صابر علي - عازف الكولة والناي - الصفحة 2

**سامح شتا** · #11 10/09/2008, 01h13

فنان طول عمرك ومرهف الاحساس مش عارف اقولك اية مفيش كلام يديك حقك
بس فى ملاحظة .....
بلاش المصاحبة تكون ماسكة الركوز بس يا ريت تصاحبك اثناء التغيرات
موفق بازن اللة
اخوك سامح شتا
ياريت تكون فاكرنى

**MUNIR MUNIRG** · #12 10/09/2008, 02h35

مع تقديري و إعجابي بفن صابر كولا ولكن وجب النويه ان هذه المداخلات 34-44 لا تتبع

موضوع <عمار الشريعي - موسيقى كبار الفنانين>

المداخلات من رقم 34 -44 تتبع موضوع آخر..... حسن كولا
ارجو التصحيح وشكرآ

**صابر كولة** · #13 11/09/2008, 15h13

السلام عليكم انا صابر علي عازف الناي والكولة بجد بجد انا زعلان جدا جدا من ادارة المنتدي سماعي علي شان الملافات الي كانت في عائلة الناي والكولة تروح مكان تاني ؟؟؟ انا لية الشرف انها موجودة في اعمال عمار الشريعي ؟؟ بس ممكن انا اعرف لية التعديل دة ولية يحصل كدة ياريت التعديل من تاني ونقل الملافات من تاني الي عائلة الناي وشكراااا تحياتي ليكم صابر كولة

**محمودسعد** · #14 13/09/2008, 03h17

اخي صابر
انت جميل ومحترف طبعا وانا شخصيا كم يسعدني ظهوراعمال المحترفين وكانها اعمال ناس بتبدا من جديد
كم يسعدني هذا
لان المحترفين يجدون هنا وطبعا مش اي محترفين لالالالا ده اللي زي حضرتك وجد هنا اذان تسمع وتسمع وتستمتع وتتكلم وتتناقش وايضا يتعاونون في عمل او اعمال موجوده في المنتدي فعلا وحتما هذه الاعمال نادروجودها الاهنا
فشكرا لك علي هذا التعارف الجميل وانا شخصيا اعرف مدي تبني عاطف اوطوفه كما اعرفه بس هو مابقاش يعرفني لانه بحالات واعلم جيدا مع من صاحبت من العظام من القوالين والصييته والمنشدين وكذلك المطربين من الدرجه الممتازه
وارجوا ان نتقابل عند الالاتي وهذا هو لقب العائله ومفيش لامؤاخذه في كلمه الاتي وكلمه الاتي انا اعتبرها عن نفسي شرف لاي انسان فنان واكرر ؟ هذا الكلام هو رايي ويكرم كل الالاتيه عشان سي محمد حبيبي الالاتي وانصحك بالتوجه اليه فهو عبقري حقيقي
واحسنت ونورت المنتدي وسلملي علي طوفه وقوو له محمود بخير وفي نعمه والحمدلله

**صابر كولة** · #15 13/09/2008, 04h38

السلام عليكم يا استاذ محمود والله بجد انا لية الشرف اني حضرتك تسمع العزف الي انا عملة هنا في المنتدي كما يسعدني انك كمان من راحت الحبيبي ؟؟ الي زي الحاج محمد الالاتي؟؟ وفعلن الرجال دة جمد جمد جدا جدا ومايسترو بجد اة والله العظيم كلام من كل قلبي بقولة الحاج محمد عبقري وجمد جداااااااا ويارب نسمع منة الكثير والكثير؟؟ وانا ان شاء اللة حروحلة في بثوث وانا كلامة الحاج محمد الالاتي علي فكرة شخصية متوضعة جدا جدا ودة فعلن الرجال دة فنان وحساس وانا كمان حبيتة من قلبي والله العظيم علي شان من المكلامة انا حسيت بكدة وعرفت كمان انة بيحب النكت وروحة حلوة كدة وطيب وابن حلال ؟؟ اقولك علي حاجة يا استاذ محمود انا عاوز اتجوز الرجال دة الي هو الالاتي ؟؟؟؟ ههههههههههه اما بنسبا لي عاطف او طوفة دة كمان من اعز الناس علي قلبي كمان شخصية محترمة جدا جدا وهو جالي مصر عندي في المنزل واتكلامنا مع بعض عرفت انة رجال طيب وجدع ومن اسرة طيبة وكمان اتقابلت معهو مع الحاجة وفاء المرسي في مصر وهو كمان مسجلي حفلات كتيرة جدا جدا مع الشيخ ياسين النهامي ومع الحاجة وفاء المرسي واخ اخ ؟؟ يعني من الاخر انا والحمد الله بعرف ناس كويسين زيكم كدة وربنا يدومها محبة طيبة علي طول يا رب وانا بشكر منتدي سماعي علي انة بيعرفنا بناس حلوين ومتشكر علي كل من سمعني هنا وشكرني انا كمان بشكركم كلكم وكل سنة ونتم طيبين بمناسبة شهر رمضان المبارك تحياتي لكم صابر علي عازف الناي والكولة

