الفنان عبدالكريم عبدالقادر

[كويتى]

الفنان القدير : عبدالكريم عبدالقادر

أغنية : إحسب الجيات
كلمات يوسف ناصر
الحان عبدالرب ادريس


الكلمات

احسب الجيات كم مره أجي
واحسب النظرات لي ضاع الحجي

روحاتي وجياتي ونظراتي الحزينه
تحجي لك مدى حبي .. وانت ما دريت

لاحظ وشوف يا منيتي كيف الشعور
لما انتلاقى والحجي بينا يدور

الوقت يخلص .. و السوالف تنتهي
وانا عيوني في عيونك تلتهي

روحاتي وجياتي .. ونظراتي الحزينه
تحجي لك مدى حبي .. وانت ما دريت

يا غايتي .. ياغايتي .. يا كل شي انت بحياتي ودنيتي
يا غايتي .. ياغايتي .. يا كل شي انت بحياتي ودنيتي

لو قلت أحبك ماتسد .. لا ماتسد عن حاجتي
يا غايتي .. ياغايتي
يا غايتي .. ياغايتي

عندي كلام وايد .. وايد كلام وايد .. كل العواطف فيه

لاجيت اقول ألقى الظروف تمنعني لا حجي

روحاتي وجياتي .. ونظراتي الحزينه
تحجي لك مدى حبي .. وانت ما دريت

وانت ما دريت ..

.. إستــماع طيب ..

[عاشـق طرب]

هذا ألبوم

ساعة الفرحة

ألحان : د. عبدالرب إدريس الألبوم كامل

كل عام وجرحي بخير
كلمات : بدر بن عبدالمحسن

يا قدرة الله
كلمات : محمد عبدالله الفيصل

يا ساعة الفرحة
كلمات: خالد الفيصل

قالت لي الليلة
كلمات : محمد عبدالله الفيصل

[كويتى]

سلمت الايادى اخى الفاضل عاشق طرب على هالمشاركه
الرائعة للفنان القدير عبدالكريم عبدالقادر وحياك الله بين أخوانك
واخواتك فى هذا القسم ونرجوا التواصل المستمر بما يفيد الجميع

واسمح لى بالمشاركه معك فى كتابة كلمات الاغاني .
لك منى كل الشكر والتقدير ..


*****


كلمات يا قدرة الله

ياقدرة الله ياخلقة الرحمن
شافت عيوني ملاك
في شكل إنسان
حارت خطاي ..مذهول...مسحور
كني أشوف مخلوق ...مخلوق من نور
ياقدرة الله
العيون
آه من سحر العيون
جور وحنان....خوف وأمان
تضحك....وهي غرقا دموع
فيها تقل وهج الشموع
موج المشاعر بين الأهداب دوار
فيها ندا..فيها مدا..فيها عطا وأسرار
حارت خطاي ..مذهول ...مسحور
كني أشوف مخلوق ...مخلوق من نور
ياقدرة الله
لأول مرة في حياتي
تحير الكلمة بشفاتي
من دهشي
يخون المعنى تعبيري
تشل الفرحة تفكيري
من لهفتي
لأول مرة اتهنا
واقول اللي اتمنا
واعيش الفرحة في عمري
واسلم للحبيب أمري




*****




كلمات يا ساعة الفرحة

يا ساعة الفرحة تشوقت للعيد....
عيد العيون وعيد قلب الصبابة....
ردي الجمال لشوفتك يااتلع الجيد...
واسحب على حرفي لحون الربابة...
حرفي بصوتك يأجمل الصوت تغريد....
يارمز حبي هاك رمز الكتابة....
ياصبح عمري فيك للعمر تجديد...
حبك يجدد كل يوم شبابه....
للعين والقمرا وحسنك مواعيد...
ودليل الهوى شرع للأحباب بابه...
ياما زعجت الصوت باسمك تراديد...
وياما نسيم الوجد يمك سرى به...
ياما تمنيتك على باقي الغيد....
واقول مثلك ياغلا الروح مابه....
ابيك تهوى مثل مأهواك وتزيد...
يامن خفوق القلب حسنك غدا به...
ياقطرة الغيمة على يابس البيد....
رد الحياة لخافقي ياذهابه.....

*****

كلمات قالت لي


قالت لي الليلة ترى ليلة سهر
والشعر مرفوع على هامة قمر
قالت أنا مشتاقة لك بالحيل
وأرخت على جيدها الليلوسلهمت
تسدل على سحر عيونها ظلال تبسمت
وشالت من على متنها الشال
وقالت لي الليلة ترى ليلة سهر
الليلة لعيونك أنا بكتب قصيدة
وبخلق في غرامك ولاجلك سوالف جديدة
وبصرخ بكل مافيني أحبــــك
وشوقي نظرة عيونك تزيده
وأناجي بروحي وجـــــــودك
وألاقي بوعودي وعــــــودك
وقالت لي الليلة ترى ليلة سهر
لو تحسبين الليالي اللي في حياتي انقضت
وحسبت عليه ليالي ومرت في عمري ومضت
ماتسوى عندي دقيقة ألقاك فيها بلهفتي
وأشوف خيالي حقيقة والمح في عينك فرحتي
ياهنى الروح يا انتي قلبي جـــــروح وأنتي
بلسم الجرح ودواه
فرحة العمر وهناه
وقالت لي الليلة ترى ليلة سهر.


