طلبات نوتة

[عاصم المنشاوى]

الأصقاء....صباح الخير عليكم

قصيدة "النهر الخالد"...لحن وغناء الموسيقار /محمد عبد الوهاب...فى عام 1954 جنبا الى جنب قصيدة اخرى وهى "الروابى الخضر"للممثل أحمد خميس...وقصيدة النهر الخالد من تأليف :محمود حسن أسماعيل الذى ولد فى فى بلدة النخيلة بأسيوط ...نفس قرية الخارج عن القانون "عزت حنفى "والتى حول الفنان /أحمد السقا قصته لفيلم تحت اسم "الجزيرة" سبحان الله على مصر !!!!ماذا كانت تنجب زمان ...وماذا تنجب الآن ...المهم ولد الأستاذ الشاعر محمود حسن اسماعيل عام 1910 وتوفى فى 1977 فى الكويت ...وله ابنة هى المذيعة "سلوان محمود"...صاحبة قطرات الندى....وقد غنى له عبد الوهاب قصائد أخرى منها "دعاء الشرق" و"مصر نادتنا فلبينا نداها"...وأم كلثوم"بغداد ياقلعة الأسود" والتى ظلت لفترة النشيد القومى للعراق...من تلحين السنباطى...برضو كان زمان....وغيرها...
-اما النهر او النيل فهو ال "اترو عا" اى البحر الأعظم عند قدماء المصريين ...وهناك فى محافظة الجيزة شارع الكورنيش اسمه حتى الآن "البحر الأعظم" ومع مرور الزمن تحولت "التروعا"الى "الترعة" ولايزال الناس يطلقون على النيل اسم "البحر" نظرا لأتساعه وعرضه....والمتعلمون فقط يطلقون عليه "النيل "وهى كلمة لآتينية"نيلوس"...اما النيل بالنسبة للمصريين القدماء فقد كان شيئا مقدسا ...ولكى تدخل الجنة بعد الممات...لابد ان تحلف امام أوزيريس "انك لم تلوث النهر".....وهو مصدر حياتهم نظرا لأن 95% من مصر صحرا ء لاتعرف المطر....ولذا تجد حب المصريين للنيل يظهر جليا بعد ان استردت مصر عافيتها وشخصيتها بعد الأستقلال سنة 1922 وظهور المد القومى المصرى والأعتزاز بمصر ...ولد جيل عبد الحليم وبليغ والموجى وقنديل والطويل ونجيب محفوظ ونشأ فى هذا الجو أم كلثوم وعبد الوهاب ورامى وشوقى وطه حسين وحافظ ابراهيم ونجيب محفوظ وكل عمالقة ورموز مصر..لذا تجد النيل موجود وبقوة...مثلا " ياتبر سايل بين شطين ياحلو ياأسمر" "انا النيل مقبرة الغزاة" قصيدة النيل""عطشان ياأسمرانى محبة""شمس الأصيل""الصبح بدرى والنيل بيجرى والزرع باسم جميل"
- لكن بعد موت النيل بعد بناء "السد العالى" وهو كارثة بيئية وصحية.على مصر..مخالفة للطبيعة الربانية...نسى المصريون شكل النيل ولم يعودوا يشعرون به ....ولذلك اتحداك لو لقيت أغنية تتحدث عن النيل...بعد سنة 1970
_طيب السؤال دلوقتى ...ايه اللى خللى عمنا /عادل صمويل
ينوتها لنا ...؟؟؟الأجابة بسيطة ...انت ناسى انه احد احفاد المصريين القدماء وعنده حنين وشوق لمصر الجميلة بتاعة زمان ....

[عادل صموئيل]

اخى العزيز عاصم
اشكرك على المحاضرة الجميلة دى واشكرك انك كتبت اسمى المتواضع فى نفس الورقة اللى كتبت فيها اسماء الناس العظام دول كلهم واللى انا بحاول اعمله انى بحاول اخلى المد بتاع الناس العظام دول يبقى ويفضل زى ما هم مش طلعوا من فراغ ولكن هم امتداد لناس عظام قبلهم من 5000 سنة وهم استلموا الميراث بتاع اجدادهم وكبروه ونموه وزودا الثروة وكان من حسن حظهم او من حسن حظ البشرية ان على ايامهم كان فيه تسجيل وتدوين يعنى حفظ كامل للتراث وده مع الاسف ماتوفرش طول القرون الماضية غير فى القرن العشرين , يعن مثلا الموسيقى المصرية كانت ايه من 2000 سنة ماحدش يعرف بالتحديد لأن ماكانش لا فيه لا تسجيل صوتى ولا تدوين , كانت بتتناقل ووتوارث عن طريق الحفظ والتلقين والطريقة دى خطيرة جدا لأن مع التناقل ممكن تنقص حتة او تزيد حتة , ولكن المسيقيين العظام اللى قبل حتى ولادة عبد الوهاب حاولوا يجمعوا كل اللى قدروا عليه وبعدين جه واحد عظيم جدا ( وكان صديقى جدا ) اسمه عبد الحليم نويرة كانت خطة حياته هى محاولة جمع التراث وتقنينه يعنى ضبطه علمياً بدون ان يفسد وكان من فضل ربنا على الفن ان الراجل ده كان واصل يعنى الحكومة ساعدته وانشأ فرقى الموسيقى العربية اللى كان لها افضل الأثر على استمرار اااالقوالب الموسيقية اللى كان ممكن تنقرض واهم شىء عمله الراجل العظيم ده انه قرب القوالب الموسيقية التى من الممكن ان تكون صعبة او غير مستساغة لجيل الخمسينيات والستينيات بعد ما سمعوا عبد الحليم وام كلثوم يعنى بعد ما الموسيقى تطورت شوية وبقت اسرع يعنى الدور كان ايام محمد عثمان فى العشرينيات بيتغنى فى ساعة مع انه بالضبط كان لا يزيد عن خمس ابيات شعر , ووصلت ام كلثوم انها فى الساعة بتغنى قصيدة 30 بيت فيها 500 جملة موسيقية مثلا , هنا جاء العظيم نويرة وضغط الدور فى عشر دقائق مع الإحتفاظ بكل رونقه وجمالة ولكن بطريقة تشبع العصر , وجه عبد الوهاب وطور كل شىء حتى طور غناء ام كلثوم , يعنى سنة 1960 كان جمهور حفلات ام كلثوم كلهم فوق الاربعين يعنى اللى متعودين على قصائد رياض السنباطى
جاء المبدع عبد الوهاب واعطى ام كلثوم دم جديد وشباب جديد , خلى جمهور حفلات ام كلثوم كل الاعمار ولما الشباب اللى متعود يسمع عبد الحليم وشادية حس ان ام كلثوم بقت بتغنى اغانى شبابية واقبلوا عليها ابتدوا كمان يحبوا قصائد رياض السنباطى مرة فى احدى حفلات ام كلثوم كان زميلى واستتاذى فى الكلية الاستاذ محمد نصر الدين وهو رابع كمنجة فى فرقة ام كلثوم شفنا عدد كبير جدا من الآنسات الحلوين قال لى فى ودنى الحاجات الحلوة دى ما شفناهاش فى حقلات ام كلثوم إلا بعد الحان عبد الوهاب قبل كده كان كل الستات عواجيز , النهاردة مع الأسف كل واحد بيبحاول يطور الموسيقى بيفسدها ويخربها اكتر ما هى خربانة وانا حسيت انهم مش عايزين يطوروا لكن لما أفلسوا وما لقوش الحان ابتدوا يخربوا فى التراث , يعنى انا بمجهودى المتواضح بحاول انقذ ما يمكن إنقاذه وهو انى جمعت كل خبراتى والمدارس الكتير اللى اتعلمت منها واخترعت مدرسة جديدة وهى تبسيط النوتة الموسيقية بالذات للهواة والمبتدئين بحيث ان النوتة الصعبة اللى مش ممكن يعزفها غير المحترفين ممكن يعزفها ملايين الهواة واقول لكم على سر الاغانى اللى بكتبها ما تفرقش مع المحترفين لأن كل همهم الفلوس يعنى بيبحثوا عن الشغل فى الاغانى الجديدة لكن المستفيد الاول من النوت بتاعتى الهواة وهم امتداد بقاء زمن الفن الجميل , وعجبنى كلماتك عن النيل يعنى بحكم ان اختى الدكتورة امال صموئيل من كبار علماء الآثار وانا بكتب لها كل شغلها على الكمبيوتر اتعلمت كتير عن الحضارة الفرعونية وكان اهم شىء عند جدودنا القدماء النيل وكان تلويث النيل ده من اكبر الكبار اللى تخلى الواحد يخش النار ومع الأسف النهاردة كل واحد عايز يتخلص من اى حاجة بيرميها فى النيل مرة فى التليفزيون شفت مصنهع بيخلرج مخلفات سامة وعامل ماسورة بتصرف المخلفات فى النيل طول النهار تخيل ماسورة بيتنزل مادة سائلة سامة لونها زى اللبن وبتنزل كل يوم مواد سامة فى النيل يعنى انا بستغرب الناس الملايين اللى بتمر عليهم المياه دى عايشين لسه ازاى لأن الكلور اللى بتحطه شركة المياه لتطهير المياه من بعض الميكروبات البيسطة مش السموم الكتير حتى الكلور لو زاد عن حده بيبقى ضار بالصحة , فيه كمان حاجة انا بحس انها مخجلة بس مضطر اقولها خلال السنوات من 1930 لحد 1980 كان المشاهير اللى بتتكلم عنهم الناس مين ؟
يعنى ناس عظام واوسمة على صفحات التاريخ , النهاردة المشاهير هم الحرامية واصحاب الفضائح يعنى الصور المشرقة اللى زى زويل حاجة نادرة جدا وحتى بتتوه اخباره وسط القصص المقرفة زى واحد ملياردير بعد مايصرف عشرات الملايين على مطربة درجة تالتة بعدين يتهم فى قتلها وتحس ان الجميع عايز يطلعه براءة , او ملياردير عنده مش اقل من خمسين مليار ولسه بيقاتل عشان يمتص قوت الجياع حاجات غريبة وكفاية كده
مع اطيب تحياتى

[عادل صموئيل]

اقدم لأخى العزيز نور الصباح نوتة
زى نور الشمس
مع اطيب تحياتى

[عادل صموئيل]

احبائى
اقدم لكن اليوم نوتة لحن من احلى الاغانى العاطفية واكثرها مشاعراً
اغنية
حنين
لوردة , هذا اللحن مع انه مظلوم لأنه كان فى احد الافلام والاذاعة لاتذيعه كثيراً , ولكنه لحن يوقظ المشاعر , انا عزفته مع وردة فى التسجيل من حرارة اللحن كانت تغنى وهى تبكى , وهنا احب اذكر ان كل مطرب له عصر ذهبى , وكان العصر الذهبى لوردة ايام كانت متزوجة بليغ حمدى , يعنى كان يلحن لها لحنا رائعاً كل اسبوعين , يعنى كان فيه دويتات رائعة فى الفن الجميل زى شادية ومنير مراد وليلى مراد واحمد صدقى مثلاً , وكلمة دويتو يعنى ملحن يعمل لحن ومطربة ثم تتكرر التجربة بعد ذلك عشرات المرات وجمال الالحان يزداد , ( لأن كتير ايضا حصل ان ملحن ومطرب يستمرا معا ولكن الالحان الاخيرة اقل من الاولى ) , وانا كعادى او اساس خبراتى النظرة الشمولية يعنى انظر الى الصورة من كل الزوايا واحيانا افكر فى الخلفية التى قد لا تبدو واضحة او لا تسلط عليها الأضواء
انا اشكر الأخت العزيزة ياسمين الشام لأنها طلبت هذه الأغنية ونزلت التسجيل لأنى كنت اتمنى ان ادون هذا اللحن الجميل , واتمنى ان تسمعوا هذا التسحيل غير غناء وردة ركزوا جيدا على الكورس او الكورال , تجدوا درجة عالية جدا من السلطنة غيير مسبوقة من قبل , يعنوا تحسوا فى ادائهم بفرديات مطربين كبار مش مرددين وراء مطرب , واذكر من هؤلاء السيدات اسماء : بوسى وكيتى وانشراح على سبيل المثال , ولما اتكلم عن بوسى اسمها الاصلى بثينة عبد الغنى السيد ( وطبعا مفيش اتنين عبد الغنى السيد ) , وكيتى دى كانت من مجموعة كبيرة من الأجانب فى مصر كانت تعيش بكثافة وتداخلت مع المصريين حتى اصبحوا مصريين وكانوا خبيط من الجنسيت يعنى يونانيين وايطاليين وارمن وروس ابيض وعدد كبير من اهل الشام , وكان الكثير منهم بيعملوا فى مجال الفن ومن اشهرهم الراقصة كيتى وكاميليا , ومن اشهرهم ايضا الكومبارس والراقصات فى افلام ليلة مراد , يعنى لما تشوف الافلام القديمة كان الراقصات نوعين , يعنى تشوف امامك خمسين راقصة لو بيرقصوا شرقى بيبقوا عوالم لكن اللى بيعملوا او بيشتركوا فى الاستعراضات تلاحظ ان معظمهم اجانب يعنى البياض والعيون الخضراء , وبوسى وكيتى وانشراح دول اشتركوا فى معظم الاغانى يعنى من ضمنها عاشق الروح وطوف وشوف وشوف بقى , اقول ايضاً على سر نميس كان الكورال بيحبوا بليغ حمدى لنه كان اكتر واحد بيشغلهم يعنى من النادر ان تخلوا اغنية لبليغ بدون كورال بعكس الآخرين
المهم اتمنى ان تسعدوا بالأغنيية واكرر شكرى للأخت العزيزة ياسمين الشام لأنها اختارت لى ولكم هذا اللحن الرائع
مع اطيب تحياتى

[Anitta]

احب تقديم نوتة حلوة يا بلدى لمن يحتاجها لانها حلوة وارجو مراجعتها

[عادل صموئيل]

احبائى
اقدم لكم بناء على طلب الاخ العزيز عزت شحاته اغنية وطنية من العيار التقيل جداً جدا
مصر التى فى خاطرى
طبعا انا اللحن ده عزفته مليون مرة بس لما كتبته لقيته اصعب من ما كنت متخيل , ممكن عشان انا شاطر شوية فى العزف بيطلع من غير ما افكر لكن فى التدوين لابد ان ادقق اوى واكتشفت حاجات كتير فيه
فيه ملحوظات مهمة جدا لأنى كنت فى حفلات كتير تبع وزارة التربية والتعليم بس شفت مشاكل كتير واخطاء خطيرة احيانا اتمنى ( اولاد عادل صموئيل ) ما يعملوهاش
اول شىء عند بداية الغناء ( مصر التى فى خاطرى ) كانت من التلامذة بتطلع مايعة لأن لو ايقاعها تافى تافى يعنى كروش منقوط ودوبل كروش , عايزكم تدققوا فى تفاعيل ام كلثوم تلاقها مش بتقول التافى محددة يعنى مرة كده ومرة كروش وسكتة دوبل كروش ودوبل كروش , يعنى انا كتبت كده بس ما حبيتش اتفزلك عشان تبقى سهلة عليكم قى التنفيذ
يعنى انت اولا احفظ النغمات كويس واحفظ التقطيع بتاع ام كلثوم يعنى مصر التى فى خاطرى مش غنائية مدلعة عاطفية ولكن عسكرية شوية . واخطر واسوأ عيب بيحصل البريكات اللى فى الكوبليهات لما بيقف الإيقاع يعنى المدرس بيبقى مش فاهم البريك اد ايه والتلميذ مش فاهم حاجة طبعا والبريك بيطول والتلميذ عمره ما بيركب صح على الإيقاع لما يدخل تانى وبتحصل لخبطة واطباق بتتكسر وحاجات كده , فى الاماكن اللى فيها البريك انا كاتبها على الرتم مش عامل بريك لأنها مضبوطة يعنى ما تعملش بريك اابدأ اللحن ماشى زى الفل , وبعدين البريك اللى عملته ام كلثوم لما دخلت على الرتم هى نفسها دخلت دخلة انا ماعجبتنيش يعنى زى ما تركب القطار بعد ما يكون سرعته زادت ومالهاش داعى طبعاً , مع اطيب تحياتى واتمنى تكون رسالتى وصلت عادل صموئيل

[عادل صموئيل]

احبائى
اقدم لتلميذتى المجتهدة انيتا
الجمل الموسيقية الثلاثة الأساسية من موسيقى قضية عم احمد لعمر خيرت
يعنى انا مش بحب اكتب النوع الحديث من الموسيقى لأنى بحس انها تتسمع بس لأن التوزيع بيغطى على اللحن الأساسى اولا وثانياً انك انت بتبقى سامع عشر اصوات وانت بتعزف آلة واحدة فى نفس الوقت يعنى بتعزف صوت واحد منهم واللى بيسمع بيحس اللحن فاضى من غير الزحمة اللى فيه بعكس مثلا لما تعزف اغنية من بتوع زمان ممكن بآلة واحدة تعزف اللحن كله وبتكون مشبع للسامع
وفيه مشكلة خطيرة فى الموسيقى والاغانى الحديثة , فى الأغانى بتاعة الزمن الجميل انا كمدون موسيقى محترف المفروض لما بسمع اللحن اهم شىء اللحن يكون صريح يعنى ايه صريح : يعنى من اول جملة انا لازم احس ان الللحن بياتى او نهاوند مثلا وبسرعة انا لازم احس ان الميزان 4/4 مثلا لأن اول شىء انا بكتب الاميزان والدليل
بعدين الصراحة فى اللحن ان طول ما انا بسمع ابقى سامع ان النغمة دى مى بيمول او سى ناتورال بما لايدع مجال للشك عشان اكتب وانا مستريح , لن الراحة هنا معناها انى اقعد نص ساعة اكتب كوبليه او مثلا صفحة ونص , اما الموسيقى الحديثة والاغانى الحديثة بيبقى اللحن مش صريح يعنى بيراوغ , هنا فى السطر الثالث الجملة بتاعة القانون
هى المفروض انها جملة سهلة جدا جدا لكن هو مشخلعها الشغلعة اللى فيها دى طلعت روحى بس لازم اكتبها لن اللحن كده يعنى ماينفعش اكتبها سادة من غير الشخلعة لأن الناس سمعوها كده , المشكلة اى سامع سى بيمول مثلا اكتبها انتم عارفين ان الكمبيوتر ممن بعد ما اكتب كل مازورة بضغط على المسطرة اسمع المازورة , طبعا بيساعدنى كتير جدا جدا فى الألحان الغربية ( او اللى مافيهاش نغمات شرقية لأن الكمبيوتر مش بيغنى النغمة الشرقية وبعتمد على عينى اكتر انى اراجع النوتة ) المهم ان الكمبيوتر بيغنى اللى انا كتبته اسمع الاقى حاجة تانى ارجع للتسجيل الاقيها سى بيمول ارجع للى كتبته الاقى مش مظبوط , طبعا مفيش عفريت ولا حد عامل لى عمل ومخبيه فى صباع رجل نملة , ولكن عدم الصراحة فى التوزيع الحديث يعنى النغمة الأصلية سى بيمول بجد بيحط تحتها كذا نغمة بتخلى النغمة مش صريحة زى مثلاً فى الألوان فيه لون احمر لو جه عليه ابيض بيبقى بمبى , او ازرق على اصفر يبقى اخضر , المشكلة لو اللون التانى يبقى مش كفاية بيطلع الوان غريبة مالهاش اسم يعنى بتسمع مثلا فستقى او فحلقى او تركواز او شانجاه
دى ممكن تبقى حلوة لما تشترى بلوزة صوف مستورد شيك يعنى ممكن تبقى اناقة , لكن فى الموسيقى انك تشك النغمة دى ايه دى مصيبة يعنى بتطلع جيل اذنه الموسيقية تالفة , يعنى انا شخصيا زمان من 35 سنة سنة كان بيجى لى طالب يقول انا بغنى يا استاذ ممكن تسمعنى الاقيه حلو وفيه كتير حلوين يعنى بيغنى لى حتة عبد الوهاب حتة عبدالحليم وكده ,
طبعا لما بيسمع عبدالوهاب بتبقى النغمات صرريحة يعنى ال سى سى والمى بيمول مى بيمول وبتتربى اذن المستمع على النغمات الصحية , النهاردة لو جه واحد يقول لى نفس الكلام عارفين طبعا حا يغنى لى ايه حاجة لتامر دياب او عمروحسنى ( الأسامى مش تفرق لأن كلهم زى بعض بيتساووا فى الخيابة وماحدش منهم عمل حاجة بقرش يفتكروه بيها بعد ما يموت زى اقل مطرب زمان ) طبعا اللى بيغنى اغنية لتامر طبعا تامر دى بيقول اصلا ال لا بيمول خاسسة يعنى نغماته اصلا مش مضبوطة طبعا اللى حايقلده حا تنقص كمان يعنى بيعلموا الشباب الخيابة بعكس العمالقة كانوا بيعلموا الناس فن , كفاية عليكم كده فاصل ونعود
مع اطيب تحياتى

[عادل صموئيل]

اخوتى الأحباء
بناء على طلب الأخت الفاضلة غادة عبد الرحيم اقدم لكم نوتة من اروع اناشيد محمد عبد الوهاب الوطنية
طول ما املى معايا او ( حى على الفلاح )
وانا اكرر تقديرى للمدرسين اللى بيطلبوا الحاجات الجميلة والصعبة دى عشان ينفذوها فى مدارسهم لأنها اولا احياء لأغانى الزمن الجميل التى لن تعوض وثانياً عشان الطلبة ( اللى حايغنوا او يعزفوا او حتى اللى حايسمعوا ) يحسوا ان فيه كنوز عندنا المفروض يسمعوها ويحسوا بيها وان مش الدنيا كلها هى الأغانى اللى بتتعمل دلوقتى
ولما نتكلم عن النشيد ده نلاحظ ان كل عمل عظيم مكن نتكلم عنه كتير او ممكن يكون له قصة , يعنى العمل ده مش لحن طلع وخلاص يعنى الحان دلوقتى واحد كتب كلمات اى حاجة وواحد لحنها اى حاجة واتسجلت وخلصت , انا شخصيا حضرت كل الاعمال العظيمة اللى اتعملت من اول سنة 1970 , لكن زملائى فى الفرقة المسية واللى كانوا اكبر منى بتلاتين سنة حضروا كل الاعمال اللى قبل كده وكنت بقعد معاهم اخليهم يسترجعوا الذكريات ويحكوا لى القصص الغريبة اللى مرت عليهم , وكمان تعاملى المباشر مع كل الملحنين العمالقة خلانى ممكن استكشف قصة لحن او الشىء الغريب اللى فيه بمجرد ما اسمعه , واللحن ده انا من السمع بس اكتشفت الإعجاز اللى فيه , يعنى عبد الوهاب كان مش بيلحن وخلاص ولكن لازم يبتكر فكرة غريبة وجديدة ويحطها فى كل لحن , والفكرة الغريبة هنا او الصاعقة انه فكر يختار مقام الصبا ويحطه فى نشيد وطنى وايه كمان نشيد حماسى , يعنى حاجة فوق التخيل لسبب ان مقام الصبا مقام اكتر مقام حزين فى الموسيقى العربية , بمعنى لو عايز المستمع يبكى قسم له شوية صبا , وتانى فكرة عبقرية فكر فيها انه ما استعملش المقام فى مكانه الطبيعى على الدوكاه لأنه هنا حايكون حزين اوى بطبيعته , وضع مقام الصبا على النواة عشان يبقى حارق , يعنى الشىء الحزين حط عليه شوية شطة عشان ما يفقدش الطابع بتاع النشيد انه حماسى ,
ولما تسمع اللحن انا اكتشفت حاجة الكورال نكهتهم مش نكهة كورالنا فى مصر ( واللى كنت بشوفهم واسمعهم كل يوم وحافظهم وحافظ صوتهم واحد واحد , لما تسمع الكورال افتكرت اغنية فيروز وصوت الرجال وهو بيردوا عليها فى اغنية راجعين ياهوا , وقلت آه هم دول بتوع فيروز , واكتشفت مع نفسى ان الاغنية دى متسجلة فى لبنان على فرقة فيروز وبالطبع التوزيع للأخوين رحبانى من حاجات خفيفة او لمسات فى وسط اللحن ما حدش بيعملها غير الأخوين رحبانى كان اكتشفت وسط اللحن كام دوم وكام تك ودول ما حدش بيعملهم غير حسن انور فقط , اكتشفت انه ممكن يكون استدعى حسن انور لبنان عشان يسجل معاه اللحن , يعنى مش كولمبس بس اللى بيكتشف , ولما الكورال بيعيد جملته فيه آهات ودى نكهة لبنانية خالص تحس الجزء ده من الحنجرة الصوتية مش بنستعمله ف مصر تحس فيه نكهة اشجار الأرز ورائحة حقول التفاح بتاعة لبنان
اهمشىء لما نيجى للنوتة اول سطر ده اللحن الأساسى وتانى سطر ده التوزيع اللى عليه , يعنى انت لما تنفذ اللحن ممكن تعزف اول سطر وتحط معاه التوزيع لو توافر لك آلات مع بعض ولكن لو على آلة واحدة انت ممكن تعزف السطرين ورابعض لأن التوزيع جملة جميلة جدا انا بحب اعزفها لوحدها , وده درس خطير خطير للى بيعكوا اليومين دول ويقولوا توزيع وهو بيلطسوا الألحان , يعنى التوزيع لازم يكون جملة لحنية جميلة مش نغمات ورا بعض لا لحن او شكل لها , وكمان شوف التوزيع اد ايه يعنى فى جزء صغير من اللحن مش ما اول اللاحن لآخره لنك حاتشتت المستمع عن الجمل الأصلية الجميلة جدا لو حدها من غير اى شىء معاها و يوجد فى رابع سطر تالت مازورة جملة صغيرة ديول العلامات من تحت , ده توزيع على غناء الكورال , انت مش ملزم تعزفه إلا لو عندك كورال شاطر ما يتلخبطش لما يسمع حاجة غريبة وهو بيغنى , وعموما انا ما احبش اقفل على المواضيع , يعنى بعد ما كورالك يحفظ اوى جرب تعزف الجملة دى لو ما اتلخبطوش اعمل اللى تشوفه ,
طبعا انا آسف للإطالة يعنى انا مش قلت تنويه عن اللحن ولكن قلت محاضرة لكن بجد اللحن الواحد بيحتاج الواحد يكتب عنه كتاب مش كده ولا ايه ؟
مع اطيب تحياتى وورونى شطارتكم عشان افرح بيكم

[sami_eleshmawi]

تزداد قيمه الانسان بمدى اهتمامه بالاخرين
لذا اتقدم باحترامى وتقديرى لكل المشاركين بالمنتدى خاصه الاستاذ عادل
واتشرف بتقديم مشاركه متواضعه من تدوينى اتمنى ان تنال الاعجاب مع حبى واحترامى
سامى

[sami_eleshmawi]

[تزداد قيمه الانسانبمدى اهتمامه بالاخرين
لذا اتقدم باحترامى وتقديرى لكل المشاركين بالمنتدى خاصه الاستاذ عادل
واتشرف بتقديم مشاركه متواضعه من تدوينى اتمنى ان تنال الاعجاب مع حبى واحترامى
سامى

[sami_eleshmawi]

تزداد قيمه الانسانبمدى اهتمامه بالاخرين
لذا اتقدم باحترامى وتقديرى لكل المشاركين بالمنتدى خاصه الاستاذ عادل
واتشرف بتقديم مشاركه متواضعه من تدوينى اتمنى ان تنال الاعجاب مع حبى واحترامى
سامى

[sami_eleshmawi]

مع مرور الوقت يزداد حبى وتقديرى للاستاذ عادل وذلك لحبه الشديد لمساعده الاخرين وذلك يدل على معدنه النفيس
ويشرفنى المشاركه المتواضعه علها تنال اعجاب الجميع وايفاءا لوعدنا جاه الاساذ ارمندو
اقدم بعض الاهداءات له
مع حبى وتقديرى
سامى العشماوى

[sami_eleshmawi]

مع مرور الوقت يزداد حبى وتقديرى للاستاذ عادل وذلك لحبه الشديد لمساعده الاخرين وذلك يدل على معدنه النفيس
ويشرفنى المشاركه المتواضعه علها تنال اعجاب الجميع وايفاءا لوعدنا جاه الاساذ ارمندو
اقدم بعض الاهداءات له
مع حبى وتقديرى
سامى العشماوى

[sami_eleshmawi]

[مع مرور الوقت يزداد حبى وتقديرى للاستاذ عادل وذلك لحبه الشديد لمساعده الاخرين وذلك يدل على معدنه النفيس
ويشرفنى المشاركه المتواضعه علها تنال اعجاب الجميع وايفاءا لوعدنا جاه الاساذ ارمندو
اقدم بعض الاهداءات له
مع حبى وتقديرى
سامى العشماوى

[sami_eleshmawi]

مع مرور الوقت يزداد حبى وتقديرى للاستاذ عادل وذلك لحبه الشديد لمساعده الاخرين وذلك يدل على معدنه النفيس
ويشرفنى المشاركه المتواضعه علها تنال اعجاب الجميع وايفاءا لوعدنا تجاه الاستاذ ارمندو
اقدم بعض الاهداءات له
مع حبى وتقديرى
سامى العشماوى

[sami_eleshmawi]

مع مرور الوقت يزداد حبى وتقديرى للاستاذ عادل وذلك لحبه الشديد لمساعده الاخرين وذلك يدل على معدنه النفيس
ويشرفنى المشاركه المتواضعه علها تنال اعجاب الجميع وايفاءا لوعدنا تجاه الاستاذ ارمندو
اقدم بعض الاهداءات له
مع حبى وتقديرى
سامى العشماوى

[sami_eleshmawi]

مع مرور الوقت يزداد حبى وتقديرى للاستاذ عادل وذلك لحبه الشديد لمساعده الاخرين وذلك يدل على معدنه النفيس
ويشرفنى المشاركه المتواضعه علها تنال اعجاب الجميع وايفاءا لوعدنا جاه الاساذ ارمندو
اقدم بعض الاهداءات له
مع حبى وتقديرى
سامى العشماوى

[وائل علوي]

انا عندى نوتة فكرونى كاملة ان شاء الله . حد عاوزها ؟ بدل ما الاستاذ عادل يكتبها من اول وجديد ؟
الأخ العزيز
ممكن تنزل النوتة دى بأقصى سرعة عشان نشوفها , لو تعجب الأخوة الأعضاء
مع اطيب تحياتى عادل صموئيل
احتمال تكون النوتة التي يقصدها الاخ سامي هي هذه
لكنها ليست كاملة يبقى بها اجزاء ناقصة
اخوتى الأحباء
انا بحب آخد بكلام اخى العزيز وائل لسبب مهم انه اولا بيقرأ نوتة كويس وثانيا انه بعزف سماعى يعنى كتير بكون ناسى جملة وهو بيفكرنى بيها وانا اضيفها
يعنى الأخ وائل لو قال ان النوتة دى تكفى خلاص ولكن لو قال انى لازم اكتبها للمصلحة العامة حاكتبها
بس انا شفت اول 3 اسطر حسيت ان الجزء اللى انا كتبته احسن كتير يعنى انا كتبت صولو القانون وهو مش تقاسيم ده صولو ولازم للأمانة التاريخية يتكتب , بمعنى كلمة تقاسبم يعنى انت ممكن تعزف حاجة تانية من عندك لكن صولو يبقى لازم تلتزم انك تقوله زى ما قاله محمد عبده صالح حرفيا وإلا ضاعت قيمة الأغنية كمان ام كلثوم كل الأدليب كان متلحن كده يعنى مش موال ولازم يتكتب
مع اطيب تحياتى عادل صموئيل

[الشرقاوي3]

السلام عليكم استاذي عادل صموئيل تحية من الاعماق استاذي واسمح لي بعد اذنك توجهني ، انا حاولت في اغنية الفنانة الراحلة فايزه رحمها الله في اغنية " يامه الامر ع الباب" واتمنى اكون وفقت وطبعا انت استاذي لك الكلمة الاولى والاخيرة واتمنى اكون ماشي صح ، طبعا انا حاولت بالمقدمة وهي جملة صغيرة وانتظر تتفضل برايك وشرحك الذي يتميز بالسهل الممتنع الجميل . وانا حقيقة بحسد تلاميذك عشان انت الي بدرسهم ،
انا سمعتها هكذا استاذي: سي سي سي دو دو دو ري ري ري مي مي مي دو دو سي سي سي دو ري ري ري مي.
طبعا استاذي سي و مي نصف بيمول - و ري مي الاخيرة من الجواب.
انا طبعا استاذي انتظر رايك بعد اذنك واتسائل هل هذا كل ماتحتاجه مؤقتا واقصد بذلك هل الجملة كافية ام تريد اكثر من ذلك. ولك مني فائق الاخترام والتقدير وربنا يسعدك زي ماانت بتسعدنا دائما.
تلميذك الشرقاوي3

اخى العزيز
مع انى مش بحب انوتة بالحروف العربية بس فيه عندك غلط
هى سى سى س دودو دو س سى سى صول وهكذا
يعنى العملية ان شاء الله حاتيجى مش مهم الوقت
مع اطيب تحياتى

استاذ عادل مشكور جدا جدا على الاستجابة السريعة كعادتك وربنا يزيدك نشاط اكثر واكثر.
استاذي الغالي : اولا انا زيك مش بحب النوتة الحروف بس اعمل ايه انا لسة ماتعلمت اي البرامج الي تنوت وقلت دي مرحلة ثانية انشاءالله وانا عارف ان عندك موضوع يتناول برنامج انكور ، بس انا عاوز احمل لك الملف الصوتي الي انا جربت منه الجملة او الحروف الي كتبتها وهي الجملة الاولى خالص قبل الغناء بس على الله يتحمل عشان انا من مبارح بحاول احملة مش عايز معرفشي ليه ، ومنتظر منك بعد اذنك تلقي نظرة ثانية عليها وتقولي اكمل او لا وياريت استاذ عادل ماتبخلشي عليه بشرحك وتتكلم اكثر عشان انت عارف الي بتقولو انت بيكون موجود لاي حد عايز يستفيد منه في المستقبل ايضا وانا بشكرك مرة اخرى على صبرك ومتابعتك لكل الاعضاء وربنا يحفظك يارب.
تلميذك الشرقاوي
اخى العزيز
انا دونت لك اول جملة من اللحن وانت كملها
لكن التسجيل المرفق تلقص جزء من الاغنية من البداية مع اطيب تحياتى
عادل صموئيل

[عادل صموئيل]

احبائى
اقدم لكم نوتة
حلاوة شمسنا
انا اللحن ده فيه عندى تحفظ عليه يعنى انا بحس ان على اسماعيل ألف االلحن فى سنة وفى سنة تانية عمل المقدمة , يعنى كل ما اسمعه احس ان البنات اللى بيقولوا حلاوة شمسنا بيدخلوا من سكة بعيدة جدا عن السلطنة والتحضير اللى بتعمله المقدمة الموسيقية بعدين قبل الغنا بمازورتين عمل تحويلة غريبة استغرقت منى وقت عشان انا افهمها واكتبها
ومن الملحوظات فى هذا اللحن انك بتسمع المطرب الأساى فيه 3 بنات بيرد عليهم الكورال , وال 3 بنات دول كان اسمهم الثلاثى المرح , كان 3 آنسات بيغنوا فقرة لوحدهم فى كل حفلات اضواء المدينة فى وقت كانت اضواء المدينة الحفلة بتضم جميع النجوم يعنى تلاقى فقرة لوردة وفقرة لفايزة وفقرة لنجاة وفقرة لبد الحليم وفقرة ل لبلبة كمنولوجست وفقرة للثلاثى المرح هذا , وهى ظاهرة لم تتكرر انك تلاقى 3 بنات مع بعض صوتهم منسجم ومتوافق للدرجة المذهلة دى وبيعطوك انطباعين عكس بعض , يعنى دائما لما 3 يغنوا مع بعض تلاقى المسموع صوت واحد لكن ال 3 بنات دول كان كل واحدة فيهم لها نكهة او نبرة فى صوتها مختلفة عن التانية وسبحان اللاه تسمع بينهم هارمونى او تجانس غريب , وتحسه هنا فى الاغنية دى الفرق بينهم وبين صوت الكورال اللى بيرد عليهم , ووجودهم وانتشارهم الكبير فى ايام الزمن الجميل خلق نوع جديد من الغناء غير المطرب الفردى والدويتو , نوع ثلاثى , جعل المؤلفين يستغلوهم ويعملوا لهم اغانى مخصوص الموضوع انه بتغنيه 3 بنات منها مثلا اغنية ل 3 بنات عايزين مواصفات فى العرسان وغيره , وكان اسمهم صفاء وسناء وسهام , والجدير بالذكر ان حمد فؤاد حسن تزوج نجوى فؤاد لمدة قصيرة بعدين اتطلقوا وهو تزوج سهام دى وعاشت معاه طول عمره وانجب منها اولاده خالد وعبير , واحمد فؤاد حسن له مقطوعة موسيقية اسمها عبير كان عملها هدية لعبير بنته , واعتقد انه سمى ابنه خالد إما تبركا بعدب الناصر الذى كان يسمى ابو خالد , او عشان يبقى الأسم خالد احمد فؤاد حسن ( يعنى ان احمد فؤاد حسن خالد للأبد ) مش عارف
مع اطيب تحياتى

