* : سمير صبرى (الكاتـب : د.حسن - آخر مشاركة : حازم فودة - - الوقت: 21h09 - التاريخ: 28/03/2024)           »          ليلى مراد- 17 فبراير 1918 - 21 نوفمبر 1995 (الكاتـب : سماعي - آخر مشاركة : نور عسكر - - الوقت: 19h08 - التاريخ: 28/03/2024)           »          تترات المسلسلات التلفزيونية (الكاتـب : راضى - آخر مشاركة : حازم فودة - - الوقت: 16h16 - التاريخ: 28/03/2024)           »          غادة سالم (الكاتـب : ماهر العطار - آخر مشاركة : الكرملي - - الوقت: 15h31 - التاريخ: 28/03/2024)           »          عبد الحليم حافظ- 21 يونيه 1929 - 30 مارس 1977 (الكاتـب : سماعي - آخر مشاركة : fahedassouad - - الوقت: 12h28 - التاريخ: 28/03/2024)           »          محمد شريف (الكاتـب : loaie al-sayem - آخر مشاركة : اسامة عبد الحميد - - الوقت: 23h50 - التاريخ: 27/03/2024)           »          سعاد محاسن (الكاتـب : سماعي - آخر مشاركة : نور عسكر - - الوقت: 19h25 - التاريخ: 27/03/2024)           »          الشيخ محمد صلاح الدين كباره (الكاتـب : احمد البنهاوي - آخر مشاركة : kabh01 - - الوقت: 09h52 - التاريخ: 27/03/2024)           »          سلمى (الكاتـب : حماد مزيد - آخر مشاركة : عطية لزهر - - الوقت: 09h18 - التاريخ: 27/03/2024)           »          سمير غانم- 15 يناير 1937 - 20 مايو 2021 (الكاتـب : محمد البتيتى - آخر مشاركة : نور عسكر - - الوقت: 01h14 - التاريخ: 27/03/2024)


العودة   منتدى سماعي للطرب العربي الأصيل > مجلس العلوم > الدروس والنوت الموسيقية > النوت الموسيقية

رد
 
أدوات الموضوع طرق مشاهدة الموضوع
  #1741  
قديم 30/09/2013, 09h35
الصورة الرمزية نور الصباح
نور الصباح نور الصباح غير متصل  
مواطن من سماعي
رقم العضوية:63001
 
تاريخ التسجيل: août 2007
الجنسية: مصرية
الإقامة: مصر
المشاركات: 0
افتراضي رد: طلبات نوتة أ / عادل صموئيل الجزء الثانى

الاخ العزيز نور الصباح
الف مبروك للأبنة العزيزة وربنا يجعل كل ايامها سعادة مع اطيب تحياتى
SSSSSSSSSSSSSSSSSSSSSSSSSSSSSS

شكررررررررررررررررررررررررررررررا لكم
وعقبال أنجالـــــــــــــــــــــــــــــــــــــــــــــ ـــــــــــــــــكم
وخالص دعواتنا لكم بسلامة الصحة وطول العمر
وشكرررررررررررررررا
أخوكم
نور الصباح

رد مع اقتباس
  #1742  
قديم 30/09/2013, 10h52
علي ثلاثة علي ثلاثة غير متصل  
مواطن من سماعي
رقم العضوية:41931
 
تاريخ التسجيل: juin 2007
الجنسية: مغربية
الإقامة: المغرب
العمر: 74
المشاركات: 23
افتراضي رد: طلبات نوتة أ / عادل صموئيل الجزء الثانى

الأخ الكريم
نور الصباح

ألف ألف ألف

مبروك
رد مع اقتباس
  #1743  
قديم 30/09/2013, 14h55
الصورة الرمزية عاصم المنشاوى
عاصم المنشاوى عاصم المنشاوى غير متصل  
مواطن من سماعي
رقم العضوية:451543
 
تاريخ التسجيل: août 2009
الجنسية: مصرية
الإقامة: مصر
العمر: 61
المشاركات: 110
افتراضي رد: طلبات نوتة أ / عادل صموئيل الجزء الثانى

عمنا الجميل ...أحمد عبدالله الأمير ...والمعروف فنيا باسم "نور الصباح"...

ألف مليون مبروك وبالرفاء والبنين...

