعت نصف تون سوف تكون في متناول الجميع
تحياتي
محمد السويفي

عادل صموئيل

07/02/2012, 20h56

احبائى
اولا اشكر كل من تكرم بالسؤال عليا
المشكلة كانت ان الشركة اللى انا متعاقد معاها فى النت اتباعت لناس جداد وكانوا بيظبطوا امورهم والحمد لله النت رجع بس ان شاء اللله ما يتعطل تانى
طبعا والنت مقطوع كانت بقضى وقتى اكتب نوت لن دى الحاجة الوحيدة اللى بقتل بيها الوقت الممل انتم عارفين سوء الاوضاع فى مصر واللى مش عارفين لها آخر يعنى الاول قبل الثورة كنت يوم باخد عربيتى واسافر مكان قريب او اخرج اتغدا بره او اى خروج دلوقتى انا محبوس فى البيت
المهم انا كتبت 6 اغانى حانزلهم ورا بعض
اول اغنية رائعة فريد الاطرش

الربيع

ودى هى فريد يعنى لما تقول فريد تقول الربيع ولما تقول الربيع يبقى فريد
والاغنية دى ارتبطت فى أذهان الناس بيوم عيد الربيع او شم النسيم لأن فريد قعد اكتر من عشرين سنة بيغنيها ليلة شم النسيم ... مع اطيب تحياتى
http://3.bp.blogspot.com/-6SaWDucqa40/TvYURZvJPNI/AAAAAAAAA0w/eUYpryzl5LY/s1600/3bdc44bb2a053761d99f2a4979d7a2a9.gif

عادل صموئيل

07/02/2012, 21h08

احبائى
اليكم من روائع نجاة الكلاسيكية

مش هاين اودعك

اتمنى ان تحوز رضاكم مع اطيب تحياتى
http://1.bp.blogspot.com/-7-GtthvShAg/TvYUF-sBYdI/AAAAAAAAA0g/h1CEA6x0BAM/s1600/1Oe3Y-2bsD_967575862.gif (http://1.bp.blogspot.com/-7-GtthvShAg/TvYUF-sBYdI/AAAAAAAAA0g/h1CEA6x0BAM/s1600/1Oe3Y-2bsD_967575862.gif)

عادل صموئيل

07/02/2012, 21h11

احبائى
النهاردة ماسورة نوت وانفجرت

اقدم لكم من روائع فريد الاطرش

عدت يا يوم مولدى

اتمنى ان تسعدوا بها
مع اطيب تحياتى

http://1.bp.blogspot.com/-Lvtoxu_N5G4/TvYUXBiz6nI/AAAAAAAAA04/4-WC95lxVx4/s1600/93df14ef0bd703d0529d2358e95cec2e.gif (http://1.bp.blogspot.com/-Lvtoxu_N5G4/TvYUXBiz6nI/AAAAAAAAA04/4-WC95lxVx4/s1600/93df14ef0bd703d0529d2358e95cec2e.gif)

عادل صموئيل

07/02/2012, 21h14

احبائى
اقدم لكم من روائع فريد الاطرش

ارحمنى وطمنى

مع اطيب تحياتى

http://3.bp.blogspot.com/-3vXzEm39BB8/TvYUcrB7EoI/AAAAAAAAA1I/QObIzR2FxZg/s320/29455.gif (http://3.bp.blogspot.com/-3vXzEm39BB8/TvYUcrB7EoI/AAAAAAAAA1I/QObIzR2FxZg/s1600/29455.gif)

عادل صموئيل

07/02/2012, 21h15

احبائى

اقدم لكم من روائع نجاة الصغيرة

وحتسافر

مع اطيب تحياتى
http://3.bp.blogspot.com/-pDjG4GzIVh0/TvYUgY7AcmI/AAAAAAAAA1Q/tQG7X_L_X8Y/s320/29459.gif (http://3.bp.blogspot.com/-pDjG4GzIVh0/TvYUgY7AcmI/AAAAAAAAA1Q/tQG7X_L_X8Y/s1600/29459.gif)

عادل صموئيل

07/02/2012, 21h18

احبائى

اقدم لكم من كلاسيكيات فريد الاطرش

إتقل إتقل

مع اطيب تحياتى

http://1.bp.blogspot.com/-XrNvpRUAWgQ/TvYU1ygretI/AAAAAAAAA1o/CLy5zmJOjdg/s1600/29474.gif (http://1.bp.blogspot.com/-XrNvpRUAWgQ/TvYU1ygretI/AAAAAAAAA1o/CLy5zmJOjdg/s1600/29474.gif)

swaifi73

09/02/2012, 00h14

أعزائي أعضاء المنتدى الكرام
أقدم لكم نوتة( قلبي ومفتاحه ) للفنان فريد الأطرش
أتمنى أن أكون وفقت في تدونها
ملحوظة المقدمه الموسيقية بيانو وطبعا أنا قربت النوتة قدر الأمكان لأنها بدون إيقاع وثانيا أنا مدونها على مدرج واحد فقط مفتاح صول
أخوكم محمد السويفي

عادل صموئيل

09/02/2012, 02h35

احبائى
اقدم لكم من روائع فريد الاطرش

بقى عايز تنسانى

وهنا احب ان انوه ان الاخ العزيز هيثم الصالحى كاتب تقريبا نصف الاغنية
وارسلها لى لكى اكملها واضع اللمسات الفنية
وانا بعد ما خلصتها ارستلها اليه لكى ينزلها بإسمه
ولكن هو اصر انى انزلها بإسمى
امنتى ان تحوز رضاكم
مع اطيب تحياتى

http://4.bp.blogspot.com/-WHCjqKx63oo/TvYVFhoGNEI/AAAAAAAAA1w/0lLmDc05G1s/s320/29499.gif (http://4.bp.blogspot.com/-WHCjqKx63oo/TvYVFhoGNEI/AAAAAAAAA1w/0lLmDc05G1s/s1600/29499.gif)

علي ثلاثة

09/02/2012, 09h45

سيد عادل
تحية وسلاما
لقد امتعتنا بهذا الكم الهائل من
مدونات غاية في الجمال
ولقد اخترت 5 من روائع المرحوم فريد
وقد جاءت كلها جاهزة لمن أراد أن يتمتع بعزف الطرب الأصيل
ويبدو أنك خصصت حصة مهمة لفريد
وهذا يجعلني أفكر في أمر كثيرا ما طرأ على بالي
ففي اعتباري أن المدونات في الشبكة العنكبوتية تنفسم إلى ثلاثة أقسام
1-قسم المدونات الرائجة فأنت تجدها بكثرة
2-قسم مدونات ناقصة فهي تدون بعض الفقرات وتترك بعضا آخر ولأصحابها تعليل في ذلك قد يغيب عنا
ومن ذلك أغنية يا قلبي يا مجروح فهي مدونة مفيدة ولكن ينقصها تدوين الغناء
3-قسم مدونات لم نعثر عليها بتاتا ولم تنشر لحد الآن في حدود علمي ومن ذلك
بساط الريح
وقد يكون المانع أنها شبيهة بالأوبيريتات
ولكن السيد عادل فاجأنا مأخرا بمدونة نالت إعجاب الجميع وذلك بكل اقتدار
ألا وهي
الليلة الكبيرة
وهي لاتختلف عن الأوبيريت في قالبها إن كنت غير مخطئ
وهذا القسم الأخير والخاص بالمدونات غير المنشورة
تفضل السيد عادل وقدم لنا منه بعض الأغاني ومنها من غناء شادية
اللي بيعشق ليه
ما يكونش ده اللي اسمه الهوى

وحبذا لو تمكنا من الحصول على هذه الأغاني وتعجبني منها
أغنية
يا فرحة المية

‫ظپط±ظٹط¯ ط§ظ„ط£ط·ط±ط´ - ظٹط§ظپط±ط*ط© ط§ظ„ظ…ظٹط©.wmv‬&lrm; - YouTube (http://www.youtube.com/watch?v=xryqezHnFFo)‫ظپط±ظٹط¯ ط§ظ„ط£ط·ط±ط´ - ظٹط§ظپط±ط*ط© ط§ظ„ظ…ظٹط©.wmv‬&lrm; - YouTube (http://www.youtube.com/watch?v=xryqezHnFFo)
‫ظپط±ظٹط¯ ط§ظ„ط£ط·ط±ط´ - ظٹط§ ظپط±ط*ط© ط§ظ„ظ…ظٹظ‡‬&lrm; - YouTube (http://www.youtube.com/watch?v=KDWei5T-Xu0)‫ظپط±ظٹط¯ ط§ظ„ط£ط·ط±ط´ - ظٹط§ ظپط±ط*ط© ط§ظ„ظ…ظٹظ‡‬&lrm; - YouTube (http://www.youtube.com/watch?v=KDWei5T-Xu0)
وأخيرا ألف ألف شكر
للسيد عادل

الأخ العزيز
اولا اشكرك على التقديم الجميل
واشرح لك
اولا الليلة الكبيرة اوبريت طبعا يعنى هى اسمها اوبريت الليلة الكبيرة
اما عن المدونات الموسيقية لن اتكلم عن الرائجة ولكن اتكلم عن القسمين الآخرين
الاغانى التى ينقصها الغناء دى بتكون إما من ضعف المدون الذى يدونها من الناحية الفنية يعنى بالذات بيكون مش بيعرف يدون الأدليب او بيدونها للذيم محتاجين الجمل الموسيقية فقط
اما انا فأسلوبى بيختلف لأنى عزفت مع كل هؤلاء العمالقة وشفت النوت مكتوبة كيف ومش معقول انك تشوف نوتة ومدونها واحد كان بيعزف مع هؤلاء العمالقة وتجدها ناقصة يعنى حتى عيب
وثانيا ان ادون النوتة لجميع المستويات
والامانة تقضى انى ادونها حرف حرف من الالف إلى الياء
اما تدوين الاوبريتات هو اصعب كتير من الاغانى لأنه بيحتاج كذا طريقة فى التدوين بمعنى ان لو انطلب منى اوبريت لتنفيذه على المسرح بفرقة كاملة هنا لازم ادون الاوبريت من الالف للياء . اما هنا انا دونت الليلة الكبيرة وحذفت منها مقطع لأنه غنائى 90% يعنى كله حروف متكررة ومالوش قيمة لحنية لو انت عزفته لكن لو غنيته ده موضوع تانى
وان شاء الله اشوف اغنية المية
مع اطيب تحياتى عادل صموئيل

عادل صموئيل

09/02/2012, 21h19

احبائى
اقدم لكم
من روائع فريد الاطرش

لا وعينيك

واهديها لخى العزيز هيثم لأنه طلبها
الاغنية دى تكمن صعوبتها فى اول حاجة صولو العود بيتعزف بتكنيك بزق مش طريقة عزف عود وده محتاج مهارة عاية
وثانيا ان معظمها ادليب
مع اطيب تحياتى
http://3.bp.blogspot.com/-tSWIacJYCPk/TvYVRjfkNSI/AAAAAAAAA2A/H48E38aOrC4/s1600/29511.gif (http://3.bp.blogspot.com/-tSWIacJYCPk/TvYVRjfkNSI/AAAAAAAAA2A/H48E38aOrC4/s1600/29511.gif)

sayed_lv

09/02/2012, 23h13

السلام عليكم و رحمة الله وبركاته
********************
اقدم اليوم نوتة لذيذه و لحن خفيف
لـ "عمرو دياب"
بناء على طلب الاستاذ عاصم المنشاوى وهى
"ايه بس اللى رماك ... تعشق تانى يا قلبى"
***********************
تحياتى:emrose:

swaifi73

10/02/2012, 11h47

أعزائي أعضاء المنتدى الكرام
تحية طيبة من كل قلبي
بعد أن أستمعت
إلى اللحن مرات ومرات
وبعد أستشارة أهل الخيره
في تعديل في القفلة كان فيه( فا دييز) بدل فا بيكار
وهناك تعديل بسيط في مازوريتين قبل دخول موسيقى الكوبليهات
وهذه النسخة الأخيرة
تحياتي
محمد السويفي

عادل صموئيل

11/02/2012, 09h35

احبائى
اقدم لكم عمل من العيار التقيل التقيل جدا
الاسبوع الماضى قدمت لكم اوبريت الليلة الكبيرة
ولفت نظرى من احد الاخوة الاعضاء الاحباء انه قال ان اوبريت الليلة الكبيرة والاوبريتات الكبيرة من الصعب جدا تدوينها .. وذكر بالتحديد اوبريت بساط الريح انه ايضا من المستحيل او من الصعب جدا تدوينه
الكلمة دى استفزتنى لأنى انا عادل صموئيل ونابليون بونابرت مش بنحب كلمة مستحيل
واليكم
اوبريت
بساط الريح

