اقدم لكم برنامج انكور للتدوين احث نسخة كاملة مع الشرح - الصفحة 2

**هبة الهادي** · #11 07/01/2009, 11h15

اشكرك جدا استاذنا الكبير

**Hisham Khala** · #12 09/01/2009, 10h21

الأخوة الأعزاء
أنا آسف جداً أن الملف مش شغال بس أنا رفعته من على الكمبيوتر و كان شغال كويس و كانت الفورمات MP3 و ليست WAV يبدو أن هناك خطأ أثناء الرفع و سأقوم برفعه مرة أخري في القريب العاجل حيث أنني خارج مصر و جهاز الكمبيوتر بيعمل على نظام Vista
و برنامج Vienna Soundfont Studio لا يعمل على نظام الفيستا و يحتاج كرت صوت:
Creative X Fi or Live 24 bit ، على بكرة بإذن الله الملف و النوت تكون جاهزة و نسمع أرباع التون و ألحان على مقامات شرقية.

د.هشام خلف

**Hisham Khala** · #13 11/01/2009, 01h55

الأخوة الأعزاء
أعدت تدوين جزء من أغنية "غني لي شوي شوي" على برنامج فينال 2007 و المقام المستخدم هو مقام سوزناك من فصيلة الراست و معظم برامج التدوين يمكنها عزف أرباع التون و ذلك بتعديل بنك الأصوات الخاص ببرنامج التدوين أو بنك الأصوات الخاص بميكروسوفت.
مرفق ملف صوتي و نوتة التوزيع
و الآلات المستخدمة هي: الناي - القانون - كمان شرقي(مي & سي نصف بيمول) - كمان غربي (بدون أرباع تون)- شيللو شرقي(مي & سي ربع تون) - كونترباص.
النوتة المرفقة فيها دليل المقام خالي من علامات نصف البيمول حيث أن التغيير تم في بنك الصوت بجعل كل سي و مي طبيعية مخفضة ربع تون و حيث أن مقام السوزناك فيه نغمة العراق (سي ربع تون)(قرار) كم فيه نغمة الماهور (سي طبيعية) (جواب) و يحتوي أيضاً على نغمة السيكاه (مي ربع تون) و للخروج من مأزق أن نغمة سي مرة ربع تون و مرة طبيعية استخدمت الكمان الغربي و البيانو في الأجزاء اللي فيها نغمة السي طبيعية.

حاولت عدة مرات رفع الملفات و لكن يبدو أن السيرفير على الموقع فيه مشكلة.
بإذن الله سأرفع الملفات عندما يتم إصلاح المشكلة.

خالص تحياتي
د.هشام خلف

**Hisham Khala** · #14 11/01/2009, 04h02

الحمد لله قدرت أنزل كوبلية (المغنى حياة الروح) من أغنية غنى لي شوي شوي ولسه فيه صعوبة في رفع المذهب و الكوبلية الأول

**احمد سنايم** · #15 12/01/2009, 10h37

اخى العزيز الاستاذ عادل شكرا على هذة العبقرية وهذة البساطة فعلا انكور برنامج رائع لانك شرحتة جيدا لكن عندى مشكلة ان الصوت لا يعمل ارجو حلا لهذة المشكلة وفى اقرب فرصة والف الف شكر استاذى الحبيب

**عادل صموئيل** · #16 12/01/2009, 13h49

اقتباس:

المشاركة الأصلية كتبت بواسطة احمد سنايم

اخى العزيز الاستاذ عادل شكرا على هذة العبقرية وهذة البساطة فعلا انكور برنامج رائع لانك شرحتة جيدا لكن عندى مشكلة ان الصوت لا يعمل ارجو حلا لهذة المشكلة وفى اقرب فرصة والف الف شكر استاذى الحبيب

اخى العزيز
اشكرك على رسالتك
واحاول ان اقدم لك الحل
عادة نحن نستفيد من المشاكل التى تحدث فى الكمبيوتر للآخرين مشكلتك لها عندى قصة
انا عندى جهاز بانتيام 4 من اكتر من 7 سنوات واضفت اليه من باب الدلع كارت صوت فيبرا 128 على اساس انه كارت صوت ممتاز وانا عندى عشر برامج هى اهم برامج اعمل ب ها ولكن اهمها على الإطلاق الانكور لأن كل شغلى اكتبه عليه وفجاة منذ 4 سنوات لقيت البرنامج مش بيطلع صوت والغريب ان الصوت فى الجهاز كان زى الفل يعنى الاغانى والافلام بتشتغل عادى يعنى الصوت فى الجهاز 100% ماعدا الانكور طبعا اتجننت وندهت الفنى اللى كان بيعمل لى صيانة الكمبيوتر وبينزل الويندوز كانت ساعتها خبرتى محدودة ولما جه ( انا اكتشفت بعد سنين ان خبرته محدودة هو الآخر ) قعد يجرب وقال لى نسخة الويندوز وشالها ونزل غيرها كذا مرة ومافيش فايدة , وبعدين كان فيه محل بجوار بيتى فاتحه شاب متخرج جديد من كلية كمبيوتر اول ماشاف الجهاز قال لى كارت الصوت فيه حاجة قلت له شيله فوراً وفعلاً اول ما شال كارت الصوت البرنامج اشتغل عادى اكتشفت ساعتها ان برنامج افنكور هو البرنامج الوحيد اللى بيكتشف لو فيه عيب فى كارت الصوت انا انصحك تشوف حد شاطر بتاع صيانة كمبيوتر وتديله البرنامج وتقول له شغل لى الصوت وانشاء الله مشكلة بسيطة وممكن يكون فيه شىء فى الصوت عايز ينظبط او حاجة مقفولة وطمننى لأن اهم شىء عندى مش انك تنزل البرنامج ولكن لما تشغله وتستفيد به وانا بقول لك انه اروع برنامج كتابة وانا جربت فعلاً كل البرامج لقيت الانكور احسن وابسط واسهل برنامج وكمان فيه امكانيات عالية انا اكتشفتها مش موجودة فى اى برنامج تانى وانا تحت امر كل من يسأل

