الجنسية: عوام"ليبي"
الإقامة: أويــــــ عروس البحر tripoli ـــــــا
المشاركات: 2,138
أعجب المعاني ..وغرائب الألحان والأغاني
أهلاً بكم
وانا جالس امام التلفاز اقلب المحطات توقفت امام مشهد من فيلم المليونيرة النشالة وكانت بطلته نورا في وصلة من الكلام وتنهيها بكلمة وشوبش
فردت عليها الممثلة التي امامها :انتي بتدردحيلي
فتذكرت اغنية صباح بعنوان شوبش وهي من الحان علي اسماعيل
وتعجبت اكثر انها اغنية وطنية يعني صباح بتردح في اغنية وطنية؟؟!!
مامعنى شوبش ؟؟!!
ثم لاحظت ان لصباح ايضا اغنية اخرى اسمها حدرقة بدرقة!! ووطنية ايضا!!
وبلاش نجيب سيرة اغنية بلوطاتك بلوطة لصباح ايضا
و كذلك اغنية طلب عايز تحذق ولا تحلي؟؟!!
ودنجي دنجي لسيد درويش
وياختي على تختي ل عزيز عثمان
كلمات غريبة في قاموس الاغاني العربية لا اجد من يعبر عنها في الأغاني إلا مونولوج لثريا حلمي بتقول فيه:
أنا عايز أعرف :كاني وماني؟؟!! ...وكمان دكان الزلاباني
كلمة غريبة ماهيش عجباني مش لاقيالها ياخلق معاني
انا عايز اعرف ..انا عايز اعرف
*****
الا صحيح من هما كاني وماني؟؟
والي ان نجد من يجاوبنا على هذه الغرائب في الاغاني :
على كل من يعرف اغنية كلماتها او لحنها غريب ان يضع اسمها هنا
تحياتي
هىَّ المغارة طالبة ألغاز اليومين دول
عندك حق .. فيه كلمات كتير في اللهجة الدراجة ( أو العامية )
غامضة المعني .. و أنا شخصياً كان ليا اجتهاد في الموضوع ده ..
لكن تبقى كلمات كثيرة سواء وردت في الأغاني أم لم ترد .. تبقى مغلفة ً بالغموض ..
بالنسبة ل ( كاني و ماني ) فهما كلمتان هيروغليفيتان معناهما
( سمن و عسل ) ، و بالأدق ( ماني ) هو المَن الذي ذكر في القرآن ..
أما حدارجة بدارجة ، فكانت تقال عند ( الرُقية ) أو إشعال البخور
فيقال : حدارجة بدارجة من كلِ عينِ زرجة ( أى زرقاء )، أى أنهما يشبهان ( أشتاتاً أشتوت )
لكني لا أعرف المعنى الدقيق لهذه ، أو تلك ! ..
لا مؤاخذة
خبطت على باب المغارة تاني ..
لا شكراً .. من ع الباب ..
عايز تحذق و لا تحلي :
الطعام ( الحاذق ) المقصود به الطعم اللاذع أو القوي ..و تقال في الريف ( الحادق ) ، و هو عكس ( الدِلِع ) أىّ قليل الملح ،
فيقال في الريف : جبنة حَادقة ، و يقصدون به ( المِش ) .. مِش كدا برضـُه
الأستاذ عبد المنعم صاحب المغارة ( اللي نفسي اعرف حكايتها )
والأديب الكبير أ. كمال عبد الرحمن
موضوع جميل ، ومفيد جدا
سوف نستفيد منه جميعا في معرفة المفردات التي طالما استمعنا إليها ، ولم نتطرق إلى معرفة أصلها ..
وكان سيادة اللواء محمد عمر ( لورد ) تطرق إلى هذا الموضوع في آخر لقاء لنا في زهرة البستان ..
وذكر بالفعل أن كاني وماني كلمات هيروغليفية ومعناهما سمن وعسل مثلما قال شاعرنا الكبير أ. كمال
وذكر أيضا أنه وصل إلى ثلاثة آلاف كلمة دارجة بيننا أصلها هيروغليفيا ..
وأذكر من الأمثلة التي ذكرها سيادته كلمتي " حتاتك بتاتك "
وكان معناهما الصدر والظهر
فيقال مثلا أنا أكلت هذه الفرخة حتاتك بتاتك
أي صدرها وظهرها ..
يا ريت سيادة اللواء محمد عمر يزيدنا علما في هذا الخصوص ، وفي انتظار الجميع ..
الجنسية: عوام"ليبي"
الإقامة: أويــــــ عروس البحر tripoli ـــــــا
المشاركات: 2,138
رد: أعجب المعاني ..وغرائب الألحان والأغاني
الاستاذ سمعجي والاستاذ غازي
شكرا على توضيح الكلمات الغريبة واول مرة اعرف ان كاني وماني يتاكلوا
وحتتك بتتك ممكن يستفاد بها في الحديث عن علم التشريح
ممكن ايضا اللي يسمع عن دكان الزلاباني يقولنا عليه فين ممكن عامل تخفيض الايام دي...
