* : سمير صبرى (الكاتـب : د.حسن - آخر مشاركة : حازم فودة - - الوقت: 20h56 - التاريخ: 28/03/2024)           »          ليلى مراد- 17 فبراير 1918 - 21 نوفمبر 1995 (الكاتـب : سماعي - آخر مشاركة : نور عسكر - - الوقت: 19h08 - التاريخ: 28/03/2024)           »          تترات المسلسلات التلفزيونية (الكاتـب : راضى - آخر مشاركة : حازم فودة - - الوقت: 16h16 - التاريخ: 28/03/2024)           »          غادة سالم (الكاتـب : ماهر العطار - آخر مشاركة : الكرملي - - الوقت: 15h31 - التاريخ: 28/03/2024)           »          عبد الحليم حافظ- 21 يونيه 1929 - 30 مارس 1977 (الكاتـب : سماعي - آخر مشاركة : fahedassouad - - الوقت: 12h28 - التاريخ: 28/03/2024)           »          محمد شريف (الكاتـب : loaie al-sayem - آخر مشاركة : اسامة عبد الحميد - - الوقت: 23h50 - التاريخ: 27/03/2024)           »          سعاد محاسن (الكاتـب : سماعي - آخر مشاركة : نور عسكر - - الوقت: 19h25 - التاريخ: 27/03/2024)           »          الشيخ محمد صلاح الدين كباره (الكاتـب : احمد البنهاوي - آخر مشاركة : kabh01 - - الوقت: 09h52 - التاريخ: 27/03/2024)           »          سلمى (الكاتـب : حماد مزيد - آخر مشاركة : عطية لزهر - - الوقت: 09h18 - التاريخ: 27/03/2024)           »          سمير غانم- 15 يناير 1937 - 20 مايو 2021 (الكاتـب : محمد البتيتى - آخر مشاركة : نور عسكر - - الوقت: 01h14 - التاريخ: 27/03/2024)


العودة   منتدى سماعي للطرب العربي الأصيل > مجلس العلوم > موسوعة سماعي > م

م حرف الميم

رد
 
أدوات الموضوع طرق مشاهدة الموضوع
  #1  
قديم 21/03/2006, 14h13
الصورة الرمزية سماعي
سماعي
رقم العضوية:1
 
تاريخ التسجيل: octobre 2005
الجنسية: عربية
الإقامة: سماعي
المشاركات: 3,182
افتراضي محمد رشدي


محمد رشدي
من مواليد20/7/1932
مطرب اسمه محمد رشدي محمد،
مولود بمدينة دسوق بمحافظة كفر الشيخ
حفظ القرآن الكريم فى كتاب القرية فى المدرسة
الابتدائية فى مدينة دسوق .

كان يهوى الغناء منذ نعومة اظافره
لذا كان يغنى للناس فى مولد سيدى ابراهيم الدسوقى
جاء الى القاهرة عام 1948 ، ثم التحق بمعهد فؤاد الموسيقى
عام 1949م. · قدم اول اغنية " قولوا لمأذون البلد ".

غنى فى مسرحية الام الخائنة ،
ثم مسرح بديعة مصابنى وفى اثناء ذلك
سمعه الاذاعى على فايق زغلول فدعاه الى لجنة الاستماع
بالاذاعة ، عندما فتحت له الاذاعة ميكروفونها عام 1950م
غنى محمد رشدى اول لحن عاطفى بعدما عاش عمره
الفنى يغنى الطقاطيق الشعبية والفلولكلورية.

لحن لنفسه " قولوا لمأذون البلد "
وسجلها لبرنامج عقبال عندكم بناء على طلب
الاستاذ محمد حسن الشجاعى مستشار الاذاعة
فى ذلك الوقت سجل للاذاعة ملحمة
" ادهم الشرقاوى " ونجح نجاحا كبيراً.

مثل محمد رشدى للسينما 6 افلام .
كون محمد رشدى وبليغ حمدى مع الشاعر
عبد الرحمن الابنودى ثلاثيا فنياً عظيماً وكان هذا
السبب لبداية انتشار الاغنية الشعبية .