[sami_eleshmawi]

اشكرك على تقديرك الغالى استاذ احمد واهديها لك بكل حب وتقديرى لك وللمنتدى ولاستاذنا الفضيل الاستاذ عادل صمويل

[عادل صموئيل]

احبائى
اقدم لكم اول نشيد من المجموعة الجميلة التى اختارها الأخ العزيز حجازى
انا النيل مقبرة للغزاة
والنشيد ده اتعمل فى مرحلة الحروب فى مصر يعنى تقريباً فترة العدوان الثلاثى , والغناء للوطن ينقسم الى عدة مصنفات , ( طبعا دلوقتى ماحدش بيعرف الكلام ده ) اول حاجة الأناشيد الحماسية ودى كانت لإشعال الروح الوطنية ساعة الحروب , وساعة الحروب بيبقى البلد فيها جيشين الجيش الأول اللى على الجبهة والجيش الثانى الشعب فى الداخل اللى بيؤازر الجيش ويدفعه للنصر , كانت الأناشيد الحماسية دى زى النار اللى بتشعل الحماس يعنى كانت بتتذاع للجنود تلاقى العسكرى لو قدامه طابور دبابات , المعروف من خبرتى العسكرية عايز تعطل طابور دبابات عطل اول واحدة , لأن باقى الدبابات عشان تعمل طابور تانى وتستأنف السير حاتاخد وقت , كان العسكرى المصرى اول ما يسمع الأناشيد دى كان بيلغم نفسه ويرمى نفسه على اول دبابة يفجرها باللى فيها بعدين على ما باقى الدبابات تفوق من الهرج والمرج وتستأنف تكوين طابور جديد يكون زملاء العسكرى الشهيدده وضبوهم يعنى عملوا فيهم اكبر خسائر ممكنة , النشيد ده بيفكرنى بأيام انا عشتها بنفسى ( ما شافوهاش الشباب بتاع الأيام دى بتاع تمورة , اللى بياكلوا حلاوة ياكلوا جاتوه ياكلوا كل اللى يحبوه ونسيوا حاجات كتير اهمها حب الوطن , يمكن هم مظلومين عشان مفيش مطرب محترم بيفكرهم بحب الوطن ) , انا كنت ساكن فى عين شمس كان عندى 6 سنوات ايام العدوان الثلاثى فجأة تسمع صفارات الإنذار وكله يطى النور .... وتبتدى الضلمة ... بعدين تسمع اصوات المدافع واصوات الطائرات تعدى قريب منك واحيانا فوق راسك وانت مش عارف الطيارات دى معادية ولا بتاعتنا , لأن الحرب زمان كانت بدائية مكانش فيه زى دلوقتى قواعد صواريخ وخطوط دفاعات جوية متعددة وانذار مبكر يعنى الطيارة المعدية اول ما تطلع من حظيرتها بتكون مرصودة وفيه صاروخ اسمه سام 6 ( ربنا يبارك فيه وفى اولاده اللى بعده ) ده بيطلع يجيب الطيارة من ديلها يعنى اى طيارة معادية نضربها ولما تقع نفرمها ونعملها خواتم ( بجد ) كان زمان فيه ييجى 700 مدفع بدائى اول ما الطيارة تيجى المدافع كلها تبتدى تضرب عليها وطبعا احتمال انها ممكن تعدى اكتر من 90 % لأن الضرب كان على فوق يعنى مش مركز على حاجة محددة بإختصار نحاول نخوفها ويا صابت يا خابت , وتدخل الطيارات المعادية فوق القاهرة والمدن كلها ممكن يضرب يكسر الدنيا وممكن عايز يهزر بسلامته او يخوفنا بس يعنى يقعد رايح جاى بصوت مفزع او يخترق حاجز الصوت , وانوع الثانى من الأناشيد الوطنية الأناشيد اللى تتغنى فى المدارس فى وقت السلم والنوع الثالث الأغانى الوطنية زى مثلا طوف وشوف , والمؤلم والمؤسف ان من اكتر من 20 سنة ما سمعتش نشيد جديد من هذه الانواع , يعنى حتى لو مش حانحارب تانى المطلوب اغانى وطنية ذات قيمة تحسس الشباب يعنى ايه وطن
مع اطيب تحياتى

[عادل صموئيل]

احبائى
اقدم لكم اولا اطيب التهانى بمناسبة عيد الأضحى المبارك اعاده اللاه على الجميع باليمن والبركات
اقدم لكم نوتة اغنية
ولا بنخاف
بناء على طلب الأخ العزيز عزت شحاته
يمكن النوعية دى من الأغانى مش بسمعها اصلا وبالطبع مش بكتبها و وهى بتخرج عن سياسة المنتدى وممكن يرفدونى بعدين حعمل عرية سندويتشات كبدة بس تيجوا برضه لأن اكيد الكبدة اللى حاعملها حتكون حلوة زى النوت بتاعتى
انا اللى خلانى اكتبها حاجتين
الحاجة الأولى ان من اكتر من اسبوعين كل ما انزل اشارع حوالين بيتنا الاقى خرفان , طوفان من الخرفان او ماسورة خرفان ضربت ف الشارع ومش بسمع غير مامأة لدرجة انى خفت على اللغة العربية لا تتنسى بعد العيد , بس لاحظت شجاعة الخرفان يعنى مش خايفين من الجزار وانا اقدم هذه الاغنية ولا بنخاف تحية للخرفان الشجعان الصناديد الأشاوس
والسبب التانى هو انى عايز اتكلم عن الغناء الحديث , يعنى اهم شىء فى الغناء انك بتحتاج تسمع حروف موسيقية سليمة والكلام ده للجميع يعنى خبراء الموسيقى وللمستمعين العاديين والشىء ده بقى مش موجود حديثاً , يعنى انا اول ما المطرب الفقيد ده ابتدى يغنى قال ولا بنحاف اول حرفين دول مش موجودين فى الحروف الموسيقية يعنى مش عارف جابهم منين يعنى ممكن يكون اشتراهم مستعملين من سوق الخميس او لقاهم قى صفيحة قمامة , اضطريت انتظر لحد ما الكورال ردد كلامه وعرفت ان الحرفين دول دو و رى , طبعا كارثة بكل المقاييس يعنى المطرب عشان يبقى مطرب لازم يكون اولا عنده مساحة صوتية من نغمة كذا لنغمة كذا ولازم تكون اكتر من اوكتاف و3 نغمات على الأقل
ولازم تكون النغمات داخل نطاق هذه المساحة الصوتية تكون سليمة 150 % النغمات العادية والبيمول والدييز والأرباع الشرقية بتاعتهم , وهذا شرط محظور التنازل عنه للمطرب اولاً زى ماقلت الموسيقى الخبير لما بيسمع بيحس هنا انه بيغنى نغمات كذا وكذا صراحة , وثانيا للمستمع العادى النغمات الصحيحة بتعمل عنده طرب , والأهم والأخطر ان المطرب الناس بتقلده , والمطرب الفقيد ايضاً الناس بتقلده , لكن المطرب المحترم بيتسبب فى تربية اذن موسيقية عند الناس وبالذات الأطفال , والمطرب الفقيد بيتسبب فى تربية اذن لا تفقه شىء فى الموسيقى او اتلاف آذان كان ممكن تبقى آذان موسيقية , انا لو ليا حكم على البلد دى اعمل قسم جديد فى الشرطة زى ما فيه شرطة كهربا وشرطة آداب اعمل شرطة وجدان وتقبض على كل اللى مش مطرب وبيتطفل على الغناء وياخدوا 45 يوم استمرار اعدام , حاتقول لى الاغنية من فيلم ومعلش عيل وغلط وتعدى وخلاص حقول لك كان زمان فى زمن الفن الجميل حاجة خطيرة اسمها الفرق بين المخرج وبين بتاع البطاطا , يعنى المخرج ده حتى لو درس إخراج فى امريكا لازم يكون متودك فى كل الأعمال المتصلة بالفيلم السينمائى من أدناها الى اقصاها واشتغل فيها بإيده من اول نوع الكاميرا وانواع العدسات اللى بتتغير عليها والحوامل المختلفة اللى بتتحط عليها الكاميرا يعنى فيه قضيب زى قضيب القطار بيتعمل على الأرض وحامل مخصوص ببتتحط عليه الكاميرا عشان تتحرج بإنسياب حركة افقية فى حدود عشر امتار من اليمين الى اليسار , لازم المخرج ده قبل ما يقول آكشن واستوب يكون بيعرب بإيده يركب القضيب ده ازاى , والتسجيل للصوت لازم يكون بيعرف كل حاجة عنه , بإختصار انت لما تشوف اى فيلم وتقرأ التتر كل الوظائف اللى عليه لازم المخرج يكون بيعرفها وبيعملها بنفسه يعنى الطبع والتحميض والمونتاج كل الكلام الكتير اللى بقوله ده الفرق بين المخرج وبين بتاع البطاطا ونأتى لوظيفة خطيرة لازم المخرج ده يكون بيفهم جدا فى الموسيقى والغناء يعنى مش شرط بيعزف ولكن يكون سميع جامد جدا عشان يفرق بين واحد بيغنى وواحد فقيد يعنى , يعنى مثلا اسماعيل ياسين مطرب ومطرب جداً لكن شكله مش عاطفى يعنى ما يقنعكش لما يغنى اسيرالحبايب ياقلبى ياديب , كانوا بيستغلوه ازاى اما فى منولوج او كلام يضحك او كلام يضحك وآخره لست ادرى , او يبتدى ب جئت لا اعلم من اين وبعدين يقول كلام يضحك وعبد الوهاب كان بيحبه وبيموت فيه لأنه بيقدم الاغنية بشكل جميل ومش بيأثر على احترام الأغنية الأصلية , ( بعكس العار اللى بيعملوه فى الاغانى المحترمة دلوقتى ) كمان فيه شىء خطير يعنى واحدة مثلاً زى الفنانة القديرة جدا فاتن حمامة هى فى التمثيل محتاج كتب عشان اوصفها لكن فى الغناء محدودة يعنى مثلا زى اغنية آلو آلو احنا هنا اجادت جدا لأنها فى حدود امكانياتها ولاحظوا هنا شىء خطير جداً اكيد المخرج طلب من الملحن انه يعمل اجزاء شادية بسيطة تبقى زى اجزاء فاتن حمامة بحيث ان المطربة القديرة شادية ما تفتريشعلى فاتن حمامة فى الغنا وتطلع جنبها نملة وده يقلل من فاتن فى الأغنية يعنى تلاحظ العبقرية ان الملحن عمل لهم اللحن متساويين فى القوة , لكن لو فيه فيلم عايزين فى الدور اغنية صعبة لفاتن حمامة ( وى فيلم انا بنت ناس لحسن الإمام ) الحل الصحيح كانوا بيجيبوا مطربة مغمورة وقديرة وتسجل اللحن وفاتن تحرك شفايفها عليه ( تعمل بلاى باك يعنى ) وده شى عادى ومتفق عليه عالمياً لعدم إهانة الفن
مش كده ولا ايه ؟

[وليد100]

السلام عليكم ورحمه الله وبركاته
الاخوه الاعضاء هديه العيد ماينفعش تكون اغنيه لاي ملحن لازم تكون لعبقري الموسيقي العربيه وشيخ الملحنين ومؤسس النغم الاصيل والباقي مابقي الزمن
هيه فزوره؟ طبعا كلكم عرفتوه طبعا .
هو اللي حير قلبي معاه ماهو اصل الحب كده ومين مايعرفش اللي يشجينا انينه مع انه دايما سهران لوحده عشان يخرج لينا القلب يعشق كل جميل والموسيقي والفن بالنسبه له مش اطلال ولو عايش وسطنا دلوقتي هيقول للفن بتاع اليومين دول ياظالمني واروح لمين بس هنرد عليه ونقول افرح ياقلبي عشان وحشتنا وشوفناك مانت عودت عينا علي رؤياك . :emrose:
اتمني للجميع عزف بديع وسعيد

[نور الصباح]

الأصدقاء
حد عنده نوتة "ليه ياقلبى ليه...بتحلفنى ليه"...للموجى وفايزة احمد...وله الأجر والثواب على الله...قول انشاءالله؟؟؟؟؟؟؟

أو "بستانى يابستانى ...يامنوربخللانى"..ل صباح؟؟؟؟
عزيزى الأخ عاصم
ممكن تنزل التسجيلات وربنا يفرجها
مع اطيب تحياتى
***********************************************
علشان عيونك
يــــــــا أسـتاذ عاصـــــــــــــــــــــم المنشـــــــــــــــــاوى
وخلى بالك إمبارح اتصلت عليك علشان أقول لك :
كل عام وأنتم بخير - فلم أجدك بالمنزل ومش عارف إن كانوا بلغوك أو لأ
إليك النوتة الموسيقية لرائعة بليغ حمدى و فايزة أحمد
( ليه يا قلبى ليه )
وبلغ سلامى للأســــــــــــــــــــتاذ الكبير قوى
عـــــــــــــــــــــــــادل بـــــــــــاشـــــــــــــــــــا صموئـــــــــــــيل
وقول له ( ما تطنشبيش دا حرام أنـــا فاض بيا ومليت )
وشكررررررررررررررررررررررررررررررررررررررررررررررا
أخوكــــــم / نور الصباح )

[عادل صموئيل]

احبائى
اقدم لكم اغنية
آه ياعينى ع اللى بيدارى الغرام
اهديها لأخى العزيز نور الصباح
واصبر على باقى الطلبات يعنى باالكتير 7 سنين مش اكتر
وهنا اتكلم عن المطرب ماهر العطار , يعنى هو طلع فى عز زمن الفن الجميل كانت ساعتها المطربين درجات يعنى الدرجة الاولى كانت ام كلثوم وعبد الوهاب ولو حسبتها تلاقى ماهر العطار يأتى فى الدرجة السادسة او السابعة بعدهم ( لأن المقارنة زمنها كانت بتبتدى من عندهم دايما لأنهم كانوا موجودين ) وانا لما بسمع الكائنات اللى عاملين نجوم دلوقتى والله ما فيهم واحد ييجى واحد من 100 فى ماهر العطار هذا

انتظروا غدا مفاجأة من العيار التقيل التقيل جدا 14 صفحة كاملة من الفن

[عادل صموئيل]

أحبائى
والآن مع اللقاء المنتظر
فكرونى
كاملة فى 14 صفحة راعيت فيها كل حرف قالته ام كلثوم

والاغنية دى كانت بعد ماعبد الوهاب اقتحم صرح ام كلثوم عدة مرات ولازم يقدم كل مرة شىء جديد عشان مايبقاش متكرر , من اهم الاشياء صولو الطبلة اللى فى وسط موسيقى الكوبيليه الثانى , والغريب انه عمل صولة طبلة مع ان الطبيعى يعمل 4 موازير ايقاع فى اول الموسيقى , والصولو غريب يعنى تحس فى اوله انه بيحضر لشىء يعنى يديل الاحساس بالترقب بعدين يديك واحدة ونص يعنى لون غريب جدا على ام كلثوم الناس قالت ساعتها ده رقصها , وكانت ام كلثوم محتاجة ده عشان تبقى متجددة , وعشان جذب الشباب اللى كان بيسمع عبد الحليم وشادية
فى الكوبليه الثانى عمل جزء كبير جدا ادليب وهنا اكرر انه ادليب مش ارتجال كما قال احد الاخوة الأعضاء , لأنك لو سمعت عشر حفلات تلاقى الادليب هو هو بالحرف , ونأتى للقفلة خرج عن المعتاد وهو ان تقفل بالمذهب لكن قفل الاغنية بقفلة مسرحية خاصة ولم يغفل طريقته العبقرية بأنه فى اى مقام من المقامات الغربية ان يضع نغمة شرقية قبل القفلة وده شىء بيخلة القفلة تبقى مذهلة
اتمنى ان تسعدوا بها مع اطيب تحياتى

[عادل صموئيل]

http://forum.toleen.com/uploaded1/124846_11211557554.gif (http://forum.toleen.com/)

احبائى
اقدم لكم الكوبليه الاول من فكرونى
وزى ماقلت انا دونتها من فترة بعدين كنت فاكر انى كتبت ااالكوبليه الاول وكملتها
وانا اعتذر عن تقديم الكوبليه منفرد بسما يجراش حاجة يعنى انتم ممكن ترتبوا الصفحات بطريقة تريحكم
المشكلة انى ما اقدرش ادمجها وسط الاغنية لن فيها ادليب كتير جدا والمفروض انى ادمجها فى صفحة رقم خمسة وفيه بعديها عشر صفحات كل الادليب اللى فيهم حايتلخبط بطريقة صعب تصليحه وعلاجها انى امسح كل الصفحات واعيد كتابتها تانى ودول عشر صفحات يعنى حياخدوا وقت كبير جدا اكون دونت فيه كذا حاجة
واساس المشكلة ان البرامج الموسيقية غربية اصلا يعنى فى الغربى ممكن تزود اى عدد من الموازير او الصفحات فى اى مكان لكن لما بنعمل ادليب هنا انا تحايلت على طبيعة البرنامج واى تعديل ممكن يحصل بعد الادليب لكن قبل الادليب انتم عارفين ان اى إضافة فى اى برنامج كمبيوتر زى الوورد اوفيس مثلا الإضافة بتعمل إزاحة , يعنى بتحرك اللى مكتوب بعدها لكن طالما المكتوب بعدها ده من طبيعة الرنامج اعمل تعديل زى ما انت عايز , لكن لو انت عامل حاجة مخالفة لطبيعة البرنامج , البرنامج مش حايستوعبها وحاتحصل لخبطة
وانا آسف مرة تانية , بس بينى وبينكم انا مش متضايق لن الأخطاء كلها مش موسيقية يعنى لو خطأ فى التدوين او كده انا اعنزل احسن
مع اطيب تحياتى

http://www.b66q.net/FF/3.gif (http://www.brrq.net/)

[hegazy]

هاهى انساك
دونت من قبل استازنا الكبير عادل

[عاصم المنشاوى]

الأستاذ/ على ثلاثة
ياسيدى انا تحت أمرك ..
الأستاذ/هيثم الصالحى
انت اللى جميل ياجميل
الأستاذ/أحمد "نور الصباح"
فى اتصال تليفونى بينى وبين الأستاذ/ سامى العشماوى ....وعدنى بتنزيل نوتة "مش هاين أودعك"لبليغ ونجاة ...ولكن على آخر الأسبوع بسبب مشغولياته فى الشغل ...وكان هناك اتفاقا مبدئيا بيننا على ان يبدأ بتنويت اغانى نجاة بألحان بليغ فى المرحلة السنباطية قبل اكتشاف ذاته وانطلاق ألحانه ببصماته المعروفة ...من ألحان بليغ لنجاة فى تلك المرحلة( وحتسافر وح تسيبنى هنا للشوق- مسير الشمس من تانى تنور فوق سنين عمرى - قبل هواك مايعدى عليا- فكر ياحبيبى - الا بغير أيوة بغير- صحيح صعبان عليك حالى -فكر ياحبيبى)....نتمنى ان يجد الوقت لتنويته .....
الأستاذ/ عمرو "وائل علوى"
والله العظيم عندى نوتة "أفرح ياقلبى" وبقالى أسبوع عمال انزل فيها وتفشل وأخيرا الحمد لله نجحت...أفرح ياعمنا

[عادل صموئيل]

http://smiles.al-wed.com/smiles/13/flowers_221.gif
احبائى
اقدم لكم تحفة من احلى التحف واروع التحف

اغدا القاك

والأغنية دى انا اعتبرها اصعب اغانى ام كلثوم على الإطلاق لأن عبد الوهاب كان وصل مع ام كلثوم الى مرحلة انه ممكن يطور زى ماهو عايز من غير اى اعتراض شديد منها
اول شىء كان عبد الوهاب ملك المقدمات الموسيقية بلامنازع او هو الاذى كانت له الريادة فى ان كل الملحنين والجمهور صاروا يفضلوا المقدمة الموسيقية الطويلة
اول شىء المقدمة من مقام االعجم على النواة بعد الإفتتاحية نجد الايقاع رومبا ولكن كعادة عبد الوهاب ان يخترع تركيبة خلطة سرية من آلات ( تختلف كل مرة ) تعمل تركيبة هنا جعلتك تحس انك راكب عربية حنطور وجوز الخيل ماشى يتدلع برشاقة , ثم صولو مشترك بين الجيتار والأكورديون والمعلوم ان عبد الوهاب هو كان اول من جمع آلتين معا فى صولو , ولكن هنا فى هذا اللحن ترى جبروت عبد الوهاب فى انه عمل صولو الجيتار مع الاكرديون فى عدة اشكال مختلفة معظمها مناطق غير مستعملة من قبل فى الاكورديون يعنى اوكتافات عالية ومناطق غير مستغلة فى الآلتين وطبعا تعتبر مفاجئات وبالذات مع ام كلثوم المتحفظة جدا
ونسمع ل احمد الحفناوى اثنين صولو كمان من الروائع وهنا كان المرحوم محمد عبده صالح توفى واصبح الحفناوى قائد الفرقة وكان من عادة عبد الوهاب ان يستغل الامكانيات الموجودة ( يعنى ايام امل حياتى كان يوجد عازف بونجز اسمه وصفى حليم وللعلم ابوه كان صاحب المرحوم ابويا وهو كان اسمه حلمى حليم وكان من فطاحل اساتذة اللغة الإنجليزبة وكانت ازورهم مع ابويا وكانوا ساكنين فى فيلا فى حلوان ايام طفولتى ) وتجدوا ان عبد الوهاب جعل للبونجز وجودا كبيرا فى الاغنية وبالذات المقدمة , وهنا استغل عبد الوهاب اقصى امكانيات الجيتار والأكورديون .
وناتى للكوبليله الاول نجده صبا وعلى مقام السى ناتوريل وهذا اعجاز لأن هذا المقام وعلى هذه الدرجة صعب جدا على الكمان والتى تمثل 80% من فرقة ام كلثوم ولكن عبد الوهاب تحدى والتحدى الاروع هو استغلال عازف الكمان العبقرى فى عمل صولو على هذا المقام يعنى العازف ممكن يعزفه فى وسط فرقة يعنى انا اكمل زميل يعنى نونس بعض لكن ان تعزف صولو على مقام الصبا على السى ناتورال هذا اعجاز ولكن كان الحفناوى العبقرة يعزف تبك المناطق المحظورة بطلاقة وطبعا عبد الوهاب لم يترك الفرضة ووضع به بصمة على جبين التاريخ
وناتى للكوبليه الثانى فى مقام النهاوند
ونفاجأ ويفاجأ الجمهور بصولو للجيتار ترك فيه عبد الوهاب المرحوم عمر خورشيد يستعرض مهارته فى الجيتار بطريقة ابهرت الجمهور وطبعا عمر خورشيد ايضا لم ولن يتكرر
ونلاحظ فى المقدمة الكروماتيك الرائع والسيكونس ( اى التتابع ) والذى يوقعك فى شراك خداعية حيث ان التتابع بيكون مسلسل عادة يعنى مثلا لاصول فا فى التتابع تنزل او تطلع درجة وتعمل نفس المقاس
ولكن عبد الوهاب ماعندوش عادة دى يعنى حتى جملة الاكورديون والجيتار عامل فى آخرها سكتات كل مرة تتملى بشىء مختلف
ولأول مرة عموما وعند ام كلثوم نجد عبد الوهاب يعمل التعبير الموسيقى يعنى البيانو والفورتى ( يعنى الضعيف والقوى ) والكريشندو يعنى التدرج من صوت خافت الى صوت قوى
انا هنا قلت القليل لأنى لو استرسلت فى هذا اللحن بالذات مش حانروح النهاردة
طبعا اكتر شىء تعبنى ان اغانى ام كلثوم كانت بتتحفظ سماعى يعنى ماكانش عبد الوهاب ولا كل الملحنين عاملين حسابهم ان حاييجى يوم وتتكتب نوتة ولذا تلاقى اللحن فيه حاجات كتير بتحتاج تحايل فى الكتابة
0 زى الكلام اللى انا عامله فى كوبليه الصبا وممكن ما يعجبش الأكادميين ) ولكن مالهاش طريقة تتكتب غير كده وإلا ماحدش حايعرف يقراها
عموما انا اشكر ربنا انه وفقنى فى تدوين هذا اللحن الذى اعتبره اصعب لحن لأم كلثوم وانا افتخر انى عملته اسهل من السهولة واتمنى ان تستفيدوا منه
مع اطيب تحياتى عادل صموئيل

http://forum.toleen.com/uploaded1/124846_11211488822.gif (http://forum.toleen.com/)

[عادل صموئيل]

http://www.shamsqatar.com/up3/get-3-2008-z6gr6319.gif

احبائى

اولا اشكركم على حسن استقبالكم لتدويناتى المتواضعة
واقدم لكم تحفة ام كلثوم وبليغ حمدى

فات الميعاد
كاملة فى 13 صفحة
لأنى لاحظت انكم طلبتوها كثيرا واعتذر عن التأخير

فى هذه الأغنية ظهرت آلة جديدة ودخلت فرقة ام كلثوم مع ان ام كلثوم كانت متحفظة جدا على هذا الموضوع اولا لأنها كانت تخشى من التطوير الذى ممكن يغير طابعها المتميز وثانيا لأنها كانت تعرف ان التطوير الغير مقنن من اخطر اضراره هو تضييع هوية الموسيقى الشرقية
من المواقف الطريفة ان بليغ حمدى عندما طلب من سمير سرور الذ هاب لحضور اول بروفة فى منزل ام كلثوم وذهب سمير واول انطباع يحس به اى عازف او ملحن عندما يدخل منزل ام كلثوم لأول مرة شعور الفأر المذعور وهو داخل المصيدة , ذهب وجلس فى قاعة البروفات ودخلت ام كلثوم مبكرة جدا كعادتها وفوجئت بشخص غريب معه شنطة مستطيلة غريبة الشكل عليها وقالت له مين حضرتك قال لها انا عازف الساكس قالت له ويطلع اي الساكس ده ,
وكانت ولكن مع حرصام كلثوم على ان الساكس يصبح كرشة ملح فقط فى اللحن ولا يؤثر على نكهة فرقتها
واترككم مع النوتة
مع اطيب تحياتى
واقدم لكم بالمناسبة احدث صورة لى
واخترتها لأن السيارة التى فى الصورة موديل 1940 وهى تشبه سيارة الموسيقار الكبير صديقى رياض السنباطى يعنى كانت هذه السيارة اشتراها على الزيرو سنة 1940 بمبلغ 180 جنيه مصرى واستمر يركبها طول عمره والغريب ان تلك السيارة إلى آخر لحظة كانت جديدة وبحالة المصنع يعنى كان من ضمن خواص فنانى الزمن الجميل المحافظة على كل شىء يستعملونه

[عادل صموئيل]

احبائى
اقدم لكم نوتة
تصدق ولا احلف لك لطلال مداح
اهديها للأخ العزيز نجيب مراد
يعنى انا من زمان كاكتبتش نوت سعودى وربنا يستر وتعجبكم
هنا عايز اقول درس مهم جداً واحب يستفيد منه الجميع
انا لما الاخ نجيب قال ان عنده تسجيلين للأغنية واحد بصوت طلال والثانى بصوت ايمان البحر درويش قلت له ارفق لى التسجيلين لأن طبعا طلال بيغنيها بنكهة سعودية 100% ( ومع انى شخصيا عزفتها معاه بس ناسيها طبعاً ) وكلمة نكهة سعودية يعنى ايقاعات صعبة جدا ومتداخلة كانت حتاخد وقت طويل لازم اسمعها كتير عشان استوعبها , ولما قال عنده تسجيل بصوت ايمان البحر درويش قلت يمكن ايمان يبسطها شوية يعنى يغنيها بنكهة سعودى على مصرى , ولما سمعت تسجيل ايمان ويا للهول ويا للمصيبة , يعنى مدرسة فى التطور المفسد , يعنى واحد واخد اللحن من اوله لآخره توزيع يعنى اولا اللحن جميل جدا وتفعيلاته صعبة جداً يعنى لما تسمعه يتهيأ لك انه سهل لكن فى التدوين بيبان انه صعب جداً , ولما ييجى واحد ويلطسه توزيع من اوله لآخره هنا اعتدى وتحرش باللحن الاساسى الجميل واللى مش محتاج توزيع بتاتاً , والتطور الخايب ده خلانى اشبهه بمثلين , يعنى واحد اشترى فيللا جميلة بها حديقة غناء رائعة وماعندوش حس تذوق جمالى , مش محتاج الحديقة راح عملها مخزن وجمع فيها كل الاشياء القديمة المستغنى عنها فصارت الحديقة اتغطت بشوية كركيب وضاعت معالمها , او مثل تانى ( معلش انا ابتكر دايما امثلة فى شرحى للتوضيح ) , يعنى انا بشبه التطور الخايب ده بقصة , عندنا فى مصر مدينة اسمها حلوان بينها وبين القاهرة 45 كيلومتر , المدينة دة ربنا جعلها مصحة مصر زمان يعنى طول عمر القاهرة حتى لما تشوف الافلام القديمة قبل الثورة لو واحد مريض الطبيب ينصحه يقضى شهر فى حلوان لأن هواها نقى جدا يساعد على الشفاء العاجل وكانت حلوان مليانة فنادق صغيرة الحجم لهذا الغرض واذكر ان سنة 1954 كانت والدتى مريضة والطبيب نصحنا نروح نقضى فى حلوان اسبوعين , وعندما قامت الثورة كان رجال الثورة مش عجبهمان مصر بلد زراعى من الدرجة الاولى ( كانوا متخيلين ان كلمة بلد زراعى يعنى شتيمة ) وفتحوا فى الصناعة على الآخر , وكان من ضمن خراب التطور الصناعى انهم جم جنب حلوان وعملوا اكبر مصانع اسمنت والحديد والصلب وعشرات المصانع , وتسبب التطور الغير مقنن فى ان حلوان بعد ماكانت مصحة مصر وصلت نسبة التلوث فيها لدرجة يعنى يستحسن تتهجر من السكان , والتوزيع فى اللحن ده عمل كده , يعنى اتمنى ان شباب الموزعين يشوفوا زمان عبد الوهاب كان بيعمل توزيع فى الحانه اد ايه يعنى 90% من الاغانى مش موزعة بتاتاً والباقى التوزيع فى جملة واحدة فقط ليه ؟؟؟؟؟؟؟؟؟؟؟؟؟ لأن موسيقانا الشرقية جميلة اصلا ومش محتاجة توزيع إلا فى جمل قليلة بتكون معمولة اساساً عشان تتوزع يعنى من اهم صفاتها انها تحوى نغمات طويلة حتى على الأقل عشان حلاوة التوزيع تبان مش كده ولا ايه ؟

[عادل صموئيل]

http://smiles.al-wed.com/smiles/13/flowers_221.gifاخوتى الاحباء
اخوتى الاحباء يسعدنى ان اقدم لكم رائعة من احلى روائع ام كلثوم وعبد الوهاب الوطنية

على باب مصر

ويتميز هذا اللحن انه اللحن الوحيد خلال حياة ام كلثوم الذى انفرجت الستار عن فرقتها الموسيقية وفوجىء الجمهور ان امام الفرقة نوت موسيقية
لما سالت زملائى عن هذا الحدث الغريب من نوعه قالوا ان الحفلة دى كانت فى عيد الثورة تقريبا سنة 1963 وقررت ام كلثوم تغنيها قبل الحفلة بيومين مع انها بتعمل بروفات قبل بشهر ونصف
مش عارف السبب لكن جعلوا استاذى نصر عبد المنصف يدونها وطبعا ما اخدتش اكتر من بروفة واحدة
فى هذا اللحن نلاحظ ان جمال اللحن فى الاغنية الوطنية او النشيد الوطنى مساوى لجمال اللحن العاطفى بمعنى انك لو تحب تسمعع سهرة مع ام كلثوم ممكن تستمع اى عمل يعنى عاطفى او وطنى او دينى وطبعاً بنفتقد ده دلوقتى يعنى من ايام عبد الحليم ماطلعش اى نشيد وطنى او اغنية دينية لها قيمة فنية

اللحن ده غنته ام كلثوم امام الرئيس الراحل جمال عبد الناصر واستغرقت فيه ساعة يعنى كان الجمهور بيعيد المقاطع كذا مرة زى اى حفلة عاطفية وواضح ان عبد الوهاب ده كان تانى عمل له بعد انت عمرى كان عايز ينزل بكل ثقله مع ام كلثوم لأن السنباطى سبقه كتير فى المجال الوطنى معاها يعنى التوزيع والانتقالات اللحنية ومن اهم الملحوظات تلاحظ توزيع غربى عالى قوى جدا تتبعه ام كلثوم بغناء فى مقام شرقى يعنى اعجاز

واترككم مع النوتة واهديها للجميع اولا لكل الاخوة العرب لحن رائع ستستمتعون بعزفه
وللأخوة مدرسى الموسيقى المصريين وليمة رائعة يعنى حتى ممكن تاخدوا منه اجزاءحسب امكانيات مدارسكم
ومع اطيب تحياتى

http://smiles.al-wed.com/smiles/13/flowers_221.gif

[نجيب مراد]

أستاذي الفاضل / عادل صموئيل
هذه نوتة ليلة حب ) طبعا هي مدونة بخط اليد، وعليها علامة الجندول ، أرجو ألا أكون مخطئا في نسبتها إلى سيادتكم

اخى العزيز
اشكرك على تعبك لكن هذه النوتة من تدوين الاستاذ الجندول وهى قديمة اوى , بس المشكلة انها لو تقارنها بما ادون انا تلاقيها صعبة عايزة واحد محترف اوى وانا ان شاء الله حدونها لكم اسهل زى ما انا بدون
مع اطيب تحياتى عادل صموئيل

[نور الصباح]

الأستاذ الفاضل عادل صموائيل
كل عام وأنت والجميع بخير بمناسبة حلول السنة الهجرية
وأقتراب أعياد الكريسمس والميلاد المجيد
أعاده الله عليكم
لي طلب محتاجه ضروري في شغلي
نوتة أغنية الرضا والنور (لأم كلثوم)
وأكون شاكر أفضالك
وجزاك الله كل خير
الأخ العزيز
اشكرك وكل عام وانت بخير
نوتة الرضا والنور موجودة هنا فى طلبات النوت صفحة 56
هى مش من تدوينى لكن احد الاخوة الاعزاء قدمها وهى نوتة جيدة
مع اطيب تحياتى عادل صموئيل
************************************************** ***
وإليكــــــــــم النوتة الموسيقية لأغنــــــــــــية ( أم كلــــــــــــثوم )
الرضـــــــــــــــــــــــــــــا والنـــــــــــــــــــــــــــور
من ألحان الراحــــــــــــــل الجمـــــيل ( محمد الموجى )
وهى من تدويــــــن الأستاذ ( نيقـــــــولا مرجـــــــــــــية )
وشكررررررررررررررررررررررررررررررررررررررررررررررر ا
أخوكــــــــم ( نور الصباح )

[نور الصباح]

