أشعار الملا عبود الکرخي

**ftahwaz** · #1 10/02/2011, 15h54

::: بسم الله الرحمن الرحيم :::

أحبابي الکرام في المنتدي الراقي سماعي في البداية أقدّم لکم قصيدة المجرشة التي حصلت عليها مکتوبة باليد فقرأتها بصعوبة و ها أقدّمها لکم . ( أعلم أن هذا المکان لا يناسب لهذا الموضوع، لکن أري مکانه خالياً ، فأرجو المعذرة و أتمني أن لا يحذفه طاقم الإشراف الکريم فتعبت عليه کثيراً )

المجرشة
للأستاذ ملّا عبود الکرخي

( و يقال أنّ هذا الشعر منسوب لشاعر آخر لا أذکر اسمه و إن شاء الله سأکتب اسمه لکم )

ذبّيت روحي علي الجرش و ادري الجرش ياذيها
ساعة و اکسر المجرشة و العن ابو راعيها
+++
ساعة و اکسر المجرشة و العن ابو السوّاها
اشچم سفينة البالبحر يمشي بعکسها اهواها
ايصير اظلّن يا خلگ متجابلة آنا وياها
کل ما يگيّرها النذل آني بحيلي ابريها
+++
ساعة و اکسر المجرشة بحرگة و اشدّ احزامي
و ارکض ورا الذبها الوکت و انشد علي جسّامي
يغرف ابچمچة لأم عطب و آني الگطب جدّامي
عشره يشارکها ابرحل وحده بمطي يخلّيها
+++
ساعة و اکسر المجرشة و العن ابو استادي لعن
و انصب چواين بالعرب و البس انا اثياب الحزن
دنياک عشرة اتلابست ويّا النذل دبس و دهن
و المثلي و امثالي غدت کاس الصبر تسگيها
+++
ساعة و اکسر المجرشة و اگصد ابو الحملة علي
و اطلب امرادي و انتحب بلچي همومي تنجلي
نار البگلبي اسعرت يا اهل المروّة و تصطلي
ما شفت واحد ينتخي امن اهل الرحم يطفيها
+++
ساعة و اکسر المجرشة و انحر علي طرّة عفچ
بالشط لاذب روحي قصد و اصير مرتع للسمچ
ناصب شرک دهري الي و جزوة و نتّالة و شبچ
من صرت هالابن الزنا لرويحتي معابيها
+++
ساعة و اکسر المجرشة و اسکن ابحيّ المگبرة
اگليبي اليحزن و استچن وحدي و لا عيني تره
او لا من اظلّ ابها القهر و معذّبة و اممرمرة
اگرب لي خطوة لو متت اکرص و انامن بيها
+++
ساعة و اکسر المجرشة و انحر علي افجوج الخله
روحي يهالوادم صفت من کثر همّي امخلخلة
بالفاينة حظّي غرز عندي الميشوم انخله
رابض علي راسي الجذع او بچبيدتي اسلّيها
+++
ساعة و اکسر المجرشة و العن ابو اليجرش بعد
حظّي يهالودّي نزل و الجايفة حظها صعد
سلّمت امري و اسکتت للّي وعدني ابهالوعد
نصبر علي الدنيا غصب للّحد و نباريها
+++
ساعة و اکسر المجرشة و انشد علي امّ البخت
دنياک من قال او بلي يا صاح للشين انتخت
للابتر الاجدع جحش حطّوا علي ظهره الرخت
و المعنگيّة ابهالزمن حطّوا اجلال اعليها
+++
ساعة و اکسر المجرشة و انسف علي راسي نسف
تربان و استادي البعر انتف شعر ذقنه نتف
ويّا المخرّم يا دهر اصبحت متعاضد حلف
تفحم دعاوي ابن المجد و لدعوته اتلبّيها
+++
ساعة و اکسر المجرشة و اضرب علي صدري بصخر
و ابچي و ابچّي المعدنة و اعتب علي فعل الدهر
بلچي اموت و لا اشوف اتچيدني بنت البعر
کلّ المنافع دهرنا لاهل الغدر يرويها
+++
ساعة و اکسر المجرشة و من حيلي ابداً ما اضم
ليلي و نهاري يا عرب الطم علي اخدودي لطم
الناس بالکيف و صفا و آني بهضيمة و السگم
لحّد يا ابو الشارة علي زوج البتول اگضيها
+++
ساعة و اکسر المجرشة و العن ابو الراعي الشلب
و آني اتمّ اممرمرة يا رويحتي شنهو الذنب
اشچم گطاية البالفلا من جوعها ترعي العشب
و دجاجة العميا الدهر تمّن لگط ينطيها
+++
ساعة و اکسر المجرشة و انحر علي اشيوخ الچفل
و اشچي علي امّي جزم چي بلّشتني ابهالرجل
شايب عدم ادرد عبد اسود تفس ارگش عجل
دوّار عنّين الهرم عينه الذگن غاشيها
+++
ساعة و اکسر المجرشة و انحر علي اسلاف اسلبة
من درد شيبان الهرم بلحيته تختل عگربة
من وجهه يتفصّل مدس و الخشم چنّه منصبة
النوح النبي بسفينته سکّان لازم بيها
+++
ساعة و اکسر المجرشة و اشغر انا السابع سمه
و ادعي علي الچان السبب امّي و ابويَ بالعمه
ام گشرة و ام بوز الچلب چي يرضي ربّي امنعّمة
گعّدها باعلي مرتبة و چوخ وزري يچسيها

( أعتقد أن الصحيح هو "جوخ" و ليس "چوخ" ؛ و الجوخ قماش ثمين جداً . دليل علي کلامي هو أننا في الأهواز و في جنوب العراق حيث نبدل الجيم بالياء ، نسمي هذا القماس بالـ " يوخ " و جاء في عتابة قديمة :
هلي ما غدّوا الغدّ بغداهم
و لا مطرودهم منهم غداهم
هلي باليوخ وگّادة غداهم
غدوا ريت الانذال الهم فدا )

