عبد الناصر مات

**سعدالشرقاوى** · #1 08/06/2009, 10h31

ومات جما عبدالناصر
._][
ابكى ياطــــــــــير السما كتـّر من الآهات
وارسم لفرخك صورمرسومه ع الجنهات
واطفى يانيل الاسى للارض لمّا اشــتكت
حتى السواقى بكت يوم الزعـــيم ما مات
,,,,,,,,,,
زهزهت الدنيا واحلوّت
ويّاكى يامصر
وانا تحت التوته وباتوضىّ
لصلاة العصر
,,,
وختمت صلاتى وفيه رعشه
بتهزّنى هزّ
لو روحنا تنفـّـد مكتوبنا
ماكانت تـنعـزّ
,,,
ورجعت المغرب من غيطى
مش عارف ليه
مخطوف القلب ومتّاخد
خايف من ايه
,,,
ماقدرش اتعشىّ وانا حاسس
فى دماغى بدق
فيه حاجه غريبه ف احساسى
لو جيت للحق
,,,
وفتحت الراديو اسمع نشره
وغنوة احرار
آهى كات بتريّح اعصابى
وبتطفىّ النار
,,,
فى الراديو ما فيش غير المقرئ
بآيات الله
قرآن وخلاص اىّ محطّه
الصوت هوّاه
,,,
حسّيت وكانّ اكيد حاجه
مداريها الغيب
يالطيف بعبادك ترحمنا
ياسميع يا مجيب
,,,
ساعتين وتلاته وانا ف حاله
والقلب حزين
وسمعت اخيرا صوت (انور)
بيقول عن مين
,,,
بيقول الغالى جمال ودّع
وفارقنا ومات
ولقيتنى ساعتها ف دوّامه
ويّا الاموات
,,,
بقى يعنى يارب بتستكتر
على مصر جمال
سبحانك صاحب ملكوتك
والدنيا زوال
,,,
على جسر الترعه لقيت لمّه
كلهّا نسوان
وكانّ بلدنا كانت تايهه
من غير عنوان
,,,
كات عمّتى خضره بتعدّد
وتقول موّال
خايفين ع الارض لاياخدوها
بعدك ياجمال
,,,
حتىّ الاطفال كانو بيبكوا
مش عارف ليه
ولمحت الصوره المرسومه
على ربع جنيه
,,,
ورايت فى منامى راجل اسود
خد منىّ عيالى
كان ويّاه واحد بيهدّوا
فى السدّ العالى
,,,
دا جمال كان عايش علشانّا
بالناس مهموم
من يوم الثوره لدلوقتى
مارتاح ولا يوم
,,,
حسيت وكانى بقيت فعلا
من بعده يتيم
دا جمال انقذنى وشال راسى
بعد التلطيم
,,,
وفضلت اعدّ ف حسناته
على كل الناس
حسنات لو عايز اكتبها
ولا ميت كرّاس
,,,
ارتاح ياجمال واحنا نكمّل
بقيت المشوار
افكارك عايشه ف افكارنا
ليل ويّا نهار
,,,
والا لقاء لمواصلة(حكايات تحت التوته)
مع تحياتى/سعدالشرقاوى
.[/
رسمت بريشة
الشاعر الفنان/رائدعبدالسلام

**عفاف سليمان** · #2 08/06/2009, 10h40

يا عم سعد الشرقاوى يا جميل
يا وارث شهامة ارض النيل
بكلامك تحت التوته يتقال مواويل
وعن الزعيم مقدرش اقول كلام اكتر منك يا جميل
دا جمال ومين غيره مين
راح ولسه عايش جوانا رغم السنين
ويمكن كنت صغيره لكن كنت بشوف حبه
فى عيون امى واهلى وجدى والمقربين
ولما كبرت حاكولى عنه وشفت كتير عنه قصص
افلام فن وتمثيل
يمكن يقربونا الصوره اللى كان عايشها
هذا الزعيم
ومهما قلنا وعملنا مش هنوفيك حقك يا زعيم
جمال وجمال فيه الكلام
شكرا لك يا عم سعد وعلى اختياراتك الجميله
وانتظر تحت التوته
حكاياتك الجميله
تحياتى للجميع بالسعاده
اختكم عفاف