السلام عليكم و رحمة الله
اخواني الكرام
عايز نوتة
قلبي ليك ميال للفنانة فيزة أحمد


*************************************
الأخ العزيـــــــــــــــــــز الأســـــــــــــــــــــــــــــــتاذ /
مش عارف اسمك - هل اللغة العربية ( أم اللغات الحية والميتة ) عجزت عن
كتابة اسمك ؟؟؟؟؟؟؟؟؟؟؟؟؟؟؟؟؟؟
أم هى عقدة الخواجة وحب الفرنجــــــــــــــة ؟؟؟؟؟؟؟؟؟؟؟؟؟؟؟؟؟؟؟؟
عموما لا تغضب واعتبره مزاحا
وإليكــــــــــــم النوتة الموسيقية ( أنــــــــــــا قلبى إليك ميــــــــال )
وشكررررررررررررررررررررررررررررررررررررررررررررررر رررا
أخوكــــــــــــــم ( نور الصباح )

[وائل علوي]

لا انا عايزة المارشات دي في عرض عسكري هاتعملو المدرسة وكنت عايزة المارشات عالشان اسمعها واحاول اطلع انا حاجة جديدة شبيها بيها مش هي مش اكتر وكنت عايزة نوتة جانا الهوى بس انا للاسف الاورج بتاعي مش شرقي والبيانو مش فية شرقي فهل في حل لانى للاسف لما حاولت اعملها سماعي وقفت اصادي حكاية النغمات الشرقية لان نغمة (لا) في الاغنية نغمة شرقية وباقي النغمات عادية فلو ممكن النوتة بتاعتها وتكون كويسة من غير الحليات بتاعتها لانى بحب اعمل الحليات على سمعى انا للاغنية
تفضلي اخت انيتا نوتة جانا الهوى لا اعرف ان كانت ستفيدك في شغلك ام لا
تحياتي
وائل

[hegazy]

الان سابدا تنزيل كل النوت التى دونت من الاستاذ عادل وتم حذفها
اولا حرف ال (أ)

[hegazy]

تابع حرف ال (أ)

[hegazy]

تابع

[hegazy]

اخى واستاذى الكبير نحن الذين ننحنى لك من اشغال وقتك وصحتك فى خدمة الفن الجميل وفى نفس الوقت اهتمامك لوصول المعلومات الدقيقة عن ذلك العالم الفنى الذى كنت طرف فيه ممن كانوا يعرضونه علينا بأحلى تكوينه ودقة لحن الملحنين العظماء
فمن المنطق ان اللحن لكى يصل الى الناس يجب ان يعزف من قبل موسيقين على درجة عالية من الكفائه والتزوق الموسيقى ماذا والا يسقط اللحن من اذان المستمع حتى ولو كان لحن الاطلال او النهر الخالد او انشودة الفن على اعتبار قمم الالحان
وان كان لحن بسيط مثل ياورد على فل وياسمين مثلا او رقصة البمبوطية
انا فى اعتقادى ان الموسيقين العازفين اليوم من احسن العازفين ولكن ارى انهم غير راضيين على الحان هذا الزمن ولذا فهم يعزفون دون احساس للحن ولكنهم عند عزف الالحان القديمة يخرج منهم الاحساس باللحن دون صعوبة وتراهم فى قمة الطرب فى العزف
هذا راي الخاص
والان نتابع حرف ال (أ)

[hegazy]

وهذه مجموعة متابعة لحرف (أ)

[hegazy]

نهاية حرف (أ) وبداية حرف (ب)

[hegazy]

تكملة لحرف (ب)

[hegazy]

تتابع حرف (ب) وحرف ال (ت) وحرف (ج)

[hegazy]

تابع حرف ال(ج) وحرف (ح)

[عادل صموئيل]

http://smiles.al-wed.com/smiles/13/anyaflower335.gif


http://smiles.al-wed.com/smiles/13/flowers_221.gif

http://forum.toleen.com/uploaded1/124846_11211489368.gif (http://forum.toleen.com/)


اتقدم باطيب واحر التهانى لأخى وتلميذى

هيثم الصالحى

على زفافه السعيد
واتمنى من الله ان يتممه بخير مع كل السعادة

طبعاً ياريت كنت اقدر اروح تونس الحبيبة بنفسى

واقدم له ولكم نوتة احلى اغنية فرح

دقوا المزاهر

من الحان فريد الاطرش وهنا اتكلم عن خلود الفنان
يعنى فريد عمل اللحن ده من اكتر من 60 سنة ومن ساعتها مش ممكن يحصل حفل زفاف من غير ما يغنوا الأغنية دى
اتمنى ان تسعدوا بها


http://forum.toleen.com/uploaded1/124846_11211489094.gif (http://forum.toleen.com/)


(http://forum.toleen.com/)

[samy130]

مستر عادل انا بدور على نوت كتير واتفاجئ الاقيك كاتبها اغنية ذى جبار دى جامدة جدامش عارف لية مش مكملها او ممكن تكون كاملة بس فى صفحة انا مش عارفها اللى معاة جبار كاملة ينزلها بدل ما قعد ادور فى 400 صفحة

بحسب ما وجدته ,فهذه نوتة جبار الموجودة هنا والتى دونها الاستاذ عادل ,وهى غير كاملة عبارة عن اربع صفحات تشمل المذهب والكوبليه الاول فقط.
نرجو من الاستاذ عادل ان يكملها .
اخوتى الأحباء
انا نزلتها ومن حسن حظكم انى لقيت ملف الانكور بتاعها بسهولة (لأن النوت القديمة بيكون من الصعب الاقيها بسهولة لأن عندى 4 كمبيوتر ولاب توب وكذا هارد والنوت القديمة يعنى اللى كاتبها من اكتر من 6 شهور بيبقى صعب الاقيها لكن دى الحمد لله لقيتها وان شاء الله حمكلها بس اخلص الحاجة اللى بعملها دلوقتى
مع اطيب تحياتى عادل صموئيل

[وائل علوي]

استاذي الغالي عادل:emrose::emrose:
بتمنى ان تنوت رائعة السنباطي اشواق فهي من روائع الاغاني الشرقية الخالدة ياريت تضعها في الطابور وتكون مع المقدمة الخرافية- رجاء خاص تكون ( المقدمة ) في مقامها الاصلي وهو العجم-- محتاجها ضروري في اقرب فرصة
اخي عادل هذه النسخة مضبوطة بنسبة 99.9999% انا راجعتها حرف حرف وهي ستسهل عليك كثيراااااااا بس عيبها انها مكتوبة بخط سي جدااااا يعني بامكانك ان تنقلها مع مراجعتها على البرنامج الخاص بك وهذا سيسهل عليك ويوفر عليك الجهد والوقت
اخوك وائل
اخى العزيز وائل
ما يكفيش كده ممكن التسجيل ؟ لأن ما ينفعش انقلها ولازم اكتبها تانى وهل انت عايزها من نفس المكان المكتوب ده ؟
مع اطيب تحياتى عادل صموئيل

[عيسى سعيد]

اخي وائل وهذه نسخه اخرى لاشواق وهي من نفس المنتدى ونسية اسم من وضعها وارجو ان يسامحني:emrose:

[عادل صموئيل]

عزيزى وائل
انا استخدمت كل خبرتى فى الكمبيوتر وبمعاونة كل الاجهزة بتاعتى وصلحت لكم شكل النوتة شوية كتير
طالما انت قلت انها جيدة 99% يعنى خسارة انى اضيع وقت اكتبها تانى
شوف كده ؟ اعتقد انها بقت ممكن تكون معقولة فى القراءة
مع اطيب تحياتى عادل صموئيل

[armendo]

السلام عليكم ..

من فضلكم اريد كم نوت اغاني معروفة وتكون سهلة .
لانه اريد التمرين على العود وما زلت مبتدأ بقراءة النوتة
ويفضل ان يكون ميزان النوت (c)

4/4 .. مع شكري


اخى العزيز اندى اليك نوتة خليها على اللة لفريد الأطرش وهى نوتة بسيطة وسهلة مع تحياتى.
اخوك ............. ارمندو

[عادل صموئيل]

http://forum.toleen.com/uploaded1/124846_11211557652.gif (http://forum.toleen.com/)

اخوتى الأحباء
اولا مع بداية عام جديد اتمنى من كل قلبى ان يكون عام سلام ومحبة على الجميع

وبهذه المناسبة السعيدة اقدم لكم اللقاء المنتظر

يعنى اغنية من اروع الروائع طلبتموها كثيراً واليوم جاءت اللحظة المناسبة واستغرقت منى اسبوعين لإعداداها

اقدم لكم رائعة عبد الوهاب وام كلثوم
او اللقاء الأخير بين عبد الوهاب وام كلثوم

ليلة حب

الأغنية دى اول انطباعى عنها ( وهو انطباع عبد الوهاب شخصيا ) ونفس الإنطباع حسينا بيه فى اغنية قارئة الفنجان
يعنى اسمحوا لى افضفض معاكم شوية وانا عارف ان معظمكم بيحبوا القصص الخفية اللى واراء الأعمال العظيمة , يبدأ كلامى من شعورى هذه اللحظة , يعنى اليوم 31 ديسمبر 2010 و الساعة حوالى 6 مساء بتوقيت القاهرة
الليلة ليلة رأس السنة وكل عام وانتم بخير , اول شعور انتابنى فى هذه اللحظة الفراغ والوحدة , واتذكر سنة 1970 فى نفس اليوم ونفس اللحظة ولمدة اكتر من 20 سنة كنت بستعد عشان سهرة رأس السنة , يعنى البدلة الإسموكن بتأكد انها جاهزة والقميص الأبيض والبابيون , والسيارة جاهزة والكمنجة جاهزة , لأنى خارج اعمل حفلة مع اما عبد الحليم او فريد الأطرش فايزة او وردة او نجاة او محمد عبده او طلال واتذكر عبادى الجوهر واخيراً ميادة الحناوى واسماء كثيرة جداً , واحيانا بيكون فى تلك الليلة خمس فقرات يعنى كنا بنركن سياراتنا فى مكان والفرقة الماسية بيأجروا باص سياحى لسهولة حركة وانتقال الفرقة من مكان لمكان , وتخيل انك تعزف فى حفلة وصلة مع عبد الحليم وتنزل جرى تركب الباص تلحق وصلة فايزة احمد مثلا , ومن صحارى سيتى ( فى اعلى هضبة الاهرام ) إلى سينما قصر النيل وسط القاهرة الى .. والى ... يعنى كنت اروح البيت مش قبل الساعة 7 صباحاً , واليوم كلشىء راح ولا تبقى إلا الذكريات الجميلة ,
وعندما اعود الى ليلة حب زى ماقلت الإنطباع اللى انا حسيت بيه واللى اكيد حسه عبد الوهاب , وهو الإنطباع الذى لم يحسه مطلقاً ابام انت عمرى وانت الحب , الإنطباع ان ده ممكن يكون آخر لحن تغنيه ام كلثوم لعبد الوهاب , يعنى ايام انت عمرى كانت ام كلثوم مازالت فى كامل صحتها ونضجها وكانت بتغنى 3 وصلات كل وصلة ممكن توصل ساعة ونصف , لكن ايام ليلة حب كانت الست وصلت لمرحلة ان ابتدأ الامراض تهددها فى اى وقت وممكن تتعطل عن الغناء , كما وصل عبد الوهاب ايضاً لسن حذر , وعملية اعداد لحن تاانى لأم كلثوم بتستغرق على الأقل 3 سنوات , وممكن حتى لو السنة الجاية كانت الظروف مناسبة لأم كلثوم انها تغنى لحن لملحن تانى , لذلك تفنن عبد الوهاب العبقرى فى وضع كل كل عبقريته فى هذا اللحن , وكعادة عبد الوهاب ان كل لحن ممكن تلاقى فيه اسرار ما وردتش قبل كده فى اى لحن , لكن هذه الرة قصد ان تكون المفاجئات اكتر , يعنى لو راجعتم كل اغانى عبد الوهاب لأم كلثوم كان بعد الإفتتاحية الللى بدون ايقاع بيفاجىء الجمهور بإيقاع جديد من ابتكاره , او ايقاع معروف زى الرومبا مثلاً لكن بيبتكر له شكل جديد , يعنى خلطة سحرية كان خلال ال 55 بروفة كل يوم يزودها حتة توابل من آلات لن تتخيلها وفى اماكن غير مطروقة من الآلات يعنى مثلا القانون كان بيخليه يعمل حركة خارج الفرسة , يعنى مش فى منطقة عزف القانون التى هى على شمال الفرسة , ولكن كان بيخلى محمد عبده صالح يعمل الحركة على يمين الفرسة , او يخلى عمر خورشيد يعفق على الجيتار بإيده مقلوبة يدى انطباعات عمرها ما اتسمعت من الجيتار من قبل , عشان ما ارغيش كتير فاجأ عبد الوهاب الجمهور بأن الإيقاع كان واحدة ونص ودخل منها صولو الأكورديون , يعنى الجمهور اتخض لأنه كان مش متوقع ابدأ الإيقاع يدخل كده , المهم بعد ما الجمهور شبع من الجملة الاولى قال لهم خدوا بقى , يعنى شوف كمية النقلات الإيقاعية اللى مانت بيبتديها الجيتار , والمفاجأة صولو الكمان واللى شكله كانه تقسيمة , ولكنه صولو محدد جداً , ولما غنت ام كلثوم استعمل معاها الاورج والجيتار بحدود مقننة جداً عشان ماتفسدش طابع ام كلثوم الأصلى يعنى يضيف لها لمسة جمالية جديدة فقط , ونأتى للكوبليه الأول استعمل ايقاع الفالس , وتسمع الجملة تحس انك بتسمع شتراوس هنا اى واحد اوروبى حايحس بألفة لأن الموسيقى والمقام شبه اللى هو متعود يسمها لكن يفاجأ بصولو الاكورديون والإيقاع اللى مقصود فيه انه يكون مكعبل عشان اى اجنبى بعد ما اتسلطن فى الجملة الأولى يقطع شعره ,
ومن احلى المفاجئات فى الكوبليه الإخير انه استعمل ايقاع الأقصاق ميزان 9/8 والجنان ان هذا الإيقاع شرقى خلى الجيتار يبتديه يعنى ده اعجاز حتى فى الإختيار , وكعادة عبد الوهاب لازم فى كل جزء يعمل الشىء اللى انت مش ممكن تتوقعه عمل للأغنية قفلة بدون العودة للمذهب , طبعاً اللحن لو قعدنا نحلل فيه ولا سنة , لكن انا بتشجيعكم ربنا الهمنى اكتبه وهو اخد 19 صفحة انا راعيت فيها انه يكون اسهل مايمكن , وحطيت فيه كل خبرتى انى ابسط لكم الاجزاء الصعبة , وللعلم اللحن تعبنى جداً فى الكتابة لسبب مهم وانا ذكرته قبل كده شغل ام كلثوم عشان كان مش بيتكتب نوتة وبيتحفظ سماعى كان الملحن وبمساعدة اروع عازفين عرفتهم مصر كان ببقى فيه مشاكل خطيرة فى الكتابة , يعنى اغنية اوقاتى بتحلو مثلا لو غنتها ام كلثوم غير ما اتعملت لوردة لأن مع وردة لازم يكون فيه مراعاة ان ما يكونش مشاكل فى الكتابة , المهم انا اقدم هذه النوتة لهذا اللحن الرائع الى مكتبة الموسيقى العربية وللتتاريخ لأن اعتقد ان مالوش نوتة مكتوبة سابقة وصحيحة 100%
اتمنى من كل قلبى ان تستمتعوا بها والى لقاءات أخرى
مع اطيب تحياتى

http://www.al-wed.com/pic-vb/786.gif

[jemeia]

هذه نوتة مبسطة من تدويني. على شط بحر الهوى لكارم محمود.

[jemeia]

طالعه من بيت أبوها مبسطة.

[jemeia]

دارت الأيام من تلحين عبدالوهاب

[عادل صموئيل]

احبائى

اقدم لكم نوتة انشودة
ان كان ع القلب مفيش غيرك
مع اطيب تحياتى

[عادل صموئيل]

احبائى
اقدم لكم نوتة
مصريتنا وطنيتنا حماها الله
مع اطيب تحياتى

[وائل علوي]

مرحبا بعودتك اخي عادل بين اخوانك
ويا ريت لو حد من الاخوة يقدر ينزل لنا نوتة استاذ عادل ان كنت ناسي افكرك بعد التعديل مشكورا
واتمنى اخي عادل مينساش اشواق الي وعدني بيها
اخوك وائل
عزيزى وائل
اليكم نوتة ان كنت ناسى بعد التعديل
عايز اسألأ عن الأخ العزيز نور الصباح مش باين من مدة
مع اطيب تحياتى عادل صموئيل

[عادل صموئيل]

احبائى
مع اطيب تحياتى
اقدم للأخت الفاضلة بيانو ـ بيانو
اولا نوتة المصريين اهمه

ثانيا نوتة مقطوعة مندولين اعدادى فى مسابقة الجمهورية للموسيقي 2011

ثالثا : مقطوعة المندولين ميدى عشان تسمعها قبل ما تعزفها
مع اطيب تحياتى
وده اقل شىء اقدمه لتلاميذى من مدرسى الموسيقى واللى يحبوا يزودوا شطارتهم فى الموسيقى

مع اطيب تحياتى

[piano_piano_d]

أتمنى إن الأستاذ المُعلم عادل صموئيل يشوف النوت دي ، ولو مش مناسبة يتم حذفها فوراًَ . وهي نوت منقوله للإفادة لجميع أعضاء المنتدي . ويا رب تعجبكم وتدعو لي .

الأخت العزيزة
اولا اشكرك على مجهودك وروحك الطيبة
النوت حلوة وانا قمت بتصليح الصور عشان تبقى اوضح ما يمكن لنها كانت غامقة شوية والكتابة فى الصفحة التالية للكتاب كانت باينة اوى , ايه رأيك فى التصليح ؟
وطبعا برامج التصليح دى كلها تحت امرك
هنا ملحوظة : النوت حلوة وسليمة لكن الامر يرجع للأخوة الأحباء اللى مش عندهم النوت طبعا حاتبقى كنز بالنسبة لهم لكن انا افضل ( لأن عندنا نوت كتير لفيروز ) انك تعملى مشاركة تكتبى فيها قائمة بالنوت اللى عندك وهم يحددوا اللى محتاجينه منها وانتى تنزليه , عشان ما تتعبيش ع الفاضى وتنزلى حاجات تكون موجودة فعلاً ايه رأيك مش صح كده ؟ وبرضه لو عندك نوت لى حد تانى غير فيروز هنا الشعب متعطش للنوت
مع اطيب تحياتى عادل صموئيل

[عادل صموئيل]

احبائى
اقدم للأخت العزيزة والتلمية المجتهدة انيتا
نوتة
فيها حاجة حلوة
بماء على طلبها وللعلم الأغنية دى صعبة جدا لانها موزعة , يعنى الللحن العادى بيبقى انت بتسمع جملة وتعزفها , اما التوزيع هنا عمر خيرت عامل الجمل عبارة عن مازورة بتكملها آلات تانية يعنى انا حاولت بقدر الإمكان انى اخرج من الزمحمة دى لحن ممكن بتعزف على آلة واحدة , بس المهم اولا انك تحفظيها وتنددنيها مع نفسك عشان لما تطلعيها تبقى سهلة , اما بالنسبة للتلآلفات ما اقدرش اكتب لك معاها تآلفات لنها ممكن تكعبلك اثناء العزف لكن التلآلفات دى بتتعزف بذوق العازف عندك تآلف فى اشمال ممكن تحطى مى مع لا وفى الجزء اللى فيه صول ورى دييز ممكن تحطى فى الشمال صول ورى دييز بس المطلوب تخلى التآلف ده زى طبلة يعنى مش تحطيه وخلاص
مع اطيب تحياتى

[عادل صموئيل]

احبائى
اقدم لكم نوتة من احلى اغانى شادية
طلبها اليوم الاخ العزيز عاصم المنشاوى
حسيت اننا محتاجين نسمع اليوم اغنية رومانسية
شباكنا ستايره حرير
واقدم لكم معها تسجيل الأغنية من عزفى المتواضع على الكمان اتمنى تعجبكم

[عادل صموئيل]

احبائى
اقدم لكم نوتة اغنية
يا حبيب الروح
واهديها للأخ العزيز ارمندو بناء على طلبه
وانا بدون الاغنية دى اكتشفت انها تقريبا اصعب اغنية لليلى مراد , يعنى هى بتنقسم الى جزئين , جزء اوبرالى على اعلى درجة من السيمفونى وجزء شرقى على اعلى درجة من التطريب , واقصد به مقاطع غناء ليلى مراد , يعنى كانت بتغنى بأعلى درجة من التطريب , وكان من الصعب تدوين اللى بتغنيه لنها كانت بتجود وتصدر والحاجات دى صعب جدا تتكتب لأن الغنا بهذه الحرفية العالية بيعمل جاجات مش موجودة فى الصولفيج او على الأصح بيعمل حاجات ماوصلش لها علم الصولفيج الاوروبى الأصل , والمشكلة هنا طريقة التعامل معاها فى التدوين يعنى فيه طريقتين , طبعا انا بتكلم وبقول وجهة نظرى لأن هنا انا بتعامل مع جميع المستويات يعنى بتعامل مع مبتدئين ومحترفين ومدونين ومدرسين يعنى احب طبعا ان كلامى يفيد الجميع , والطريقة الاولى فى التدوين ان المدون يحاول يدون الالى بتقوله ليلى مراد حرفياً ودى مشكلة خطيرة لأنه اولا صعب جدا تدوين اللى بتقوله حرفياً لأن زى ماقلت بتقول تفعيلات ايقاعبة مش موجودة فى العلامات الإيقاعية ومحاولة تدوين الأقرب منها ممكن تطلع عندك كتابة صعبة جدا وشكلها مفزع للمبتدئين وثانيا فى الغناء بكل هذه الإحترافية العالية المطرب بيصدر كتير يعنى يخرج برة الوحدة ودى مشكلة فى حد ذاتها لن المازورة اما بتتكسر او انت بتدون شىء ممكن يغير طابع اللحن , لكن انا بطريقتى اللى اعتقد انها وجدت عندكم صدى جميل بعمل ايه فى الاجزاء الصعبة وده درس لجميع الفئات : بسمع الجملة اللى فيها المشكلة دى عشرات المرات لحد ما ادندنها مع نفسى واحفظها يعدين بحاول انى اركبها على الميزان ( زى ما تلبس شراب اول سايز او تلبس جوانتى وتظبطه على اصابعك واخطر شىء احاول اتخلص من الحليات اللى مش من صميم الجملة يعنى بجاول اخرج الفكرة الاساسية او الجملة الأساسية وهنا فيه سر احب تعرفوه : اثناء التلحين الجملة بتكون اسهل من ما انت بتسمعها فى الراديو يعنى الملحن بيحفظ المطرب الجملة الأصلية وبدون الحليات بعدين بيأتى دور المطرب الخطير ان بيعمل من الجملة شىء خرافى ( طبعاً تحت اشراف الملحن مش منه لنفسه ) المهم ان بعد كل كلمى ده ممكن ناس تخاف من النوتة لكن المفاجاة اللى افتخر بيها انك حتلاقى النوتة كالعادة مكتوبة فى منتهى السهولة والبساطة بعدين ييجى دور العازف يجود فيها حسب امكانياته , وجدير بالذكر هنا شىء مش مألوف للسنباطى المشهور بالشرقية الأصيلة انه يعمل جملة الموسيقى سيمفونية اوروبية وعليها كورال اوبرا , وده بيبن ان الناس العظماء دول كانت عبقريتهم مش بتقف عند حد يعنى اى واحد بيسمع موسيقى كلاسيك لو سمع الجمة دى اكيد حايتجنن لأنها تحتوى كمان على لحن جميل جدا مش تركيبة سيمفونية وخلاص , وهنا ناتى للكورال الخرافى وده مش موجود اعتباطاً يعنى فى فترة الاربعينات وما قبلها كان فيه مجموعة كبيرة من الأجانب مقيمين فى مصر , وغالبية كبيرة منهم يونانيين وطلاينة وكانوا طبعا بيشتغلوا فى مختلف المهن يعنى كان اليونانيين بيمتلكوا اهم محلات البقالة فى مصر وكانوا بيجيبوا بضاعتهم من اليونان رأساً وانا اذكر فى طفولتى محل الخواجة جورج كنا بنشترى منه الزيتون الاسود والبسطرمة وزيت الزيتون والجبنة الرومى وبعد الثورة معظمهم غادر مصر وبقت المأكولات دى ذكريات لن تعوض , وكان منهم اللى بيصلحوا الساعات والكاميرات والسيارات ( طبعا حتقولوا ايه اللى دخل الكلام ده فى موضوعنا حقول كان بينهم مجموعة كبيرة من امهر العازفين ومغنيين الاوبرا وراقصات الباليه وده تلاقيه فى الافلام القديمة والأغانى القديمة يعنى كان الحان فيها موسيقى غربية بحتة وشرقية بحتة , والعازف المتميز لازم يكون متخصص كان الملحنين واهمهم عبد الوهاب بيقعد معاه فرقتين واحدة تعزف الجملة الغربية وواحدة فى الجملة الشرقية وده السبب فى شىء خرافى فى اغانى زمان , وتامل فى صوت الكورال فى هذا اللحن شىء خرافى مش موجود النهاردة إلا فى اوبرا روما او برلين
آسف للإطالة واتمنى ان تسعدوا بالنوتة مع اطيب تحياتى

[piano_piano_d]

الأساتذة الكرام : أعضاء المنتدى
إليكم نوت الأغاني الوطنية مجمعة في مكان واحد
.. يلاحظ الجميع أن أغلب النوت من تدوين الأستاذ/ عادل صموئيل ، فأوجه له كل الشكر والإمتنان لما يعطيه لطلابه من عِلم بسخاء ..
وأود أن أطلب منه بعض النوت حتى يكون لدي أعضاء المنتدي الكثير والكثير من النوت التى تعيننا في عملنا ..
نوتة : عاشـت بــلادنـا عاشــت حرة لولادنـا
نوتة : يا حبايب مصر ، غناء علية التونسية
نوتة : بســم الله ، الله أكبر بسـم الله بســم الله
نوتة : تسلمـي يـا مصـر إنني الفدا وسلامــاً إن مــدت الدنــيـا غـــدا
نوتة : مبروك مبـروك مـبروك عليكم وعلينـا ، غناء ياسمـين الخيام
نوتة : مهما رحنا ومهما جينا مصر روحنا ونور عنينا ، غناء لطيفة

أشكر أستاذي أ/ عادل صموئيل .. كل الشكر والعرفان .
الأخت الفاضلة
اشكرك من كل قلبى على تعاونك معنا لأن الموضوع مش انا لوحدى لكن كلنا بنكمل بعض كل واحد بيقدم اللى يقدر يقدمه و يعنى انا شخصيا مرات كنت احتاج برامج تكمل شغلى منها برنامج بيقلب صفحة الانكور ل pdf تطوع احد الاخوة الاعزاء واداهولى , واشكرك على النوت اللى انتى قدمتيها وللعلم منها انطلب قبل كده وتحت امرك فى طلباتك ولكن المهم حد ينزل التسجيلات مع اطيب تحياتى عادل صموئيل

[عادل صموئيل]

احبائى
اقدم لكم نوتة من اروع واحلى الاغانى الوطنية
وطنى وصبايا واحلامى
وهى من تلحين محمد فوزى
واهديها للأخت العزيزة ( بيانو بيانو د ) واشكرها على مجهودها فى تجميع النوت فى موضوع واحد
وهنا اكرر ان الاغانى الوطنية بتاعة الزمن الجميل لما بيغنيها التلاميذ والطلبة فى المدارس اولا ببيحسوا انهم بيغنوا لحن جميل جدا وبيزيد حبهم لحصة ومادة الموسيقى وثانيا وهو الأهم لما مدرس الموسيقى بيعمل حفلة لو على مستوى المدرسة او مستوى الإدارة تعامله مع اناشيد واغانى الزمن الجميل بيكبر شكل المدرس لأن مدير المدرسة وهيئة التدرييس بيكونا كبار فى السن يعنى عاشوا ايام الاغانى الجميلة دى وتمثل بالنسبة لهم ذكريات يعنى بتعمل عندهم تأثير غير الاناشيد الحديثة اللى عاملة زى الفراخ البيضا او على الأصل زى مكعبات شوربة الفراخ ( واللى اعتقد اصلا انها مواد كيماوية ومش من الفراخ خالص ) والمعنى فى بطن الشاعر , ومن مميزات هذه الاغنية انها سهلة جدا عزفا وغناءاً والأهم انها مش متداولة كتير يعنى المدرس اللى يعملها بيبقى شكله حلو جدا طبعا مع الموجهين بتوعه , يعنى انا كموجه وموجه اول سنين طويلة كنت بروح مداارس كتير وفى محافظات كتير وكان الشىء اللى بيضايقنى ان معظم المدرسين بيكرروا نفس الاناشيد بمعنى ان مدرس حافظ خمس اناشيد يقعد يعيد ويزيد فيهم طول عمره وما يتعبش نفسه حتى انه يدور على حاجة جديدة , وده الشىء اللى انا وكلكم اكيد حسيتوا ان المدرسين اللى بحس انهم عايزين يطوروا نفسهم انا بحبهم جدا وبتمنى اساعدهم بكل طريقة , بحس ان ربنى ادانى علم وحقهم عليا انى اعطيه للى بعدى
مع اطيب تحياتى , وعلى فكرة الاغنية دى مش للمدرسين بس يعنى لحن جميل جدا للجميع , وممكن يستعمل خارج مصر لأنه من التراث

[عادل صموئيل]

أحبائى
اقدم لكم نوتة
اسلمى يامصر اننى الفدا
والنشيد ده من اعرق الاناشيد المصرية اطلاقا
واشكر الاخ العزيز عزت شحاتة على مجهوده
وارحب بعودة الأخ العزيز نور الصباح
مع اطيب تحياتى

[وسام اكرم]

يسلم ترابها الأسمرانى...يسلم شجرها الأخضرانى
تسلم لنا مصر الحبيبة...مالناش حبيبة غيرها تانى
لو عديت على ناس يقولولك مرحب مرحب ياأنسان
لو عديت على ناس فى قلوبهم طيبة وحب كبير وحنان
لو عديت على ناس تفتح لك دارها وتاخدك بالأحضان
تعرفهم ...تعرف بلادى ...تعرف انك فى بلادى

لو عديت على نخل مدور امله منور كل سماه....لو عديت على بر مزهر ابيض واخضر عالى هواه...لوعديت على ناى بينادى بنغم هادى حلو غناه....تعرف انك فى بلادى

لو عديت على مصنع داير ليل ونهار صاحى وسهران
لو عديت على ناس بتشيل بدراع شغيل وجبين عرقان
لو عديت على أهرام عالية وتماثيل غالية بقالها زمان
تعرف انك فى بلادى
عبد الرحيم منصور
بليغ حمدى
محمد رشدى.......ممكن ياأستاذ /عادل من فضلك ؟؟؟؟؟؟؟؟
-----------------------------------------
عزيزي و أخي أستاذ عاصم
مرفق مع المشاركة نوتة بسيطة و ملف صوتي لأغنية ( الشاب الامير) محمد رشدي, لو عديت, أرجوا أن تنال رضاك مع خالص حبي و تقديري لكل الاحبة و الاصدقاء
المخلص
وسام
--------------------------------------------------

حبيب

[عادل صموئيل]

احبائى
لا اجد ما اقوله اليوم
اقدم لكم من احلى ومن اغلى ما امتلك
من عزفى المتواضع كوكتيل من احلى الاغانى الوطنية معظمها دونته لكم نوت موسيقية لكن لا اجد فى هذه اللحظة التاريخية إلا ان اقدمها لكم من عزفى المتواضع لتذكرونى
حب الوطن فرض عليا
وطنى وصبا واحلامى
بلدى احببتك يا بلدى
يا بلادى
بالأحضان
يا حبنا الكبير والأول والخير
اسلمى يامصر
مصر التى فى خاطرى
قوم يا مصرى
اقسمت باسمك يابلادى
طوف وشوف
بلادى بلادى بلادى لكى حبى وفؤادى
مصر هى امى

[عادل صموئيل]

احبائى
اقدم لكم نوتة
يامصر غناء امال ماهر
واهديها الى الابنة العزيزة جدا انيتا وهى من شباب مصر شباب ثورة مصر جيل ثورة 25 يناير
وزى ما شباب ثورة يناير عملوا شىء جميل وجود انيتا بيننا بيثبت ان الشباب دول حاجة جامدة جدا يعنى من اول مادخلت انيتا المنتدى حسيت انها شاطرة جدا وبتحاول تثبت جدارتها ومع انها طالبة لكن اكيد انتم حسيتم انها شاطرة كانها مدرسة وبالطبع انا كنت طول الوقت بشجعها
وانا بقدم النشيد ده النهاردة حسيت انه نشيد الساعة يعنى ابن الثورة الجديدة ومطلوب ان المدرسين والشباب يجهزوه لنه اولا نشيد جميل جدا .
وجدير بالذكر انا بحب امال ماهر لكن ماكنتش مقتنع بيها لما كانت بتغنى ام كلثوم لن ام كلثوم سد عالى لا يطاله احد , لكن جمال امال ماهر انها تعمل اغانى لنفسها واكيد طول النهار بتتذاع اغانى جديدة اتعملت للثورة لكن الفرق بينهم وبين اغنية امال ماهر اعتقد كبير جدا جدا
مع اطيب تحياتى
وفى انتظار الجوهرة القادة انتظرونى قريبا

[armendo]

الأستاذ الفاضل عادل صموئيل:emrose: انا مدرسه بإداره سمنود محافظه الغربيه - انا دفعه 97 - انا عندى موهبه العزف سماعى وكتبت كذا نوته على برنامج انكور وحازت جميعها على اعجاب الموجهين وزملائى - يا ريت يكون لدينا دورات تدريبيه على برنامج انكور وغيره من البرامج المفيده لنا كمدرسين - وبطلب من جضرتك نوتات اغانى انا بعزفها سماعى ولكن تهمنى النوته للدقه مع الطلبه وهى :-
عظيمه يا مصر
يا اغلى اسم فى الوجود
ياللى عاش حبك يعلم
رجاله وطول عمر ولادك ( صوت بلادى )
:thankyou:
الأخت العزيزة حنان الشافعى صباح الخير..اليك نوت اغنيتى يا اغلى اسم فى الوجود وصوت بلادى من تدوين الأستاذ عادل صموئيل وايضا ارشح اغنية تعيشى يا بلدى للمجموعة وهى ايضا من تدوين الأستاذ عادل .....ارمندو

[عادل صموئيل]

احبائى
اقدم لكم نوتة نشيد من كلاسيكيات الاناشيد الوطنية
ومن اوائل الاناشيد المصاحبة لثورة 1952
ومن مميزاته اشتراك كل النجوم فيه
نشيد الجيل الصاعد
واهديه للأخ العزيز ابو كارم وانا والله مش بنسى حد منكم بس الضغوط عليا فظيعة
مع اطيب تحياتى والقادم ان شاء الله

[عزت شحاته]

اى خدمه

[وسام اكرم]

الأخ الحبيب والصديـــــــــق الغالى الفنان الكبير والأســـــــــتاذ /

عـــــــــــــــــــــــــــــــــــــــادل بــــــاشـــــا صموئـــــــــــــــيل
سلام الله عليكم ورحمته وبركاته
وبعـــــــــــــــــــــــــــــــــــــد :
أرجو أن تكون فى أتم صحة وسعادة وراحة بال : -
أقــــدم لجنابكــم الملف الصـوتى لهــــــذا النشـــــــــــيد الجميل الذى
لا أعرف مؤلفه ولا ملحــــــنه ولكننى أذكره منذ المرحلة الإعدادية
وهـــو نشـــــيد (( نحــــــن الشــــــــباب ))
أرجـو من جنــــابكم التكرم بتدوينــه ونقدمــــــــه لهـــــذا الشـــــــباب
الجميل ( الورد البلدى ) الذى تفتح فى جناين وبساتين مصر والذى
حقق مالم نحققه على مدى عمرنا ومالم نكن نتوقع أن يتحقق
وتقول كلمات النشيد :
نحن الشباب لنا الغــــــد ........... ومجـــــــــده المخلــــد
شعارنا على الزمن عاش الوطن........عاش الوطـــــــــن
بعنا له يوم المحن أرواحــــــــنا ........بـــلا ثمـــــــــــن
إلى آخـــر كلمات النشيد
وشكرررررررررررررررررررررررررررررررررررررررا

