مين فينا راضى؟

**سعدالشرقاوى** · #1 07/10/2010, 08h54

http://http://www.youtube.com/watch?v=RUhp7X6g26c

(مين فينا راضى بقسمته)
كلمات/سعدالشرقاوى
لحن وتوزيع وغناء
الاستاذ/محمد الآلاتى

(مين فينا راضى)

مين فينا راضى بقسمته

وبعيشته شاكر نعمته

مين فينا عاشق للحياه

أو حتىّ حابب مهنته

,,,

مين اللىّ قلبه بينشرح

ويحسّ يوم معنى الفرح

والكل دايما ينجرح

والفكر ضيّع صحّته

,,,

مين اللىّ مرتاح فى العمل

وحسّ لحظه بالأمل

والظلم دايما محتمل

يصبح شريكه ف لقمته

,,,

مين فينا خالى من الهموم

لو صاحى أو بيشدّ نوم

واللىّ اختفى جوّا الهدوم

ماتكشفوش غير دمعته

,,,

حالة الكبير ادّهورت

سنين طموحه اتأخـّرت

والطفل نفسه اتأثـّرت

أوّل مابصّ ف دنيـته

,,,

على الفقير الشئ يهون

وبالقليل يملى العيون

أمّا اللىّ عنده مال قارون

محتاج يكتــّر ثروته

,,,

طاب اللىّ عاش الفرح مين

ومين يحب يعيش حزين

لو حدّ عنده الجبهتين

يوصف لى شكله وسكته

,,,

ما يالله نقنع نفسنا

والخير يبان على حسّنا

لو اكتفينا برزقنا

يجينا بكره بنعمته

,,,

يادنيا لفىّ ودورى بينا

ونفـّذى المكتوب علينا

ومهما طال العمر فينا

الموت نهايته وآخرته

,,,,

**Tarek Elemary** · #2 09/10/2010, 10h19

الحمد لله على نعمه التى لا تحصى
أنا راضى يا عم سعد و أشكر الله على فيض كرمه
رائع كعادتك
و متغلغل فينا بشكل إنسيابى
زى النسيم العليل
لا صوت له و لكن تحسه يداعب أطرافك
و يحنو على وجهك و يداعب شعرك (ما لم تكن أصلع) ههه
كل أكتوبر و أنت فاكر و مش ناوى تنسى

**سمير حسين** · #3 10/10/2010, 11h39

شاعرنا القدير .. صاحب أجمل توتة
( سعد الشرقاوى )
لحظات جميلة عشتها وأنا أستمع وأستمتع برائعتكم
مين فينا راضى .. جذبتنى كلماتها وكأنها شريط لحياة وطن
ينسى ويتناسى معانى الوجود الجميلة فى الحياة
كلماتك رائعة يا شاعرنا الكبير لملمت الكثير من سلبياتنا ووضعتها أمام أعيننا
أما عن أستاذنا الموسيقار ..محمد الألآتى .. فقد إستطاع
بحسه الموسيقى وصوته الشجى أن يضفى على الكلمات واللحن
نوعا آخر للتذوق الراقى الجميل
شكر لك شاعرنا الكبير ( سعــد الشرقاوى )
وشكرا للمبدع الموسيقار ( محمــد الألآتى )
قدمتما لنا تحفة فنية راقية ومزيجا من الكلمات والنغمات الجميلة
...

**NAHID 76** · #4 10/10/2010, 14h48

بسم الله الرحمن الرحيم
الشاعر الملهم خالى سعد الشرقاوى
مع مين فينا راضى عشت جميع مشاكلنا وهمومنا اليوميه وصورتها أجمل تصوير وألممت بأكثرها لنشعر أن حضرتك يا خال تكتب عن كل واحد يقرأها يحس لحظتها أنها له وحده
هدير من الكلمات تجرى فى انسيابيه رائعه كما عودتنا دائما فى أعمالك
بس أقول لك يا خال اللى مش راضين عنه بجد هو غيابك عنا وطول فترة الأنقطاع يا ريت تعود ومعك صحبتك الجميله الأستاذ طارق العمرى والاستاذ علاء ياسين وجميع مجموعتك الحلوه التى لم تسعفنى بهم الذاكره
تحياتى

**Hisham Khala** · #5 13/10/2010, 20h28

ايه يا عم الجمال دا كله كان مستخبي فين؟
حاجة جميلة فعلا
اما عن الرضا:
فالحمد لله علي جميع الاحوال