غنى محمد رشدى اغانى دينية ووطنية فى انتصارات اكتوبر
قدم فى رمضان 2001م اغانى مسلسل " ابن ماجه " وسجل اخر البوم له بعنوان " دامت لمين ". من أعماله: 1964 المارد - 1965 حارة السقايين، عدوية، 6 بنات وعريس، السيرك - 1969 فرقة المرح - 1971 ورد وشوك · الجوائز التى حصل عليها:- *حصل الفنان محمد رشدى على جائزة الدولة التقديرية. *تم تكريمه فى مهرجان الاغنية بالمغرب عام 2003م
(لملاحظة التصحيح في المشاركة التالية لطفاً)

فهرس
الروابط - الأغاني العاطفية محمد رشدي
هنـــــــــــــاااااوهنـــــــــــــــــااااااا
فهرس
الروابط الأغاني الوطنية والدينية محمد رشدي
هنــــــــــــــــــــــاااااا

الصور المرفقة
نوع الملف: jpg اسم2.jpg‏ (34.0 كيلوبايت, المشاهدات 496)
__________________


التعديل الأخير تم بواسطة : نور عسكر بتاريخ 21/12/2023 الساعة 23h58
رد مع اقتباس
  #2  
قديم 27/07/2007, 16h19
الصورة الرمزية ahmedelraghy
ahmedelraghy ahmedelraghy غير متصل  
مواطن من سماعي
رقم العضوية:26765
 
تاريخ التسجيل: mai 2007
الجنسية: مصرية
الإقامة: مصر
العمر: 43
المشاركات: 25
افتراضي رد: محمد رشدي

احب اسجل شكرى للقائم على الموسوعة
بس كان ليا عدة ملاحظات خاصة بالمعلومات الواردة فى صفحى الاستاذ محمد رشدى
1- تاريخ ميلاد الاستاذ 20/7/1928 وليس سنة 1932
2- بالفعل هو اسمه محمد رشدى محمد الراجحى واصل الاسم رشدى محمد وفيما بعد اقترح الاستاذ سعد عبد الوهاب عليه وقت ما كان مذيع بالاذاعة المصرية انه يغيره الى محمد رشدى لانه اسهل واصبح محمد رشدى اسم مركب خاص بالاستاذ
3 - اخر البوم له البوم قطر الحياة وليس دامت لمين وجدير بالذكر انه الاستاذ بدا مرضه الاخير وهو بيصور الكليب الخاص بالالبوم ده ( قطر الحياة ) ونقل من مكان التصوير للمسشتفى للمرة الاخيرة فى حياته فى مارس 2005
4 - الاستاذ للاسف لم يحصل على جائزة الدولة التقديريه ولكن تم ترشيحه لها
5 - وفاته كانت مساء 2/5/2005 بمستشفى السلام الدولى بالقاهرة وعمره 77 سنة
رد مع اقتباس
  #3  
قديم 09/12/2011, 15h57
جابر المراغي جابر المراغي غير متصل  
مواطن من سماعي
رقم العضوية:488067
 
تاريخ التسجيل: janvier 2010
الجنسية: مصرية
الإقامة: مصر
المشاركات: 210
افتراضي رد: محمد رشدي

