لقد عبر أخي الأستاذ محمد على عن أحساسي تجاه هذه الأغنية بالضبط
ففعلا تكاد تُنسى هذه الأغنية الجميلة ..المليئة بالأحاسيس
والتي ينقل صوت عبد الحليم إلى نفسي كل شجون الدنيا عندما أسمعها
تحياتي للغالية لولي ..وتحياتي لاختياراتك الرائعة
والدى العزيز ا / صلاح الاب الحانى الطيب اوى
سعدت جدا ان الاغنيه عجبتك وزادنى سعاده ثناءك على اختيارى
مانحرمش من حضرتك ابدا
بس اقولك حاجه صغيره اوى "انت نسيت موضوع تجميع اشعار شاعرنا الرقيق ا / كمال ولا ايه ؟ " عندنا هنا موضوعين جداد هنا وفى موضوع اغنيه اقبل الليل
تشرفت بوجود حضرتك
__________________
لـــَـستُ مُجبـــــَــــره أنّ يَفهـَـم الأخـَــرِين مـَن أنــَـــا
يا هالة َ القمر ،،
يا من يَطيبُ تحتَ ضوءِها السهر ،،
( غزل عفيف )
شوفي يا ست الكل ،، أعز الناس دي ،، زىّ ما قال كل ( الحَسَّاسين ) اللي علقوا عليها ،، لها وَقع خاص ،،
بتكلـّم البني آدم مِننا ( مِن جُوَّة ) مش ( من بَرَّة ) زىّ أغاني كتير أشهر منها
و لولا الملامة ( يا هوا ) ، كنت فـَكـِّيت صواميل ( دِماغي ) ، و سِبْت شعشعة أحاسيس الحالة ( الأعز ناسيّة ) خـَرَّفِت ما شاءت لها ( الخـُرافة ) ،،
يا ريت يا هالة المرة الجيّة ، ما تختاريش أغنية من بتوع ( وجع القلب ) ،، آديكي شايفة الناس ( وَحْوَحِت مِنِك ) ،، و الوحوَحة مش كويسة على الصحة
إختار بليغ حمدى مقام الكرد ليبدأ به لحنه .. ومع إيقاع الفوكس تروت .. نسمع مقدمة موسيقية متفردة .. يشترك فيها مجموعة من الألآت الموسيقية الغربية ( جيتار ، أوبوا ، ماندولين ، أورج ، بيانو ) .. بالإضافة للوتريات .
يبدأ الكورال بالغناء ( على طول ) .. ليتسلم عبد الحليم الدفة ويغنى ( على طول الحياة .. نقابل ناس .. ونعرف ناس ) .. من نفس المقام ( الكرد ) ..
ويظل مع الكرد حتى ( ولا ننسى حبايبنا أعز الناس ) .. فننتقل لمقام البياتى .. المقام الشرقى الجميل ..
وينتهى المذهب ..
نفس موسيقى المقدمة .. مع تسليمة من مقام العجم .. ويغنى حليم ( سنين وسنين تفوت .. مانحس بوجودها ولا وجودنا )
وينتقل للكرد مرة أخرى عند ( ومين ينسى .. ومين يقدر فى يوم ينسى ) .. وينتهى الكوبليه بنفس نهاية المذهب مع مقام البياتى ..
ومع إيقاع السلو رومبا .. يبدأ الكوبليه الثانى بجملة موسيقية من ألة الأورج .. وتتحاور معه الوتريات .. ونسمع الجيتار يردد نفس الجملة ..
ويغنى حليم ( حبيب قلبى وروح قلبى حياة قلبى ) .. من الكرد .. ونسمع الوتريات تردد نفس جملة الغناء من الطبقات العالية ( الجواب ) ..
ينتهى الغناء .. ولكن الموسيقى لم تنتهى .. نظل حوالى دقيقة ونصف مع نفس الجملة الموسيقية .. تؤديها الأوبوا .. وبعدها الوتريات الغليظة ( التشيلو ) .. ثم يختم الكورال النسائى بأهات بنفس الجملة اللحنية ..