+++
ساعة و اکسر المجرشة و زيگي اشگّه للچعب
و انخي بعمامي اللي مضوا وايل و قحطان و کعب
عند ابو گليگل اصبحت بنت العشيرة و العرب
بالعکس بنت الکاولي شيخ اخذت ايداريها
+++
ساعة و اکسر المجرشة و العن ابو راعي الجرش
گعدت يا دادة امّ البخت خلخالها يدوي و يدش
و آني استادي لو زعل يمعش شعر راسي معش
هم هاي دنيا و تنگضي و احساب اکو تاليها
+++
ساعة و اکسر المجرشة بسنوني و امشي پيادة
الباب الحوايج حافية و اشچي له حالي گصادة
و انذر نذر کل ثروتي للگيّم و للسادة
بلچي يفک سجني عجل و لدعوتي ايلبّيها
+++
ساعة و اکسر المجرشة و اسکن مع اسلاف البدو
اسرح و لا اجرش شلب و يشوفني بعينه العدو
يا اهل المجارش و الشلب گوموا علي حظّي انشدوا
ويّاي ايگلّولي الخلگ بسيانة طامس بيها
+++
ساعة و اکسر المجرشة و اضرب علي امتوني ضرب
و العن بو المگير و زفت و المجرشة و يدّة و گطب
استادي اعلي راسي النذل کل ساعة لنّه منتصب
و يگول هذي عبدتي امن السوگ انا شاريها
+++
ساعة و اکسر المجرشة و اشتم اهل کل هالوشر
بقران اجرش ساهرة امن المغرب لوجه الفجر
بالبدلة تسحل و الحبر و التيللي بنت الزفر
شرحة مگرفعة امرعبلة و ملبوسها امحلّيها
+++
ساعة و اکسر المجرشة و اشعل ابو استادي شعل
يزمخ عليّ ابن السچن لو لا شويّة ردت ازل
اتوخّرت بنت العلا و اتجدّمت بنت النذل
طابوگ نايم يا ليلي گام الشگنّگ بيها
+++
ساعة و اکسر المجرشة و لا اشوف بنت البرذعة
همّي يهالوادم کلف فيل و سبع ما يجرعه
بنت الاسافل بربعت طاحت ابخير و معمعة
و بنت الاماجد دهرها بالملعنة ايکاويها
+++
ساعة و اکسر المجرشة و اشتم عمامي و کل هلي
و الساکن ابگاع الخرم و انحر علي اهل الشوملي
طول العمر احصد و الم مکسور وسفة منجلي
ينخش ابذرعاني السفه ابخبز الدخن اگضيها
+++
ساعة و اکسر المجرشة کلّه علي اعناد الرجل
و اطوي الفيافي ماشية ابرجلي شبه طيّ السجل
همّي يهالوادم ثگل ما ينحره حيد الزمل
محور ابگلبي يا عرب و الچبدتي چاويها
+++
ساعة و اکسر المجرشة و البس اهدوم المودة
و الشگرا عگبت لي ورا و صار السبگ للسوده
لا شاة عندي بهالسنة و لا خايفة امن الکودة
و لا عندي للسخرة حمارة و لا احد يکريها
+++
ساعة و اکسر المجرشة و البس الشفغة براسي
و اسکارپيلي الاکچلي و اشگّگک يا مداسي
و البس مثل وحدة افرنجيّة و اذبّ الباسي
ذيچ التکشّف راسها و الطالعات ايديها
+++
ساعة و اکسر المجرشة بحرگة و اعيط ابعيطة
و من راسي انزع فوطتي و البس انا البرنيطة
دنياک خربطها الوکت صارت يول خربيطة
الگرعا صفت و امّ الشعر خلّاقک امساويها
+++
ساعة و اکسر المجرشة و انشد علي امّ البخت
دنياک الي امّ الگمل و الشرحا و الگرعا صفت
هالمال ابو زريبة انعجي بالذيب تفرس اصبحت
و البومة تطرد بالصگر و الزاغ و افخاتيها
+++
ساعة و اکسر المجرشة و انهج علي المنّاوي
ايدي انبرت من هالعمل و الجسم منّي خاوي
هالمال ابو ضريج الدجاجة اليوم تطرد واوي
و المال ابو سوار الچلب بطن النمر يفريها
+++
ساعة و اکسر المجرشة و البس الباس التنتنة
چي فوگ درد الله ، النذل استادي ضربني ابميجنة
بالهيما عطشان الاسد و الهوش معتاش ابهنا
هالمال ابو هدلان للدجلة شرب صافيها
+++
ساعة و اکسر المجرشة و العن ابو کل من جرش
بالشلب اجرش للفجر و اقبض افلوس من دبش
ماخذ الون مال البلابوش ابو الطگعات الجحش
و المعنگيّة بالپليس اتعرگلت رجليها
+++
ساعة و اکسر المجرشة و اصعد علي الطور الجبل
سينا و اناجي مثل ما ناجاه موسي و انذهل
و اشچي له همّي و سوء حظّي جرحي خزّن و الامل
باللي جرحها الچبدتي لا بدّ ان ايداويها
+++
ساعة و اکسر المجرشة و اخطب خطب رثّانة
بلکي استادي يتّعظ و يکف عنّي السانه
تموت الافاعي من سموم العگربة و ذبّانة
ازغيرة حقيرة فجأة هامة اسد تدميها
+++
ساعة و اکسر المجرشة و العن ابو استادي او هله
ايراعي الکيفة الماطلة و النادرة تطرح گلة
الثنيل ابو رطبة الشينة ابهالزمان امدلّلة
و آني الجميلة النادرة بيضة ابحلگي اشويها
+++
ساعة و اکسر المجرشة و انحر علي النمسا و مجر
و اهناک انکر تبّع و قحطان و الطائي و مضر
ترضي يالمسيّر سفينة نوح يا ربّ البشر
عبيّان ابوها اکحيلة و احصان الجرد يشبيها
+++
ساعة و اکسر المجرشة و باستادي لاسوّي العجب
الذنب راس اصبح اسف و الراس اصبح بالذنب
نصبر علي الحصرم غصب لا بد و ان ناکل عنب
ما يصير دوم امغيّمة هم ربّک ايصحّيها
+++
ساعة و اکسر المجرشة و اهتک حياي و الستر
و اصخم استادي ابشحم و الفحم بصخام الجدر
حافظ درس دهري بلئامة و ملعنة و کذب و غدر
الّا العفّة و العفو اعمي الگلب ناسيها
+++
ساعة و اکسر المجرشة و امشي علي اشيوخ النجف
نمر الاشرسي کاسد و نافگ الخرنوب و حشف
لا تعتقد آني علي الدنيا و ان ابدي الاسف
لکن علي حادي الابل غير الّذي حاديها
+++
ساعة و اکسر المجرشة و اکسر انا الرگّيّة
و حبها اطشره بالفلک عن قصد سوء و نيّة
مثل الّذي يداري الماي و شايله بصينيّة
و البنت ابو گريوة دهرنا اصبح ايداريها
+++
ساعة و اکسر المجرشة و الحيته اهلّسها هلس
استادي هالشين الطبع من وجهه يتفصّل مدس
لو يحکموني بالصلب لو يمطروني بالحبس
ما اجوز انا من دعوتي لو لشّتي اغنيها
+++
ساعة و اکسر المجرشة و انحر علي اسلاف اعنزة
و اجمع نساوين البدو و انصب علي حظّي عزه
بنت الّذي برگص اشواذي امکرّمة و امعزّزة
و بنت الاماجد دهرها لا بدّ ان ايکاويها
+++
ساعة و اکسر المجرشة و اخلص من الشدّة و جفه
و العن ابو استادي النغل هالغيرة سز و بدوفه
آني شغلتي الدهر عطّلها و غداها معکرفة
و شغلة البومة اهنم لها و طيّ السجل يطويها
+++
ساعة و اکسر المجرشة و اتبع ملاليح السفن
هاليگطعون الابحر و اسکن انا باقصي المدن
تضرب اللاونطة و دزگن بنت ابن مشوي الاذن
و تفرّک العبدة و عبد گبل الفجر رجليها
+++
ساعة و اکسر المجرشة يا ناس لا تلوموني
البطّيخ ابو کحلا کد سامرلي و افريدوني
و الشجر نافگ هالوکت ريتچ رمد بعيوني
شوفي الدهر امسي حراميها الها حاميها
+++
ساعة و اکسر المجرشة و اخلص من الضيم او قهر
و اضرب البيدا ابليلتي و العن ابو فعل الدهر
عيني تشوف اشعيط و معيط اصبح و حمزة الطبر
و احنيش و افتيش و جرو مترين صاروا بيها
+++
ساعة و اکسر المجرشة و العن ابو هالعيشة
گلبي يهالودّي انکسر امن القهر کسر الشيشة
امن العذبة ذابحني استادي الادب سز ابريشه
سگّمني الملعون الاهل لرويحتي ياذيها
+++
ساعة و اکسر المجرشة و انحر علي الهنديّة
السيف اعمي ابهالمصر و التجرح البرديّة
بنت الحمولة اممرمرة و مترفّهة العاديّة
يحگ لي ادگّن و انتحب و عوينتي اعميها
+++
ساعة و اکسر المجرشة و العن ابو استادي الهبش
لحيته شبه مر چشمچي و شواربه ذيول الکدش
منّ احچي ويّاه ابرفق يکشخ عليّ و ينتفش
باوزعه هالابن الجحش لرويحتي سابيها
+++
ساعة و اکسر المجرشة و انحر علي عنّانة
و ارجع علي هيت و حديثة و اهلي راوة او عانة
ام راس المفلفل حجل و الفتخة و الگردانة
لبست و انا اگشور الشلب لگذيلتي طاميها
+++
ساعة و اکسر المجرشة و انحر علي البو محمّد
ابحيّ العمارة اهناک اصخّم گصّتي و اترمّد
و اشچي علي استادي الابن مشوي الجهامة الادرد
ايعاکس کل وکت شغلتي و کل وکت للخاملة ايماشيها
+++
ساعة و اکسر المجرشة و اگطع من الدنيا الامل
للجرش ما ارجع بعد الّا بابرة يخش جمل
کل يوم ناصب لي عزا استادي النغل مال الثول
عقلي انذهل جسمي نحل روحي السگم لافيها
+++
ساعة و اکسر المجرشة و اصعد ابرجلي للفلک
و اوصل الي سابع سما و بيدي الزمه للملک
من يوم امص جمعي الدهر لاحگ علي عمري و کلک
يعتبر عليّ کل وکت للملعنة يجريها
+++
ساعة و اکسر المجرشة و اشعل ابو اللاموني
و اعتب علي اهلي و عمامي المن زغر عافوني
اهل المجارش يا عرب مرد اللبن مردوني
دهري ما يصفي او لا صفي نفسي ابسگم سابيها
+++
ساعة و اکسر المجرشة و انحر علي اهل الصيرة
و انشد علي اشيوخ العرب اهل الشيم و الغيرة
يرضي الهي بالرفاه العبدة ام خنفيرة
تخدمها حرّة و کل وکت کاس الصبر نسگيها
+++
ساعة و اکسر المجرشة و اخرّبه من کورة
للغزل قصدا همّتي عند النذل منکورة
حظّ المسعدة يا خلگ مثل الذهب من کورة
طالع ، و حظّ الخايبة کل منعنة يراويها
+++
ساعة و اکسر المجرشة و العن ابو الگيّرها
و احرگ ابو کل من ابمنشاره و فاسه انجرها
بعناد هالظالم استادي رويحتي مرمرها
للکفر يا اهل الرحم ابن الزنا ايقرّيها
+++
ساعة و اکسر المجرشة و العن ابو اليگطع مهر
طفلة علي شايب هرم يفطن علي حفر البحر
وصلة سختيانة الوجه و اللحية تشبه للأبر
الله ما يقبل هالبشع لرويحتي سابيها
+++
ساعة و اکسر المجرشة و انحر علي الکرّادي
و الشطرة و القلعة سکر و اخل انا من استادي
بالفواته عذّب مهجتي الظالم و فت افادي
عذّبني بالسبّ و شتم لمرارتي چاويها
+++
ساعة و اکسر المجرشة و انحر علي زاغنيّة
و هبهب و الهويدر و شفتة و بهرز و برگنيّة
لو اذب روحي اببير عميا و الخلص من الدنيّة
تهت و سبت ذبت او متت يا ربّي ما تگضيها
+++
ساعة و اکسر المجرشة و ارکب انا الطيّارة
للفيصليّة و ابو اصخير او عگر و الجعّارة
و ارجع علي اسلاف السعيد ابعفچ و الدغّارة
و اعبيد و العزّة و شمّر و اعتري انخيها
+++
ساعة و اکسر المجرشة و انحر علي بعگوبة
و لا يلعب ابعگلي استادي مثل لعب الطوبة
احلف يمين ابعلي الشرجي التوبة من هالنوبة
ان چان الزم مجرشة بيدي و اجرش بيها
+++
ساعة و اکسر المجرشة و اسکن بأرض الحيرة
اوفق و لا طول العمر ابقي بقهر و الحيرة
حظّي لزگ بيّ مثل ما بالبياض الگيرة
تلزگ و صرنا غصب لام وجه الردي نماشيها
+++
ساعة و اکسر المجرشة و انحر علي السامرّه
کسدت الحلوة ابهالزمن صارت الوکت للمرّة
الفحّام يرضي خالقي شايل ابإيده الدرّة
عالداعية هذا المثل صح يا عمامي بيها
+++
ساعة و اکسر المجرشة و انحر علي الفلّوجة
العدلة النحيفة کاسدة صار الوکت للعوجه
ام وجعة المعقّچ الغبرة طاغية او مطعوجة
بالدگل تذرع شامخة و احسن رجل حاويها
+++
ساعة و اکسر المجرشة و اسکن ابحيّ الحلّة
معدن الشعر و العلم و الحلم و ازيح العلّة
استادي المضعوف البخت ظالم و ادني زلّة
يلخمني لخمة علي حليگي و شفّتي يدميها
+++
ساعة و اکسر المجرشة و انحر علي صنعا اليمن
اطوي الفيافي ماشية يا خلّتي و اترک وطن
جوخ اللوي کاسد و محّد يشتريه امّا الچبن
نافگ و اسفلها غدي ابهذا الزمن عاليها
+++
ساعة و اکسر المجرشة و العن ابو رجلي الهرم
لحيته شبه حزمة کبر و کلنگ آهين الخشم
شفته شبه شفّة بغل امهدولة احدب و الجسم
بالي و عرعرّة برگبته امن الکبر لاويها
+++
ساعة و اکسر المجرشة اتکسّر و امشي بليلة
البغداد للشاعر الکرخي اعتني و احچي له
عنّ التعب و السهر و الجوع او عطش اشچي له
يکتبها بالکرخ الجريدة او للملک يحچيها

