علي طرف جناحك ياحمام - نجاة الصغيرة

[فؤاد]

أنا مش مستعجل ولا حاجه
أنا هستني ياأستاذ غازي بعدك
أغنية (علي طرف جناحك ياحمام )
للمطربه دافئة الصوت الرومانسيه الحالمه
نجاة الصغيره
كلام الأغنيه بسيط جداً
شوف نجاة لما بتقول
بدعيلك توصل بسلام من قلبي بدعيلك
اللي هو الحمام
وبتقوله كمان
يسلملي جناحك ياحمام ويدوم لينا جميلك
كلو عشان الحبيب والمرسال اللي مبعتلو
تناجي الحمام؟؟
لأ وأيه
وبتقوله
يسلام ياحمام لو جبت الرد معاك وكمان يسلام لو جه وياك
ياحمام ياسلام
ياسلام علي صوت نجاة الدافئ الحنون وياسلام علي

رقة نجاة
ولحن جميل
هنـــــــــــــــــــا الأغنيه
أهداء
الي أخي
كرم شاكر
عاشق الست نجاة

[غازي الضبع]

المشاركة الأصلية كتبت بواسطة فؤاد عبد الحميد

أنا مش مستعجل ولا حاجه
أنا هستني ياأستاذ غازي بعدك

ههههههههههههه
لا يا عم ولا يهمك
إحنا واحد يا باشا
تحياتي ومحبتي

[كرم شاكر]

كانت من اوائل الاغانى اللى سمعتها لنجاة
كان من حوالى سنتين تلاتة
واصلا انا عمرى 23 سنة بس !!
صغير ..صح ؟!!
....
المهم الاغنية
واحدة من الاغانى اللى لحنها عز الدين حسنى
لشقيقته نجاة والاغنية من كلمات واحد اسمه
البحطيطى
ومن الاغانى اللى لحنها عز الدين حسنى لنجاة ايضا
اغنية حقك عليا وهى ايضا من كلمات البحطيطى

وهناك ايضا القصيدة الجميلة ( انا مازلت اهواه ) وعلى ما اعتقد انها من كلمات
على مهدى
وهناك اغنية اخيرة وهى ( فى يوم واحد ) وهى من كلمات عبد الوهاب
محمد
وعلى ما اعتقد هناك اغانى دينية لحنها عز لنجاة

واخيرا شكرا لاستاذ فؤاد على الاهداء
وشكرا كمان على لخبطة
صورة نجاة فى الموضوع اياه !!
......

[فؤاد]

المشاركة الأصلية كتبت بواسطة كرم شاكر

كانت من اوائل الاغانى اللى سمعتها لنجاة

كان من حوالى سنتين تلاتة
واصلا انا عمرى 23 سنة بس !!
صغير ..صح ؟!!
....
واخيرا شكرا لاستاذ فؤاد على الاهداء
وشكرا كمان على لخبطة
صورة نجاة فى الموضوع اياه !!
......

أه من ناحية صغير أه صغير أوي
وموضوع صورة الست نجاة اللي اتلخبطط فدي كانت مزحه مني حيث كان الموضوع في شوية ضحك
وشكراً أستاذ أكرم عاشق الست نجاة علي المعلومات القيمة التي أدليت بها

[الألآتى]

بسم الله نبدأ فى تحليل أغنية ( على طرف جناحك ياحمام )

كلمات : محمد البحطيطى

ألحان : عز الدين حسنى

غناء : نجاة

يبدأ الأغنية بمقدمة موسيقية جميلة ورشيقة .. من مقام الراست ..

المقدمة الموسيقة يشترك فيها الماندولين مع الوتريات فى حوار موسيقى جميل

تغنى نجاة ( على طرف جناحك ياحمام ) من الراست أيضاً ومع إيقاع المقسم .. رباعى الميزان

ويردد الكورس نفس المذهب .. لتغنى بعده نجاة ( بادعيلك توصل بسلام ) من الراست

نلاحظ هنا أن الملحن لم يخرج عن الراست .. ولا حتى على سبيل الحلية أو الزخرفة اللحنية ..

لازمة موسيقية جديدة .. ومن مقام الكرد .. المقام الرشيق المتحرر

ونسمع عزف منفرد ( صولو ) من الكمان .. فى غاية الروعة .

وتغنى نجاة من الكرد أيضاً .. ( الليل أسهر أعد نجومه ) ..

وينتقل الملحن للصبا عند ( والتنهيدة تساوى ليالى .. ولا بيغيب الشوق عن بالى )

ويعود للراست مرة أخرى عند ( قلبى إشتاق له .. وبيندهله ) لينهى الكوبليه

لازمة موسيقة مستمدة من موسيقى المقدمة ..

ونسمع نجاة وهى تغنى ( ياسلام ياحمام .. لو جبت الرد معاك ) من النهاوند ..

وتعود للراست عند ( ويشوف قلبى نهاية صبره .. ويعيش أحلى ثوانى فى عمره )

وتعود لبداية الأغنية ( وأحلف له يمين بعنيا الإتنين )

أرجو أن أكون وُفقت فى هذا التحليل المتواضع

[فؤاد]

الأستاذ / الألآتي

تحيه طيبه لك ولجميع أسرتك ورمضان كريم

كل عام وأنت طيب

شكراً علي تحليلك للأغنيه ، وبعدين ألأغنيه تلحين شقيق نجاة ؟؟؟!!! والله الأنسان ده فنان بجد وياتري ليه لم يتواصل هو والتلحين الراجل عبقري في تلحينه

الف شكر ليك يا أستاذ

أغنية جميلة وخفيفة ومعبرة شدت فيها ببراعة الصوت الحنون وأعطت الإحساس الجميل الملئ بالأشواق دون مبالغة أو تكلف واللحن أضفى عليه جمال فاعطى الاحساس الرقيق العاطفي الجميل وكانت الأنغام متماشية مع الكلمات فصنعت مزيجا جميلا مع الآداء الطبيعي الحنون فجاء معبرا عن الشوق والاشتياق والتلاعب بالوتريات وعزف صولوا الكمان لم يكن عشوائيا بل أعطى الإحساس الجميل لما هو هو قادم من كلام.......... كلام جميل لحن رائع وآداء مناسب
شكرا لك يا ابو حسام على التحليل الجميل وشكرا لاختيارك يا فؤاد ... بس بعدت لنت ها المرة عن صوت الكروان

[عفاف سليمان]

اخى الكريم فؤاد
انت جبت اغنيه عزيزه قوى على قلبى
ومن كتر معزتها كنت اتفقت يوما مع عم محمد الالاتى
انى راح اغنيها وكان هيساعدنى فى ذلك
لكن تم غلق قسم المبدعون

يعنى جت من عند ربنا لكن انا اعشق هذه الاغنيه فلها ذكريات طيبه فى نفسى
وكلماتها ولحنها والصوت اجمل مما اتصور
فهى غايه فى الروعه والجمال
اختيار جميل وموفق واتمنى ان يستمتعوا بها كل من يسمعها
تحياتى لكم بارق واطيب الاوقات
اختكم عفاف