يا شعراء المنتدى .. ينفع كده

**سيادة الرئيس** · #1 23/03/2010, 18h34

و الله مش عارف أقول إيه

ماهو عملها قبله في المزيكا أحمد السنباطي

طب حد يفهمني يمكن أنا مش فاهم يا اخونا ده ليه دواوين بتتباع

يمكن ده الشعر الجديد و أنا مش واخد بالي أو محتاج حد يفهمني مفرداته يمكن أنا غلطان

أو يمكن ظهرت مدرسة جديدة و اصحابها مش لاقيين لها إسم

طيب أنا حا اسميها مدرسة شعر ( القافية بالعافية )

حاوريكم 3 أمثلة واحد نص و اتنين صوت و احكموا انتم و رزقي و رزقكم على الله

و قبل ما انسى الشاعر هوه ( أمين فؤاد حداد )

جرب ابتسامتك في الضلمه
اشرب الخمور الفواره
ارضع من حنينك أغنيه
من كل البيوت اللي بتسهر
شباك الجيران اللي موارب
هو اللي اشتبك مع نظراتك
حاول تفتكر أيها مطلع
مش حتلاقي أجمل من كلمة
الفعل المضارع أكذوبه

اطمن على الطفل النايم
روح الشغل وانت بتتاوب
خد نفق العروبه .. صلاح سالم
اضحك من غباوة أيامك
الفعل المضارع أكذوبة

لو جدك بيشرح للطلبة
فى مدرج اتملا بالطرابيش
ليه والدك عجوز بالجلابية
بيصور ورق في ميدان لبنان
الفعل المضارع أكذوبة

في كل الساعات الرقمية
وفي كل اللي موانيها عقارب
الماضي الشره عمال يبلع
مستقبل حياتك وما يشبعش
بيطبطب على كرشه وعارف
حتمية سقوط التفاحة
الفعل المضارع أكذوبة

مش بكره أكيد كان بيشقشق
واختار ينسحب يبقى امبارح
مش الشعر ده كان جوه كتاب
ليه فتحته واتخضيت منه
أنا ميت قديم في تراب أقدم
والفعل المضارع أكذوبه

**محمد رمضان ماضي** · #2 23/03/2010, 19h00

اقتباس:

المشاركة الأصلية كتبت بواسطة سيادة الرئيس

و الله مش عارف أقول إيه

ماهو عملها قبله في المزيكا أحمد السنباطي

طب حد يفهمني يمكن أنا مش فاهم يا اخونا ده ليه دواوين بتتباع

يمكن ده الشعر الجديد و أنا مش واخد بالي أو محتاج حد يفهمني مفرداته يمكن أنا غلطان

أو يمكن ظهرت مدرسة جديدة و اصحابها مش لاقيين لها إسم

طيب أنا حا اسميها مدرسة شعر ( القافية بالعافية )

حاوريكم 3 أمثلة واحد نص و اتنين صوت و احكموا انتم و رزقي و رزقكم على الله

و قبل ما انسى الشاعر هوه ( أمين فؤاد حداد )

جرب ابتسامتك في الضلمه
اشرب الخمور الفواره
ارضع من حنينك أغنيه
من كل البيوت اللي بتسهر
شباك الجيران اللي موارب
هو اللي اشتبك مع نظراتك
حاول تفتكر أيها مطلع
مش حتلاقي أجمل من كلمة
الفعل المضارع أكذوبه

اطمن على الطفل النايم
روح الشغل وانت بتتاوب
خد نفق العروبه .. صلاح سالم
اضحك من غباوة أيامك
الفعل المضارع أكذوبة

لو جدك بيشرح للطلبة
فى مدرج اتملا بالطرابيش
ليه والدك عجوز بالجلابية
بيصور ورق في ميدان لبنان
الفعل المضارع أكذوبة

في كل الساعات الرقمية
وفي كل اللي موانيها عقارب
الماضي الشره عمال يبلع
مستقبل حياتك وما يشبعش
بيطبطب على كرشه وعارف
حتمية سقوط التفاحة
الفعل المضارع أكذوبة