++++++++++++++++++++++++++++++++++

أتمني أن تنال إعجابکم و إن رأيتم فيها خطأ لأکون شاکراً لکم إذا أخبرتموني به

**رشيد القـندرجي** · #2 10/02/2011, 18h45

سلمت يداك استاذنا الفاضل فتى الأهواز على هذه الملحمة الرائعة
و الرباعية الخالدة والتي اظن والله اعلم أنني لم اسمع أسم شاعر غير ملّا عبود الکرخي منسبه له هذه الاسطورة الخالدة والتي لم اقرأها بالكامل قبل هذا اللحظة فقط مقاطع مبعثرة هنا وهناك مغنات أو عتابات واسمح لي ان أنقح الخط قليلا وان أكبر حجم الفونت ليتمكن الجميع قراءتها ولو كانت موجودة عنك مقرؤة كملف صوتي
فلا تتردد في رفعها جزاك الله عنا الف خير ليتم تنقيحها من الاخطاء

المجرشة
للأستاذ ملّا عبود الکرخي

ذبّيت روحي علي الجرش و ادري الجرش ياذيها
ساعة و اکسر المجرشة و العن ابو راعيها

ساعة و اکسر المجرشة و العن ابو السوّاها
اشچم سفينة البالبحر يمشي بعکسها اهواها
ايصير اظلّن يا خلگ متجابلة آنا وياها
کل ما يگيّرها النذل آني بحيلي ابريها

ساعة و اکسر المجرشة بحرگة و اشدّ احزامي
و ارکض ورا الذبها الوکت و انشد علي جسّامي
يغرف ابچمچة لأم عطب و آني الگطب جدّامي
عشره يشارکها ابرحل وحده بمطي يخلّيها

ساعة و اکسر المجرشة و العن ابو استادي لعن
و انصب چواين بالعرب و البس انا اثياب الحزن
دنياک عشرة اتلابست ويّا النذل دبس و دهن
و المثلي و امثالي غدت کاس الصبر تسگيها

