يا ست الحسن ..
بلاد الحب نداهه ..
وتواهه ..
بتطرح ليل ملوش آخر ..
وفي الآخر ..
بنشرب من مرار الشوق بطيب خاطر ..
وناخد جرحنا بالحضن ..
ومستنيكي للآخر ..
يا صفصافة بتفرد ع الوجود الضل ..
ومتحاش غصب عن ضلك ..
يا ريت أقدر أعديلك ..
بحور الحزن واوصلك ..
أنا إنسان ..
بسيط جدا فى احلامه ..
بيرسم فرح وبيرسم ..
امل دايما فى ايامه ..
وحتى فى عز أوجاعه ..
ما بيسودش صورة الدنيا قدامه ..
يدوس ع المستحيل مرة ..
وبيعاند ..
ومرة ع الهوا المايل بيتساند ..
وانا عارف ..
بإن الحلم وياكي مداه الموت ..
ومش خايف .. ومش مهتم ..
ما مش راضية الجراح تتلم ..
ومش شايف ..
في عز العتمة نور نجمة بتتشاقي ..
ولا فتح الأمل طاقة ..
وماشي ف سكتي وحدي ..
في وسط جبال ..
أقول يارب نتلاقي ..
وانا عارف مفيش فايدة ..
بكل بساطة لا يمكن هنتلاقي ..
علاء ياسين
ست الحسن
الوردة دي هدية مني ليكي علي تشريحك للقصيدة .. اللي اعتزيت بيه جدا .. 
العرض العادي