الاستاذ / رشدى محمد الراجحى الشهير بمحمد رشدى وتغييرالاسم من رشدى محمد الى محمد رشدى تم بناء على اقتراح موسيقار الاجيال / الاستاذ محمد عبد الوهاب حيث عمل رشدى فترة ما لدى الاستاذ حتى يكون بالقرب من احد مصادر الاشعاع الفنى فى مصر وفى اثناء تلك الفتره ظهرت له اغنية قولوا لماذون البلد الذى ظل يغنيها لمدة 13سنه متواصله /مولد رشدى فى 20/7/ 31 . حفظ رشدى القران الكريم فى كتاب قريته مما حسن من مخارج الالفاظ لديه / عمل فتره فى محلج قطن عندما كان فى الثامنه من عمره / غنى فى مولد سيدى ابراهيم الدسوقى وسمعته السيه / ام كلثوم حين كانت فى زيارة مجامله لاحد اعيان دسوق وطلبت منه تبنى صوت رشدى فكان لها ماطلبت/ جاء الى القاهره فى اواخر الاربعيتيات وتقابل صدفة فى محطة طنطا مع عبد الحليم شبانه ( حافظ) فيما بعد وكان عبد الحليم يحمل عودا فى يده واقترب منه وقدم نفسه اليه وقال له بتلقائيه انا نازل مصر علشان اغنى وركبا القطار معا ونزلا معا فى القاهره ليصبحا ليصبحاالمغنيين الرابحيين فى ساحة الغناء / كل المطربين بداوا الغناء فى مسارح عماد الدين واتجه رشدى للغناء فى مسرح بديعه مصابنى / استمع له الاذاعى / على فايق زغلول وقت ان كان مساعدا للمخرج / ديمترى لوقا فى برنامج / الهواة فدعاه للمثول امام لجنة الاستماع بالاذاعه ونجح امامها فخصصت له الاذاعه ركنا ( ربع ساعه ) اسبوعيا فغنى ياناس حبيبى فين الحان فؤاد حلمى / اغنية عالجبين مكتوب / اغنية يامحيرين النوم ومن باب الاستئثار باجر الاغنيه كاملة لحن قولوا لماذون البلد/ ثم غنى من الحان / محمد الموجى اغنية ياام الطرحه معطره وغنى من الحانه ايضا م العين دى حبه والعين دى حبه واعرف ياهاجر طبع الاحبه وكذلك اغنية القمر قمرين واهم مايعنينا هنا ان محمد رشدى كان هو وعبد الرحمن الابنودى وعبد العظيم عبد الحق السبب فى تغيير مسار الاغنيه المصريه فى الستينيات الى الاغنيه الفولكلوريه وذلك بعد نجاح اغنية / تحت السجر ياوهيبه ياما كلنا برتقان مما جعل عبد الحليم يغنى التوبه وعلى حسب وداد جلبى وسواح بل جعله يغنى صوت فقط ملحمة ادهم الشرقاوى فى الفيلم طبعا/ مثل رشدى افلام / عدويه / ورد وشوك / فرقة المرح / 6 بنات وعريس / السيرك / جدعان حارتنا
رد مع اقتباس
  #4  
قديم 15/11/2014, 08h25
ابراهيم نبيه1 ابراهيم نبيه1 غير متصل  
ضيف سماعي
رقم العضوية:736312
 
تاريخ التسجيل: novembre 2014
الجنسية: مصرية
الإقامة: الإمارات
المشاركات: 1
افتراضي رد: محمد رشدي

معلومات رائعة شكرا لكل العاملين عليها
رد مع اقتباس
  #5  
قديم 11/08/2018, 12h15
الشاعر صلاح عطيه الشاعر صلاح عطيه غير متصل  
مواطن من سماعي
رقم العضوية:787069
 
تاريخ التسجيل: décembre 2017
الجنسية: مصرية
الإقامة: كفر الشيخ
المشاركات: 16
افتراضي رد: محمد رشدي

السلام عليكم
كل الشكر والتقدير للكنز الفنى ( سماعى )

وللساده القائمين على الإداره والمشاركين فى اهم تجمع فنى
وبما اننا فى صفحة الفنان الكبير محمد رشدى ( بلدياتى ) اتمنى تسمحولى بنشر حلقات مشواره الفنى
التى اكتبها على صفحتى على الفيس بوك
اتمنى الحلقات تنال إعجاب حضراتكم
خالص تحياتى
رد مع اقتباس
  #6  
قديم 11/08/2018, 21h02
الصورة الرمزية نور عسكر
نور عسكر نور عسكر غير متصل  
طاقـم الإشـراف
رقم العضوية:348516
 
تاريخ التسجيل: décembre 2008
الجنسية: .
الإقامة: .
المشاركات: 14,701
افتراضي رد: محمد رشدي

اقتباس:
المشاركة الأصلية كتبت بواسطة الشاعر صلاح عطيه مشاهدة المشاركة
السلام عليكم
كل الشكر والتقدير للكنز الفنى ( سماعى )