ساعة و اکسر المجرشة و اگصد ابو الحملة علي
و اطلب امرادي و انتحب بلچي همومي تنجلي
نار البگلبي اسعرت يا اهل المروّة و تصطلي
ما شفت واحد ينتخي امن اهل الرحم يطفيها

ساعة و اکسر المجرشة و انحر علي طرّة عفچ
بالشط لاذب روحي قصد و اصير مرتع للسمچ
ناصب شرک دهري الي و جزوة و نتّالة و شبچ
من صرت هالابن الزنا لرويحتي معابيها

ساعة و اکسر المجرشة و اسکن ابحيّ المگبرة
اگليبي اليحزن و استچن وحدي و لا عيني تره
او لا من اظلّ ابها القهر و معذّبة و اممرمرة
اگرب لي خطوة لو متت اکرص و انامن بيها

ساعة و اکسر المجرشة و انحر علي افجوج الخله
روحي يهالوادم صفت من کثر همّي امخلخلة
بالفاينة حظّي غرز عندي الميشوم انخله
رابض علي راسي الجذع او بچبيدتي اسلّيها

ساعة و اکسر المجرشة و العن ابو اليجرش بعد
حظّي يهالودّي نزل و الجايفة حظها صعد
سلّمت امري و اسکتت للّي وعدني ابهالوعد
نصبر علي الدنيا غصب للّحد و نباريها

ساعة و اکسر المجرشة و انشد علي امّ البخت
دنياک من قال او بلي يا صاح للشين انتخت
للابتر الاجدع جحش حطّوا علي ظهره الرخت
و المعنگيّة ابهالزمن حطّوا اجلال اعليها

ساعة و اکسر المجرشة و انسف علي راسي نسف
تربان و استادي البعر انتف شعر ذقنه نتف
ويّا المخرّم يا دهر اصبحت متعاضد حلف
تفحم دعاوي ابن المجد و لدعوته اتلبّيها

ساعة و اکسر المجرشة و اضرب علي صدري بصخر
و ابچي و ابچّي المعدنة و اعتب علي فعل الدهر
بلچي اموت و لا اشوف اتچيدني بنت البعر
کلّ المنافع دهرنا لاهل الغدر يرويها

ساعة و اکسر المجرشة و من حيلي ابداً ما اضم
ليلي و نهاري يا عرب الطم علي اخدودي لطم
الناس بالکيف و صفا و آني بهضيمة و السگم
لحّد يا ابو الشارة علي زوج البتول اگضيها

ساعة و اکسر المجرشة و العن ابو الراعي الشلب
و آني اتمّ اممرمرة يا رويحتي شنهو الذنب
اشچم گطاية البالفلا من جوعها ترعي العشب
و دجاجة العميا الدهر تمّن لگط ينطيها

ساعة و اکسر المجرشة و انحر علي اشيوخ الچفل
و اشچي علي امّي جزم چي بلّشتني ابهالرجل
شايب عدم ادرد عبد اسود تفس ارگش عجل
دوّار عنّين الهرم عينه الذگن غاشيها

ساعة و اکسر المجرشة و انحر علي اسلاف اسلبة
من درد شيبان الهرم بلحيته تختل عگربة
من وجهه يتفصّل مدس و الخشم چنّه منصبة
النوح النبي بسفينته سکّان لازم بيها

ساعة و اکسر المجرشة و اشغر انا السابع سمه
و ادعي علي الچان السبب امّي و ابويَ بالعمه
ام گشرة و ام بوز الچلب چي يرضي ربّي امنعّمة
گعّدها باعلي مرتبة و چوخ وزري يچسيها

أعتقد أن الصحيح هو "جوخ" و ليس "چوخ" ؛ و الجوخ قماش ثمين جداً . دليل علي کلامي هو أننا في الأهواز و في جنوب العراق حيث نبدل الجيم بالياء ، نسمي هذا القماس بالـ " يوخ " و جاء في عتابة قديمة :

هلي ما غدّوا الغدّ بغداهم
و لا مطرودهم منهم غداهم
هلي باليوخ وگّادة غداهم
غدوا ريت الانذال الهم فدا

ساعة و اکسر المجرشة و زيگي اشگّه للچعب
و انخي بعمامي اللي مضوا وايل و قحطان و کعب
عند ابو گليگل اصبحت بنت العشيرة و العرب
بالعکس بنت الکاولي شيخ اخذت ايداريها

ساعة و اکسر المجرشة و العن ابو راعي الجرش
گعدت يا دادة امّ البخت خلخالها يدوي و يدش
و آني استادي لو زعل يمعش شعر راسي معش
هم هاي دنيا و تنگضي و احساب اکو تاليها

ساعة و اکسر المجرشة بسنوني و امشي پيادة
الباب الحوايج حافية و اشچي له حالي گصادة
و انذر نذر کل ثروتي للگيّم و للسادة
بلچي يفک سجني عجل و لدعوتي ايلبّيها

ساعة و اکسر المجرشة و اسکن مع اسلاف البدو
اسرح و لا اجرش شلب و يشوفني بعينه العدو
يا اهل المجارش و الشلب گوموا علي حظّي انشدوا
ويّاي ايگلّولي الخلگ بسيانة طامس بيها

ساعة و اکسر المجرشة و اضرب علي امتوني ضرب
و العن بو المگير و زفت و المجرشة و يدّة و گطب
استادي اعلي راسي النذل کل ساعة لنّه منتصب
و يگول هذي عبدتي امن السوگ انا شاريها

ساعة و اکسر المجرشة و اشتم اهل کل هالوشر
بقران اجرش ساهرة امن المغرب لوجه الفجر
بالبدلة تسحل و الحبر و التيللي بنت الزفر
شرحة مگرفعة امرعبلة و ملبوسها امحلّيها

ساعة و اکسر المجرشة و اشعل ابو استادي شعل
يزمخ عليّ ابن السچن لو لا شويّة ردت ازل
اتوخّرت بنت العلا و اتجدّمت بنت النذل
طابوگ نايم يا ليلي گام الشگنّگ بيها

ساعة و اکسر المجرشة و لا اشوف بنت البرذعة
همّي يهالوادم کلف فيل و سبع ما يجرعه
بنت الاسفال بربعت طاحت ابخير و معمعة
و بنت الاماجد دهرها بالملعنة ايکاويها

ساعة و اکسر المجرشة و اشتم عمامي و کل هلي
و الساکن ابگاع الخرم و انحر علي اهل الشوملي
طول العمر احصد و الم مکسور وسفة منجلي
ينخش ابذرعاني السفه ابخبز الدخن اگضيها

ساعة و اکسر المجرشة کلّه علي اعناد الرجل
و اطوي الفيافي ماشية ابرجلي شبه طيّ السجل
همّي يهالوادم ثگل ما ينحره حيد الزمل
محور ابگلبي يا عرب و الچبدتي چاويها

ساعة و اکسر المجرشة و البس اهدوم المودة
و الشگرا عگبت لي ورا و صار السبگ للسوده
لا شاة عندي بهالسنة و لا خايفة امن الکودة
و لا عندي للسخرة حمارة و لا احد يکريها

ساعة و اکسر المجرشة و البس الشفغة براسي
و اسکارپيلي الاکچلي و اشگّگک يا مداسي
و البس مثل وحدة افرنجيّة و اذبّ الباسي
ذيچ التکشّف راسها و الطالعات ايديها

ساعة و اکسر المجرشة بحرگة و اعيط ابعيطة
و من راسي انزع فوطتي و البس انا البرنيطة
دنياک خربطها الوکت صارت يول خربيطة
الگرعا صفت و امّ الشعر خلّاقک امساويها