طبعا فيه فى الكوبليه الثانى جزء فيه موال وانا مادونتوش اولا لأن صعب جدا تدوينه ولو دونته ماحدش حايعرف يقراه
ولتقاسيم والمواويل انا بتركها للعتاه من العازفين لأنهم بيعزفوها سماعى لأن الحاجات دى مش للمبتدئين لأنها بتعتمد على المهارات الشخصية وبالذات فى السماعى مش النوتة
اما الأوبريت ده بيبين التخصص والامتياز والتفرد بتاع فريد الاطرش يعنى الملعب الذى لا ينافسه فيه احد على افطلاق وهو التلحين بنكهات غير مصرية وغير لبنانية ... ولفريد لاطرش كذااوبريت وبساط الريح ليس النموذج الوحيد ... من عبقرية فريد الاطرش انه درس موسيقى كل الدول العربية يعنى اولا اللهجات وثانيا مفردات الكلمات الخاصة بكل دولة يعنى لما بيطلب من المؤلف كتباة مقطع تونسى او عراقى لازم يحط فيه مفر دات من اللى بيستعملوها فى البلد دى والمقامات المستعملة بكثرة والتفعيلات اللحنية والعٌرب والإيقاعات .... يعنى انت كمصرى ممكن واحد يعمل كوبليه ويقول لك داتونسى وتدخل عليك وماتعرفش .. لكن لو واحد سمعه من المغرب العربى حايكتشف انها فضيحة .. واحيانا ملحن فاشل بيسمع اغنية واحدة تونسية ويعمل حاجة زيها او يسرقها او يسرق منها جمل .. وهنا المعروف انك عشان تسمع غنا دولة لازم تسمع كذا تيار ... وتخرج منهم بشىء وتلحن من مجموعهم
لأنك لو سمعتلحن واحد جايز اللحن ده اللى وقع فى ايدك صدفة يكون من ملحن تونسى لكن الملحن بيلون يعنى عامل بطريقة دولة تانية ... يعنى مثلا لو ملحن جه من المكسيك وسمع اغنية فريد الاطرش اشقت لك وافتكرها مصرية وعمل واحدة نفس اللون على اساس انها مصرية .. فهمتم قصدى ؟
يعنى انا رحت مع فريد كذا دولة .. كان لما نروح العراق بيغنى لحن العرقيين يحسوا انه عراقى 100 %
وهنا العبقرية .. يعنى الخلاصة انت بالنسبة لمصر ماتسمعش عبد الوهاب مرة وتقول دى مصر ... لأن جايز اللحن ده شخصيا يكون عبد الوهاب عامل لحن استايل اسبانى .. ولكن موسيسقى مصر يعنى عشر اغانى مختلفين لعبد الوهاب ومثلهم لكل من فؤيد والسنباطى وبليغ والموجى وكل العمالقة بحيث انك تخرجمن الدراسة بشىء
بحيث لو سمعت اغنية تقول ايوه دى مصرية صميمة او مصرية مطعمة بشىء ما
يعنى دلوقتى الافاقين اللى بيعملوا الحان ممكن مرة يعمل حتة خليجى ... لكن الخليجى لو سمعها حايقرف منها
لأن اللى عملها خدها كده بالشبه مادرس الخليجى صح
مع اطيب تحياتى
http://2.bp.blogspot.com/-nNOuEdkOkSY/TvYVULhgkfI/AAAAAAAAA2I/6kDFYQCIF_A/s1600/29519.gif (http://2.bp.blogspot.com/-nNOuEdkOkSY/TvYVULhgkfI/AAAAAAAAA2I/6kDFYQCIF_A/s1600/29519.gif)

عادل صموئيل

12/02/2012, 02h32

احبائى

اقدم لكم
من روائع عبد الوهاب الموسيقية

موسيقى عزيزة

وهى من اشهر مؤلفات عبد الوهاب الموسيقية
واهديها للأخ العزيز عبد الرزاق من المغرب الشقيق
وهو اسعدنى جدا لن عندهم فرقة موسيقية وعزفوا حفلة من مدوناتى والفرقة قلاوا انهم سعدوا جدا بالنوت وانا حاسس كانى كنت موجود فى الحفلة والناس صفقوا لى
اقدم لك عزيزة وان شاء الله المقطوعة الثانية اللى طلبتها حدونها بأقصى سرعة عشان تلحقوا تشتغلوا فيهم
اما عن عزيزة انا دونتها بمنتهى الدقة هى مش صعبة اوى لكن محتاجة دقة منك فى التنفيذ ,, فيه حركة عاملها عبد الوهاب لأنه لازم فى كل عمل يكون فيه اختراع او شقاوة موسيقية .. فى الصفحة الثانية .. السطر الثالث فى آخره صولو اكورديون .. هنا عبد الوهاب عمل الإختراع او اللعبة فى الإيقاع ان الايقاع بيقف ويعطى الدوم فقط لمدة مازورتين ثم يبدأ الإيقاع فى منتصف المازورة الثالثة وبتتكرر الحركة عند إعادة الصولو .. خلى عازف الإيقاع يسمعها من التسجيل عشان يستوعبها ادق .. وان شاء الله تطلع كل حفلة احلى من سابقتها
مع اطيب تحياتى
http://2.bp.blogspot.com/-FngVnFs4G-w/TvYValtlZSI/AAAAAAAAA2Y/vCDIOv9uHe4/s320/38577.gif (http://2.bp.blogspot.com/-FngVnFs4G-w/TvYValtlZSI/AAAAAAAAA2Y/vCDIOv9uHe4/s1600/38577.gif)

armendo

12/02/2012, 06h34

اخى وليد شيلى..اهلا بك بالمنتدى واهدى اليك اغنية ازيكم كيفانكم للمطرب السودانى سيد خليفه وهى من تدوين الأستاذ نزيه محمد ارجو ان تسعد بها مع تحياتى....ارمندو

عادل صموئيل

12/02/2012, 06h52

احبائى
اقدم لكم نوتة موسيثى

بلد المحبوب

من الاوع موسيقى عبد الوهاب

هى صعبة يمكن شوية بس لو تتاخد بطىء شوية بعدين نسرع تيجى
مع اطيب تحياتى

http://1.bp.blogspot.com/-fc55LiH_eQ8/TvYVPdg9iBI/AAAAAAAAA14/0RCzPjqi6y8/s320/29509.gif (http://1.bp.blogspot.com/-fc55LiH_eQ8/TvYVPdg9iBI/AAAAAAAAA14/0RCzPjqi6y8/s1600/29509.gif)

عادل صموئيل

13/02/2012, 06h12

الأخ العزيز عاصم عزت شحاتة
وجميع الاخوة المدرسين
اقدم لكم من توزيعى المتواضع

مين يعرف

دى انا كنت عاملها للمدرسة من كذا سنة
بس التوزيع فيها سهل اوى لأن ساعتها كانت الفرقة معظمها من ابتدائى
بس ان شاء الله تعجبكم
مرفق ملف صوتى

http://1.bp.blogspot.com/-k_gDbNqA-2U/TvYViYE50qI/AAAAAAAAA2g/YJgOsxFVIF8/s320/99073.gif (http://1.bp.blogspot.com/-k_gDbNqA-2U/TvYViYE50qI/AAAAAAAAA2g/YJgOsxFVIF8/s1600/99073.gif)

عادل صموئيل

13/02/2012, 06h24

احبائى

اقدم لكم
من تراث فريد الاطرش

مانحرمش العمر منك

مع اطيب تحياتى

http://2.bp.blogspot.com/-AI9zYG40oMw/TvYVv8J6-YI/AAAAAAAAA24/O1OuXlweQgI/s320/99173.gif (http://2.bp.blogspot.com/-AI9zYG40oMw/TvYVv8J6-YI/AAAAAAAAA24/O1OuXlweQgI/s1600/99173.gif)

swaifi73

13/02/2012, 08h06

أعزائي أعضاء المنتدى الكرام
اقدم لكم نوتة أغنية دينية لياسمين الخيام نوتة (أغنية أشهد)
وهي كانت من راست (السي بيمول) وأنا رفعتها للتسهيل من راست طبيعي على (الدو)
ملحوظة اللحن عبارة عن أعادة لكامل المقدمه الموسيقية أثناء الكوبليهات يعني غناء الكوبليهات نفس لحن المقدمه الموسيقية مع فرق أني أعتمدت تقطيع كلام الكوبليه الأول على كتابة نوتة الكوبليهات وللتسهيل ممكن تعزف نفس موسيقى المقدمه هي نفس موسيقى الكوبليهات للتسهيل دون النظر لتقطيع المغني للكلمات الكوبليهات
وسوف أرفق لاحقا نفس الأغنية من راست السي بيمول
تحياتي
محمد السويفي

عادل صموئيل

14/02/2012, 08h43

احبائى
اقدم لكم اغنية من تراث فريد الاطرش
واهديها للأخت العزيزة ايمان هى طلبتها من زمان

احبابنا ياعين

الاغنية دى سهلة جدا يعنى المفروض ماتدخش معاكم خمس دقائق

مع اطيب تحياتى

http://2.bp.blogspot.com/-AI9zYG40oMw/TvYVv8J6-YI/AAAAAAAAA24/O1OuXlweQgI/s320/99173.gif (http://2.bp.blogspot.com/-AI9zYG40oMw/TvYVv8J6-YI/AAAAAAAAA24/O1OuXlweQgI/s1600/99173.gif)

عادل صموئيل

14/02/2012, 19h29

احبائى
اقدم لكم من روائع نجاة الصغيرة

دوراين فى الشوارع

بس عايز لو سمحتولى اتخانق شوية مع الاخ العزيز نور الصباح
يعنى عايز اقول حاجة انتم عارفينها كويس , النهارده سنة 2012 فيه كام مدون موسيقى كبير اوى فى مصر ؟ بعد طبعا ما رحل الجميع .. دع بيخلى الباقى على قيد الحياة ( وحتى لو كان اقل من فيهم المفروض انه اجره بيؤتفع بالطبع فى التدوين وذلك للندرة ) يعنى انتم طبعا متخيلين انا لو جالى ملحن النهاردة ادون له لحن ممكن يدفع كام فى الصفحة ؟
بس حاكرر اللى انتم عارفينه من قبل انى بفضل اكتب النوت مجانا ولوجه الله واقدمها لكل من يستفيد منها على انى ادون نوتة لملحن واقبض تمنها ,, سببين مهمين وارجو تحفظوهم كويس ؟ السبب الاول زمان كان العمالقة موجودين وكنت اسعد جدا جدا لما اروح ادون لهم يعنى بستفيد جملة جديدة واتعلم حاجة ماعرفهاش من قبل .. زائد انى بفتخر انى مدون اغنية كذا وكذا .. لن العمالقة زمان كان كل لحن من الحانهم فيه شىءجديد .. اما ملحنين اليومين دول الموسيقى راحت والنكهة راحت يعنى عادة بيبقى اللحن إما مقرف او متكرر قبل كده او مافيش فيه جديد .. لدرجة وانا بكتب جملة ماتعجبنيش اقول له طب خليها كده يقول طيب .. وجملة فى جملة يطلع انا ملحن له اكتر من نص اللحن ... المهم الخلاصة انا المزاج الموسيقى عندى اكتر من الفلوس وده اكتر شىء اتعلمناه من زمن الفن الجميل
انت لما بتطلب طلب نوتة .. اولا انا كل يوم لازم ادخل كذا مرة صفحة طلبات النوت واشوف ايه الجديد وبالتالى بعرف الطلبات .. ولو بتلاحظوا فيه طلبات بتشدنى بتتعمل فوراً وفيه طلبات مش بتلاقى عندى الرغبة الفورية وبتتركن شوية .. وطلبات بحس انها مش بتجذب اهتمام كل الاعضاء بتتركن شوية .. وطلبات واحد عنده فرقة موسيقية ومزنوق فى حفلة مستعجلة وطلبات واحد طالب فى الكللية محتاج نوتة عشان الامتحان ومن هنا اولوية الطلبات بتبقى حسب سرعة الاحتياج .. وللعلم انا بخبرتى عرفت ذوقكم عموماً .. ولو بتحسوا ان اكتر نوت بتلاقى استحسان هى اللى انا بختارها على ذوقى .. لأن ذوقى حلو جدا فى اختيار الاغانى ( واقول لكم السر ) انا فى اى مكان لما بشوف جمهور بسرعة بعرف ذوقهم ايه .. يعنى انا مثلا لو رحت اعزف فى حفلة بعزف الحاجة اللى نوعية الجمهور ده بيحبها .. لذلم انا بيخنقنى لما الاخ نور الصباح بيطلب عشر اغانى بعدين يكرر الطلب فى مشاكرة طويلة كل يوم تقريباً .. طب ما انا خلاص شفتها بعدين فيه اغانى انا مش بحبها اصلا .. والمشكلة الاكبر ان انا هنا مشرف من النواحى الفنية .. فيه مشرفين فى المنتدى من النواحى التانية يعنى ممكن بيدخلوا بيشيلوا المشاركات اللى مالهاش لازمة .. لو وجدوا عضو منزل طلب بعدين مكرر الطلب ده 42 مرة ممكن يخلوا اول طلب ويحذفوا الباقى لأنه ملء صفحات على الفاضى وهنا ممكن تحصل كارثة يعنى لما بتتحذف كذا مشاركة عدد الصفحات بيتقلص
بتبقى النوتة االلى فى صفحة 444 مثلا بترجع لورا ماتعرفش هى فين يعنى الفهرس اللى عامله الاخ العزيز هيثم حا يتلخبط ويفقد قيمته .. بعدين انا مش بدى حد استمارة ستة .. وحاجة تانية اغنية احبابنا ياعين انا ايوه كتبتها فى نصف ساعة بس دى ليها خواص يعنى مافيهاش لا اديب ولا موال وكوبليه واحد متكرر لكن مش كل الاغانى كده
ممكن اغنية لفريد الاطرش وطول ها دقيقتين ونص فيها موال بيحتاج يتكتب فى يوم
وساعات بيبقى عندى ظروف زى ما النت اتقطع الاسبوع اللى فات خمس ايام الوقت ده ببقى فى اسوأ حالات مزاجى
بدور على الاغانى اللى مش بحبها واكتبها
مع اطيب تحياتى

عادل صموئيل

15/02/2012, 06h26

احبائى
اقدم لأخى لعزيز عزت شحاته من توزيعى المتواضع

الحلو حياتى

دى تنفع لثانوى وفيها اكسليفون يعنى انا كنت بعمل فرقة للإدارة بحالها كل المراحل
بس هنا فيها شغل كمنجات ومندولين اكتر