*****

[دوســـــري2008]

عبدالكريم عبدالقادر

البوم احوال العاشقين
نزل الابوم بتاريخ: 1993

1ـ احوال العاشقين
كلمات : خليفة العبدالله الخليفة
الحان : عبدالرب ادريس
المـده :15:13

كلمات أحوال العاشقين

أحوال العاشقين .. أحوال
أحوال العاشقين . كل يوم لها أحوال
أحوال العاشقين ...

الأخ عبد الله سلمان يسعد مساك على كل حال الف الف شكر على ماتبذله من جهد
وانا شخصيا أفتخر بذلك ولكن أغنية أحوال العاشقين سمعتها للمرة الأولى قبل مايقارب 28سنه أو أكثر وكنت وقتها طفلا والطفل لاينسى إضافة الى انني أتمنى ان تعيد تحميل الاغنية بشكل صحيح ولك مني ألف شكر وتقدير
واتمنى لك التوفيق

[عاشـق طرب]

ألبوم : ظماي أنت

جمر الوداع
يطري عليه الوله
با أسري
ظماي أنت
حتى النظر
ألا واعذابي

سماع شجي






جمر الوداع
كلمات عبداللطيف البناي
الحان عبدالرب ادريس


جتني تودعني بصمت و سكوت
يا وقت لا تمشي بسرعه و تفوت
ايدي بجت في ايدها نار وجمر
وعيني اسكنت في عينها وقالت صبر
وانا من الفرقى احيا واموت

اهي وانا ..
اهي وانا مابين صمت وانتظار
اهي وانا ..
اهي وانا وكيف نبدي بالحوار
حبيبتي ... حبيبتي وشحالها قبل الرحيل
اشوف انا بعيونها دمعه ورى دمعه تسيل
كلمتها .. طمنتها .. وعدتها .. ابقى لها
راحت قبل ماانهي الكلام
راحت تخنقها عبره بالزحام
وانا من الفرقى احيا واموت

من بعيد ... عيني عليها من بعيد
من بعيد ... تومي بيديها من بعيد
تلتفت صوبي وانا احتضن حزني وحزنها
واتسائل ويا نفسي كيف ابي اصبر لحظه عنها
حارت الكلمه مابين الشفاه
ما بقى باليوف غير آه وآه
ناظرتني ... واعدتني
وانا من الفرقى احيا واموت


*****

يطري عليه الوله
كلمات بدر بن عبدالمحسن
الحان عبدالرب ادريس
يطري عليه الوله واطري على باله
يا مرحبا لي ضوى خلي على بابي
هجيت حدب الضلوع ونوخ جماله
لجله بكيت دمعتي ,, ولجله ضحك نابي
كل ما ضحك لي لمح النورفماله
ولا تجهم ستر السقم في ثيابه
كل ما شكي من عنا ,, همه وغرباله
اقول له عن نبا جرحن من اسبابي
طال الحكي ما لقيت الوصل في وصاله
لا اني حبيبه ولا هو أقرب اصحابي
ناديت دامك حزين وحالتي حاله
يكفيك همك وانا بصبر على مابي
لو الشجر له نسيم إتبارد ظلاله
ما حرق القيض جفني وإنت فى أهدابي.


*****


ظماي إنت
كلمات بدر بن عبدالمحسن
الحان عبدالرب ادريس
.. ظماي إنت
ومن يعشق ظماه غيري
جروحي انت ..
ومن يكره دواه غيري
اسقني لو ما ارتويت
داوني لو ما شكيت
ماهقيت اني اعطش
في حياتي لغيرك انت
مادريت ان مابه أغلى منك ..الا انت
يا ظماي انت

ما تصور ان عيني مره تغفى وما اشوفك
ما تصور لو يطول الصمت ما اسمع حروفك
تدري احساسي بخوفي هو أماني
لما تسأل عني ليله عن مكاني
ما تصور كيف تحرقني الثواني
شمعه في ليل انتظارك
ياللي يسبقني زماني
من عطش ليلي ونهاري
عطني موعد وانسى موعد
بس لا تهجر وتبعد
اسقني لو ما ارتويت
داوني لو ما شكيت
ماهقيت اني اعطش
في حياتي لغيرك انت
مادريت ان مابه أغلى منك ..الا انت
يا ظماي انت

يا ظما قلبي لقلبي
وغربة اعيوني عن عيوني
وينك انت
ياترى الليله في صدري
لا ..
في جفني
لا ..
في الشعور اللي خطفني
آه ... لو تدري بشوقي
آه ... .يا ظما الدنيا بعروقي.