لايمكن أن أختم هذا التحليل دون الإشارة للتوزيع الموسيقى للأغنية ..
توزيع رومانسى يتوافق مع معانى الكلمات .. تلعب فيه الوتريات ( الكمانجات ) دوراً رئيسياً .. ونسمع ألآت النحاس والخشب .. مع ألآت النقر ( الجيتار والماندولين والبيانو ) بالإضافة لسيطرة واضحة من الأورج ..
نلاحظ وجود أشكال التوزيع المختلفة .. الخطوط الأفقية ( بوليفونى ، كونتربوينت ) مع الخطوط الرأسية ( هارمونى ) ..
إسمعوا الخطوط الموسيقية الخلفية .. شئ بديع ..
اللحن يأخذ السمة الغربية ( بإستثناء البياتى ) .. آلات غربية .. إيقاعات غربية ..
إختار بليغ حمدى مقام الكرد ليبدأ به لحنه .. ومع إيقاع الفوكس تروت .. نسمع مقدمة موسيقية متفردة .. يشترك فيها مجموعة من الألآت الموسيقية الغربية ( جيتار ، أوبوا ، ماندولين ، أورج ، بيانو ) .. بالإضافة للوتريات .
يبدأ الكورال بالغناء ( على طول ) .. ليتسلم عبد الحليم الدفة ويغنى ( على طول الحياة .. نقابل ناس .. ونعرف ناس ) .. من نفس المقام ( الكرد ) ..
ويظل مع الكرد حتى ( ولا ننسى حبايبنا أعز الناس ) .. فننتقل لمقام البياتى .. المقام الشرقى الجميل ..
وينتهى المذهب ..
نفس موسيقى المقدمة .. مع تسليمة من مقام العجم .. ويغنى حليم ( سنين وسنين تفوت .. مانحس بوجودها ولا وجودنا )
وينتقل للكرد مرة أخرى عند ( ومين ينسى .. ومين يقدر فى يوم ينسى ) .. وينتهى الكوبليه بنفس نهاية المذهب مع مقام البياتى ..
ومع إيقاع السلو رومبا .. يبدأ الكوبليه الثانى بجملة موسيقية من ألة الأورج .. وتتحاور معه الوتريات .. ونسمع الجيتار يردد نفس الجملة ..
ويغنى حليم ( حبيب قلبى وروح قلبى حياة قلبى ) .. من الكرد .. ونسمع الوتريات تردد نفس جملة الغناء من الطبقات العالية ( الجواب ) ..
ينتهى الغناء .. ولكن الموسيقى لم تنتهى .. نظل حوالى دقيقة ونصف مع نفس الجملة الموسيقية .. تؤديها الأوبوا .. وبعدها الوتريات الغليظة ( التشيلو ) .. ثم يختم الكورال النسائى بأهات بنفس الجملة اللحنية ..
لايمكن أن أختم هذا التحليل دون الإشارة للتوزيع الموسيقى للأغنية ..
توزيع رومانسى يتوافق مع معانى الكلمات .. تلعب فيه الوتريات ( الكمانجات ) دوراً رئيسياً .. ونسمع ألآت النحاس والخشب .. مع ألآت النقر ( الجيتار والماندولين والبيانو ) بالإضافة لسيطرة واضحة من الأورج ..
نلاحظ وجود أشكال التوزيع المختلفة .. الخطوط الأفقية ( بوليفونى ، كونتربوينت ) مع الخطوط الرأسية ( هارمونى ) ..
إسمعوا الخطوط الموسيقية الخلفية .. شئ بديع ..
اللحن يأخذ السمة الغربية ( بإستثناء البياتى ) .. آلات غربية .. إيقاعات غربية ..
أرجو أن أكون وُفقت فى هذا التحليل المتواضع .
هقولك ايه بس يا ا / محمد
دايما منور المنتدى كله بتحليلاتك الموسيقيه السلسه الجميله
__________________
لـــَـستُ مُجبـــــَــــره أنّ يَفهـَـم الأخـَــرِين مـَن أنــَـــا