صورة بالألوان لأهل الفن زمان

[كمال عزمي]

رجاء عبده

مطربة البوسطجية

1951

[دعاء الشريف]

استاذنا الفاضل الكبير / كمال بك
الحقيقة انا مش حتكلم علي الصور لانها لوحدها تحفه
لكن التنسيق الرائع والذوق الرفيع في اختيار لون اطار كل صورة بما يتناسب مع مود الصوره نفسه بجانب وضع اسم سماعي بشكل رائع ومتكرر كنسيج في الصورة لا يضايق الرؤيا ابدا غير تنسيق المشاركة نفسها واختيار حتي لون وفنط الكلام
بصراحة شيئ بديع ورائع ودرس كبير بدون اي مبالغه والله
لكل من سيرفع في المستقبل صورة

ليه الشرف الكبير أني اشارك مع حضرتك في بعض الصور في موضوع سيادتك القيم

ماجده الصباحي

زوزو نبيل - محمد الكحلاوي

.. تحياتي ..

[كمال عزمي]

نعيمة عاكف

محمد فوزي

1952

لقطة من فيلم "يا حلاوة الحب" إخراج : حسين فوزي

مع تحياتي لأخي ملك السينماتوجراف عادل السيد وللأخت منال على كلماتهم الرقيقة.

[دعاء الشريف]

أخي جرامافون
كدة تشغل بالي طول النهار عليك وعلى الأخت دعاء وأنا أفكر في الكشك اللي هتقفلوه . وفي خراب البيوت اللي هاسببهولكم وفي الكشك اللى حطيتوا تحويشة العمر فيه ولسة يادوبك وقف على رجليه .. وفكرت في موضوع ركن العربيات اللي ما دخلش دماغي خالص ...إنت عملت إيه يا كمال في خلق الله الحلوة دي ....هيوقفوا كدة طول النهار يدوروا على واحد عايز يركن ..وللا واحد عايز يمسح عربيته.....في عز الحر تحت لهيب الشمس الحارقة...أو في عز الشتا تحت رحمة البرد القارس والمطر الغزير....لا لا ما لكش حق يا كمال ..وفضلت كدة قلقان عليكم طول النهار ودماغي تودي وتجيب...والقلق ما رضيش يسيبني فقلت لازم أطمن عليهم وأول ما ارجع البيت أكتب لهم وأسألهم عن أحوالهم ...لكن تأنيب الضمير ما سابنيش ولا لحظة....وفكرت في المول الكبير اللي مش ممكن إني أديره لوحدي..فقلت إعرض عليهم المشاركة في الإدارة والأرباح تتقسم بالتساوي .....هي كدة ...ياريت يوافقوا ...علشان أنام وأنا راضي وضميري مرتاح...

استاذ /كمال بك
خلاص بقه طالما بقينا شركاء
بس والنبي
اوعي تقول بينك وبين نفسك علي جرامافون

(سكتناله دخل بمراته)

الفنانة فاطمة رشدي

المطرب محمد البكار

بصراحة أنا مش فاكرة التواريخ ولا المصدر بس اصلي كنت مجهزاهم من فترة لقصاقيص بس مكانهم هنا الأنسب بصراحة
حيتشرفوا بوجودهم في موضوع حضرتك الرائع .

.. تحياتي ..

[جرامافون]

أخي جرامافون

كدة تشغل بالي طول النهار عليك وعلى الأخت دعاء وأنا أفكر في الكشك اللي هتقفلوه . وفي خراب البيوت اللي هاسببهولكم وفي الكشك اللى حطيتوا تحويشة العمر فيه ولسة يادوبك وقف على رجليه .. وفكرت في موضوع ركن العربيات اللي ما دخلش دماغي خالص ...إنت عملت إيه يا كمال في خلق الله الحلوة دي ....هيوقفوا كدة طول النهار يدوروا على واحد عايز يركن ..وللا واحد عايز يمسح عربيته.....في عز الحر تحت لهيب الشمس الحارقة...أو في عز الشتا تحت رحمة البرد القارس والمطر الغزير....لا لا ما لكش حق يا كمال ..وفضلت كدة قلقان عليكم طول النهار ودماغي تودي وتجيب...والقلق ما رضيش يسيبني فقلت لازم أطمن عليهم وأول ما ارجع البيت أكتب لهم وأسألهم عن أحوالهم ...لكن تأنيب الضمير ما سابنيش ولا لحظة....وفكرت في المول الكبير اللي مش ممكن إني أديره لوحدي..فقلت إعرض عليهم المشاركة في الإدارة والأرباح تتقسم بالتساوي .....هي كدة ...ياريت يوافقوا ...علشان أنام وأنا راضي وضميري مرتاح...

اقرار

اقر انا الموقع ادناه عمرو الشهير بجرامافون بأني احب واقدر واعشق واحترم وابجل الاستاذ كمال عزمي الشهير بـ(kandis) لأنه رجل أكثر من رائع ..
كما اقر واعترف وابصم بان هذ الأقتباس المرفق من اجمل المشاركات التي اسعدتني في حياتي كلها ..
ورغم ان النمل قد عرف طريق بيتنا بسهولة وتسرب
عبر مشاركة الاستاذ كمال من ثغرة امنية في كلمة سكر
وعملا بمبدأ
(انت اللي ابتديت بفتح الثغرات)
فسأفتح ثغرةأمنية هنا واقول صراحة
ان انت يا استاذ كمال اللي عسل نحل مصفي
واذا كان العسل يشفي الامراض
فكلماتك تشرح الصدور
وتسعد النفوس

الموقع ادناه

.. جرامافون ..

الموسيقار فريد الأطرش

[عفاف سليمان]

مساء الجمال والذوق العالى
المليان تعابير ملونه بتلالى
خليتوا الصور تنطق بجمال عالى
استاذ كمال000استاذ جرامافون000الاستاذه الرقيقه دعاء
الاستاذ خليل000وكل ما ساهم فى هذا المول الجميل
قصدى فى هذه الصور الجميله التى شاهدناها وكاننا نعبر معها الى زمن الاصاله
وما تحتويه الصور من الوان بديعه وجميله
سلمت يداكم جميعا وسعدت بتعليقاتكم الجميله
والحمد لله استاذ خليل زيدان اخد براءه والحمد لله
بس كان نفسى يعنىىىى
اجيب شويةةةة ترمس جمب المول
او لب وسودانى للتسليه لزائرى المول
او ذرة مشوووى وشويه بطاطا على قد ما قسم
ياريت توافقولى 000هتبقى سبوبه حلوة
وانا اوعدكم 000كل يوم اطلع لحضراتكم
شويه بطاطا مشويه بنار الفرن يا ولااااااا
زى العسل
ومعاها شويه لب على سودانى
ويمكن غزل بنات على حمص الشام
كده انا داخله على طمع
ولو وافقتوا وانا شحنت لكم كل يوم من ما لذا وطاب من المسليات
يبقى هخسر وهقفل بدرى بدرى
اجمل تحيه
والى استاذنا رائد ايضا
اختكم
عفاف

[محمد صلاح 1970]

صورة لفنان الشعب
يوسف بك وهبى
هـدية مجلة الكواكب

فـــــاتن حمــــامه
هـدية من مجلة الكواكب

والبراويز هدية من الريحاني

[el kabbaj]

الفنانة هدى سلطان

[el kabbaj]

حسين صدقي وليلى مراد

[امل مصر]

مشكوا على التعب الكبير وعلى المجهود