يا شعراء المنتدى .. ينفع كده

[abuzahda]

المشاركة الأصلية كتبت بواسطة ابو يحيي

آخرة

التوريث في البلد
ياعم
لله الأمر من قبل ومن بعد

يا سااااااااااااااااتر على دي دماغ

أكيد اللي اشترى الترماي مش بلدياتك ، ده أكيد كان تايواني

يا عم ابو يحيى يا أصلي

الله يسعد قلبك

،

تكسب جايزة أحلى إفـّيه بسماعي 2010

آخرة

التوريث في البلد
ياعم

[محمودسعد]

ما تتخضش أوي كده يا صلاح ،
ما الشاعر عنتر هلال أشهر من عبد الرحيم منصور ،
و الشاعر إسلام خليل أشهر من عم عبده الدمرداش

لامؤاخذه ياعمي سيد
الكلام ده هو اللي عارف ارد بيه بعدك
ربنا يصبرك ويصبرنا ياعم صلاح
ويصبرنا كلنا
الا هو صحيح ؟؟
اخرتها ايه بقي ؟
حتي الواحد مابقاش عارف يلاقي كلام يغنيه ؟
وان لقي مايلاقيش حد يسمعه ؟؟

[unicorn]

المشاركة الأصلية كتبت بواسطة سيادة الرئيس

و الله مش عارف أقول إيه

ماهو عملها قبله في المزيكا أحمد السنباطي

إمتى يا سيادة الرئيس ؟؟؟
أحمد السنباطى رفع إطارات الموسيقى و لحن بدون إطار أو قالب أو قاعدة ؟؟؟ غنّى جاز أو بلوز ؟؟؟
تلزمنا دى سيادتك
بمناسبة هذه القصيدة اللى الظاهر أن ربنا كان مسهل لشاعرها المختل يومها بعد أكلة كرنب, مرة سألت أستاذ كمال عبد الرحمن عن أدونيس و الشعر الحر و الشعر الحديث و كل هذه الأنواع من العك ليس لشئ إلا لأفهم إن كان غيرى يفهم هذا الترجيع أو يستسيغه , قاللى بلاش قرف دة فراغ من الموهبة و احتقار للعقول
المعنى دائما فى بطن الشاعر لأنه ليس هناك معنى من الأساس , و القصيدة حرة من التفعيلة أو القافية أو كل الأُطر الشعرية لأن الشاعر عاجز الموهبة ,
و خلُصت إلى أنه نوع من الادعاء و الاستهانة بعقل من يقرأ الحالة اللاشعورية الواعية لواحد ضاربله نفسين أو يشكو من إمساك مزمن.
صحيح الموهبة لا تورّث لكن برضه حد يصدق إن دة إبن فؤاد حداد ؟؟؟

[unicorn]

المشاركة الأصلية كتبت بواسطة د أنس البن

وإلا بم تفسر حصول المدعو حلمى سالم على جائزة الدوله على "خزعبلته الخنفشاريه" التى عنوانها شرفة ليلى مراد , وكلها كلام أكثر تهجيصا من كلام صاحب القافيه بالعافيه , بل وفيه تهجم على الذات الالهيه ,

دى موضة القمنى يا دكتور أنس ,
و إعطاء الجوائز لأبو جهل و أبو لهب و أمية بن خلف فى هذه الأيام المباركة لنيل الرضا الأمريكى السامى

[ابو يحيي]

المشاركة الأصلية كتبت بواسطة د أنس البن

الأندلس

أنت خائفة،

وعماد أبو صالح خائف،

يا عم/ الدكتور
أنس

الأسطى الشاعر خد الجائزة لسببين
السبب الاول
علشان الشيخ يوسف البدري أقام علية دعوة قضائية
السبب الثاني
المعلقه بتاعة الراجل
تنفع يغنيها شعبان عبدالرحيم
يقول

الأندلس أنت خائفة
هاااااااااااااة
وعمادأبو صالح خائف
وهااااااااااااااااة
والله حتي شعبان يمكن ما يعرف يركبها

[رائد عبد السلام]