ملحوظة : النوتة 6 صفحات بس ماتتخضش من حجمها لأن انا عامل النسخة دى على انكور ومكرر كتابة السينيوهات عشان تبقى نسخة للتسجيل وفيها إبطاء فى جزء ما عامله عشان تحس بيه يعنى الورق يتعزف من اولها لآخرها
فيه فى المقدمة علامة × داخل دائرة دى معناها كاسة لو موجودة
انا عامل التسجيل بالمترونوم عشان تحسوا بالبطء فى الجزء اللى بقول عليه منزل كمان ترقيم الموازير عشان اللى بيدرب ما يتوهش فى النوتة
مع اطيب تحياتى وان شاء الله تعجبكم

http://3.bp.blogspot.com/-lNHtxowFaHg/TvYVYNkP7-I/AAAAAAAAA2Q/AMyPO-Dj2AY/s320/38541.gif (http://3.bp.blogspot.com/-lNHtxowFaHg/TvYVYNkP7-I/AAAAAAAAA2Q/AMyPO-Dj2AY/s1600/38541.gif)

عادل صموئيل

15/02/2012, 10h25

احبائى
اقدم لكم من كلاسيكيات فريد الاطرش

زينة
اتمنى ان تحوز رضاكم
وحكايتى الايام دى مع فريد الاطرش بالذات انى بالليل فى عندنا قناة اسمها الحياة 2
القناة دى كل يوم الساعة 2 صباحاً بتجيب فيلم ابيض واسود قديم والظاهر ان اصحاب القناة بيحبوا فردي الاطرش
وبالطبع ان اى فيلم بشوفه ممكن اختار منه اغنية او اغانى اقدم ها لكم
مع اطيب تحياتى
http://1.bp.blogspot.com/-Rl86yMfOY0Q/TvYVyunKYiI/AAAAAAAAA3A/O3-IYWXpMsA/s320/99267.gif (http://1.bp.blogspot.com/-Rl86yMfOY0Q/TvYVyunKYiI/AAAAAAAAA3A/O3-IYWXpMsA/s1600/99267.gif)

عادل صموئيل

15/02/2012, 11h42

احبائى

اقدم لكم من كلاسيكيات فريد الاطرش

يا قلبى كفاية دق

مع اطيب تحياتى

http://4.bp.blogspot.com/-dvTtbwE0OCA/TvYV8Vz4AuI/AAAAAAAAA3Y/Xc4WdDhDrMg/s320/c68a6fa149ddd870945018e652ee062b.gif (http://4.bp.blogspot.com/-dvTtbwE0OCA/TvYV8Vz4AuI/AAAAAAAAA3Y/Xc4WdDhDrMg/s1600/c68a6fa149ddd870945018e652ee062b.gif)

عادل صموئيل

16/02/2012, 07h39

احبائى
اقدم لكم من كلاسيكيات فريد الاطرش

ما قال لى وقلت له

اتمنى ان تسعدوا بها

دايما الفنانين بيحصل معاهم مواقف احيانا بتكون مضحكة , وانا الاغنية دى حصل ليها معايا موقف .. انا عادة لما باكل الارز بحب بيبقى جنبه طبيخ وسلاطة خضراء , يعنى باخد ملعقة طبيخ اضعها على الارز وملعقة سلاطة خضراء , فى يوم من 15 سنة قعدت على السفرة ووضعوا امامى الارز بعدين رن جرس التليفون سا بونى اتفلق وراحوا يردوا على التليفون وقت طويل كالعادة . قعدت ابحلق فى طبق الرز امامى . الرز عندنا فى مصر اسمه رز مفلفل , وكلمة مفلفل يعنى ان الرز بيبقى واحدة واحدة والفرق بين الطباخ الشاطر والطباخ الخايب ان الخايب بيبقى الرز معجن يعنى ملزق مع بعضه اما الشاطر بيبقى الرز مفلفل يعنى مفيش اتنين لازقين فى بعض .. المهم وانا بنظر الى الرز المفلفل اكتشفت ان فى مكتبتى الموسيقية مش موجودة اغنية يا عوزال فلفلوا .. فى الوقت ده كان الاغانى على شرائط او اسطوانات ماكانش لسه فيه كمبيوتر وانترنت يعنى ممكن تجيب اى اغنية ترديدها فى لحظة .. كان عشان تحصل على اغنية ممكن تسأل اولا عليها فى السوق .. ودى ايضا انقرضت مع هجوم تيار الاغانى الهابطة وشركات الانتاج كانت من زمان انتجت الاغانى دى فى شرائط والانتاج خلص .. انا مرة اكتشفت ان شريط اغنية سلوا قلبى ضاع سألأت عليها فى السوق مشموجودة سألت معارف ليا فى شركة صوت القاهرة المتخصصة فى انتاج اغانى ام كلثوم قالوا انك عشان تعيد طبع اغنية لازم عشان الماكينات تدور لازم تعمل 100 الف نسخة واكيد مش حايتباعوا لأن القوة الشرائية اصبحت مع انعدام الذوق اتجهت الى الاغانى الهابطة .. يبقى لو عملوا الكمية دى مش حاتتباع ونفس المصير لجميع مطربى الزمن الجميل .. عملت تحريات مباحثية لحد ما صديق قال لى فى محطة الزيتون كشك صغير بيبع الاغانى دى نزلت عنده وفعلا لقيت عنده 3 نسخ من سلوا قلبى ومع ان الشريط كان ساعتها ثمنه 2 جنيه ونص باعو لى بعشرين جنيه انا قلت له النسختين التانين انسى خلاص ان حد يشتريهم
كان ساعتها عشان تحصل على اغنية اما من صديق او تنتظر لما تصطادها من الاذاعة وحاتنتظر كتير .. حتى قبل الوقت ده كانت مجلة الاذاعة والتليفزيون بتنزل برامج الاذاعة بالثانية يعنى ممكن تبحث وتحدد الموعد لو لقيت الاغنية تنتظرها وتسجلها بس كان فيه عيب برضه .. اولا الاذاعة احيانا صوتها بيبقى مش نقى وثلنيا ممكن بيبتدوا الاغنية مش من اولها واهم شىء عندى كل حرف فيها او يقفلوا عليها قبل ماتخلص .. المشكلة ان الشباب دلوقتى بيلاقوا كل حاجة على الجاهز لكن اتولدوا لقوها كده مش بيقدروا النعمة دى يعنى زمان كان عشان تكلم طنطا فى التليفون ممكن تضيع اكتر من نصف اليوم تنزل سنترال رمسيس وتحجز مكالمة وتقعد تنتظر المهاردة كل طفل فى ايده موبايل يقدر فى لحظة يكلم شنغهاى او نيويورك ..
مع اطيب تحياتى :emrose::emrose::emrose:

swaifi73

16/02/2012, 10h12

أعزائي أعضاء المنتدى الكرام
بما إن المزاج هذه الأيام مظبوط على فريد
قلت فريد وأسمهان أخوه
يعني لم نذهب بعيدا
اقدم لكم رائعة أسمهان (عليك صلاة الله وسلامه)
كانت مغنيها بياتي من على درجة (دو)
وأنا رفعتها وخليتها بياتي طبيعي على (رى)
هذا بلنسبة للمف الصوتي
ولكن التدوين دونتها من (بياتي رى) ونسخة أخرى من (بياتي دو)

ملحوظة الموسيقى التي تسبق الكوبليه
تعاد قبل الكوبليه الأول مره واحده ولكن مع باقي الكوبليهات تعاد مرتين وأن أعدتها مرتين

الشيئ الثاني أنا دونت على تقطيع الكوبليه الأول
وبما أن نفس اللحن مكرر لباقي الكوبليهات لم اعيده ولكن ممكن يختلف بسيطا مع تقطيع كلمات باقي الكوبليهات
يعني هذا المذهب مع تدوين الكوبليه الأول
أتمنى أن ينال إعجابكم
تحياتي
محمد السويفي

عادل صموئيل

17/02/2012, 09h57

الأخت الفاضلة سهير شرف
اقدم اليكى النوتة المطلوبة
انا للعلم ماعنديش نوت موجودة وبدونها حسب الطلب
وانتى من حسن حظك ان الاغنية سهلة جدا يعنى تقريبا دونتها فى ربع ساعة
انتى من ادارة ايه ؟ وسلمى لى عليهم يعنى اكيد حد منهم يعرفنى

اخوتى الاحباء اقدم لكم نوتة

دقت ساعة العمل الثورى

لاحظوا السرعات اول سطر السرعة 100 وباقى اللحن السرعة 160 وانا كتبتها على السرعة دى عشان تبقى اللامات الايقاعية اسهل
مع اطيب تحياتى للجميع

http://1.bp.blogspot.com/-7-GtthvShAg/TvYUF-sBYdI/AAAAAAAAA0g/h1CEA6x0BAM/s1600/1Oe3Y-2bsD_967575862.gif (http://1.bp.blogspot.com/-7-GtthvShAg/TvYUF-sBYdI/AAAAAAAAA0g/h1CEA6x0BAM/s1600/1Oe3Y-2bsD_967575862.gif)

swaifi73

17/02/2012, 10h09

أعزائي أعضاء المنتدى الكرام
تحية طيبة من أعماق قلبي
أقدم لكم
نوتة
(سنتين وأنا أحايل فيك)
لليلى مراد
دونتها مثل ما غنتها ليليى مراد في الملف الصوتي من (دو)
وعملت نسخة من (رى) علشان تكون سهلة على ألة الكمان
أعزائي
ملحوظة موسيقى المقدمه دونتها ليس من عزف الناي لأن الناي يعتبر ألة (صولو)
وبيلعب كثير أنا دونت المقدمه الموسيقية من عزف الفرقة في المرة الثانية لأن أكيد الفرقة مش هتلعب ولا تعطي غير اللحن الأساسي
ملحوظة ثانية
الكورال بيغني بعد كل كوبليه سنتين وأنا أحايل فيك
ما عدا الكوبليه الأول
دخل مباشرة على الموسيقى
أنا أعتبرت أن الكورال غنى بعد كل الكوبليهات
علشان النوتة ما تكون زحمه كثيرا من كثر المرجعات
وهناك مطربين أخرين مثل فضل شاكر غنها بنفس الطريقة
ملحوظة ثالثة
أعدت غناء المذهب بعد الكوبليه الثالث لأن في موسيقيين عرب تواصلوا معي وخاصة الذين يعايشين في أوربا
ورافضين تماما موضوع (الدبل سينيوا) (والدبل كودا) وأنه ليس له أصل في قواعد الموسيقى العالمية لذالك لابد أن أرضي جميع الأطراف وخاصة أني ما زلت في بداية مشواري وبتعلم من الكل
ولا أخفي عليكم أن تظبيط المرجعات في هذه الأغنية أخذ مني مجهود أكثر من تدوينها وأصلا أنا بدأت فيها قبل أغنية عليك صلاة الله وسلامه والتأخير كان بسبب المرجعات
أتمنى أن أكون وفقت فيها
تحياتي
محمد السويفي
أرجو أن أكون وفقت في تدوينها
اخى العزيز سويف
فيه ملحوظة دايما اعملها لما يكون جملة موسيقية مرة صولو ومرة الفرقة دونها من الفرقة لن الفرقة بتكون ملتزمة بالنوتة اما الصولو ممكن بيعمل لعب من الصعب كتابته وللعلم النوتة مكتوبة كده يعنى مكتوبة زى ما الفرقة بتقول والصولو بيلعب على مزاجه
مع اطيب تحياتى وشكرا لتعبك عادل صموئيل

عمرو الهنداوي

17/02/2012, 22h43

اخى الأستاذ احمد..اهلا بك بالمنتدى,لقد حاولت ان ارفع نشيد بسم الله ولكن للأسف الكمبيوتر رفض رفع الملف لأنه يبدو اننى قد رفعته من قبل وهو لا يقبل رفع ملف مرتين لذا عليك بالبحث عن اللنشيد بين صفحات طلبات نوتة حتى تجدها ان شاء الله.
مع ارق تحياتى
ارمندو

هذة نوتة لنشيد الله واكبر اللى لحنها بليغ حمدى
النوتة صحيحة على ما اعتقد بس خلوا بالكم من دليل المقام

اتمنى انها تكون النشيد المطلوب

كل التحية:)
عزيزى عمرو
النوتة دى وحشة جدا اولا تدوينها مش مضبوط ثانيا عمر ما الدليل يتكتب كده يعنى الدليل يبقى مخلوط دييزات على بيمولات وناقصة جملة صغيرة هى المقدمة
انا امرى لله حادونها تانى مع اطيب تحياتى عادل صموئيل

عادل صموئيل

18/02/2012, 02h13

احبائى
اقدم لكم نوتة نشيد
بسم الله الله اكبر
مع اطيب تحياتى

http://1.bp.blogspot.com/-Lvtoxu_N5G4/TvYUXBiz6nI/AAAAAAAAA04/4-WC95lxVx4/s1600/93df14ef0bd703d0529d2358e95cec2e.gif (http://1.bp.blogspot.com/-Lvtoxu_N5G4/TvYUXBiz6nI/AAAAAAAAA04/4-WC95lxVx4/s1600/93df14ef0bd703d0529d2358e95cec2e.gif)

عادل صموئيل

19/02/2012, 02h54

احبائى
اقدم لكم
خايف اقول اللى ف قلبى

اهديها للأخت العزيزة ايمان
بس احب اقول انها اصلا لعبد الوهاب

مع اطيب تحياتى

http://3.bp.blogspot.com/-6SaWDucqa40/TvYURZvJPNI/AAAAAAAAA0w/eUYpryzl5LY/s320/3bdc44bb2a053761d99f2a4979d7a2a9.gif (http://3.bp.blogspot.com/-6SaWDucqa40/TvYURZvJPNI/AAAAAAAAA0w/eUYpryzl5LY/s1600/3bdc44bb2a053761d99f2a4979d7a2a9.gif)

armendo

19/02/2012, 18h38

اصدقائى الأعزاء ..اهدى اليكم احدى روائع عبد الوهاب اجرى اجرى ارجو ان تسعدوا بها.
ارمندو

armendo

19/02/2012, 20h06

اخوانى واخواتى الأعزاء اليكم ايضا نوتة اغنية انا والغذاب وهواك لموسيقار الأجيال عبد الوهاب ارجو ان تسعدوا بها .
ارمندو