ساعة و اکسر المجرشة و انشد علي امّ البخت
دنياک الي امّ الگمل و الشرحا و الگرعا صفت
هالمال ابو زريبة انعجي بالذيب تفرس اصبحت
و البومة تطرد بالصگر و الزاغ و افخاتيها

ساعة و اکسر المجرشة و انهج علي المنّاوي
ايدي انبرت من هالعمل و الجسم منّي خاوي
هالمال ابو ضريج الدجاجة اليوم تطرد واوي
و المال ابو سوار الچلب بطن النمر يفريها

ساعة و اکسر المجرشة و البس الباس التنتنة
چي فوگ درد الله ، النذل استادي ضربني ابميجنة
بالهيما عطشان الاسد و الهوش معتاش ابهنا
هالمال ابو هدلان للدجلة شرب صافيها

ساعة و اکسر المجرشة و العن ابو کل من جرش
بالشلب اجرش للفجر و اقبض افلوس من دبش
ماخذ الون مال البلابوش ابو الطگعات الجحش
و المعنگيّة بالپليس اتعرگلت رجليها

ساعة و اکسر المجرشة و اصعد علي الطور الجبل
سينا و اناجي مثل ما ناجاه موسي و انذهل
و اشچي له همّي و سوء حظّي جرحي خزّن و الامل
باللي جرحها الچبدتي لا بدّ ان ايداويها

ساعة و اکسر المجرشة و اخطب خطب رثّانة
بلکي استادي يتّعظ و يکف عنّي السانه
تموت الافاعي من سموم العگربة و ذبّانة
ازغيرة حقيرة فجأة هامة اسد تدميها

ساعة و اکسر المجرشة و العن ابو استادي او هله
ايراعي الکيفة الماطلة و النادرة تطرح گلة
الثنيل ابو رطبة الشينة ابهالزمان امدلّلة
و آني الجميلة النادرة بيضة ابحلگي اشويها

ساعة و اکسر المجرشة و انحر علي النمسا و مجر
و اهناک انکر تبّع و قحطان و الطائي و مضر
ترضي يالمسيّر سفينة نوح يا ربّ البشر
عبيّان ابوها اکحيلة و احصان الجرد يشبيها

ساعة و اکسر المجرشة و باستادي لاسوّي العجب
الذنب راس اصبح اسف و الراس اصبح بالذنب
نصبر علي الحصرم غصب لا بد و ان ناکل عنب
ما يصير دوم امغيّمة هم ربّک ايصحّيها

ساعة و اکسر المجرشة و اهتک حياي و الستر
و اصخم استادي ابشحم و الفحم بصخام الجدر
حافظ درس دهري بلئامة و ملعنة و کذب و غدر
الّا العفّة و العفو اعمي الگلب ناسيها

ساعة و اکسر المجرشة و امشي علي اشيوخ النجف
نمر الاشرسي کاسد و نافگ الخرنوب و حشف
لا تعتقد آني علي الدنيا و ان ابدي الاسف
لکن علي حادي الابل غير الّذي حاديها

ساعة و اکسر المجرشة و اکسر انا الرگّيّة
و حبها اطشره بالفلک عن قصد سوء و نيّة
مثل الّذي يداري الماي و شايله بصينيّة
و البنت ابو گريوة دهرنا اصبح ايداريها

ساعة و اکسر المجرشة و الحيته اهلّسها هلس
استادي هالشين الطبع من وجهه يتفصّل مدس
لو يحکموني بالصلب لو يمطروني بالحبس
ما اجوز انا من دعوتي لو لشّتي اغنيها

ساعة و اکسر المجرشة و انحر علي اسلاف اعنزة
و اجمع نساوين البدو و انصب علي حظّي عزه
بنت الّذي برگص اشواذي امکرّمة و امعزّزة
و بنت الاماجد دهرها لا بدّ ان ايکاويها

ساعة و اکسر المجرشة و اخلص من الشدّة و جفه
و العن ابو استادي النغل هالغيرة سز و بدوفه
آني شغلتي الدهر عطّلها و غداها معکرفة
و شغلة البومة اهنم لها و طيّ السجل يطويها

ساعة و اکسر المجرشة و اتبع ملاليح السفن
هاليگطعون الابحر و اسکن انا باقصي المدن
تضرب اللاونطة و دزگن بنت ابن مشوي الاذن
و تفرّک العبدة و عبد گبل الفجر رجليها

ساعة و اکسر المجرشة يا ناس لا تلوموني
البطّيخ ابو کحلا کد سامرلي و افريدوني
و الشجر نافگ هالوکت ريتچ رمد بعيوني
شوفي الدهر امسي حراميها الها حاميها

ساعة و اکسر المجرشة و اخلص من الضيم او قهر
و اضرب البيدا ابليلتي و العن ابو فعل الدهر
عيني تشوف اشعيط و معيط اصبح و حمزة الطبر
و احنيش و افتيش و جرو مترين صاروا بيها

ساعة و اکسر المجرشة و العن ابو هالعيشة
گلبي يهالودّي انکسر امن القهر کسر الشيشة
امن العذبة ذابحني استادي الادب سز ابريشه
سگّمني الملعون الاهل لرويحتي ياذيها

ساعة و اکسر المجرشة و انحر علي الهنديّة
السيف اعمي ابهالمصر و التجرح البرديّة
بنت الحمولة اممرمرة و مترفّهة العاديّة
يحگ لي ادگّن و انتحب و عوينتي اعميها

ساعة و اکسر المجرشة و العن ابو استادي الهبش
لحيته شبه مر چشمچي و شواربه ذيول الکدش
منّ احچي ويّاه ابرفق يکشخ عليّ و ينتفش
باوزعه هالابن الجحش لرويحتي سابيها

ساعة و اکسر المجرشة و انحر علي عنّانة
و ارجع علي هيت و حديثة و اهلي راوة او عانة
ام راس المفلفل حجل و الفتخة و الگردانة
لبست و انا اگشور الشلب لگذيلتي طاميها

ساعة و اکسر المجرشة و انحر علي البو محمّد
ابحيّ العمارة اهناک اصخّم گصّتي و اترمّد
و اشچي علي استادي الابن مشوي الجهامة الادرد
ايعاکس کل وکت شغلتي و کل وکت للخاملة ايماشيها

ساعة و اکسر المجرشة و اگطع من الدنيا الامل
للجرش ما ارجع بعد الّا بابرة يخش جمل
کل يوم ناصب لي عزا استادي النغل مال الثول
عقلي انذهل جسمي نحل روحي السگم لافيها

ساعة و اکسر المجرشة و اصعد ابرجلي للفلک
و اوصل الي سابع سما و بيدي الزمه للملک
من يوم امص جمعي الدهر لاحگ علي عمري و کلک
يعتبر عليّ کل وکت للملعنة يجريها

ساعة و اکسر المجرشة و اشعل ابو اللاموني
و اعتب علي اهلي و عمامي المن زغر عافوني
اهل المجارش يا عرب مرد اللبن مردوني
دهري ما يصفي او لا صفي نفسي ابسگم سابيها

ساعة و اکسر المجرشة و انحر علي اهل الصيرة
و انشد علي اشيوخ العرب اهل الشيم و الغيرة
يرضي الهي بالرفاه العبدة ام خنفيرة
تخدمها حرّة و کل وکت کاس الصبر نسگيها

ساعة و اکسر المجرشة و اخرّبه من کورة
للغزل قصدا همّتي عند النذل منکورة
حظّ المسعدة يا خلگ مثل الذهب من کورة
طالع ، و حظّ الخايبة کل منعنة يراويها

