طقطوقة يا ولد عمي يا بوى ـ لحن الصعايده (قولوله)

ياولد عمي يابوي ياولد عمي الحجني يابوي ياولد عمي يابوي
هات البزابورت وياللا بنا يااسماعيل لا الوجت يفوت
غربة ايه دي مصر اولا بنا بعدها مابيحلا لنا الجوت
عهد الله وعهد الانبيا مانفوتهاش ولا بالنبوت
هي السمكة تفوت الميه دااحنا من غير مصر نموت
ياولد عمي يابوي ياولد عمي الحجني يابوي ياولد عمي يابوي
لفينا لما استكفينا من جرجا لمالطة لميدراس
والله بركة اللى استعفينا وخلصنا من وجع الراس
كل بلد ازفت من التانية وحياه سيدك ابو العباس
لولا انت يامصري في الدنيا ماكنا نلاجي ولاد ناس
ياولد عمي يابوي ياولد عمي الحجني يابوي ياولد عمي يابوي
والله لو كانوا الاغنيا يتلموا ويمضوا لنا شيكات
والنبي تو ماعجدوا النية اتفرج ع الفاوريكات
وتعيش مصر ف عيشة هنية دولة وتحكم ممتلكات
مادام في قلوبهم حنية ع الفقرا تحل البركات
ياولد عمي يابوي ياولد عمي الحجني يابوي

[ايهاب عامر]

لسلام عليكم ورحمه الله وبركاته
اخونا الغالى منعم
رائع والله هذا التسجيل النادر
ايوه كده يا غالى دعبس فى المغاره وهات ما عندك
العلاقه واضحه واكيده بين سماعى وبين النوادر
شكرا كمان مره يا منعم
وايضا هناك شكر واجب لاخونا محمد زمنطر على حفظه حقوق اصحاب الملفات
تقبلوا جميعا تحياتى

[ridha26]

روعة

للأسف أنني لم أعلم بها إلا الآن

[cooldoctor]

أنا ف حلم ولا ف علم
حقيقي مش مصدق وداني
أنا كنت فاكر إن كنوز سيد درويش خلصت على كده
بجد ربنا يباركلك وياريت تدعبس تاني يمكن تلاقي حاجة تانية
محبتي

أحد مجازيب الشيخ سيد درويش
د. جورج بهيج

[عادل محمد]

حينما استقبل عملا فنيا عالى الابداع سواء كان موسيقى أو شعرا أو رواية أو فيلما أو مسرحا ، أصاب ب -صدمة - أنا الآن فى صدمة ولكن صدمة فنية ممتعة، هل يعقل أننى الآن وبعد كل هذة السنين من السمع أن أستمع الى غنوة بهذة الروعة ولمين لسيد درويش لم اسمعها من قبل ، أقولك اية يا أخ منعم ، أقولك منك للة ولا أقولك متشكر وربنا يخليك انت ومغارتك

[محمد عبد الحميد حجاج]

يا سلام يا سلام ايه التحف الجميله دي ايوه كده طلعوا اللالئ اللي تحت البحر كده انا اشكرك من صميمالوريد التاجي لقلبي و اخر كلامي سلام

[صلاح السويفي]

أخي عبد المنعم النهاردة بس الي شفت العظمة دي

وفي الحقيقة سبقني أساتذة كرام ..

فلم يبق لي إلا هذه الهـــدية أقدمها للمنتدى بإســــمك