الأستاذ الكبير /عادل بك صمويل
ياريت تقول لنا ذكرياتك عن أغنية نجاة سكة العاشقين ...انا كان عندى شريط عليه أغنيتى (سكة العاشقين) و (نسى والله نسى)...فى سينما قصرالنيل...أنا شخصيا بتعجبنى كلمات (نسى ) جدا ...خاصة الكوبليه الخير اللى محمد حمزة بيقول فيه...وان كنت شايف فيه روح بليغ أو شخصيته أو كلماته...

***
نسي والله نسي يا خسارة نسي
إزاي حبيبي يهون عليك دمعي أنا
نسي والله نسي يا خسارة نسي
تبقى حبيبي وتسبني من غيرك هنا
نسي والله نسي يا خسارة نسي
إن النهاردة كان عيد ميلاد لحبنا
نسي والله نسي يا خسارة نسي
زي النهاردة اتولد طفل الهوى في قلبنا
اتولد وكبر ولسة في سنين الشباب
والنهاردة عيني عليه من الحزن شاب
يا خسارة نسي والله نسي
....
اما بالنسبة ل"فى وسط الطريق"....تسجيل الحفلة غير الأستوديو....فيه كلمات ناقصة ...غير ان مهندس الصوت عللى الميكرفون عالآخر وهى زعلت فى الحفلة...صحيح الكلام ده ياترى ايه ذكرياتك عن الحفلتين...

بالمناسبة لينك (نسى ) أهو عاليوتيوب وعمنا عادل منوّر كالعادة...وهى متاخدة أص من منتدانا الرائع
مكتوب التاريخ ان الأغنية من 32 سنة ....ياقوة الله !!!!؟ولسه الألحان جميلة ...شوف نفسك ياجميل وأفتكر وتعيش وتفتكر
http://youtu.be/52Idms3e8KA
رد مع اقتباس
  #1744  
قديم 30/09/2013, 15h52
الصورة الرمزية عادل صموئيل
عادل صموئيل عادل صموئيل غير متصل  
Moderator
رقم العضوية:249452
 
تاريخ التسجيل: juin 2008
الجنسية: مصرى
الإقامة: مصر
العمر: 73
المشاركات: 552
افتراضي رد: طلبات نوتة أ / عادل صموئيل الجزء الثانى