ساعة و اکسر المجرشة و العن ابو الگيّرها
و احرگ ابو کل من ابمنشاره و فاسه انجرها
بعناد هالظالم استادي رويحتي مرمرها
للکفر يا اهل الرحم ابن الزنا ايقرّيها

ساعة و اکسر المجرشة و العن ابو اليگطع مهر
طفلة علي شايب هرم يفطن علي حفر البحر
وصلة سختيانة الوجه و اللحية تشبه للأبر
الله ما يقبل هالبشع لرويحتي سابيها

ساعة و اکسر المجرشة و انحر علي الکرّادي
و الشطرة و القلعة سکر و اخل انا من استادي
بالفواته عذّب مهجتي الظالم و فت افادي
عذّبني بالسبّ و شتم لمرارتي چاويها

ساعة و اکسر المجرشة و انحر علي زاغنيّة
و هبهب و الهويدر و شفتة و بهرز و برگنيّة
لو اذب روحي اببير عميا و الخلص من الدنيّة
تهت و سبت ذبت او متت يا ربّي ما تگضيها

ساعة و اکسر المجرشة و ارکب انا الطيّارة
للفيصليّة و ابو اصخير او عگر و الجعّارة
و ارجع علي اسلاف السعيد ابعفچ و الدغّارة
و اعبيد و العزّة و شمّر و اعتري انخيها

ساعة و اکسر المجرشة و انحر علي بعگوبة
و لا يلعب ابعگلي استادي مثل لعب الطوبة
احلف يمين ابعلي الشرجي التوبة من هالنوبة
ان چان الزم مجرشة بيدي و اجرش بيها

ساعة و اکسر المجرشة و اسکن بأرض الحيرة
اوفق و لا طول العمر ابقي بقهر و الحيرة
حظّي لزگ بيّ مثل ما بالبياض الگيرة
تلزگ و صرنا غصب لام وجه الردي نماشيها

ساعة و اکسر المجرشة و انحر علي السامرّه
کسدت الحلوة ابهالزمن صارت الوکت للمرّة
الفحّام يرضي خالقي شايل ابإيده الدرّة
عالداعية هذا المثل صح يا عمامي بيها

ساعة و اکسر المجرشة و انحر علي الفلّوجة
العدلة النحيفة کاسدة صار الوکت للعوجه
ام وجعة المعقّچ الغبرة طاغية او مطعوجة
بالدگل تذرع شامخة و احسن رجل حاويها

ساعة و اکسر المجرشة و اسکن ابحيّ الحلّة
معدن الشعر و العلم و الحلم و ازيح العلّة
استادي المضعوف البخت ظالم و ادني زلّة
يلخمني لخمة علي حليگي و شفّتي يدميها

ساعة و اکسر المجرشة و انحر علي صنعا اليمن
اطوي الفيافي ماشية يا خلّتي و اترک وطن
جوخ اللوي کاسد و محّد يشتريه امّا الچبن
نافگ و اسفلها غدي ابهذا الزمن عاليها

ساعة و اکسر المجرشة و العن ابو رجلي الهرم
لحيته شبه حزمة کبر و کلنگ آهين الخشم
شفته شبه شفّة بغل امهدولة احدب و الجسم
بالي و عرعرّة برگبته امن الکبر لاويها

ساعة و اکسر المجرشة اتکسّر و امشي بليلة
البغداد للشاعر الکرخي اعتني و احچي له
عنّ التعب و السهر و الجوع او عطش اشچي له
يکتبها بالکرخ الجريدة او للملک يحچيها

**ftahwaz** · #3 12/02/2011, 02h54

عزیزی الأخ محمد الساکنی بارک الله فیک علی هذا العمل الرائع ... عاشت یداک
قرأت القصیدة بصوتی بلهجتنا الجنوبیة و سجّلتها و الآن أرفعها إلیکم
مع الملاحظة أننی وجدت بعض الأخظأ فی کتابة الشعر بواسطتی فأصلحتها فی هذا الملف
إن کان فیه أی خطأ سأکون شاکراً لکم إذا أخبرتمونی به.

ملاحظة بسیطة ::: فی الجنوب نتلفّظ "مِجَرشة Mejarsha " أو "مِیَرشة Meyarsha " أو " اِمجَرشة Emjarsha " أو " اِمیَرشة Emyarsha "

::: قصیدة المجرشة :::
للشاعر ملا عبود الکرخی
مدة التسجیل = 21:57

مع تحیاتی القلبیة

**رشيد القـندرجي** · #4 13/02/2011, 11h47

قالوا في
المجرشة
1- الشاعر معروف الرصافي

وصَفَ لنا ابنةَ بؤس ذات مجرشة * تقطعُ الليلَ في نوحٍ وتعديدِ

في قصيدة أرسلها معروف الرصافي للشاعر ملا عبود الكرخي
2- الشاعر أحمد شوقي
دَه عتاب شريف مع الرب يا محمد
نقلا عن قارئ المقام الاول الراحل
محمد القبانجي
هم هاي دنيا وتنكضي ***وحساب أكو تاليها

اخي الفاضل فتى الاهواز
شكرا على الملف الصوتي وقد احسنت في الاداء وهو ساعدني كثيرا على فهم الكلمات بشكل اوسع وخاصة ان الكتابة باللهجة العامية ليس بالامر اليسير.
وقد قطعت الشك باليقين بعد تحفظ على احتمال تنسيبك القصيدة لغير الشاعرالملا عبود الكرخي والذي اثار فضولي وحفيظتي اول الامر وسارعت بالرد و بحصولي على الكتاب الاصلي غير كامل للقصيدة واصغته رفعته بصيغة ملف اكروبات
في المرفقات قطعت الشك باليقين بان القصيدة لشاعرنا الراحل و ليست لغيره.
قصيدة المجرشة تذكرني بقصيدة المغزل للامام الغزالي رحمه الله

غَزَلْتُ لَهُمْ غَزْلَاً رَقِيقاً فَلَم أَجِدْ ** لِغَزْلِي نَسّاجاً فَكَسّرتُ مِغْزَلِي
تَرَكْتُ هَوَى سُعْدَى وَلَيْلَى بِمَعْزِلٍ ** وَعُدتُ إِلَى تَصْحِيحِ أَوَّلِ مَنْزِلِ

ويمكن ايضا فهم الشاعر الكرخي بتلبسه بروح المرأة وتفكيرها بقصيدة الراحل
نزار قباني في قصيدة بنفس المعنى في هذه الابيات

أنا انثى
انا انثى
نهار أتيت للدنيا
وجدت قرار اعدامي
ولم أرى باب محكمتي
ولم ارى وجه حكامي
عقارب هده الساعة
كحوت أسود الشفتين يبلعني
عقاربها كثعبان على الحائط
كمقصلة كمشنقة
كسكين تمزقني
كلص مسرع الخطواة
يتبعني ويتبعني
لماذا لا أحطمها
وكل دقيقة فيها
تحطمني
أنا امراة بداخلها
توقف نابض الزمن
فلا نوار أعرفه
ولا نيسان يعرفني

قصيدة (المجرشة) باللهجة العامية العراقية، تعد من أشهر قصائد الشعر الشعبي في العراق وليس هناك من عراقي لم يسمع بها أو يحفظ مقاطعاً منها، لما تميزت به من قوة في الشكل والمضمون. وكاتبها هو الشاعر الشعبي العراقي المعروف الملا عبود الكرخي الذي يسميه البعض بأمير الشعراء الشعبيين، وقد تحولت الكثير من قصائده إلى أغنيات شائعة.
القصيدة المجرشة المنشورة في ديوان الكرخي الجزء الأول للملا عبود الكرخي قد ترجمت إلى اللغة الفارسية ثم نشرت في جريدتي العراق و الكرخ وأذيعت من الإذاعة العراقية عدة مرات.
كما ترجمت إلى الفرنسية، وطبعت بكتاب مستقل للمستشرق الفرنسي سيمون جارجي. وقال عنها الشاعر معروف الرصافي في قصيدة أرسلها للكرخي جاء فيها:
وصَفَ لنا ابنةَ بؤس ذات مجرشة*** تقطعُ الليلَ في نوحٍ وتعديدِ

