واسمحوا لى بالإستثناء الثالث
بعد محمد منير وكريم شكرى :
رمضان .. رمضان .. رمضان
هل هلاله .. ظهر وبان
فكرنى بحاجات و ذكريات
بيعدى عمرى وليها ف قلبى مكان
جت على بالى إبتسامة الشعراوى
قبل المغرب وهو بيفسر القرآن
صوت المنشاوى قراية الطبلاوى
والشيخ محمد رفعت وحلاوة الآدان
والجامع إللى جنب بيتنا وهوه
مليان بناس كتيرة برّه وجوّه
ولمة العيلة وعيلة العيلة
وسحورنا مع بعض كل ليلة
طعم البلح والتمرهندى والكنافة
خير وبركة .. أيام جميلة
رمضان .. رمضان .. رمضان
جت على بالى صلاة الفجر حاضر
وصوت النقشبندى فى التواشيح
سبحة أبويا .. طرحة أمى
ودموعنا فى صلاة التراويح
وحاجات لا يُمكن تتنسى بأمانة
عبدالمطلب .. و رمضان جانا
قعدتنا فى الحسين للفجرية
لعب الكورة فى الدورة الرمضانية
ندا المسحراتى .. فوانيس إخواتى
خير وبركة .. أيام هنية
رمضان .. رمضان .. رمضان
هشام عباس
مع تحياتى