وشوبش
******
ايضا هناك الكثير من الكلمات في الاغاني باللهجات المحلية في الدول العربية
لأي استفسار عن كلمة معينة في اغاني من المغرب العربي او من الشام او الخليج
نضعها هنا و يفيدونا الاعضاء بشرحها
:
موضوع جميل ومهم. تحسبا للمستقبل وبناء على خبراتنا مع مواضيع سابقة ، أخشى أن يدلف دالف ة (إسم الفاعل من دَلِف) بعد شهرين أو ثلاثة فيكتشف أن هذا الموضوع يشبه موضوع "رجَّع الشريط" فيتم دمجهما وتختلط المشاركات وتضيع المعاني والأسيقة (جمع سياق). فلنتفق أولا على كون الموضوعين ذوا شخصيتين مستقلتين أم لا قبل أن تتزايد المشاركات ويشوه الدمج كليهما.
تحياتي
محمود
__________________ علموا قلب الحجر يوصف معارك الانتصار
علموه يبقى سفير الدهر ليهم بالفخار
كان نهار الدنيا مطلعش وهنا عز النهار
....
الجنسية: عوام"ليبي"
الإقامة: أويــــــ عروس البحر tripoli ـــــــا
المشاركات: 2,138
رد: أعجب المعاني ..وغرائب الألحان والأغاني
أستاذ محمود
كلامك صحيح ودقيق (من الدقة وليس الطحين)
الموضوع هدفه كما عنوانه :
اغنية غريبة اللحن والكلمات
مثل اغنية شوبش لصباح مثلا من يصدق ان توضع مثل هذه الكلمة في اغنية وطنية
ايضا توجد الحان غريبة الشكل مثلا توجد اغنية لصباح من الحان بليغ حمدي الكلمات هادئة او بطيئة ثم الموسيقى بين الكوبليهات سريعة جدا لحن عجيب وسوف اتذكر اسم الاغنية واخبركم اسمها
ارجو ان يكون مفهوم الموضوع واضح
وطبعا معك حق في خوفك ان تصبح المواضيع
سمك لبن تمر هندي(الحمدلله هذه الكلمات لم تستعمل في اغنية وان استعملت كعنوان
لفيلم سينمائي)
بسم الله الرحمن الرحيم
الأخ الفاضل عبد المنعم
اكيد المغارة تاتى بكل ما هو غريب ماهى مغارة بس بجد موضوع جديد وحلو ومفيد ويدل على عقل رايق وفكر صافى واللى يمكن يفيدنا فيه اساطين الغة العربية , فينك يا استاذ ابو هانى , بس انا اعرف ان حتتك بتتك اى اكل الشيئ لحد آخره , نحته بمعنى اصح وياما كلمات غريبة وحتسمع كتير وبالطبع ستكون هناك اضافات كتير للموضوع الجميل ده
جميلة الفكرة فعلا , احضرونا يا اهل الشعر واللغة
تحياتى ..
الاستاذ عبد المنعم
اولا
لكمة شوبش دى تقال عندنا فى مصر وهى تعنى الترحيب فى الافراح وليالى الملاح بالصوت العالى يعنى مثلا
لو انك جيت مصر فجاة وشفناك كدة من فرحتنا على طول الصوت يعلى يعلو يعنى ونقول وشوبش الاستاذ عبد المنعم ولازم يصحبها الصوت العلى للاعلان عن الشيئ
وسعات نقلها على طريقة التريقة لما اسمع كلام مش عاجب يعنى كلام مش عاجب س من الناس يرد على الطرف الاخر ويقول وللهشوبش بصوت عال دى معنى كلمة شوبش ومحيقدرش يشرحها لك غير سيدة رجل لا
اما دكان الزلبانى دى الزلابية الحلوة نعملها فى رمضان وعليها سكر وانا اكلتها فى تونس بس بشكل غيلر الموجود فى مصر واكلتها فى ليبيا بيسةوها فى ليبا دبل يعنى نوع من انواع الحلوى يعمل بطرق مختلفة فى مصر وتونس وليبيا والله اعلم
تحياتى
الجنسية: عوام"ليبي"
الإقامة: أويــــــ عروس البحر tripoli ـــــــا
المشاركات: 2,138
رد: أعجب المعاني ..وغرائب الألحان والأغاني
اقتباس:
المشاركة الأصلية كتبت بواسطة NAHID 76
الاستاذ عبد المنعم
اولا
لكمة شوبش دى تقال عندنا فى مصر وهى تعنى الترحيب فى الافراح وليالى الملاح بالصوت العالى يعنى مثلا
لو انك جيت مصر فجاة وشفناك كدة من فرحتنا على طول الصوت يعلى يعلو يعنى ونقول وشوبش الاستاذ عبد المنعم ولازم يصحبها الصوت العلى للاعلان عن الشيئ
وسعات نقلها على طريقة التريقة لما اسمع كلام مش عاجب يعنى كلام مش عاجب س من الناس يرد على الطرف الاخر ويقول وللهشوبش بصوت عال دى معنى كلمة شوبش ومحيقدرش يشرحها لك غير سيدة رجل لا
اما دكان الزلبانى دى الزلابية الحلوة نعملها فى رمضان وعليها سكر وانا اكلتها فى تونس بس بشكل غيلر الموجود فى مصر واكلتها فى ليبيا بيسةوها فى ليبا دبل يعنى نوع من انواع الحلوى يعمل بطرق مختلفة فى مصر وتونس وليبيا والله اعلم
تحياتى
وشوبش
ناهد هانم عندنا هنا في موضوعنا
طبعا مايجيبها إلا ستاتها
شكرا على توضيحك
ايوة كده خلينا نعرف المعاني اللي بنسمعها كثير ومانعرفش عن معناها حاجة
الموضوع فتح على محل حلواني
زلابية ودبل ولقمة القاضي ومخارق
ايه الحلاوة دي