وقال عنها المغني الكبير محمد القبانجي في حديث له نشر في جريدة المنار البغدادية عام 1964: طلب مني أحمد شوقي أن أقرأ له شيئاً من الشعر الشعبي العراقي، فقرأتُ له أبياتاً من المجرشة ، فما أن استوعبها حتى حنّ لسحرها وروعة بلاغتها فطلب المزيد فغنيتُ
هم هاي دنيا وتنكضي وحساب أكو تاليها
فمال عليّ الرجل بعد أن فهم المعنى وقال
دَه عتاب شريف مع الرب.. يا محمد

#5 13/02/2011, 12h16

الف شكر لجميع الأخوة على كتابة القصيدة وقراءتها , علما انها من أجمل ما ادى الأستاذ محمد القبنجي لعدة ابيات منها ولدي ثلاثة تسجيلات منها تسجيلين نادرين لها بتسجيل الأستوديو المطول وتسجيل حفلة , علما ان الأستاذ حامد السعدي اداها ايضا بأداء رائع ومتى ما سنحت الفرصة والوقت سأبحث عن التسجيلات وارفع ما يمكن منها لتعم الفائدة .
تحياتي ... أبوحمزه

**ftahwaz** · #6 13/02/2011, 13h05

أقدّم لحضراتکم أشعاراً للشاعر الشامل ملا عبود الکرخی استخدمت فیها الأمثال العامیة
مأخوذ من کتاب " الأمثال و الحکایات العامیة البغدادیة فی شعر الملّا عبّود الکرخی " تألیف " جاسم عزیز الحجیة "

1) آب اللهّاب ، یحرگ البسمار بالباب
یضرب لشدّة حرارة شهر آب

تره لو یتّفق صومک أظن ابآب
ذلک الیحرگ البسمار أخی بالباب
خشمک چان علّگته تری بچلّاب
الهوا تفرس العالِم مثل أبو سرحان

آب : أغسطس
تره : تری : یقال للتنبیه
تفرس : یجعل مفترساً ( و لا یقصد ذکیّاً )
أبو سرحان : الذئب

2) أبرد من الیخ
کنایة عن کل شیء بارد أو عن البغیض الثقیل أو عن کل شخص لا یحب الاختلاط بالناس و غیر حمیم

من یمشی مثل المنفلج
یتهجّس المال العرج
أبرد امن الیخّ الثلج
طبقی مثل ذاک البرد

الیخّ : کلمة فارسیة تعنی الثلج ( لیس ما نسمیه بالعامیة بالـ "وفر" بل الماء المتجمّد )
المنفلج : المشلول
یتهجّس : یخطر بالبال و یقصد الشاعر هنا : یطمع
المال العرج : لمال الأعرج

3) أبلس من أبو مرّة
کنایة عن الشریر

أدعس، أدبس، تفس، أبلس
من أبو مرّة و أنجس
الگمل بهدومه مکدّس
خلقنا خلقة الأرول

أدعس : أظلم ( من الظلام )
أدبس : ضارب إلی السودة
تفس : أسود جدّاً
أبلس : صفة تفضیلیة من جذر " إبلیس " ! یعنی : أکثر شیطنة
أبو مرّة : الشیطان ، إبلیس
مکدّس : متجمّع ، مراکم
الأرول : الضب ، نسمیه فی الجنوب بـ " أبو الرُّوَل "

4) ابن دلّة
کنایة عن الغنی الوافر

هل طرق سمعک بالوطن
عن ابن دلّة بهالزمن
ما صابه من غیر الحفن
اعتبر بومه و افتهم

و قال أیضاً

الحق معاک إنت ما تدری
چم نذل عندک یهذری
امن الصحافة یکون مثری
او صار یشبه ابن دلّة

ابن دلّة : کان شخصاً فی بغداد اسمه عبدالقادر دلّة و قد اشتهر بالغنی الوافر و البخل ، ولکن لم یکن بخیلاً ، بل الناس کانوا یتطلّبون منه بذلاً یتناسب و غناه الفاحش و لمّا لم یجدوا ما یؤملون منه اتّهموه بالشح و ضربوا به المثل فی البخل
حفن : ج الحفنة : کمیة یستطاع أخذها فی قبضة
یهذری : یهذّی
مثری : ثری

5) الأبتر
کنایة عن الخالی من جمیع المحاسن أو العاری من أی صفة حسنة

للحشر راحت و الچری
و صفیت أبتر سرسری
مهتوک ما لی مشتری
ظلّیت بس أنظم شعر

حشر : العمّال الذین یتقاضون أجوراً لقاء حفر و تطهیر الأنهر
چری : عملیة تنظیف الأنهر من الطین المتراکم
سرسری : ذو أخلاق سیّئة و عادات شینة ، غیر مؤدب ؛ یستخدم کشتیمة
مهتوک : من أنهکه الزمان

6) ابن الطویلة گصر و الگصیرة طال
کنایة عن تبدّل الأحوال؛ فمن الناس العامة من یصلون إلی المراتب العالیة و من الذوات من یتنزّلون إلی أخفض المراتب

لا تلومنی لو ردت أحمل قهر
و لا تعاتبنی علی فعل الدهر
ما تشوف ابن الطویلة هالگصر
بغتةً ، و ابن الگصیرة اشلون طال

7) أبو عقل التِرللی
کنایة عن المضطرب المشوّش

لو تزیّن لی لحیتک
لو تبدّل لی مشیتک
لو تگلّی شنهو نیتک
یا بو عقل الترللّی

و قال أیضاً

إخذ نصحی یا طفیلی
یا بو عقل الترللی
ابشیخنا ذاک الدجیلی
قسم بعمّ و تبّت

قسم بعمّ : قسم بسورة النبأ و سورة المسد

8) أبو عقل التنک
کنایة عن السفیه

من إبلیس ماخذ مسطرة
تندعی و ترجع لی وره
لا تلحگ الواشی تره
ایغشّک یبو عقل التنک

التنک : الصفیح
لی وره : إلی الوراء

9) أبوگریوة یبیّن بالعِبِر
کنایة عن ظهور عجز المدعی عند الإمتحان

انظر إلی الهرّ اشعمل هالمتلوف
هذا من المحقّق بالمثل معروف
أبو گریوة یبیّن بالعبر و نشوف
حیث النهر سیستر تره میّه

و قال أیضاً

و أبو گریوة بالعبر و الکرخ
تلخ أهل المخازی بالمکانس لخ
کم طاغوت من أقلامها و ندخ
و صاحبها الکرخی بالهجو مفرد

متلوف : قذر ، متّسخ
اگریوة : أو یقال " گروة " هی الفتق (Hernia) فی وعاء الخصیتین (الصفن = Scrotum) ؛ ففی القدیم عندما کانوا یعبرون النهر کانوا "یشلّحون" دشادیشهم و یعبرون و من کانت عنده "گروة" کان یتبیّن عنده عبوره عن النهر.
میّه : ماءه
الکرخ : یقصد جریدة الکرخ الذی کان یدیرها ملّا عبود الکرخی
تلخ : تضرب
ندخ : تاه فکره
الکرخی : یقصد نفسه