وللساده القائمين على الإداره والمشاركين فى اهم تجمع فنى
وبما اننا فى صفحة الفنان الكبير محمد رشدى ( بلدياتى ) اتمنى تسمحولى بنشر حلقات مشواره الفنى
التى اكتبها على صفحتى على الفيس بوك
اتمنى الحلقات تنال إعجاب حضراتكم
خالص تحياتى
أهلاً وسهلاً بحضرتك الأستاذ الشاعر صلاح عطية
وبما ستنشره في سماعي من توثيق الحياة الفنية ومسيرة
المطرب الكبير محمد رشدي
مع التحيات
رد مع اقتباس
  #7  
قديم 12/08/2018, 14h27
الشاعر صلاح عطيه الشاعر صلاح عطيه غير متصل  
مواطن من سماعي
رقم العضوية:787069
 
تاريخ التسجيل: décembre 2017
الجنسية: مصرية
الإقامة: كفر الشيخ
المشاركات: 16
افتراضي رد: محمد رشدي

الحلقه الأولى ( البداية )
مشوار الفنان محمد رشدى
#رشدى_المغنواتى
________________

*الأسم الحقيقى : محمد محمد عبد الرحمن الراجحى
*اسم الشهره فى البلد : رشدى محمد
*الأسم الفنى : محمد رشدى ( وهنحكى ازاى الاسم إتشقلب)
*تاريخ الميلاد : 20 / 7 / 1928
*البلد : دسوق محافظة كفر الشيخ ( بلدياتى بقى 😉😂 )
*جده ( ابو والدته) صياد من رشيد
*عاش طفولته فى رشيد ورجع تانى دسوق فى سن 6 سنين .
*كان ساكن جنب جامع سيدى ابراهيم الدسوقى
*الإخوات : بنتين : صبريه وانشراح (هو الولد الوحيد للأسره)
*حب الغنا من غنا والدته للمواويل الحزينه
*والده كان بياخده مولد الدسوقى والموالد المجاوره لدسوق
ومن هنا عشق غنا الإنشاد والمواويل
واستفاد من الموروث الشعبى بعد كده فى شغله
*رغم انه مكملش فى التعليم وتقريباً ماخدش غير شهادة الإبتدائيه
إلا إنه كان مثقف جداً وكان بيقرا لكبار الكتاب
وكان صديق شخصى لمعظم ادباء وصحفيين فترة الستينات والسبعينات
وثقافته وادبه الشديد بيظهروا فى احاديثه التليفزيونيه
*والده كان بيشتغل فى ورش الطوب وكان بياخده معاه يكتبله حسابات الشغل
وكان رشدى وهو طفل بيغنى للعمال
*حصلتله حادثه فى الورشه لسانه كان هيتقطع وقعد فتره مش قادر يتكلم
وفضل عنده مشكله فى نطق حروف ( س , ص , ث )
*كان بيأذن فى جامع ابراهيم الدسوقى وعمره 9 سنوات
*غنا فى سن 10 سنوات
*كان بيعشق صوت (ليلى مراد) وبيغنى اغانيها
*كده رشدى بقى عنده 16 سنه لكن ايه اللى هيحصل بعد كده ؟
وايه علاقتة بـ ام كلثوم ؟ وازاى عبد الوهاب هيكون سبب فى بدايته ؟
ده اللى هنعرفه مع بعض فى اللى جاى وعليكم خير 😉
#الفن_وسنينه

#صلاح_عطية ✍️
ملحوظة : تم نشر الحلقه بتاريخ 22 يونيو 2018 على صفحتى بالفيس بوك
رد مع اقتباس
  #8  
قديم 13/08/2018, 00h58
الشاعر صلاح عطيه الشاعر صلاح عطيه غير متصل  
مواطن من سماعي
رقم العضوية:787069
 
تاريخ التسجيل: décembre 2017
الجنسية: مصرية
الإقامة: كفر الشيخ
المشاركات: 16
افتراضي رد: محمد رشدي