**يوسف أبوسالم** · #3 08/06/2009, 11h52

أخي سعد
مساء الوفاء

لم يغب الزعيم الخالد جمال عبد الناصر
عن ذاكرة كل الأجيال أبدا
ولن يغيب
لأننا لا نتحدث عن رجل فحسب
بل نتحدث عن ظاهرة عبقرية لا تتكرر إلا كل عشرات السنين
كان عبد الناصر ملء السمع والبصر
كان يمثل بتلقائية طموحات الشعب
وليس الشعب العربي في مصر فقط
بل الشعب العربي في كل بقاع الأرض العربية
عندما كان يعلن عن خطبة للرئيس
كان الناس يتركون أعمالهم وأشغالهم ليسمعوا ماذا يقول
كان قريبا للجميع ابنا لهم وأخا ووالدا
وليس أدل على أهميته كزعيم من زعماء التحرر في العالم بأسره
أن تآمرت دول عظمى لإسقاطه
ومنها أمريكا وبريطانيا وفرنسا
وبالطبع ربيبتهم دولة العدو الصهيوني الزائلة بإذن الله
فضلا عن بعض الدول العربية التي كان وجود وفكر عبد الناصر يقض مضاجعها ليل نهار
كانت ثورة الضباط الأحرار يوم 23 يوليو فاتحة عهد لحركة تحرر عربية وإفريقية وفي كثير من دول العالم الثالث
أتذكر مقالا قرأته عن زيارة الثائر الأممي جيفارا
الذي جاء لمقابلة عبد الناصر والذي ذكر ( وهو من هو ) كيف استلهم فكر عبد الناصر وثورته
وعندما قابل الرئيس عبد الناصر
وتجول معه في شموارع مصر وكان هناك موعد لافتتاح مشاريع ومصانع جديدة
انبهر جيفارا من حشود الجماهير التي كانت تستقبل موكب الزعيمين
فقال للرئيس
هذا هو الغليان الثوري الذي أريده
فأجابه ناصر
لولا أننا أنجزنا هذه المشاريع وتلك المصانع لما وجدت مثل هذا الغليان
وما زلنا وما زالت جماهير الأمة العربية تردد مقولته الخالدة التي ثبتت صحتها في مناسبات عديدة
ما أخذ بالقوة لا يسترد بغير القوة
رحم الله عبد الناصر
وأسكنه فسيح جنانه
وشكرا لك أنك كتبت عن ناصر

**Tarek Elemary** · #4 08/06/2009, 13h35

عم سعد
الشرقاوى الكفراوى
الفلاح الفصيح الجرئ الصريح
رجعتنا لأيام مهيبة و لها عند الناس مهابة
رغم أنى أختلف مع الفكر الناصرى قلبا و قالبا
و لكننى و من مثلى لا نختلف على عبدالناصر نفسه
كاريزما الرجل و شخصيته و وطنيته و ما يمثله كما أفاض
الجليل يوسف بك أبو سالم فقد كان رمزاً لفترة من الزمن
لكل حركات التحرر و النهوض و فك القيود و الحرية
مع نهرو و تيتو و كاسترو و جيفارا و زعماء
أفارقة و أسيويين إقتدوا به فى التأميم
و التعليم و التعتيم أيضا للأسف
و هو بلا شك رمز كبير
و مشرف جدا
و محترم

**د.حسن** · #5 08/06/2009, 13h56

اقتباس:

المشاركة الأصلية كتبت بواسطة يوسف أبوسالم

أتذكر مقالا قرأته عن زيارة الثائر الأممي جيفارا
الذي جاء لمقابلة عبد الناصر

أخى الغالى أ. يوسف أبوسالم
دعنى أتذكر معك بعض صور تلك المقابلة

وجزيل الشكر لشاعر العامية الرائع
أ. سعد الشرقاوى
لفتحه هذا الموضوع
مع تحياتى

**صلاح السويفي** · #6 08/06/2009, 14h34

ياجمال جمالك ياأستاذ سعد الشرقاوي ....

سيظل عبد الناصر زعيما لكل زمان
سعت الزعامة إليه ولم يسع لها ..
كان زعيما للزعمــاء....حنى الأعداء هاماتهم
له احتراما وتقديرا وهم في قمة جبروتهم وطغيانهم..
يفتخر الأصدقاء بصداقته..ويزهو الأعداء بمناطحته..
صلبا كصخرة أبي الهول ..لم ينل منها الزمن ولا الأعداء
وسيظل ناصر بيننا ..مهما حاولوا طمس معالمه..
فليهدموا السد العالي..وليسلبوا الفلاحين قوتهم وليردوهم مُعدمين
وليؤد كل الأطباء والمهندسين والمحاسبين ...
وغيرهم ممن تعلموا ..أجور تعليمهم ..
ولنهدم المصانع...
عندها...يعرفون أين تكمن عظمة وزعامة ناصر

رحم الله زعيم الأمة قديمها وحديثها

جـــــمــال عبد النــــاصـــــر

**صلاح السويفي** · #7 08/06/2009, 14h38

أخي وعزيزي الغالي الدكتور حسن

دايما سعادتك جاهز ....ومستودع كنوز حضرتك

دايما عامر ...