عادل صموئيل

19/02/2012, 23h05

احبائى
اقدم لكم من موسيقى عبد الوهاب

بنت البلد

اتمنى ان تسعدوا بها
مع اطيب تحياتى
http://iraqnaa.com/ico/image/165.gif

armendo

20/02/2012, 07h27

اصدقائى الأحباء..اليكم واحده من درر عبد الوهاب وهى اغنية على بالى يا ناسينى ارجو ان تسعدوا بها..كما ارجو من استاذنا الأستاذ عادل مراجعتها.
مع ارق تحياتى
ارمندو

swaifi73

20/02/2012, 11h05

أعزائي أعضاء المنتدى الكرام
أقدم لكم موشح رائه كان يقدم كثير مع رقصة من فرقة (فريده فهمي) الأستعراضيه
التي كانت أيضا مع فرقة رضا أو هي نفسها فرقة رضا
الموشح
أسمه (يا غريب الدار بافكاري) لفؤاد عبد المجيد
وكان له موشح سبق أن دونه أستاذ عادل أسمه (عجبا لغزل قتال عجبا)
ياغريب الدار بافكاري كم تخطر ليلا ونهار
أدعوك لتاتي بأسحاري بجمالا فاق الأقمار
الثغر يغني ويمني والطرف كحيلا بتار
والقلب أسير ولهان ما بين بحور الشعار
الموشح يغنى من (دو) وأنا دونت نسخيتين
نسخة من الدو ونسخة من الرى
أتمنى أن ينال أعجابكم
تحياتي
محمد السويفي

swaifi73

20/02/2012, 11h22

وهذا ملف صوتي للموشحين (يا غريب الادر)
وموشح (عجبا لغزلا قتال عجب)

ومعه نوتة موشح يا غريب الدار تدوين استاذي ومعلمي عادل صموئيل
وأجب أنوه أن أستاذ عادل من حوالي سنة كان أعطاني إيقاع( درب) هذا الموشح حيث أني لم أكن أعرف ما أسم هذا الإيقاع
تحاتي
محمد السويفي

armendo

21/02/2012, 05h49

اصدفائى الأعزاء صباح الخير
اليكم واحدة من اغانى عبد الوهاب الجميله بلاش تبوسنى فى عينيه ارجو ان تسعدوا بها.
مغ ارق تحياتى
ارمندو

عادل صموئيل

21/02/2012, 12h38

احبائى
اقدم لكم من روائع كلاسيكيات فريد الاطرش

يا حبيبى طال غيابك

اتمنى ان تسعدكم
مع اطيب تحياتى
http://i218.photobucket.com/albums/cc162/mohamedabdulla/flowers_spread_rose.gif

عمرو الهنداوي

21/02/2012, 15h13

نوتة فيها حاجة حلوة من تدوين استاذ عادل
كل التحية

عادل صموئيل

22/02/2012, 09h00

احيائى
اقدم لكم من كلاسيكيات محمد عبد الوهاب

انت انت ولا انتش دارى

اتمنى ان تحوز رضاكم

طبعا انا عرفتكم من قبل ان اى اغنية لعبد الوهاب لازم يكون فيها إن .. او حاجة جديدة مش فى اى اغنية .. او زى ماتقولوا عفريت
والعفريت هنا انه كل ما بيكرر المذهب اللزمات الصغيرة اللى ترد عليه بتختلف .. وهى حاجة مش عادية لأن العادة ان المذهب بيتكرر زى ماهو ودايما بنعمل سينيو وكودا
لكن عبقرية عبد الوهاب لازم يعمل المش مألوف ... يعنى مثلا يجيب لك لحن حزين على أيقاع زفة عروسة
مع اطيب تحياتى

http://files.fatakat.com/2010/8/1280767601.gif

عادل صموئيل

23/02/2012, 12h45

احبائى
اليكم من روائع فريد الاطرش

علشان ماليش غيرك

اتمنى ان تسعدوا بها
مع اطيب تحياتى
http://www.islamswomen.net/vb/imgcache/12343.imgcache.gif (http://www.islamswomen.net/vb/t1905/)

عادل صموئيل

24/02/2012, 10h24

احبائى
اقدم لكم من كلاسيكيات فريد الاطرش
من احلى الاغانى المرحة

مرة يهنبنى ومرة يبكينى

مع اطيب تحياتى

http://dl3.glitter-graphics.net/pub/490/490853w4x8a95fp0.gif

عادل صموئيل

24/02/2012, 16h56

احبائى

اقدم لكم آخر حاجة الناس اللى يعرفونى يتوقعوها النهاردة

ايظن

هى انطلبت من مدة وانا بعد ماجهزتها للكتابة يعنى عدلت الملف الصوتى على نهاوند الدو خفت اكتبها .. اولا لأنها كلها تقريبا ادليب وده مزعج جدا جدا فى التدوين .. لأن الجملة لما بتكون على ميزان انت بتكتبها وبتسمعها لو فيها حاجة انت بخبرتك وشطارتك بتحس بيها وتصلحها ..حتى ساعات بتبقى مازورة صعبة جدا وبتقف معايا بقفل الجهاز وارجع لها تانى بعد شوية ومهما كانت صعوبتها مش تقف معايا لأن البرنامج زى ماقلت بيعزف اللى انت كاتبو يعنى بصلح اللى بعمله .. المشكلة فى الادليب لما بيكون جزء فى وسط اللحن بنتصرف فيه لكن لما يكون اللحن مظمه بتبقى مشكلة .. لأن البرنامج بيعزف اللى على ميزان لكن مش بيعزف اللى على الادليب لأنى متحيل على طبيعة البرنامج .. وهنا لازم انا اقرا بعينى اللى انا كاتبه ودى بصراحة بتعصب ,, والخطورة ( واتعلموا منى ياللى حابين تدونوا ) ان ممكن فى وسط الادليب السرعات تهرب منك يعنى تبتدى جزء بسرعة ما وتسرح تكتب الباقى علامات ايقاعية اسرع او أبطأ ... لذلك دايما الادليب بيبقى استرشادى مش ممكن يكون محكم 100 ؟% ... يعنى لو لحن زى ده المطرب بيبقى حافظ والفرقة بتتابع معاه .. لكن اتحدى اى عازف مهما كان انه يعزف ادليب لأغنية هو مش حافظها اصلا حاتطلع حاجات تانى ... لما نيجى للحن دع بالذات .. لما كترت عليه الطلبات وانا قلت لكم خايف منه حاولت اعقد بعض الاخوة الاعضاء الاعزاء منهم يعنى اقول ده صعب ده ما ينفعش هم اصروا .. طبعا اللى بيصر ده انا بحب طبعا اكتبها لو الشىء الغريب انت ممكن تتخيل اللحن ده يتكتب فى اد ايه وقت ؟
انا ممكن اقول لك سيبنى اسبوع عشان اكتبه براحتى .. النهاردة الساعة 2 ظهراً قررت اكتبه .. هو عمل انتحارى يعنى بس فيه قاعدة ان اللى عايز ينتحر ينتحر بسرعة ما يدش لنفسه لأنه لو فكر حايتراجع ... بس من حسن حظكم انى حافظ الاغنية دى بطريقة مذهلة وبعزفها من زمان ويمكن انا احسن واحد فى مصر بيعزفها مش شطارة يعنى ولكن فاهم احساس عبد الوهاب اوى اوى المهم الإعجاز ان الاغنية دى كتبتها فى ساعة وانا افتخر بكده الحمد لله
المهم الاغنية دى قيمتها ايه بالنسبة لك ؟ انك تحاول مع النوتة تشغل ودنك شوية لن القراءة فقط مش حاتطلع حلوة
مع اطيب تحياتى
:emrose::emrose::emrose::emrose:

swaifi73

24/02/2012, 23h02

أعزائي أعضاء المنتدى الكرام
أفتقدكم كثيرا بسبب عطل في جهازي
أقدم لكم أغنية فيروز (كانوا يا حبيبي)
ملحوظة عند توديني للموسيقى وسط الأغنية المدونه في ميزان 2من 4
الموسيقى تعاد 4 مرات مع إختلاف في كل مره لأن الأكورديون أله فرديه وبتلعب وتظهر براعتها في العزف
أنا دونت المره الأولى والثانية فقط وعملت مرجع
على أعتبار أني دونت اللحن الأساسي
وستجدوني في بعض الأجزاء لم استخدم المرجع لأن في كل أعادة للفرقة بتعمل لازمات مختلفه
لذالك فضلت أعيد تدوين بعض الأجزاء
أتمنى أن تنال أعجابكم
تحياتي
محمد السويفي
اخى العزيز
انا اشكرك على نشاطك
فيه ملحوظة مهمة فى التدوين
اول حاجة انك لو جملة صولو وبتتعاد من الفرقة اكتبها من عزف الفرقة لأن دى بتبقى الجملة الاصلية والصولو احيانا بيلعب واحيانا بيلعب اوى بيعمل تعويم وتضييع للجملة
تانى حاجة واهم حاجة فى النوتة الإخراج يعنى اكتب براحتك لو اللحن عشر صفحات يطلع مايهمكش بس تكتب بحيث يبقى اللحن شارح نفسو للقارىء مش محتاج خريطة البحث عن الكنز اللى بتعملها
واعدة تدوين بعض الاجزاء دى مفروضة لما الظرف يحكم .. وللعلم كل لحن بيختلف عن التانى لأن الملحن ممكن يتهيألك فى الاول انو مثلا 4 كوبليهات متكررة لكن بيعمل حركة ممكن وسط غناء الكوبليه بتختلف وهنا لازم تكتب الاربع كوبلهات مع الاختلاف ده
الخلاصة النوتة ممكن واحد بياخدها كنوتة ومش بياخد الشرح بتاعك معاها وهنا لوالنوتة محتاجة الشرح القارىء حايتلخبط وزى ماقلت النوتة لازم هى تشرح نفسها يعنى تبقى واضحة
لأن انت عارف العازفين المحترفين العازف اول مابيشوف النوتة اول حاجة بيشوفها السينيوهات منين لفين وبترجع منين لأنه بيقرا على طول ما يقفش يقعد يدور
مع اطيب تحياتى عادل صموئيل

عمرو الهنداوي

25/02/2012, 03h22

استاذ عادل
هل النوتة دى صح هى المفروض انها للنشيد الوطنى المصرى
اللى بيعزف فى المدارس بس انا مش مطمئن لها
من خبرة حضرتك شايف ايه؟

كل التحية
عزيزى عمرو
ايوه دى اللى بيعزفوها الطلبة فى المدارس
وهى مظبوطة كده
اما اللى بتعزفها الفرقة السيمفونية العسكرية نفس هوهو اللحن الاساسى بس عليه توزيعات لآلات النفخ
مع اطيب تحياتى عادل صموئيل

عادل صموئيل

25/02/2012, 21h10

احبائى

اقدم لكم من روائع فريد الاطرش الحديثة

يابو ضحكة جنان

بس خلوا بالكم من الدليل والعلامات العارضة

مع اطيب تحياتى

http://www.iraqup.com/up/20100501/QKn0Q-1ie7_882574108.gif

عادل صموئيل

26/02/2012, 17h48

احبائى
اقدم لكم من كلاسيكيات فريد الاطرش

اشتقت لك
اتمنى ان تحوز رضاكم
مع اطيب تحياتى

http://i10.glitter-graphics.org/pub/908/908980v00vm641qf.gif

swaifi73

27/02/2012, 02h52

صباح الخير أعزائي أعضاء المنتدى الكرام
إليكم نوتة أغنية وطنية لعفاف راضي(حبك أصيل وكفاية)
بدون شرح
حبك اصيل وكفاية أنه أتخلق ويايه
يا زادي مع زوادي مافي الدنيا زي بلادي
ومايتي وهواية
أتمنى أن تنال إعجابكم
تحايتي
محمد السويفي

عادل صموئيل

27/02/2012, 08h53

احبائى
اقدم لكم من روائع فريد القديمة اتلحنت سنة 1936

امتى تعود

مع اطيب تحياتى

http://www.islamswomen.net/vb/imgcache/12345.imgcache.gif (http://www.islamswomen.net/vb/t1905/)

