بنت عادية مابتسواشي

**علاء طه ياسين** · #1 15/08/2009, 17h21

بعد الحب وبعد التوهة
حتي الكلمة مبتقوليهاشي
دي اللي زمان كانت تتمني
لما أشوفها ما اطنشهاشي

كان اسمي بيشعلل قلبك
وتصلي وبتدعي لربك
إني أعدي وافوت من جنبك
والمح فستانك وانا ماشي

حسيت حبي اتمكن فيكي
شوفت براءة جوه عنيكي
وعشان طيبتي عطفت عليكي
قولت ف نفسي ما اجرحهاشي

سيبتك علشان تاخدي عليا
حسستك ان انتي حورية
عايشة ما بين السما والميه
وانا عن حبك ما استغناشي

بعد دا كله سيادتِك جاية
تاخدي الأحلام الوردية
عادي .. لأنك بنت عادية
بنت عادية مابتسواشي

علاء ياسين

**سعدالشرقاوى** · #2 21/08/2009, 13h13

اقتباس:

المشاركة الأصلية كتبت بواسطة علاء طه ياسين

بعد الحب وبعد التوهة

حتي الكلمة مبتقوليهاشي
دي اللي زمان كانت تتمني
لما أشوفها ما اطنشهاشي

كان اسمي بيشعلل قلبك
وتصلي وبتدعي لربك
إني أعدي وافوت من جنبك
والمح فستانك وانا ماشي

حسيت حبي اتمكن فيكي
شوفت براءة جوه عنيكي
وعشان طيبتي عطفت عليكي
قولت ف نفسي ما اجرحهاشي

سيبتك علشان تاخدي عليا
حسستك ان انتي حورية
عايشة ما بين السما والميه
وانا عن حبك ما استغناشي

بعد دا كله سيادتِك جاية
تاخدي الأحلام الوردية
عادي .. لأنك بنت عادية
بنت عادية مابتسواشي

علاء ياسين

كانت فين التحفه الجميله دى
دا انا جايبها من بين السما والميّه
عشان أثبت للاستاذطارق العمرى
انك ما بقيتش تضعف قدّامها
الله ينور ياحبيب قلبى

**Tarek Elemary** · #3 21/08/2009, 18h20

و لسة
هو لسة شاف حاجة .... ياما هايشرب

رمضان كريم أيها الدويتو

**علاء طه ياسين** · #4 21/08/2009, 19h47

اتفقتوا عليا انتم الاتنين ..
يعني خلاص انا في الباي باي ..
ماشي ياعم ..
هتلبدولي في الدرة بعد كده

كل سنة وانتم طيبين ..
أخويا الكبير أبو عمر ..
وحبيب قلبي أبو مدحت ..
جمعنا الله وأحبابنا وأهل منتدانا سماعي ..
في الفردوس الأعلي ..
مع النبيين والصديقين والشهداء ..
وحسن أولئك رفيقا ..
علاء ياسين

**صبره ابو حسن** · #5 24/08/2009, 03h39

اقتباس:

المشاركة الأصلية كتبت بواسطة علاء طه ياسين

بعد الحب وبعد التوهة
حتي الكلمة مبتقوليهاشي
دي اللي زمان كانت تتمني
لما أشوفها ما اطنشهاشي

كان اسمي بيشعلل قلبك
وتصلي وبتدعي لربك
إني أعدي وافوت من جنبك
والمح فستانك وانا ماشي

حسيت حبي اتمكن فيكي
شوفت براءة جوه عنيكي
وعشان طيبتي عطفت عليكي
قولت ف نفسي ما اجرحهاشي

سيبتك علشان تاخدي عليا
حسستك ان انتي حورية
عايشة ما بين السما والميه
وانا عن حبك ما استغناشي

بعد دا كله سيادتِك جاية
تاخدي الأحلام الوردية
عادي .. لأنك بنت عادية
بنت عادية مابتسواشي

علاء ياسين

ايه ياعم علاء الحلاوه دى

انت اللى بتوزع كنافه وقطايف بدرى
لكن بصراحه شكلك متلسوع اوى
وواخد مقلب حراميه
وبلاش موضوع الدره
ده تخصص الصعايده

**علاء طه ياسين** · #6 24/08/2009, 12h04

الأستاذ الفاضل /
صبرة أبو حسن

أنا مضروب بمليون كرباج ..
شوف بقا اللسوعة تبقي أد إيه ..
بس أكيد إنت صعيدي ..
طلعنا بلديات يا خال ..
كل سنة وانت طيب ..
وأتمني أشوفك دايما بتعليقاتك الحلوة ..
الوردة دي هدية مني ليك ..
علاء