الفنان الجميل سيد الملاح
ابن بورسعيد من اقدر من ادي المنلوج في فتره الستينيات و السبعينيات وكان مشارك بجهد كبير وغزير وكم اذكر في فتره التهجير عندما استعان باله السمسميه لتقديم برنامج غنائي في رمضان اسمه سيد مع حرمه في رمضان وكانت معه الفنانه سناء جميل وايضا له برنامج عرايس و عرسان و بقول فيه بدايته
عرايس عرسان اشكال و الوان و المهر خفيف و بسيط
فرصه يا عرسان بالنقد و بالتقسيط
عرايس عرسان حلاوتهم
. ولاينسي سيد الملاح بلده بورسعيد حين يقوم بتقلد الفنانين بالمطرب عبده كفته و علي فكره عبده كفته ده واحد من اشهر محلات الكباب في بورسعيد وكان صديقه جدا و لم يتخلي الفنان سيد الملاح عن الوظيفه الحكوميه طوال حياته حتي احيل الي المعاش وكان علي درجه وكيل وزاره بالتربيه و التعليم و مسئول عن المسرح المدرسي بالوزاره وهو متزوج و له ابنه واحده و ياريت الاخ مرسي البورسعيدي يحول الاتصال بها للحصول علي صور نادره او تسجيلات .و لايفوتني ان اشير انه بمناسبه اطلاق الجمهوريه العربيه المتحده الصاروخين القاهر و الظافر منلوج لسيد الملاح حافظه من ايامها عام 1964 بيقول فيه.
علي فوق علي فوق يا صاروخ ظافر
وبلمسه ايد اعلي و سافر
وان شفت عازول
في طريقك قول
انا صنع بلاد عبد الناصر
علي فووووق .