أخطاء نادرة في النص الغنائي

[حسن كشك]

كلام اخى احمد الشوبكى اوحى لى بفكرة موضوع جميل ( من وجهة نظرى )
وهى الاخطاء التى يقع فيها المطربون اثناء غنائهم ووصلت لنا فعلا تلك الاخطاء
وكنت قد ذكرت كيف سبقت شادية الايقاع فى اغنية شادية ( ابيض ياوردى )
واليكم خطأ للفنانة ( فايزة احمد ) فى اغنية ( ياما قلبى قاللى لأ )
والخطأ يقع فى الكوبليه الاخير للاغنية
لو مشيت لى خطوه هاابعد خطوتين .... ياللى من غير قلب سيب قلبى فى عذابه
كنت فين من بدرى قولى كنت فين .... واحنا الاتنين حبنا لسه فى شبابه
دبلت الورده الجميلة ... مابقاش فى اليد حيله
هنا نطقت فايزه كلمة ( دبلت ) نطقتها ( دوبلت ) وذلك لانها غير مصرية اساسا ونطقتها بالبنانية
ثم عادت وصلحت الخطأ و نطقتها ( دبلت ) بالكسرة كما فى اللهجة المصرية
حد خد باله قبل كده - اسمعوا الاغانى تانى وخدوا بالكم وهاتوا اخطاء تانية
الاغنية - ياما قلبى قاللى لا
صلاح جاهين -كمال الطويل - فايزه احمد

[رضا المحمدي]

فكرة جميلة جدا أستاذ كشك
في غلط ثاني للعندليب بالحفلة الشائعة لغنوة في يوم في شهر في سنة بحيث انه
بالمقطع (الكوبليه) الاخير كان المفروض يغني يا حبيبي راح الي راح بس هو حصله غلط واعاد الكوبليه الاول الي بيبتدي بيا حبيبي شايفك وليل الفراق عالبعد فارق جناحه
جل من لا يسهو

[غواص النغم]

اهلا بكم
فعلا فكرة جميلة وسبحان الله كنت افكر في كتابة موضوع عن لماذا عندما يحدث غلط او نطق كلمة بشكل غير مفهوم لماذا لم يعيدوا التسجيل وكنت ح اشير ل اغنية عبدالغني السيد الكوبليه الاخير من ..يابايع الصبر كان ح يكمل الكلام لكن الكورس كمل بداله شكله اندمج في اللحن
وكذلك اغنية فايزة كنت ب الاحظ نطقها في الاغنية التي اشرت اليها واغنيتها الاولى في الاذاعة المصرية وهي اغنية قول ياعزول
لكن الحمد لله انهم لم يعيدوا التسجيل لانها تبدو اكثر طبيعية واندماج
وهناك ايضا غلط في اغنية تسلم ياغالي لمحمدعبدالوهاب ولكن ماهو بالتحديد لااذكر
وعلى فكرة فايزة احمدتنبهت لمشكلة النطق واخذت دروس في الالقاء وظلت حتى اخر ايامها تاخد دروس عند مدام رطل في فن الصولفيج وهنا لي بسوال:
الناقد كمال النجمي قال في مقالة له انّه عارض فايزة احمد في اخدها هذه الدروس واخبرها بذلك لان هذه الدروس في فن الصولفيج غيّرت من ملامح حنجرة وصوت فايزة احمد وافقدته البحة الجميلة التي كانت فيه في اوائل غنائياتها (قارن بين صوتها في الخمسينيات واوائل الستينيات وصوتها في السبعينيات ) وكانت تصر ان هذه البحة عيب في صوتها حتى تخلصت منها للاسف
فهل فن الصولفيج يجعل الصوت على النهج الاوروبي بعيد عن الفن الشرقي ؟
في اغنية شادية غاب القمر وقبل ان تقولها في الحفل لاول مرة نسيت كلمات الاغنية واخبرت منتج الحفل وملحن الاغنية محمد الموجي بذلك لكي يسعفها بالكلمات فقال لها :انا لااملك كلماتها الان ولكن ابنتي غنوة تحفظ الاغنية لانها جلست معي في اثناء تلحين الاغنية والبروفات وبامكانها ان تذكرك
وكانت غنوة موجودة وغنت الاغنية امام شادية وعندما اتت لمقطع سلم على شعري قالت غنوة : ملّس على شعري ..فضحكت شادية وقالت والله حلوة وغنتها في الحفل ملّس
ممكن تكون شادية قد توترت قبل الحفل لانها كانت ستعود لمواجهة الجمهور بعد غياب عن الحفلات بعد ان قاطعتها لفترة لماذا قاطعت الظهور في الحفلات ؟من يعرف الاجابة ؟سمعت ان هناك من ضايقها اثناء حفل لها فاصابها القرف ورفضت بعدها الظهور حتى اقنعها محمدالموجي بالظهور في حفل من انتاجه و الاغاني كلها من تلحينه وهي بوست القمر وغاب القمر وقاللي الوداع ومخاصمني بقاله مدة ؟
تحياتي

[حسن كشك]

شكرا اخى

حليم

واخى

عبد المنعم

على المشاركه
وهناك الخطأ الشهير للفنان محمد عبد الوهاب
فى الاغنية التى تبدأ ب

اين من عينيك هاتيك المجالى .... ياعروس البحر ياحلم الليالى

ففى المقطع الذى يغنى فيه عبد الوهاب
ذهبى الشعر شرقى السمات .....

نطق عبد الوهاب كلمة ( الشعر ) بالكسرة فتغير المعنى المراد نقله من الشعر الذى يغطى راس الحبيبه وكان لونه اصفر ذهبى الى ان الحبيبه تنظم قصائد شعر ذهبية الكلمات
ويقال والعهدة على الراوى ان الاديب الكب طه حسين كان يحضر تسجيلات هذه الاغنية ولما سمع كلمة الشعر التى نطقها عبد الوهاب انتفض فى مكانه - وارتبك عبد الوهاب ولم يفهم لماذا انتفض طه حسين - وعرف بعد ذلك

[حسن كشك]

وعشان مانقولش ان المطربين بيخطأوا
احنا كمان بنسمع غلط
فاكرين اغنية - احب اتنين سوا - لليلى مراد
فى المقطع اللى بتقول فيه
ياساكنى مطروح ...........
كملوا كده وورونى بتسمعوا اللى بعد مطروح ايه
وانا ها اقول لكم على الخطأ

[صوت الموسيقى]

كانت بتقول ........

دى النية ف بحركم

وانا زمان كنت باسمعها جنية

[حسن كشك]

وتأكيدا اننا فى اوقات بنسمع خطأ
فى اغنية
جميل جمال - لفريد الاطرش
فى المقطع
ليه كل الازهار بتحبك و.................
كملوا وقولولى بتسمعوا ايه بعد بتحبك

[غواص النغم]

ياساكني مطروح دي النيّة في بحركم
الشمس تيجي وتروح وانا عاشقة حيّكم
يا ساكني مطروح
كم اخد من عشرة ؟؟؟؟؟
تحياتي

[غواص النغم]

في اغنية بريئة في الكوبليه الثاني
فايزة احمد بتقول
بريئة ويصعب عليا اقول بريئة ......
وبعدما .....
كملوا البيتين ياشطار
تحياتي

[حسن كشك]

فعلا شاطرين اخوانى
عبد المنعم ومجدى
فعلا هى ( دى النيه فى بحركم )
وغالبية الناس بتسمعها ( جنيه فى بحركم )
لا ودانكو بسم الله ماشاء الله

10/11