عادل صموئيل

27/02/2012, 10h49

احبائى
اقدم لكم حاجة للأطفال
واهديها للأخت العزيزة ميماهيما بناء على طلبها

عالم سمسم

مع اطيب تحياتى
( اما الكبار حدخل انام شوية ولما اصحى بإذن الله حاكتب لكم حاجة من العيار التقيل ( تجنن )

http://iraqnaa.com/ico/image/167.gif

swaifi73

27/02/2012, 19h47

أستاذي العزيز
عمرو الهنداوي
تحية طيبة لك ولكل أعضاء المنتدى الكرام
أعدت لك ولأضاء المنتدى الكرام
أغنية عفاف راضي
حبك أصيل وكفاية
بزمن النوار
النوتة هي نفسها السابقة يعني بس مجرد تغيير شكل العلامات الإيقاعية
لمن يريد التسهيل
وطبعا السرعة أتغيرت بتغيير شكل العلامات
وبيني وبينكم القفلة أتضحت أكثر لما ريحت الزمن
أستاذ أرمندو أفتقدناك من زمان
تحياتي لك أعضاء المنتدى الكرام
محمد السويفي

armendo

01/03/2012, 08h37

اخوانى الأعزاء صباح الخير..اليكم واحده من كلاسيكيات عبد الحليم حافظ الرائعه اسمر يا اسمرانى ارجو ان تسعدوا بها.
مع ارق تحياتى
ارمندو

swaifi73

01/03/2012, 14h47

أخواني
أعضاء المنتدى الكرام
وأخواني الذين طلبوأ
أغنية عفاف راضي والله زمان
أقدم أليكم نوتة (والله زمان لعفاف راضي)
ولكن هناك ملحوظة
الملف الصوتي الموجود في المنتدى مسجل من حفلة
وبحثت في النت عن تسجيل أستديوا لم أجد
ويبدو أن الفرقة غير متمكنه أو مدربه جيدا
لأن مرات يخطئون ويعزفون تسليمة الغناء لعفاف راضي وبدل ما تدخل عفاف يدخل الكرال مرة ثاني وتكررت كثير
والشيئ الثاني
أثناء الغناء لا توجد لازمات ترد على غناء عفاف راضي
ولذالك تجد عفاف راضي تمد نهاية كل بيت بدل اللازمه
المهم اللحن مدون كما هو موجود في الملف الصوتي المرفق
أتمنى أن ينال أعجابكم
تحياتي
محمد السويفي
[/CENTER][/SIZE][/CENTER][/SIZE]

armendo

02/03/2012, 08h37

احبائى واصدقائى الأعزاء
اليكم واحده من اجمل رومانسيات الزمن الجميل وهى اغنية بتلومونى ليه
ارجو ان تسعدوا بها وانتم تستعيدون المشهد الرائع والذى يغنى فيه عبد الحليم
هذة الأغنية الحالمه لمريم قخر الدين على شط الأسكندريه من فيلم حكاية حب.
مع ارق تحياتى
ارمندو

swaifi73

02/03/2012, 11h56

أعزائي أعضاء المنتدى الكرام
بناء على طلب بعض الأعضاء بتدوين نشيد (يا إمام الرسل يا سندي )لرشيد غلام ولعديد من المنشدين مثل صباح فخري
قمت بتدوين
نفس اللحن ولكن مع كلمات ( يا إله الكون ) بدل ما يكون يا إمام الرسل
أتمنى أن يوفي بالغرض
قمت بتدونين النشيد من طبقتين مختلفتين
واحده بياتي الرى
والأخرى من الصول
مع ملفين صوتين لنفس النشيد واحد من الرى والأخر من الصول
وكلا يختار الطبقة المناسبة له
تحياتي
محمد السويفي

swaifi73

02/03/2012, 14h45

أخي العزيز
أرمندوا
أخواني أعضاء المنتدى الكرام
هذا إنشاد ديني لمنشد أسمه (رشيد غلام)
والنشيد أسمه( كن مع الله )
كنت مدونه منذ فترة ولم أنزله هنا في المنتدى
لأن صراحة هو عبارة عن جملة بسيطة وبتتكرر
وهذا حال الإنشاد الديني التقليدي
وليس الحديث لأن الإنشاد الحديث أصبح لحن كامل كما هو مسموع في بعض قنوات الإنشاد الديني
ولي ملاحظة أن سبق أستاذ (عمرو الهنداوي) قالي لو تقسم الزمن وأخلي النوتة بالنوار وأسرع السرعة في لحن سابق وفعلا بيكون أسهل
بس كما ذكرت هذه نوتة مدونه منذ فترة
تحياتي
محمد السويفي

عمرو الهنداوي

02/03/2012, 20h26

استاذ سويفى
ايه ياعم الجمال دة ماشاء الله والى الامام

فى حاجة عايز اكلمك فيها وبرضو زى ما تفضل اخى العزيز ارمندو فى موضوع زيادة نسب الزمن فى النوتة

بص لو انت شايف انه اللحن صعب وممكن يبقى اسهل عن طريق زيادة نسب العلامات الموسيقية ويعزف ما بين 80 نوار الى 140 نوار كحد اقصى ماشى مافى مشكلة وانت دائما فكر فى خريطة اللحن قبل التدوين حيسهل عليك كتير وهو فى العادة النوتات دلوقتى بتكتب ما بين سرعة 80 نوار الى 140 نوار فا انت اعمل حسابك ماتطلع عن 140 او تقل عن 80 لكن خلى بالك ساعات الموضوع ما يمشى معاك بالقاعدة دة يعنى كل لحن وله ظروفه

لكن فى حاجة تانية و دى الاهم!! انا لاحظت فى توناتك الاخيرة شىء ممكن انت تخلى بالك منه علشان النوتة تبقى اجمل

مثلاا خذ نوتة كن مع الله وتعالى عند المازوة رقم 1 و 2 هو ليه المسافات بين النغمات فى المازورة الواحدة واسعة اوى كدة؟ ضيق شوية و برضو بص على مازورة رقم 6-7 فى نفس النوتة ليه المسافة بين النغمات واسعة اوى كدة؟ هى واسعة اكتر من الازم اوى ضيق شوية وليه كمان المدرج ياخذ مازورتين فقط خليه ثلاثة او اربع مازورات افضل علشان النوتة تبان احترافية اكتر

مشكلة المسافات دى متكرة معاك فى نوتاتك الاخيرة فا خلى بالك فى نوتاتك القادمة وظبط من خيارات البرنامج عندك
واستاذ عادل اكيد برضو عنده حل لانه خبير فى البرنامج دة

وشكرا على النوتات الجميلة وماتنسى نوتات الافلام لصباح وحليم وبرضو الاغانى اللى طلبها استاذ نور والاخوة برضو مطلوبة بشدة وكل التوفيق

احبائى
هو المطلوب ان يكون النوتة شكلها مريح يعنى تكون مش ضيقة ومش واسعة اكتر من اللزوم
انا لما قريت اللى قالو اخر العزيز عمرو شفت النوتة فعلا لقتها الموازير واسعة اكتر من الازم
ممكن الاخ العزيز سويفى لقى انو لو كتب 4 موازير فى السطر النوتة تبقى سطرين فقط ودع ادى يعنى .. يعنى زمان فى الفرقة الماسيةى عندنا اول ما الاخوة السعوديين اوائل السبعينات لما ابتدوا يسجلوا علينا فى مصر كانت اغانى كتتير منهم سطرين يعنى جملة وبتتعاد موسيقى ومذهب وكوبليه عادى يعنى
ملحوظة : انطلبت نوتة تعيشى يابلدى مع انى كنت مدونها من زمان يعنى اتمنى ان كل واحد يطلب نوتة يرجع للفهرس اللى عاملو الاخ العزيز هيثم ويشوف موجودة ولا ل بعدين يطلبها لأن حصلت كذا مرة انى اكون مدون نوتة وبعد فترة حديطلبها وانا ادونها تانى لأنى بنسى اللى بكتبو فى الزحمة مع خالص تحياتى وانا منزلها تانى هنا كان فيها تعديل صغير
مع اطيب تحياتى عادل صموئيل

عادل صموئيل

04/03/2012, 09h39

احبائى
والان حان اللقاء المنتظر
اقدم لكم من روائع الحان محمد عبد الوهاب

من غير ليه

واللحن ده له تميز خاص عندى لأنى بحس انو بتاعى
يعنى انا اول واحد سمعه وانا اول واحد دونه
والذكريات ان فى نفس الوقت الحالى اوائل مارس كان المفروض اننا نبدأ فيه البروفات مع عبد الحليم ولكن لم يمهله القدر
المرة دى انا دونت الأدليب بتقنية خاصة اول مرة ادون بيها واشكر اخى العزيز وسام اكرم انو وارانى طريقة لتدوين الادليب على الانكور بدقة متناهية ,,, احنا طول عمرنا بندون الادليب بالمصرى الاوى يعنى تقريبى عمو ما يبقى دقيق 100% وفى الفرقة بتعتمد على ان المايسترو او قائد الفرقة بيبقى حافظ الادليب كويس جدا وبيشاور للفرقة والفرقة بتمشى حسب اشاراته اما الادليب المنى لازم انك تمشى ورا المطرب لن عادة اى مطرب طبير بيلعب فى الأدليب يعنى لازم بيطول أو يقصر فى علامات او المسافات بين الجمل السكتات بتبق مش محددة
انا هنا لو تلاحظوا اول مرة فى الادليب يبقى فيه سكتات وهى الفواصل بين الجمل الكلامية
اتمنى ان تسعدوا بالنوتة .. مع مراعاة فروق السرعات
مع اطيب تحياتى

http://www.m09m.com/vb/storeimg/img_1330585359_798.gif

عادل صموئيل

06/03/2012, 11h27

احبائى
اقدم لكم من كلاسيكيات فريد الاطرش

يالا سوا

اللحن ده بيتميز بأن الكورال له دور غير ترديد المذهب , يعنى بيحصل حوار بين المطرب والكورال
وبيمتاز موسيقى الكوبليه الاول من اجمل ما لحن فريد الاطرش من جمل موسيقية
اتمنى ان تسعدوا بها مع اطيب تحياتى

http://files.fatakat.com/2010/8/1280767601.gif (http://files.fatakat.com/2010/8/1280767601.gif)

shesha000

08/03/2012, 20h16

بسم الله الرحمن الرحيم
الرجاء من لديه نوتة جبار لعبد الحليم حافظ
أن يضعها لي
وشكرا
اخي العزيز هذه اول مشاركة لي بالمنتدى
اتمنى ان تستفيد من النوتة
خالد من العراق

يوسف قاسمي جمال

09/03/2012, 18h04

السلام عليكم , نبهني الاخ الكريم وسام اكرم لخطئ وقع مني سهوا في الحقيقة في نوتة لاموني للي غاروا مني و سأحمل التصحيح الان ... و اشكركم على لباقتكم و اشارتكم لكل ما من شأنه ان يرفع من مستوى المنتدى .

swaifi73

11/03/2012, 16h55

أعزائي وأخواني أعضاء المنتدى الكرام
أقدم لكم
نوتة أغنية على حسب وداد قلبي لعبد الحليم حافظ
هذه النوتة أجهدتني جدا
وأقدم الشكر للأستاذ الموسيقي
الكبير وصديقي العزيز أحمد الجوادي
الذي ساعدني وراجع معي تدوين هذه النوتة
كل الشكر والتقدير له
تقبلوا مني الأغنية
تحياتي
محمد السويفي

huslatif

11/03/2012, 20h30

استاذنا الكبير عادل صمويل تحية طيبة و بعد.... عندي لك اليوم تساؤل و رجاء غريب بعض الشئ... كونشيرتو ارانخويز لرودريجو.... التي الفها للجيتار... هل سبق و دونتها للعود؟ و ان كان جوابك بلا فهل من الممكن تدوينها لنعزفها بشكل جميل على العود؟ ارجو من الله ان تقبل هذا الطلب و تلبيه على الرغم من غرابته و ما يشكله من تحدي مع علمي بانك تقدر الموسيقى الجميله و تقبل التحدي بصدر رحب :)

حسام عبد اللطيف

اخى الفاضل
الموسيقى الكلاسيكية دى لها نوت جاهزة .. وما ينفعش تتدون بطريقتنا واللى مؤلفها هو الوحيد اللى بيقدر يدونها .. ابحث عن النوتة وان شاء الله ستجدها ( الأصلية ) بس حدد بالضبط اسم المؤلف ورقم او اسم المقطوعة التجارى
مع اطيب تحياتى
[SIZE="4"][COLOR="Blue"]أستاذي العزيز ... بالفعل النوتة موجودة و ها انا ارفقها بهذة الرسالة املا من حضرتك ان تلقي نظرة عليها حيث ان قرائتها متعذرة بالسهولة المرجوة فان اسعفك وقتك و اعجبتك فهل من الممكن تسهيلها مع العلم ان السيدة فبروز غنت اغنية لبيروت و هي مستلهمة من هذه التحفة الوسيقية و شكرا

عادل صموئيل

11/03/2012, 20h40

احبائى
انا آسف من حالة القرف التى سببها لى الاخ بناويست او ملوخيست
نسيت انزل لكنم نوتة

امى ملاكى
واقدم لكم النوتة
مع اطيب تحياتى واكرر الدعوات لله عز وجل بالشفاء العاجل لأختنا ايمان

عمرو الهنداوي

11/03/2012, 21h35

الاصدقاء الاعزاء

بصراحة ان شايف انه موضوع العيل الدكتور دة موضوع عبيط اوى واللاسف احنا لسه بنتكلم فيه وبنضع وقت فيه دون لازمة ومكبرين الحكاية اكثر من اللازم:crazy: انا قولت من الاول دة واحد من بتاع اثارة الفتن فى المنتديات ومش لازم نتوقف عنده لانه مجهول ولم يقدم شىء وسؤاله متركب غلط يعنى مش عارف يسال السؤال اصلاا ومش فاهم اى الفرق بين الادليب والجمل اللى على ميزان ومين هوعادل صموئيل فلماذا نحن مستمرون فى الكلام عليه

الدكتور دة واحد مجهول عمل مشاركة هبلة وماشى فامش معقول نسيب بقى الفن ونقعد نتكلم عليه وبعدين بصراحة انا زعلان جدا جدا من استاذ عادل صموئيل ويعنى ايه يبطل تدوين موسيقا؟ فين عادل صموئيل الرجل القوى الذى لايعرف المستحيل صاحب مدرسة البساطة والجمال فى النوتة الموسيقية بقى معقول يجى عيل اهبل ويقول كلام عبيط وغير علمى يوقع الرجل القوى والفن والمنتدى بالسهولة دى!!!

