طقطوقة هز الهلال يا سيد ـ الموظفين (كله من دا)

سماعي · #1 25/10/2005, 12h22

لحن الموظفين
.. هز الهلال يا سيد ..
من رواية كله من دا
1918

التسجيل الكامل فى ثلاث دقائق وتسع ثوانى
تم حذف الملف التالف ـ أنس

هز الهلال ياسيد كراماتك لاجل نعيد
يكفي اللي حصل كام يوم ووصل بقى زرع بصل
هديت واهو راق الحال ورجعنا للأشغال
دا الموظف منا مش وش خناق ولاشومه
لما يحمر عينه والا يقوم له قومه
حد الله مابيني وبينك غير حب الوطن ياحكومة
هز الهلال ياسيد كراماتك لاجل نعيد
عشرين يوم راحو علينا إن شا الله ياخدوا عنينا
بس المقصود يبقى لنا وجود والدنيا تعود
ياما شفنا م الستات طلعوا وعملو مظاهرات
والكناسين رخرين راسهم والف مقشة
مايكنسو بس كنسه ولا يرشو رشة
والصنايعية راحم جايبين ضلفة أحسن ورشة
هز الهلال ياسيد كراماتك لاجل نعيد
الغلب اللي شاربينه ياريت العالم شايفينه
دي ماهية ايه الكام جنيه ياخواتي بريه
من خمسة منه تروح وبقيته تقول ابوح
وبسلامتها الست بتاعتي ماتتوصاشي
ولاتولدليش في البطن إلا بالجوزعلى الماشي
وييجي الجزار والخضري والبقال ينعلو ابو خاشي
هز الهلال ياسيد كراماتك لاجل نعيد
مستخدم الايام دي ذمة مفيش أحسن من دي
بليسنسيهات ودبلومات يرطن بلغات
في الشغل ياسيدنا البيه ثمانين مايجيبوا ايديه
مفيش إنا اسفقناكم زي ماانت راسي
ماحتاس حبة بلاليص حطينها فوق الكراسي
بكره المولى يعدلها وفي الدنيا دي عمرك ماتقاسي
هز الهلال ياسيد كراماتك لاجل نعيد

**سميع دار** · #2 26/03/2011, 06h44

زمن الهدوء الجميل

والكلمات السريعه المتواليه الخصبه من ارضنا الطيبه

والتى تمس كل واحد منا فى حياته اليوميه

افادكم الله وشكرا على الكلمات

**sukrat2500** · #3 07/09/2011, 21h27

كل مرة بسمع سيد درويش بسأل نفسى لو كان عاش و أستمر كان وصل بالموسيقى العربية لفين

**عمر سات** · #4 24/10/2011, 20h44

جزيتم خيرا

**نضال الشافعى** · #5 18/12/2011, 13h21

سيد درويش كان مبدع ساب وراه فن بجد

**زكريا حجازى** · #6 17/02/2012, 13h04

الله يجزيكم خير على الحفاظ على موسيقانا الشرقية من الضياع