طلبات نوتة أ / عادل صموئيل الجزء الثانى - الصفحة 775

**Madeleine** · #**7741** 12/01/2021, 15h07

اقتباس:

المشاركة الأصلية كتبت بواسطة عادل صموئيل

احبائى
اغنية عصام رجى

ع الدقة ونص

مع اطيب تحياتى

مرحبا الاستاذ الفاضل عادل صموئيل يسلمو ايدك على تنوط اغنية على دقة ونص ربي يعطيك الصحة

**عادل صموئيل** · #**7742** 12/01/2021, 21h01

احبائى
مع اغنية فهد بلان

شوى شوى

المدون اكتر واحد بيحس باللحن لأنه بيدخل جواه وبيحس بكل مازوة عدة مرات وهو بكتبه عشان يستوعبه وبيحس اذا كان اللحن متلحن كما ينبغى يعنى المحلن بياخد فيه وقت وبيختار الجمل الرائعة او انه بيكلفت اللحن يعنى اى ملحن محترف بيمسك العود ويشغل جهاز التسجيل ويقعد يعزف ممكن يطلع خمسين جملة وانت وحظك مكن تطلع فيهم جمل حلوة وممكن تكلع جمل شبه شغله السابق وممكن تطلع جمل اى حاجة يعنى .. اللحن ده اول عيب فيه ان مش لون فهد بلان .. يعنى مصبوغ بفريد الاطرش وشخصية فهد بلان اتمسحت يعنى سيد مكاوى اجاد مع فهد بلان لكن فريد الطرش ما عملش حاجة حلوة مع فهد بلان يعنى اللحن متكلفت وده يمكن من اهم الحاجات اللى خلت حليم ما يخليش فريد يعمل له لحن انه خاف لا يصبغه بصبغة فريد الاطرش يعنى كل الملحنين الل لحنوا ل عبد الحليم اظهروا شخصية عبد الحليم يعنى عبد الوهاب ما صبغش عبد الحليم بصبغته مع اطيب تحياتى

**عادل صموئيل** · #**7743** 12/01/2021, 21h03

احبائى

مع نشيد احنا اتربينا عليه من صغرنا

مصر مصر مصر امنا

مع اطيب تحياتى

**عادل صموئيل** · #**7744** 12/01/2021, 21h05

احبائى
مع اغنية لسميرة سعيد

وبحب

اللحن ده انا اول مرة اسمعه ماعملناهوش ف الفرقة الماسية واكيد على فرقة هانى مهنى .. بس انا اجزم انه تلحين محمد سلطان يعنى فيه نكهة محمد سلطان صح ؟
مع اطيب تحياتى

**منذر44** · #**7745** 13/01/2021, 02h22

شكرا شكرا استاذ عادل
بالفعل الاغنية وبحب من الحان محمد سلطان
بارك الله فيك

شفت بقا الخبرة ؟ من كتر الشغل معاهم الواحد بيحفظ النكهة بتاعة كل ملحن منهم يعنى بكون فايت اسمع اغنية فى راديو ف الشارع من مازورة منها اقول دى محمد فوزى ويطلع فعلا محمد فوزى علما بأن الاغنية بكون عمرى ما سمعتها

**عاصم المنشاوى** · #**7746** 13/01/2021, 06h42

أستائنا الكبير / ‘عادل بك صمويل...

طبعا كل سنة وحضرتك طيب بمناسبة عيد الميلاد المجيد 7 يناير - معلش متأخر ست أيام -

وبالفعل زى مالصديق عمرو قال حضرتك لاتقل عن السنباطى وبليغ ... حضرتك عملاق برضو فى مجال التدوين الموسيقى والعزف بالطبع
ولولا ان حضرتك بتدون النوت دى كانت زمان الاغانى دى ماتت...
أنا عايز حد يورينى على مستوى الوطن العربى مين اللى بينوت أغانى بالكم ده أكتر من 1500 صفحة فى المنتدى هنا...و لا بالكيف...ولا بالغزارة دى و التبسيط الجميل بأغانى أقسم بالله بندعيلك لما نعزفها...اغانى كانت صعبة على
الواحد وحضرتك بسطتها بجمل رشيقة وسهلة..ودى مدرسة حضرتك...
للأسف بعد وفاة الاستاذ نزيه محمد وغياب الاستاذ محمد السويفى و الدكتور طارق...يتثقل على حضرتك ....دمت لنا ودامت محبتك وعطاؤك...