انا مش فاهم ازى استاذ عادل يتاثر اصلا بكلام العيل دة ويقرر اعتزال التدوين--- ازى الرجل اللى عرفناه والكل يشهد له بالقوى والتفوق يسقط بهذة السهولة يعنى ياجماعة معقولة ام كلثوم وعبد الوهاب يعملوا اغنية وواحد فقط من الجمهور يقول
(ايه الاغنية الفاشلة دى) وباقى الجمهور فى الحفلة وخارج الحفلة يقولوا ايه الجمال دة والاغنية تكسر الدينا وتدخل التاريخ
ويجى واحد فقط يقول الاغنية فاشلة فيقوم عبد الوهاب بالانتحار وام كلثوم تقرر عدم الغناء؟؟؟ مش ممكن ياجماعة يعنى؟

العيل دة لما تكلم انا اول واحد ردت عليه وباقى الاخوة بالاجماع ردوا عليه ومفيش واحد حتى جاء فى صف العيل دة وكل الناس فى المنتدى جابت حق الاستاذ اللى مصر وخارج مصر واللى فى الصفحة وخارج الصفحة

يبقى ليه استاذ عادل يتاثر بكلام العيل دة بقى ويقرر عدم التدوين؟؟ فهل يسقط الهرم والمنتدى والتلاميذ بهذة السهولة علشان واحد فقط عبيط قال كلام عبيط!!! فهل نحن ضعفاء لهذة الدرجة؟؟؟

تلاميذ الاستاذ والمنتدى جابوا حق الاستاذ يبقى ليه بقى الاستاذ لسه زعلان ويهد الحلم والتاريخ اللى هو وتلاميذه بيصنعوه
بصراحة يا استاذ عادل انت مالكش حق تفضل زعلان وتعاقبنا احنا بعدم التدوين علشان عيل عبيط قال كلام عبيط وهو مش منا ولا ينتمى لنا احنا اصلاا فا بصراحة استاذ عادل يحب ان لا تتاثر بهذة السهولة ونحن نعرفك انسان وفنان قوى
فارجوك لا تفكر فى اعتزال التدوين لانه الخاسر هو احنا والمنتدى والتلاميذ والفن اللى انت عاملته وشاركت فيه

ارجع نحن فى انتظارك ولن نقبل اى اعذار:)

استاذ سيد:)

عامل ايه مع الثانوية العامة؟ انا حارفع اليك النوتة دلوقتى حالا

استاذ حسام عبد اللطيف

انا كنت ردت عليك بس مش عارف انت شوفت المشاركة ولا لا
على العموم انا رفعت اليك نوتة الكونشيرتو كاملة ومعها نوتة مبسطة لحن منى مور الشهير واللى غنت عليه فيروز اغنية لبيروت

لحن منى مور يبدا من الصفحة 18 فى ملف الكونشيرتو

كل التحية

عمرو الهنداوي

12/03/2012, 00h26

استاذ حسام عبد اللطيف

دى نسخة اخرى للكونشيرتو كامل وهى مكتوبة بسهولة شوية والصحفة 13 هى بداية الحركة الثانية لمنى مور والاشهر عالميا وطبعا رود ريغو توفى 1999 والكونشيرتو دة من افضل اعماله الموسيقية ويصعب تسهله لانه معتمد على الحليات والتوزيع الاروكسترالى لكن فى المشاركة السابقة ارفقت لك اللحن الشهير صولو ومكتوب بشكل سهل جدا

كل التحية

عادل صموئيل

12/03/2012, 13h55

احبائى
اقدم لكم نوتة من العيار التقيل جدا
رائعة عبد الحليم حافظ

نبتدى منين الحكاية

كاملة فى 13 صفحة
اتمنى ان تحوز رضاكم

http://2.bp.blogspot.com/-nNOuEdkOkSY/TvYVULhgkfI/AAAAAAAAA2I/6kDFYQCIF_A/s1600/29519.gif (http://2.bp.blogspot.com/-nNOuEdkOkSY/TvYVULhgkfI/AAAAAAAAA2I/6kDFYQCIF_A/s1600/29519.gif)

يوسف قاسمي جمال

13/03/2012, 01h00

سلام اخي يوسف القاسمي
نعم لقد وجدت بعض الاعمال الموسيقية المغربية من تدوين الرجراجي لكن ابحث من مدة على اغنية عيشي يا بلادي عيشي لمحمود الادريسي اذا كنت تتوفر على نوتتها الموسيقية حاول ان تضعها في المنتدى في اقرب وقت لاني محتاج اليها
شكرا جزيلا
cher ami CHAHINE
voici la partition que tu m as demandé écrite par un de mes amis
je suis désolé pour le retard

عادل صموئيل

13/03/2012, 04h42

احبائى

اقدم لكم اروع ما قدم راض السنباطى

الأطلال

اللحن ده بيعتبر اصعب لحن من الحان ام كلثوم لأن معظمه تقريبا ادليب
بيحتاج عازف ماهر جدا يعنى المعلية الشعور بإحساس اللحن مش قراءة نوتة وخلاص بالذات فى مقاطع الادليب
لكن اهم ميزة تكسبها لما تعزفه انك تشغل اذنك اكتر لن الادليب مهما كان مكتوب فى منتهى الدقة لكن بيحتاج انك تحس روح اللحن
مع اطيب تحياتى

http://www.ct-7ob.com/vb/storeimg/live_1313758997_615.gif (http://www.ct-7ob.com/up/redirector.php?url=%61%48%52%30%63%44%6f%76%4c%32% 34%30%61%48%49%75%59%32%39%74%4c%33%56%77%4c%77%3d %3d)

عادل صموئيل

13/03/2012, 17h56

احبائى

اقدم لكم من اروع روائع عبد الوهاب الموسيقية

هدية العيد

طبعا دى اتعزفت قدام جمال عبد الناصر فى عيد الثورة 23 يوليو سنة 1964 .. طبعا ساعتها انا كنت لسه تلميذ فى اعدادى .. ولكن خبرت بعد كده فى العمل مع المعالقة خلتنى اتصور اتنفذت ازاى
المقطوعة دة فى اول سطرين فيها مشكلة ان فى كسر فى الميزان 3 مرات مرات يعنى مش ممكن تتكتب على ميزان
ولو حصل انها اتكتبت على ميزان ( وهو تقريبا الشكل اللى اتنفذت بيه عشان وجود آلات النفخ النحاسية واللى متعودين لازم يقروا نوتة ) كانت حاتبقى مفركشة .. لأن لو اتكبت على ميزان حاتبقى اناكروز بعدين مازورة 5/4 بعدين مازورة 4/4 بعدين 5/4 .. بس برضو ماكانتش حاتطلع حلوة كده وبالإتقان ده إلا انهم عملوا عليلها بروفات كتير .. وفضلوا مع العازفين لحد ماحفظوها .. هى كل المشكلة فى الثلاث اسطر الاولى بعدين اول ما بيخل الايقاع والميزان مفيش مشكلة من اى نوع لا للفرقة السيمفونية العسكرية ولا للفرقة الماسية
وانا هنا دونتها ال 3 اسطر اديب بعد تفكير عميق لقيت دى احسن طريقة وانا سمعتها ع الانكور مضبوطة بنسبة 100% واتحدى اى حد ممكن يدونها احلى من كده وفى منتهى السهولة يعنى اقل عازف ممكن ياخدها على مرة واحدة ..فى اااالمقطوعة المويقية دى طلع على المسرح الفرقة السيمفونية العسكرية والفرقة الماسية .. وبيظهر فيها براعة عبد الوهاب انه بيقدم لك الموسيقى العسكرية بطابع شرقى جميل جدا وبيحصل حوار بينها وبين الفرقة الماسية
بعدين بعد كل ضرب المدافع ده بتسمع الإيقاع الشرقى وجزء بياتى على النواة وتسمع الموسيقى الشرقية الاصيلة القانون وصول الكمنجة وصولو الناى بعدين ترجع تانى للون العسكرى وتقفل
وجديد بالذكر ان فى نفس الحفلة كانت الفقرة اللى بعدها نشيد على باب مصر لأم كلثوم وبعده غنت انت عمرى ,
اتمنى ان تسعدوا بها مع اطيب تحياتى

[/URL][URL="http://n4hr.com/up/"]http://n4hr.com/up/uploads/c5f15979d8.gif (http://n4hr.com/up/)

عاصم المنشاوى

13/03/2012, 19h52

بعد أذن الكابير عمنا الفنان عادل صموئيل

أهداء خاص للصديق /هيثم الصالحى ...نوتة "حكايتى مع الزمان"...والمشكلة اللحنية وهى مقدمة الكوبليه التانى ....صح؟....مشكلة وفخ عاملة بليغ حمدى...

لكن اللى مش مفهوم هو الكوارث الأعجازية اللى عاملها السنباطى...فى "حديت الروح "....بالذمة فيه كده؟...ايه يااخوانا اللى عامله السنباطى ده ...راست الدوكاه وقولنا ماشى ....انما سيكاه الدوكاه واربعة نص بيمول ؟؟؟تتعزف ازاى دى؟؟؟.... المهم هى غنتها فى مايو 1967...خد بالك قبل النكسة بأيام...وعشان كده ماغنتهاش تانى ...هى ليها حفلة واحدة بس....
اخى العزيز
اشكرك .. انا ابتديت ادون فى حديث الروح خلصت ييجى 3 اسطر وكلمة 3 اسطر فى ذهب الليل يعنى ابقى بطىء وبليد لكن 3 اسطر فى نصف ساعة فى حديث الروح ده بيعتبر من وجهة نظر المتفهمين لصعوبة لاغانى اعجاز بس ان شاء الله ماتخافوش حتكون سهلة وفى متناول الجميع .. وهى اسهل من الاطلا لأن الادليبات فيها اقل كتير
مع اطيب تحياتى عادل صموئيل

نور الصباح

14/03/2012, 16h57

الأخ العزيــــــــــــز والصديــــــق الحبيب الفنان الكبــــير
عــــــــــــــــــــــــــــــــــــــــــادل صموئـــــــــــــــــــــــــــــــــــــــيل بـــــــــــاشـــــــــــا
سلام الله عليكم ورحمته وبركاته
وبعـــــــــــــــــــــــــــــــــــــــــد :
اســــــــــــمح لى بســــــــــــــــؤال فـــــــــــــنى :
بـــــــما أنكم كنتم تدونــــــــون ألنوتات الموســــــــــيقية للفرقـــــــــة الماســــــــــية
فهـل كنتم تدونـــون ألحــــــــــان الفنان ( محمــــــــــد الموجى ) ؟؟؟؟؟
منذ فترة وجدت بعض النوتات الموسيقية للفنانة العظيمة السيدة ( شـــــــــــــــادية )
من ألحان محمد الموجى فى منتدى ( شادية لافلى ) وقالوا فى المنتدى أنها بخط
الراحل محمد الموجى نفســـــه ومرفق طيه صورة من النوتة الموسيقية ( جال لى الوداع )

أرجو من جنابكم توضيح هـــــذا الأمر
والتكرم بإعادة كتابة النوتة على برنامج ( أنكور ) لأنها غير واضحة المعالم
وشكرررررررررررا
أخوكم
نور الصباح
الاخ العزيز
الموجى رحمه الله كان مش بيدون ولكن كان بيلجا لأى حد من الاساتذة المدونين واللدين اتشرف انى انتمى اليهم
اللى كانالوحيد بيدون بليغ حمدى ولكن كان بيدون حاجات محدودة ,, ولكن فى الاغانى الكبيرة كان لازم بيجيب مدون محترف متخصص عشان الاغنية تطلع مضبوطة
مع اطيب تحياتى عادل صموئيل

swaifi73

15/03/2012, 13h38

أعزائي أعضاء المنتدى الكرام
بمناسبة أحتفالات عيد الأم في هذا الشهر
أقدم لكم أغنية الأم هوها قبل الكل للمنشد (عبد السلام حوى)
أتمنى أن تنال أعجابكم
تحياتي
محمد السويفي

salhi_haithem

15/03/2012, 17h41

استاد عادل.
ها انت تدون احلى ما غنت ام كلثوم الاطلال واحلى ما في الاطلال هل راى الحب سكارا.
يا حلو صبح مع الاطلال .الله يعطيك ما تتمناه.

اخواني الاعضاء هل ممكن ان تتكرموا ب نوتة سماعي ماهور ل رفيق طلعت باي.

مع كامل تشكراتي

السلام عليكم اخي الكريم العرابي اليك سماعي ماهور لرفيق طلعت بك و هو من تدوين الاستاذ نيقولا مرجية و قد رفعه الاستاذ تلميذ القصبجي على موقع زرياب و ها انا ارفعه هنا ليعم الخير
اخوك هيثم

عاصم المنشاوى

21/03/2012, 03h10

الأصدقاء

الى أن يعود الينا أستاذنا الكبير /عادل صموئيل...ويستأنف نشاطه ...حيث ينتظره الكثير من تلامذته ومحبيه...أترككم معه فى بعض ماكتب لنا من أجمل الأغانى والترانيم ....وربما يكون قد انتهى من كتابة "حديث الروح"....ويرفعها لنا انشاءالله....