**سعدالشرقاوى** · #6 15/10/2010, 22h12

اقتباس:

المشاركة الأصلية كتبت بواسطة Tarek Elemary

الحمد لله على نعمه التى لا تحصى

أنا راضى يا عم سعد و أشكر الله على فيض كرمه
رائع كعادتك
و متغلغل فينا بشكل إنسيابى
زى النسيم العليل
لا صوت له و لكن تحسه يداعب أطرافك
و يحنو على وجهك و يداعب شعرك (ما لم تكن أصلع) ههه
كل أكتوبر و أنت فاكر و مش ناوى تنسى

ومين مايرضاش
وسلمى بتضحكله كل يوم الصبح
اجمل ضحكايه فى الدنيا
الحمدلله على ما أعطانا
لكنها النفس البشريه
وصدق من قال
لو كان لابن آدم واديان من ذهب
لتمنى لهما ثالث
مروركم اسعدنى اخى واستاذى
الشاعر القدير
الاستاذ طارق العمرى
كل عام وانتم بخير

**سعدالشرقاوى** · #7 15/10/2010, 22h18

اقتباس:

المشاركة الأصلية كتبت بواسطة سمير حسين

شاعرنا القدير .. صاحب أجمل توتة

( سعد الشرقاوى )
لحظات جميلة عشتها وأنا أستمع وأستمتع برائعتكم
مين فينا راضى .. جذبتنى كلماتها وكأنها شريط لحياة وطن
ينسى ويتناسى معانى الوجود الجميلة فى الحياة
كلماتك رائعة يا شاعرنا الكبير لملمت الكثير من سلبياتنا ووضعتها أمام أعيننا
أما عن أستاذنا الموسيقار ..محمد الألآتى .. فقد إستطاع
بحسه الموسيقى وصوته الشجى أن يضفى على الكلمات واللحن
نوعا آخر للتذوق الراقى الجميل
شكر لك شاعرنا الكبير ( سعــد الشرقاوى )
وشكرا للمبدع الموسيقار ( محمــد الألآتى )
قدمتما لنا تحفة فنية راقية ومزيجا من الكلمات والنغمات الجميلة

...

شكرا بطول النيل
شاعرنا الجميل
الاخ الاستاذ/سمير حسين
كرم وسخاء وقلب طيب
لايعرف غير الحب
ولسان جمله الله
وشاعر موهوب
كل امنياتى لك التوفيق

**سعدالشرقاوى** · #8 15/10/2010, 22h24

اقتباس:

المشاركة الأصلية كتبت بواسطة NAHID 76

بسم الله الرحمن الرحيم
الشاعر الملهم خالى سعد الشرقاوى
مع مين فينا راضى عشت جميع مشاكلنا وهمومنا اليوميه وصورتها أجمل تصوير وألممت بأكثرها لنشعر أن حضرتك يا خال تكتب عن كل واحد يقرأها يحس لحظتها أنها له وحده
هدير من الكلمات تجرى فى انسيابيه رائعه كما عودتنا دائما فى أعمالك
بس أقول لك يا خال اللى مش راضين عنه بجد هو غيابك عنا وطول فترة الأنقطاع يا ريت تعود ومعك صحبتك الجميله الأستاذ طارق العمرى والاستاذ علاء ياسين وجميع مجموعتك الحلوه التى لم تسعفنى بهم الذاكره
تحياتى

عمتى الغاليه
ولعل البعض يستغرب
كيف تقولى خال
وانا اقول عمّه
فلا عجب
أنا عمىّ خالى
وهذا يعنى بالمصرية
معالج الكسور
اهلا بمروركم الجميل
وانا حقيقى احاول تنفيذ المطلوب بقدر الامكان
ويعلم الله
وقبل ما انسا
(فين الكوفيّه)

**سعدالشرقاوى** · #9 15/10/2010, 22h29

اقتباس:

المشاركة الأصلية كتبت بواسطة Hisham Khala

ايه يا عم الجمال دا كله كان مستخبي فين؟
حاجة جميلة فعلا
اما عن الرضا:
فالحمد لله علي جميع الاحوال

حبيب قلبى
د/هشام
ربنا يرضيك
ويسعد كل أوقاتك
ومايحرمناش من ابداعاتك
كل عام وانتم بخير

**ساعة صفا** · #10 27/10/2010, 14h35

كلمات جمييييله واحساس عالي جزاك الله خيرااا