إلي مدام ناهد

**علاء طه ياسين** · #1 01/06/2009, 16h57

القلب الطيب بيطيب كل الجراحات
وانا لسه الطفل اللي بيحبي ..
بحكاوي وأساطير متعبي ..
يتمني يقول لها .. ويخبي ..
خايف يطير بره الجنات ..

علي أول عتبة مليش راحة ..
وف آخر عتبة مفيش راحة ..
هزمتني عيونها الجراحة ..
فردت في قلبي الشوق ملايات ..

عديت بحور وجبال وبلاد
والكون بحاله سواد ف سواد
وف كل يوم انا ليا ميعاد
مع الوجع ومع الدمعات ..

مش راضي جرح الهوا يتلم
من صغري شايل وحدي الهم
لكن لقيت في المنتدي أم
بتدي عطف بدون حسابات

ينبوع حنان ينبوع طيبة ..
حسيتها من قلبي قريبة
وحبيبة .. مش زي حبيبة
سايباني حتي بدون سؤلات

أعيذها باالله الواحد
من شر كل لئيم حاسد
أكيد عرفتوا إنها ناهد
أخت القمر .. ست الستات

مع خالص تحياتي واحترامي ودعواتي ليكي يا مدام ناهد بالصحة والعافية وطول العمر
علاء ياسين

**محمد المراغى** · #2 01/06/2009, 17h10

ايه ياعم علاء قصايد المديح دى
تسلم يا غالى
بس فيه وجهه نظر عندى لو تسمح يا يا استاذنا
الشطر اللى بيتقول فيه
وازاي وعندي صديد في الدم
مش عارف ليه جسمى اشعر وانا بقرأه خصوصا والابيات مبهجه وسعيده
والقصيده قصيده مدح
مش عارف وحهه نظرى صح ولا غلط
وعلى العموم انت استاذنا واحنا لسه بنحبى على رأيك
ويسلم قلمك المبدع
وتقبل مرورى

**علاء طه ياسين** · #3 01/06/2009, 17h46

محمد بيه المراغي
وحشتنا طلتك
جاري تغيير الكلمة .. لأنه بصراحة عندك حق ..
تحياتي يا حبيب قلبي
علاء

**NAHID 76** · #4 01/06/2009, 18h41

بسم الله الرحمن الرحيم
أخى الكريم علاء ياسين
سعدت وسعد معى الجميع برشاقه قلمك
وانسيابية كلماتك
وتراقص نغماتك
مع إهدائك اللطيف لواحده من أشد المعجبين بكلماتك التى لايصح معها الا أن تغنى وبأصوات أصيله
شكرى وامتنانى لأهدائك
ومن خلالك ومن بين سطور كلماتك أتوجه بالشكر العميق لمنتدى سماعى بصفه عامه
وقسم تجارب أدبيه بصفه خاصه
ذلك القسم الذى أحببته ووجدت نفسى فيه
الذى شمل مجموعه من الأعضاء أثروا حركته بطريقه سريعه مذهله ومدهشه ومتفانيه
مستظلين بكوكبه من الأدباء والشعراء والنقاد الافاضل
أحببت القسم من خلال أشعار سيدى ابو زهده العملاق
استاذى كمال عبد الرحمن
ابن الأردن الصديق يوسف أبو سالم
الاستاذ رائد المصرى
الأستاذ طارق العمرى
الخال سعد الشرقاوى
أشبال المنتدى
علاء ياسين
محمد المراغى
ممدوح طه ممدوح
ملك النت
الدكتور محمد السلامونى
الدكتور محمد درويش
وليد شاكر
أحمد محمد أمين
زياد شاهين
وغيرهم ممن لم تسعفنى بهم الذاكره
والعنصر النسائى
الأديبه الشاعره بلقيس الجنابى
المارده
عيون المها
عفاف سليمان
رايا
منال
وأخريات لم تسعفنى بهم الذاكره
والأجمل من كل ذلك انهم جميعا يرفرف عليهم نسيم عليل يستظلهم بمحبه صادقه وسعه أفق وأنسجام فلا تحسنا سوى أسره رائعه منسجمه متناغمه تناغم ما نكتب وحلاوه ما نقرأ
شعرت فى وسطهم بأسريه بالغه ووجدت من خلالهم ماده للحديث تكسر سور الصمت لمن هم بعد الستين
فسعدت بهم وأسعدونى
من كل ما أشعر به تجاهكم أشكركم وأحترمكم وأبجلكم جميعا والمقامات محفوظه مهما كان
وبهذه المناسبه أوصل صوتى الى
الساده العظام الكبار بالقسم يشملونا برعايتهم ويحدوا بنا الى الأمام
ويتحملوا منا كل شارد أو مخفق أو واهم ومتخيل وعايش فى الخيال
أو أو
مع أذان العشاء أختم كلامى بالشكر الكبير
تحياتى

**صفوان عدرة** · #5 01/06/2009, 19h15

تستحقين ماقيل مدام ناهد
وشكراً للسيد علاء على ما اتحفنا به

**Tarek Elemary** · #6 01/06/2009, 19h52

هنيئا للرائعة المدهشة مدام ناهد
و أشد على سن قلم علاء يس
أسعد دوما كلما ضممت
لمعجبيك شخصا جديدا
تزيد سعادتى عندما يكون
شخص له قيمته فى المنتدى
و تصل السعادة لمرحلة البهجة
عندما يتحول المعجبون لمريدين
فأنت نبتة ترعرعت على عيوننا
و نسعد جميعا لنضارتها
وننتظر إزهارها و إثمارها
و إن غدا لناظره قريب
تحياتى

**علاء طه ياسين** · #7 01/06/2009, 21h05

مدام ناهد
هنيئا ليكي ياست الكل يامدام ناهد كم المعجبين الكبير ده وإن دل علي شيء يدل علي محبتك في نفوس كل أهل المنتدي اللي انتي بتقولي فيهم أسرة واحدة ..
وأنا من ناحيتي بأقدم اعجابي وتحياتي ودعواتي ..
ربنا مايحرمناش منك أبدا
ويخليكي لينا
علاء

**علاء طه ياسين** · #8 01/06/2009, 21h08

الغالي أبو صلاح
قول لي قلمك بيجيب الحاجات الحلوة دي منين
الكلام المختصر الرائع بتاعك ده
حيرتني في جماله
انا بأحسدك علي تعبيراتك الحلوة
تحياتي وشكرا
علاء

**علاء طه ياسين** · #9 01/06/2009, 21h12

الأستاذ صفوان عدرة
أول مرة تشرفنا ليك الشكر والتقدير
ومتحرمناش من طلاتك علينا
علاء

**علاء طه ياسين** · #10 01/06/2009, 21h25

أخويا الكبير طارق العمري
بجد بجد انا مش عارف أكتب ايه ليك
كلمة شكرا مش تكفيك حقك
بس مفيش غيرها ..
شكرا.. ويريت أكون بقيت عند حسن ظنك فيا
علاء