كهربة الريف

**سعدالشرقاوى** · #1 14/10/2009, 12h33

كهربة الريف

ياسلوك يامكسيّة
م الحرّ مهريّة
واللىّ لمس توبك
مقتول مالوش ديّة
,,,
ياسلوك ياعريانه
م المايّه عدمانه
ساعة ماهبّ الرّيح
نلقاكى ويّانه
,,,
عمدان يامطليّه
بعصير ملوخيه
ناقصك شويّة توم
واتخرّى تقليّة
,,,
حوّل يا متحوّل
وهات من الأوّل
مربوط بلفـّة شاش
والعمر هايطوّل
,,,
عازل يامتخازل
فى الجوّ بتغازل
بنشوف بيك الطالع
وتشوفنا فى النـّازل
,,,
كابلات يامجنونه
فى طريقنا مدفونه
بتدوبى فى هوانا
وملزوقه بصابونه
,,,
ياضغط ياغالى
فى سمانا بتلالى
حرارتنا فى الخمسين
والضغط مش عالى
,,,
تالمه ياسكـّينه
فى الكوشك مسكينه
بتعافرى فى الارضى
ومحتاجه تسكينه
,,,
فوانيس يامكفيّه
م الخدمه معفيّه
فى الشمس نور على نور
فى الضلمه مطفيّه

فواتير تلسوعنه
ندفع وتدفعنه
نشكى ونتشاكه
ولا حدّ يسمعنه
,,,

**سيادة الرئيس** · #2 14/10/2009, 16h24

يا سيدنا يا راجل انت

و النبي حلو

تسلم يا عصير الأرض

**علاء قدرى** · #3 14/10/2009, 16h49

اقتباس:

المشاركة الأصلية كتبت بواسطة سعدالشرقاوى

كهربة الريف

ياسلوك يامكسيّة
م الحرّ مهريّة
واللىّ لمس توبك
مقتول مالوش ديّة
,,,
ياسلوك ياعريانه
م المايّه عدمانه
ساعة ماهبّ الرّيح
نلقاكى ويّانه
,,,
عمدان يامطليّه
بعصير ملوخيه
ناقصك شويّة توم
واتخرّى تقليّة
,,,
حوّل يا متحوّل
وهات من الأوّل
مربوط بلفـّة شاش
والعمر هايطوّل
,,,
عازل يامتخازل
فى الجوّ بتغازل
بنشوف بيك الطالع
وتشوفنا فى النـّازل
,,,
كابلات يامجنونه
فى طريقنا مدفونه
بتدوبى فى هوانا
وملزوقه بصابونه
,,,
ياضغط ياغالى
فى سمانا بتلالى
حرارتنا فى الخمسين
والضغط مش عالى
,,,
تالمه ياسكـّينه
فى الكوشك مسكينه
بتعافرى فى الارضى
ومحتاجه تسكينه
,,,
فوانيس يامكفيّه
م الخدمه معفيّه
فى الشمس نور على نور
فى الضلمه مطفيّه

فواتير تلسوعنه
ندفع وتدفعنه
نشكى ونتشاكه
ولا حدّ يسمعنه

,,,

حبيبى الشاعر عم سعد
ماساه بخفة دم ؛ ما يكتبهاش غير واحد دمه خفيف ؛ وحريف تريقه ؛
على راى المثل هم يضحك ؛ وهم يبكى
انت حتفضل تطارد السلبيات ؛ مرة بعنف ؛ ومرة بلين ؛ ومرة بخفة دم ؛لعل وعسى
المهم ما تزهقش ؛ اصل المغارة فيها كتير
على فكرة نورت محافظة البحيرة يا بحراوى الهوى

**NAHID 76** · #4 14/10/2009, 17h08

بسم الله الرحمن الرحيم
خالى سعد الشرقاوى
كلامك جميل ومنطقى يا خال
اأنت عارف أنا عرفه المعانى دى كلها عن الكهربه بس معرفش اقول زيك كده
ده أنت شفت من جمال كلامك جبت لنا سياده الرئيس بنفسه قسم تجارب أدبيه
شفت المكسب الكبير اللى حصلنا عليه بسبب كلامك الحلو
يحلى لسانك يا خال
وحمدلله على السلامه يا ريس ونورت القسم ومش عيزنها تكون أخر مره
دى عربون محبه
تحياتى

**رائد عبد السلام** · #5 14/10/2009, 17h57

مش باقولك ريحة بيرم
والمشرط بتاعه اللي بيعالج بيه
أمراض الوطن المزمنة..؟؟

كالعادة ....رائع ياخال سعد

ربنا يزيدك

**Tarek Elemary** · #6 14/10/2009, 23h58

سعد الشرقاوى
الخال كمان و العم
و الجار يشيل الهم
أرغول رخيم الصوت
و صوته مش م الفم
***
عقلك و قلبك سوى
كشفوا و وصفوا الدوا
روشتة من غير فلوس
والجرح أصله إستوى
***
و المسئولين مشغولين
بيعدوا فى الملايين
و لصلب وظايفهم
هايجيبوا وقت منين
***