ملحن اغنية مظلومة ياناس هو الملحن السورى الراحل محمد محسن توفى سنة 2007 والاغنية من كلمات زوج سعاد محمد وهو الاستاذ محمد على فتوح..
الماحن محمد محسن بالمناسبة له اكتر من 1000 اغنية يمكن أشهرهم عندنا هنا فى مصر :
ماتلونيش حدودك وابخث عن سمراء لمحرم فؤاد....و دق الحبيب دقة...روح ياهوى...

صباحك جميل يااستاذنا...
اخى العزيز اشكر لك ذوقك ونسيت تقول انى بدونها لوجه الله ببلاش يعنى مش بطلب تمن التدوين يعنى ماحدش من الزملاء اللى كان من الممكن انه يقدم حاجة كده كان ممكن يضبع وقته ومش عايز احدد اسماء طبعا اله يرحمهم .. انا حسيت ان لازم اقدم حاجة للفن الجميل .. يعنى لولا النوت دى ولولا البساطة فى التدوين او مدرستى فى التدوين لكانت الالحان دى كلها بقت تاريخ مالوش ذكر يعنى بمرور الوقت الناي حاتنساها والمصيبة ان الشباب اللى طالع كتير منه بيفتح التليفزيون على الاغنى الحديثة اللى مالهاش علاقة بالموسيقى اصلا لأن عكس ما عمله السابقون بمعنى ان لما حد بينسى اننا فى منتدى الطرب الاصيل ويطلب اغنية لتامر حسنى مثلا ... الاغنية دى لما انا بسمع دقيقة منها وما اقدرش اكملها لأنها مالهاش علاقة بالموسيقى اللى احنا نعرفها بتاعة عبد الواهب والسنباطى ولا حتى القواعد .. يعنى حاجة عكسها 180 درجة لدرجة عارف زى الفرق بين الايمان والالحاد او الامية والتعلم .. يعنى يا اما عبد الواهب كان غلط او تامر حسنى هو اللى غلط .. وبالطبع عبد الوهاب هو اللى صح واكاديميات العالم كلها بتترف بيه اما اغانى المهرجانات تبع التوكتوك ... زبعدين انا ليه مارضيتش اعمل النوت بفلوس مع ان كتير اوى يعنى حسيت انهم فاهمين انى عبيط يعنى برمى مجهودى ببلاش .. قلت لهم لو انا عملت ( وللعلم فيه ناس كده ) صفحة والل عايز نوتة يطلبها وانا انزلها له ع اخاص مقابل كذا وانت عارف احنا بنشتغل بالصفحة يعنى اللحن لو 3 اسطر بيتحسب صفحة .. واللحن ال 11 صفحة بيتحسب 11 صفحة وفيه ناس والملحوطة دى خطيرة بيوسعوا ف الكتابة بحيث اللحن يطلع صفحات اكتر .. عشان يقبضوا اكتر .. وانت عارف الناهردة الصفحة ممكن تتدون بكام وكمان انا موسيقار كبير يعنى الاجر حايبقى مضاعف يعنى ممكن مثلا اغنية زى رباعيات الخيام دى آحد فيها شقلة .. ومرة اخ عزيز هنا ف المنتدى قال لو الاستاذ عادل خد ف كل نوتة جنيه كان اشترى مرسيدس من كتر عدد النوت .. بس انا حسبتها .. انا اتعديت م الكبار اللى اشتغلت معاهم انهم كانوا بيشتغلوا للذكرى والتاريخ مش للفلوس والدليل ان شوف رحلوا من اد ايه واعمالهم مازالت باقية وستظل وشوف لو تاملا ولا عمرو رحل بعد اد ايه حايفاكروه .. وللعلم انا بوسع فى الكتابة ودى بتزود صفحة زيادة او اكتر س عشان النوتة تريح عين القارىء ماتبقاش مزنقة .. لأن دى كانت زمان مشكلة فى القراءة الفورية السريعة العازف عينه بتزغلل .. وزى ما قلت الشباب كتير منهم ما يعرفش الزمن الجميل ... وللعلم لو اى شاب الناهردة حب يتعلم موسيقى ماهو اغانى الزمن القبيح زى ما قلت مافيهاش موسيقى .. زى الصيام بتاع المسيحيين مافيهوش لحمة يعنى اغانى تامر مافيهاش حاجة تتعزف .. وف لازم حايرجع لنا ... انا بحاول اخلى الاغانى الرائعة دى تبقى الى الابد يعنى فيه موزعين مع الاسف دمروا اغانى خطيرة ..انت عارف انا كنت المسؤول عن النوت اموسيقية ف الفرقة الماسية عندى كان اوضة فيها النوت .. اكتشفت ان مثلا فى قسم عبد الحليم مفيش ولا اغنية موزعة زى حبيبها مثلا سألت زملائى الاقدم منى فين النوت .. قالوا الموزع كان بيجيب معاه النوت فى الشنطة ( زى فيلم شارع الحب المايسترو عزيز ) وبعد التسجيل او الحفلة كان بيجمع النوت وياخدها معاه ويمشى .. ليه .. لأن بيخاف لاحد شاطر فى الهارمونى يذاكر البارتاتورة اللى هى نسخة القيادة المكتوب فيها التوزيع كله ويسرق منه سر الخلطة ( لأن كان كل واحد له نكهته المتميزة ) ولو حد سرق السر يقدر يوزع بنفس الطريقة ويلطش زباينه يعنى هو موزع كبير بياخد فى الحن كذا لو واحد مبتدىء ويممل نفس الشغل حياخد ربع الاجر طبعا يلطش الزباين .. لذلك اعدموا اغانى كتير زى حبيبها مثلا كنا مانقدرش نعملها فى حفلة تانى بعد رحيل على اسماعيل او لاتكذبى .. وفيهموسيسقين دلوقتى عندهم شوية غباء زى عمار الشريعى وعمر خيرت فى بعض اعمالهم بيعكموها توزيع برضهالاعامل دى بدون النوت الاصلية ماحدش حايدر يعزفها تانى اما اغنية مظلومة هى رائعة بس الملحن ساب سعاد تتسلطن فيها اوى اكتر م اللازم طلعت روحى فى التدوين يعنى لو السنباطى كان حايقول لها غنيها سادة زى ماهم عاملينها ولو عايزة تتسلطنى وتخربيها فى اى حفلة بس لازم يكون فيه تسجيل اصلى مظبوط للتاريخ ممكنحد يحفظ منه او يدونه .. للعلم يعنى لو جبت مطربة عفريت لما تموت مش حاتقدر تقول مظلومة زى سعاد طبعا لما تموت مع اطيب تحيات