10) أبویَ ما یگدر إلّا علی أمّی
سیضرب لمن تظهر سطوته علی الضعفاء و یجبن أمام الأقویاء

اتگول إنت أحب سمّی
أفرغه کلّه عالیمّی
ابویَ بس علی أمّی
یگدر بالبسط تندار

سمّی : یقصد التیمسی أی الإنگلیزی
عالیمّی : علی الّذی جنبی

------------------------------------------
یتبع إن شاء الله

**ftahwaz** · #7 13/02/2011, 13h20

أخي العزيز جدّاً محمّد شکراً جزيلاً علي التأکد من صحّة نسبة الشعر إلي الشاعر البارز ملّا عبّود الکرخي و تزويدنا بمعلومات مثيرة للإهتمام حول هذا الشعر.
و الأخ العزيز جدّاً أحمد شکراً علي مداخلتک و تزويدنا بمعلومات حول مغنّين هذا الشعر؛ أنا أيضا عندي تسجيلاً صوتياً للفنان الراحل يوسف عمر و هو يغني أبياتاً من قصيدة المجرشة لکن لا أدري إن کان مرفوعاً في المنتدي مسبقاً أم لا لذا لم أرفعه حتّي الآن...
و أرجو المعذرة إذا کان في تسجيلي الأخطأ و السبب إني کنت علي عجلة فقرأت الشعر مستعجلاً !
مع أحر التحيات

**رشيد القـندرجي** · #8 13/02/2011, 14h55

محمد القبانجي

1- المجرشة اداء الاستاذ الراحل قارئ المقام الاول الاستاذ الراحل محمد القبانجي
http://www.sama3y.net/forum/attachme...1&d=1191627428
يوسف عمر
2- المجرشة اداء بصوت الاستاذ الراحل يوسف عمر في المرفقات
موجودة في المنتدى ضمن ملف كبير الحجم
سعدي البياتي
3- المجرشة بصوت سعدي البياتي
موجودة في المنتدى ضمن ملف كبير الحجم

**ftahwaz** · #9 14/02/2011, 17h55

أداء رائع جدّاً للفنان الکبير الراحل أبو يگعوب و الفنان الراحل سعدي البياتي
جريل الشکر إلي أخي محمد علي رفعه تسجيلات الفنانين أبو يعگوب و سعدي البياتي رحمهما الله.
لاحظت بعض الفرق في تلفظ الکلمات و من المعروف أن لهجة أهل الجنوب تختلف عن أهل بغداد و أهل الشمال
يقول الأستاذ يوسف عمر :
أبو : Abou
بخت : Baxat
يمعش : Yem3ash
ابن السچن : Ebn El Sechan
العلا : El 3ola
أعيط : A3it
ألبس : Albas

و في الجنوب نقول :
أبو : Aobou
بخت : Baxet ، Baxat
يمعش : Yem3esh
ابن السچن : Ebn El Sechen
العلا : El 3eola
أعيّط : A3ayyet و عندما يليها الکلمة التالية يحذف التشديد و يصبح A3ayt
ألبس : Albes

کذلک في عاميتنا نقول "ينعل" بدل "يلعن" کما يقول الأستاذ الراحل سعدي البياتي.
و أيضاً نقول : "يکصر" بدل "يکسر"

حتي مرّة أنا قلت ألبَس اهدومي ( Albas Ehdoumi ) فضحکوا علي لهجتي ! فالتلفظ السائر عندنا هو Albes
ابن السچن شتيمة يستخدمونها لا أعرف معناها تحديداً لکن أظنها تعني النغل. ولکن السچن لا نستخدمه بفتح الچيم
يعيّط يعني يصدر صوتاً کـ " غيج غيج " تصوّروا مرجاحة ( أرجوحة ) براغيها و سلاسلها و زردها صديئة و کيف تصدر أصواتاً ... فنقول : المرجاحة تعيّط
أيام زمان لم يکن من السهل أن نتعرف علي اللهجات المختلفة إلا بالسفر و معاشرة القوم و کنا نعرف لهجتنا الخاصة فقط حتي لم نکن نعرف لهجة بعض القبائل المجاورة تماماً . واليوم علي سبيل المثال نفتهم اللهجة الشامية و المصرية و نعرف مصطلحاتها الخاصة و مفرداتها الخاصة... مثلا يوجد أداة لخضّ الحليب لأخذ "اللبن" و الزبدة منه و نحن بنو طرف الطائية أهالي البسيتين و الفلّاحيّة نسميه " السگه " و بعض القبائل في الأهواز يسمونه " الشچوة " ...
شعر المجرشة مليئة بالمفردات الجنوبية و الوسطية و الشمالية ! فلا يفتهمه کاملاً أهل إحدي هذه المناطق ! إلا "أبو التجارب" و السفر و الباحثين أمثال الملّا عبّود الکرخي الذي نظّم هذا الشعر
أعدکم بتوضيح المفردات العامية الواردة في هذا الشعر الفخيم قريباً و کل هذا لتعليم غير العراقيين فهم هذا الشعر و أحياناً بعض المفرادت لا تستخدم في شمال العراق و بعض المصطلحات فات زمنها و أصبحت من الماضي ... و من ثم نتابع عملنا علي بقية أشعار الملا عبود إن شاء الله تعالي و السلام عليکم

**رشيد القـندرجي** · #10 17/02/2011, 19h15

وقصيدة عن البرلمان العراقي
ولا اعرف اي برلمان كان يقصد شاعرنا الراحل هل برلمان ذلك الزمان ام كان يقصد برلمان زمننا الحاضر

قيم الرگاع من ديرة عفچ

قيم الرگاع من هاي اللحه
اتشوفه هيبه وعنده لحيه امسرحه
يشتم ابلا خجل وبلا مستحه
من ايحس المقعد اشويه اندحچ
قيم الرگاع من ديرة عفچ

برلمان اهل المحابس والمدس
عگب ماچانوا يدورون الفلس
هسه هم يرتشي وهم يختلس
ولو نقص من راتبه سنت انعقچ
قيم الرگاع من ديرة عفچ

اتشوف واحدهم امعگل بالوقار
وبالاصل تاريخه اسود كله عار
ابضرف ثلث اسنين مليونير صار
ايريد عالوادم ايعبرله چلچ
قيم الرگاع من ديرة عفچ

گمت ما اعرف حماها امن الرجل
ياهو التكضه اهو ايمثل العدل
وگمنه نستورد الشلغم والفجل
لان كلها ضلت اتدور ودچ
قيم الرگاع من ديرة عفچ

والله ضيعنه الصدگ من الچذب
اتشوفه هيبه وحچيه المصفط عذب
ياخذك وايردك ابشرق وغرب
وبسچاچينه يدچك حيل دچ
قيم الرگاع من د يرة عفچ

حيل دوخني الحچي الماله ربط
وصار عندي سكر وحصبه وضغط
نفترش عاگول ونتغطه ابحسچ
قيم الرگاع من ديرة عفچ

گمت ما اميز الذيب امن الحمل
امنين ما التفت گلبي يشتعل
انه ما شايف شعب يتبع خبل
شاب راسي وتيهت كل السچچ
قيم الرگاع من ديرة عفچ

يا حكومتنه الرشيده ام الوقار
الفساد المالي عنوان الچ صار
ندري جابوكم ابدبابه وقطار
ليش ضليتوا سمچ ياكل سمچ
قيم الرگاع من ديرة عفچ

لازم انميز الزين امن الزلم
وننتخب كلمن شهم صاحب علم
ونرفض اللي يجي كل يوم ابفلم
من ايشوف المنصب اشويه اندرچ
قيم الرگاع من ديرة عفچ