الحلقه الثانية (اول خطوه)
مشوار الفنان محمد رشدى

#رشدى_المغنواتى
________________
*دسوق عرفت ان (رشدى) صوته حلو وبيغنى فى كل مناسبه.
*كان بيحلم انه يسافر مصر ( كل وجه بحرى بيقول على القاهره مصر)
ويقابل الفنانه (ليلى مراد) لانه بيعشق صوتها.
اللى فيما بعد هيسكن فى عمارتها (عمارة الإيموبيليا بوسط البلد _القاهره)
*طبعاً والدته و والده كانوا خايفين عليه من مشوار الغنا
لانه الولد الوحيد ( على بنتين )
ومن وجهة نظرهم ان المغنواتى ( المطرب) ماعندوش دخل ثابت
فكانوا يتمنوا يكون صاحب صانعه او موظف .
*فى الفتره دى 1946 كان مصاحب (فريد زعلوك) ابن عمدة البلد
اللى هو اكبر منه فى السن
و اللى كان مترشح لعضوية مجلس النواب عن حزب الوفد
وكان بيلف معاه وبيعمله دعايه ويغنيله.
واللى وعده انه هيساعده فى موضوع الغنا وهيقف جنبه ، وقد كان
* اول ما المرشح نجح عمل حفله كبيره وجاب الست (ام كلثوم) تغنى
وقالها عندنا ولد صوته حلو ، والست سمعت رشدى
غنالها غنوتين ، غنوه ليها ( انا فى انتظارك)
وغنوه للمطربه نور الهدى ( يا اتومبيل ياجميل محلاك)
والست عجبها صوته
وطلبت من المرشح انه يدخل رشدى معهد الموسيقى فى القاهره ،
وفعلاً الراجل ماقصرش وعمل كده
وسافر رشدى القاهره فى 1947 ودخل معهد فؤاد الأول للموسيقى
( اللى هو دلوقتى معهد الموسيقى العربيه)
* وراح اشتغل فى فرقة (بديعه مصابنى) اللى كانوا اشتغلوا معاها فنانين كبار: فريد الأطرش ومحمد الكحلاوى واسماعيل ياسين ومحمد عبد المطلب ومحمد فوزى وغيرهم كتير .
ورشدى كان بياخد اجر 9 جنيه فى الشهر.
*الناس قالولوا عشان تبقى مطرب صح لازم تقدم فى الإذاعه،
وعشان يتم إعتمادك لازم تكون ليك اغنية خاصه
رشدى هيعمل إيه؟ وإيه هتكون اول اغنية يغنيها ؟
وفين عبد الوهاب ؟
ده اللى هنعرفه مع بعض فى اللى جاى وعليكم خير
#الفن_وسنينه
#صلاح_عطية ✍️
رد مع اقتباس
  #9  
قديم 20/07/2019, 12h35
الشاعر صلاح عطيه الشاعر صلاح عطيه غير متصل  
مواطن من سماعي
رقم العضوية:787069
 
تاريخ التسجيل: décembre 2017
الجنسية: مصرية
الإقامة: كفر الشيخ
المشاركات: 16
افتراضي رد: محمد رشدي

الحلقه الثالثة (الصبر والإجتهاد حلوين .. قوى)
مشوار الفنان محمد رشدى

#رشدى_المغنواتى
________________

*دلوقتى رشدى فى معهد الموسيقى بيدرس اصول الغناء وبيتعلم عزف العود ،
وفى نفس الوقت شغال فى فرقة (بديعه مصابنى) وبيكتسب خبرة الشارع.

