أم كلثوم اليوم على إذاعة الأغانى ستغنى

[أبوكارم]

ثلاث إختيارات لأغنية أم كلثوم اليوميه
من إذاعة الأغانى

اليوم 24-6-2008
خيرونا فى

إسأل روحك
غلبت اصالح
ياللى كان يشجيك أنينى

ومن دلوقتى وقبلها بعشرين ساعه أقولكم إنها ستكون

غلبت أصالح

وأنا والله لا أعرف أحداً فى إذاعة الأغانى ،
(عشان يجيبهالى من الكونترول،أويسربها على طريقة إمتحانات الثانويه العامه)
وكمان لا أعرف فى قراءه كـف إذاعة الأغانى .

دعونا نجرب لمده أسبوع ، بس المهم أعرف قبلها إيه هى الإختيارات الثلاثه ، ياريت اللى يسمع هذه الخيارات يكتبها لنا وأنا إن شاء الله أقول لكم علي الأغنيه قبل إذاعتها .

تحيـــــا تى

أبو كارم

[د.حسن]

للأسف أخى الفاضل د. أحمد ( أبو كارم )
شافوا توقعك فغيروا الأغنية
وأذاعوا " إسأل روحك "
معلهش .. خيرها فى غيرها !!
مع تحياتى

[كمال عزمي]

أخي الفاضل الدكتور أبو كارم

كما تفضل الدكتور حسن ليس عندي ما أقول إلا خيرها في غيرها .

حظاً سعيداً في الغد .

[أبوكارم]

ياجماعه أنا دعوتكم نجرب أسبوع .. يعنى باقى لى 6 مرات .
معلش مره تخيب .. وإن شاء الله 6 مرات تصيب .
لكن للأسف بعد إسأل روحك المذيع ناصر رشوان لم يقل لنا على الخيارات بتاعة بكره .

الموضوع مش تنجيم ..كذب المنجمون ولو صدقوا .

أنا سأشرح لكم الموضوع لكن بعد نجاحى وحصولى على مجموع يدخلنى إذاعة الأغانى .

تحياتى
أبو كارم

[أبوكارم]

إتصلت بإذاعة الأغانى عصر اليوم

وقالولى الخيارات ( مش بتاعة السلــطه )

أهل الهوى - الأطلال - هاسيبك للزمن .

وعلى طريقـتى أتوقع

الأطلــــــــــــــــــــال

ربنا يستر المره دى

أبو كارم .

[بشيرالأنس]

إذن ياأخي من الأغاني المقترحة مرتبتا تأخد الوسطى...وماهذا إلا إفتراض رياضياتي...الذي يحتاج طبعا إلى برهنة.

[كمال عزمي]

عشرة على عشرة

الأغنية المختارة مساء هذا اليوم هي فعلاً

الأطلال

أتمنى لك التوفيق في الأيام القادمة

[بشير عياد]

لا ترهقوا أنفسكم
العملية ضحك على الدقون
وفــّروا فلوسكم وأعصابكم ، واستمتعوا بأم كلثوم التي هنا

[أبوكارم]

أخى الباشمهندس كمال :أشكركم جداً على العشر درجات .
أخى الأستاذ البشير 444:لا تستعجل الأمور ..أنا كما ذكرت لكم سوف أشرح الموضوع لكن بعد نجاحه .
أخى الأستاذ بشير عياد : مع إحترامى الشديد لسماعى ومابه من أرشيف رائع ونادرلكل الأغانى ، فلا تزال الإذاعه المصريه هى النبع الذى ننهل منه أغلب هذه الروائع ، الحكايه بس دخل فيها الجانب التجارى شويه عشان يلموا قرشين من sms يدفعوا منها مرتبات المذيعين والمذيعات والموظفين والموظفات الأحياء منهم والأموات .

للأسف اليوم أيضا وبعد إنتهاء الأطلال لم يذكروا الإختيارات .
وأنا لن أرهق نفسى كما نصحنا أخونا بشير ولن أتصل بالإذاعه مره أخرى .
لكنى أرغب فى إكمال الموضوع على خير .
أنا طلبت أسبوع تجربه (يعنى7محاولات)
وعلى طريقة كرة القدم .. بمناسبة كأس الأمم الأوروبيه الجاريه الآن .
7 ركلات من علامة الجزاء
أول تصويبه خرجت عن المرمى
الثانيه والحمد لله دخلت الشباك
إلى اللقاء فى الخمس ركلات الباقيه

(بس إللى يسمع الإختيارات ضرورى يكتبهم لى
لأنهم 3 خيارات وأنا أسدد منهم خيار فى المرمى
يعنى لو مافيش خيارات.. هاشوط الهوا)

الموضوع على فكره مش لعبه بألعبها معاكم
بعدين هاتعرفوا أنا ليه فتحت الموضوع ده
وهاتعرفوا حبى لأم كلثوم خلانى عملت إيه

تحياتى

أبو كارم .

[أبوكارم]

سأذكر لكم عشرة أغانى
أتوقع أن الخمس أغانى القادمه لن تخرج عنهم

شمس الأصيل
أذكرينى
أغار من نسمة الجنوب
يامسهرنى
أقولك إيه عن الشوق
غلبت أصالح
أراك عصى الدمع
ياظالمنى
ليلة حب
للصبر حدود

يارب التوفيق

أبو كارم