ياريت لو تذكر اللي تعرفه من معلومت عن التسجيل ده
قولولنا مين شفتوه في حياته يضحي في الدنيا اللذات
ويقوم بواجب خدماته زي التمرجي في الحروبات
بالليل سهران بالنهار تعبان
مسكين غلبان داير حيران
شويه بيداوي ف جريح وشويه بيواسي ف عيان
وقد إيه بالذمه يابيه قلب التمرجية بيتأثر
لما يشوف عيان من دول نايم كده حالته تحسر
اللي قول آه ياقلبي
واللي يقول آه ياجنبي
واللي يخطرف ويهاتي
ويقول حاموت أنا ياخواتي
لكن بقى مهما قاسينا في شغلنا ومهما تعبنا
راحة ضمائرنا علينا أكبر مكافأة ياإخوانا
ماعندناش لا معتقدات ولا اعتبار للجنسيات
قريب غريب كان ولا حبيب
مسلم وقبطي مافيش تكليف
إن كان هلال ولا صليب
مادام يكون القصد شريف
مافيش موانع تمنعنا على اعتبار الاتنين اخوان
دي الانسانية تجمعنا مهما اتفرقت الأديان