*فين ياعم (عبد الوهاب) اللى جيبت سيرته من الحلقه الأولى 🤔

إتقل يا برنس والله جاى انا هغشك يعنى 😂

* فى دسوق كان فى واحد بلديات رشدى اسمه (احمد المنشاوى)

(المنشاوى) ده كان مشهور فى دسوق انه سكرتير الموسيقار (عبد الوهاب)

او هو كان بيقول على نفسه كده 😀

* المهم رشدى راح له عشان يساعده ،

واتصدم لما لقاه شغال فى بوفيه مكتب (عبد الوهاب) 😮

* (المنشاوى) كان رايح للموسيقار اصلاً عشان نفسه يمثل معاه ،

وكان بيكتب اغانى ( من وجهة نظره انها روائع وهتكسر الدنيا بس ياخد فرصته

وبعدين لما رشدى هيتشهر هيغنيله حاجه من باب رد للجميل وكده 😂

* المهم رشدى كان بيروح باستمرار للمنشاوى عشان يشوف (عبد الوهاب)

( من غير ما عبد الوهاب يشوفه طبعاً)

وفى مره وهو بيتفرج على مكتب الموسيقار ومنبهر جداً بحاجات الموسيقار

( عبد الوهاب اسطوره تجبرك على الوقوع فى عشقها)

بيدور فى باسكت المكتب ( صندوق الزباله) لقى من ضمن الأوراق المتقطعه ورقه مكتوب فيها كلام عجبه ، قال للمنشاوى ممكن اخد الورقه دى ؟

قاله طالما الموسيقار رماها يبقى مش عايزها .

*وقد كان ، رشدى خد الورقه وقعد يلحن فى الكلمات

* بعد كده وخلال مشوار رشدى هيلحن اكتر من اغنية ، ولما كانوا بيسألوه إنت لحنت ليه كان بيرد انه لحن عشان ماكنش معاه فلوس يديها للملحن 😥

* نرجع للغنوه اللى خدها من مكتب عبد الوهاب ،

المهم قدم فى إختبارات الإذاعه ونجح وتم إعتماده فى عام 1951

* مين بقى كان فى لجنة الإذاعه الست ام كلثوم والموسيقار رياض السنباطى والموسيقار محمد عبد الوهاب

*طبعاً (عبد الوهاب) لما سمع الغنوه إتجنن ، ازاى الغنوه اللى كانت معاه وصلت للشاب ده ؟ ورشدى حكاله القصه بكل صراحه ، وعبد الوهاب بذكاء شديد سامحه وحس انه قدام موهبه هيكون لها شأن عظيم بعدين .

*طيب إيه هى الغنوه ؟ ومين صاحب الكلمات ؟ وايه رد فعله لما كلماته إتغنت بدون إذنه ؟

ماهو ده اللى هنعرفه بعـ...

_ لااااااا وحياة ولادك ياشيخ لتكمل الحته دى

كفايه شغل فواصل إعلانات المسلسلات 😭😵

* حاضر يامعلم

الأغنية (سامع وساكت ليه) والشاعر هو (حسين طنطاوى)

زجال بيكتب مونولوجات وبرامج غنائيه فى الإذاعه .

واللى فيما بعد ( 5 سنين) هيكتب اشهر اعماله الغنوه الخالده (رمضان جانا) لعبد المطلب.

* طبعاً الشاعر قابل رشدى وطلب منه فلوس

وماكنش معاه وكتبله وصل امانه بـ (3 جنيه)

* ايه بقى حكاية تبديل إسم رشدى ؟

وازاى هيتحول من العاطفى لـ الشعبى ؟

وازاى الثوره هتكون وش الخير عليه؟

ماهو ده اللى هنعرفه مع بعض فى اللى جاى وعليكم خير


#الفن_وسنينه
#صلاح_عطية ✍️
رد مع اقتباس
  #10  
قديم 20/07/2019, 12h39
الشاعر صلاح عطيه الشاعر صلاح عطيه غير متصل  
مواطن من سماعي
رقم العضوية:787069
 
تاريخ التسجيل: décembre 2017
الجنسية: مصرية
الإقامة: كفر الشيخ
المشاركات: 16
افتراضي رد: محمد رشدي

الحلقه الرابعة ( النجاح رزق)
مشوار الفنان محمد رشدى

#رشدى_المغنواتى
________________

* 1951دلوقتى رشدى معتمد فى الإذاعه وعنده كام غنوه
( سامع وساكت / يا ناس حبيبى فين / محرمين النوم )
لكنهم اغانى عاطفيه ومفيش حاجه فيهم ناجحه قوى .