**عادل صموئيل** · #**7747** 13/01/2021, 09h31

احبائى

اغنية فيروز

شــــال

الاغنية دى انا ما سمعتهاش من قبل واول ما سمعت الموسيقى قلت ادونها بس لما دخلت فيها جوه شوية فيها توزيع صعب وموسيقى صعبة جدا جدا ..يعنى من اولها تحس انها سهلة بعدين بيسحبك على الصعب كمان كل حروفها مش مألوفة ... يعنى الطبيعى فى التدوين انى بسمع وبدون مش بفكر إلا نادرا الاغنية دى فى كل مازوة فيها مطب وكأن الملحن متعتمد انه يختبر شطارة المدون .. يعنى كأنها امتحان .. انا يعد مادونت خمس اسطر كنت مش حاكملها .. لكن استفزتنى يعنىحسيت انها اختبار ل اللياقة بتاعتى فى التدوين بس ماشاء الله عليا يعنى طالعة فل الحمد لله

مع اطيب تحياتى

**عادل صموئيل** · #**7748** 13/01/2021, 11h05

احبائى

اغنية فيروز

مرق السفر

مع اطيب تحياتى

**elarabi** · #**7749** 13/01/2021, 11h07

استادي الجليل
يمكن هدا الرابط يعمل.مع متمنياتي بوافر الصحة و راحة البال

الرابط شغال بس برضه نفس المشكلة واضح ان اللحن مش مكتوب يعنى الفرقة حافظة بسرعة عموما سيبه لى ححاول بس لما اكون فاضى عشان عندى شغل كتير

https://youtu.be/dbag3bICE5E?list=RDdbag3bICE5E

**qusay.qq** · #**7750** 13/01/2021, 11h41

أستاذنا الفاضل / عادل صموئيل /
الشكر الجزيل على كل التدوينات وعلى وقتك الذي تقدمه لنا
وشكراً على تدوين /شال / للسيدة فيروز ومن فترة كنت متردد في طلب تدوينها واليوم دونتها لنا
ألف شكر...تحياتي