البيت الكبير

[abuzahda]

المشاركة الأصلية كتبت بواسطة Tarek Elemary

البيت الكبير

يا دار و مليانة فرحة

يا ذكرايات الحبايب

يا نخلة بالحب طارحة

شايلة نصيب اللى غايب

ضُليلة شِرحة و بِرحة

ياما دُوقْنا فيها الأطايب

كل الجِدور اللى سارحة

جامعة الجيران و النسايب

حُضْن القلوب المِسامحة

بيضُم كل القرايب

أبويا كان بانى صَرْحَه

و أنا قلبى فى ترابه دايب

***
الباب يلاقى الأحبة

و الدرفتين جناحين

ينفتحوا من بس دَبَّة

و لا مِحْتاجين مفتاحين

ورا سِحر عين نِستِخَبَى

بالورد و الرياحين

و لا يوم قَفَلْناه بِضَبة

ماهو أصلِنا ... فلاحين

الأب أدِّب و ربَّى

و مالى مخزن طِحِين

اللى مِحتاج جَهْ و عَبَّى

و لا كان سلف و لا دين

***
أهل الكرم همَّ أهلى

لو حتى سكنوا الزمالك

لا عمرى يوم أنسى أصلى

و لا قلبى حِمل المهالك

ياما ناس و عملوها قبلى

و أنا عمرى ما أبقى كذلك

صحيح من الطبع بأغلى

لكن دا عمك و خالك

ساعة الشدايد تمَلِّى

تلقى المدد كله جالك

شجرة و فروعها تِدَلِّى

ترويها بس بوصالك

البيت الكبير
يجعله عامر ، يا ابو عمر

زي قلبك الكبير ، يا شاعِر

خليها: الدرفتين ، أحسن ....
زي ما بنقولها عندنا

[Tarek Elemary]

المشاركة الأصلية كتبت بواسطة رضوان حسن عبد ا

جميله جدا أنا افتكرتك بتتكلم على بيتنا بس لابد أن يراعى الوزن فى بعض الشطرات و بعض الأخطاء الإملائيه البسيطه و ياريت حد يتبنى الحاجات الجميله دى و يطبعها

يا سيدى الكريم
كل سنة و حضرتك بخير و عافية و نعمة من الله
أشكر لك كلامك الرائع بعد إعتذارى عن التأخير فى الرد على كلامك اللطيف
مع رجاء بسيط بتوضيح الأخطاء الإملائية لتداركها و كذلك الشطرات الغير موزونة من وجهة نظرك
إمتنانى الأكبر لتوضيح الهنات أينما وجدت فهى لا تجيئ إلا من شخصى ينشد الجمال و الكمال و هذا هو الصديق الذى انشده .......... كل عام و أنت بخير و بصحة و سعادة بمناسبة الضحى المبارك

[Tarek Elemary]

المشاركة الأصلية كتبت بواسطة عفاف سليمان

جيت على الالام كتيره ووجيعه اه

فراق الاهل والاحباب وفى قلبى الاه
لمة الطبليه قبل السفره واه ٍ واه
لمة الاحباب وحشتنى والاخ واه
اقول فينكم يا حبايب التراب خدكم منى واه
لا الوم على الزمن ولا ع الدنيا واه
دا مقدر ومكتوب وع الجبين مسطر
ما يتغير المكتوب
لو بادينا نفضل فى احضانهم سنين وشهور
لكن فاتونا واه يا دمعى لا تنسيهم
امى وابويا وعمى وخالى واخويا
قلبى مليان حرقه عليهم واه
سندى فاتونى للهوى وظهرى خوى
ما اجد سندا بعدهم اه
ليه فكرتنى بالاه
وكل اهه تطلع من قلبى تكوينى واه
لو بايدى كنت رميت نفسى معهم فى التراب
يحضنى زى ما حضنهم واتونس بيهم وبدارهم
لكن لسه مجاش دورى اتهنى وياهم فى دارهم
مفيهاش لا اكل ولا ميه ولا ذاد
لكن فيها المحبه موصوله وعتيده
اما عن الاهلى والزمالك
فيارب نجى من المهالك
اخى الشاعر الكريم الاستاذ طارق
سامحنى اذا كنت كتبت عن اهه بتوجعنى
وفكرتنى بيهم وجريت دمعى
اعذرنى اخى كم اشتاق الى الاهل والاحباب
واحس انى وحيده بدونهم خصوصا اخر اب واخ لى
افتقده بشده حتى الان وروحى دائما تروح ليه
ربنا يخلى لى اولاده واحفاده وباقى الموجودين
تحياتى لك اخى الكريم
واتمنى لك وللجميع اوقات طيبه وسعيده