**رائد عبد السلام** · #8 08/06/2009, 14h38

اقتباس:

المشاركة الأصلية كتبت بواسطة سعدالشرقاوى

ومات جمال عبدالناصر

ابكى ياطــــــــــير السما كتـّر من الآهات
وارسم لفرخك صورمرسومه ع الجنهات
واطفى يانيل الاسى للارض لمّا اشــتكت
حتى السواقى بكت يوم الزعـــيم ما مات
,,,,,,,,,,
زهزهت الدنيا واحلوّت
ويّاكى يامصر
وانا تحت التوته وباتوضىّ
لصلاة العصر
,,,
وختمت صلاتى وفيه رعشه
بتهزّنى هزّ
لو روحنا تنفـّـد مكتوبنا
ماكانت تـنعـزّ
,,,
ورجعت المغرب من غيطى
مش عارف ليه
مخطوف القلب ومتّاخد
خايف من ايه
,,,
ماقدرش اتعشىّ وانا حاسس
فى دماغى بدق
فيه حاجه غريبه ف احساسى
لو جيت للحق
,,,
وفتحت الراديو اسمع نشره
وغنوة احرار
آهى كات بتريّح اعصابى
وبتطفىّ النار
,,,
فى الراديو ما فيش غير المقرئ
بآيات الله
قرآن وخلاص اىّ محطّه
الصوت هوّاه
,,,
حسّيت وكانّ اكيد حاجه
مداريها الغيب
يالطيف بعبادك ترحمنا
ياسميع يا مجيب
,,,
ساعتين وتلاته وانا ف حاله
والقلب حزين
وسمعت اخيرا صوت (انور)
بيقول عن مين
,,,
بيقول الغالى جمال ودّع
وفارقنا ومات
ولقيتنى ساعتها ف دوّامه
ويّا الاموات
,,,
بقى يعنى يارب بتستكتر
على مصر جمال
سبحانك صاحب ملكوتك
والدنيا زوال
,,,
على جسر الترعه لقيت لمّه
كلهّا نسوان
وكانّ بلدنا كانت تايهه
من غير عنوان
,,,
كات عمّتى خضره بتعدّد
وتقول موّال
خايفين ع الارض لاياخدوها
بعدك ياجمال
,,,
حتىّ الاطفال كانو بيبكوا
مش عارف ليه
ولمحت الصوره المرسومه
على ربع جنيه
,,,
ورايت فى منامى راجل اسود
خد منىّ عيالى
كان ويّاه واحد بيهدّوا
فى السدّ العالى
,,,
دا جمال كان عايش علشانّا
بالناس مهموم
من يوم الثوره لدلوقتى
مارتاح ولا يوم
,,,
حسيت وكانى بقيت فعلا
من بعده يتيم
دا جمال انقذنى وشال راسى
بعد التلطيم
,,,
وفضلت اعدّ ف حسناته
على كل الناس
حسنات لو عايز اكتبها
ولا ميت كرّاس
,,,
ارتاح ياجمال واحنا نكمّل
بقيت المشوار
افكارك عايشه ف افكارنا
ليل ويّا نهار
,,,
وإلي لقاء لمواصلة(حكايات تحت التوته)

مع تحياتى/سعدالشرقاوى

رسمت بريشة

الشاعر الفنان/ رائدعبدالسلام

تسلم إيدك ياعم سعد

قصيدة جميلة ومحسوسة

علي فكرة ياعم سعد لمّا عبد الناصر مات
كنت أنا صغير جداً لكن من كلام المعاصرين له ...
كانوا بيحبوه ..والمحبة من الله
وقصيدتك دليل علي افتتان الناس
بعبد الناصر
ومع إن السادات -الله يرحمه -قدّم لمصر عشر أضعاف
ما قدّمه عبد الناصر ..إلا أن الناس لا تحبه بنفس القدر

تسلم إيدك

**صلاح السويفي** · #9 08/06/2009, 14h45

اقتباس:

المشاركة الأصلية كتبت بواسطة رائد عبد السلام

ومع إن السادات -الله يرحمه -قدّم لمصر عشر أضعاف
ما قدّمه عبد الناصر ..إلا أن الناس لا تحبه بنفس القدر

معلش ياغالي..لاأعارضك والله..ولاأبخس الرجل حقه

ولكن عبد الناصر جاء في الزمن الصعب بجميع المقاييس

لم يجد سوى الأظافر ينحت بها صخر الجبال..

فلقد كان عبد الناصر :

جندي المقدمة ..في كتيبة رؤساء مصر..

**Tarek Elemary** · #10 08/06/2009, 14h47

اقتباس:

المشاركة الأصلية كتبت بواسطة رائد عبد السلام

تسلم إيدك ياعم سعد

قصيدة جميلة ومحسوسة

علي فكرة ياعم سعد لمّا عبد الناصر مات
كنت أنا صغير جداً لكن من كلام المعاصرين له ...
كانوا بيحبوه ..والمحبة من الله
وقصيدتك دليل علي افتتان الناس
بعبد الناصر
ومع إن السادات -الله يرحمه -قدّم لمصر عشر أضعاف
ما قدّمه عبد الناصر ..إلا أن الناس لا تحبه بنفس القدر

تسلم إيدك

الله عليك يا رائد
نكاد نتطابق لولا موهبتك
و حكمتك و ما حباك الله به من
لمسة حنو و قدرة على تطبيب الناس

نحن من مدرسة فكرية واحدة
و نحترم كل من يختلف معنا
مش كده ولا أيييييييه
الله يرحم فؤاد المهندس
كلمتين و بس