رائع يا عم سعد
بس الجديد التمكن من مفرداتك فى قالب جديد
لم تأخذك القافية أو الكلمات لتخرجك عن موضوعك
أنت أخذتها و طوعتها و صغتها لتخدم موضوعك بتمكن
و لم أشعر بأى إقحام مع عدم هروب لب الموضوع للحظة و لو لشطر واحد
تهانينا و الأسرة على تلك التحفة

**NAHID 76** · #7 15/10/2009, 04h08

بسم الله الرحمن الرحيم
منقدرش نقول أمام هذا الجمال الا يا سلام
حين يتحاور الفنان مع أخيه الفنان
الرد بيكون له طعم تانى وشكل تانى
أبدعت يا خال
وأحسنت الرد يا ثائر يا استاذ طارق يا عمرى
المزيد ودعونا نفرح ونتعلم ونسعد بكتابه كل الشعرا والفنانين
دمتم لنا ودام المنتدى بكم
مع أهلا كمال

**abuzahda** · #8 15/10/2009, 04h15

اقتباس:

المشاركة الأصلية كتبت بواسطة سعدالشرقاوى

كهربة الريف

ياسلوك يامكسيّة
م الحرّ مهريّة
واللـّي لمس توبك
مقتول مالوش ديّة
,,,
ياسلوك ياعريانه
م المايّه عدمانه
ساعة ماهبّ الرّيح
نلقاكي ويّانا
,,,
عمدان يامطليّه
بعصير ملوخيه
ناقصك شويّة توم
وتخـُرّى تقليّة
,,,
حوّل يا متحوّل
وهات من الأوّل
مربوط بلفـّة شاش
والعمر هايطوّل
,,,
عازل يامتخازل
فى الجوّ بتغازل
بنشوف بيك الطالع
وتشوفنا في النـّازل
,,,
كابلات يامجنونه
في طريقنا مدفونه
بتدوبي في هوانا
ملزوقه بصابونه
,,,
ياضغط ياعالي
فى سمانا بتلالي
حرارتنا فى الخمسين
والضغط مش عالي
,,,
تالمه ياسكـّينه
فى الكوشك مسكينه
بتعافري في الأرضي
ومحتاجه تسكينه
,,,
فوانيس يامكفيّه
م الخدمه معفيّه
فى الشمس نور على نور
فى الضلمه مطفيّه

فواتير تلسوعنا
ندفع وتدفعنا
نشكي ونتشاكى
ولا حدّ يسمعنا

,,,

إيه ده يا عم سعد ؟

سلوك - سكينة - كابلات .....

مش عارف اتكلم باعتباري واحد من قرّاءك و لا باعتبار عشرين سنة خبرة في هم الشبكات و اللف عالأعطال و إصلاحها ؟!

يا عم دي مش قصيدة ، ده تقرير فني عن حالة الشبكة : عوازل متهالكة ، محولات مُجهدة ، كابلات غير مدفونة حسب الأصول الفنيّة ، إنارة طـُرق مُعتمة (مع إنها تابعة للمحليّات ، لكن آهي كهربا)

ياسلوك يامكسيّة
م الحرّ مهريّة
واللـّي لمس توبك
مقتول مالوش ديّة

ياجمالك يا عم انت

شوف يا عم سعد ،

يتهرأ العازل لعدة أسباب:

سوء التصنيع ، زيادة الأحمال ، العوامل الجوية ، سوء الإستخدام

بالنسبة لسوء التصنيع : فهو يدل على الفساد الإداري ، لأنه يجب أن يتم اختيار الجودة و اختبارها عن طريق مهندسين من الشبكة ، يتم إرسالهم إلى المصانع المنتجة لإجراء الفحوص المعتبرة فنياً ، و من ثم رفع النتائج إلى الإدارة للمفاضلة بين الأسعار . و هنا تشع رائحة الفساد عبر مايسمى : العمولات.

و بالنسبة لزيادة الأحمال : فهي تدل على الفساد الإداري - برضو- لأن الإدارة عيّنت مهندسين دون المستوى الفني المطلوب ، فيقومون بتحديد مقاسات الموصلات إعتباطياً دون النظر إلى كميّات الأحمال و مقارنتها بمقنن الموصل. فتكون النتيجة إرتفاع درجة حرارته و من ثم تحميص العازل . ناهيك عن التوصيلات الغير قانونيّة (سرقة التيارالكهربائي) و التي لاتدخل ضمن حسابات المقايسة. كما أن الفني الفاشل الذي لا يُحسن الربط (التحريق) يترك مجالاً لحدوث شرارة عند مواضع الربط. و ما الشرارة إلا كهرباء مفقودة(كزيادة الحمل) ، بالإضافة إلى ما تحدثه من تسخين إضافي.