أخوكـــــــم عاشـق تراب مصــــر - نور الصباح -

-----------------------------------------
الاخ العزيز احمد المحترم
تحية طيبة
قصيدة نحن الشباب من كلمات الشاعرالرقيق الاخطل الصغير و الحان الموسيقار اللبناني محمد فليفل.
مرفق مع المشاركة نوتة مبسطة و ملف صوتي لهذه الانشودة ارجوا ان تنال رضاك مع التقدير
وسام

[تلميذ القصبجي]

السلام عليكم
هذه مشاركتي الاولى
معزوفة نرجس للاستاذ عبدالرحمن جبقجي

[تلميذ القصبجي]

السلام عليكم
هذه هديتي لكم جميعا كعضو جديد

[عزت شحاته]

استاذى الجميل / عادل صموئيل
وجدت نوتة (مصر التى فى خاطرى )
لعلها توفر بعض الوقت لحضرتك
ومرفق الكلمات
وايضا الملف الصوتى ..
من اجل الاستاذه انيتا
.............................................
الاستاذ / ابو كارم
اقتراحك جميل جدا .. واتمنى ان تهدأ الأمور
حتى يتحقق
............................................
الصديق / عاصم الشناوى
اين انت .. طمنى عليك .. وعلى شغلك
.. انا عارف ان السياحه فى وعكعه ..
لكن معلهش هترجع تانى ان شاء الله

.. (ياما دقت ع الراس طبول)

[تلميذ القصبجي]

اخوتي
السلام عليكم
اهديكم نوتة رقصة على مقام بياتي

[تلميذ القصبجي]

اخوتي
السلام عليكم
اهديكم هذه النوتة

[تلميذ القصبجي]

وهذه كمان نوتة

[تلميذ القصبجي]

وهذه كمان نوتة

[تلميذ القصبجي]

اخوتي
السلام عليكم
اهديكم بعضا من نوتات الموشحات

[تلميذ القصبجي]

اخوتي
اهديكم كمان نوتات لبعض الموشحات
وانشا الله تعجبكم
تلميذ القصبجي

[تلميذ القصبجي]

اخوتي
وهاي كمان نوتات

الأخ الفاضل
اشكرك نيابة عن كل اعضاء هذا المنتدى من عشاق الموسيقى العربية
مع اطيب تحياتى عادل صموئيل

[تلميذ القصبجي]

اخوتي
السلام عليكم
اهديكم هذه النوتة
تلميذ القصبجي

[تلميذ القصبجي]

اخوتي
اهديكم نوتة هذا السماعي القديم على مقام بيات والحقيقة انني لا اعرف من هو مؤلفه
ولكن آمل ان ينال اعجابكم

[عادل صموئيل]

احبائى
اقدم لكم نوتة نشيد من اروع الاناشيد التى قدمها عبد الحليم بعد ثورة يوليو
صورة
انا هنا دونت الكوبليه رقم 1و2 و3 فقط
وهى اروع ما فى الاغنية
والسبب انى لم اكملها له قصة
انى لم اجد تسجيلا كامل للجزء الصغير الباقى بسبب ان فيه اسم جمال عبد الناصر
والقصة ان بمجرد ان اعتلى الرئيس الراحل انور السادات الحكم حدثت كارثة خطيرة , مش عارف مين دخل الإذاعة المصرية وحذف اسم جمال عبد الناصر من الاناشيد والأغلنى الوطنية بل استبعدت بعض الاناشيد واختفت , لم يدرك من عمل تلك العملة السوداء انه ارتكب جريمة فى حق التراث والتأريخ الموسيقى لمرحلة من اهم مراحل مصر الموسيقية على مر التاريخ وهى من سنة 1950 وحتى 1970 , واقول انها اهم مرحلة فى تاريخ مصر الموسيقى لأنها كانت عصر نضج فن كل عمالقة الزمن الجميل , واليوم عندنا فى مصر قامت ثورة جديدة , ( ونحن منذ اكثر من ثلاثين يوماً مابنعملش حاجة غير متابعة كل القنوات الإخبارية 24 ساعة ومش ببنام لتلاحق الاحداث ) , وطبعاً كل انسان مننا لما بيشوف مواقف زى دى بيشوف بالذات الموضوع اللى بيخصه يعنى الطبيب مثلا بيركز على الإصابات واخبار المستشفيات و انا طبعاً مركز على الاناشيد الوطنية المصاحبة للصورة , وطبعاً لما بتسمع ام كلثوم او اى حد من جيل العمالقة يعنى حتى الدلوعة شادية لما تسمعها بتغنى يا حبيبتى يا مصر وانت شايف دبابات على الشاشة تحس ان صوت شادية بقوة الدبابات , وهنا ظهر ( من ضمن الاشياء اللى انا شخصيا بعتبرها من ظواهر الفساد خلال ال 30 سنة الماضية ) وهى جيل اللى بيغنوا ع الشعب يعنى المحسوبين مطربين وهم مش ..... لأن كلمة مطرب يعنى من عبد الحليم وانت نازل , من اخطر الظواهر ظهور جيل اللى بيغنوا من الشباب المخنثين او اللى تحس انهم بيغنوا بمياعة ويترقصوا بإبتذال ويتنططوا ع المسرح زى القرود وظهرت كارثته لما حاولوا يشتركوا آل ايه فى الثورة ويعملوا اغانى
ظهرت الفاجعة يعنى تسمع اغنية وطنية بصوت شاب صوته مايع مخنث والموسيقى التافهة وانت شايف شهداء على الشاشة انا حسيت بقرق وبقيت ابحث عن اى محطة اخرى اسمع فيها ام كلثوم بتقول وقف الخلق ولا عبد الحليم بيقول فدائى , واللى حضر منكم الحروب كانت الاناشيد دى اقوى من مدافع الهاون ودانات الدبابات , كان زمان فيه كلمة خطيرة احب اقولها لكم المطرب يعنى صوت راجل وشكل راجل وحركات راجل على المسرح , لأنه فنان زيه زى اى محامى او طبيب او أى شخصية محترمة واكتر كمان لأن تسجيل المطرب بيبقى ابد الدهر , وكلمة مطربة يعنى فنانة محترمة زى ليلى مراد او فايزة مثلا مش الحاجات اللى بنشوفها دلوقتى
فى الختام تحباتى الى ارواح الشهداء فى كل البلاد فى مصر وتونس وليبيا واليمن والبحرين , ولكن كل ما اتمناه ان بعد ماتستقر الأمور ( طبعاً انا بتكلم من ناحية شغلتى ) اتمنى يارب انى قبل ما اموت اشوف مطربين رجالة رجالة فعلا ومطربات بنات محترمات ينسوا اللى حصل فى ال 30 سنة الماضية ويكملوا امتداد العظماء اللى سبقوهم , وبينى وبينكم انا نفسى فى وسط حركة التطهير دى انهم يقبضوا على كل اللى كانوا بيغنوا خلال ال30 سنة الماضية ويدوهم 45 يوم استمرار اعدام , او كمان نفسى زى ماشبابنا الجميل اللى زى الورد نزل ينظف شوارع البلد , نفسى يحكموا على اللى بيغنوا دول انهم يمسكوا ادوات وينظفوا آذاننا من اللى عملوه فينا خلال 30 سنة

[تلميذ القصبجي]

طب ممكن لو مفيش حد حيكتب نوتة مرمر زماني يقولي مقامها ايه ؟
اخي عبد الرحمن
السلام عليكم
اهديك يا اخي نوتة اغنية مرمر زماني على مقام هزام

[عود الاندلس]

الاستاذ عادل كنت اتمنى ان اعرف اذا كنت دونت نوتة امي ثم امي من قبل او اذا كانت متوفرة عند احد الاعضاء وشكرا وتحياتي لجميع الاعضاء

تفضلي أيتها الأخت الكريمة
الأغنية من تدوين الأستاذ عادل صموئيل
فهي موجودة بقسم طلبات النوتة في صفحة رقم 295

[nourshd]

محتاجة نوتة
عاشت بلادنا
عظيمة يامصر
وموسيقي رفع العلم
ياريت حد يرد عليا ويساعدنى
ضرورى جدا

الأخت الفاضلة
اولا اهلا بكى فى المنتدى
انا اعتذر عن تأخرى فى الرد عليكى نظرا للظروف
اقدم لكى اولا نوتة موسيقى رفع العلم هو جملة واحدة بين كل جزء وجزء نفس بسيط وتكرر حتى رفع العلم
لما تجربيها اكيد حتكونى سمعتيها من قبل
واعدك ان ادون لكى باقى الطلبات فى اسرع فرصة خليكى متابعة
مع اطيب تحياتى عادل صموئيل

[وسام اكرم]

احبائى
اقدم لكم نوتة نشيد من اروع الاناشيد التى قدمها عبد الحليم بعد ثورة يوليو
صورة
انا هنا دونت الكوبليه رقم 1و2 و3 فقط
وهى اروع ما فى الاغنية
والسبب انى لم اكملها له قصة
انى لم اجد تسجيلا كامل للجزء الصغير الباقى بسبب ان فيه اسم جمال عبد الناصر
والقصة ان بمجرد ان اعتلى الرئيس الراحل انور السادات الحكم حدثت كارثة خطيرة , مش عارف مين دخل الإذاعة المصرية وحذف اسم جمال عبد الناصر من الاناشيد والأغلنى الوطنية بل استبعدت بعض الاناشيد واختفت , لم يدرك من عمل تلك العملة السوداء انه ارتكب جريمة فى حق التراث والتأريخ الموسيقى لمرحلة من اهم مراحل مصر الموسيقية على مر التاريخ وهى من سنة 1950 وحتى 1970 , واقول انها اهم مرحلة فى تاريخ مصر الموسيقى لأنها كانت عصر نضج فن كل عمالقة الزمن الجميل , واليوم عندنا فى مصر قامت ثورة جديدة , ( ونحن منذ اكثر من ثلاثين يوماً مابنعملش حاجة غير متابعة كل القنوات الإخبارية 24 ساعة ومش ببنام لتلاحق الاحداث ) , وطبعاً كل انسان مننا لما بيشوف مواقف زى دى بيشوف بالذات الموضوع اللى بيخصه يعنى الطبيب مثلا بيركز على الإصابات واخبار المستشفيات و انا طبعاً مركز على الاناشيد الوطنية المصاحبة للصورة , وطبعاً لما بتسمع ام كلثوم او اى حد من جيل العمالقة يعنى حتى الدلوعة شادية لما تسمعها بتغنى يا حبيبتى يا مصر وانت شايف دبابات على الشاشة تحس ان صوت شادية بقوة الدبابات , وهنا ظهر ( من ضمن الاشياء اللى انا شخصيا بعتبرها من ظواهر الفساد خلال ال 30 سنة الماضية ) وهى جيل اللى بيغنوا ع الشعب يعنى المحسوبين مطربين وهم مش ..... لأن كلمة مطرب يعنى من عبد الحليم وانت نازل , من اخطر الظواهر ظهور جيل اللى بيغنوا من الشباب المخنثين او اللى تحس انهم بيغنوا بمياعة ويترقصوا بإبتذال ويتنططوا ع المسرح زى القرود وظهرت كارثته لما حاولوا يشتركوا آل ايه فى الثورة ويعملوا اغانى
ظهرت الفاجعة يعنى تسمع اغنية وطنية بصوت شاب صوته مايع مخنث والموسيقى التافهة وانت شايف شهداء على الشاشة انا حسيت بقرق وبقيت ابحث عن اى محطة اخرى اسمع فيها ام كلثوم بتقول وقف الخلق ولا عبد الحليم بيقول فدائى , واللى حضر منكم الحروب كانت الاناشيد دى اقوى من مدافع الهاون ودانات الدبابات , كان زمان فيه كلمة خطيرة احب اقولها لكم المطرب يعنى صوت راجل وشكل راجل وحركات راجل على المسرح , لأنه فنان زيه زى اى محامى او طبيب او أى شخصية محترمة واكتر كمان لأن تسجيل المطرب بيبقى ابد الدهر , وكلمة مطربة يعنى فنانة محترمة زى ليلى مراد او فايزة مثلا مش الحاجات اللى بنشوفها دلوقتى
فى الختام تحباتى الى ارواح الشهداء فى كل البلاد فى مصر وتونس وليبيا واليمن والبحرين , ولكن كل ما اتمناه ان بعد ماتستقر الأمور ( طبعاً انا بتكلم من ناحية شغلتى ) اتمنى يارب انى قبل ما اموت اشوف مطربين رجالة رجالة فعلا ومطربات بنات محترمات ينسوا اللى حصل فى ال 30 سنة الماضية ويكملوا امتداد العظماء اللى سبقوهم , وبينى وبينكم انا نفسى فى وسط حركة التطهير دى انهم يقبضوا على كل اللى كانوا بيغنوا خلال ال30 سنة الماضية ويدوهم 45 يوم استمرار اعدام , او كمان نفسى زى ماشبابنا الجميل اللى زى الورد نزل ينظف شوارع البلد , نفسى يحكموا على اللى بيغنوا دول انهم يمسكوا ادوات وينظفوا آذاننا من اللى عملوه فينا خلال 30 سنة
---------------------------
الاستاذ القدير و الكبير أستاذ عادل صموئيل المحترم
تحية طيبة , أرجول لك كل خير أنشاء الله. أولا أشكرك جدا على تدوينك لاغنية العندليب الاسمر ( صورة) و اللتي أعتقد ان كل واحد منا يحمل لها ذكرياته الخاصة معها. كما قرأت تفسيرك لحذف الكوبلية الرابع. انا من بعد أذنك طبعا, دونت الكوبلية الرابع بشكل مبسط و مرفق مع ملف صوتي. أرجوا ان ينال رضاك و رضا الاعزاء مع خاص أحترامي و تقديري
المخلص الى الابد
وسام

[عادل صموئيل]

احبائى
اولا اقدم اطيب التهنئة لأخى العزيز عزت على عيد ميلاده انا رديت على سؤالك عن انكور ممكن تروح هناك تشوف الرد
ثانيا ارحب بعودة الاخت العزيزة الغالية جوليانا بعد غيبة طويلة ارجو ان تكونى معنا دائما
ثالثا اقدم نوتة
عاشت بلادنا
للأخت الجديدة نور واتمنى ان تستفيد منها ( على فكرة انا قدمت لكى نوتة رفع العلم فى مشاركتك السابقة لكن الظاهر انك ماشفتيهاش ) يعنى المفروض ان الاعضاء الجدد يواظبوا على دخول المنتدى عشان انا احس بجدية طلباتهم يعنى بيحصل كتير واحد طلب طلب من 15 سنة وانا دونته وهو مادخلش المنتدى من ساعتها
واخاطب الأخت نور ( وطبعاً كل مدرسى الموسيقى المجتهدين فى المنتدى )
طبعاً الكل هنا يعرف انى بحاول ان اقدم كل خبرتى ومعلوماتى لكل ابنائى واحبائى
انتى طلبتى مارشات لطابور المدرسة وانا افضل انك تبحثى هنا فى موضوع طلبات النوتة يعنى انا دونت اكتر من 100 نشيد ممكن تاخدى منهم موسيقى مارشات تكفيكى طول عمرك يعنى تختارى جمل من الاناشيد وتكررى الجملة مرتين وتلصقى وراها جملة من نشيد تانى يعنى ممكن تعملى لنفسك كذا كوكتيل من الاناشيد العظيمة دى
وانا شخصيا يعنى كموجة اول تربية موسيقية وفى الوزارة صانع اعمال يعنى بعمل المسابقات وحاجات كتير من منهج او كتب الموسيقى بتاعتكم , المنهج والمسابقات ده حاجات احنا بنفرضها عليكم يعنى لازم تنفذيها لكن الطابور ده بتاعك انتى كمدرسة موسيقى يعنى شخصيتك انتى , وانت مديرة الطابور تنفذيه زى ماتشوفى احسن حاجة , والطريقة االلى انا قلت عليها هنا ( وطبعا الكلام موجه للجميع ) انك تعملى طابور متميز يعنى انا كانت بتصادفنى مشكلة ( كفنان ) كنت بقرف منها يعنى ادخل 20 مدرسة الاقى الطابور نفس هو هو كل حاجة يعنى مدرسة حافظة جملتين تعزفهم ف الطابور وكل المدرسات بيعملوا نفس الجملتين , بالنسبة للموجهين بتبقى حاجة مملة ولما تكبرى وتبقى موجهة حاتحسى بده , طيب فين انتى ؟ يعنى فين ذوق مدرس الموسيقى والفنان المفروض ان يكون جواه , بالطريقة اللى انا بقول عليها لو عملتى ( من مدوناتى الكتير هنا ) كذا كوكتيل ممكن لو انا الموجه بتاعك وزرتك 20 مرة ممكن اسمع منك عشرين طابور مختلف مش كده ولا إيه ؟
آخر سؤال انتى طلبتى عظيمة يامصر هل انتى عندك اورج شرقى ؟ طبعا انا يسأل لأن احب اعرف كل امكانيات المدرسين اللى بتعامل معاهم هنا فى المنتدى
مع اطيب تحياتى واكتبى لى انك خلصتى النوتة دى

[عزت شحاته]

استازى الجميل / عادل صموئيل

اغنية ( انا مهما خدتنى المدن) للمطرب عماد عبد الحليم
اغنيه جامده قوى ومناسبه جدا لعيد الام ووطنيه فى نفس الوقت
( وبيها نفس مواصفات التى طلبتها الاخت انيتا والتى ارشحها لحضرتك )..
(حاولت رفعها لم استطع لان رفعتها لحضرتك قبل كده فى صفحة 337)
.................................................. ..................
الاخت nourshd
نوتة اغنية ( عظيمه يا مصر)
.................................................. .................

[عادل صموئيل]

احبائى
وسط التطورات المتلاحقة كل يوم ومش عارفين ايه حايحصل بعد ساعة
اقدم لكم بناء على طلب الأخت العزيزة جوليانا
نوتة اغنية الشهيد يابلادى

اول ماسمعتها هى على سلم رى الكبير او عجم على رى لكن وجدت انها بتوصل لنغمة صول فوق المدرج طبعا مفيش تلاميذ يوصلوا للنغمة دى , وطبعاً اولا عشان معزة الاخت جوليانا عندى وعشان ما اكونش تغبت على تدوين اغنية مش حاتقدر تنفذها لأن الاولاد حاييجو عند النغمة دى وحاتطلع نشاز طبعا , وطبعا الكلام ده للجميع زى ما انتم عارفين
انا قلت اخليها من دو يعنى ننزل كلمة لقيت نفس النغمة لسه عالية يعنى بقت فا مالهاش حل قلت انزلها من لا حاتبقى النغمة العالية مى يعنى مالهاش حل لأن لو اللحن ما ينفعش ينزل اكتر من كده , وطبعا دى من مشاكل الفقداء اللى بيلحنوا دلوقتى يعنى يكون اللى بيغنى صوته مسرسع اوى يعمل لع مصيبة زى دى , يعنى جدير بالذكر زمان مثلا المطرب الرئع كارم محمود كانت نغمة صول دى بيعملها وهو مغمض وعنده اعلى لكن كان الملحن الفنان بيعمل له اللحن فى المنطقة دى يعنى جمل موسيقية جميلة جداً لكن اللاحن مش مفتوح اوى بحيث ان لو حاول حد يغنيها من طبقة اقل ممكن ينزل باحته لأن الغليظ حيكون فى حدود المعقول , لكن الخايبين بتوع دلوقتى يعمل النغمة العالية والنغمة الواطية فى اللحن مسافة بينهم زى من هنا لأخر فيصل , وبعدين زى تنويه الاخت جوليانا خلوا بالكم ان المذهب تلحين الاستاذ بليغ حمدى يعنى طبعا شوفوا الفرق بين جمال الجملة القديمة والجديدة ولاحظوا ان فيها اوكتتاف برضه لكن بين العالى والواطى اوكتاف يعنى اى مطرب ممكن يغنيها من اى مكان لكن مانجيش نعمل المسافة الكبيرة دى فهمتوا حاجة
انا طبعا دونت الالحن ومش عايز اخليكم تحسوا اننى تعبت دونته تانى 3 مرات ولكن انا تعبت ودونته مرة واحدة لكن عندى فى البرنامج ممكن اغير البيتش او التون بتاع النوتة لأى درجة انا عايزها
عملت مرة من رى ومرة من دو ومرة من لا وكل واحد يختار اللى تعجبه , يعنى كأنك فى محل بيتسا وتختار
طبعا اول مرة تحصل دى ولكن ابتسموا لأنكم بتعيشوا فى عصر عادل صموئيل يعنى طبعا اكيد ببقى عارف المشاكل والامكانيات اللى عندطلبة المدارس وربنا يسترها ونكمل السنة دى على خير , لأن اللخبطة دى ماحصلتش عمرها
يعنى مالهاش سابقة عشان نتخيل ايه الوضع فى التعليم يعنى حتى ثورة يوليو حصلت فى يوليو كان اجازة الصيف بعدين استقر العام الدراسى , اما ثورة عرابى ماكانش فيه مدارس اصلا
معلش استحملونى تخاريف عواجيز مع اطيب تحياتى وفاصل ونعود

[عزت شحاته]

الاخ العزيز / ابو كارم
نوتة (الدنيا ريشه ف هوا )
معلهشى .. هيه اللى موجوده
لو عجبتك .. هاكتبها على الانكور قريب وانزلها بشكل احسن

[Anitta]

الاستاذ SAIDAICHA1 نوتة محمد نبينا موجودة في المنتدى هنا بس مش فاهمة اصدك اية بالحقل الناقص
تفضل النوتة في المرفقات

طبعا يا استاذ faster 08 تقدر تطلب بس ممكن تحط التسجيل بتاع الاغنية الحضرتك عايزها وبعد كدة لو حد عندوا النوتة هيرفعها او ممكن استاذ عادل يدونها او حد من الاساتذة البيدونوا في المنتدى

[عادل صموئيل]

الأخت والأبنة العزيزة انيتا
وطبعا الكلام موجه الى الجميع
انتى طلبتى التآلفات على اغنية يابلادى
انا هنا حديكم درس صغير جدا عن التآلفات من وجهة نظر مثل انجليزى قديم ان افضل ان اعطيك رغيفاً من الخبز ان اعلمك كيف تخبز رغيفاً من الخبز . المشكلة انى عايز اديكم حصة صغيرة ازاى انتم تعملوا التآلفات بنفسكم
اولا لن انا لو حطيت تآلفات ممكن تكون صعبة عليكم لأنى اكيد حافترى عليكم شوية وممكن تكعبلكم وزى ماقلت من قبل ان فى الموسيقى الشرقية المفضل انك تعمل الايد الشمال على ذوقك
انا هنا فى المرفقات عامل تآلفات السلم الكبير يعنى تآلف درجة دو هو الدرجة الاولى والثالثة والخامسة يعنى دو وثالثتها مى وخامستها صول يعنى لو فى اول المازورة نغمة دو ممكن نحط فى اشمال دو مى صول او نغمتين منهم يكفوا يعنى دو صول او دو مى او مى صول ( طبعا اقروا السطر ده كذا مرة علشان تستوعبوه كويس والكلام ده للى لسه مش دارسين موسيقى لأن الدارسين طبعا شبعوا من الكلام ده )
نفس الكلام من اى درجة او اى نغمة يعنى مثلا نغمة فا التآلف بتاعها يبقى فا لا دو يعنى الاولى والتالثة والخامسة
وايضا ممكن فى الايد الشمال تحط التآلف كله او اى نغمتين منه
لما نيجى لتآلف اللى يتحط فى الإيد الشمال ممكن تحط زمنه روند او 2 بلانش فى ميزان 4/4 يعنى هو ارضية وماتعملش تحركات كتير عشان ما تتلخبطش وهدفه هو اظهار اللحن الاساسى يعنى لو لعبت كتير ممكن اللحن الاساسى يضيع طبعا فى كل النغمات يلاحظ دليل السلم يعنى مثلا لو دليل السلم فيه سى بيمول يبقى لازم فى الشمال تبقى السى بيمول
فيه كمان حاجة خطيرة وهى التوافق والتنافر فى اى سلم الدرجة الثانية والسابعة متنافرة
يعنى مثلا فى سلم دو المتنافر لو ضغطت دو مع رى ( لأنها التانية بتاعتها ) والتنافر دو مع سى ( لأنها التانية بتاعتها ) بمعنى مثلا لو اول نغمة فى المازورة دو فى الايد الشمال اوعا تحط تآلف رى او سى حط تآلفات اى نغمات تانية
واقولها البلدى اى نغمة ماتحطش معاها اللى قبلها واللى بعدها يعنى مثلا
اول نغمة ف المازورة صول اوعا تحط معاها تآلف فا او تآلف لا يعنى ان ماحطيتش تآلف صول ممكن تحط اى تآلف تانى غير دول
طبعا الدرس ده فى الكلية بيتعلموه فى خمس سنين ( وساعات وساعات يعنى فيه ناس بيعمل معاها شغل وناس تطلع بيضا ) لكن زى ماقلت العملية عملية واحد بيحب الحاجة ويحاول يفهمها حتة حتة , وطبعا مش حانقرا الكلام ده نروح عاملين التآلفات على طول يعنى اكيد حتاخد وقت بس نفهمها كويس يعنى نقرا كلامى هنا كذا مرة ونجيب ورقة وقلم
ونذاكرهم وحانوصل والعملية زى ماقلت هى تفهم الموضوع زائد ذوق
وانا معاكم
مع اطيب تحياتى عادل صموئيل

[عزت شحاته]

استازى الجميل / عادل صموئيل
نوته اغنية (الدنيا ريشه)
اول كتابة لى على برنامج انكور .. بعد المذاكره والاجتهاد
لما قدمته حضرتك من شرح عالى المستوى
ارجوا التقييم والمراجعه -- وكلى ازان صاغيه ..
فأنا اعتبر نفسى تلميذ صغير فى مدرسة عادل صموئيل
========
الاخ العزيز / ابو كارم - الاخ العزيز / وائل علوى
اهديك اول نوتة بناء على طلبك .. لكن لو تنتظروا رآى الاستاذ
اولا يبقى افضل .. ثم اتفضلوا انتوا وكل الاخوه الاعضاء

[عزت شحاته]

اخى العزيز /وائل علوى - احى العزيز ارمندو
شكرا على لفت انتباهى للأخطاء التى حدثت بالنوتة
التى رفعتها ف السابق ..اغنية (الدنيا ريشه )
وهاهى المحاوله الثانيه بعد التعديل
وانتظر ردكم
=======
وايضا ارجوا ان يسمح وقت استاذنا الاستاذ عادل
فأنا فى انتظار التقييم
============
اخى وصديقى /عاصم الشناوى
ليك مده .. اين انت ؟
نريد الاطمئنان ..
=====================
الى نفسى..
موضوع التدوين طلع شىء مش سهل ابداااااااااااا
دا انا مجرد بنقل نوتة مكتوبه ومدونه ف السابق
واخدت منى الجهد دا كله
امال اللى بيعملوا الاستاذ دا يبقى ايه
ربنا يديك الصحه يا استاذ

[عزت شحاته]

معلهشى .. رفعت اسم النوتة خطأ ..
(سماح النوبه)..
لان كان فى بالى ارفع اعنية ( ام البطل )
بعد ما اسمع رأيكم الاول فى (الدنيا ريشه )
.................................
وبما ان المفاجأة اتحرقت ف انزل الاتنين واسمع الرأى

[وسام اكرم]

العزيز الأستاذ عادل..اكرر طلبى لتدوين اغنية يا حبيب الروح للراحلة ليلى مراد وارجو ان تتذكرها هذة المرة وتكون الثالثة ثابتة مع تحياتى......ارمندو:emrose::emrose:
--------------------------------------------
حبيب قلبي ارمندو
مساء الخير او صباح الخير؟ الساعة في بغداد 12.24 AM
هذه نوتة ياحبيب الروح من تدوين ألاستاذ عادل صموئيل مع خالص حبي و تقديري...
وسام
اولا اشكر الاخ العزيز وسام
ثانيا انا كررت عشرات المرات ان اى عضو يطلب نوتة يشوف الاول هل هى موجودة ام لا على الصفحات انا مش بفتكر النوتات اللى انا دونتها وحصلت كذا مرة انى دونتها مرة اخرى يعنى اطلب من جميع الأحباء انهم يعملوا بحث فى المنتدى عن اى نوتة يطلبوها مع جزيل الشكر
مع اطيب تحياتى عادل صموئيل

[عادل صموئيل]

انا عاوزه ضرووووورى بلييييييييز نوته صباح الخير يامولاتى لسعاد حسنى :emrose:

الأخت العزيزة
انا دونت هذه النوتة واهديها لأمى العزيزة التى رحلت عنى فى نفس الوقت العام الماضى
كما اهديها لكل المدرسين فى المنتدى
لكن فيه ملحوظة : اللحن ده بالذات فيه كعبلة كتير يعنى لو انتى حافظاه كويس حايبقى سهل جدا جدا انك تعزفيه من النوتة طبعا انا حاولت تبسيطه على قد ماقدرت , لكن برضه بيحتاج ان اللى يتناوله يكون حافظ التسجيل كويس عشان فروق السرعات وطريقة الأداء , بس اكيد انتى طلبتيه لأنك عارفاه كويس
اتمنى ان يطلع حلو ومع اطيب تمنياتى عادل صموئيل

[عادل صموئيل]

احبائى

اقدم لكم
نوتة قلبى سعيد
اهديها لأخى العزيز هيثم صالحى
انا آسف اتأخرت عليك بسبب الثورات
اتمنى ان يسعد بها الجميع
مع اطيب تحياتى

[عزت شحاته]

الى استازى الحميل / عادل صموئيل
الى كل الاخوه اعضاء المنتدى الغالى
اهديكم نوتة جديده
( مصر مصر تعيشى يا مصر )
للمطرب مدحت صالح وناديه مصطفى
مرفق الكلمات

[عادل صموئيل]

احبائى
لفت نظرى فى الحوار بين اخوتى الأحباء فؤاد والعلمى ووائل
توضيح بسيط فى الخلاف بين الموسيقى الشرقية والموسيقى الغربية
يعنى لو انا بدرس حصة موسيقى غربية وبشرح السلالم الموسيقية
السلالم الموسيقية فى الموسيقى الغربية تتكون ابعاد بين النغمات وبعضها على اساس بعد ونصف بعد او تون ونصف تون يعنى سلم دو الكبير ايعاده من اليسار
واحد واحد نصف واحد واحد واحد نصف
لكن عندما نتكلم عن الموسيقى الشرقية يوحد بعد ثالث بيحتمه وجود النغمات الشرقية وهى النصف بيمول والنصف دييز
والتعليم الجيد بيوفر افضل طريقة لمنع الاختلاف والخلاف وتوضيح المعنى بحيث لاتحدث بلبلة وخلط
لذلك قسموا الابعاد فى الموسيقى الشرقية إلى البعد بوجود الربع
بمعنى ان التون الكامل او المسافة الكاملة فى الموسيقى الغربية واحد لكن فى الموسيقى الشرقية نقسمه الى اربعة اجزاء
يعنى سلم دو فى الموسيقى الشرقية يسمى مقام العجم وابعاده من اليسار الى اليمين
4 4 2 4 4 4 2
وهنا نلاحظ ان البعد الاول وهو بين الدو وال رى انقسم إلى اربعة اجزاء
وهذا التميز ان عندما يكون بعد ثلاث ارباع يسمى 3
يعنى مثلا مقام البياتى ابعاده من اليسار الى اليمين

3 3 4 4 2 4 4
ومرفق هنا شرح توضيحى على المدرج انا عملته لكم على عجالة واتمنى ان يفى بالغرض
وطبعاً كل من يهمه الامر المقامات الشرقية عندكم وانتم اكتبوا عليها الابعاد بهذه الطريقة انا اعتقد انها ممتازة وللعلم هى ما تعلمت به المقامات الشرقية فى كلية التربية الموسيقية
مع اطيب تحياتى واتمنى ان تستفيدوا من هذا الدرس المتواضع


http://www.sheekh-3arb.net/3atter/dividing_files/image394.gif

[عادل صموئيل]

احبائى
اقدم لكم اليوم نوتة
جبار كاملة
انا كنت قدمتها من قبل الكوبليه الاول لكن الاخوة الأحباء طلبوها كاملة وطبعا ان ما اقدرش اتاخر على طلباتكم
يعنى انا اعتقد انها صعبة جدا لكن انا بقدمها هنا زى ماتقولوا تشجيعا للبورصة الموسيقية
اصل عندنا فى مصر طول النهار بيقولوا شضجعوا البورصة شجعوا البورصة
وانا هنا ماعنديش حاجة اقدمها سوى النوت
مع اطيب تحياتى

http://jewelsuae.com/gallery/data/media/14/v_31.gif= 450) this.width = 450; return false;" border=0>

