الكل مصريين

**سعدالشرقاوى** · #1 12/01/2010, 09h20

الكل مصريين
صمويل واحمد حبايب طول عمرهم لاتنين
متربيين فى البلد شاربين سوى م النيل
ع الجبهه كانوا سوى يوم العبور والنصر
جابوا كرامة مصر طلع النهار بالليل
’’’’’’’’’
هلال صليب ياولادنا
أعلام رموز لبلادنا
تحت النشيد الوطنى
ظاهرين فى سطح المدنه
,,,,,
هلال وجانبه صليب
وحسين وصاحبه حبيب
فى الحرب ضحوا بروحهم
ومصرهم ماتغيب
,,,,,,
جرجس وعمّه وسعيد
فى رباط متين وحديد
متجمعين على وحدة
وكلمة التوحيد
,,,,,,
عايشين طول الحياه
ورابطهم ائتيلاف
ماعبروش القناه
وبينهم اختلاف
,,,,,,
ياللى انت عينك منىّ
وابعد بشرّك عنىّ
عمرى ماحاصبح شيعى
وأخويا المصرى سنىّ
,,,,,,
ولا مسلم او مسيحى
لو مصرى يوم ينداس
ولافتح يعيش فى ريحى
ويشوفنى فى يوم حماس
,,,,,,
عايشين فى بيت عيلتنا
عشرتنا من سنين
نقسم سوى لقمتنا
والكل مصريين

**رائد عبد السلام** · #2 13/01/2010, 05h21

اقتباس:

المشاركة الأصلية كتبت بواسطة سعدالشرقاوى

الكل مصريين

صمويل واحمد حبايب طول عمرهم لاتنين
متربيين فى البلد شاربين سوى م النيل
ع الجبهه كانوا سوى يوم العبور والنصر
جابوا كرامة مصر طلع النهار بالليل
’’’’’’’’’
هلال صليب ياولادنا
أعلام رموز لبلادنا
تحت النشيد الوطنى
ظاهرين فى سطح المدنه
,,,,,
هلال وجانبه صليب
وحسين وصاحبه حبيب
فى الحرب ضحوا بروحهم
ومصرهم ماتغيب
,,,,,,
جرجس وعمّه وسعيد
فى رباط متين وحديد
متجمعين على وحدة
وكلمة التوحيد

صاحب الكلمات النقية
والإحساس الصادق

الخال / سعد الشرقاوي

كلامك أبلغ من مئات الخطب
وآلاف المؤتمرات التي يحضرونها
بالبدل الكاملة والكرافتات السولكا

الله ينور ياخال سعد

ماينفعش تجيب لي (خِـلفة) من التوتة المبدعة دي ؟
يمكن ربنا يفتح عليا بحاجات حلوة من بتاعتك !!

**على عبداللاه** · #3 13/01/2010, 05h40

والله أنا مع الأستاذ رائد فى حكيوة خلفة التوته المبدعه دى
كانت غايبه عنى فين الفكرة دى .... مع إنى فلاح من على قديمه
يا عم الحج إبداعك ملوش حدود
الله يكرمك بفيض كرمه عليك
ويارب ما نتحرمش منك ولا من ابداعاتك
وربنا يجعل بيننا لقاء فى يوم قريب إن شاء الله
تقبل منى تحياتى
والوردتين دول

**سعدالشرقاوى** · #4 14/01/2010, 21h12

اقتباس:

المشاركة الأصلية كتبت بواسطة رائد عبد السلام

[/CENTER]

صاحب الكلمات النقية
والإحساس الصادق

الخال / سعد الشرقاوي

كلامك أبلغ من مئات الخطب
وآلاف المؤتمرات التي يحضرونها
بالبدل الكاملة والكرافتات السولكا

الله ينور ياخال سعد

ماينفعش تجيب لي (خِـلفة) من التوتة المبدعة دي ؟

يمكن ربنا يفتح عليا بحاجات حلوة من بتاعتك !!

ياريس
دانتا اللى زرعت الجدور
وأضأت النور
ونظمت البحور
وانت بدر البدور يااستاذ رائد
ربنا مايحرمنيش منك
استاذ وقائد ومعلم

**سعدالشرقاوى** · #5 14/01/2010, 21h22

اقتباس:

المشاركة الأصلية كتبت بواسطة على عبداللاه

والله أنا مع الأستاذ رائد فى حكيوة خلفة التوته المبدعه دى

كانت غايبه عنى فين الفكرة دى .... مع إنى فلاح من على قديمه
يا عم الحج إبداعك ملوش حدود
الله يكرمك بفيض كرمه عليك
ويارب ما نتحرمش منك ولا من ابداعاتك
وربنا يجعل بيننا لقاء فى يوم قريب إن شاء الله
تقبل منى تحياتى
والوردتين دول

الاخ المبدع دائما
الاستاذ/على
اللى ارسلت له رقم التليفون ومافيش اتصال
يسعدنى دائما قربك ومرورك الكريم
دمت ودامت روائعك

**AhmedSalaHammad** · #6 15/01/2010, 02h43

الله الله الله

ولا مسلم او مسيحى
لو مصرى يوم ينداس
ولافتح يعيش فى ريحى
ويشوفنى فى يوم حماس

سلمت يمناك

**سعدالشرقاوى** · #7 15/01/2010, 07h53

اقتباس:

المشاركة الأصلية كتبت بواسطة الفناجيلي

ياسعد ياعمي ياللي كلامك حكم
طول عمرنا جيران في الفرح فرحانين وفي الحزن مشتركين
ومنهم لله في اللي بينفخوا في النار جوه وبره

اخى الاستاذ/الفناجيلى
صباحك ورد وياسمين
هذا نسيج وطنى متداخل الخيوط
متشابك ومحكم لايتخلله حاقد
دمت ودام مرورك الكريم

**سعدالشرقاوى** · #8 15/01/2010, 07h55

اقتباس:

المشاركة الأصلية كتبت بواسطة AhmedSalaHammad

الله الله الله

ولا مسلم او مسيحى
لو مصرى يوم ينداس
ولافتح يعيش فى ريحى
ويشوفنى فى يوم حماس

سلمت يمناك

عزيزى الاستاذ/احمد
مروركم معطر برائحة الوطنية
دمتم بكل خير ومودة

**د أنس البن** · #9 19/01/2010, 14h07

يسلم قلمك يا حاج سعد , هيه دى الحقيقه اللى عشناها أطفال وصبيان وشباب , قبل الأمور ما تنعوج والمسائل تتلخبط وفيروس الجنون يصيب المجتمع , الله يرحم زمن كنت طالب فى مدرسة ثمرة الحياه الإعداديه فى الخمسينيات وهى مدرسه تابعه للكنيسه , وكان الناظر كامل افندى حنا , الله يقدس روحه , والله فاكر شكله وصورته لاتزال مطبوعه فى ذاكرتى حتى اللحظه مع إنى نسيت شكل النظار وكتير من اللى علمونى بعد كده ونسيت حتى أساميهم , إنما الراجل ده كان حاجه تانيه , تصدق إنه كان بيدخل لنا حصة الدين ويسمع لنا القرآن ويشوفنا حفظنا اللى أخدناه والا لأ واللى مش حافظ ينضرب بالمسطره على ضهر إيده , ولن أنسى الحصه اللى قعد يشرح لنا معنى قوله تعالى "فالق الحب والنوى يخرج الحى من الميت .....الآيه" وكان بيحتفل معانا بالمولد النبوى حيث تلقى الخطب ويقوم فريق التمثيل بالمدرسه بعمل فقرات على مسرح المدرسه , وفاكر لقطه منهم كانت عن سورة الفيل وحملة أبرهه
يا حاج سعد اللى احنا فيه مش فتنه ولايحزنون , دى ظاهرة عنف عامه من ناحيه وانحسار دور الأزهر كمناره للدعوه الحقيقيه والدعاه الحقيقيين بدل دعاة التوكتوك شو والتيكا واى وغيرهم
يسلم قلمك يا شاعر وربنا يبارك لك فى التوته

**سعدالشرقاوى** · #10 22/01/2010, 18h22

اقتباس:

المشاركة الأصلية كتبت بواسطة د أنس البن

يسلم قلمك يا حاج سعد , هيه دى الحقيقه اللى عشناها أطفال وصبيان وشباب , قبل الأمور ما تنعوج والمسائل تتلخبط وفيروس الجنون يصيب المجتمع , الله يرحم زمن كنت طالب فى مدرسة ثمرة الحياه الإعداديه فى الخمسينيات وهى مدرسه تابعه للكنيسه , وكان الناظر كامل افندى حنا , الله يقدس روحه , والله فاكر شكله وصورته لاتزال مطبوعه فى ذاكرتى حتى اللحظه مع إنى نسيت شكل النظار وكتير من اللى علمونى بعد كده ونسيت حتى أساميهم , إنما الراجل ده كان حاجه تانيه , تصدق إنه كان بيدخل لنا حصة الدين ويسمع لنا القرآن ويشوفنا حفظنا اللى أخدناه والا لأ واللى مش حافظ ينضرب بالمسطره على ضهر إيده , ولن أنسى الحصه اللى قعد يشرح لنا معنى قوله تعالى "فالق الحب والنوى يخرج الحى من الميت .....الآيه" وكان بيحتفل معانا بالمولد النبوى حيث تلقى الخطب ويقوم فريق التمثيل بالمدرسه بعمل فقرات على مسرح المدرسه , وفاكر لقطه منهم كانت عن سورة الفيل وحملة أبرهه

يا حاج سعد اللى احنا فيه مش فتنه ولايحزنون , دى ظاهرة عنف عامه من ناحيه وانحسار دور الأزهر كمناره للدعوه الحقيقيه والدعاه الحقيقيين بدل دعاة التوكتوك شو والتيكا واى وغيرهم
يسلم قلمك يا شاعر وربنا يبارك لك فى التوته

ايوه يابا خلينا نسحب رجليك
وتاخدنا معاك للزمن الجميل

دوى الاصاله خلص مافاضلش ولا جرعة
والساقيه صبحت صالون وماعدش فيه ترعة
والنخله وقعت وضاعت كل افكارنا
والمعزه جاعت فى دارنا ماعدلهاش مرعة

ياخساااااااااااره
ياخساره ع المصطبه ياخساره ع الشلـّه
والنورج اللى يدور يدرس لنا الغله
والتوكتوك اللى جرى هدّلهم السيجه
والتلج موّت خديجه ماعندهاش قلـّه

منك نستفيد دائما
ياوالدى الكتود انس