حبيبنا الغالي صلاح بك علام

كل الأحبة المشاركين في هذا الطرح الفريد

طبعاً كلكم متفقين علي رأي واحد
إن هذا النوع من الشعر غثاء ...
ولن أرفض أو أؤيد ولكني -مثلكم- سأعرض
وجهة نظري

الشاعر أمين حداد .... شاعر فعلاً
وشاعر كبير
وله الكثير جداً من الإبداعات التي تطرب لها النفس
ويحبها العقل ..يمكن القصيدة فيها بعض المفردات الغريبة
ويمكن كمان الشاعر بيتكلم عن أشياء هو يعلمها جيداً
ولكننا لا نعلمها .....
وزمان أبو العلاء المعري بجلالة قدره قال
في لزومياته المشهورة:
أسطرلاب حــــولهن جهول
فهو يبتغي هدياً بأسطرلاب

ولو طبقنا رأيكم في أن الشعر يجب أن يكون مفهوماً
من أول قراءة ...لعددنا المعري من التلاميذ !!
وزمان قالوا :
اثنان لا يمكن التحديق فيهما .....الشمس والشعر !
ولو رجعنا لوالد الشعراء : فؤاد حداد
سنجد في أشعاره الرائعة بعض المفردات الغريبة
جداً ولكنها بالنسبة للشاعر (حالة)
حد يصدق مثلاً إن :
أبو بنديرة في الدحديرة
جت له زغطة قال مبروك

من كلمات الراحل العظيم فؤاد حداد
بل وفي قصيدة رمزية عالية القدر !!
ولكنه جنون الشعر ...وفيض المشاعر ..
وتقبلوا خالص تحياتي

فينك ياعمي سمعجي !!
يافصل الخطاب

الله يجازي البين

[سعدالشرقاوى]

على رأى الشاعر كمال عبدالرحمن
فرجه ببلاش وامّا نحزن دمعتين ع الخد
وبكره ننسى وليله م الليالى تفوت
فى الجو ريحة موت

[عفاف سليمان]

استاذنا سيادة الرئيس
بعد صباح الخير على حضرتك وال سماعى الكرام
لو هنقول حواديت
يبقى اقول انا حدوته
ولو هنقول اشعار يبقى نسمع شعر
تحت التوته
ولو هنغنى نبقى نسمع غنوه فى حدوته
يبقى الشعر ايه
حدوته وغنوه مرسومه
بتحكى وتقول لنا معلومه
مش بتفضفض بكلام ملخبط
ولا بنشخبط فى ورق كراسه
هههههههههههههههههههههه
والله شكلى هقول حاجه حلوه
بس اقول لكم
يسلموا شعراء سماعى والسابقين
اكثر من كده
مش قايلين
تحياتى لكم جميعا
اسعدكم الله بكل خير
وياريت شعراء سماعى
يضخوا لنا بما يجودون من كلمات جميله
دا انتم مدرسه واحنا بنستمتع بكلماتكم
عم سعد صاحب التوته
واستاذنا ابو ذهده
واستاذنا طارق
واستاذنا كمال
واخونا علاء ياسين
واخونا علاء قدرى
بالله عليكم
لو سمعتم هذه الكلمات
انتم تقولوا ايه
لا حول ولا قوة الا بالله
اختكم عفاف

[kabh01]

هذا شعر لأسطورة الشعراء " أحمد بن الحسين" الشهير بالمتنبي. فسروا هذه الطلاسم لي أثابكم الله

عِشِ أبْقِ اُسمُ سُدْ قُدْ جُدْ مُرِ اُنْهَ رِ فِ اُسْرِ نَلْ
غظِ اُرْمِ صِبِ اُحْمِ اُغْزُ اُسْبِ رُعْ زِعْ دِ لِ اُثْنِ نُلْ

لا عجبا ان كتب أحدهم الشعر بكلام عالماشي "سندويتش" أو Take-away

وهو مين عم يغرم ضريبة على الفنون هذه الأيام؟

[عادل فؤاد رفاعى]

مش شرط يبقى ابن الوز عوام