*****


حتى النظــر
كلمات وهج
الحان سليمان الملا

من الهجر يا صاح شفت المضرة
جرحي مثل جرحك له سنين ما طاب

حتى النظر ما يفيد وان جاك عذره
حبه سطى بالجوف والوجد نهاب

زوله وسط عيني وقلبي مقره
لو غاب عني طيفه اليوم ماغاب

شوقي عذاب شوفتي له بحسره
ليته درى في قلب من حبه إنصاب

عمري مضى ما بين حلوه ومره
والعمر فاني والهوى كله اسباب

أحبس دموع سالت اليوم نثره
وأكتم وداري دمعتك عند الأجناب

أصبر عسى الأيام تبدي المسرة
واللي مضى خله مع هم وعتاب

خل الأمل موجود بيدك مرة
يقولها اللي طال جرحه من أحباب.


*****


ألا واعــذابي
كلمات خالد البذال
الحان سليمان الملا

ألا واعذابي يا طول ليلي
أشكي ولا من يرد الجواب

ابي اشكي لجرحي لو طال شرحي
وينك يا فرحي اشوفك سراب
أيا حب غالي خذتك الليالي
من لي ولا لي ما غير العذاب
ألا واعذابي

تروح وتجيني ذكرى سنيني
وتسهر في عيني ولا ابدي عتاب
يا وقتي كفاني غدرني زماني
في صدري اماني جرحها الغياب
ألا واعذابي

[عاشـق طرب]

أهلاً بالمشرفه ومضات حنين

بأذن الله سنجود بما لدينا ,, وهذا بالطبع واجبنا

[عاشـق طرب]

هذا ألبوم : الصوت الجريح

وهو من أشهر ألبومات المطرب عبدالكريم عبدالقادر أطال الله بعمره

ومن شهرة هذه الأغنية لقبوه بها وهو لقب : الصوت الجريح


الصوت الجريح
كلمات عبداللطيف البناي
الحان انور عبدالله


بسك زعل
كلمات شامخ
الحان راشد الخضر


لا خطاوينا
كلمات ساهر
الحان سليمان الملا


ما اصعبك
كلمات بدر بورسلي
الحان راشد الخضر


يا ذا المسافر
كلمات عبداللطيف البناي
الحان انور عبدالله


اخر كلام
كلمات عبداللطيف البناي
الحان انور عبدالله


سماعٌ ممتع

[أسير الحبايب]

الإخوه الكرام في هذا المنتدى الرائع و في هذا القسم الخاص بالفنان عبدالكريم عبدالقادر ... شاكر لكم جدا ما قدمتموه و أتمنى لو كانت بين أغاني هذا القسم أغنيه لعبدالكريم و أعتقد أنها أول أغنيه غناها و صورها لتلفزيون الكويت و هي الأغنيه الوحيده التي صورها و هو يرتدي البدله الرسميه و الأغنيه بعنوان :
الخل مال
يقول مطلعها :
الخل مال.... ساهي الدلال.......صاير عنود
باع الوداد ... ناوي البعاد .... طاع الحسود
كم أتمنى سماع هذه الأغنيه و كم أشكركم على جهودكم في إمتاعنا .
تحياتي .... أسير الحبايب

[azizan]

أخي أسير الحبايب

شبيك لبيك عزيزان بين إيديك

الخل مال
كلمات بدر جاسر العياف
الحان عبدالرحمن البعيجان


للرائع

عبدالكريم عبدالقادر

تحياتي

[كويتى]

أخى الفاضل عزيزان شكراً على تلبية رغبة أخونا الفاضل:
أسير الحبايب بتوفير أغنيه الفنان الكبيرابوخالد (الخل مال).
بصراحه أول مره اسمع فيها ولما سمعتها الحين عجبتني
جداً والغريبه إن هالاغنيه لم تأخذ حظها من الشهرة
ولذلك حبيت المساهمه معكم ووضع كلماتها لجميع الاخوة
والاخوات .. ليتم متابعة الاغنيه والاستمتاع بها اكثر ,,


وكلمات الاغنية تقول :


الخل مال.... ساهي الدلال.......صاير عنود
باع الوداد ... ناوي البعاد .... طاع الحسود

طاع الحسود الخل مال

شاقوله بس ...اليوم وامس .... طبعة غريب .... طبعة غريب
شاقوله بس ...اليوم وامس .... طبعة غريب .... طبعة غريب
شاقوله بس ...اليوم وامس .... طبعة غريب .... طبعة غريب

يا هل ترى ... مِن غيره ؟
يا هل ترى ... مِن غيره؟

أمره عجيب

الخل مال .. ساهي الدلال .. صاير عنود
باع الوداد ناوي البعاد

طاع الحسود باع الوداد ناوي البعاد
طاع الحسود... الحسود ..... الخل مال

كل شي هقيته .. وأنا بقي ..أسمع ملام
كل شي هقيته .. وأنا باقي ..أسمع ملام

عند العذول يروح يقول عني كلام .. عني كلام
عند العذول يروح يقول عني كلام .. عني كلام

ياهل ترى .. من غيره ؟
ياهل ترى .. من غيرة ؟

أمره عجيب

الخل مال ساهي الدلال صاير عنود
باع الوداد ... ناوي البعاد
طاع الحسود ....الحسود ... الخل مال.