اختك عفاف

عفاف هانم ................ ليه قلبتيها نكد كده ............. الذكرى للتأسى و إسترجاع الأشياء الجميلة و لو بالوجدان ......... و ليس البكاء على اللبن المسكوب ........ سنة الحياة أن آخرها فراق
كل سنة و أنت طيبة و سعيدة بنجاح أولادك يا أم أيمن ..... (إسم جميل أم أيمن) قابلة الرسول صلى الله عليه و سلم

[Tarek Elemary]

المشاركة الأصلية كتبت بواسطة ليلى ابو مدين

بسم الله الرحمن الرحيم

الشاعر الاسكندراني الكبير
الاستاذ طارق العمري
يا سلام يا سلام يا شاعرنا على بيت العيله واللمه والكرم
وحسن الضيافه
إيه الحلاوه دي كلها....مقطوعه شعريه جميله تلخص ما نفتقده
الآن من (لمة العيله في البيت الكبير) بعد أن فقدنا أعز الحبايب
وإفتقدنا السند لنا في الحياه بعد الله سبحانه وتعالى
وتفرقت بنا السبل الاخوه والاخوات كل في بلد بعيد كل البعد
عن الاخر
فجاءت قصيدتك لتذكرنا بما إفتقدناه من تجمع الاهل والاصحاب والجيران والاحباب جميعاً وبذكريات حلوه ليتها تعود.
سلمت يداك يا شاعرنا على ما نظمته من كلمات واضحه
سلسه ذات معاني غايه في الروعه
وفقك الله والى الامام دائماً
مع خالص تحياتي وتقديري واحتراماتي
ليلى ابو مدين

***

أنت سيدة فاضلة ........... يا ليلى هانم
كل سنة و أنت طيبة و يا رب أستطيع أن أسعد عينيك بكتاباتى و تنال دوماً إعجابك و أكون عند حسن ظنك

[عفاف سليمان]

المشاركة الأصلية كتبت بواسطة Tarek Elemary

عفاف هانم ................ ليه قلبتيها نكد كده ............. الذكرى للتأسى و إسترجاع الأشياء الجميلة و لو بالوجدان ......... و ليس البكاء على اللبن المسكوب ........ سنة الحياة أن آخرها فراق

كل سنة و أنت طيبة و سعيدة بنجاح أولادك يا أم أيمن ..... (إسم جميل أم أيمن) قابلة الرسول صلى الله عليه و سلم

((( عليه افضل الصلاة والسلام)))
اخى الكريم الشاعر الرقيق
(((الاستاذ طارق)))
اعذرنى والله لم اقصد بس
يمكن لان وقتها كنت فى حاله من الضيق وتذكرتهم جميعا
ودائما فى شوق لهم فاعذرنى استاذى ان كنت كتبت هذه الكلمات بفيض من الالم والحزن
واتمنى لك السعاده لك ولاسرتك الجميله وكل اخوننا الكرام فى سماعى الجميل
وكل سنه وانت طيب ويسعدك ايضا فى اولادك وما تشوف اى شر اللهم آمين
وحلو اسم ايمن الكثير ينادوننى به رغم ان حماده هو الاكبر لكن لا يمنع ان يكون ام ايمن
وربنا يحلى دنيتك
ارق تحياتى
اختك عفاف
(((ام ايمن)))