سؤال لمن يعزف ألة القانون الموسيقية... - الصفحة 2

**ثومه** · #11 28/03/2009, 06h32

اقتباس:

المشاركة الأصلية كتبت بواسطة الألآتى

أهلاً بالعزيزة ثومة ..

بالتأكيد سيكون تعلم القانون أسهل بالنسبة إليكى ..

ولكنك ستجدين بعض الصعوبات فى البداية .. لأن أوتار القانون عبارة عن تون كامل ..

يلزمك التعود على إستخدام العُرب النحاسية لزوم النصف تون والربع تون والثلاث أرباع ..

الخلاصة .. القانون مثل أى آلة .. يلزمه التعلم والتدريب المكثف ..

أتمنى لكِ التوفيق ..

أستاذ محمد
أشكرك علي سرعه الرد عليّ
وأعذرني علي التأخر في الرد
أتمنى أنجح في تعلم القانون
لاني أعشق هذه الآله
الشرقيه.
فأنى أحسها آله كلثوميه.
أشكرك مره أخري.

**ثومه** · #12 28/03/2009, 06h38

[quote=عادل صموئيل;298719]
الأخت العزيزة سومة
مرحبا بكى فى هذا القسم
ممكن اكلمك بصفتين اولا لأنى اصلا مدرس موسيقى والصفة الثانية بصفتك كلثومية
اولا بصفتى مدرس موسيقى اصلا ان اى خلفية موسيقية تكون افضل من عدم وجود خلفية يعنى انتى قلتى انك بتعزفى اورج وبيانو وده يمثل نصف المقدار المطلوب لو حبيتى تتعلمى القانون انهارده لأنك بتكونى متعرفة على بدائيات كتير فى الموسيقى وافضل 100 مرة من من يؤيد التعلم من الصفر , وآلة القانون زى ما قال اخى العزيز محمد الآلاتى ان كل وتر فى القنون يمثل نغمة يعنى 7 اوتار تمثل دو رى مى فاصول لاسى ومن الوتر الثامن يبدأ الأوكتاف الاعلى او الاحد , يعنى لو اخدتى الوتر دو مثلا والعرب النحاسية الموجودة ثمثل علامات التحويل يعنى الدييز والبيمول والربع تون قد يتهيألك ان العملية صعبة فى الاول لكن اللى بيعزفوا قانون بيعملوها وهم مغمضين
واقول لك على سر انا خريج قديم من كلية التربية الموسيقية فى الزمالك كان زملائى 95% منهم بيدخلوا الكلية وهم عمرهم ماعزفوا قبل كده على اى آلة موسيقية وبيبتدوا يتعلموها فى الكلية والملحوظ واللى انا شفته بنفسى 100 مرة ان اللى بيتعلموا القانون على آخر السنة الدراسية الأولى بيعزفوا حلو جدا وبيفتحوا ويقفلوا العرب النحاسية بطلاقة
يعنى بالمصرى حاجة تشرح القلب بعكس اللى بيتعلموا فى الكلية كمنجة تلاقيهم بيدبحوا فراخ لحد مايتخرجوا
بس اهم شىء لو الواحد بيحب الآلة او يبقى مشتاق يتعلمها دى بالذات بتعمل شغل جامد فى وقت قليل , وبصفتى خبير كمان حقول لك على اهم شىء لو اتعلمتى القانون وابتديتى تعزفى فيه ميزة خطيرة حاتطلع منك ان كل جملة عزفتيها على الأورج او البيانو حاتلاقى نفسك بتعزفيها على القانون وده لعلمك شعور نفسى خطير جدا يعنى ممكن يرفع مستواكى فى العزف على القانون 100 مرة فى وقت قليل , وبصفتك كلثومية عايزك لما تسمعى ام كلثوم
تركزى اكتر مع عازف القانون الرائع محمد عبده صالح وشوفى الإبداع اللى كان بيعمله ( ولعلمك انا كخبير فى علم النفس طالما انتى كلثومية اكيد محمد عبده صالح هو اللى خلاكى تحبى القانون ) زى ما انا احمد الحفناوى خلانى احب الكمنجة
آسف طولت عليكى بس اعتقد حاتستفيدى من كلامى وربنا يوفقك وانا تحت امرك فى اى استفسارات اخرى مع اطيب تمنياتى وانشاء الله منتظرينك فى قسم العمبدعون نسمع منك شوية عزف على القانون عشان تبقى اول عازفة قانون فيه

أستاذ عادل
أشكرك علي ردك وتوضيحك ليّ
فأنا كلثوميه عاشقه للقانون كما تفضلت وقلت أنا بعشق عزف الفنان (عبده صالح)
ودائما أبحث عن الاغاني التى تحتوي
علي عزف منفرد له فيها
فهو مبدع حقيقي.
شكرا علي توجيهاتك ليّ
وسوف أبدأ في تعلمها
فتمني ليّ التوفيق.

**ثومه** · #13 28/03/2009, 06h41

من خلال وجودي في هذا القسم.
أوجه شكر لكل القائمين عليه.
وأنا سعيده جدا علي وجودي بينكم في هذا المنتدي الرائع .
وأتشرف بهذا فربنا يخليكم لنا.

**tanazefti** · #14 10/06/2010, 09h35

السلام عليكم
أهلا و سهلا أخي، تختلف آلة القانون عن الأخرى من حيث عدد العُرب ـ ولا نقول عربات ـ فمنها ما تحوي خمس عرب وبالتالي تكون العربة الوسطى هي الدرجة الطبيعية وبإنزال جميع العرب نحصل على البيمول باستثناء درجة المي والسي والتي نستعمل لاستخراجها آخر عربة من جهة اليمين وبالتالي تكون العربة الوسطى هي درجة البيمول.*

**tanazefti** · #15 23/05/2013, 06h41

السلام عليكم..
إذا كان القانون اللي معاك يحتوى على أربع عرب فإن درجة المي والسي طبيعية بتكون آخر عربة أي أن كل العرب مرفوعة، بحيث عندما نبدأ بتنزيل العرب من اليمين إلى اليساربتكون العربة التي تلي العربة الرابعة هي نصف محفوضة، ثم التي تليها مخفوضة، وعند تنزيل كامل العرب تكون الدرجة دوبل مخفوضة حتى نتمكن من عمل الصبا على درجة الفا أو على درجة السي مخفوضة.
أنا أستاذ في آلة القانون بالمعهد العالي بتونس وأي استفسار أنا في الخدمة