**احمد سنايم** · #17 14/01/2009, 17h13

الف شكر يا استاذ عادل حضرتك راجل رائع جدا وجميل جدا وشيك جدا وسوبر انسان شكرا الف شكر

**هبة الهادي** · #18 15/01/2009, 19h25

معلش استاذي انا عارفة ان طلاباتي مت بتخلصش بس استحملوا مبتدئة ياجماعة كنت عايزة اعرف هو في طريقة في برنامج انكور تخليه يشغل جزء معين من الصفحة يعني لو فيه اكتر من مازورة او اكتر من سطر ممكن اخليه يشغل السطر الرابع بس مثلا .............و شكرا

**عادل صموئيل** · #19 16/01/2009, 13h13

اقتباس:

المشاركة الأصلية كتبت بواسطة هبة الهادي

معلش استاذي انا عارفة ان طلاباتي مت بتخلصش بس استحملوا مبتدئة ياجماعة كنت عايزة اعرف هو في طريقة في برنامج انكور تخليه يشغل جزء معين من الصفحة يعني لو فيه اكتر من مازورة او اكتر من سطر ممكن اخليه يشغل السطر الرابع بس مثلا .............و شكرا

اهلاً بكى ياهبة
اولاً احنا هنا موجودين اصلاً عشان نساعد المبتدئين اولاً
فى برنامج انكور انتى لو فتحتى اى صفحة وضغطتى على المسطرة حايسمعك اللحن من الاول
اما لو ضغطتى على اى مازورة وبعدين تضغطى على المسطرة حايسمعك من اول المازورة اللى انتى واقفة عليها ويكمل او تضغطى على المسطرة تانى يسمعك الجزء اللى انتى عايزاه
ومن مميزات برنامج انكور انك مثلاً لو عايزة تذاكرى اول مازورة فى اى سطر انك تقفى بالماوس على المازورة وتضغطى عليها وتضغطى على المسطة وكل ماتخلص تضغطى تانى لحد ما تفهميها كويس
وتحت امرك فى اى اسئلة او استفسارات

**شكيب الفرياني** · #20 16/01/2009, 20h38

السلام عليكم
تحية طيبة للأستاذ عادل على فتحه لهذا الموضوع الخاص ببرنامج أنكور للكتابة الموسيقية على الكمبيوتر وأنا بدوري أشاطره الرأي في أن هذا البرنامج من أسهل البرامج وأحسنها في الكتابة وأنا بالرغم من اني اكتب بخط اليد ولكن عندما تقتضي الضرورة فإني لا استعمل سواه
وقد تقدم الأستاذ عادل مشكورا بالشرح الوافي لكيفية عمل البرنامج وتعميما للفائدة أضيف بعض الأشياء وأنا أسميها " الحيل " حتى يكون هذا البرنامج رائدا في الكتابة وخاصة يلبي إحتياجات الكتابة الموسيقية العربية أولا وبالذات
وبعد إذن الأستاذ أقدم اليوم طريقة دمج العوارض أي بيمول ودييز كما في مقام الحجاز العربي

عند كتابتنا لمقام الحجاز على انكور سوف لن نجد عوارض مسبقة على غرار السلالم الغربية وبالتالي سنكتفي بسي ومي بيمول ثم نكون مجبرين على وضع الدييز في كل مرة امام الفا وكأنها من العوارض الطارئة

ولكن هناك " حيلة " تمكننا من وضع علامة الدييز منذ البداية في سطر الفا وبالتالي نتمكن من دمج الدييز مع البيمول وطبعا هذه الطريقة لا يأخذها البرنامج في اعتباره عند القراءة الميدي وإنما هي فقط ناجحة على المستوى الخط وهي تعفينا أساسا من إضافة الدييز إلى الورقة بخط اليد بعد الطباعة

نأتي الآن إاى الخطوات المتبعة لإتمام هذه العملية

1)إذهب إلى أيقونة " إكسبراسيون " كما في الصورة التالية

2) ستظهر لك عدّة خانات معدة مسبقا إنزل باعتماد السهم وآختر خانة فارغة

وبالنقر عليها مرتين تفتح أمامك بهذا الشكل

( الصورة رقم 3 )

3) عندها أكتب الحرف اللاتيني " الكبير " I أي بآعتماد الشيفت shift
ثم أنقر على زرّ إختيار الخط

4) إبحث الآن على الخط ANASTASIA فبدونه لن تنجح معك العملية وإن لم يكن لديك هذا الخط يمكنك تنزيله فهو موجود بكثرة ومجرد عملية بحث على الغوغل تمكنك من الوصول إليه
من الضروري أيضا ضبط المقاييس الأخرى للخط كالحجم كما هو مبين بالصورة
ثم انقر زر الموافقة
( الصورة رقم 4 )

الآن وقد تمكنت من كل هذه المراحل أصبحت علامة الدييز محفوظة لديك تستعملها في كل مرة شئت ذلك

( الصورة رقم 7 )

آمل أن أكون قد حققت لكم بعض الفائدة وشكرا
في المرة القادمة أكتب لكم عن حيلة بسيطة ولكنها مفيدة جدا حول ربع التون
تحيّاتي
شكيب الفرياني
تونس