إبداعات الشاعر رائد عبد السلام

[رائد عبد السلام]

المشاركة الأصلية كتبت بواسطة سمير الشال

,






.

نورت الركن اللي كان مهجور ياحبيبي


حقيقي ...أشرقت الأنوار

[سيد الموجى]

الشاعر الجميل / رائد المصرى
شاعرٍ مميز وقصيدة جميلة تستحق التأمل
دمت مبدعا

أ

[رائد عبد السلام]

المشاركة الأصلية كتبت بواسطة سيد الموجى

الشاعر الجميل / رائد المصرى

شاعرٍ مميز وقصيدة جميلة تستحق التأمل
دمت مبدعا

أشكرك عمي سيد الموجي
دمت ودامت زيارتك الغالية

[رائد عبد السلام]

في الذكري الأولي لثورة يناير ...ثورة شباب مصر

(من وحي ثورة يناير )
إهداء إلي كل شاب مصري ثائر

غنوة مصرية

مع إن صــــوتك في الغـُـنا بيئنّ
مَحني علي عودك وشوقك بالأسي بيحنّ
ورغم إنك – سامحني – لسه حديث السنّ
لكن لقيتك في الميدان
حافظ مقامات الوطن
وباني بيعـللـّّي الجــدار
صدق اللي قال : الباني طــالع
وغيرُه علي باب النهار ... ينهار

عــذب وكلامك في القوالة سلسبيل
بــيرم في شمـــــس الأصـيل
دي مصـر ولادة وعفية عمرها ما تضن ّ
سمّعنا صــوتك فصيح
مليان غـُـنا و تباريح
تقولش نحلة ... وبحب الوطن بتزنّ

ياللي إنت غارف من تحانين الشجن
صـاحي ونومك عن هواك تخاطيف
أخضر وغصنك وريف
باسمع كلامك :
من عبير الحواري وشقشقات الريف
و سقّالات الشقا ويّـا الشروق طالعة
و زقزقات المغـارب في نزلة القلعة

والحلوة تدّاري بحياء .. بين مشربية وشيش
شارع مابين الرفاعي ومسـجد السـلطان
والنقشبندي بيصدح ويـّا صـوت الآدان

هنا الوطن ....هنا جنة الإنسان
هنا يتفتح لك باب وقلب ولسان

يقول مراحب ... بقلب يعصر حنان

[رائد عبد السلام]

(نور الفجر)

هــو نور الفجر شقشق ؟؟
واللا صوت عصفور و زقزق ؟؟
واللا دم ولادنا غرّق
الطغاة والمأجورين ؟
ربك أمـّا يريد ....يوفـّق
صدقوني ....مش مصدق !
كنا لما زمــان نفوت
ع الشوارع والبيوت
كنا نلقي العتمة هاجمة
والأمـــل خيط عنكبوت ...
بس كان الحق أصدق
صدقوني ...مش مصدق !
لما عزم ولادنا بان
في الشوارع ... والميدان
ضحكت الشمس اللي كانت
نورها مخنوق من زمان
قل: ما شاء الله كان
الإيمان هو اللي حقق
صدقوني مش مصدق !
العجايز والديابة
خلوا مصر الحلوة غابة
موّتوا ضحكة صغارنا
نشـّـفوا ريق السحابة
واتخرس صوت الربابة
آن أوان العمر يبدأ
صدقوني مش مصدق !

[ليلى ابو مدين]

المشاركة الأصلية كتبت بواسطة رائد عبد السلام

(نور الفجر)

هــو نور الفجر شقشق ؟؟
واللا صوت عصفور و زقزق ؟؟
واللا دم ولادنا غرّق
الطغاة والمأجورين ؟
ربك أمـّا يريد ....يوفـّق
صدقوني ....مش مصدق !
كنا لما زمــان نفوت
ع الشوارع والبيوت
كنا نلقي العتمة هاجمة
والأمـــل خيط عنكبوت ...
بس كان الحق أصدق
صدقوني ...مش مصدق !
لما عزم ولادنا بان
في الشوارع ... والميدان
ضحكت الشمس اللي كانت
نورها مخنوق من زمان
قل: ما شاء الله كان
الإيمان هو اللي حقق
صدقوني مش مصدق !
العجايز والديابة
خلوا مصر الحلوة غابة
موّتوا ضحكة صغارنا
نشـّـفوا ريق السحابة
واتخرس صوت الربابة
آن أوان العمر يبدأ
صدقوني مش مصدق !