عاصم المنشاوى

23/03/2012, 12h22

الأصدقاء
واضح ان غياب الأستاذ عامل فراغ جامد ....عشان كده ... قمت بالأتصال به فورا
الذى أكد لى عودته قريبا انشاءالله -غالبا بكرة -وهو بخير ....وأعتقد ان اما ان يصل سيدب فى ارجاء المنتدى النشاط ....
ايه رأيكم فى نوتة للموجى "يامالكا قلبى"...لحين ظهور النجم الماسى؟

swaifi73

23/03/2012, 20h07

أخواني وأعزائي
أعضاء المنتدى الكرام
تحية طيبة من أعماق قلبي
طبعا بعد ما ظهر استاذ عادل وصرح أنه هينزل باكر نوتة
أنا كنت مدون نوتة سئلوني الناس وأستحيت أنزلها إلى أن يبداْ أستاذ عادل في مزاولة نشاطه
وطبعا أنا عزيت أستاذ عادل وكل أساتذتي المسحيين
وزملائي
وأهم حاجة أن هذه المواقف هي الي بتبين أننا نسيج دم وروح واحده
وهذه المحبه تظهر في الأزمات
ولكن الله لا يسامح السياسة والتدبير التي تحاك لأفتعال الأزمات
بس إنشالله أحنا أكبر من كيد الأعداء
وسنظل جسد واحد
أعزائي أقدم لكم نوتة سئلوني الناس لفيروز
عندي توضيح عند نهاية المذهب (لأاول مره ما بنكون سوى)
ما تغينه فيروز غير ما يغنيه الكورال
فيروز بتنهي المذهب على بداية المازورة الجديدة يعني مع الدم
ولكن ما يغنيه الكروال بينتهي مع نهاية المازورة وبيبدأ المطرب غناء الكوبليه بعد الساكتة على الدم
لذالك أنا أعدت تدوين غناء المذهب
وتكررت في باقي الأغنية مرات تنهي لأول مرة ما بنكون سوى على نهاية المازورة ومرات على بداية المازورة الجديدة
تحايتي
محمد السويفي
اخى العزيز سويفى
احب الاول اشكرك على شعورك الجميل بس حابب اقول لك حاجتين الاول انا لما بتكون عندك نوت جاهزة نزلها فورا ما تاخدش فى بالك انا موجود او مش موجود .. يعنى الاخوة الاعضاء ماشاء الله بقوا بيخلصوا النوت بسرعة ونفسهم فى عشر نوت فى اليوم يعنى انا لو غبت اسبوع لى سبب انت نزل نوت لو جاهزة اكيد حاتسعدهم بدل ما مايلاقوش جديد
اما الناحية الفنية : اى جملةلما تتكرر وفيها اختلاف فى اولها او آخرها لو ممكن تعمل المرجع فيه بريما وسكوندا وانت تظبطها لكن لو الاختلاف فى النص ولو حرف لازم تكتبها مرتين ولو عايز تريح نفسك اى جملة انت تحس ان حايحصل فيها التباس يستحسن اكتبها مرتين .. وانت بالخبرة ومع الكرار حاتحس الموضوع ده بسرعة يعنى مثلا عبد الوهاب لو جملة اتقالت عشر مرات تلاقيه لازم يعمل فيها لعبة تخلينى غصب عنى لازم اكتبها عشر مرات .. فى الفرق مع المحترفين لما يكون حرف فى العادة بيتغير بيكتبوا الحرفين فوق بعض ويكتبوا على واحد رقم (1 ) والتانى رقم ( 2 ) ويعملوا مرجع بس انا مش بحب اعملها هنا بالذات لأن ممكن حد مش عارفها يتلخبط وبعدين العملية مش حاتفرق معاك سطرين زيادة او اكتر
مع اطيب تحياتى عادل صموئيل

عادل صموئيل

24/03/2012, 06h32

احبائى

بعد الحدث الجليل وتوقفى فترة قصيرة عن الكتابة .. اقدم لكم عمل من العيار التقيل جدا جدا هى تصادفت الظروف انه يأتى فى مثل هذا الاسبوع .. العمل ده انا حسيت انه اصعب لحن دونته فى حياتى .. اقدم لكم

حديث الروح

كاملة فى 9 صفحات .. وحبيت اقول لكم شوية خواطر عن اللحن ده .. عادة انا لما بحب ادون الالحان اللى من العيار التقيل جدا وكبرة الحجم .. دايما برسم اللحن فى مخى واذاكره شوية قبل التدوين عشان بحدد الاماكن الصعبة فيه واللى بتحتاج مجهود وتفكير كيف انى ابسطها لكم فى الكتابة ودى اصعب مرحلة .. يعنى تقدر تسميها خطة العمل .. وفى كل الالحان انا بحسب الصعوبة من كمية الادليب .. يعنى مثلا الاطلال اتقسمت على اسا انى لما اخلص تدوين الجزء بتاع لست انساك لحد اول الجملة الموسيقة اللى على الإيقاع بتاعة يا حبيبا زرت يوماً هنا احس خلاص انى خلصت اللحن او الباقى خلاص سهل .. اما اللحن ده اصعب لحن انى دونتهفى حياتى واخد وقت كبير .. يعنى كل جملة ادونها وبتاخد وقت الطول من المعتاد بالنسبة لمستوايا فى الكتابة احس انو خلاص الباقى سهل الاقى الجاى اصعب

ولولا الطريقة اللى قال لى عليها لاخ العزيز وسام اكرم بالنسبة للتحكم فى الادليب على الانكور ماكانش الادليب الصعب ده طلع بالدقة دى يعنى دقة توصل ل 99% وعمرها ماحصلت فى التاريخ ان يتكتب الادليب بالدقة دى لنى هنا بسمعوا واعدل فيه يعنى بسمع السطر اكتر من عشرين مرة اطول او اقصر نغمات وفى الفراغات بحط سكتات

ورجعت بذاكرتى لأول مرة انا عزفت اللحن ده كان اول ماطلع سنة 1967 ... يعنى عزفتو الحمد لله حلو جدا 100% وانا مسجله هنا فى قسم المبدعون .. طيب ( وده تامل نفسى تحسوه او تتعرفوا عليه ) زى ماقلت انى عزفتو بدون اى مشكال تذكر يعنى ممكن مرة او مرين توقفت عشاناصلح جملة او مقام غريب شوية .. لكن التدوين كان صعب جدا جدا لن السنباطى وضع فى اللحن ده كل عبقريته .. حبيت افلسف الموضوع .. انا كان من زمان عندى اكتر من 70 هواية .. من الصغر كنت احب لعبة القطارات اللى بتمشى على قضبان بس اللعب الكبيرة الحجم يعنى اللى فيها قضبان كتير جدا وعدد من القطارات .. وانك بتتعلم ازاى تخلى القطار يتحول من قضيب لآخر .. او يغير اتجاهو يروح يمين او شمال .. والملية دى معقدة جدا فى الاحجام الكبيرة للعب دى واللى ممكن توصل لأكتر من عشرين متر وناس عندهم اكتر وكنت دايما بموت فى كتالوجات العلب دى واللى بالطبع مستواها رهيب جدا وثمنها فادح يعنى كنت بتفرج عليها طبعا فقط .. وللعلم اللعبة الكبيرة دى مش لعبة عيال ولكن لعبة ملوك .. يعنى انا طبعا ايام الزمن الجميل لما كنا بنروح اى دولة كان لازم الملك او الرئيس بيعزمنا فى قصره وتقريبا كلهم عندهم قاعة فيها اللعبة دى وبالطبع كانت عينى بتخرج عليها لأن فيها اكتر من عشرين قطار .. وكمية قضبان خطيرة وتحويلات متعددة وبجد هى متعة اكتر من البلياردو 100 مرة .. المهم .. لو انت ركبت من القاهرة القطار المتجه اللى الاسكنرية .. انا بحب اتفرج دايما على انواع العربات والجرار وكله كوم على القضبان .. لو تخيلت المنطقة فى حدود عشرو كم من القاهرة القطار بيبقى مشى وجنبه مش اقل من 30 الى 100 قضيب متفرعة مثل الشبكة العنكبوتية ,,لن محطة مصرفيها مش اقل من 30 رصيف لمختلف الاتجاهات والقضبان كلها قادمة من الورشة ثم بتتفرع الى اتجاهت فى كل انحاء الجمهورية .. يعنى لو تخيلت القطار بيعدى على كام تحويلة حايطلع عدد مذهل .. والتحويلات دى بتتم بعملية فى منتهى الدقة من اكشاك متعددة كل كشك لو مساحة صغيرة من القضبان بيفتح ده ويقفل ده بحيث انو بيحدد اتجاه كل قطار طبقا لجدول فى منتهى منتهى الدقة لأن اقل غلطة حاثة مروعة يعنى قطارين يخبطوا فى بعض .. طبعا لحد دلوقتى انتم مش فاهمين بحكى القصة دى ليه ؟؟ اصبروا انا جاى فى الكلام .. الفرق بين سائق السيارة وسائق القطار ايه ؟؟ ان سائق السيارة مسؤول عن كل شىء امامه يعنى هو اللى بيحود فى الاتجاهات ويتفادة السيارات الاخرى والمشاه والمطبات .. اما سائق القطار ماولش دعوة بالتوجيه لأنو القطار بيتوجه عن طريق القضبان اما السائق معاه اكرتين واحدة يحركها القطار بيمشى والتانية فرملة .. وكل نظره متجه الى حاجة واحدة .. الإشارات الكهربائية اللى لما تكون حمرا ما يتحرك ولما تكون خضراء يتحرك فقط .. يعنى السواق مالوش دعوة بالقضبان هو بيمشى وخلاص .. لكن تخيل لو السواق ده نظر الى القضبان وجالو وسواس ان فيه تحويلة مش مضبوطة يعنى ممكن يتجنن .. الشىء ده حسيتو فى حديث الروح .. لما بعزفها حسيت شعور سائق القطار اللى مالوش دعوة بالتفاصيل الدقيقة للقضبان .. لكن لما دونتها حسيت بالتفاصيل الدقيقة للقضبان دى .. لأن العازف لما بيكون شاطر اوى فى العزف السماعى اللى بيكون حافظه بيعزفه على طول بيطلع بمنتهى الدقة بدون تفكير .. لذلك انا اتمنى انكم تحاولوا تشغلوا الاذن شوية مع النوتة يعنى لما توصل انك تعزف سماع بالتدريج حاتكسب كتير انك اى اغنية تلاقى نفسك بتكلع معاك بدون النوتة

مع اطيب تحياتى

http://iraqnaa.com/ico/image/166.gif

عادل صموئيل

25/03/2012, 23h47

احبائى

اقدم لكم اغنية من العيار التقيل جدا والحجم الكبير ايضا
رائعة عبد الوهاب وفايزة احمد

وقدرت تهجر

كاملة فى 18 صفحة
من ذكرياتى فى البروفات فى لازمة صغيرة قبل الجزء اللى بتقول فيه : ده كتير عليا
فيه لازمة بتقول لا دو دييز رى مى عشان فايزة بتغنى من المى
قالت لعبد الوهاب انا فايزة احمد ( بجلالة قدرى يعنى ) ازاى تدينى مى عشان اغنى من مى
طبعا عبد والهاب شتمها .. هى كانت بتتناقش كده مع محمد سلطان لكن عبد الوهاب مفيش مناقشة .. لسبب انا حافظ عبد الوهاب يعنى لما يحدد الازمة كده اولا بيبقى جربها فى بيتو خمسين حاجة مختلفة واستقر على الازمة دى وثانيا انها بتدى سلطنة لأذن المستمع تأهيل انو يسمع مقام الجملة التالية
اما طبعا ممكن حد منكم مش فاهم اعتراض فايزة .. المطربات الكبار كانوا بيغيوا من بعض .. يعنى كانت بتحسبها ان تمكن المطربة الكبيرة بيختلف عن المطربة الصغيرة .. ان المطربة الكبيرة ممكن الازمة تقف عند حرف والمطربة تغنى من حرف بعيد عنو والقفزة تطلع صحيحة .. والمطربة المش متمكنة اوى انها لازم انك تسلطن لها النغمة اللى حاتغنى منها .. هى مش نظرية .. لأن عفريت عبد الوهاب كان الشىؤ الطبيعى او الشىء المتوقع ولازم يعمل حاجة مش طبيعية .. يعنى ( بشوية جنان ) مثلا مع مطربة كبيرة جدا ومتمكنة زى فايزة احمد الملحن الكبير العادى بيعمل لها نغمة وهى تغنى من نغمة بعيدة جدا عنها عشان تبان القفزة المتمكنة
لكن عبد الوهاب كعادته عمل عكس المتوقع .. يعنى اداها نغمة مى عشان تغنى منها
طبعا النوتة مكتوبة بدقة متناهية بالذات فى الادليبات اتمنى ان تسعدوا بها
حابب اعتذر منكم عن التواجد لأن عندى مشكلة مع شركة النت والنت حايتقطع من بكره لمدة فى حدود اسبوع يمكن اكتر او اقل .. انا ححاول ادخل من اى جهاز تانى يعنى متواجد برضه طبعا بس مش بكل امكانياتى
مع اطيب تحياتى وان شاء الله شركة im بتاعة النت كلهم حيروحوا النار يعنى انا مشترك ب 4 ميجا طبقا بالنسبة لعامة الشعب دى سرعة خارقة بس المشكلة انهم اولا بياخدوا اكتر من السعر المتداول فى مصر 150 جنيه زيادة والحاجة اللى حصل بينى وبينهم الخلاف انهم بيسرقوا من السرعة وانا اشتركت فى شركة تانية لحد ما احل المشكلة معاهم
مع اطيب تحياتى ونتقابل

http://www.sptechs.com/pub/_flowers/roses-00001.jpg

عادل صموئيل

26/03/2012, 21h50

احبائى

اقدم لكم من كلاسيكيات عبد الحليم حافظ

ياقلبى خبى

اتمنى ان تسعدوا بها

انا النت حايقطع عندى كام يوم بس حدخل كل فترة من جهاز تانى بس طبعا مع عدم توفر كل امكانيات جهازى
اتمنى لكم احلى الاوقات

http://files.fatakat.com/2010/8/1280767633.gif (http://files.fatakat.com/2010/8/1280767633.gif)

piano_piano_d

27/03/2012, 03h31

بعد اذنكم ولو سمحتم
انا محتاج جدا اغنيه ف البحر سمكه بتزق سمكه لايمان البحر درويش
ارجوكم اسعفونى انقذونى
ولكم الشكر
الاخ العزيز
انظر فى اى مشكاركة من مشكاركات الاخ العزيز صالحى هيثم حتلاقى فهرس كل النوت اللى انا مدونها حتلاقى النوتة المطلوبة
ورجاء من الجميع اى حد يطلب نوتة بشوف الفهرس الاول
مع اطيب تحياتى عادل صموئيل
.................................................. ..........................................
إتفضل النوتة من تنويت الأستاذ عادل صموئيل .