[عادل صموئيل]

http://jewelsuae.com/gallery/data/media/14/v_40_2.gifاحبائى
يسعدنى ان اقدم لكم اليوم نوتة رائعة عبد الحليم
حاول تفتكرنى
انا دونتها كاملة وراعين فيها اقصى درجة فى التبسيط ( يعنى فى الفرقة الماسية كانت مكتوبة اصعب من كده كتير ) بس انا طبعا يهمنى جدا الأخوة المبتدءون يعنى افتخر لو اكبر عدد ممن يقدر يعزف النوتة , اما عن الذكريات وأشكر اخى العزيز عاصم المنشاوى , طبعاص الذكريات كتير جداً لكن اولا ارد على سؤاله لمذا غنى عبد الحليم اكثر من اغنية , فى هذه الحفلة غنى عبد الحليم 3 اغنيات يامالكاً قلبى ورسالة من تحت الماء للموجى ثم حاول تفتكرنى والسؤال لمذا غنى عبد الحليم 3 اغنيات مرة واحدة وارد رد حايخليكم تستغربوا بس بجد وانتم تعرفون مصداقيتى وحيادى : عبد الحليم غنى 3 اغنيات فى هذه الحلفة لأنه كان لا يستطيع غناء عشر اغانى , طبعاً التفسير ان كنا بنعمل بروفات خمسة وخمسين بروفة على الاغانى وفى حالة ال 3 اغانى كنا بنسجلهم فى 3 ايام تسجيل متواصل لمدة 20 ساعة على الأقل الشريط مش بيقف ثم البروفة الجنرال ثم بروفة فى الصباح يوم الحفلة فى مكان الحفلة عشان ضبط الميكروفونات واجهزة التسجيل ثم الحفلة ( وهذا التقليد اخذه عبد الحليم عن السيدة ام كلثوم وبعد ما توفى عبد الحليم بقت وردة وفايزة يعملوا فينا كده ) المهم بعد يوم شم النسيم كان عبد الحليم تانى يوم يسافر لندن فى مشتشفى لندن كلينك وله غرفة هناك مخصصة له يتعمل له عمرة كاملة وانا اذكر مرة زرته فى المستشفى دى والممرضة كانت بتشتكى انها مش لاقية فى جسمه عرق سليم عشان تعطيه الحقنة , يعنى تخيلوا الانسان البائس اللى كان بيسعد الملايين كل شرايين جسمه تلفت من كتر الحقن والممرضات كانوا بيبحثوا عن واحد سنتيمتر سللين فى اى مكان من جسمه !!!!
المهم كان عبد الحليم دايما بيتوقع النهاية لأن صحته كانت وصلت لحارة سد يعنى وصلت الحالة انهم عرضوا عليه استئصال الكبد ( كان لسه مافيش زرع كبد ) ولكن الاطباء فهموه ان استئصال الكبد بيعمل فقد ذاكرة جزئى فى اى وقت هو قال يعنى ممكن اقف على المسرح انسى حاغنى ايه او انا مين او انا جاى الحفلة دى ليه اصلاً , طبعاً فضل انهم يحاولا يلصموا فيه ويموت عظيم ولو تراجعوا قارءة الفنجان كانت احلى حفلة كان فيها اجمل صوت لعبد الحليم يعنى دى معجزة ان مستشفى متنقل ربنا أخد منه كل حاجة لكن حافظ له على صوته لآخر لحظة , ده السبب اللى كان بيخليه فى سنواته الأخيرة يحاول يجهد نفسه عشان يعمل اكبر عدد ممكن من الاغانى يتركها للذكرى والتاريخ لأنكل سنة كان بيحس ان ممكن ما يبقاش فيه عبد الحليم فى شم النسيم القادم , لكن فى حفلة نبتدى منين الحاكية كانت الاغنية كبيرة جدا ماتسمحش اننا نعمل حاجة تانية معاها , يعنى هنا حاول تفتكرنى هى زمنها طويل لكنها عمليا صغيرة يعنى لو حسبت المقطه بتاع ابقى افتكرنى بيتعاد فى كل كوبليه وجملة تعالى , وقد يسأل حد بتعملوا خمسة وخمسين بروفة على ايه ؟ انت لو شفت اول بروفة واول ورق اتحط قدامنا وقارنته باللى بتسمعه دلوقت تلاقى 50% منها اغنية تانية يعنى كل يوم الماحن بيعدل ويغير ويشيل ويحط يعنى المقدمة دى مثلا اتغيرت كذا مرة وكل حرف اتراجع 100 مرة بس اللى كان بيزعجنا ويضايقنا الاورج ( وانا بكره الاورج على فكرة ) كان يجيب اورج جديد ويقعد يستعرض علينا بأصواته الجديدة اللى كان معظمها مقرف ويقعد يجرب الصولو صوت صوت لما روحنا تطلع وبعد ما اعصابنا تخلص بعد 70 غيار يرجع للصوت الاولانى , بس برضه انا النهاردة لما حصلت الثورة باترحم على كل فنانى العصر الجميل وعلى اناشيدهم , يعنى فى وسط الاناشيد اللى طالعة لثورة 25 يناير ولو قارنتها بأناشيد ثورة 23 وما قبلها تحس ان الاناشيد الجديدة هبلة او فاضية يعنى تحس انها مش مصرية مش بتتكلم بلغتنا , يعنى انت لما تسمع اناشيد واغانى زمان تحس بنكهة مصر الفول والطعمية والملوخية والملوحة والفطير المشلتت وخان الخليلى والهرم والعباسية وشبرا , الاناشيد الجديدة بحس ان مالهاش نكهة اصلا , فيه حاجة تانية كل اغنية انت سمعتها من عبد الحليم او ام كلثوم بتكون الاغنية دى عندهم من كذا سنة قبل ان يغنيها بس هى عملية نفس يعنى هو لازم يكون عنده 4 اغانى جاهزة على الاقل ( عشان مش يتزنق قبل الحفلة ويختار اغنية اى كلام وخلاص ) هو بيكون عنده الاغانى جاهزة وهو بيحدد الجو يسمح السنة دى بأى اغنية , طبعا الكلام ده مش بيحصل دلوقتى , يعنى الملحن بيجى له 17 اغنية فى يوم واحد يدخل على الاورج يدبهم وزى ما يطلعوا ممكن يطلعوا كلهم اتغنواا قبل كده 100 مرة , يعنى حتى دلوقتى تلاحظ ان جمل كتير بحالها زى ماهى فى 100 اغنية , على ايامنا اى جملة لو فيه اشتباه او شبهة ان اى احجة شبهها كانت بتتنسف فوراً
طبعا اشكركم على حسن الاستماع
ومع اطيب تحياتى

http://www.up.qatarw.com/up/qatarw_wdelENvrqg.gif= 450) this.width = 450; return false;" border=0>

[عادل صموئيل]

احبائى
اقدم لكم نوتة موسيى عبد الوهاب
الحب الاول او ( عواطف )
واقدم معها تسجيل المقطوعة الموسيقية
اتمنى ان تسعدوا بها
مع اطيب تحياتى


http://www.up.qatarw.com/up/qatarw_IZt8OuP7Er.gif

[عادل صموئيل]

http://jewelsuae.com/gallery/data/media/14/3f3d3c88a81.gif= 450) this.width = 450; return false;" border=0>

الدنيا ليل والنجوم طالعة تنورها نجوم تغرى النجوم من حسن منظرها
ياللى بدعتوا الفنون


اقدم لكم نوتة رائعة من كلاسيكيات عبد الوهاب الخالدة

الفن

اهديها لأخى العزيز وائل
هنا ملحوظة الاغنية دى لما تسمعها يتهيأ لك انها صعبة جداً ولكن على العكس انا هنا بسطتها بشكل ممكن تعتبره اعجازى
يعنى المقدمة ادليب عملتها على ميزان عشان اى حد حتى لو مبتدىء ممكن يقراها بدون مشاكل بس المشكلة فى اللحن ده هو سهل جدا لكن فيه خاصية انه بيحتاج احترافية عالية جدا جدا فى الأداء ودى موضوع صعوبته , يعنى اللى يعزفه كله محتاج انه اولا يكون حافظ اللحن صم بحيث ان النوتة ترشده
طبعاً لاحظوا فروق السرعات بين الكوبليهات
كمان لاحظوا الانتقالات المقامية العبقرية والخبيثة احيانا اللى عبد الوهاب لازم يعملها والا ما يبقاش عبد الوهاااااااااااااااب
مع اطيب تحياتى

[عاصم المنشاوى]

252719الأستاذ/عادل
تسلم ايديك ع المجهود الضخم لأغنية "الفن"...والتى لأسباب سياسية كانت نادرا ما تذاع وأذا أذيعت ,كانت تذاع مبتورة...بدون ذكر أسم الملك "فاروق الأول"....رحمة الله عليه...
الأستاذ/حجازى ...دى نوتة "يانسمة الحرية"لعبد الوهاب واتمنى ان تكون هى...ولا تقصد أغنية تانية؟....

[وائل علوي]

استاذي الجميل واخي العزيز عادل
اشكرك كل الشكر على هذه الهدية الغالية وكرمك الكبير
النوتة اكثر من رائعة وسهلة الاداء
وعندي استفسار وهو هل ممكن تحولها على مقام الحجاز كار؟؟ انا عارف ان الكرد (2 بيمول ) ممكن تحويله بسهولة على الحجاز كار( 4 بيمول) بس هل النهاوند (3 بيمول ) ممكن تحويله الى الحجاز كار؟؟؟
اعتقد انها عملية صعبة ويمكن تحتاج لاعادة كتابة من جديد---- لو كنت غلطان صحح لي استاذ عادل
انا عزفتها زي ما انت كاتبها وهي حلوة بس انا شفت ناس كثير بيعزفوها على الحجاز كار واكدو لي ان ده هو مقامها--- طبعا انا اقصد المقدمة مع المذهب
وانت كاتبهم بحرفية عالية وياريت لو بالامكان تحويلها على الحجاز كار اكون ممنووووووووووون لك كتير
وفي كل الاحوال الف مليون شكر يا راجل يا طيب
ربنا يديك الصحة والعافية وما يحرمناش منك ابدا
مع خالص تحياتي
اخوك وائل

عزيزى وائل
انا مش فاهم قصدك ايه من كلمة حجاز كار يعنى تبتدى منين
الاغنية مقام نهاوند مش ممكن تبقى حجاز كار
وفيها الكوبليه الاخير حجاز كاركورد
فى التسجيل اللى عندى هى بادئة من فا يعنى نهاوند الجهاركاه بس طبعا عالية جدا مش اى حد حايعرف يعزفها وبالذات صولو
الكمنجة , يعنى انت هل هنا سامع اللحن سليم ولا فيه اختلافات لو اللحن سليم يبقى المقام صح
هو ممكن يكون الدليل 4 بيمول لو عملنا نسخة تبدأ من فا يعنى نهاوند على الجهاركاه بس حاتزيد فى السكة فى الكوبليه التانى صول بيمول وفى جزء حاتبقى رى نص بيمول يعنى اعتقد حايبقى معقد شوية وصعب انت كان قصدك كده ؟
مع اطيب تحياتى عادل صموئيل

عزيزي عادل تاكد ان نوتتك سليمة ورائعة جداااا
وانا اقصد الي قلته تماما وهو نهاوند على الجهاركه الذي يبدا من الفا والدليل اربع بيمولات انا عايزها على المقام ده حتى لو كان صعب يبقى عندنا الاثنين وكل واحد يختار الي يحب يعزفه وتفضل ديه النوتة الي اقصدها لكنها ناقصة كتير-ياريت تقدر تحولها استاذي الكريم

[عادل صموئيل]

الأخ العزيز نور الصباح
اقدم لك اخيرا بعد ايه ................................
نوتة
يا حبيبى قول لى اخرة جرحى ايه
وشوف ايوب لما صبر كسب ايه
اما بالنسبة للدعوة الكريمة انا لو الاخ العزيز عاصم المنشاوى ييجى معايا ماعنديش مانع بس اهم حاجة عندكم شيشة على اى ترعة ؟ معلش اصل الفنانين عندهم شعرة ساعة تروح وساعة تيجى
عشان يمكن ارشح نفسى لرئاسة الجمهورية , الكل عمال يرشح نفسه وكلهم سنهم اللى 79 سنة واللى 99 سنة انا بالنسبة لهم كتكوت
مع اطيب تحياتى

[عادل صموئيل]

عزيزى وائل
اليك نسخة من الفن نهاوند على الجهاركاه
هى اصعب من اللى على الدو لكن طالما وائل طلبها يعنى قدها وقدود
وده اعتراف منى انى بشجع كل واحد نفسه يبقى مستواه اعلى
مع اطيب تحياتى

[Anitta]

الاستاذ عادل كنت اتمنى ان اجد عند حضرتك نوتة العجايب السبع بتاعت المسابقة هي عندي بس انا عايزاها pdf لانى مش هاقدر اظبطها من غير ما اسمعها
وشكرا جدا لحضرتك

عزيزتى انيتا
طبعا حتلاقى مش انا اللى عمال المساابقة السنة دى
هنا انا منزل لكم كلكم ولكل من يهمه الامر ملف مضغوط عليه كل المسابقة يعنى حضانة وابتدائى واعدادى وثانوى بصيغة pdf
فكى الضغط حتلاقى للى انتى عايزاه وكل المسابقة مع اطيب تحياتى عادل صموئيل

[وفا الزغل]

الأخوة الأعزاء رداً لجميل الكثيرين منكم وبالذات الأستاذ عادل أرفق لكم مجموعة من النوت الموسيقية التي بحوزتي وأخرى من تدويني أرجو أن تنال إعجابكم
سأبدأها بمجموعة من النوت لعدد من الأغاني التي قمت بأدائها في فرقة الأستاذ سيمون شاهين في برنامج "أصوات" والتي تظهر حرفية هذا الرجل في التنويت ودقة التفاصيل وهي موزعة بالتوزيع الأصلي لها وهي لعدد من الآلات مثل الفيولين تشلو والباص بالإضافة إلى الحن الأساسي
نبدأ بأغنية (الورد جميل )
أرجو أن تنال إعجابكم
وفا الزغل

[وفا الزغل]

والنوت التالية
(إفرح يا قلبي )
اتمنى أن تكون النوت في مكانها المناسب

[وفا الزغل]

نوت أخرى
(ليالي الأنس)
(سكن الليل)

[عادل صموئيل]

احبائى

اقدم لكم نوتة
آه لو تعرف يا حبيب قلبى
اهديها للأخ العزيز عاصم المنشاوى
اللحن ده متميز انه معمول باستايل اوروبى يعنى كانك بتسمع موسيقى اسبانى او ايطالى وذلك واضح من نوعية الآلات لكن عبد الوهاب الخبيث جدا العبقرى جدا لازم يعمل فى كل حاجة لها طابع انت او اى شخص يتخيله لازم يعمل حاجة عكسية , يعنى اى حد لما يسمع طابع اوروبى يبقى خلاص طابع اوروبى , لكن عبد الوهاب عشان يقول احنا المصريين أهم , عمل صولوهات قانون وناى وتواجد عبقرى للرق , يعنى شىء مذهل بالنسبة للأوربيين قبل العرب
مع اطيب تحياتى , طبعا انا قمت بتبسيط النوتة كا العادة جدا لن مجدى الحسينى كان احياناا بيتشاقى شوية

http://www.sheekh-3arb.net/3atter/dividing_files/image399.gif

[وسام اكرم]

[QUOTE=slimanaa;518675]يا ريت حد من الاساتذه يدون لنا تقسيمة الموسيقار الكبير فريد الاطرش (ادي الريع)او(عش انت) لانها صعبه ويلي عندو قدرات لتدوينها سيكون بالفعل موسيقار بكل معنى الكلمه وانا بعرف ان كل عضو حابب يعزف هذه التقسيمه الرائعه والمميزه والخالده لملك العود الراحل فريد الاطرش وستكون النوتة فريده من نوعها لان حتى الان ما في حدا دونها او قدر يدونها.
من اخوكم سليمان
-----------------------------------------
الاخ العزيز جدا سليمان المحترم
هذه نوتة ( عش انت) من تدوين الاستاذ القدير عادل صموئيل و قد رفعها قبل سنة تقريبا. أرجوا ان تنال رضاك مع خالص حبي و تقديري
المخلص
وسام

[عبدالرحمن مهند]

نوتة البحر بيضحك ليه الشيخ إمام

[عادل صموئيل]

احبائى
فى ذكرى اخى وصديقى الحبيب الفنان عبد الحليم حافظ
اقدم لكم ( بصفة استثنائية ) من عزفى المتواضع ثلاثة من احلى واروع ماغنى
وهم بيمثلوا عبد الحليم الحقيقى او اول مجموعة من الاغانى عملت نجم فى مصر اسمه عبد الحليم

يامواعدنى بكره
ظالم
بتقول لى بكره
طبعا الناس اللى بيعزفوا الحاجات دى ماتوا من زمان يعنى لون بنتحرم منه فى وسط ورش السمكرة اللى بنسمعها دلوقتى
ونحس بالجمل الموسيقية الجميلة اللى مش ممكن تتكرر الحلاوة دى
وال 3 اغانى دول انا بسميهم الشقيقات الثلاث يعنى فيه سر بيربط بينهم يعنى كلهم نهاوند لكن شوف الاختلاف اللى بينهم وطبعا تحياتى الى روح صديقى الفنان المبدع محمد الموجى
مع اطيب التهانى بالأعياد
ومع اطيب تحياتى http://www.sheekh-3arb.net/3atter/dividing_files/image389.gif

[نور الصباح]

الأخ العــــــــــزيز والصديــــق الرقيـــــــــــــــــق الفنان /
عــــــــــــــــــــــبد الرحمــــــــــــــن المهـــــــــــــــــند
حفظه الله ورعاه
سلام الله عليكم ورحمته وبركاته
وبعـــــــــــــــــــــــــــــــــــــــد :
إليكــــــــم أقــــدم النوتة الموسيقية لرائعـــــــــــــة الشاعر الراحل
نجـــــــــــــــــــــــــــيب ســـــــــــــــــــــــــــــــــــــــــــــــــ رور
والملحن الثـــــــــائر
الشــــــــــــــــــــــــــــــيخ إمـــــــــــــــــام عيســـــــــــــــــــــى
=(( البحـــــــــــــــــــر بيضــــــــــــــــــحك ليــــــــــــــــــــــه))=
ومرفق معها الكلمات أما بقرة حــا حـــا فهى غير موجودة على الإطلاق
وشكررررررررررررررررررررررررررررررررررررررررررررررر ا
أخوكــــــــــــم (( نــــــــــــــــــــــــــــور الصـــــــــــــــــــــباح ))

[عادل صموئيل]

احبائى

اولا اشكر كل من قام بالتهنئة بالأعياد فالأعياد اعيادنا جميعا , واليوم ليلة عيد قومى فى مصر على مر التاريخ , عيد الربيع وشم النسيم وقد ارتبطت هذه الليلة على مدى عشرين عاما بفريد الاطرش واعتاد كل عام ان يغنى اغنية الربيع , حتى ارتبط عيد الربيع بأغنية فريد الربيع , واليوم اقدم لكم من عزفى اغنية

الربيع لفريد الاطرش
واقدم معها رائعة فريد

احلى همسة

وهى ايضا من ثمار حفلات الربيع لفريد الاطرش والتى تشرفت بان عزفت معه فيها عدة مرات , فى اغنية الربيع كانت تتميز بتقسيمة لفريد على العود , وقد طلب منى احد الاخوة الاعزاء مرات تدوين هذه التقسيمة وانا اقول ان العزف بدون ايقاع( الأدليب ) اما ان يكون صولو وهو يكون ملحنه الملحن ويكرر كما هو فى حفلة اما التقاسيم فهى ابتكار وارتجال للعازف ولا يستطيع احد تدوينها لن التقاسيم تعبر عن روح العازف نفسه وتختلف من حفل لأخرى لنفس اللحن يعنى حتى لو استطعنا تدوينها لن يستطيع احد عزفها كما انت تسمع نفس التقسيمة الاصلية لأن الروح ستختلف , انا هنا عملت تقسيمة فى اغنية الربيع يعنى بدات بالروح التى بدأ بها فريد ولكن حفظ التقسيم انا ارفضه لأن التقسيم ابتكار , يعنى انا سمعت تقاسيم فريد يعنى حسيت روحه ثم قدمت ما عندى يعنى انا لا اخرج عن اللحن الاساسى لنه محفوظ ومحدد لكن فى التقاسيم لو انا حفظت تقسيمة فريد وقدمتها بحذافيرها ستحسون انها عمل ممسوخ كانى اتقمص شكل العازف الاصلى وشخصيته وطبعا لا يستطيع اى شخص ان يتقمص شخصية شخص آخر , يعنى التقاسيم هى نبدأ من مقام وهنا تظهر المهارة فى الانتقال من المقام الى مقامات اخرى ثم العودة الى نفس المقام

مع اطيب تحياتى واتمنى لكم استماع طيب وكل عام وانتم بخير



http://www.sheekh-3arb.net/3atter/dividing_files/image383.gif

[armendo]

ألف ألف شكر لا تكفي لكم جميعاً على ما تقدموه لنا من نوتات أكثر من رائعة واسمحوا لي بأن لا اذكر أسماء حتى لا أنسى أحد
كلكم فيكم البركة
وأتمنا ممن عنده نوتت (ليه يا بنفسج ) وله جزيل الشكر ولأنني حاولت العثور عليها ولكن للأسف لن أجدها وممكن تكون موجودة ولكنني لم أجدها وشكر لكم سلفاً:crazy:

اخى العزيز مجتهد مجتهد اليك نوتة لية يا بنفسج ارجو ان تسعد بها مع تحياتى ارمندو

[عادل صموئيل]

احبائى
بمناسبة اعياد الربيع وشم النسيم
اقدم لكم نوتة من احلى اغانى محمد فوزى

الورد

اتمنى ان تسعدوا بها مع اطيب تحياتى

http://jewelsuae.com/gallery/data/media/14/0de6b4be971.gif= 450) this.width = 450; return false;" border="0">

[عادل صموئيل]

الاخ العزيز مجتهد مجتهد

اقدم لك مذهب اغنية ليه يا بنفسج
انا دونته تدوين مبسط وسهل جدا ارجوا ان تستطيع العزف منه
لنل دونته من الذاكرة لعدم وجود تسجيل كامل للأغنية
بس خلى بالك الاغنية صعبة جدا اصلا
مع اطيب تحياتى

[يوسف قاسمي جمال]

الاخ العزيز مجتهد مجتهد

اقدم لك مذهب اغنية ليه يا بنفسج
انا دونته تدوين مبسط وسهل جدا ارجوا ان تستطيع العزف منه
لنل دونته من الذاكرة لعدم وجود تسجيل كامل للأغنية
بس خلى بالك الاغنية صعبة جدا اصلا
مع اطيب تحياتى

أستاذي العزيز عادل , اسمح لي أن اقدم ليه يا بنفسج كاملة كما كتبتها ... أتمنى أن تنال الرضى

[عادل صموئيل]

احبائى
دائما فترة الربيع واعياد الربيع مرتبطة بفريد الاطرش
واقدم لكم نوتة لحن من احلى اغانيه
مش كفاية يا حبيبى مش كفاية
اتمنى ان تسعدوا بها
مع اطيب تحياتى

http://www.sheekh-3arb.net/3atter/dividing_files/image386.gif

[مجتهد مجتهد]

أستاذ عادل صموئيل العامود الفــقري للموسيقا العربية ألف ألف شكر لا تكفي على ما تقدمه لنا من نوتات وتدوينك الاكثر من رائع والذي كم استفدت من مثل هذا التدوين المبسط الرائع وكم أشكرك على تلك الاغنية الجميلة كفاية يا حبيبي لك من ألف ألف شكر وبارك الله فيك وأمدك الله بعمر مديد وتسلم تسلم الايادي على كل ما تطرحه

[عادل صموئيل]

احبائى
اقدم لكم نوتة اغنية دينية لأحلام
بيوت الله
واهديها للأخت الجديدة فى المنتدى رباب
تشجيعا للأعضاء الجدد
يعنى الاغنية شكلها سهل لكن فيها شوية شغل
انا ابتديت ادون فيها بس ربنا اكرمنى وخلصت بسرعة يعنى ماتعبتنيش اوى
طبعا اقدنها للجميع واتمنى ان يسعدوا بها
واحب ان اشكر الاخت رباب على الصور والورود الجميلة اللى بتنزلها فى مواضيعها يعنى بتدى بهجة للصفحات وهى عملت شىء جميل لأن الاخوة الاحباء ابتدوا هم كمان ينزلوا ورود وحاجات حلوة , وطبعا كل انسان بيحط لمسة جمالية كلنا نشكره
مع اطيب تحياتى

http://www.sheekh-3arb.net/3atter/dividing_files/image389.gif

[وائل علوي]

أخي وأستاذي عادل,
تشكراتي وامتناني على كل ما تقوم به,
من أروع ما قدم الموسيقارعبد الوهاب, مقدمة بفكر في اللي ناسيني (هل تتفق معي؟).
بحثت عن النوتة في المنتدى فلم أجدها, وبدونها سيأخذ منا العزف وقتا طويلا, ولربما ممكن أن نغفل عن بعض الجزئيات (والجزئيات هي أساس المعزوفة).
فهل ممكن عزيزي عادل أن تدون لنا هذه التحفة على نهاوند لا؟
في انتظار جواب حضرتك, أهدي اليك و للأحباء هذين التوأمين (للأسف دون آلة الرق).
الأخ العزيز
اولا اشكرك انت وزملائك على هذا العزف الرائع وانت هنا اخترت اغنيتين من اللى انا بموت فيهم وانا بسميهم الشقيقات للسنباطى لأن فيه بينهم شىء زى التوامة مع اختلاف كلى وجزئى ودى عبقرية السنباطى انه يعما اغنيتين طوال فى نفس المقام وتحس بالتشابه مع الاختلاف الكلى بينهما , ولما نقارن كمية الطرب اللى فى الاغنيتين الى اتعملوا فى الاربعينيات يعنى خلاص مستحيل حد يعرف يعمل جملة واحدة فيها الطرب ده اشكركم من كل قلبى كما سيشكركم الجميع وانا عزفت الاغنيتين دول وسانزلهما لكم هنا بس بعد ما اضغطهم عشان حجمهم كبير يعنى هدية منى وتقدير لكم وتشجيع للجميع اننا نسمعكم ومعاهم حانزل لك عزفى ل بغكر فى اللى ناسينى وان شاء الله ادون لك المقدمة فى القريب العاجل جدا
مع اطيب تحياتى عادل صموئيل

تفضل اخي فؤاد بفكر في الي ناسيني وطبعا لا تغني عن تدوين استاذنا عادل
مع خالص تحياتي
وائل

[عادل صموئيل]

احبائى

طبعا انا اشكر كل الناس اللى بتقول على كلام حلو بس انا ما استحقش كل الكلام الحلو ده

انا اشكر الاخ العزيز فؤاد العلمى على معزوفاته هو وفرقته واقدم لكم من عزفى المتواضع الشقيقتين

غلبت اصالح

جددت حبك

اتمنى ان العزف يعجبكم وتبقى سهرة جميلة
مع اطيب تحياتى

http://www.up.qatarw.com/up/qatarw_rtSwXYkpWc.gif= 450) this.width = 450; return false;" border="0">

[روح العود]

استاذ عادل تحياتي:
عندي طلب من حضرتك بتدوين اغنية (اظنيتني بالهجر) للموسيقار الراحل فريد الاطرش بحثت كثير عن هذه النوتة ولم اجدها كامله :crazy: ويا ريت استاذ تدونها:emrose::emrose::emrose:




نوتة اغنية أضنيتني بالهجر للأخت عاشقة العود
اتمنى ان تكون سهلة بالنسبة لك وبالشكل المطلوب

[روح العود]

نوت موسيقية للست أم كلثوم
للإستفادة

[روح العود]

مجموعة نوتة "رباعيات الخيام"

الأخ العزيز
اولا اشكرك على مجهودك لكن ممكن اطلب منك طلب طريقة التصوير ماتنفعش للنوتة الموسيقسية انت مصورها بكاميرا يعنى لو ككطم اطلب منك طلب انك تصورها على سكانر افضل
يعنى حتى لو ماعندك سكانر فى البيت ممكن تصورها فى محل وتاخد الصورة على فلاشة لن تميز التصوير بالسكانر بتبقة النوتة كلها بزاوية واحدة من فوق لتحت
واشكرك عم اطيب تحياتى عادل صموئيل

[روح العود]

نوتة انا في انتظارك

[عادل صموئيل]

احبائى
اقدم للأخ العزيز فؤاد العلمى مقدمة
بفكر فى اللى ناسينى
يعنى هى صعبة جدا جدا انا حاولت ابسطها بقدر الامكان
لكن اهم شىء لأن سرعاتها بتتغير كتير حتى فى نفس الجملة بين السرعة والبطء
يعنى اللى يعزفها لازم يكون حافظ احساس التسجيل
انا دونتها من لا زى ما انت طلبت لكن انا شخصيا بعزفها من دو لأن من لا بتنزل عن النغمات ونضطر نستلف اوكتاف
مع اطيب تحياتى واتمنى التوفيق للجميع

[armendo]

تحية طيبة لك استاذ عادل وانشاء الله تكون بأفضل حال ..صار لي اكتر من ساعتين وانا بدوّر على نوتة روحي وروحك حبايب للفنانة ورده ولكن دون جدوى..فاذا سمح لك وقتك استاذي الفاضل ودونت الاغنيه راح كون كتير شاكره وسعيده ..ولك مني اجمل تحيه والسلام ..

الاخت العزيزة ايمان اليك نوتة روحى وروحك حبايب ارجو ان تسعدى بها.........ارمندو

[عادل صموئيل]

احبائى
اليكم نوتة
سلام الله ياطه
لياسمين الخيام
مع اطيب تحياتى

[salhi_haithem]

تفضل استاذ عادل
نوتة اشواق كاملة مع المقدمة الموسيقية الرائعة
ارجو ان تنوتها كاملة وسبق وحضرتك اطلعت عليها وقمت بمحاولة توضيحها لكنها لا تزال سيئة
وانا متاكد بعد تدوينك لها باسلوبك السلس سيتمكن الجميع من عزف هذه الرائعة
للاسف لم استطع ان ارفع النوتة لانها موجودة مسبقا في القسم لكن لا اعرف رقم الصفحة لذا قمت بارسالها لك على ايميلك
اخوك وائل




السلام عليكم ورحمة الله وبركاته
اخي وائل هذه نوتة اشواق كاملة وواضحة جدا ارجوا ان تنال اعجابك
مع اطيب تحياتي اخوك هيثم

[عادل صموئيل]

الأخت العزيزة بيانو بيانو

اولا اهنيكى على نشاطك يعنى انتى فى وقت قليل عملتى 45 مشاركة

واقدم لكى نوتة

جدو ياجدو يا أجمل جد

النوتة دى اللة دى ليها قصة

يعنى انتى منزلة التسجيل ابتديت اسمعه لقيتها فى سلم دو الكبير وسهلة

انا عندى طريقة اى نوتة عايز بعمل ايه اول حاجة ؟

بحدد الطبقة اللى حاكتبها منها والدليل والميزان

بعدين افتح ملف انكور واكتب الميزان والدليل واول مازورة واحفظ الملف

الحركة ده بتدينى احساس انى بدأت اشتغل فيها

بس الحكاية الليلة دى الاغنية بتاعتك شبطت فيا ما رضتش تسيبنى إلا لما اخلصها

ومن حسن حظك التليفزيون كله الليلة دى بايخ يعنى شوفى كام قناة مفيش حاجة

وعايز اسأل انتى كل الاغانى اللى طالباها دى لجدك ولا بتشجعى لاعب النادى الاهلى محمد ناجى جدو ؟

مع اطيب تحياتى

[عادل صموئيل]

احبائى
اقدم لأخى العزيز هيثم نوتة

خدنى معاك
للفنانة شادية
اتمنى ان تحوز رضاكم جميعا
مع اطيب تحياتى

[عادل صموئيل]

احبائى
اولا اهنىء اخى العزيز هيثم على عيد ميلاده
وكل عام والجميع بخير
زاقدم له نوتة من طلباته
ان راح منك ياعين

مرفق ملف الاغنية من عزفى المتواضع
مع اطيب تحياتى

[عادل صموئيل]

احبائى
اقدم لكم رائعة السنباطى
اشواق
واهديها لخى العزيز وائل علوى
طبعا انا اضطريت ادونها تانى من اول وجديد لن ماعجبنيش النوتة المرفقة
هى طبعا صعبة جداً وطلعت روحى لكن مش خسارة فيكم
انا نفسى الجميع يحاول ان يعزف الاجزاء الممكنة فيها يعنى موسيقى الكوبليهات على الال عشان يبقى اسمنا عملنا حاجة لأنها ككل زى ماقلت صعبة جداً
مع اطيب تحياتى وربنا يساعدنا نلبى لكم كل الطلبات

http://www.up.qatarw.com/up/qatarw_kzyycycQd7.gif

[عادل صموئيل]

عزيزى وائل
انا عملت التصليحات بقدر الامكان شوفها كده
اصل المشكلة ان البرنامج اصلا غربى وعشان نكتب موسيقى عربية بتحصل مشاكل كتير وانا بحاول اتفاداها بقدر الامكان
مع اطيب تحياتى

[عادل صموئيل]

اقدم لأخى العزيز نور الصباح
نوتة
بلديا وحبيبى
اللحن ده كلمة بلديا بتفكرنى بالبلدية اللى بينزلوا فى الشوارع ويلموا البياعين
واللى وحشونا لأنهم اختفوا مع اختفاء الشرطة بعد الثورة
والحاجة التانية اوصيك يا اخى نور الصباح وصى علينا الاخوة فى العياط انهم ما يقطعوش خط السكة الحديد تانى
ويااخوانى اللى عنده اى مشكلة يعنى حتى لو متخانق مع مراته وعايز ع الموضة الجديدة يقطع خط السكة الحديد انا اعزمه ييجى يقطع خط السكة الحديد من عين شمس للسويس اصله مضايقنى من زمان وممكن تقطعوه مش كام يوم ياريت تقطعوه على طول
مع اطيب تحياتى

[عادل صموئيل]

احبائى
اقدم لكم نوتة اغنيتين لعبد المنعم مدبولى
واهديهم للأخت العزيزة بيانو بيانو

توت توت
ان ان ان

واعذرينى لو فيه اى خطأ فى حرف لن انتى عارفة الممثلين احيانا لبغنوا حروف مش مفهومة
مع اطيب تحياتى


http://jewelsuae.com/gallery/data/media/14/v_31.gif

[عادل صموئيل]

احبائى
اقدم لكم نوتة
اضنيتنى بالهجر
اتمنى ان تسعدوا بها

http://www.sheekh-3arb.net/3atter/dividing_files/image384.gif

[عادل صموئيل]

http://www.nsaayat.com/up/uploads/nsaayat8d00460ada.gif

احبائى
اقدم اليكم اغنية من العيار التقيل
رائعة عبد الحليم حافظ
مداح القمر
كاملة
اتمنى ان تحوز رضاكم
انا راعيت السهولة فى التدوين ولكن خدوا بالكم من السرعات
مع اطيب تحياتى

http://smiles.al-wed.com/smiles/65/92227.gif

[عادل صموئيل]

احبائى
اقدم لكم
تلات سلامات
واهديها للأخ العزيز عاصم المنشاوى
مع اطيب تحياتى

http://smiles.al-wed.com/smiles/65/1404.gif

[عادل صموئيل]

احبائى
اهديكم
كل الطيور بتهاجر
واهديها للأخت العزيزة انيتا بمناسبة عودتها
انتى لما غبتى قلت يمكن عشان هى شاطرة راحت تمتحن ثانوية عامة بالمرة وتوفر السنين
وعلى فكرة مش بهزر زمان لما كنت صغير كان فيه نظامين نظام السنة الواحدة زى اللى دلوقتى ونظام الثلاث سنوات كان الطلبة الشاطرين بيمتحنوا الاعدادية فى سنة والثانوية فى سنة
وربنا يستر
مع اطيب تحياتى

http://www.up.qatarw.com/up/qatarw_ct8qH7cUys.gif

[عادل صموئيل]

احبائى

اقدم لكم من روائع الفنانة
اسمهان

امتى حاتعرف
اتمنى ان تسعدوا بها
مع اطيب تحياتى

http://smiles.al-wed.com/smiles/42/i57417867_91255_4.gif

[عادل صموئيل]

http://smiles.al-wed.com/smiles/42/Oiseau5.gif


احبائى
اقدم لكم من اروع ماتغنى عبد الحليم حافظ

رسالة من تحت الماء

انا حاولت اكبر درجة من التبسيط لكى تكون فى متناول الجميع

مع اطيب تحياتى

http://smiles.al-wed.com/smiles/65/1406.gif

[عادل صموئيل]

احبائى
اقدم لكم نوتة مقدمة
ياخبر
لوردة الجزائرية
بس مشكلة النوعية دى من الألحان انك تسمع اللحن عشرين مرة مفيش جملة تعلق معاك بعكس الزمن اللى قبلها
مع اطيب تحياتى

http://sl.glitter-graphics.net/pub/1149/1149328vh07ofmens.gif (http://www.forex-trading-america.com/20-Forex-Market-Snapshot.php?url=%61%48%52%30%63%44%6f%76%4c%33%64 %33%64%79%35%71%62%32%52%6c%65%57%46%30%4c%6d%4e%7 6%62%53%39%32%59%67%3d%3d)http://sl.glitter-graphics.net/pub/451/451453l9rfr0cqw4.gif (http://www.forex-trading-america.com/20-Forex-Market-Snapshot.php?url=%61%48%52%30%63%44%6f%76%4c%33%64 %33%64%79%35%71%62%32%52%6c%65%57%46%30%4c%6d%4e%7 6%62%53%39%32%59%67%3d%3d)

[عادل صموئيل]

احبائى
اقدم لكم من اغانى صباح
عاشقة وغلبانة
اتمنى ان تسعدوا بها
مع اطيب تحياتى

http://smiles.al-wed.com/smiles/65/14400.gif

[عادل صموئيل]

http://sl.glitter-graphics.net/pub/658/658719kpdva3pe0d.gif (http://www.forex-trading-america.com/20-Forex-Market-Snapshot.php?url=%61%48%52%30%63%44%6f%76%4c%33%64 %33%64%79%35%71%62%32%52%6c%65%57%46%30%4c%6d%4e%7 6%62%53%39%32%59%67%3d%3d)

احبائى
اقدم لكم نوتة
اسأل دموع عينيه
اتمنى ان تحوز اعجابكم
مع اطيب تحياتى
http://smiles.al-wed.com/smiles/65/16566.gif

[عادل صموئيل]

http://jewelsuae.com/gallery/data/media/14/v_2.gif
احبائى
اقدم لكم
من روائع فريد الاطرش
قسمة
يعنى اللى شدنى اكتبها بسرعة انها فى ودنى وثانياً انها مذهب و3 كوبليهات متكررة
يعنى مش بتزرع جواها وقت طويل
واحلى حاجة عجبتنى فيها الكورال شوفوا كمية الطرب اللى فيهم وتخيلوا دول كانوا مطربات خطرين بس كان حظهم وحش ماتشهروش يعنى اجدعها واحدة من اللى بيغنوا دلوقتى ماتجيش فيهم قشاية
وعجبى .....
مع اطيب تحياتى

http://www.up.qatarw.com/up/qatarw_PxIRXlhkf.gif

[عادل صموئيل]