**ALY ELHELALY** · #16 13/09/2008, 08h20

الله على الروعة والجمال
فعلا موسيقى تطرب لها الأذان
الله ينور عليك أستاذ صابر
لك تحياتى

**mohamedafify** · #17 13/09/2008, 10h24

اخى العزيز صابر لقد استمعت لاعمالك واعجبت جدا بعزفك واحساسك العالى حاجة روعة ربنا يوفققك ان شاء اللة
بس لو حبيت تسجل حاجات اشد من كدا مش فى عزفك ولكن فى الموسيقى اللى وراك لابد انك تيجى ليا فى مدينة بنها ونتقابل ونسجل
لان عندى اغانى جاهزة على الاورج ممكن اشيل تراك الغناء والصولو وانت تعزف من جديد بالكولة الجميلة بتعتك وممكن تقابل عندى
عازف الاورج سامح شتا ونقدم اعمال جميلة مع بعض مع تحياتى محمد عيفى
ملحوظة ليا اعمال فى البدعون ادخل وبس عليها وقولى رايك وشكرا

**سيادة الرئيس** · #18 13/09/2008, 15h31

ينفع كده

* نفس كله إحساس
* صابع بيفكرني بحتة ملبن بعين الجمل غرقانه في سكر من نوع فاخر
* مرور على علامات التحويل في التحويلات بصابع لا يخطئ
* لما فيه شوية هوا بيخرجو بره ما بيخرجوش إلا بإذن منك و عرفين رايحين فين و حا يعملوا إيه
* تحكم في أداء فحيح جواب النغمة و لا تخرج إلا بإذن منك
* محاولات واضحة لإبداع تكنيكات جديدة على الكوله
* خبرة و ذوق بينين جدا في تنفيذ المصاحبة و عارف و دايس المكن إللي عندك

و لي سؤال عن مقطوعات الجاز : من إشترك في التنفيذ

بصراحة و على ما تقدم مش لاقي كلام غير

يخرب بيت جمال حضرتك و يا ساتر عليك و روح ينصر دين أهل جنابك

**صابر كولة** · #19 13/09/2008, 20h16

السلام عليكم بجد بجد انا سعيد جدا جدا بي سمعكم الجميل وانا عارف اني هنا في ناس سميعة وانا بجد بشكركم من كل قلبي والله والله انا فخور بيكم ؟؟ والحقيقي مش لقي كلام اقولة بعد كلامكم علي شان انتم ناس بجد بتعرف تسمع وتتزوق الموسيقي وكلكم احساس عالي بشكر كل وحد شكرني علي عزفي بالة الكولة والناي وانا عندي عزف كتيرررر جدا جدا بس لما تسمعو الي هنا الاول اوكي تحياتي صابر كولة ؟؟؟ اة بشكر المشرف الجميل الي شكرني هنا ومدح فية كلام جميل بجد بجد انا نفسي ابوسة واشكرة من كل قلبي علي الكلام الجميل دة بجد بجد والله والله انا فرحان كتيرررررررررررررر جدا جدا ؟؟؟؟؟ ملحوظة بشكر الاخ محمد عفيي الي من بنها والله انا يسعدني اني اشوفك واجيلك بس فين وامتا وانا مش عارف رقمك ؟؟؟ طب يا ريت لو قراة الرسالة ممكن رقم التليفون؟؟؟ وانا جاهز في اي وقت ؟؟ وبشكر الاخ سامح شتا الحقيقي انا سمعت الاسم دة قبل كدة بس فين مش فكر ياريت لو قراة الرسالة ممكن تعرفني بنفسك اكتر ؟؟ اوكي تحياتي ليكم وكل من شكرني علي عزفي بالكولة والناي بشكرة من كل قلبي ؟؟ وكل سنة وانتم طيبين بمناسبة شهر رمضان ؟؟؟ اخوكم صابر علي عازف الكولة والناي؟؟؟؟؟؟؟؟؟؟

**ريما** · #20 18/09/2008, 19h53

استاذ صابر الموسيقى فعلا تحفه جميله اوى

انا بموت اصلا فى عزف الناى والكمان

بجد عزفك رائع منتظرين منك اعمالك الاخرى