هاشم الهوني

**abuaseem** · #1 14/04/2007, 12h08

هاشم الهوني

الفنان هاشم الهوني من اشهر مطربي الستينات واعتزل الفن في بداية السبعينات وهو في قمة عطائه الفني وله العديد من الاغاني المسجله بالاداعة الليبيه و العديد منها مصور بالتلفزيون ابيض و اسود عليه لم يتم اداعة هدة الاغاني مند بداية البت الملون رغم جمالها لكثرة الاغاني المصورة بالالوان او كفديو كليب
ولكن هدا لا يمنع من توفر هده الاغاني للباحثين عن التراث و الراغبين في الاستماع الى الاغاني بدون الحاجه لمشاهدتها
كون الفنان هاشم الهوني تنائي ناجح مع الشاعر الفنان احمد الحريري قدما فيها العديد من الاغاني التي سوف نسمعها لاحقا

**abuaseem** · #2 14/04/2007, 12h08

فهرس اعمال
الفنان هاشم الهوني المرفوعة

*********

اعتراف
الشمس
الطلب طلبك
انت قلبك لعاب
انسى اوهامك
بالله و النبي يا عزيز عليا
بساط الشوق
بيك مرحبا
تنشدني ع الصحة
تنشدني ع الصحة تسجيل اخر
تنشدني ع الصحة فيديو
جلسة طرب على العود
روابيك يا برقة
شن يعجبني فيك
علامة

لياعة

ليش يا غالينا
مش كيف ما تصبح
مش كيف ما تصبح فيديو
مش كيف ما تصبح تسجيل اخر
يا تشوفلي حل معاك

**abuaseem** · #3 14/04/2007, 12h08

اولا اقدم اغنيه الشمس اللي يقول فيها احمد الحريري

لما الشمس تدارى ولما الفجر يتعلى بانواره
ولما الشط يتلاقى مع الموجه يكلمها يغارلها باشاره
وكل حبيب يبدا يبوح باسراره
تفكرني وكان نسيت ماضي هواك اماره

تفكرني تفكر حبنا الغالي
وماضينا اللي عدى بامالك وامالي
هات الود وانصفنا
عواطفنا خدت العقل ما تبيش تدارى

قبل تنام اجل موعد رقادك
خلي الشوق يحكيلك يصورك على وسادك
حكايه حب عشناها
كتبناها بشوق القلب هاللي زادت في ناره

لنسمع هدة الكلماتا الرقيقة تغنى بصوت هاشم الهوني الجميل

**abuaseem** · #4 14/04/2007, 12h30

الاغنية التانيه للفنان هاشم الهوني هي اغنية تنشدني ع الصحة هدة الاغنية من اشهر اغانيه و نالت شهرتها كثيرا عبر برنامج اداعي كان يداع في الستنيات اسمه باقة ورد هدا البرنامج اسبوعي يقوم على اجراء لقاءات بالمرضى داخل المستشفيات وفي اخره يطلب المريض اخد الاغاني وكانت اكثر الاغاني طلبا هي هده الاغنيه لان مقدمتها تقول تنشدني ع الصحه ومعنها طبعا تسالني على الصحة وان كان سياق الاغنيه بعد دلك يتدرج الى موضوع عتب على الحبيب وكلمات الاغنيه تقول

تنشدني ع الصحة
كلمات احمد الحريري
لحن و غناء هاشم الهوني

تنشدني ع الصحه الله يهنيك
لكن شنهو قصدك وشن خطرها عليك

شن هو اللي جابك بعد ان طال غيباك
قلت علينا حبابك عايش بينا و بيك

مش كنت مجافينا و قدرك عالي علينا
نسيت ايام شقينا وين كنا نبيك

**abuaseem** · #5 14/04/2007, 12h50

بساط الشوق
كلمات احمد الحريري
لحن و غناء هاشم الهوني

طير بيا يا بساط الشوق لديار الغالي و ارميني

لا نهدا ولا القلب يتوب لين نوصل و تشوفه عيني
طير طير طير طير بيا بساط الشوق

ارفعني قداه يضمد جرحي من فرقاه
نا ريدي مشتاق رضاه
وهو من قلبه يبيني

لازم نمشيله وعلي في قلبي نحكيله
قلبي اللي ما رتاحش ليليه
من طول الليل يهنيني

بني نرتاح ونبدا نملا حياتي فراح
نعوض هاللي مني راح
وبايام الفرقه ينسيني

**abuaseem** · #6 30/05/2007, 19h26

اغنية مش كيف ما تصبح
هاشم الهوني

مش كيف ما تصبح لنارك تمسى
فيه فرق في صوابع ايديك الخمسة

اللي خانك انساه
ما تعدي وراه زمانك
فيه من يساوي غيتك و حنانك
ويبادلك حبك الهمسه بهمسه

عدابك ريته
في وقت من عمري تعدى نسيته
بنيت الامل ع الولف اللي لقيته
اللي شاف ما شفته و حبي ليك لمسه

تعرف حبي
والود اللي نصان ليك في قلبي
داري عدابك و عيش ليا في جنبي
واللي راح قبلي في عمرك انساه

**abuaseem** · #7 12/06/2007, 19h30

علامة
كلمات محمد مخلوف
لحن و غناء هاشم الهوني

عديت باليوم ماضينا ايامه
لقيته ندامه ...
ما فيه من الود يا ظالم علامه

**abuaseem** · #8 15/07/2007, 15h15

شن يعجبني فيك
كلمات احمد الحريري
لحن و اداء هاشم الهوني

شن يعجبني فيك نشقى و نهنيك
الحنية منك مفقودة ياغالي
ولا السية ولا السهد و حيرة بالي
حاجه تحير ناخد من عمري و نعطيك

**abuaseem** · #9 04/08/2007, 18h32

الفنان هاشم الهوني
اغنية ليش يا غالينا

**abuaseem** · #10 08/12/2007, 23h00

يا تشوفلي حل معاك

كلمات احمد الحريري
لحن و اداء هاشم الهوني

يا تشوفلي حل معاك
يا تنسيني في هواك
ما هو مش ممكن تجبرني
طول عمري نجري وراك
قادر نسى و نداري و لكن
مش ممكن تهدى ناري
الا لما تريحني يا تجيني يا نسلاك