الفنان مصطفى أحمد

[كويتى]

الاستاذ القدير : مصطفى احمد

اغنية : وايد وايد منكـ ياغالي ..

( تسجيل أخر وأفضل من مشاركه لي سابقه - رقم 48 )




الكلمات

وايد وايد منك ياغالى .. زايد زايد إللي جراللي
خلى التجافي .. خليك وافي
ماكو على الود .. ياعمري لاتصد
والنظره منك ..ياروحى كافي .. ياروحي كافي


يامدلل علينا يامدلل علينا .. يابايع ماشرينا
يامدلل علينا يامدلل علينا .. يابايع ماشرينا

ترى احنا مانتغير مانتغير مانتغير
الله لايغيرعلينا ... الله لايغير علينا

خلى التجافى ... خليك وافى
ماكو على الود .. ياعمري لاتصد
والنظره منك ..ياروحى كافي .. ياروحي كافي



وايد وايد منك ياغالى .. زايد زايد إللي جراللي
خلى التجافي .. خليك وافي
ماكو على الود .. ياعمري لاتصد
والنظره منك ..ياروحى كافي .. ياروحي كافي .



.. إستمــاع طيب ..

[كويتى]

الاستاذ القدير : مصطفى احمد

أغنية : تبنا تبنا مانعود
كلمات خميس بكر
الحان عبدالرزاق العدسانى




.

[كويتى]

الفنان القدير : مصطفى احمد
(( عزمت انا اخليج ))
كلمات : مبارك الحديبي
الحان : سليمان الملا

*****
عزمت انا اخليج ..... واصبر على جروحي وأخليج
ولا اجيب طاريج بيني وبين روحي
ببعد عن الذكرى
وعن السوالف فيج
يمكن أنام الليل وأصبح انا ناسيج
ومهما يزيد الشوق بصبر ولا أراضيج
عزمت انا أخليج .... واصبر على جروحي وأخليج
ولا اجيب طاريج بيني وبين روحي
عزمت انا عزمت
عزمت بلا تفكير
عزمت انا انساج
والى يصير يصير
بالنسبة لي فرقاج فرقى بلا تأثير!!
عزمت انا أخليج ... واصبر على جروحي وأخليج
ولا اجيب طاريج بيني وبين روحي !!

[كويتى]

الفنان والاستاذ القدير : مصطفى أحمد

سلموا لى على اللى سم حالي - جلسه

كلمات : شاعر الكويت فهد راشد بورسلى
الحان حمد خليفه

*****

سلمولى على اللى سم حالى فراقه
حسبى الله على اللى حال بينى وبينه

قايد الريم تاخذنى عليه الشفاقه
ليتنى طول عمرى دبلة فى يمينه

لى ذكرت الزمان اللى مضى والصداقه
عود القلب يرجف مثل رجف المكينه

عقب ما هو نديمى صار شوفه اشفاقه
قضب حبل الموده واقطعه فى يمينه

استمــاع رائع للجميع

من التسجيلات القديمة أقدم ملفين رائعين .


مصطفى أحمد

أمس الضّحى شفت الحبايب
كلمات مبارك الحديبى
الحان غنام الديكان


سلام مني (حفلة قديمة) مختلفة عن تسجيل الأستوديو المرفوعة
كلمات يوسف المنيع
الحان عثمان السيد

[كويتى]

الفنان القدير : مصطفى أحمد

( حبيبي شمعة الجلاس)

كلمات: جاسم شهاب

الحان :مرزوق مرزوق

من أجمل أغاني الفنان القدير حسين جاسم

*****
حبيبي شمعة الجلاس .. ولا كو من يسد عنه
غشيم(ن) بالهوا ما داس .. و دروبه من صغر سنه
حسين و كاعب مياس .. و عيوني ما رأت حسنه
عيون الخلق لها حراس .. غزال(ن) مشيته فتنه
يغيب وجيته بخلاس .. يخاف القول والظنه
إذا طال الهجر يا ناس .. تحريت الوصل منه
حبيبي شمعة الجلاس .. ولا كو من يسد عنه
غشيم(ن) بالهوا ما داس .. و دروبه من صغر سنه.

[كويتى]

الفنان القدير : مصطفى احمد

جلسه ( حقك على ياللي تقول إنت غلطان )

كلمات : طلال السعيد
ألحان : عبدالعزيز الحمدان

*****
حقك علي ياللي تقول انت غلطان
آمر وانا اطيعك بليا اعتراضي

حكم الهوى حطك على القلب سلطان
حكمتني يالزين صافي البياضي

حطيت في قلبي من الصد نيشان
لامن ذكرتك هل دمعي وفاضي

عليك جاوبت الحمامه بالالحان
ربي فتني عقب ماكنت فاضي

مايستوي بين المحبين هجران
شرع الهوى يسمح لنا بالتراضي

يزعل على الوقت لاصرت زعلان
وتضحك لي الايام لاصرت راضي

يكفي كفايه كملت كل الاحزان
حسناك ياراعي القرون العراضي

احكم وراع الحق ياخدر الاعيان
ياسيدي خلك محامي وقاضي

[كويتى]

الفنان القدير : مصطفى أحمد

سامرية ( ألا يا أهل الهوى واعزتالي )
كلمات : عبدالله الفضاله
الحان : صالح العييدي

*****
ألا يا أهل الهوي واعزتالي
عديل الروح مكن في صوابه

عشيري بالمحبة سم حالي
وانا واحسرتي قلبي غدا به

هني ياللي ينامون الليالي
وقلبي ماطرقهم مثل مابه

اغبط اللي من الحب صار خالي
وانا قلبي المشقى واعذابه

امير السمر مادري وش نوالي
الا يالله تعتق لي شبابه

أخذ روحي ولاني عنه سالي
و أنا وان راح عمري واسبابه

حشا ماغاب عن ذهني وبالي
ولا ساعه ما حسب في حسابه

انا لي باسم حرف النون غالي
بخت منهو حظا به والتوى به

[ابوعبدالملك]

بصراحه الجميع ابدع في جمع اغاني العملاق مصطفى احمد
واخص بالذكر بو بشار وومضات حنين وابو حمزه
اعتبرها اكبر مكتبه شفتها فنيه لرائع ابو مشعل الله يطول بعمره يارب
تسلمون جميعا على هذا الابداع المميز لاعدمناكم

[كويتى]

المشاركة الأصلية كتبت بواسطة ابوعبدالملك

بصراحه الجميع ابدع في جمع اغاني العملاق مصطفى احمد

واخص بالذكر بو بشار وومضات حنين وابو حمزه
اعتبرها اكبر مكتبه شفتها فنيه لرائع ابو مشعل الله يطول بعمره يارب

تسلمون جميعا على هذا الابداع المميز لاعدمناكم

الله يسعد أوقاتك وجميع أيامك اخى الكريم ابوعبدالملك .. تسلم الايادى ياذووق ,,
وبالنيابه عن جميع اخوتي الكرام فى هذا المنتدى الرائع أشكرك
على مشاعرك الطيبه نحو مجهود أخوتك ويعلم الله الجميع يبذل
قصارى جهده لإسعاد أخوة لنا فى كل مكان ,,
وإن شاء الله دوم تجدون فيه كل مايسركم .
شكري لك ولجميع ضيوفنا الكرام .

تحياتى