الله عليك يا شاعر أصدق المشاعر
ليه مش مصدق !!؟
دا حضرتك قلتها بنفسك (ان نور الفجر شقشق وان صوت العصفور زقزق)
والحمد لله مصر هاتكون في مكانه عاليه بس لو الكل أخلص النية لوجه الله تعالى
وزي ما قلت حضرتك ربك لما يريد...يوفق
دمت لنا شاعراً فذاً مبدعاً
خالص تحياتي وتقديري
ليلى ابو مدين

[Hisham Khala]

المشاركة الأصلية كتبت بواسطة رائد عبد السلام

(نور الفجر)

هــو نور الفجر شقشق ؟؟
واللا صوت عصفور و زقزق ؟؟
واللا دم ولادنا غرّق
الطغاة والمأجورين ؟
ربك أمـّا يريد ....يوفـّق
صدقوني ....مش مصدق !
كنا لما زمــان نفوت
ع الشوارع والبيوت
كنا نلقي العتمة هاجمة
والأمـــل خيط عنكبوت ...
بس كان الحق أصدق
صدقوني ...مش مصدق !
لما عزم ولادنا بان
في الشوارع ... والميدان
ضحكت الشمس اللي كانت
نورها مخنوق من زمان
قل: ما شاء الله كان
الإيمان هو اللي حقق
صدقوني مش مصدق !
العجايز والديابة
خلوا مصر الحلوة غابة
موّتوا ضحكة صغارنا
نشـّـفوا ريق السحابة
واتخرس صوت الربابة
آن أوان العمر يبدأ
صدقوني مش مصدق !

الله عليك يا أبو الاشعار

من جهة نشفوا ريق السحابة هي نشفت خالص …
صورة جميلة و جديدة

[رائد عبد السلام]

المشاركة الأصلية كتبت بواسطة ليلى ابو مدين

الله عليك يا شاعر أصدق المشاعر

ليه مش مصدق !!؟
دا حضرتك قلتها بنفسك (ان نور الفجر شقشق وان صوت العصفور زقزق)
والحمد لله مصر هاتكون في مكانه عاليه بس لو الكل أخلص النية لوجه الله تعالى
وزي ما قلت حضرتك ربك لما يريد...يوفق
دمت لنا شاعراً فذاً مبدعاً
خالص تحياتي وتقديري

ليلى ابو مدين

بل كل التقدير والاحترام لك
الأخت الغالية ليلي
(ليل البنفسج)

أشكرك علي مرورك الكريم وتواجدك العذب

[رائد عبد السلام]

المشاركة الأصلية كتبت بواسطة Hisham Khala

الله عليك يا أبو الاشعار

من جهة نشفوا ريق السحابة هي نشفت خالص …
صورة جميلة و جديدة

أهلا بعبقري النغم د هشام
ربنا يقويك وتخرّجها للنور
محاطة بأنغامك العذبة
وتوزيعاتك الرائعة ... بس إوعي توزّعني

نورت أيها الصديق الرائع

[رائد عبد السلام]

(أنت ... صاحبي )

أنت صاحبي
لمّا نتقاسم برقـّة ... أي طـَقـّّة
وانت صاحبي
لما بتخسّع في مطلع
بدراعاتي تلاقي زقـّة
...
أنت تاكل تبن طازة
وآنا آكل عيشي بايت
والحياة آخر لذاذة
كأني شارب ميت قزازة
لما يستعجب زبون
من حمير متهندمين !

وانت بتبعتر عليقك
يعني مبسوط مش حزين

ابن عز ومحترم
جالنا فـُسحة في الهرم

ياللا بينا .... نستعين

لقمة العيش نتقاسمها
والحياة ربّك قاسمها
واحنا للعيش ... خدّامين