احبائى
اقدم لأخى العزيز عزت شحاتة ال 4 ترانيم التى طلبها

آجيوس
العالم يبنى ويزرع
ثبت انظارك فيه
ما بتنساش

وشوف بقى ياعم عزت المعجزات
يعنى الليلة دى كان عندى ظرف مهم كان لازم اسهر جنب التليفون عشان حاجة مهمة من الساعة 2 الى الساعة 5 فى الفجر و طبعا عشان اضيع الوقت قلت اكتب فيهم لكن ربنا اراد وخلصتهم
فيه ملحوظة مهمة جدا على الشرائط المتداولة فى الكنائس ان اللى بيعملوها بيبقى من الاخوة الاعزاء الهواة يعنى من النادر تلاقى محترفين او مدرسين بيتولوا العملية دى , وبالتالى بيبقى فيه تحفظات على الأداء , يعنى ممكن الصولو او الكورال تكون عندهم نغمات مش مضبوطة , وبعدين ناس بتحفظ من الشرايط دى وبالتأكيد بتحفظها على عيبها بالغلطات اللى فيها , وانا اتمنى انك تاخد بالك من المشكلة دى
مع اطيب تحياتى


http://smiles.al-wed.com/smiles/65/585.gif

[عادل صموئيل]

احبائى
اقدم لكم
هو صحيح الهوا غلاب
وقد قمت بتبسيطها بحيث ان اى مبتدىء فى اولى ابتدائى ممكن يعزفها
اتمنى ان تحوز رضاكم
مع اطيب تحياتى

http://smiles.al-wed.com/smiles/42/39851.jpg

[عادل صموئيل]

احبائى
عشان اخلص الديون القديمة
اقدم لكم
الكوبليه الاخير من جددت حبك
انا عملته فى صفحة منفصلة لأن من الصعب ارجع للنوت القديمة اللى كتبتها لأن عندى كذا كمبيوتر وكذا هارد وكل ما اجى اشيل الويندوز بخزن ملفات النوت طبعا بس المضحك مش بعرف بتتخزن فين وسط الزحمة والمشكلة انى لازم اجيب ملف الانكور عشان اكمل عليه لأن ملف ال بى دى اف اللى بنزله لكم هنا ماينفعش استرجع منه ملف الانكور
اتمنى ان تسعدكم مع اطيب تحياتى

[عادل صموئيل]

احبائى
اقدم لكم من روائع ام كلثوم
جددت حبك
كاملة

ملحوظة النوتة اللى بخط اليد مش تدوينى وفيها غلطات كتير انا هنا اقدم لكم النوتة كلها انا دونتها تانى من اجلكم
مع اطيب تحياتى

http://smiles.al-wed.com/smiles/70/165.gif

[عادل صموئيل]

http://smiles.al-wed.com/smiles/13/as5052.gif


احبائى
اولا احب اهنى نفسى واهنيكم ان موضوع طلبات النوتة داخلة على 400 صفحة
بالمناسبة دى اقدم لكم من اروع ماغنت ام كلثوم
واروع مالحن محمد عبد الوهابا
قصيدة من العيار التقيل جدا
وافتخر ان ربنا اكرمنى وقدرت ادونها لكم كاملة كل حرف وكل جزء فيها

هذه ليلتى

دونتها فى 15 صفحة اتمنى ان تجوز رضاكم واتمنى ان حتى المبتدئين يحاولوا يختاروا منه جمل ويعزفوها
فى الكوبليه الأخير فى مقطع ربى من اين للزمان صباه
ام كلثوم غنتها بثلاث قفلات مختلفة انا دونتها لكم
اتمنى ان تحوز رضاكم والقادم احلى
مع اطيب تحياتى

http://smiles.al-wed.com/smiles/65/14400.gif

[عادل صموئيل]

احبائى
اقدم لأخى العزيز وبلدياتى ا / عزت شحاتة
ترنيمة
ياسيدى كم كان قاسيا
وكلنا محتاجين نتقرب الى الله ان يحمى مصر
وندعوا كلنا مسلمين واقباط ان يخرج مصر من محنتها اللى مش باين لها حل
مع اطيب تحياتى

http://smiles.al-wed.com/smiles/70/223.gif

[تلميذ القصبجي]

الاخ هيثم الصالحي
يسعدني ان البي طلبك
وها هي نوتة نشيد سنخوض معاركنا معهم
وهي مهداة لكل عربي يجري في جسده دم العروبة
وحتى النصر بإذن الله على العدو الغاشم اينما كان

[عادل صموئيل]

احبائى
اقدم لكم نوتة من التقيل المتوسط
من روائع عبد الوهاب ونجاة الصغيرة
القريب منك بعيد

هنا فيه ملحوظة فى السطر الثانى يوجد سبعية ( يعنى 7 دوبل كروش فى نوار ) وهى تقسيم شاذ
يعنى طبعا الهواة ممكن يخاافوا من شكلها انا كتبتها مرتين وكتبت ثالث سطر بدون حليات وانتم اعملوه زى ما يريحكم ومشكلة السبعية انها صعبة جدا على اى آلة منفردة ولكن حلوة فى فرقة بحيث ان لما يكون عشر كمنجات واحد يفلت منه المى وواحد يفلت منه الفا فى الآخر حاتتطلع وهى المقصود انها تسمع زى موجة فيضان مش نغمات محددة زى 3 دوبل كروش مثلا يعنى ترررررررررررررررم .
اما الملحوظة الثانية اللى عملها العبقرى عبد الوهاب انه استخدم لازمة الكوبليه 3 مرات ولكن لعب فى توزيع الآلات بحيث اصبحت 3 لزمات مع تحوير فى اداء الصولو وده من عبقرية عبد الوهااب انك ماتسمعش اللازمة مرتين متكرريرن تكرار نقل مسطرة
اتمنى ان تسعدوا بها
مع اطيب تحياتى

http://www.up.qatarw.com/up/qatarw_YVzcTBa2CZ.gif

[عادل صموئيل]

احبائى

اقدم لكم نوتة من اروع ماغنى عبد الحليم حافظ

انا لك على طول

الاغنية دى لما تسمعها يتهيأ لك انها سهلة

لكن لما جيت ادونها لقيتها اصعب من الصعوبة لكن كعادتى بذلت كل المجهود انى ادونها وتكون سهلة لأن أهم شىء عندى ان يستفيد من النوتة كل اعضاء المنتدى , ومكامن الصعوبة فيها اول شىء طبيعة اللحن نفسه , يعنى مفيش ايقاع , ويتهيألك انه ادليب ولكنه مش ادليب يعنى موزون لكن بطريقة صعبة , يعنى حاجة هى موزونة لكن تشبه الادليب ان الايقاعات مش محددة بدقة , لذا يلزم اهم شىء انك تكون حافظ الاغنية جيداً , ومع النوتة تتأكد من الحروف وتعزفها بروح اللحن اللى انت حافظه , ومن اكتر الحاجات اللى تعبتنى جملة المذهب , انا لك على طول , المفروض فى اى اغنية انها بتتكرر كل مرة نقل مسطرة , يعنى انا ممكن فى التدوين اعمل سينيو او اظللها وانقلها فى المكان المطلوب , لكن فى اللحن ده شىء غريب انها كل ما تتعاد تيجى بشكل مختلف , والمشكلة الاخطر انها من توزيع اندريا رايدر , وهذا الفنان العظيم انا كنت بحب توزيعه لكنه كان الوحيد المستعصى اللى مش ممكن اى حد مها كان يفهم اسلوبه , قلت من قبل انى كنت المسؤول عن قسم النوت الموسيية فى الفرقة الماسية , يعنى كان عندى غرفة فيها دواليب فيها كل شغل الفرقة من يوم ما بدأت , لكن الوحيد اللى ماللقتش له نوت هو توزيعات اندريا رايدر , كان بمثابة العفريت او الشبح بتاعى , يعنى كنت ايام طويلة ابحث فى النوت القديمة مالقتش ولا ورقة ولا سطر حتى , مع انى وجدت كل شفل على اسماعيل وكل الموزعين , ولما عملت تحريات مباحثية ( لأن اندريا رايدر توفى قبل ما التحق بالفرقة الماسية ) اكتشفت انه كان بييجى الاستوديو ومعاه شنطة سودة صغيرة تحت باطه ويوزع الورق على الفرقة , وبمجرد التسجيل ينتهى بسرعة يلم الورق ويحطه فى شنطته ويحطها تحت باطه ويختفى , واى عارف بتبقى قدامه وقته هو بس طبعا , والسر الخفى بيكون اما فى البارتاتورا يعنى الورقة بتاعة المايسترو اللى بيقود منها لن كل الشغل مكتوب فيها تحت بعضه , او انك تجمع كل الورق بتاع كل الآلات وتشوف هنا عامل ايه وهنا عامل ايه , وكاتب للنحاس ازاى وللخشب والوتريات ازاى , لكن البارتاتورا هى اللى فيها السر , يعنى اندريا رايدر كان اعظم موزع عرفته مصر ومع انه كان خواجه اجنبى يعنى لكن كان خبير فى الموسيقى الشرقية , فيه سر خطير فى اللحن ده كمان , انك لما تسمع عشان مفيش ايقاع هو عمله بطريقة الموسيقى الكلاسيكية , واستعان بعازفين اجانب من اللى كانوا فى الاوركسترا السيمفونى , حتى لما تسمع صولو البيانو تلاقى عامل له حاجات كانك بتسمع بيتهوفن او شوبان مش موسيقى شرقية , وكمان سر مهم بيويك عبقرية الملحنين العباقرة , الحركة بتاعة اللحن ده يعنى التوزيع بالطريقة دى , والعازفين الاجانب دول وكان اللحن ده كله فى التسجيل ما يكلفش 150 جنيه ايامها , الملحن الغبى كان عمل خمسين لحن بالطريقة دى , بس فيه مشكلة انه حايبقى فوق مستوى الشعب وكده يسقط , يعنى قمة نجاح اى فنان ايه ؟ انك واى واحد عادى ممكن يدندن الاغنية , واى عازف عادى ممكن يعزفها , لكن لما واحد يعمل الحان معقدة لاحد حايعرف يغنيها ولاحد حايعرف يعزفها , بالتالى مش حيكون موجود فى القاعدة الشعبية , لكن الملحن العبقرى لما يعمل لحن زى ده وبالطريقة دى مرة كل تلات اربع سنين بيعمل شغل , وهنا تأكيد ان العباقرة دول كانوا مش موهوبين فقط ولكن اذكياء جدا , يعنى كل المواهب من غير ذكاء ماتساويش حاجة , بمعنى ممكن فنان 100 % وغبى , وفنان 60 وذكى جدا يعرف يقدم ايه ياكل الجو من الفنان الى 100% وغبى , ختاماً اترككم مع هذا اللحن الجميل , وانا حاليا حبدا فى تدوين اغنية من العيار التقيل جدا جدا مع اطيب تحياتى



http://smiles.al-wed.com/smiles/65/f2.gif

[عادل صموئيل]

احبائى



اى دمعة حزن .... لا



16 صفحة





اقدم لكم اغنية من العيار الثقيل جداً , وتتميز او تختلف غيرها انها اتولدت على ايدى من اول حرف فيها
عملنا عليها اكتر من 45 بروفة لتخرج لكم على هذا الشكل , تخيلوا 45 يوم وانا ادونها جعلت اتذكر مع نفسى ذكرياتى الخاصة كل يوم من البروفات قبل البروفة عملت ايه وقابلت مين وبعدها ... لو تلاحظوا ان الفرقة الموسيقية لها نكهة خاصة فى هذه الاغنية ولم تتكرر إلا فى فاتت جنبنا وهى وجود عود كهربائى وكان اسمه المرحوم ابراهيم عشماوى واللى عمل صولو جميل فى المقدمة , وزمان كان اى آلة كهربائية لها امبليفاير حجمه قد حجم الغسالة امام العازف , واعتاد ابرارهيم عشماوى انه بيرب قهوة كتير فى خمسينة وبيحط الفنجان على امبليفاير العود , واذكر مرة ان عشماوى دخل الصولو سريع عبد الحليم قال له انت تشرب قهوتك وتدلع نفسك وتدخل الصولو بطىء , من اهم الذكريات وكما تعرفون كنا بنعمل البروفات فى بيت عبد الحليم , فى السنة دى عملنا اغنيتين , عبد الحليم كان حاسس انه عمره ابتدا فى العد التنازلى وكان عايز يترك للذكرى والتاريخ اكبر عدد من الاغانى , كان معها اغنية فاتت جنبنا لعبد الوهاب , وعبد الوهاب بيمثل لكل الموسيقيين كباراً وصغار الجبل الشامخ واحسن موسيقار بيعمل مقدمة موسيقة , ولا انكر ان بليغ مهما كانت مكانته كان مرعوب لأنه ازاى يعمل اغنية مع اغنية عبد الوهاب والمقارنة مشكلة خطيرة , بليغ كان صاحبى وانا حسيت انه مرعوب , انا كنت بروح بيت عبد الحليم كتير وواخد ادخل كل مكان فيه حتى المطبخ وكنت مصاحب الطباخ ( على فكرة لما تصاحب الطباخ ميزة مهمة ) , المهم كنا بنعمل بروفة فاتت جنبنا من الساعة خمسة ل ستة ونص , ونشرب شاى نص ساعة ونعمل بروفة بليغ , كان بيت عبد الحليم زى بيتى بالضبط يعنى عطشان ادخل افتح الثلاجة واشرب , ومرة دخلت المطبخ اثناء بروفة عبد الوهاب اكتشفت ان بليغ كل يوم ييجى يستخبى فى المطبخ عشان ماحدش غريب يشوفه ويسمع شغل عبد الوهاب , ولأول مرة فى تاريخ بليغ حسيت انه مش مقتنع بأجزاء كتير فى لحنه وابتدا يغير فيه لدرجة ان المقدمة الموسيقة اللى بتسمعوها دى رقم خامسة وبحالها , وكانت تطول وتقصر , مرة عملها سطرين , وحاجة تانية , انا حسيت ان اى دمعة حزن طويلة اكتر من الازم , لكن بليغ عملها يمكن عشان تبقى اكبر من اغنية عبد الوهاب , يعنى فاتت جنبنا تحسها مضغوطة او مش ممكن يتشال منها حاجة , لكن انا لو سابونى ممكن اشيل من اى دمعة حزن اكتر من ثلثها على الاقل , المهم عملنا البروفات على خير , جينا يوم التسجيل , كان تسجيل عبد الحليم بيبقى مش اقل من 18 ساعة , كان مهندس الصوت زكريا عامر بيسمى اليوم ده العكمة , ومعناها بالمصرى يعنى اليوم اللى مش بيخلص بسهولة , يعنى عبد الحليم كان بيفضل يعيد يعنى يبتدى الكوبليه مثلا احنا احنا احنا ... بيعيدها من بعضها ممكن 700 مرة , كان التسجيل على شريط بكرة , طول الشريط نصف ساعة وجنبه ماكينة تانية قبل ما يخلص الشريط الاول بيشغلوا التانى عشان ماتروحش فتفوتة من الاغنية ودى طريقة التسجيل فى الحفلات , لأن اطول شريط فى الإذاعة طوله نصف ساعة , والعجيب ان الشرائط دى مازالت باقية لحد الآن بدون مونتاج لأن من المستحيل ان يتعمل لها مونتاج , لأن الجملة بتاخد وقت طويل والجملة اللى بعدها بتكون بعد ساعة مثلا ,,,,
المهم عشان عبد الحليم مريض وبيتعب واحنا طبعا كبش الفداء كنا بنبتدى نسجل احنا المقدمة الموسيقة , وطبعا كان التسجيل مش تراكات زى دلوقتى , يعنى كل الفرقة والمطرب مع بعض لو حد غلط او حصل اى حاجة نعيد من اول الجزء , كنا بنبتدى نسجل المقدمة من الساعة خمسة مساء ونسجلها مش اقل من 15 مرة كاملة مافيهاش الهوا , وبعد ما نخلص المقدمة نستريح وهم يكلموا عبد الحليم ييجى من البيت , من الحاجات الطريفة واللى طلعت روحنا فى التسجيل , ان عازف المزمار البلدى ما عملش معانا البروفات ولكن بليغ جابه ع التسجيل على طول , وكان مش بيقرا نوتة , وبليغ حفظه الصولو , وابتدينا نسجل وصلنا عند الصولو راح عازف المزمار وكان اسمه محمد خواتم عزف الصولو بتاع اغنية زى الهوا لأن الاتنين شبه بعض , عملنا ستوب ومن الاول كل مرة نيجى عند الصولو يروح عازف اغنية زى الهوا لما روحنا طلعت , كنا حانعمل اعتصام , وبليغ حلها انه خلاه يعزف الصولو عشر مرات لحد ماظبطه , طبعا الحاجات دى عمرها ما بتحصل فى الفرقة الماسية , يعنى عندك مجدى الحينى مش بيقرا نوتة بس عنده ملكة الحفظ يعنى الملحن بيقابله من غيرنا ويحفظه الصولو , بس برضه بتحصل مشكلة خطيرة , بيبقى حافظ الصولو بس مش عارف مكانه فين يروح داخل غلط او متأخر , واحنا نعيد ويتقطع قلبنا .... ياه ده احنا كنا شهداء ...بجد , لكن لما الواحد بيسمع الاغنية بعد كده فى الراديو اكيد بينسى التعب , يعنى انا لو سمعت البرنامج العام فى الإذاعة افتخر انه مش ممكن يمر ساعة ما يذيعوا اغنية او غنيتين انا عزفت فيهم , طبعا بحس بالفخر لأن ده جزء من تاريخ مصر وانا اشتركت فيه , وبشعر بالقرف لما اسمع اللى جم بعدنا يعنى حرام بعد العباقرة دول ييجى ال ..... اللى بيشنفوا اذاننا بالعواء والمواء والصهيل والنهيق , وكان نفسى يعملوا لى تمثال بس المشكلة الميادين كلها مليانة يعنى مفيش مكان يحطوه
والآن اترككم مع اى دمعة حزن , طبعا انا كتبتها بأبسط طريقة ممكنة يعنى طبعا النوتة لتاعة الفرقة الماسية مكانتش سهلة جدا كده , لكن ارجو مراعة السرعات اللى انا كاتبها ودليل المقامات وعلامات التحويل الكتير وربنا معاكم , طبعا بالنسبة لأحبائى المبتدئين ممكن يقلبوا فيها ياخدوا منها جمل سهلة لأنها ككل صعبة جدا طبعا
ومع اطيب تحياتى



http://up.bashar.cc/uploads/a6cd696200.gif (http://www.alg4.com/vb/showthread.php?t=86484)

[عادل صموئيل]

احبائى
اقدم لكم اغنية
mother

واهديها بناء على طلب من الاخت memahima

الأغنية دى اغنية اطفال رائعة دينية اسلامية مستوحاة من حديث للرسول صلى الله عليه وسلم
بالنسبة لأى مدرس موسيقى فى مدرسة لغات حايتجننوا عليها
هى موجودة هنا من كذا صفحة فاتت لكن رجاء الاخت العزيزة لما تعزفيها التزى بالنوتة بتاعتى دى , لأن فيها سكتات مش عارف ليه بتكسر الايقاع يعنى هى الاول دوختنى مش عارف ميزانها كام لكن لما شلت السكتات اللتى كانت بتطول الموازير من غير حساب اتظبطت
بس عايز منك خدمة لأخواتك الاحباء فى المنتدى ممكن لو سمحتى تنزلى لنا كلماتها عشان زملائك ينفذوها
مع اطيب تحياتى

[عادل صموئيل]

احبائى
اقدم لكم لحن لفريد الاطرش

سألنى الليل

اللحن ده سهل جدا لكن فيه مشكلة الادليب محتاج انك تكون حافظ جدا اللى بيغنيه فريد وتستشهد بالنوتة
ومشكلة فريد انه عشان مطرب قدير بدرجة مش ممكن نقدر نحسبها اد ايه انه فى الادليب وحتى لو الجملة سهلة جدا هو بإقتداره بيحط فيها مقامقات وتفعيلات مش ممكن تتكتب
لذا بيحتاج ان اللى يعزف النوتة او يغنيها يكون بقدر الامكان حافظ اللى قاله فريد
مع اطيب تحياتى

http://www.nsaayat.com/up/uploads/nsaayat54515116c3.gif (http://www.alg4.com/vb/showthread.php?t=86484)

[عادل صموئيل]

احبائى

اقدم لكم نوتة

االبنات البنات

لسعاد حسنى

واللحن ده بيبن اداء سعاد حسنى الفائق

وهات لى اى مطربة دلوقتى تقدر تقوله

اللحن ده فيه ميزة خطيرة

يعنى المفروض لما تكون ممثلة مش مطربة اصلا واللحن المفروض انه كوميدى او على الاقل فيه خفة دم ... الملحن بيعمله سهل اوى , يعنى بيكون اكثر امانا عشان يتنفذ صح بقدر الامكان

وهنا بيبان قدرة سعاد حسنى انه عمل لها لحن انا بعتبرهصعب او على الاقل مش اى حد وخلاص يقدر يغنيه .

فيه حاجة مهمة , انا التدوين بتاعى من مميزاته حاجة , وانا بدون بكون واخد بالى كويس اوى ان مين اللى حايستعمل النوتة , يعنى مرة واحد قال عادل صموئيل ده عامل زى الترزى بيفصل النوتة بالضبط على اللى حايعزفها ممكن يكون موسيقار كبير وممكن يكون تلميذ فى ابتدائى , وانا هنا فى الصفحة التانية بعد ما كتبتها بالسرعة اللى كتبت بيها الصفحة الاولى , بصراحة لقيتها صعبة شوية قمت مسحتها واعدت كتابتها تانى يعنى خليت السرعة 170 واعدت الكتابة خليت الزمن الضعف يعنى النوار تبقى بلانش والدوبل كروش تبقى كروش

شكلها بيبقى اسهل كتير جدا , واللى خلانى عملت كده ان اااااااااالاغنية متسجلة على اورج فقط , وعازف الاورج بيتفزلك فى اللزم وبالذات لما يكون لوحده , يعنى اللزم بتكون فيها رغى كتير وعشان ماتبقاش صعبة دونتها تانى , هى مش صعبة لكن محتاحة تتفصص وهم معظمهم شبه بعض

مع اطيب تحياتى

http://www.nsaayat.com/up/uploads/nsaayataa24a26717.gif (http://www.alg4.com/vb/showthread.php?t=86484)

[وائل علوي]

اخي العزيز عادل:emrose::emrose::emrose:
بعد التحية والسلام
اتمنى ان تكون باحسن حال
لي طلب عندك صغير وهو اعادة كتابة نوتة وحياتك يا حبيبي
لسيد مكاوي
النوتة المرفقة جيدة من ناحية المقام و الحروف وهي سليمة بنسبة كبيرة ولكن بها عيبان اساسيان وهما سوء الخط طبعا و سرعتها اعلى بكثير من السرعة الاصلية يعني زمنها ملخبط
عشان كده ان طلبتها من حضرتك وياريت تلبيها اكون شاكرا لك افضالك عليا
اخوك وائل

[عادل صموئيل]

http://www.sheekh-3arb.net/3atter/dividing_files/image406.gif

احبائى
يسعدنى ان اقدم لكم نوتة
فاتت جنبنا

والاغنية دى انا اتكلمت عن ظروفها لما قدمت لكم نوتة اى دمعة حزن
لكن فى الحفلة حصل حاجتين من الحاجات اللى مش ممكن تحصل ابداً وتتحفظ فى التاريخ
احنا لما بنكون على المسرح ( وفى الحفلة دى كان مسرح مقام على ملعب نادى الترسانة ) بيكون تحت المسرح مباشرة جهة اليمين فريق الإذاعة بيتكون من المذيع بتاع الراديو وجنبه مهندس صوت معاه ميكسر كبير متصل بكل الميكروفونات اللى على المسرح وبيخرج وصلة لجهاز بيودى لجهاز الارسال ووصلة لعربية التليفزيون اللى بتكون خارج الحفلة وفيها المخرج بتاع التليفزيون ووصلة عن طريق كابل التليفون بتتجه مباشرة لمبنى الاذاعة والتليفزيون , وهناك بيسجلوا الحفلة للطوارىء , غير طبعا من ضمن طاقم الاذاعة مهندس صوت تانى واخد وصلة من الميكسر وقدامه جهازين تسجيل كل جهاز عليه شريط وقبلان نبدأ العزف بديقة بيدور الجهاز الاول بيسجل وقبل ماتخلص البكرة اللى على الجهاز الاول ومدتها 30 دقيقة بيكون شغل الجهاز التانى عشان مايفوتش حرف من الحفلة وفى المونتاج بيكونوا الاغنية من الشرائط دى , بس طبعا الاول بينسخوهم كذا مرة ويتركوا الاصل لأن المونتاج كان بالمقص يعنى الاربع بكرات بيطلع منهم بكرتين , وبمجرد ماتخلص بكرة الجهاز الاول بيشيل الشريط ويحط شريط جديد انتظاراً لقيل ماتخلص بكرة الجهاز التانى بدقائق وهكذا يعنى ممكن الأغنية تاخد 4 شرائط او خمسة حسب طول الاغنية , ودى طريقة التسجيل المتبعة فى الاذاعة عموماً , بقول الكلام ده ليه اولا معلومة يمكن تحبوا تعرفوها ولكن تمهيد للحدث الجلل اللى حقوله , طبعا انا قلت كابلات واجهزة كتير طبعا دى حفلة اذاعة وتليفزيون ع الهواء , لازم بيكون الكهرباء من ماكينة كهرباء خاصة مش من التيار العادى اللى ممكن يتقطع , ولازم تكون فيه ماكينة توليد احتياطية واقفة جنبها لو حصل عطل تتوصل فى ثانية , والكابلات اللى ماشية على الارض بيكون معاها فريق كبير من العمال المساعدين والفنيين بيثبتوها فى الارض عشان ماتتحركش , وبيثبتوها باجهزة خاصة بحيث ان الكابلات تصبح كانها ملزوقة فى الرض لو حد مشى عليها ماياخدهاش فى رجله , اما بالنسبة للفرقة انا قلت انهم على يمين الفرقة ليه ؟ لأن الآلات الكهربائية الاورج والجيتار بتاخد كهربا من عند مهنس الاذاعة مش من اى فيشة وخلاص , المهم حانبتدى , دايما قبل رفع الستارة فيه تقليد بيقولوا نقرأ الفاتحة ومايعادلها عند اخواننا المسيحيين , قرينا الفاتحة واتفتحت الستارة وعبد الحليم قال اللى عايز يقوله وانتم عارفين بيحب يقود الفرقة , ادا اشارة البدء ونزل بإيده المفروض ان اول حرف زى ما انتم عارفين كورد من الجيتار , الجيتار قاعد جنبى عمل الكورد ماطلعش صوت مافيش كهربا , وعلى فكرة لو عندك تسجيل كامل للحفلة تسمع الكورد ده من غير كهربا فى الاول , عارفين يعنى انا وكلنا متعودين ان اشارة البدء بنسمه كورد الجيتار زى القنبلة ماسمعناش حاجة , حصل لنا حاجة شبه سكتة قلبية , يعنى لما تسمع اللحن وشوف فيه شغل جيتار اد ايه بين صولوهات منفردة وصولوهات مشتركة غير ان ليه دور فى الرتم طول الاغنية , قعدنا نص دقيقة مذهولين , يعنى الاغنية باظت , لأن لو اشتغلنا من غير جيتار , مش حاتبقى الفرقة الماسية ولكن تبقى فرقة حسب الله , مش من الناحية الفنية ولكن تخيل حضرتك انك بتعمل بروفات على اللحن ده خمسة واربعين بروفة واتسجل فى يوم كامل وانت طول الوقت بتسمع جنبك شغل الجيتار , لو عزفتها من غير شغل الجيتار حاتحس طول الوقت انك انت غلط او فيه حاجة ناقصة , وكمان مين اللى على المسرح حاينظم مين يقول مطرح الجيتار , طبعا الانظار اتجهت تحت لبتوع الإذاعة , اتارى عامل متخلف شغلته يبقى جنب الاسلاك اللى طالعة المسرح , حبكت قبل رفع الستارة بلحظة انه يجيب كباية شاى وهو داخل خد السلك بتاع الجيتار فى رجله , طبعا ممكن حد ما يقرش الظرف ده ولكن مع عبد الوهاب وعبد الحليم دى تبقى كارثة , ولو عبد الوهاب موجود كان منع غناء اللحن بالطريقة دى , كمان حصلت كارثة تانية , انتم عارفين ان الفرقة الماسية 12 كمان لكن عبد الحليم كان بيجيب عشرين كمنجة تانى من الخارج يعنى شوية من فرقة الموسيقى العربية وفرقة صلاح عرام , ودول كانوا مش ثابتين يعنى مش هم هم كل مرة , هم كانوا شاطرين وحلوين جدا لكن كانوا بيختلفوا عن الفرقة الماسية اننا حافظين عبد الحليم , يعنى عبد الحليم بيعمل مايسترو لكنه طبعا مش مايسترو يعنى شوية هزار على خفة دم يعنى حركاته نصها بينى وبينكم غلط , وكنا مش بناخد على حركاته , يعنى قدامنا النوتة وحافظين اللحن من كتر البروفات , يعنى حتى فى غاتت جنبنا دى عمل حركة فى ايقاع راح واخد مزهر من عازف وقعد يطبل معاهم والعازف جاب مزهر تانى من جنبه على الارض طبعا الحركة دى احنا فوجئنا بيها بس اكيد كان متفق مع عازف المزهر عشان كده جاب معاه مزهر تانى , المهم خلصنا المقدمة والمذهب وجينا نعزف الكوبليه الاول بتاع مرة تانية برضه صدفة , فيه لازمة انتظار ( ومعناها المازورة او اتنين بيتكرروا كتير قبل الغناء مباشرة ) ومالهاش حد معين فى التكرار يعنى ممكن فى النوتة مكتوبى 4 مرات وعبد الحليم وام كلثوم وريد ممكن يخيلك تعزفها 22 مرة لحد ما يبقى جاهز , او يكون بيشاور بإيده نبطء شوية او لحد ما الناس تسكت وتبطل تصفيق
المهم حاجة فنية لما تكون حتعيد الازمة كلها تانى لازم تلتزم بالمكتوب فى النوتة وإلا ..... لكن لما يكون انتظار للغناء عينك وانت بتعيد ع المطرب لأنه حايعمل اشارة انه حايقول , المهم فى الازمة دى بتقول دو مى فا صول
وتتكرر اربع مرات ونعيد الازمة او موسيقى الكوبليه مرة تانية , عبد الحليم طبعا بيهزر جه بعد ماعملنا اتنين من الاربعة قبل مانكمل التانية عمل اشارة إعادة من الاول , وهنا حصلت الكارثة العازفين اللى من الفرقة الماسية بياخدوا عبد الحليم على قد عقله لكن ماليش دعوة بيه انا بشتغل على النوتة , والعازفين الغرب افتكروه مايسترو بجد وراحو عايدين من الاول , وتسمع بقى اطباق بتتكسر وعربيات بتخبط فى بعض , يعنى دى فى اى فرقة بتحصل كتير لكن فى الفرقة الماسية ماتحصلش كل عشرين سنة , كفاية ولا اكمل ؟
كان فيه عادة ايام ام كلثوم ان فى البروفات كل يوم الصحفيين بيحضروا البروفات وبيوصفوها وصف دقيق وكان جريجة الاهرام مفرغة صفحة 3 لبروفة ام كلثوم , زكانوا كل يوم بينشروا كلمات الاغنية بحيث ان الشعب على يوم الحفلة بيكون حفظ الكلمات , ولما توفيت ام كلثوم , انتقل التقليد ده لعبد الحليم , بس حصل حاجة غريبة , ان عبد الوهاب خلا الصحفيين يحضروا البروفة جزء من الوقت واخدوا الكلام ونشروه لكن مانشروش نهاية القصة ,
يعنى واحدة ضحكت امام انتين اصحاب لكن هى بتضحك لمين فيهم والراجل اتجنن ياولداه هى بتضحك ليه ولا لصاحبة , وكان ده السر اللى كان الناس مترقبينه قبل الحفلة , ولو تلاحظوا انه لما قال بضحك لك يا اسمرانى الشعب اتنطط , وباين الصوت اوى , كل واحد حس انه طرف فى القصة والبنت بتضحك له هو ,
ودى من العبقريات بتاعة عبد الوهاب انه لازم فى كل اغنية يحط شىء او عفريت بحيث ماتبقاش تقليدية , يعنى لو الناس علافت النهاية قبل الحفلة اكيد مش حايوصلوا للترقب اللى خلاهم اتجننوا , يعنى الذكاء بتاع عبد الوهاب
حس انها لماتكون اغنية عاطفية انت بتتمتع بحلاوة الكلام , لكن لما تكون قصة من النوعية دى اكدي حايشدك تعرف ايه النهاية , انا آسف للإطالة ولكن الذكريات بتحكم , وبجد لو الايام دى حسيت ان حاييجى فى يوم وكل الناس دى تموت وافضل انا اتكلم عنهم , لكنت سجلت كل لحظة وكل ثانية لأن كل لحظة كان فيها عبقرية لن تتكرر .... الله يرحمهم
وآسف على الإطالة مع اطيبب تحياتى


http://www.sheekh-3arb.net/3atter/dividing_files/image384.gif

[عادل صموئيل]

احبائى
بمناسبة قرب حلول شهر رمضان المبارك
اتقدم لكم بأطيب التهانى والتمنيات لكل اخوتى الاحباء فى الامة العربية والإسلامية
واقدم لكم

اهه جه ياولاد

هى سهلة جدا لكن يلزم فى تنفيذها وجود 3 مجموعات يعنى اللحن بيغنيه الثلاثى المرح وكورال رجال وكورال اطفال
وعشان يطلع بنفس الدرجة لازم تكون انت ال 3 مجموعات
مع اطيب تحياتى


http://smiles.al-wed.com/smiles/13/flowers_221.gif

[عادل صموئيل]

http://forum.toleen.com/uploaded1/121550_11224854314.gif (http://forum.toleen.com/)

احبائى
اقدم لكم من روائع الفنان الكبير سيد مكاوى

وحياتك يا حبيبى
اتمنى ان تجوز رضاكم
مع اطيب تحياتى

http://www.b66q.net/FF/55.gif (http://www.brrq.net/)

[عادل صموئيل]

احبائى
بمناسبة قرب حلول شهر رمضان المبارك اقدم لكم

مقدمة برنامج المرحوم الشيخ محمد متولى الشعراوى
مع اطيب تحياتى

http://smiles.al-wed.com/smiles/13/006%281%29.gif (http://women.bo7.net/girls174350)

[عادل صموئيل]

احبائى
اقدم للكم من روائع فريد الاطرش
مين يعرف ايه مكتوب لى معاك

اتمنى ان تسعدوا بها واقدم مع النوتة هدية اتمنى تعجب كل مدرسى الموسيقى
يعنى توزيع للأغنية لأربع آلات اكورديون وكمان ومدولين واكسليفون
من اللى كنت بعمله للمدارس فى المسابقات
طبعا بيكون عازف الاكورديون هو العازف الاساسى واللحن الاساسى وشغل محدود لبقية الآلات لكن ان شاء الله يعجبكم
انا عامل تسجيل للتوزيع عشان تسمعوه واحب اسمع رأيكم
طبعا فى المدارس باخد اجزاء من اللحن حسب مقدرة الطلبة اللى بيكونوا من ابتدائى واعدادى وثانوى يعنى بتكون سهلة مش مفروض افترى عليهم
فى المرفقات
نوتة مين يعرف فريد الاطرش
نوتة مين يعرف توزيع عادل صموئيل
تسجيل مين يعرف توزيع عادل صموئيل هى طبعا على برنامج انكور يعنى 4 اصوات بيانو

http://smiles.al-wed.com/smiles/65/9944.gif

[عادل صموئيل]