اخى العزيز عاصم

بالنسبة لنجاة كانت بتتميز بميزة مهمة للعازف
انها اخف نجمة ظلا على المسرح , بمعنى بالنسبة لنا ان الوصلة بتاعتها كانت قصيرة جدا يعنى بتخلص بسرعة قبل ما العازف يجهد والحلو انها كانت اعلى المطربات اجراً , يعنى احنا كنا بناخد اجرنا حسب اجر المطربة
كانت نجاة اعلى اجر فى اقل وقت يعنى بتخلص الوصلة وانت لسه ممكن تقعد تعزف اكتر واكتر
وكانت اقل المطربات اجرا فايزة احمد الله يرحمها .. هى كانت بتحب الغنا يعنى بتحب تغنى ومش مهم الاجر يعنى نفسها تعمل حفلة كل يوم , لكن كانت وصلة فايزة طويلة تقطم الوسط مع اجر اقل لذلك كانت الفرقة الماسية مش بتحب فايزة
اما عن انها قالت كلمة مختلفة والمذيع احنا مش بناخد بالنا من الكلام .. يعنى عادة احنا كنا بنحفظ الكلام لما نسمع الاغنية كذا مرة فى الراديو لكن اثناء البروفات بيكون شغلنا كله فى النوتة يعنى باخد بالى من اول الجمل فقط ,, فيه حاجة فنية
الجملة بيكون عليها مرجعات طبعا فى البروفات المرجع المفروض ان الجملة تتعاد مرتين .. ده مع المطربين الصغيرين لازم يلتزم بالمرجعات والا الفرقة تسيبو وتمشى على طول تلخبطه .. لكن المطرب الكبير ( وكل مطرب على قد مقامه ) ممكن يعيد الجملة 3 او 4 مرات او اكتر وهنا لازم العازف يكون حافظ بس اول كلمة من الجملة يعنى المطرب ممكن يشاور بإيده نعيد ساعات ممكن يندمج ينسى يشاور وهنا لازم تكون حافظ اول كلمة عشان لو دخل فى الجملية التالية تمشى معاه , يعنى العين مع النوتة والاذن مع المطرب وممكن ربع العين مع المطرب عشان حكاية لما بيشاور دى
نجاة كانت نجمة النادى الاهلى المفضلة يعنى كل سنة لازم تحيى حفلة صيفية فى النادى الاهلى وتلبس فستان احمر
من اهم صفات نجاة انها كانت خجولة جدا يعنى اى متفرج لو قال لها كلمة استحسان كانت تقف عن الغنا
اما من اهم ذكرياتى الشخصية كنا مرة مع نجاة فى تونس , كنا نازلين فى تونس العاصمة فى اوتيل اسمو ميرديان افريكا ..مش عارف حصل ازاى ان الفرقة كلهم نزلوا فى الدور الرابع وانا وهى نزلنا فى الدور ال 24 .. يعنى كانت فى الغرفة اللى جنبى .. حصل فصل مضحك قبل الحفلة الساعة ييجى 7 طلبتنى رحت لها قالت انها لازم تاخد ملعقة طحينة قبل ماتغنى عشان صوتها ينعم ( وده سر ماحدش يعرفوا ) وللعلم كل فنان وانت عارف الفنون جنون بيبقى عندو طقوس غريبة يعنى سعاد محمد كانت لازم تاكل لقمة عيش ناشفة قبل ماتغنى
المهم انا قلت لها ماشى .. ركبت الاسانسير وقلت انزل سوبر ماركت اجيب لها .. اكتشفت ان مفيش عندهم طحينة او الكلمة دى مش عندهم اصلا قعدت اوصف للراجل انها من السمسم وبعد مجهودات لمدة نص ساعة اشرح للراجل لدرجة وماتقولش عليا مجنون رسمت السمسم للراجل وبعد مجهود مضنى اكتشفت ان السمسم فى تونس اسمو سقوقو بس دى آخر مرحلة يعنى هم بيستعملوه كده لكن لسه ماوصلوش للطحينة .. ساعتها حسيت ان تونس محتاجة ثورة يعنى ازاى ماعندهمش طحينة والمصيبة الاكبر اكتشفت ان ماعندهمش شيشة بس الحمد لله ساعتها كنت لسه بشرب سجاير
الهم رجعت لنجاة اجر اذيال الخيبة .. بس اكيد من ساعتها بقت كل ماتسافر تاخد معاها شوية طحينة
الذ حاجة ان بعد الحكاية دى بكذا سنة مرة كنت مسافر تونس لوحدى قعدت فى الطيارة لقيت اللى قاعد جنبى راجل تونسى .. لقيته عارف الدرج او الرف اللى فوق الكرسى حاطط فيه كمية كبيرة من المعسل وجنب الكرسى وتحت الكراسى يعنى مشترى ييجى نص المعسل اللى فى مصر .. سألأته ايهالموضوع قال انو اول مرة ييجى مصر وهو ماشى فى الحسين وخان الخليلى قعد على قهوة الفيشاوى وشدته اوى ريحة الشيشة وشربها عجبتو اوى وماعندهمش هناك .. راح اشترى شيشة وكل مستلزماتها واشترى كمية معسل تكفيه لحد ما يرجع مصر تانى
والذكريات كتير جدا جدا بس متفرقة يعنى فى 500 حاجة مختلفة ..
مع اطيب تحياتى
رد مع اقتباس
  #1745  
قديم 30/09/2013, 16h22
armendo armendo غير متصل  
مواطن من سماعي
رقم العضوية:194863
 
تاريخ التسجيل: mars 2008
الجنسية: مصرية
الإقامة: مصر
المشاركات: 0
افتراضي رد: طلبات نوتة أ / عادل صموئيل الجزء الثانى

استاذنا الأسناذ عادل صمؤيل
واحشنى جدا جدا وكنك كنت دائما حاضرا بتدويناتك الرائعه معى خلال فترة انقطاعى الطويل عن التمنتدى وانا دائما ما اقول انك صاحب فضل علينا جميعا متعك الله بالصحه والعافيه وتعيش وتدون.

حبايبى واصدقائى الأعزاء اعضاء المنتدى فردا فردا وحشتونى جميعا وقد كنت فى قمة السعاده عندما وجدت من يسأل عنى سواء بالتليفون او على الخاص ولدا فكل الشكر والأمتنان لهم جميعا .

