روحي بقا متزهقنيش .. وكفاية متتعبنيش .. النار الحارقاني بيها .. بقيت ما بتحرقنيش
نظراتك ليا عذاب مش نظرات الأحباب وبتتعاملي مع قلبي بقانون وشريعة الغاب من قبل ما اقول الكلمة تسبقي وتقولي كداب طيب كداب كداب خليكي عندك ما تجيش وكفاية متتعبنيش
أنا متأسف مش طايقك بقا بيني وبينك سور إنتي أكبر مغرورة علي طول بتعيشي الدور وتأنبي دايما فيا ولا مرة تقولي معذور خلي المستور مستور وبلاش متكلمنيش وكفاية متتعبنيش
بسم الله الرحمن الرحيم
التوأمين
الأساتذه علاء ومختار
علاء
أيوه كده إثأر مره واحده هو كده اللى ميقدرش يتقال له كده
جميله فى اتجاهها من حيث الموضوع
سى مختار
إيه التلقائيه والشغل اللى على ميه بيضا ده
روعه
وكده بقى أخذ علاء حقه
يتصالح بقى
ثنائى ملكوش حل
أما عمكم الشرقاوى
ح نسميه بعد إذنه ومن غير زعل
وآسفه مقدما
صباح الفل على عيونكم خايف باقى الحبايب يفكّروا اننا بنكوّن (نقابة الفلاحين) ايه الجمال ده (ياعلاء ياوادياسين) دايما كده داير من اول منافلهّ وانت ياخال (مختار) والله فى ظل هذا الغم عايزين نفرفش شويه مع هذا اللون الفكاهى الجميل وهدومى ف بعدك مغسولة
بدموعى والهجر كاويها امّا انتى (ياعمتى ناهد) ربما طعم التوت لايحلو الا لآكله ومن لايعرف جو التوته والقعده والسهرايه اعتقد سيكون له راى آخر لاننا للاسف قطعنا توت يامه
مختار يا حبيبي وقعنا خلاص .. مادام مدام ناهد قالت إننا ثنائي ملوش حل وهي ليها بصراحة عيون خبيرة في فن النقد يبقي ياحبيبي لازم نثبت ده .. ولا ايه رأيك ؟ علاء
مدام ناهد .. انا نويت أكمل قصة الولد الأهطل حمودة وآخر حته في قصته مع البنت سعدية .. بس مش عارف أكملها في نفس الموضوع اللي بدأتها فيه .. ولا هنا .. ولا أفرد لها موضوع لوحده .. منتظر رأي حضرتك .. وشكرا ليكي خالص علاء
مساء الخير على حضرتك الاستاذ علاء
يمكن بتقولك كداب
لانها بتغار عليك
ومن الغيره بتحس انك كداب
او يمكن للغيره عايزه تشدك
وتخليك دائما تنظر حوالين نفسك
وتختف تكدب عليها
حتى لو كان حبك لها كدبه
جميل ما كتبت
تحياتى لحضرتك وللجميع
اختكم عفاف
الأخت الفاضلة / عفاف أشكر ليكي زيارتك لموضوعي واهتمامك بالرد عليه .. ودي أول مرة تشرفيني .. سعيد جدا بزيارتك وتعليقك الظريف .. بس علي رأي فايزة أحمد .. متحبنيش بالشكل دا وتغير كتير من دا ودا الحب مش غيرة وشجن الحب أكبر من كدا مش تحرمينا من مرورك وتعليقاتك .. شكرا .. علاء
الاستاذ علاء
انا اللى شاكره ردك على
وإن شاء الله هانت قربت اخلص امتحانات وهتلاقينى فى هذه الصفحه لحد اما تزهقوا منى من الردود
بس اشوف كل جميل
ومعلش الغيره نار
والغيره كما يقولون هى بهارات او الشطه
واكيد الغيره لها معدلات وحدود
كفاك وكفانا شر زيادتها