أما بالنسبة للعوامل الجوية : فهي تدل على الفساد الإداري- أيضاً- ، لإنه يجب الأخذ في الإعتبار طبيعة المناخ المحيط بالشبكة ، عند اختيار المواد المستخدمة . فمثلاً نجد أن الرطوبة و ارتفاع درجة الحرارة يمثلان تحدياً لإخواننا في الخليج العربي ، كذلك الطيور (و دي مشكلة تالتة) .

أما إخوانك الكنادوة . فالتحدي الذي يواجهونه لتحسين الشبكة هو تراوح درجات الحرارة بين 40 تحت الصفر شتاءً و 32 صيفاً . و مع إنهم 72 درجة مئوية ، إلا أنني لم أشهد إنقطاعاً للكهرباء و لا حوادث ناتجة عن فساد إداري منذ حلولي نزيلاً بكندا.

كفاية كهربا !

مع إن تحفتك المرة دي كهربتني من الضحك

كابلات يامجنونه
في طريقنا مدفونه
بتدوبي في هوانا
ملزوقه بصابونه

أنا معاك إن فيه لحّامين كابلات يستاهلوا الدفن بدال الكيبل

ياضغط ياعالي
فى سمانا بتلالي
حرارتنا فى الخمسين
والضغط مش عالي

هيّ دي اللي موتتني من الضحك يا عم سعد

لعبك بكلمة : عالي (أنا شفتك كاتبها غالي ، لكن السياق بيقول :عالي)

لو عايزهاك غالي ، ممكن. علشان توفرها للقفلة ، براحتك

يا ابو مزاج عالي انت

حوّل يا متحوّل
وهات من الأوّل
مربوط بلفـّة شاش
والعمر هايطوّل

أما المحولات دي حكاية يطول شرحها ، باعتبار انها رمانة ميزان الشبكة . هي بيت الداء

تصدق يا عم سعد ، قصيدتك خلتني احب الأعطال ؟!

و تصدق كمان إن فيه ناس بيشتغلوا في الشبكات ، ما يعرفوش قصيدتك بتتكلم عن إيه ؟!
و ده - برضو - بسبب الفساد الإداري

و الله كلك نظر يا عم سعد
يا شاعر

**سيادة الرئيس** · #9 15/10/2009, 06h58

اقتباس:

المشاركة الأصلية كتبت بواسطة abuzahda

بالنسبة لسوء التصنيع : فهو يدل على الفساد الإداري ، لأنه يجب أن يتم اختيار الجودة و اختبارها عن طريق مهندسين من الشبكة ، يتم إرسالهم إلى المصانع المنتجة لإجراء الفحوص المعتبرة فنياً ، و من ثم رفع النتائج إلى الإدارة للمفاضلة بين الأسعار . و هنا تشع رائحة الفساد عبر مايسمى : العمولات.

و بالنسبة لزيادة الأحمال : فهي تدل على الفساد الإداري - برضو- لأن الإدارة عيّنت مهندسين دون المستوى الفني المطلوب ، فيقومون بتحديد مقاسات الموصلات إعتباطياً دون النظر إلى كميّات الأحمال و مقارنتها بمقنن الموصل. فتكون النتيجة إرتفاع درجة حرارته و من ثم تحميص العازل . ناهيك عن التوصيلات الغير قانونيّة (سرقة التيارالكهربائي) و التي لاتدخل ضمن حسابات المقايسة. كما أن الفني الفاشل الذي لا يُحسن الربط (التحريق) يترك مجالاً لحدوث شرارة عند مواضع الربط. و ما الشرارة إلا كهرباء مفقودة(كزيادة الحمل) ، بالإضافة إلى ما تحدثه من تسخين إضافي.

أما بالنسبة للعوامل الجوية : فهي تدل على الفساد الإداري- أيضاً- ، لإنه يجب الأخذ في الإعتبار طبيعة المناخ المحيط بالشبكة ، عند اختيار المواد المستخدمة . فمثلاً نجد أن الرطوبة و ارتفاع درجة الحرارة يمثلان تحدياً لإخواننا في الخليج العربي ، كذلك الطيور (و دي مشكلة تالتة) .

إرجع لأصلك يا ( كهروشاعر )

**abuzahda** · #10 15/10/2009, 10h33

اقتباس:

المشاركة الأصلية كتبت بواسطة سيادة الرئيس

[/CENTER]

إرجع لأصلك يا ( كهروشاعر )

يا صباح الفخامة يا خير الرئيس

شفت يافخامتـُه المفاجأة ؟! ، مش سامحالي بفرصة لتعديل السطر الأول

قال و الست ناهد هانم مستغربة تشريف فخامتكم لرعايا المنتدى الأدبي ، آديك جيت تاني اهو ....

ياريت بئى تخلي عند فخامتك شوية فخامة و تفخمنا بالحضور الدائم .

أخبار الكهربا إيه عندك ؟
لسّة - برضو - السِنجة بتقع و الكومسري (قصدي جيهانكير) بينزل يركبْها ؟

واااااااحشني يا ابو علي

* * *

ما نتحرمش من فنونك يا عمّي سعد يا مجمع الحبايب

و ياريت كمان فرعين نور عالمدخل ، بس عالعداد علشان زيادة الأحمال