اقتباس:
المشاركة الأصلية كتبت بواسطة عادل صموئيل
احبائى
اغنية سعدون جابر
صغيرون
ملحوظة انا مش بعرف ادون الاغانى العراقية لأن عندهم طريقة فى الغنا بيسحبوا الحرف على الحرف الى بعده بحيث اننا مانفهمش التفعيلة يعنى اول كلمة فى الغنا هنا كتبتها وغيرتها كذا مرة لحد ماطلعت زى ما بيقول والمشكلة ان زى ما فيه ناس بيصقفوا لى فيه ناس اعداء للناجحين بينتظروا على غلطة يعنى مرة واحد مسكلى نوتة هى تنفع تتكب بطريقتين وعمل منها موضوع .. ورد عليه عشر اشخاص يقولوا النوتة غلط علما بأن زى ما قلت الاغنية دى بالذات تنفع تتدون زى ما انا كاتب وزى ماهو بيقول يعنى انا صح وهو كمان صح .. لكن المشكلة ان فيه ناس بتتلكك .. للعلم ده بيجيب لى احباط ..يعنى انا لما باخد وقت وجهد وممكن اكون تعبان وطبعا السن زى مش الأول ومش باخد حاجة يعنى بدون مقابل وانا ك خبير و ك اكاديمى مش حاتحصل انى اكتب نوتة غلط .. يعنى فيه مازورة بعد ما اكتبها هى مظبوظة لما تسمعها لكن اكاديميا ممكن حد يتلكك على طريقة ربط العلامات الايقاعية واقصد بيبقى مازورة فيها علامات كتير مربوطة مع بعض .. دى ممكن تتكتب بطريقتين والاتنين صح بس فيه طريقة زى ما اخدنا فى الكلية يعنى تكتب اول حرف كروش مثلا وتربط فيه اللى بعد كده تخليهم علامة علامة .. يعنى مثلا تخيل : لو كروش وبعدها بلانش منقوط او بوانتيه وبعدين كروش .. هى بتتسمع صح 100% بس اكاديميا ماتنفعش كده .. يعنى البلانش بوانتيه لازم تتفك لكل ما يساوى نوار .. يعنى قلنا الاول كروش لازم نربط معاها كروش وبعدها بلانش .. وبعدها كروش وتتربط مع الكروش اللى ف الآخر وده الشكل الاكاديمى اللى درسناه فى الكلية .. وزى ما قلت الاتنين صح لكن براعى ان ماحدش يتلكك عشان دى اكتر حاجة بتقرفنى والمصيبة .. ان اللى بيتلكك بيبقى واح يعنى لا فى خبرتى ولا اشتغل مع العمالقة اللى اشتغلت معاهم يعنى فيه فرق بينى وبينه زى الفرق بين السما والارض .. يعنى عارف لو الى بيعترص كان احد زملائى ماكنتش حتضايق .. وللعلم لو احد زملائى فى الفرقة الماسية الله يرحمهم كلهم شاف مش حايعترض لأنى كاتبها صح مع اطيب تحيات
|
استاذي الفاضل سلمت يداك الماسية على كل تقدمه لنا من جواهر الزمن الجميل وانت من عطره
اعداء النجاح موجودون في كل زمن ومكان .. وقلة الوفاء بين الناس ايضاً موجودة ..
و من الناس وهم كثر لا يروا اللا نصف الكوب الفارغ ...
لا تبالي لهذه الفئة من الناس وان فعلت فهي مضيعة للوقت و تعطيهم فرصة ليسرقوا منك نجاحك و فرحتك وحرمان محبيك من ابداعاتك
اين الثرى من الثريا
انا شخصياً اعتبر نفسي محظوظ اني اتواصل مع شخص بمكانتك و استفيد من تاريخك و خبرتك ومن كرمك وانت تمن نعلينا بكل ما نطلبه بلا اي مقابل و بحب كبير وبكل رحابة صدر
وقد سبق لي وتقابلت في لندن مع الاستاذ احمد فواد حسن ، والاستاذ محمود عفت والحديث معه كان متعة .. والاستاذ حسن انور قال لي جملة ما زالت تزن في اذني حتى الان واشد لفت انتباهي غير موهبتهم الفذة تواضعهم اللامتناهي .. رحمهم الله جميعاً
ببساطة الذي يريد ان يتلكك و يزعجك لا تعيره اي اهتمام و ليجد طريقه اخرى للحصول النوت ..
شكراً لك من القلب على كل ما تقدمه لنا .. واطلب من الله ان يمدك بثوب الصحة والعافية و يسعد ايامك
عمر / لندن