الأخ العزيز الأستاذ احمد نور الصباح ..الف مبروك وإن شاء الله زفاف سعيد وعقبال ماتشوف ولاد ولادها .

احمد (ارمندو)
رد مع اقتباس
  #1746  
قديم 30/09/2013, 18h07
الصورة الرمزية salhi_haithem
salhi_haithem salhi_haithem غير متصل  
مواطن من سماعي
رقم العضوية:497828
 
تاريخ التسجيل: février 2010
الجنسية: تونسية
الإقامة: تونس
العمر: 40
المشاركات: 184
افتراضي رد: طلبات نوتة أ / عادل صموئيل الجزء الثانى

السلام عليكم تحية طيبة للأخوة
شكرا أستاذ عادل على القصة الممتعة و الشيقة
و هذا صورة نزل أفريك لوضع الأخوة و الأخوات في المشهد و هو يبعد عشرات الأمتار على وزارة الداخلية و هو موجود في قلب العاصمة في شارع الحبيب بورقيبة
مع أطيب تحياتي هيثم




اشكرك يا هيثم على الصورة رجعت لى ايام جميلة انا زرت تونس عشر مرات او اكتر مرة مكثت فيها 6 شهور
جدير بالذكر ان فى نفس المنطقة اعتقد بعد الفندق ده بشوية يوجد اغرب فندق رأيته فى حياتى وهو عبارة عن هرم لكن مقلوب
يعنى بيتدى ضيق من تحت ويفضل يزيد جزء وانت طالع كان شكلو يجنن
وحشتنى كلمة نزل يعنى الكلمة دى متداولة اوى فى تونس لكن مش متداولة عندنا
مع اطيب تحياتى لتونس وشعبها الحبيب وربنا يكرمكم
مع اطيب تحياتى عادل صموئيل
__________________
ღღღღღღღღღღღღ
أستاذ عادل صموئيل لك مني كل عبارات الشكر و العرفان

التعديل الأخير تم بواسطة : عادل صموئيل بتاريخ 30/09/2013 الساعة 20h23
رد مع اقتباس
  #1747  
قديم 01/10/2013, 14h04
الصورة الرمزية عادل صموئيل
عادل صموئيل عادل صموئيل غير متصل  
Moderator
رقم العضوية:249452
 
تاريخ التسجيل: juin 2008
الجنسية: مصرى
الإقامة: مصر
العمر: 73
المشاركات: 552
افتراضي رد: طلبات نوتة أ / عادل صموئيل الجزء الثانى

احبائى
انا لقيت صدفة ملف انكور فيه عدد 28 مقطوعة من كتااب باخ انا ماجدالينا فى البيانو الاولى
مقطوعات تجنن انا كنت بموت فيها ونا طالب فى السنوات الاولى فى الكلية
احب اقدمها لكم واهديها للأخت العزيزة ايمان لنها بتحب مقطوعات البيانو وطبا لكل من يهمه الامر
احنا نفك الضغط يطلع الملف بس طبعا لازم يكون عندك برنامج انكور وهو حايعزفهم لك عشان تسمعهم
ممكن كمان لو عندك طابعة تطبعهم وتحتفظ بيهم
مرفق شرح لأن انا منزلهم جايين مع احدث نسخة من انكور والظاهر فيها فونت مش موجود عندنا عشان كده ممكن تطلع لك النافذة اللى فى الصورة
انت اقفل النافذة فقط كذا مرة لحد ماتختفى بعدين يشتغل معاكل المقطوعة
مع اطيب تحياتى