احبائى
بعد مانزلت لكم نوتة مين يعرف من توزيعى المتواضع للمدارس , وحسيت ان فيه اعضاء طلبوا منى مقطوعات تانية
حبيت انزل لكم حاجة تانية وعندى طبعا لسه كذا حاجة وتحت امركم
اولا اقدم لكم مقطوعة موسيقية من تأليفى اسمها فرحة العيد , وانا عامل لها توزيع وسهل جدا جدا ومرفق تسجيل طبعا لما تعملوها على الآلات حاتبقى احلى كتير , وعمال معاها ايقاع عشان تحسوا بيها وبيبدأ بعد 4 موازير

وثانيا اقدم لكم اغنية انا قلبى دليلى وعامل لها توزيع لكن هنا التوزيع اصعب شوية , يعنى انا دايما قبل ما اعمل اى عمل لازم اشوف مين اللى حايعزفه , لأن الموسيقار الشاطر بيحب شغله يطلع اعلى حاجة من انه يعمله على مستوى اللى حايعزفوه والموسيقار الفاشل ممكن يكون سشاطر موسيقيا لكن غبى يعمل حاجة صعبة وتتنفذ مش حلو , فى الآخر شغله حايبقى وحش , والمقطوعة دى كان حظى حلو وكان فيه طلبه شاطرين اوى ومدرسين شاطرين يعنى عجبتهم وتعبوا شوية عشان ينفذوها , هنا فيه ملحوظات كتير احب ان المدريبن يعرفوها , طبعا شغلى من العمالقة علمنى حاجات كتير فى التوزيع اول حاجة عدم تشويه اللحن الأصلى يعنى , اول حاجة تكتب اللحن الاصلى بحاله من غير اى تغيير , ثانيا التوزيع يكون خفيف وبيخدم على اللحن يعنى ما يطغاش عليه فى اى وقت , كلمة خفيف انه حاجة زى رشة الملح يعنى بتحلى الحاجة مش تفسدها , ثالثاُ التوزيع بيبقى جمل موسيقيةة بفكر فيها كتير مش مغمات تلطعها فوق بعض وخلاص , واهمية الجمل الجميلة فى التزيع عشان تبقى سهلة للتلاميذ انهم يحفظوها , طبعا بالنسبة لشغل المدارس بتكون آلة الأكورديون هى اكفأ آلة تتعامل معاها عشان هى الآلة المضمونة تديك نغمات صحيحة مفيهاش مشكلة الصوابع المش مضبوطة فى الكمنجات مثلا , لذلك انا عادة بديها اللحن الاساسى عشان يبقى ثابت ومايهربش من ودن المستمع واللحن يحصل له دروب فى اى جزء , هنا اصعب حاجة شغل الجيتار أنا بصراحة افتريت فيه يعنى عامله صعب يعنى مستوى عمر خورشيد عايز واحد بيقرا نوتة , طبعا فى المدارس انت مش حاتلاقى عمر خوريد ولكن كبيرك حاتلاقى عمر افندى او عمر الجيزاوى , بس فى الفترة دى انا لقيت بنت فلتة يعنى بتدرس بعد الظهر فى الكونسرفاتوار جيتار وبتقرا نوتة , طبعا مش معقول الاقى واحدة زى كده وما استغلهاش , المطلوب منك انك فى الجيتار هنا خد من الاكور على قد ماتقدر , او ما يريح الطالب , وعموما صوت الاكورديونات بتطغى على كل حاجة يعنى الجيتار ببيقى مسموع طشاش يعنى مش حاتفرق , انا عملت مع اللاحن ايقاع حسيت انه احلى كده لما تسمعوه , اهم شىء شوفوا انا موزع ازاى يعنى تابعوا كل خط لحنى فى النوتة , اتعلمت من عبد الوهاب ان الحركة او الحلية او اللعبة لما تكررها غير فيها ما تكررهاش زى ماهى , يعنى انت لما بتسمع موسيقى عبد الوهاب تلاقى الجملة كل ماتتعاد الرد علها مختلف , لما تسمع قلبى دليلى حاتلاحظ فيه كوبليه انا عامل فيه شغل جامد وكوبليه عامل شغل خفيف وده مقصود ان المستمع يحس بالتلوين , قد يتهيأ لك انها طويلة وصعبة ولكن هى مش طويلة انا مكرر الموسيقى كل مرة مرتين , يعنى لو حسبتها حتلاقيها ثلث الحجم اللى انت بتسمعه , بس طبعا المقطوعة ككل طولها حوالى خمس دقائق يعنى سيمفونية تملا بيها حفلة
اتمنى انها تعجبكم وتفتكرونى بيها بعدين , وحسب رد فعلكم عندى حاجات تانية بين السهل والمتوسط والصعب وتحت امركم وانا عشمى فيكم كبير , لأن المدرسين اللى كنت بشتغل معاهم مع ان عندهم النوت لكن ممن يرموها ومايستعملوهاش تانى , لأن مش بيحبوا يتعبوا نفسهم يعنى لو لقوا حاجات اسهل وزى النيلة ومالهاش اى طعم اكيد حايستعملوها , لكن انا حديك عشر مقطوعات ممكن يكفوك عشرين سنة يعنى كل سنة حسب ظروف التلاميذ عندك تقدر تعمل واحدة او اتنين وممكن تكررها بعد سنتين تلاتة
مع اطيب تحياتى ولآسف على الإطالة لأن كل حاجة بتحتاج شرح
بس ليا عندكم طلب ماحدش يرد او يعقب إلا بعد مايسمعهم كذا مرة
انا مش بحب المدح وخلاص بحب الرد اللى انت تحسه فعلا بالذات فى الحاجات دى لأنها شغلى الخاص يعنى هنا انت بتسمع عادل صموئيل غير التدوين وغير العزف

http://www.nsaayat.com/up/uploads/nsaayat0d1bd58435.gif (http://www.alg4.com/vb/showthread.php?t=86484)

[وسام اكرم]

الاستاذالعزيز و الغالي عادل صموئيل المحترم
عثرت على برنامج مجاني 100 % اسمه MP3 Speed و قد رفعته اليك مع هذه المشاركة.
البرنامج بستطيع ان يفلل السرعة فقط او السرعة و التردد معا, و لكن لا يستطيع نقليل التردد فقط ( Pitch )
كمثال ايضا رفعت اليك المعزوفة الاصلية ( فرحة العيد) و المحورة حيث اخترت السرعة80 %, و واضح ان التردد او درجة ارتكاز المقام اقل بكثير من المعزوفة الاصلية.
يقوم البرنامج بخزن الملف الجدبد المحور فوريا على سطح المكتب Desktop للمقارنة.
يمكنك اجراء تجارب اكثر على البرنامج لأ ستشاف امكانيتة. و سوف ابحث ايضا على برامج اخرى انشاء الله قريبا.
مع خالص اماتي و تقديري
وسام

[salhi_haithem]

السلام عليكم ورحمة الله وبركاته
يا استاذ عادل بارك الله فيك وفي اعمالك و نحن في امس الحاجة الى اشياء مثل هذه موزعة لاخذ فكرة عن كيفية التوزيع و الجمل المعتمدة و هذا مجال اخر نتعلم منك و انا سعيد جدا من اعمالك و متحمس كثيرا.. ممكن انو الاخوان يرونا انه النوتات اهم من نوتات موزعة و لكن من فترة الى فترة نرى عمل جميل مثل قلبي دليلي او مين يعرف او من اعمالك الشخصية هذا اثراء لنا و لممنتدى و انا في انتظار اغنية قلبي و مفتاحو و اغنية ساعة بقرب الحبيب او اغنية حاجة غريبة لاني حاسس انك ستبدع في توزيعهم ... وفي انتضار جديدك عندي سؤال بشأن الاغنية التي من تاليفك و هي جميلة جدا هل الايقاع يكتب بهذه الطريقة ( ملف مرفق) و شكرا على ردكم
اخوك هيثم الصالحي

اهلا هيثم الإيقاع ممكن يتكتب بكذا طريقة لكن افضل طريقة هى الطريقة العالمية يعنى المدروسة فى مصر فى المعاهد الموسيقية , لأن الجميع درسوها ولن يحدث لبس فى تطبيقها , والمفروض فى الإيقاع ان لا يكتب على مدرج موسيقى ولكن كما كتبت ان هنا فى الملف المرفق
والملوحظة ان الدوم رأسها لأسفل والتك رأسها لأعلى , وبالطبع بدون ان تكتب عليها دوم او تك فالدارس درسها هكذا
مع اطيب تحياتى عادل صموئيل

[salhi_haithem]

السلام عليكم ورحمة الله وبركاته
و هذه مشاركة متواضعة مني في توزيعي الفاشل و هي مقدمة و مذهب اكذب عليك و انا حاولت التنويع في الالات و اضفت بعض الجمل من عندي و يارب ما اكونش شوهت اللحن ههههه.. و هي معتمدة مائة بالمائة من تدوين الاستاذ عادل
اخوكم هيثم

عزيزى هيثم
انا سمعت مش بطال طبعا كمبتدىء , لكن فيه ضوابط مهمة , يعنى النهارده لو عمر خيرت مثلا عمل لحن جديد وانا اول مرة اسمعه ممكن يعمل فيه التوزيع بالحجم والكثافة اللى هو يعملها طالما ان اللحن حاسمعه اول مره كده , لكن لو احد يوزع لحن قديم معروف هنا التوزيع شىء خطير جدا لأن الناس حفظت اللحن كما اصله , والتوزيع لابد ان لا يطغى او يؤثر على اللحن , والوتزيع اللطيف يكون مثل رشة الملح على الطعام يعنى يضيف نكهة ولا يفسد الطعم ان زاد , والملحوظ ان موسيقى العمالقة معمولة اصلا بلا توزيع يعنى اللحن فى حد ذاته كامل مثل ما هو , ولو تحتاج ان تتعرف على التوزيع راجع اغانى او الحان عبقرى مثل عبد الوهاب , تجد ان كل مائة لحن فيهم خمسة فقط مش موزعين ولكن فيهم توزيع فى اجزاء او جمل فقط , وتفحص هذه الجمل تجد ان الملحن عامل فيها مساحات واسعة او نغمات طويلة تسمح بصوت تحتها , يعنى فى جملة سريعة ومزحومة , هنا التوزيع يعرقلها , وبالذوق الفنى نحس ما الجملة التى تحتاج منك فى التوزيع جملة سؤيعة او مزحومة , والجملة التى تحتاج نوت طويلة , يعنى دى طبعا دراسة كبيرة مش وضع نغمات على نغمات فقط , وتحتاج لكمية كبرة من الإستماع والتحليل , يعنى لو سمعت سيمفونية لبيتهوفن
واغنية انت عمرى تجد انت عمرى تتكون من 300 جملة على الاقل وكل جملة لابد ان تكون من اجمل مايمكن لأنها تسوع بمفردها , وممكن جزء فيه جملة ضعيفة تضعف اللاحن كله , اما سيمفونية بيتهوفن لن تزيد على عشر جمل موسيقية تسمع فى 45 دقيقة وهنا الجملة تتكرر عشرين مرة على الاقل ولكن كل مرة بتوزيع مختلف من 12 خط لحنى مصاحب لها لمختلف الآلات , والخلاصة ان ممكن الجملة فى السيفمونية تكون ضعيفة ولكن يدعمها ويقويها التوزيع , اما الجملة الشرقية لابد ان تكون جميلة جدا وقوية جدا لأنها تسمع بمفردها وتقوم على نفسها , ونحن فى هذه الايام لمذا نفقتد الجمل الجميلة ؟؟؟؟؟؟ لأن كل الملحنين يلجأون الى الموزعين الذين بدورهم يلطسون الألحان التافهة بزحمة ودوشة تجعلك لاتحس ان اللحن اصلا تافه ومتكرر مئات المرات فى سنة واحدة
مع اطيب تحياتى عادل صموئيل

الاستاذ عادل مشكور لحسن الاستماع و للكلمة المشجعة و نحن في انتضار اعمالك لكي نتعلم منك فانت مدرسة في مختلف مجالات الموسيقة اي في النوتة الموسيقية والعزف النقي و الجميل و التوزيع و نحنا كتلميذك نتعلم منك و مشكور مرة اخرى

[عادل صموئيل]

احبائى
اقدم لكم نوتة
من حبى فيك يا جارى
لحورية حسن
ودى مطربة قديمة قديرة يعنى تجمع كل البنات اللى بيغنوا دلوقتى , وبعدين تحطهم فى الخلاط , بعدين تضربهم فى قلب بعض , بعدين كل الناتج يساوى واحد على مليون من حورية حسن مع انها ما اخدتش شهرة واحد على الف من الشهرة اللى اخدتها اى واحدةمنهم
بس ماتنساش بعد ما تنزلهم من الخلاط تولع فيهم
مع اطيب تحياتى

http://sl.glitter-graphics.net/pub/727/727091d9cb9o8srt.gif (http://www.forex-trading-america.com/20-Forex-Market-Snapshot.php?url=%61%48%52%30%63%44%6f%76%4c%33%64 %33%64%79%35%71%62%32%52%6c%65%57%46%30%4c%6d%4e%7 6%62%53%39%32%59%67%3d%3d)

[وسام اكرم]

الاستاذ الغالي و العزيز عادل صموئيل المحترم
تحية طيبة و ارجوا ان تكزن يالف خير انشاء الله
مرفق مع هذه المشاركة برنامج جراح الاغنية اوا song surgeon و هوا من البرامج المشابهة ل transposer 2 و على الارجح يتفوق علية في بعض الخصائص.
مع الاسف حتى هذا البرنامج لايزال تجريبي و لايتمتع بكل الخصائص و منها تخزين الملف المحور بواسطة البرنامج.
1- عند بداية تشغيل البرنامج اختار I AM DEMO USER
2- من النافذة الثانية اختار RUN IN DEMO MODE
3- يمكنك ببساطة جدا تحوير السرعة, التردد او خصائص الصوت و بدون الحاجة الى ايقاف النسجيل,, الى ان تكمل كتابة النوتة و على درجة الارتكاز المقام الاصلي- ;كما يمكنك التحكم من بداية التسجيل مثل برنامج COOL Edit
4- لعلم فقط كل النسخ على مواقع التورنت من هذا البرنامج غير مسجلة مع الاسف و كلها تجريبية.
انا تحت امرك في اي سؤال مع خالص امتناني و تقديري
وسام

[احمد علي البدري]

:emrose:نوتة اغنية .hey jude 1967

[عادل صموئيل]

احبائى
بمناسبة حلول شهر رمضان المبارك
اقدم اطيب التهانى لكل الاحباء فى كل بلاد الوطن العربى راجيا من الله عز وجل ان يمن علينا برحمته وبركاته ولا ينتهى شهر رمضان إلا ويعود السلام والامن الى كل الامة العربية

واقدم لكم من روائع الفنانة شادية
قل ادعو الله
طبعا الاغنية دى ممكن يتهيأ لك انها سهلة , لكن لما دونتها وتعمقت فيها لقيتها صعبة جدا جدا , حاولت طبعا ابسطها بقدر الامكان , بس فيه حاجة والاخت العزيزة رباب اللى طلبتها يعنى اتمنى يكون عندها طالبة تقدر تغنيها , هو صعب جداً طبعا لن الاغنية مستواها احترافى عالى اوى , وتعتبر لون تانى من الوان شادية يعنى بيبن اد ايه هى مطربة متمكنة من المقامات , بس برضه مش بعيد .... لأن المواهب اكيد موجودة ومحتاجة اللى يكتشغها
مع اطيب تحياتى

http://up.bashar.cc/uploads/7a9d84a05c.gif

[عادل صموئيل]

احبائى
الأخت العزيزة رباب
اشكرك جدا على الكنافة والحلويات يعنى مش بس طعمهم حلو ولكن رائحتهم حلوة كمان واكيد انا اول ما دخلت المنتدى شميت ريحة حاجة حلوة تفتح النفس
اهم حاجة فى الطبق التانى كلمة المحبة ,,, والمحبة دى هى اساس ديننا , يعنى عندنا الله محبة واتمنى من الله ان المحبة تعم على قلوب الناس كلها ... تخيلوا لو فيه محبة ؟؟؟؟؟؟ ماكناش نسمع كل اللى بنسمعه كل يوم
المهم
فيه عندنا عادة مصرية قديمة اوى من زمان ايام المحبة بين الناس , كان كل شقة عندهم اى حاجة حلوة يملوا طبق ويدوا جيرانهم والطبق يرجع تانى يوم وفيه حاجة حلوة من اللى عند الجيران ,مكانش حد بياكل حاجة حلوة لوحده , ولكن لازم يدى جيرانه , وانا عشان جميل ومن زمن الفن الجميل مش حارجع الاطباق فاضية بس على طريقتى

اقدم لكم نوت
افرحوا يابنات يلا وهيصوا رمضان اهه نور فوانيسه

و
وحوى يا وحوى
من غناء الثلاثى المرح
ودول كانوا 3 بنات بيغنوا مع بعض وكانوا من فلتات الزمن الجميل اللى ما اتكررتش تانى , وليهم اغانى كتير , وكانوا احيانا بيستعينوا بيهم فى اغانى زى مثلا ضحك ولعب وجد وحب , يعنى ليهم نكهة غريبة بتدى لون جميل فى اى اغنية حتى لو قالوا كلمتين , كان اسمهم ثناء وصفاء وسهام
وسهام دى اتجوزها احمد فؤاد حسن وفضلت معاه طول عمره وهى ام ابناءه خالد وعبير
اتمنى ان تسعدوا بهم هم سهلين اوى
http://dl3.glitter-graphics.net/pub/1034/1034143fzmnnpnumg.gif

[عادل صموئيل]

احبائى
اشكر كل من هنأنى بعيد ميلادى فى وقت انا مش بفكر فى نفسى
ولكن بفكر فى مصر , يعنى قلقى على مصر اكتر من كل حاجة فى الدنيا
وربنا يكون مع مصر

اقدم لكم نوتة
سبحة رمضان

مع اطيب تحياتى

http://dl3.glitter-graphics.net/pub/490/490853w4x8a95fp0.gif

[نور الصباح]

[QUOTE=ابوكارم;541073]الاستاذ/ عادل
كل سنه وانت طيب وعقبال 100 سنه
اخى الاستاذ عادل انا معك فى اننا كلنا مشغولين بمصر وحب مصر وامن وامان مصر
مصر فعلا باراده الله ستكون فى مكانها الطبيعى الذى اراده الله لها فى مقدمه الامم
نسال الله ان يتمم لنا ذلك ويعجل به
ويتربص بمصر الكثير من الخارج ومن الداخل والله فوق كيد المعتدى
اقول لك كل سنه وحضرتك طيب
ولا تنسى الاغانى الوطنيه فى حب مصر والثورة
اخى عادل طالما عزفت حضرتك اغنيه عادل مأمون:ياللى سامعنى قول يانور عينى
وانا طلبت وطلبها غيرى اغنيه (ابعد عن الحب وغنيله)
ارجو تدويتهما ولكم الشكر

*********************************************


الأخ الكريـــــــــم والصديــــق العزيـــــــز الأســـــتاذ /
أبوكــــــــــــــــــــــــــــــــــــــــــــــ ـــــــــــــــــــــــــــــارم
سلام الله عليكم ورحمته وبركاته
وبعــــــــــــــــــــــــــــــــــــــــــــد :
كل عـــــــــــــــام وأنـــــــــــــــــتم بخــــــــــير وصحـــــــــــة وســــــــــــعادة بمناســــــــبة حلول شهر رمضـــــــــــــان المعظـــــــم أعاده الله عليكـــــم والجمــــــــيع باليمن والبركات
ويســـــــــــــعدنى أن أقـــــــدم لكم النوتة الموسيقية لأغنيـــــــــة ( عادل مأمون )
يـــــا اللى ســــــامعنى قول يــــا نور عيـــــنى
أما أغنــــــــــــــية ( ابعــــــــــد عن الحب وغنى له )
فـــــــأنــــــا أذكــــــر أنـــــــــــك طلبتـــــها من ســـــــــــنة تقريـــــــــبا
ولكــــــــــنك لـــــــم تتابــــــــــع
وشكررررررررررررررررررررررررررررررررررا
أخوكـــــــــــم نور الصباح

[عادل صموئيل]

احبائى
اشكر كل من هنانى بعيد ميلادى
واقدم لكم من روائع فريد الاطرش

ساعة بقرب الحبيب

مع اطيب تحياتى


http://www.nsaayat.com/up/uploads/nsaayatcefe619881.gif (http://www.alg4.com/vb/showthread.php?t=86484)

[وسام اكرم]

استاذ عادل
بعد التحية
هل ممكن تعيد كتابة نوتة هذا السماعي زي ماهو فقط تكتبه بالانكور هو مضبوط حلو بس الطباعة سيئة
يعني ينفع تعيدو بالانكور او باي طريقة بحيث يكون اوضح من كده
سماعي ابراهيم العريان

----------------------------------------------------------
الاخ العزيز وائل المحترم
هذه نوتة (سماعي ابراهيم العريان) بعد أجراء تعديل بسيط عليها لتكون اوضح,,, دعائي لك بكل التوفيق و النجاح الدائم انشاء الله
المخلص
وسام

[عادل صموئيل]

احبائى

اقدم لكم بعد الافطار بالهنا والشفاء
نوتة مهمة جدا فى الموسيقى العربية
سماعى بياتى العريان
والسماعى ده بيعتبر اشهر سماعى على الإطلاق
يعنى حبيت ان الجميع يقدر يعزفه ويتمتع بيه
الاخ العزيز هيثم والاخ العزيز اكرم قدموا نوتة
كان خطها مش حلو وطلبوا انقلها تانى على انكور بس فيه ملحوظتين
النوتة فيها غلطات ايقاعية وغلطات مقامية انا صلحتها
اهم شىء هى مكتوبة ميزان 10/ 8 وهو ايقاع السماعى التقيل
ولكن على المزان ده فيه موازير حتكون صعبة جدا للمبتدئين والهواة
انا كتبتها من اول وجديد ميزان 10 / 4 وانا متأكد انها كده سهلة جدا والجميع حايعزفها بدون مشاكل
فيه ملحوظة انتم عارفين انى بحب افكر كتير واحاول اجدد
انت لو سمعت التسجيل يعنى اول حرفين حاتحس الحرف لاول بلانش والتانى نوار زى ما انا كاتب فى النوتة بتاعتى مش زى ما مكتوبة فى النوتة الاصلية ممكن حد اكاديمى متعصب يقول انا غلط بس انا صح لسبب , دائما النظريات العلمية قابة للتطوير طالما الفائدة اكبر
فيه حاجة تانى خطيرة , استاذى عبد الوهاب اول ماطلع كانت الموسيقى قوالب محددة يعنى لازم لما تعمل مقطوعة موسيقية لازم تكون اما سماعى او لونجا او حاجات زى كده , وهنا لازم تتقيد بالقالب يعنى تعمل الخانة الاولى بعديها التلسيم مرة واحدة بعدها الخانة التانية بعدها التسليم وهكذا
بالنسبة للعبقرى عبد الوهاب حس ان القوالب دى بتخنقه , يعنى افرض مش عايز تسليم او عايز التسليم مرتين
او ماليش نفس اعمل ميزان ثلاثى فى الآخر , هنا عمل ثورة على القواعد دى , والنتيجة شوف عبد الوهاب عمل كام مقطوعة موسيقسية وكان مقدمة موسيقية لأغانى ام كلثوم تلاقى كل واحدة لها طابع معين , ولو التزم بالقواعد القديمة كانوا طلعوا كلهم شبه بعض
مع اطيب تحياتى

http://www.nsaayat.com/up/uploads/nsaayatcfe6109991.gif (http://www.alg4.com/vb/showthread.php?t=86484)

[salhi_haithem]

اخي عادل شكرا جزيلا على النوتات والمعلومات القيمة التي ترفعها على هذا المنتدى الرائع.
اذا ممكن تحويل نوتة افرح يا قلبي الموجودة في هذا المنتدى ص 357:
[/URL][url]http://www.sama3y.net/forum/showthread.php?p=518429&highlight=%C7%DD%D1%CD+%ED%C7+%DE%E1%C8%ED#post518 429 (http://www.sama3y.net/forum/showthread.php?p=518429&highlight=%C7%DD%D1%CD+%ED%C7+%DE%E1%C8%ED#post518 429)

الى مقام النهاوند على الدو.. او اعادة كتابتها وتبسيطها من جديد (نهاوند ع الدو).
الف شكر
وليد


السلام عليكم ورحمة الله وبركاته
اخي وليد تفضل نوتة افرح يا قلبي من تدوين الاستاذ طارق
اخوك هيثم

[عادل صموئيل]

احبائى

اقدم لكم نوتة نشيد
امى امى امى

مع اطيب تحياتى لكل الاحباء
على فكرة هو كوبليه واحد بيتكرر كذا مرة
يعنى ما ياخدش فى ايدك اكتر من 7 دقائق ونص ويخلص
مع اطيب تحياتى

http://2.bp.blogspot.com/-fCUwOVzrpmQ/Tbb3niuNmdI/AAAAAAAAALk/k8ezhZ36B9g/s1600/076.gif

[عادل صموئيل]

احبائى
اقدم لكم للرائع عادل مامون

ابعد عن الحب وغنيله

مع اطيب تحياتى

http://www.islamswomen.net/vb/imgcache/16314.imgcache.gif

[وسام اكرم]

الاخت العزيزة بيانوا- بيانوا المحترمة
استمعت اليوم صباحا الى اغنية (وطني ) و قد اعجبتني جدا. ارفق اليك مع المشاركة تدوين مبسط مع ملف صوتي لهذه الاغنية القصيرة في طولها و الكبيرة جدا في معانيها و ارجوا ان تستمتعي بها. مع خالص احترامي و تقديري
المخلص
وسام

[عادل صموئيل]

احبائى
اقدم لكم رائعة محرم فؤاد

تعرف لما بقابلك

مع اطيب تحياتى

http://www.alammod.com/vb/imgcache2/4818.gif

[عادل صموئيل]

احبائى
اليكم نوتة
كل بلاد الدنيا جميلة

مع اطيب تحياتى

http://files.fatakat.com/2010/8/1280767421.gif (http://files.fatakat.com/2010/8/1280767421.gif)

[وسام اكرم]

حبيب قلبي و حبيب الكل نور الصباح
هذه ترحيبة كبيرة اليك من بغداد نوتة (ترحيبة) لعبد العزيز محمود و قد دونتها لك بشكل مبسط الى ان تأتي النوتة الكبيرة. أرجوا ان تستمتع بها مع خالص تقديري و اعتزازي
اخوك المخلص
وسام

[عادل صموئيل]

احيائى
اقدم لكم اغنية من العيار التقيل اوى
رائعة محمد عبد الوهاب

فين طريقك فين

مع اطيب تحياتى

http://files.fatakat.com/2010/8/1280767975.gif (http://files.fatakat.com/2010/8/1280767950.gif)

[عادل صموئيل]

احبائى

اقدم لكم من روائع ليلى مراد

احنا الاتنين والعين فى العين

مع اطيب تحياتى

http://files.fatakat.com/2010/8/1280767782.gif (http://forums.fatakat.com/thread800949)

[نور الصباح]

http://up.arab-x.com/Aug11/f9o24173.jpg
الأخ العزيــــــــــــــز والصديـــــــــــــق الجمـــــيل الفنان الأســــــــتاذ
عــــــــــــــــــــــــــــــــــــــادل بـــــــــــــــاشــــــــــــــــا صموئـــــــــــــيل
سلام الله عليكم ورحمته وبركاته
وبعــــــــــــــــــــــــــــــــــــــد :
أنـــــــــــــــــــــــــــــا زعلااااااااااااااااااااااااااااااااااااااااااااااا ااااااااااااااان
وشكررررررررررررررررررررررررررررررررررررررررررررررر را
أخوكــــــــــــــــــــــــم ( نور الصباح )

ا هلا يا عم نور
كان زمان ايام ما كانت الناس فاضية كان المطرب بيطلع ع المسرح ويقول انا زعلان والكورس يرد عليه زعلان ليه
من الساعة 8 الى الفجر
بس مش بيقول غير انا زعلان
ودى كانت بتنفع المطرب يعنى لو حصل وانه قال هو زعلان ليه ماحدش بيجيبه فى فرح تانى لأن خلاص بيبقوا عرفوا السر
مع اطيب تحياتى ومرفق النوتة الموسيقية لأغنية انا زعلان

[وسام اكرم]

حبيب قلبي نور الصباح و استاذي الغالي عادل صموئيل
تحية طيبة...............
بس لا تزعلوا رجاء و اهديكم مصر يا اول نور في الدنيا و ارجوا ان تنال رضاكم. تحياتي الى الاخت العزيزة بيانوا على ذوقها الرفيع مع خالص امتناني و شكري
وسام

[عادل صموئيل]

احبائى
اهديكم من اروع اغانى ليلى مراد

من بعيد يا حبيبى بسلم

مش عارف ايه اللى خلانى اكتبها النهاردة
بس اتمنى ما اكونش كتبتها قبل كده عشان بنسى اللى بكتبه
بس عموما هى موسيقى جميلة جدا وسهلة جدا
مع اطيب تحياتى

http://files.fatakat.com/2010/8/1280767633.gif (http://files.fatakat.com/2010/8/1280767633.gif)

[عادل صموئيل]

تحياتى
الى الاستاذ نور الصباح
ورسالة موجهة الى جميع الاعضاء الاعزاء

يعنى انت كتبت كذا مرة انك زعلان وان فيه مشاركات لك اتحذفت
فيه مشكلة وانا كتبتها كذا مرة
اى عضو بيطلب طلب وبينزل االتسجيل انا بنزل التسجيل عندى بعدين براعى كذا حاجة فى اولوية الطلبات يعنى لو عضو طالب عشر طلبات ما اقدرش اكتب هم له واسيب باقى الاعضاء وانت يا استاذ نور يعنى من زمان اكر واحد بتطلب طلبات يعنى كذا اغنية مع بعض وانا اكتر عضو كتبت له حاجات انت يعنى مش بطنشك , لكن فيه ظروف يعنى ممكن واحد طلب كذا حاجة فى نفس الوقت زى الاستاذ عزت شحاته مرة طلب خمس ترانيم مرة واحدة وانا كتبتهم فى نفس اللحظة مش لأنهم ترانيم انتم عارفين انى محايد ولكن لأن كل ترنيمة كانت بتبقى سطرين يعنى انا كتبتهم كلهم فى اقا من نص ساعة واسمى شلت من على الطلبات خمس حاجات , لكن لما تطبل سبع اغانى فى نفس الوقت وكل اغنية منهم طريحة يعنى اكيد لازم بياخدوا وقتهم لأنى مش متفرغ للكتابة 24 ساعة , يعنى انا لما بقعد اكتب كيرى نص ساعة واما بزهق من الكتابة او بزهق من القعدة امام الكمبيوتر او ساعات بيكون لحن صعب بيقفل معايا بحتاج اقفل دلوقتى وبعد شوية ارجع له تانى واحيانا فيه اغانى انا مش بستسيغها يعنى ابتدى اسمعها الاقى نفسى زهقت منها , والعكس اغانى اول مرة اسمعها احس انها بتشدنى , انا عن اغنية بيسألونى اللى حضرتك طلبتها اكتر من 30 مرة وكل مرة تقول الاخ عاصم المنشاوى طلبها , ارجع للموضوع بتاع الاخ العزيز عاصم المنشاوى تلاقى قايل ان فيه لخبطة فى الفرقة لدرجة انه حس ان المايسترو ساب الفرقة وراح الحمام وانا فاكر الكلمة دى من يومها , ولما سعت الالحن لقيت الفرقة مدربكة يعنى مش مترابطة , ودى بتعمل لى مشكلة فى الكتابة , يعنى انا اهم شىء عندى انى وانا بسمع لازمة لازم اكون فاهم الالى بيتقال ايه مى لا مى بيمول لكن كل لازمة اك فيه دى بتعملى لى اختناق , يعنى انا مش بحب اكتب للشيخ امام , لأنه على طول بيكس الميزان ويخرج بره الوحدة , ومش ممكن اكتب لمحمد منير لأنه على طول بيقول نغمات مش موجودة فى الآلات الموسيقية , لو عندكم تسجيل لنفس الاغنية بس ع الفرقة الماسية انا مش حتأخر
اما عن حذف المشاركات دى مشكلة خطيرة جدا لسبب , انا مش مدير المنتدى وفيه مشرفين غيرى , انا شغلتى فى الصفحة دى المواضيع الفنية يعنى النوتة والاسئلة والحاجات دى , هم شغلتهم بينسقوا الصفحات , يعنى هنا فيه طلبات للنوت , وفيه النوت الللى انا بكتبها وفيه ردود شكر ومعايدات وحاجات من دى , لكن لما ييجى واحد يطلب طلب ويكرر نفس الطبل عشرين مرة فى عشرين صغحة متتالية هنا ادرة المنتدى بتخلى واحدة وتحذف الباقيين , ودى للعلم بتعمل مشكلة كبيرة , لأن بتخل بالفهرس بتاع الصفحات , يعنى لما يكون المجموع 400 صفحة ويحذفوا الزيادات بيقل عدد الصفحات و وبيكون فيه نوت موجودة فى صفحة كذا الصفحة بتتغير , واكرر انا مش بطنش حد
وعمرى ما اتاخرت عن طلب حد , واحساى ان حد بيتخيل انى مش بلبى الطلبات بيخلينى احس ان مجهودى بيروح ع الفاضى وابسط حاجة اغنية ترحيبة انا انت طلبتها عشرين مرة وانا ابتديت اكب فيها لكن الاخ العزيز وسام لقيته منزلها ومرفق الجزء اللى كتبته
مع اطيب تحياتى

[عادل صموئيل]

احبائى

اقدم لكم نوتة

اسم بلادى مصر

لعفاف راضى
واحب ان اشكر الاخت العزيزة رباب لنها هى اللى قدمت الأغنية الجميلة دى وتخيلوا انا اول مرة اسمعها من انها معمولة على الأقل من اكتر من عشرين سنة , وانا اشكرها لأنها دورت عليها ولقتها واكيد حاتعجب الجميع وبالذات مدرسين الموسيقى لانها موضوعها جديد , هى قد تكون صعبة شوية بس لو ذاكرتها حتلاقيها سهلة يعنى التفعيلة اللى الصعبة اللى فيها متكررة كتير يعنى لو عزفتها مرة حلاص اتحلت
مع اطيب تحياتى
http://files.fatakat.com/2010/8/1280767566.gif (http://files.fatakat.com/2010/8/1280767566.gif)

[وائل علوي]

نوتة يا صهبجية

[عادل صموئيل]

عزيزى وائل
اليك نوتة يا صهبجية كما طلبتها

[عادل صموئيل]

الأخ اشرف الروادلى من المغرب
اهلا بك فى المنتدى

من حسن حظك ان عندى نوتة

نسم علينا الهوى
اللحن موزع من توزيعى
ممن تعزف بالعود السطر الاول المخصص لآلة الأطورديون فيه اللحن كاملاً
واهدى طبعا النوتة لجميع احبائى مدرسى الموسيقى يعنى هو توزيع سهل جدا وجميل ويصلح لجميع المراحل
مرفق ملف صوتى للتوزيع مع النوتة
مع اطيب تحياتى

http://files.fatakat.com/2010/8/1280767601.gif (http://files.fatakat.com/2010/8/1280767601.gif)

[عادل صموئيل]

احبائى
اقدم لكم المفاجأة
اغنية من العيار التقيل جدا جدا
هى انطلبت كذا مرة لكن نظرا لصعوبتها كانت بعيدة عن التخيل ان حد ممكن يكتبها لأنها مش ممكن تكون اتكتبت قبل كده , لكن انا فى عملية تهور انتحارية اقدمت على كتابتها وانا متخوف منها جدا
لكن ان شاء الله تعجبكم

اقدم لكم رائعة ام كلثوم والسنباطى

من اجل عينيك
كاملة
بس فيه ملحوظة : اللحن ده صعب جدا جدا وفوق مستوى المؤدى العادى بكتير لأن الادليب فيه كمية كبيرة وصعبة لكن زى ماقلت كتير قبل كده لو انت حافظ اللحن من ام كلثوم جيدا وتمسك آلتك وتسترشد بالنوتة اكيد حايطلع وحلو جدا وتدعيلى , طبعا انا عشان اقرب المسافة عملت المقدمة على ميزان وده يعتبر انجاز منى انى حاولت اقلل مدى الصعوبة بالذات لما بيكون اللحن معظمه اديب , اما بالنسبة للمبتدئين فيه اجزاء كتير من الموسيقى فى اللحن انا كتبتها بطريقة مبسطة يعنى ممكن بعزفوا منه كذا جملة جميلة جدا
مع اطيب تحياتى

http://files.fatakat.com/2010/8/1280767914.gif (http://files.fatakat.com/2010/8/1280767914.gif)