عادل صموئيل

27/03/2012, 16h30

احبائى

اقدم للأخت العزيزة ميما هيما

احكى يا شهرزاد

من توزيعى المتواضع
طبعا تفيد مدرسين الموسيقى
مرفق الملف الصوتى للتوزيع والنوتة كاملة 3 اصوات
ومرفق نوتة كل صوت على حده .. انا مش محدد الاصوات مين ياخد ايه عشان معرفش بالتحديد الآلات اللى حاتعزف بس انتى وزملائك ماولا تختاروا مين اللى حايعزف الصوت الاساسى ولازم يكون مسموع اكتر من 50 % ومين يختار الصوتين التانيين وممكن لو حا تتخانقوا اعملوا قرعة او كلوبامية
ملحوظة : انا اضفت فى اول اللحن مازورتين من اختراعى يعنى فزلة بيعملوها الموزعين بس هدفى ان عشان الفرقة مع بعض تضبط الإيقاع
وكمان اللحن كان فيه كذا خبطة كاسة مفزعة ودى كان لزوم الرعب والذعر عشان الوطاويط والخفافيش فى المسلسل لكن طبعا مافيش داعى نرعب اللجنة
ولو نفسكم تعملوا الرعب ده هاتوا غطاء حلة وكبشة وهات يا رزع بس اوعوا تكسروا الميزان
مع اطيب تحياتى بالنجاح والتوفيق بس اوعى تغيرى رأيك

عادل صموئيل

30/03/2012, 20h14

احبائى
اقدم لكم من روائع بليغ حمدى
ومن كلاسيكيات ام كلثوم

ظلمنا الحب

اتمنى ان تسعدوا بها

اقدمها للاخ العزيز نور الصباح

مع اطيب تحياتى
http://www.album.v90v.com/data/media/57/images_529.gif

عادل صموئيل

05/04/2012, 08h12

احيائى

اقدم لكم اغنية من العيار التقيل جدا جدا
رائعة السنباطى وام كلثوم

دليلى احتار

واهديها لأخى العزيز ارمندو
الاغنية من الاغانى اللى انا بعتبرها خط احمر .. يعنى ممكن اى عازف يعزف المقدمة لكن عشان يتوغل داخلها محتاجة مقدرة غير عادية .. لأن مش اللحن فقط اللى صعب ولكن اداء ام كلثوم كان متميز اكتر من اللازم .. يعنى انا بخبرتى فى الدنيا وفى السوق عارف ايه اللى بيتغنى فى كل مكان .. يعنى فيه ناس كتير ممكن تغنى اغانى محدودة لأم كلثوم لكن الاغنية دى خط احمر يعنى ماسمعتش ان حد حاول اصلا يغنى منها
لكن بالطبع اللى حافظ الاغنية اوى اوى ممكن مع النوتة انه يعمل منها حاجة
طبعا انا زى ما انتم عارفين بحاول ابسط النوتة بقدر الامكان بس برضه التبسيط له خطوط حمراء يعنى اهم شىء اللحن الاساسى ما ينقصش حرف .. والخط الاحمر التانى هو الاصطدام ببعض الادكاديميين المتزمتين . او اللى مخهم جامد او واقف عند حاجات معينة واى تطوير بيهاجموه .. لكن مش انا لوحدى عبد الوهاب زمان لما حب يطور هاجموه لكن ماسألش فيهم لكن بعدين بقم هم يدرسوا فى الأكاديميات اللى اعترضوا عليه ..
فى اللحن ده فى صفحة 5 سابع سطر من تانى مازورة فيه كذا مازورة انا مضطر انى اكتبهم صعبين اوى كده
يعنى ام كلثوم غنت الجملة مرتين والفرقة بترد عليها بعدين غنت الجملة نفسها مرتين لكن اسهل ومش ممكن يتبسطوا اكتر من كده لأن حايحصل اخلال باللحن
المهم انك اى كمية ممكن تطلعها من اللحن ده تبقى مكسب
مع اطيب تحياتى

http://n4hr.com/up/uploads/f6ab3a2039.gif (http://n4hr.com/up/)

عادل صموئيل

05/04/2012, 22h30

احبائى

اقدم للأخ العزيز محمد عطية

المال والبنون

هى مش من النوعية اللى انا بحبها ولكن حسيت انو محتاجها اوى
اما مش بحبها عشان كذا سبب
اول سبب انها بتعتمد على صولو الكمنجة .. والكمنجة بالذات احلى حاجة فيها صوتها .. يعنى انا مثلابتفادى جميع المشاكل اللى تخلى صوت الكمنجة يبقى وحش وبدفع دم قلبى احيانا لو لقيت فنى يخلى صوت الكمنجة احلى يعنى يعمل لى احلى فرسة ممكنة ويضبط العمود ويراجع على صندوقخها الرنان يعنى يكون الغراء فاكك من مللى لايرى بالعين المجردة ولكن بيؤثر على صوت الكمنجة اما الاخ العزيز ياسر عبد الرحمن بيعزف من منطقة وحشة فى الكمنجة .. يعنى المفروض انت لما تتعلم كمندة فى الول من اهم مشاكلها انك مش بتضبط مسار القوس .. يعنى من آخر المراية والى الفرسة المفروض انك تحاول تخلى الوس يكون فى منتصف المنطقة عشان لو القوس نزل تحت شوية او طلع فوق شوية الكمنجة بتزيق .. وده من اهم الحاجات اللى بقولها لكل اللى عايز يتعلم كمنجة انك لازم تبدأ مع مدرس لأنو طول الوقت حياخد بالو من كذا حاجة ومنها انحراف القوس عن مساره
ويقعد الاول يقوللك بالذوق ولما تطلع روحه حايشخط فيكلحد ما ايدك تتعود ع المسار من اول القوس لآخره طاله نازل .. وهنا الاخ ياسر عبد الرحمن بيعزف فى اقصى منطقة يطلع منها صوت الكمنجة تحسو بيبح فرخة مش بيعزف كمنجة هم بيعتبروا الفزلكة دى تطور .. وبعدين طول الوقت بيعزف بنفس المكان يعنى تخيلوا انى ولا مرة سمعت صوت الكمنجة الطبيعى .. والكارثة ان فيه بعد كده عازفينمتخلفين بيحسوا ان دى موضة وبيبقى الكل بيعمل كده زى ما تلاحظوا واخيرا حايضيع من المستمع صوت الكمنجة الطبيعى .. والكمنجة بتحتاج رقة فى العزف .. يعنى مش معقول يكون معاك بنت حلوة رقيقة وتشدها من شعرها تؤلمها وتخليها تتوجع
المشكلة التانية التوزيع اللى بيضيع اللحن الاساسى
المشكلة التالتة انت لو سمعت مقدمة لعبد الوهاب مثلا دايما طول الوقت المستمع العادى ماشى مع الجملة يعنى مستوعب أيه اللى اتقال ومن ثم لو بيعزف حايعزف اللى استوعبه ..لكن اللحن اللى من النوعية دى او نوعية الإخراج ده بعد مايسمع الخناقة دى تلاقيه مش مستوعب حاجة يعنى زى قطار ماشى بسرعة واسألك شفت ايه ؟ تقول هو انا لحقت اشوف حاجة ؟
يعنى انت لو رجعت لزمان وشفت التوزيع اولا تلاقى ماكانش بنوزع اللحن كله ولكن بنوزع جملة واحدة منه كل كذا خمسين لحن لن الجمل الموسيقية حلوة مش ناقصة حاجة
مع اطيب تحياتى
http://t0.gstatic.com/images?q=tbn:ANd9GcR7uegxiajdnv9znX9CHnzZ47o7D7x_e C8WwjSwRM77H-gDUQU2uZnLCqDb

عادل صموئيل

06/04/2012, 01h47

احبائى

اقدم لكم من روائع عبد الحليم مع بليغ حمدى

خسارة خسارة

واقدمها للأخط العزيزة الناشطة زينة الغريبى .. وانا اول ماشفت الطلب رحت مدونها على طول يعنى الاغناى من النوعية دى بالنسبة لى وبالذات لما ما يكون فيها قلق فى المقدمة او ادليب بتبقى بالنسبة لى زى ماتكتب جواب
اما ذكريات الاغنية دى بالنسبة لى انها من فتى احلامى وكان اول مرة ادخل سينما فى حياتى كان عمرى سبع سنين وقتها .. وكان طبعا السينما ساعتها يعنى احلى حلم واحلى فسحة وفيها كل سحر الدنيا .. الغريب ساعتها انك كان ممكن المرب انت بتسمعه من سنين لكن مش تعرف شكله لأن يعنى بيطلع صوره نادرا فى الجرائد .. يعنى انا كنت اعرف شكل عبد الحليم طشاش يعنى مش اوى لأن حتى الصورة فى الجريدة بتبقى مش واضحة
وانا كنت نموذج لعموم المستمعين يعنى كان المطرب بيتشهر ويبقى لو ملايين المستمعين من الإذاعة وما يعرفوش شكله اصلا .. مش زى دلوقتى الشكل هو كل حاجة يعنى اى عيل فى تانية ثانوى ممكن امه تعمل لو شريط وترش قرشين فى القنوات الفضائية وبعد اسبوع يبقى نجم على ايه ؟؟؟؟؟ ماعرفش
او المطرب مش يتنيل على عينه يقضى وقته يحاول يتعلم يحسن مستواه ولكن طول الوقت بيقعد يفكر ازاى يعمل عمليات تجميل يحسن خلقته وعجبى
مع اطيب تحياتى
http://files.fatakat.com/2010/8/1280767975.gif (http://files.fatakat.com/2010/8/1280767950.gif)

سليم العباس

06/04/2012, 07h29

نشيد بلاد العرب أوطاني
نشيد موطني

عادل صموئيل

06/04/2012, 08h59

احبائى
اقدم لكم مفاجأة غير متوقعة
انتم طبعا عارفين ان ذوقى حلو فى اختيار الموسيقى والاغانى
اقدم لكم تتر
مسلسل لوعة قلب التركى

انا عندى فى البيت كذا تليفزيون فى كذا غرفة وطول النهار والليل مشغلين مسلسلات تركية لكن التتر ده سمعته خطف عقلى لأنه ده التركى الاصلى .. يعنى باقى المسلسلات فيها مسحة من التلوث الاوروبى ودى اخطر فيروس دخل على الموسيقات ذات الطابع المتميز ( غير مصر طبعا ) اللى مثل الموسيقى التركية والموسيقى الهندية
واللى لفت نظرى او فكرت فيه ان المسلسل ده تاريخى يعنى ايام الثورات على الدولة العثمانية وايام كمال اتاتورك
وهو الى جاب اجل الدولة العثمانية وريح الدنيا من قرفها .. وانا لما بروح تركيا وبحس انها بقت متطورة 70سنة لقدام كلهم بيقولوا ثورة كمال اتارورك هى السبب ( واتمنى اللى عايزين يشدونا لورا يسمعوا ويحسوا )
عايز احكى لكم حكاية صغيرة لكن لطيفة اوى .. احنا لما كنا بنروح مع العمالقة للدول العربية ايام زمان .. كان بيتطوع ناس من عندهم يبقوا المرافقين بتوعنا يعنى كمان يفسحونا فى البلد .. انا لاحظت ان كل بلد فيها فنانين كبار بدرجات زى عندنا ولكن الفنانين بتوع مصر كانوا هم الدرجة الاولى .. والفنانين بتوع البلد لو الفنان منهم داخل بلده بيبقى محلى يعنى ( قبل الفضائيات ) كان عبد الوهاب بتاعهم جوا بلدهم فقط ماحدش يعرفه خارج الدولة .. كان الفنان بيتشهر عربيا لما ييجى مصر ويعمل حفلات ويطلع يتولد تانى من مصر يعنى مثلا اول ماجه فهد بلان وعمل الزوبعة بتاعة هيهيييييييه .. الناس هنا افتكرتوا انو عبد الوهاب بتاع سوريا .. لكن لما رحنا هناك اكتشفنا انو حاجة قليلة اوى هناك وفيه ناس اكتر منو كتير جدا
المهم التميزالخطير بتاع تركيا بالذات ... اول حاجة انا بقعد اشرب احلى شيشة فى العالم .. بعدين لو عايز اسهر .. هناك التلوث الجديد فى الموسيقى والغناء مادخلش على الموسيقى الاصيلة يعنى الديسكو والحاجات دى دخلت فى خط منفصل بمعنى انك دلوقتى ممكن تلاقى مسرح محترم فيه صالح عبد الحى وعبد الوهاب بتاعهم .. ولاحظت انهم بيحافظوا على القيم الكبيرة عندهم دى .. لو حتى لو المطرب بقى سنة 120 سنة خلفه كورال اقل واحد منهم مصيبة فى حد ذاته .. يعنى فيه صفو تانى وتالت يضمن ان التراث يفضل للأبد ... بعكس معظم الدول اول ما العمالقة توارو الصراصير طلعت من جوا البالوعات .. يعنىحتى لما تطلع فلتة زى مثلا البنت المصرية كارمن اللى كسبت فى آراب آيدل .. دى من وجهة نظرى لاتقل عن وردة لو حد اتبناها كويس لكن مع الاسف حتى لو حد اتبناها حايخليها تغنى زى الموجود
طبعا عشان تستمتعوا باللحن انا منزل الملف الصوتى وارجو اسمعوه كذا مرة الاول هو اقل من دقيقة
مع اطيب تحياتى
http://www.moshreq.com/up/uploads/d5c324459a.jpg (http://www.moshreq.com/up/)