ملحوظة
انا بعد مانزلت الملف طبعا حاولت احل المشكلة لأن عادتى اى مشكلة اقعد افكر فيها لحد ما اوصل لها لحل
انت تمسك اول مقطوعة بعدين تفتحها لو ظهرت لك النافذة المزعجة دى ( وانا ليا معاها قصص من اللى قلبك مايحبهاش )
لأن معناها ان العمل مكتوب على كمبيوتر فيه فونت مش متسطب عندك والمصيبة لما تكون انت مش عارف الفونت ده اسمو ايه انت هنا بعد ما تحاول 3 مرات تقفل النافذة وتتقفل وتطلع لك المقطوعة من قائمة score اضغط على
Textelement تطلع لك النافذة اللى بنكتب منها عنوان المقطوعة ماتعملش حاجة غير انك تضغط ok بعدين تقفل المقطوعة وتعمل برضو ok خلصت كده تفتح المقطوعة تانى ان شاء الله تشتغل معاك وتكرر ده مع كل المقطوعات
انا شخصيا عملتها الحمد لله بس مارضيتش انزلها لكم لسبب مهم جدا طبعا انا احب اعلمكم كل حاجة
انا خلال الخمس سنين اللى فاتوا كنت بستعمل انكور اربعة ونص 4.5 وكنت منزلو هنا فى المنتدى واديته تقريبا لكل الناس اللى اعرفهم .. من شهر انا اشتريت طابعة جديدة بس ايه يعنى طابعة ليزر الوان حكاية بس مشكلتها انها حديثة شوية يعنى انكور 4.5 ما اشتغلش معاها يعنى تيجى تطبع تقفل الملف معناها ان الطابعة احدث من البرنامج
انا عندى اصدار بعده اسمو انكور 4.55 وهو بالطبع احدث من التانى والحمد لله اشتغل على الطابعة بس المشكلة فى البرامج عموما حاجة ان انا لو كتبت عليه حاجة واديتها لحد عندو اصدار اسبق مش حاتشتغل لذلك انا صلحت الملفات دى ع الانكور اللى بشتغل بيه دلوقت 4.55 فلو حد منك عندو 4.5 مش حاتشتغل عنده الملفات لذلك الصح انى قلت لكم الطريقة وتصلحوها انتم بنفسكم .. وللعلم كل اصدارات انكور الللى بتحمل رقم 4 كلها واحد تقريبا فى كل حاجة
ماعدا الاصدار الحديث اللى رقمه 5 ده مشكلة لأنو بيختلف اختلاف كلى انا نزلته ماعجبنيش يعنى معقد اوى فيه امكانيات اكتر زحمة انا مش محتاجها وبعدين عمل اغلس حاجة يعنى جيت افتح الملفات القديمة بيفتح الموسيقى لكن اللغة العربى كلها بتطلع مربعات مش فاهم ليه طبعا لغيته فورا .. يعنى المهم ان ربنا اكرمنى ان انكور 4.55 اشتغل
مع الطابعة الجديدة وآسف لفطالة مع اطيب تحياتى عادل صموئيل

التعديل الأخير تم بواسطة : عادل صموئيل بتاريخ 01/10/2013 الساعة 17h28
رد مع اقتباس
  #1748  
قديم 01/10/2013, 16h13
الصورة الرمزية salhi_haithem
salhi_haithem salhi_haithem غير متصل  
مواطن من سماعي
رقم العضوية:497828
 
تاريخ التسجيل: février 2010
الجنسية: تونسية
الإقامة: تونس
العمر: 40
المشاركات: 184
افتراضي رد: طلبات نوتة أ / عادل صموئيل الجزء الثانى

السلام عليكم ورحمة الله وبركاته
أستاذ عادل هو الفندق اللي تسأل عليه موجود إلى حد الآن قائم و سيتم تحطيم النزل وإعادة بناءه بنزل أفخم و هذا النزل بني في الستينات و إسمه أوتيل د لاك "نزل البحيرة" و الملفت للنظر ذاكترتك بسم الله ماشاء الله يعني قلت بعد فندق أفريكا بشوية و كلامك صحيح هي المسافة لا تتجاوز ٢٠٠ متر و وصفك للنزل بكل دقة يعني لم تنسى شئ, ماشاء الله عليك يا أستاذ عادل و هذه هي صور النزل












__________________
ღღღღღღღღღღღღ
أستاذ عادل صموئيل لك مني كل عبارات الشكر و العرفان
رد مع اقتباس
  #1749  
قديم 01/10/2013, 17h47
الصورة الرمزية عادل صموئيل
عادل صموئيل عادل صموئيل غير متصل  
Moderator
رقم العضوية:249452
 
تاريخ التسجيل: juin 2008
الجنسية: مصرى
الإقامة: مصر
العمر: 73
المشاركات: 552
افتراضي رد: طلبات نوتة أ / عادل صموئيل الجزء الثانى