* قبل ما الكلام ياخدنا خلينا نقول إسم (محمد رشدى) جه كده ازاى
وهو غنا واسمه (رشدى محمد) ؟
طبعاً هو اسمه الحقيقى (محمد) وشهرته فى بلده دسوق (رشدى محمد)
ولما جم يذيعوا اول اغنيه ليه فى الإذاعه وكان المذيع وقتها (سعد عبد الوهاب)
اللى هو المطرب المعروف ( ابن شقيق الموسيقار محمد عبد الوهاب) اللى اشهر اغنيه (الدنيا ريشه فى هوا) اللى فى 2003 اعاد غنائها الكنج (محمد منير)
كفايه كده عشان مانتوهش من بعض 😂


المهم المذيع قال والأن مع اغنية ( سامع وساكت) غناء المطرب الجديد ( محمد رشدى) طبعاً رشدى قاله ياعم انت قولت اسمى بالمشقلب ، انا (رشدى محمد) مش
(محمد رشدى) ياعم اهلى فى البلد كده مش هيعرفوا انى انا اللى بغنى لانهم عارفنى باسم (رشدى)
المذيع قاله لاء كده احلى وكل النجوم دلوقتى اسمهم الأولانى (محمد) : محمد عبد الوهاب ومحمد عبد المطلب ومحمد الكحلاااااوى وتحيا الوحده العربيه 😂


* عمنا رشدى نفسه فى غنوه تتشهر ويتشهر بيها ، وقد كان
وكانت غنوة (مأذون البلد) اللى هى من الحانه وكتب كلماتها محمد فتحى مهدى ، الغنوه بدأت تشتغل والجمهور يطلبها فى الإذاعه فى مناسبة الأفراح .


وهووووب الدنيا اتقلبت ،
قصدى حصلت ثورة
يوليو 1952 23 ومشى الملك فاروق ،
طب وإحنا مالنا 😂
مهو رشدى كان عنده تسجيل فى الإذاعه اليوم ده ،
ولو ماسجلش مش هياخد فلوس ولا هيعرف يعيش ،
المهم لما صعب عليهم قالولوا تعالى غنا ياعم ،
هتغنى ايه ؟ قالهم (المكتوب ع الجبين) قالوا ايه النكد ده 😭
هى البلد ناقصه ، بقولك ثوره والناس فى الشوارع
انت مش عندك غنوه للأفراح ، ماتقولها يانجم واهى البلد دلوقتى فى فرح
وقد كان ، البلد فاتحه الراديو مستنين بيان من الضباط الاحرار
ويلاقوا (محمد رشدى) بيغنى : قولوا لمأذون البلد يجى يتمم فرحتى 😂


الغنوه ضربت وكسرت الدنيا ، وفضلت شغاله لمدة 10 سنين
لدرجة رشدى اتخنق منها ، وبقى يتقال عليه مطرب الغنوه الواحده ، لانه ماعندوش غنوه ناجحه غيرها .


لكن خلينا نتفق انها وش الخير عليه من ناحيتين ، فنياً لانها عرفت الجمهور بيه ، وإنسانياً لانها كانت السبب فى إرتباطه بـ زوجته ام اولاده .
اللى اهلها طلبوه يغنى فى فرح بنتهم ( اخت زوجته) ولما شاف اختها ( اللى هتبقى زوجته بعد كده) عجبته وتم الإرتباط علطول .
لكن يافرحه ماتمت ؟ ايه اللى حصل ؟
تقولش عين ورشقت بس بالجااامد
وده هنعرفه مع بعض فى اللى جاى وعليكم خير
رد مع اقتباس
رد

Tags
محمد رشدي


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
طرق مشاهدة الموضوع

تعليمات المشاركة
You may not post new threads
You may not post replies
You may not post attachments
You may not edit your posts

BB code is متاحة
كود [IMG] متاحة
كود HTML معطلة

الانتقال السريع إلى


جميع الأوقات بتوقيت GMT. الساعة الآن 21h02.


 
Powered by vBulletin - Copyright © 2000 - 2010, Jelsoft Enterprises Ltd