مش بكره أكيد كان بيشقشق
واختار ينسحب يبقى امبارح
مش الشعر ده كان جوه كتاب
ليه فتحته واتخضيت منه
أنا ميت قديم في تراب أقدم
والفعل المضارع أكذوبه

بسم الله الرحمن الرحيم
سيادة الرئيس ، دايما الكلام بتاع سيادتك في الجون ،

سيدي العزيز ، دي مدرسة جديدة في الشعر،
طلعت امبارح بس ، ولسة مش لاقيين لها إسم

يا ريت مساعدة ، نلاقي إسم مناسب ،

أقترح إسم مدرسةالشباك الموارب

يا مشرفي سماعي الطرب العربي الأصيل ،
وشعراء المنتدى الأفاضل .
نظرة لوجه الله
لنحافظ علي الأصالة.

**رضوان حسن عبد الحليم** · #3 23/03/2010, 19h09

الشعر ديوان العرب فيه سجلوا كل أحداثهم و فيه حفظوا لغتهم و الشعر عندى قصيدة تحكى فكرة أو قصة لها شرطان وزن و قافيه تزينها موسيقى داخليه فأن أنتفى أحد الشرطان فلا شعر ولا شاعر انما هو نوع من النثر يحدده أى الشرطين أنتفى و اللغه هى جودة الشاعر فى شعره فأن لم يكتب بالفصحى كانت جودته أقل وأن كتب باللهجة الدارجه فهو نوع من الضعف وأن ملك الأثنتان ( الفصحى و العاميه) كأحمد رامى مثلا فللأنتشـار سعى

**شامي66** · #4 23/03/2010, 19h29

شكرا سيادة الرئيس
كلام لا يصدق فعلا
ممكن نسمي المدرسة هذه مدرسة ( مابيجمعش ) لأن هذا الشعر أشبه بكلام الفنان المرحوم يونس شلبي في مدرسة المشاغبين
يبدو أن الشاعر هذا واقع على عتبة بيتهم على دماغه وهو صغير فأثرت الصدمة عليه والسلوكه بتاعته ضربت على بعضها ومخه بقى بقفاه وجزمته بقت بدماغه كما قال سعيد صالح في المسرحية المذكورة
برأيي يجب عرضه على أم عادل إمام في فيلم بخيت وعديلة اللي كانت بتصلح أجهزة كهربائية ليتم تصليحه
ثم هو متحامل على الفعل المضارع ليه وليه معتبره أكذوبة
وأرجو أن تدور لنا في الديوان بتاعه ممكن يكون فيه قصيدة توضح لنا بعض أخبار نون التوكيد الثقيلة أو نون النسوة مثلا وأصلهم وفصلهم إيه
اللهم لا تؤاخذنا بما فعل السفهاء منا يا ارحم الراحمين
لا حول ولا قوة إلا بالله
العــــــــقل زيــــــنه

**د أنس البن** · #5 23/03/2010, 20h33

والله يا صلاح بك .. أنا أعتقد أن هذا إفلاس وانحدار فى زمن يليق به أن يكون أمثال صاحبنا هم أهل الابداع فيه
وللأسف الشديد بضاعتهم تلك هى البضاعة الرائجه ولها جمهور عريض من أشباههم
وإلا بم تفسر حصول المدعو حلمى سالم على جائزة الدوله على "خزعبلته الخنفشاريه" التى عنوانها شرفة ليلى مراد , وكلها كلام أكثر تهجيصا من كلام صاحب القافيه بالعافيه , بل وفيه تهجم على الذات الالهيه , وكعينة من هذه الخزعبله التى احتفى بها أنصاره من الحداثيين الجدد , هداهم الله , يقول فض فوه :

؟؟؟؟؟؟؟؟؟؟؟؟؟؟؟؟؟؟؟
حذفت خزعبلته الخنفشاريه
نزولا على رغبة الأحباب
ومعهم كل الحق .... أنس

................... أ . هـ

يا مثبت العقل والدين يا رب ............