اخى العزيز هيثم
اشكرك على اعادة الذكريات الجميلة
انا ذاكرتى فوتوغرافية ودى اهم موهبة لربنا اعطاها لى يعنى بفتكر اى حاجة بشوفها بتتسجل مش بتنمحى وبالذات لما تكون حاجة غريبة والنزل ده كان تصميمه غريب جدا يعنى قد يكون له اشباه فى اماكن تانية من العالم لكن اعتقد انو اول مرة يتبنى فى تونس ... هى بتبقى شوية جنون على عبقرية فى التصميم يعنى كل الناس بتعمل الشكل الهرمى واسع من اسفل ويفضل يضيق يضيق لحد فوق ... ييجى مصمم عبقرى يعمل شكل غريب ومبهر انو يعمل الهرم مقلوب
من ضمن ذكرياتى عن الفندق ده واحد صاحبى تونسى كنا ماشيين جنبه بالسيارة قال لى ان مرة انفجر مخزن به عدة انابيب بوتاجاز ( بتسموها عندكم دبوسة ) حصلت هزة شديدة فى المنطقة زى زلزال شديد الفندق ده عشان رفيه من تحت وعريض من فوق رقص شوية رقص لاتقول لى نجوى فؤاد ولا سهير زكى طبعا النزلاء اللى فيه ماتوا من الرعب بس الحمد لله ان الفندق مبنى متين جدا والا كان طار فى الهوا شاشى وانت ماتدراشى
وفى سر فى الموضوع احب تعرفوه اى نزل او فندق بيبقى تبع شركة عالمية عملاقة والشركة دى لما بتبنى فرع فى اى دولة لازم بنفسها تشرف على الاساسات يعنى ماتتركوش للدولة .. يعنى بتبعت لازم مهندسين متخصصين يسكنوا فى المشروع من اول لحظة لحد الانتهاء لأن لو لاقدر الله الفندق وقع الخسائر الفادحة تدفعها الشركة الكبيرة وطبعا ممكن تخرب لأن التعوبضات بتكون باهظة ده فندق خمس نجوم يعنى
احنا عندنا فى القاهرة فندق غريب شوية كده اسمو فندق شيراتون الجزيرة لما تشوفو من بعدي هو على شكل زجاجة
بس الغريب انو زجاجة مقلوبة يعنى اول الزجاجة هو المغروس فى الارض وجسم الزجاجة لفوق
وارتفاعة حوالى اكتر من 25 طابق
لما حصل الزلزال بتاع 1994 الفندق ده نفس قصة تونس عشان رفيع من تحت وتخين من فوق برضو رقص شوية رقص اللى هم والخطورة الاكتر انو فى جزيرة على النيل يعنى مبنى مزروع فى ارض طينية لكن زى ماقلت ان شركة شيراتون هى اللى بعتت الخبراء بتوعها اشرفوا على بناؤه طوبة طوبة والا كان طار فى الزلزال ونزل فى النيل
نسيت اقول لك ان اهم فائدة للذاكرة الفوتوغرافية او للذاكرة التسجيلية دى هى حفظ الاغانى .. يعنى انا قيمتى لما بكون قاعد مع ناس ومعايا الكمنجة انهم بيطلبوا طلبات غريبة يعنى اغانى بعيدة اوى اوى اى حد بينساها يعنى الناس لما بيكون عازف على قده بيطلبوا طلبات محدودة او بيتركوه هو يعزف اللى حافظه لكن لما بيحسوا ان العازف شاطر شوية بيفتروا فى الطلبات يعنى واحد يقول لك سعنى حلم لأم كلثوم او مضناك جفاه وخد من ده للصبح
هنا مش معقول اقول مش حاافظها طبعا عيب جدا .... يعنى
الصورة الاولى الفندق
الصورة الثانية موقع الفندق يعنى اسفل فيه نافورة دى تقريبا قدام ميدان التحرير وتلاحظ النيل فى المنطقة دى بينقسم الى فرعين فرع رشيد وفرع دمياط والجزء الاوسط اسمو الجزيرة ودى بتقع فيها منطقة الزمالك اللى كان ساكن فيها تقريبا كل نجوم الزمن الجميل ام كلثوم وعبد الوهاب وفريد وعبد الحليم ونجاة وكتير جدا
مع اطيب تحياتى
الصور المرفقة
نوع الملف: jpg Gezira3.jpg‏ (17.7 كيلوبايت, المشاهدات 52)
نوع الملف: jpg 16339904.jpg‏ (50.3 كيلوبايت, المشاهدات 46)