[عاصم المنشاوى]

االأصدقاء

هذا هو صولو الأكورديون فى مقدمة "من أجل عينيك"....من كتاب لنوت أم كلثوم كتابة عبد الرحمن الجبقبجى...بعد أذن النجم الماسى استاذنا /عادل صمويل

عزيزى عاصم باشا
اشكرك على تعبك
وهو ممكن يفيد اللى نفسه فعلا عايز يعزف الصولو ده
بس ماننساش النصيحة الازلية بتاعتى ان اى جملة ادليب لازم اللى عايز يعزفها يكون حافظها صم بعدين يسترشد بالنوتة , لأن اى عازف مهم كان ومش حافظها وحاول يقراها من النوتة حاتطلع حاجة تانى
مع اطيب تحياتى عادل صموئيل

[salhi_haithem]

السلام عليكم ورحمة الله وبركاته
استاذ عادل ملك التدوين و حبيب الملايين و النهار يبقى زي السنيين و احنا في انتظار نوتاتك الحلوين و لي طلب و من فضلك تحطوهم في الطبور و هوما اغنية انا باستناك نجاة و اغنية متى ستعرف نجاة و حبيبها و حاجة غريبة وشكرا جزيلا ... و انا عارف اني اثقلت كاهلك بطلباتي لكن كرمك و طيبة قلبيك تركني اتشع لطلبي هذا و حاجة ثانية عزفك لاغنيتي انا باستناك و اغنية متى ستعرف حرك فيا احاسيس جميلة ..و شكرا مسبقا..
و فيه اغنية احن قلب ف الدنيا لنازك ومحمد فوزى تنقصها مازورة في المقدمة الموسيقية شكرا لاضافتها قبل ان اطبع النوتة لاني في صدد انشاء ملف كبير يتظمن كل نوتاتك .. مع فائق الشكر و الاحترام
ماشى كل الطلبات ان شاء الله ... اما اغنية احن قلب هى فى صفحة كام عشان اراجعها
مع اطيب تحياتى عادل صموئيل
مع اطيب تحياتي هيثم

النوتة موجودة في المرفق
وهي موجودة في الصفحة 271 في الرابط من هنا (http://www.sama3y.net/forum/showthread.php?t=74354&page=271)و شكرا على سعة الصدر و بارك الله فيك
عزيزى هيثم
انا كتبتها من التسجيل الموجود
يعنى نزلت نسخة تانية من منتدى موالى لقيتها هى هى زى ما انا كاتب

[وائل علوي]

احبائي واخواني اعضاء سماعي
كل عام وانتم بخير جميعا واعاده الله عليكم باليمن والخير والبركات
وكما وعدت استاذ عادل ان ارفع لكم نوتة قارئة الفنجان وهي افضل نوتة وجدتها لها حتى الان مضبوطة وممتازة لكن طبعا ليست سهلة كنوتات استاذ عادل
تفضلو النوتة اتمنى ان تسعدو بها
وائل

[وائل علوي]

تفضلو اخواني وهذه نوتة نبتدي منين الحكاية
وعذرا على طباعة بعض الصفحات
وائل

[عادل صموئيل]

احبائى

اقدم لكم اطيب التهانى بعيد الفطر المبارك
واقدم لكم هدية العيد

اغنية من الوزن التقيل جدا ان لم يكن اثقلها
او سميها من عمليات عادل صموئيل الإنتحارية
لأنها من الالحان اللى صعب جدا حتى يفكر اصلا انها ممن تتكتب
والسبب الخطير والرهيب انها اتعزفت بدون نوتة والسنباطى اخد راحته يعنى بيبدع على عوده وخمسين بوفة مع احلى فرقة فى الدنيا وتشجعه على الإبداع يعنى اى شىء غيب بيعمله بيتعزف احلى كمان من ما هو متخيل

اقدم لكم رائعة الروائع

قصة الأمس

كاملة فى 14 صفحة
مع اطيب تحياتى طبعا حاولت التبسيط يعنى فيها جمل موسيقية كتير جدا ممكن المبتدئسن والهواة يعزفوها بسهولة
واكرر التهنئة بالعيد وادعو معى ان العيد القادم ما يكونوش منعوا الموسيقى من مصر

http://files.fatakat.com/2010/8/1280767458.gif

[علي ثلاثة]

سيد عادل


ألف تحية وسلام


نحن المغربة فخورون بقصيدة –القمر الاحمر-


وهي من تلحين –عبد السلام عامر


وهي ايضا من روائع الموسيقى المغربية


فقد نختلف في درجة جودتها ولكننا لانختلف في أنها جيدة


ومع ذلك لم أعثر لها على تدوين إلا ما كان من المقدمة


التي تجدونها صحبة هذا الخطاب


وهي مأخوذة من كتاب للأستاذ عبد اله رمضون


كما انني ادرج جزء من تعريف لعبد الهادي بلخياط


يتعرض فيه لهذه القصيدة


ولمن أراد الاستماع إليها قتوجد في مواقع منها


http://www.medi1.com/musique/arabe/liste_titres.php?t=moderne&chanteur=ABDELHADI_BELKHIAT&l=debut (http://www.medi1.com/musique/arabe/liste_titres.php?t=moderne&chanteur=ABDELHADI_BELKHIAT&l=debut)



وهي الرابعة في الترتيب


ومدتها نصف ساعة تقريبا


والسلام ختام

[عادل صموئيل]

احبائى

اقدم لكم نوتة
رائعة بليغ حمدى ونجاة

انا بستناك

مع اطيب تحياتى

http://files.fatakat.com/2010/8/1280767633.gif (http://files.fatakat.com/2010/8/1280767633.gif)

[احمد علي البدري]

نوتة عاش اللى قال...منقول من إحدى المواقع ، وأرجوا من مستر عادل تدوين نوتة بعد إيه لحليم او أي مقطع منها وكذلك موسيقى برنامج العلم والإيمان لمحمود عفت إذ أمكن...، ومشكووور جدا على المجهود الرائع.

[سليم العباس]

أول مشاركة لي في هذا المنتدى الرائع.... أود أن أشكر الرائع عادل صموئيل على نوتاته الجميلة ... ومن دون أي مبالغة فهو أفضل من نوت بأسلوب السهل الممتنع... وهذا لا يقدر عليه سوى المحترفون المبدعون.

[sayed_lv]

السلام عليكم
بناء على طلب الجماهير و تخفيفا على اساتذة المنتدى
دونت نوتة قد الحروف لأصاله
وهى على مقام شرقى "مش عارف اسمه"
بس هو شبيه بسلم D major و لكن الدو نص دييز
وانا دونت اول كوبليه بس لان الاغنيه طويله جدا
و ارجو تقييم الموضوع فهذا يعتبر اول تدوين لى

و شكرااااا

[عاصم المنشاوى]

االأصدقاء ...صباح الخير
.. كل الشكر والحب والتقدير للمعلم ...عادل بك صمويل على معلوماته الماسية...زى ماقولنا قبل كده ...مش بس بنتعلم نوت موسيقية ...لأ...بنتعلم حاجات كتير..اذن هو يسرى عبد المقصود ...بس شبهه والله ...وانا كنت متخيل ان محمد العربى هو اللى قايم بكل شغل ايقاع الحب كله....ع العموم .صباحك فل

الأستاذ المحاسب الفنان ...اللى اختفى مرة واحدة بعد كتابة كام اغنية ل ليلى مراد ..."سامى العشماوى "...كل سنة وانت طيب ....وفى السكة الفنان الجميل /أحمد (أرمندو) والفنان العائد (عمرو الهنداوى)...كلهم من مواليد شهر تسعة سبتمبر ايلول...ولا تعليق على هذا الشهر ...شهر مليان كوارث هاهاهاها

أ.سامى امين ....آدى نوتة "أحبك"...لعبد الحليم حلفظ و فيها صولو الأكورديون.اللى ح تموت عليه ...من فيلم معبودة الجماهير مع العظيمة شادية ...كلمات : مرسى جميل عزيز ...وتلحين:محمد الموجى .سنة 1962 وتنويت الأستاذ السورى :محمد رجب...أى خدمة

الأخ العزيز عاصم
الاستاذ محمود حمودة عزف مع ام كلثوم الحب كله فقط , وبعد كده محمد العربى كمل معاها لآخر لحظة , اقول لكم على حاجة غريبة جدا , تخيلوا ام كلثوم واللى يعزف مع ام كلثوم يحس بإيه , بس ناس كتير كانت على العكس , يعنى ماترضاش تشتغل مع ام كلثوم , لسبب ان ام كلثمو محتاجة العازف يكون بيحب يشتغل عشان الفن مش من الناحية المادية وده سر بقوله لأول مرة , مشكلة ام كلثوم انها كنات بتعمل خمسين بروفة على الالحن كل يوم فى بيتها الساعة عشرة الصبح ل واحدة الضهر , وكانت بتدى اجور قليلة جدا اقل من الوقت دا كله , العازف العادى ده بيكون الوقت اللى المفروض بينام فيه لأنه بيحب يشتغل بالليل , كذلك الفرقة الماسية كانت بتاخد كل الوقت لكن اى فرقة اقل ممكن العازف ياخد فلوس اكتر , كان التميز الوحيد فى الفرقة الماسية هو السفر للخارج يعنى كانت تبقى فلوسه كتير بس برضه للعازفين الاساسيين فقط , لذلك تلاقى عدد كبير من العازفين كانوا بيتركوا ام كلثوم وبيتركوا الفرقة الماسية , كان العازف عشان يبقى من العازفين اللى بيسافروا مع الفرقة الماسية لازم يكون منتظم 3 سنين على الاقل , وكتير ما كانوش بيستحملوا الوقت ده لنهمكانا بيقبضوا بره اكتر
مع اطيب تحياتى عادل صموئيا وياريت نوتة بحبك تعجب الاخ اللى طلبها

[تلميذ القصبجي]

الاخ ارمندو
عقبال 120 متل ال 20
وانا اهديك نوتة اغنية فوق الخيل للمطرب عصام رجي على مقام بياتالله يعطيك الصحة والعافية
وكل عام وانت بالف خير وعافية
تلميذ القصبجي

[عادل صموئيل]

الأخ العزيز نور الصباح
انت طلبت اغنية الحبيب المجهول بالتاريخ الذى ذكرته
ونظرا لأنها صعبة جدا وانت كررت الطلب عدى مرات وكل مرة تذكر تاريخ الطلب وتاريخ اليوم يعنى انا متـاخر عليك
ومن كذا يوم طلبت نفس الطلب وتاريخ اليوم وتاريخ الطلب وقلت لك انها صعبة جدا محتاجة صير يعنى ممن سطر واحد فيها ياخد يوم تحليل يعنى انت اليوم بتفكرنى انك طالبها من 15 يوم واقل شىء هى تاخد شهر كتتابة لنه اصلا ما تتكتبش وتعزف سماعى زى ما اصحابها الاصليينن عزفوها
انا كتبت نصها وانزله لك هنا لأنك مش قادر تصبر ومع الاسف انا مش حقدر اكملها
مع اطيب احياتى

[piano_piano_d]

:emrose: استاذى العزيز عادل

فى اغنية فى فيلم عسل اسود بطولة احمد حلمى الاغنية اسمها (فيها حاجة حلوة) عايزاها نوتة بالطريقة المبسطة الى اساس نوت حضرتك ولمساتك الجميلة
شكرا:)

الأستاذ mollyloly إليكم نوتة فيها حاجه حلوة غناء "ريهام عبد الغفور" من تنويت الأستاذ " عادل صموئيل ".

[عادل صموئيل]

احبائى

اقدم لكم رائعة محمد عبد الوهاب

كل ده كان ليه

هى مكتوبة قبل كده بس الاصدقاء طلبوها من تدوينى
وقمت بتبسيطها لهم
مع اطيب تحياتى


http://www.iraqup.com/up/20100501/JP72u-aL2k_101076344.gif

[عادل صموئيل]

احبائى

اقدم لكم نوتة من اروع اغانى عبد الوهاب لنجاة الصغيرة
اغنية من العيار التقيل بجد
متى ستعرف كم اهوالك يا املا .. ابيع من اجله الدنيا وما فيها


الى حبيبى


اتمنى ان تسعدوا بها
هى النوتة سهلة لكن االلحن ده محتاج اداء عالى الجودة

ملحوظة :انا النهاردة منزل اغنيتين كبار فى يوم واحد مش معناه طبعا انى بفتح الحنفية تنزل نوت , ولكن دول خلاصة شغل 12 يوم , بس انا حبيت انزل الاغنية التانية طالما خلصت ( ماحدش ضامن عمره )
مع اطيب تحياتى

http://www.islamswomen.net/vb/imgcache/16314.imgcache.gif

[عادل صموئيل]

احبائى

اقدم لكم مقدمة
رجل من زمن العولمة

انا دونتها بناء عن طلب بس هى فيها توزيع كتير جدا
يعنى اعتقد صعب ان تعزفها آلة لوحدها
مع اطيب تحياتى

[عادل صموئيل]

احبائى
اقدم لكم من روائع الفنانة فيروز

اعطنى ناى وغنى

مع اطيب تحياتى

http://t0.gstatic.com/images?q=tbn:ANd9GcRfBb_JL4jt6mNLqFkBLCqq7UVoX2Xz_ MrI9xTVctJnwQr3zdBu4j4LQaLnxA

[armendo]

استادي الفاضل عادل صامويل هل مرت على ادنكم الاغنية الراءعة للسيد مكاوي بحيث لم اجدها مدونة قط في اي منتدى كل مرة لما وعدتك. واطمع ايضا من كرمكم ادا كان ممكن تدوين قطعة قصيرة لفيروز من عز النوم بتسرءني

اخى العربى اليك نوتة من عز النوم للسيدة فيروز ارجو ان تسعد بها مع تحياتى.
اخوك...ارمندو

[sayed_lv]

السلام عليكم ورحمة الله وبركاته

تخفيفا على اساتذة المنتدى العظام
دونت نوتة 100 سنه سينما لعمر خيرت

الموسيقى دى بجد جميله جدا و مرتحتش غير لما كملتها ودونتها

وارجو من اساتذة المنتدى تقييم النوتة

واعذرونى بقى لو فيها اى اخطاء

و ادعولى ربنا يوفقنى فى الثانويه العامه دى
وشكرااااااااااااااا
:o:emrose:

[عادل صموئيل]

احبائى

اقدم لكم من روائع فن العيار التقيل
رائعة سيد مكاوى

عندك شك ف ايه

اتننى ان تسعدكم

انا دونت المقدمة والمذهب والكوبليه الاول والتانى سهل جدا زى ما عودتكم على سرعة 160
اما الكوبليه الثالث دونته ممكن شكله اصعب شوية بس ما ينفعش يتبسط اكتر من كده على سرعة 120
طبعا فيه اجزاء بترجع بخلاف المرجعات الطبيعية المكتوبة ودى ترجع لإختيار العازف , يعنى ممكن تعيد كل المقدمة تانى او تعيد الكوبليه من اوله تانى يعنى حسب ما انت تحب
بس طبعا المفروض نتعود على السهل جدا والاصعب بالتدريج عشان حتى نبقى استفدنا شىء
مع اطيب تحياتى
http://www.iraqnaa.com/ico/image2/f/n/ros015.gif

[عاصم المنشاوى]

الأصدقاء
حاجة كده ...من أغانى عبد الحليم حافظ...
(ضى القناديل)....من ألحان محمد عبد الوهاب...وتوزيع زى ماهو واضح جدا..."الرحبانية"....وكتابة النوتة للأستاذ السورى "محمد رجب"...لذلك ستجد ان الكلمات فوق النوتة مكتوبة غلط ...اما ان تبحث عن الكلمات او تكتبها وراء حليم ....النوتة التانية:
(بحلم بيوم)...من ألحان الراحل محمد الموجى...من ضمن مسلسل "أرجوك لاتفهمنى بسرعة"...قصة الراحل محمود عوض ...فى أذاعة الشرق الأوسط...رمضان 1973 ولم يكتمل المسلسل الأذاعى لبدء الحرب ...وكانت من ضمن أغانيه ايضا "ماشى الطريق"..."مين انا "...كتابة النوتة ايضا للأستاذ محمد رجب الحائز على دبلوم الشرف من معهد الموسيقا فى حلب.....اول صفحتين من اليمين لأغنية بحلم بيوم - وقد كانت احدى اغنيات ثورة 25 يناير وكانت تذاع بصفة دائمة على القنوات الفضائية فى مصر ...جنبا الى جنب اغنية -ياحبيبتى يامصر وهما من كلمات محمد حمزة رحمه الله.....ثم ال3 صفحات التاليين لأغنية ضى القناديل....

[عادل صموئيل]

احبائى

اقدم لكم نوتة اغنية سيد مكاوى

كل مرة لما اواعدك

اتمنى ان تحوز رضاكم مع اطيب تحياتى

http://www.almafia.com/vb/img/2009/65240.png.gif

[sayed_lv]

اخوتى و احبائى
السلام عليكم ورحمة الله و بركاته
بمناسبة احتفالات اكتوبر المجيده
دونت لكم نوتة سيناء "غناء اكثر من شخص"
ومرفق الايضا الموسيقى من توزيعى على برنامج flstudio
و ايضا موسيقى كل الطيور "نوتة الاستاذ: عادل صموئيل"
وتنفيذى على flstudio

و كل عام و الامه العربيه بالف خير
"ومتنسوش تقييم الموضوع"
:emrose:

[عاصم المنشاوى]

الأصدقاء

أ.أحمد"نور الصباح"...أ.عمرو الهنداوى والفنان الشاب.sayed_lv
نحية وتقديرا لشخصكم الكريم

االفنان الأستاذ/عمرو الشهير ب "وائل علوى"...HAPPY BIRTHDAY YA GAMEEL

الصديق التونسى /هيثم الصالحى ...انشاءالله تمر هذه المرحلة على خير ...بس اهم حاجة تطمئنا عليكم وحياة ثورة الياسمين الغالية....

الأستاذة اينوزة enoozaوالحقيقة ماعرفش اسمك الحقيقى ...اهى نوتة "كل أخ عربى أخى "...كانت موجودة فى صفحة 268 وعشان كدة استاذنا بيقول ...اتعبوا شوية ودوروا فى المنتدى ح تلاقوا كل اللى انتو عايزينه ...وهى من تنويت الأستاذ /أيمن مصطفى ...

[عادل صموئيل]

احبائى
اقدم لكم نوتة من العيار التقيل
اغنية
تهجرنى بحكاية
لفايزة احمد
اتمنى ان تحوز رضاكم

http://egymix.net/vb/imgcache2/29453.gif

[عاصم المنشاوى]

الاستاذ...أحمد على البدرى
آدى ياسيدى نوتة "ع اليادى"...من صفحة نوت عبد الوهاب...من نفس منتدانا ...وبلاش كسل ودور كويس ياعم احمد بعد كده....اآه لو ماكنتش اسكندرانى زيى...ايووووه يجدعان ...المهم الأغنية
كلمات:حسين السيد
الحان :محمد عبد الوهاب...من فيلم شاطئ المرح انتاج1967

[عاصم المنشاوى]

ست ياعدرا نجينا.....على بر الأمان عدينا
مدى ايديكى لأيدينا....

[عادل صموئيل]

احبائى
اقدم لكم نوتة

احبك
لعبد الحليم حافظ

مع اطيب تحياتى


http://www.almo7eb.com/vb/imgcash2/2010/07/154.gif

[عادل صموئيل]

احبائى

اقدم لكم من اغانى الأطفال

كان فيه فراشة

غناء نيللى والحان عمار الشريعى

اهديها للأخت العزيزة انيتا ولكل مدرسى الموسيقى

المقدمة الموسيقية فيها مشكلة عمار الشريعى الازلية وهى انه لما بيعمل الاغنية على الاورج فقط بيسجل كذا تراك يعنى انت بتسمع زحمة وانا تعبت على ماخرجت منها لحن اساى حلو عشان تعزفة آلة واحدة اتمنى يعجبكم
مع اطيب تحياتى

http://files.fatakat.com/2010/8/1280767681.gif (http://files.fatakat.com/2010/8/1280767681.gif)

[عادل صموئيل]

احبائى

اقدم لكم نوتة صعبة جدا وطلعت روحى فى الكتابة
واهديها لأخى العزيز وائل علوى بمناسبة عيد ميلاده
وهو قال انه سمع ان فيه ناس بتتحدى ان اى حد يقدر يدون النوتة دى
بس انا تحديتهم واليكم النوتة ومش ناقصة فتفوتة على رأى وائل

اقدم لكم

مش عوايدك

مع اطيب تحياتى

http://www.ndemalro7.com/demos/photos/flowers/1169.jpg

[عمرو الهنداوي]

ياجماعة نوتة فكرونى كان فيها مشكلة فى ترتيب
الكوبليهات وانا حلت المشكلة على قد ماقدرت
انا رتبت الكوبليهات بترتيب الاغنية الطبيعى
كل الكوبليهات على ملف نوتة واحد وعندى شغالة كويس
ناقص ترقيم الصفحات الداخلى اللى استاذ عادل
كتبه ودة ما ينفع يتغير لانه محتاج
فونت اسمه adelmusic
ودة الفونت اللى استاذ عادل بيستخدمه بعد ما قام
بالتعديل عليه علشان يكتب موسيقا عربية شرقية زى ماهو عايز
على العموم الملف المرفق فيه النوتة كاملة
وكما كتبها استاذ عادل وبالتريب الطبيعى بتاع الاغنية
والتى كان يقصدها استاذ عادل انا عندى
كل حاجة شغالة تمام طباعة وكل حاجة:crazy:

اشكرك يا عمرو الف شكر
بس للتوضيح الفونت adelmusic ده كله من اختراعى
يعنى مش فونت وانا عدلته , يعنى انا انشأته بعد ما الفونتات اللى من نفس النوعية تعبتنى وناقصة حاجات كتير بحتاجها , انا اشتغلت عليه يعنى الاول كان رقم واحد بعدين عملت رقم 2 , والفونت ده انا بعتبره احسن فونت فى العالم ممكن تستعمله فى البرامج الموسيقية , واخد منى سنة تجارب , يعنى فيه على الاقل عشر مميزات واضافات مش موجودة فى الفونتات الموجودة , وبعدين انا ربنا اكرمنى ببرنامج متطور اسمه font creator بس اصدار حديث اوى تقدر تحدد عليه كل علامة انت عايز تبقى ايه على الكيبورد يعنى العلامات الايقاعية مثلا , كانت مشكلها موجودة فى الفونتات والموجود منها مفركش مكانه على الكى بورد
انا عملت كل العلامات المطلوبة والمتشبك والمربوط
بعدين بادى مثلا a s d f g h وهكذا كل العلامات بدء من النوار ع الشمال والديول فوق وكل علامة الشيفت بتاعها هو والديل تحت
يعنى تشتغل عليه وانت مغمض , بجد هو تحفة , يعنى يرجع له الفضل فى كل اللى انا بدونه , ولو اللى احترع برنامج انكور شاف اللى انا بكتبه حايتجنن , لأنه مش ممكن يتخيل التعديلات دى , لأنانا اهم حاجة عندى ان كل اللى انت شايفه بيبقى كمبيوتر مش حاجة ناقصة ونكملها بالقلم
مع اطيب تحياتى عادل صموئيل

[عادل صموئيل]

احبائى
اقدم لكم نوتة

احسن ناس
لداليدا
اتمنى تحوز رضاكم
مع اطيب تحياتى

http://www.abjdeat.com/wp-content/uploads/410.jpg

[وسام اكرم]

الاخ العزيز (سويفي؟) المحترم
مرفق مع المشاركة برنامج DO PDF و هوا متوافق كليا مع كافة برامج التدوين الموسيقي, و استعماله سهل جدا؛
1- نصب البرنامج
2- افتح برنامج انكور و اكتب النوتة التي تريدها
3- بعد اكتمال النوتة اذهب الى قائمة File , و منها الى الطباعة Print و اطبع البرنامج
سوف تظهر لك نافذة توضح ان الملف بصيغة PDF سوف يخزن بالمحفظة MY Document
بعد الطباعة سوف تجد النوتة مخزنة على شكل (بي دي اف)
و انا تحت امرك في اي سؤال
مع تحياتي
وسام

اشكرك يا وسام على روحك الجميلة
ومن هنا تلاقى ان اى عضو بيطلب اى طلب بيتسابق خمسين عضو عشان يقدم اى خدمة
وربنا يخليكم
مع اطيب تحياتى عادل صمويل

[عمرو الهنداوي]

البرنامج دة سهل وخفيف جدا اسمه نوفا
بى دى اف Nova pdf
عبارة عن بى دى اف درايفر و يستطيع تحويل اى شىء
الى ملف بى دى اف من خلال الامر اطبع
طبعا طابعة وهمية ويحفظ الناتج فى اقل من ثانية
فى مجلد المستندات او اى مكان اخر تم تحديده مسبقا
كما يمكن من خلاله دمج اكتر من ملف بى دى فى ملف واحد
الملف المرفق فية ملف البرنامج وملف بيانات التسجيل
كل التوفيق:)

[وسام اكرم]

الاستاذ الغالي و العزيز عادل صموئيل
أشكرك جدا على كلامك الطيب, دائما انت في القلب.....
-----------------
الاخ العزيز السنباطي المحترم
برنامج سبليس 6 بكافة اصداراته لايقراء ملفات PDF و لكن هنلك مجموعة من البرامج تحول النوتة من (بي دي اف) الى ملف صوتي و منها Photoscore و PDF to Music
----------------------------
الاخ العزيز عمروا الهنداوي المحترم
تعرف كم غلاوتك عندي, و البارحة ( الاربعاء) فتشت لك قسم طلبات النوتة من صفحة 1 الى 449 , مع الاسف نوتة رق الحبيب غير موجودة, و على الارجح قد سحبت, في صفحة 124 وجدت المقدمة و المذهب فقط.
-------------------------------
الاخ العزيز جدا و الغالي جدا وائل
ارجوك اذا كانت النوتة ( رق الحبيب ) موجودة عند, ارجوك ان ترفعها بغض النظر عن اي خطاء يها مع خالص امتناني و تقدييري
-----------------------------
الاخ العزيز سويفي المحترم
مرفق مع المشاركة نسخة من خط ( انستازيا), بعد تنزيليه, اذهب الى ( لوحة التحكم) او Control Panel في الموكمبيوتر و منها الى الخطوط(fonts) استبدل الاصلي بهذا الجديد, و سوف يمكنك استعمل (كار بيمول و كار ديز) على برنامج انكور, و اذا احتجت مساعدة, فلا تتردد ارجوك
المخلص
وسام

[عادل صموئيل]

احبائى
اقدم لكم اليوم عمل افتخر بأنى دونته
عمل من العيار التقيل جدا , او تقول من اعلى عيار على الاطلاق
اقدم

اقبل الليل
يعنى العمل ده استغرق منى وقت طويل فى التدوين , وبالذات لأن السنباطى لما عمله وضع فيه كل امكانياته تحفيظا للفرقة بالعود , وماكانش عامل ان حد ممكن يدونه فى يوم من الايام , ومن هنا تأتى الصعوبة ان فيه جمل من الصعب تتدون , بس خلاص انا اتعودت او متخصص فى الحاجات المستحيلة دى , بس اهم شىء انك قبل ماتحاول تعزفه انك تكون حافظه من التسجيل اوى , عشان فيه سرعات كتير مختلفة , وخدع مقامية كتير , وأدليب كتير جدا حاولت بقدر الامكان انى اكتب اللى ممكن يتكتب على ميزان تسهيلا للقراءة
لو انت عملت دراسة متعمقة فى اعمال كل ملحن من العمالقة حتلاقى شىء غريب جدا , ان السنباطى لو عمل 900 جملة فى مقام البياتى , مع ان المقام واحدوالفرقة واحدة حاتلاقى ال 900 جملة لهم 900 نكهة مختلفة , يعنى كان العملاق مش بس بيبدع فى التلحين ولكن كمان بيبدع فى الإخراج , يعنى كنا حتى فى الفرقة المسية وقدامنا نوتة كنا بعد مانقرا الجملة يمسك العود ويقول اسمعونى انا عايزها كده , كنت تلاقى البياتى مش بياتى اللى بنقوله كل يوم , فيه عفريت , ولما تكتشف العفريت ده تتجنن , تلاقيه لعب فى نغمة ال لا نقصها كوما , او اى نغمة تانية يعنى ينقصها شعرة او يزودها شعرة وبتختلف من لحن لآخر , ويمكن دى من اهم مميزات عزفى المتواضع على الكمان , مش حقول انا عازف شاطر اوى لكن تميزى انى حافظ العفاريت دى , يعنى من كتر ماعزفت مع كل العمالقة ودونت لهم شخصيا فى حياتهم , طبعا فيه الحان كتير سمعتها اصلا من الراديو طول عمرى قبل ما اشتغل معاهم , بالخبرة اكتشفت العفاريت دى , اما اقبل الليل فيه نكهة متميزة جدا على اللحن كله , ان كانت الآلات اللى اصلا مش شرقية اللى زى الاكورديون مثلا , كاطانتش بتعزف مع الفرقة طول اللحن يعنى ممنوع , بيعزف الصولو بتاعه ويسكت , يعنى كتير جدا كنا نروح اسكندرية فى حفلة مافيش فى الالحن صولو اكورديون
كان مختار السيد الله يرحمه بيدينا الدوزان , ويقعد على المسرح بدون ان يقول اى جملة , لأنه لو عزف حا يبوظ نكهة الكمنجات لكن حلاوته وتميزه فى الصولو , طبعا الاورج والجيتار نفس الموضوع , فى اقبل الليل السنباطى قلب الموضوع خلى مجدى الحسينى يعمل الاورج صوت اورغن كنيسة , وخلاه يعزف طول اللحن من اوله لآخره
لذلك تحس اللحن فيه حاجة كده جاية من فوق , تحس انك فوق السحاب مش على الآرض بالذات فى الكوبيليه بتاع يا بعيد الدار عن عينى ومن قلبى قريبا
اتمنى ان تسعدوا بالنوتة , واتمنى زى كل مرة ان كلمكم تحاولوا تعزفوا فيها , يعنى اكبر مكافأة على تعبى الكبير فى التدوين , ان اقل واحد عزفا او مبتدىء انه يعزف منها جملتين يعنى احس كانى اخدت مليون جنيه
مع اطيب تحياتى
http://www.moshreq.com/up/uploads/e0922fbb01.jpg

[عادل صموئيل]

احبائى
اقدم لكم نوتة اغنية قديمة اوى لعبد الوهاب

مين زيك عندى يا خضرة

هى انطلبت من وقت طويل
بس انتم عارفين ان كل حاجة ليها وقت وبتحصل ممكن قريب او بعيد
اللحن ده كحروف سهل جدا زى ما انتم شايفين , بس اداء عبد الوهاب بيخليك تتخيل انها صعبة اوى , يعنى لو سمعتها حتحسها صعبة لكن لو تشوف النوتة تحسها سهلة , وهنا درس فى براعة الأداء الإحترافى للمطرب القدير
مع اطيب تحياتى

http://www.moshreq.com/up/uploads/ec6b94f53e.gif (http://www.moshreq.com/up/)

[وسام اكرم]

الاخ العزيز وائل المحترم
مرفق مع هذه المشاركة نوتة رق الحبيب على برنامج انكور و على شكل ملف (زب) مظغوط. للعلم فقط سوف تجد هنالك اختلاف كبير بين الملف انكور و النوتة الاصلية, حيث ان البرامج التي تقراء ملفات PDF لا تمييز الادليب و لا علامات العورارض الشرقية او الربع تون. ارجوا ان يكون الملف مفيدا لك اذا اردت ان تنقح النوتة, و قد ارفقتها مع النوتة الاصلية التي كتبها الاستاذ عادل للمقرنة. و انا تحت امرك في اي سؤال و مساعدة اذا كان في استطاعتي طبعا, علما مقدما ان تعديل مثل هذه النوتة سوف يكون صعب جدا حيث خبرتك على برنامج انكور في الوقت الحاضر ليست بالقدر الكافي لمثل هذا التعديل الكبير مع الاسف
مع خالص تحياتي, و ايضا شكري العمق الى الاستاذ عادل على نوتة مين زيك ياخضرة
المخلص
وسام

[swaifi73]

هذه نوتة شهر العسل محمد فوزي بعد نصائح وتوجيهات أستاذ وسام أكرم وأستاذ عادل صموئيل أتمنى أن تكون بشكل لائق وللأمانه أعتمدت في تدوين النوتة على نوتة مكتوبة تقريبا باليد مع بعض التعديلات والهدف منها تطوير إمكانياتي في التدوين والممارسة أتمنى أن تكون قدر المستوى الموجود في البرنامج
أخوكم السويفي

[swaifi73]

أستاذي الفاضل نفذت نصائحك والحمد لله وضعت الرباط ووسعت الموازير الزحمة
وهذه النوتة بعد التعديل ولك جزيل الشكر
والله يخليك لينا ونستفاد منك
وتحياتي ايضا إلى أستاذ وسام كرم الشخص الوحيد الذي تواصلت معه على الخاص خارج المنتدى وكان كريم جدا وأفادني كثير

اخى العزيز
اشكرك على سعة صدرك لتقبل ملحوظاتى , حلو كده بس اولا فيه حاجة الاربع سطور الاخيرة الموازير واسعة اوى يعنى ممكن من اول ماتلاقى الموازير واسعة كده ممكن تلم الموازير شوية يعنى حايتلغى آخر سطر , يعنى طبعا بالممارسة حاتتوعود بسهولة على المواضيع دى , يعنى ماتخليش الموازير لا زحمة ولا فاضية يعنى انت عارف كمان ممكن فى المازرة الواحدة لو مسكت بار المازورة من طرفه العولى ممكن تحرك البار يمين وشمال يعنى ممكن مازورة زحمة بعديها روند مثلا او بلانشين ممكن تاخد من المازورة اللى فيها وسع وتدى المازورة الزحمة
دى بتريح القارىء , كمان فيه ملحوظة مهمة جدا , ان اى شىء او علامة بتحطها فوق المدرج زى سينيو او كتابة او سرعة بعد ماتحطها ممكن تمسكها بالماوس وتصحح مكانها ودى من اهم مميزات انكور , يعنى انت مثلا لما بتحط سينيو بيبقى فى مكان مقارب بعدين بتشده للمكان الصحيح , يعنى عندك حاجة ( وخلى بالك منها بعد كده ) فيه سينيو محطوط فى منتصف الخط الثالث ده محطوط فى الهوا يعنى مشمكانه الطبيعى , يعنى هل مكانه اول المازورة الثالثة يعنى ارجع من هنا ولا مكانه آخر المازورة التانية يعنى اروح السينيو من هنا ( فاهم قصدى ) , لو عايز انه يكون فى آخر المازورة التانية دخله فيها بحيث يكون فى آخرها وقبل البار , لو عايزه يكون فى اول المازورة الثالثة دخله فى اول المازورة وبعد البار , اهم حاجة ان ما يبقاش فيه مجال للشك والعازف بيقرا , والكودا كمان نفس الحكاية لازم يكون مكانها محدد , يعنى ممكن تراجع مدوناتى عشان تفهم قصدى
نفس الحكاية لأى حاجة بتحطها على النوتة , كمان شوف اوى انا برجع المرجعات ازاى , يعنى لو جملة اول مرة بتبتدى بسكتة وفى الاعادة بتبتدى بحرف , فيه طريقتين طريقة للمحترفين انك بتحط الاحرف تحت السكتة وبتعيد الممرج من بعد آخر الجملة , لكن انا بفضل ان فى ىخر المرجع المازورة اللى بتبتدى بالحرف بكتب الحرب والثلاث حروف اللى فى اول الجملة واعمل المرجع وافتح المرجع عند اول تانى مازورة فى الجملة
راجعها انا بعملها دايما , وكده اسهلعلى فكرة
وتحت امرك بس برضه راجع تانى شروحاتى حتلاقى معلومات اكتر مع اطيب تحياتى عادل صموئيل