**abuzahda** · #6 23/03/2010, 21h38

سمعتوا عن الشاعر : علي سلامة ؟

طبعاً إتهريتو سمع

أهو فيه ناس ما تعرفش عن الشعر غير علي سلامة

و لو سألتهم عن جمال بخيت (بلاش حداد و جاهين) ما يعرفهوش

،

كلامي اللي فات ده مالهوش علاقة بابن عمّنا فؤاد حداد

أمين فؤاد حداد ، محتاج وقت علشان نتكلم عليه من غير افتراء ، و ده موضوع تاني

لكن لما اقابل حد يكلمني عن علي سلامة ، كشاعر ، بيكون الرد سهل و مقرف و فـ سطر واحد

،

ما تتخضش أوي كده يا صلاح ،
ما الشاعر عنتر هلال أشهر من عبد الرحيم منصور ،
و الشاعر إسلام خليل أشهر من عم عبده الدمرداش

احنا في زمن ساقية الصاوي

.

**abuzahda** · #7 23/03/2010, 21h40

اقتباس:

المشاركة الأصلية كتبت بواسطة د أنس البن

والله يا صلاح بك .. أنا أعتقد أن هذا إفلاس وانحدار فى زمن يليق به أن يكون أمثال صاحبنا هم أهل الابداع فيه

وللأسف الشديد بضاعتهم تلك هى البضاعة الرائجه ولها جمهور عريض من أشباههم
وإلا بم تفسر حصول المدعو حلمى سالم على جائزة الدوله على "خزعبلته الخنفشاريه" التى عنوانها شرفة ليلى مراد , وكلها كلام أكثر تهجيصا من كلام صاحب القافيه بالعافيه , بل وفيه تهجم على الذات الالهيه , وكعينة من هذه الخزعبله التى احتفى بها أنصاره من الحداثيين الجدد , هداهم الله , يقول فض فوه :

؟
؟
؟
؟

................... أ . هـ

يا مثبت العقل والدين يا رب ............

أبوس إيدك يا سِيدنا

ترمي الكلام ده (؟) في الثقب الأسود

**خليـل زيـدان** · #8 23/03/2010, 21h41

وحياتك يا عمي د. أنـس تحـذف
كلامه من مشاركتك فهو لايستحق أن يعــاد نشــره
وربــنا يهــدي
ـــــــ
الشئ الغريب أنني التقيت به منذ شهر تقريباً
في إحدى المجلات الفنية وسلمت عليه وبعد قليل
أخـذ السجـادة وراح يصلـي ،
ماهـذا التناقض الغريب في أفعــال البشر؟!

لاحـول ولا قوة إلا بالله

**محمد رمضان ماضي** · #9 23/03/2010, 21h55

اقتباس:

المشاركة الأصلية كتبت بواسطة د أنس البن

والله يا صلاح بك .. أنا أعتقد أن هذا إفلاس وانحدار فى زمن يليق به أن يكون أمثال صاحبنا هم أهل الابداع فيه
وللأسف الشديد بضاعتهم تلك هى البضاعة الرائجه ولها جمهور عريض من أشباههم
وإلا بم تفسر حصول المدعو حلمى سالم على جائزة الدوله على "خزعبلته الخنفشاريه" التى عنوانها شرفة ليلى مراد , وكلها كلام أكثر تهجيصا من كلام صاحب القافيه بالعافيه , بل وفيه تهجم على الذات الالهيه , وكعينة من هذه الخزعبله التى احتفى بها أنصاره من الحداثيين الجدد , هداهم الله , يقول فض فوه :

؟؟؟؟؟؟؟؟ .... أنس
................... أ . هـ

يا مثبت العقل والدين يا رب ............

بسم الله الرحمن الرحيم
الدكتور أنس العزيز عمل على مبدأ ناقل .....
ليس .....
والهدف يشوف اللي لسه ما شفش أحنا وصلنا فين،
اللي عايز جوائز ، محلية ، عالمية ،
موجود ، المهم التمسك بحرية الرأي والفكر
تحت مسمى الإبداع

ولا يمكن دا الإسقاط ،
ولا يمكن التجريد،
سريالزم.!!!!!!
تقبل الله الصلاة.

**ابو يحيي** · #10 23/03/2010, 22h15

اقتباس:

المشاركة الأصلية كتبت بواسطة سيادة الرئيس

( أمين فؤاد حداد )

آخرة
التوريث في البلد
ياعم
لله الأمر من قبل ومن بعد