اخى العزيز الأستاذ عادل
اشكرك شكرا جزيلا لتدوينك التحفه الوطنيه مصر تتحدث عن نفسها لعبقرى الموسيقى والقصائد خالد الذكر رياض السنباطى رحمه الله...وقد استمتعت بعزفها حتى الكوبليه الثالث وسانتهى منها اليوم ان شاء الله.
فقط لى ملاحظتين اغلب الظن انهما اخطاء فى الطباعه.
الملاحظه الأولى فى موسيقى الكوبليه الثانى,الخانه رقم23 بالمازوره التانيه (سى صول _سكته_فا رى سى دو رى ) ولكن عند العزف وجدتها(فا رى سى دو فا) وقد اكون مخطئا ارجو التصحيح.
الملاحظه الثانيه بالخانه 25 المازوره الأولى (اللا الاولى نصف بيمول والثانيه ناتوريل) وعند العزف وجدت الأثنين نصف بيمول ...وكذلك بالخانه 26 بالمازوره الأولى اللا نصف بيمول ايضا وليست نانوريل وارجو التصحيح ان كنت مخطئا.
عزيزى الأسناذ عادل لماذا لا تكتب ارقام الخانات بالنوته حتى تسهل علينا المتابعه؟
واخيرا بخصوص اغنية دوبونى الغمزتين لماهر العطار فهى اغنيه جميله وانا اؤيد اخى نور الصباح فى طلب تدوينها وقد استمعت الى الملف الصوتى لها ووجدت المقدمه غير منقوصه.
مع ارق تحياتى
احمد (ارمندو)
اخى العزيز
اشكرك على الملحوظة وانا صلحتهم وغيرت الملف فى المكان اللى هو فيه ممكن تشوفه
بالنسبة للملحوظة الاولى اللى انا عمالها ممكن تمشى لكن اللى انت قلتها احلى
وعموما الكوبليه ده بالذات كانت مشكلته فى التدوين انه صعب جدا وان البرنامج مش بيغنى النغمات الشرقية وانا مش بستعمل آلة موسيقية يعنى براجع بعينى فقط
اما بالنسبة لأغنية دوبونى الغمزتين انا ماقلتش حاجة هاتوا لى ملف صوتى تسجيل الاستوديو عشان مش بيبقى فيه غلطات
هو المشكلة ان فى الحفلات الفرقة دى لو حصلت غلطة رئيس الفرقة بيعديها والخطورة لمكا تكون الجملة مش بتتعاد تانى
وانا بالطبع ما اقدرش اؤلفها وحد يكون حافظها يقول عليا كاتبها غلط يعنى من اهم مميزات الفرقة الماسية ان احمد فؤاد حسن على المسرح كان بياخد باله من الحاجات دى يعنى لو اى حاجة فيها الهوا بيعيد الجملة تانى او الجزء بحيث ان بعد الحفلة تبقى الاغنية فى المونتاج مافيهاش الهوا يعنى اى جزء مش 100% بيبقى على نفس الشريط موجود الصح بتاعه
والموضوع ده كان بالذات فى فرقة ام كلثوم والفرقة الماسية لأن كانت اى اغنية لو اتعزفت خمسين مرة كل مرة بتتسجل تانى
مع اطيب تحياتى