التعديل الأخير تم بواسطة : عادل صموئيل بتاريخ 01/10/2013 الساعة 17h59
رد مع اقتباس
  #1750  
قديم 02/10/2013, 07h42
الصورة الرمزية إيمان.
إيمان. إيمان. غير متصل  
عضو سماعي
رقم العضوية:565210
 
تاريخ التسجيل: janvier 2011
الجنسية: سماعي
الإقامة: سماعي
المشاركات: 9
افتراضي رد: طلبات نوتة أ / عادل صموئيل الجزء الثانى

الأستاذ عادل الحمد لله على عودتك للمنتدى, وعذرا لقلة مشاركاتي بسبب الظروف الصعبة التي نمر بها..
لقد فاجأتني بهذه الهدية الجميلة وأهنئك استاذ عادل على الذاكرة التي تمتلكها ,بالفعل انا احب البيانو جدا ومهتمة بالنوت الغربية الكلاسيكية وأتمنى ان اجد نوت عربية كتبت للبيانو بطريقة احترافية ولكن كما تعرف لايوجد ..المهم اجدد شكري وعرفاني لك ..
وأيضا لاانسى أن اهنئ الاستاذ والأخ الفاضل نور الصباح بزواج ابنته وانشاء الله يكون زواجا ميمونا فيه الخير والسعادة ..تحياتي لكل الأعضاء

الاخت العزيزة ايمان
هى العملية انتى حظك حلو ... يعنى فيه قصة انا فوق قلت نصها ... انى نزلت اصدار جديدمن انكور احدث حاجة عشان الطابعة الجديدة حديثة عن الطابعة االلى عندى من قبل وانكور اللى بشتغل بيه طلع اصدار اقدم من الطابعة الجديدة
وبالطبع قعدت اقلب فى البرنامج واستكشفو لقيته معقد جدا وفيه مشاكل فنية خطيرة ( هو اسمو انكور 5.2 ) وانا انصح انكم ماتستعملوهوش يعنى احلى اصدار بعد انكور 4.5 اللى كان جميل وطيب وغلبان وبشتغل بيه من خمس سنين او اكتر
لقيت عندى اصدار احدث منو اسمو انكور 4.55 وده انصح بإستعماله لو انت اشتريت طابعة حديثة او اشتريت كمبيوتر حديث يعنى الماذر بود حديثة .. لنى من سنتين اشتريت كمبيوتر احدث حاجة فى السوق عندنا والانكور 4.5 ما رضى يشتغل عليه وطبعا جننى فضلت اشيل نسخ ويتدوز واحط نسخ ويندوز لحد ما لقيت واحدة تشتغل الحمد لله
( وانتم عارفين انى مجنون شوية وعندى شعرة ساعة تروح وساعة تيجى ) نسخة الويندوز اللى اشتغلت دى نزلت اشتريت منها كذا نسخة لحسن واحدة تتخدش ولا يجرى لها حاجة يبقى عندى غيرها جاهزة
المهم اكتشفت حاجة مهمة خطيرة واحب اعلمها لكم ( درس ببلاش ) لما يكون عندك برنامج انت مهتم بيه
زى ما انا كنت بستكشف فى الانكور الجديد ده ماحدش منكم طبعا فكر انو يدخل على ال program fieles الملف اللى فيه البرامج اللى انت مسطبها على جهازك يعنى كل برنامج بتنزل ملفاته بإسمه فى المكان ده
المشكلة ان ماحدش بينظر فى الملف ده يعنى البرنامج نزل خلاص
انا صدفة فتحت الملف ده لقيت بلاوى هم حا طينها كده فى الخباثة منهم ملف مقطوعات باخ انا مجدالينا ده وكذا ملفات فيه حاجات كتير جدا لباخ منهم حاجات صعبة جداجدا بس بيموتوا فيها المتخصصين بتوع البيانو زى الفيوج والبريليود وكونشرتوهات حاجات كتير بس صعبة اوى
من حسن حظ الاخت العزيزة ايمان انا عارف انها بتحب مقطوعات البيانو ( من كلامها معانا ومن ردودها بالذات على مشاركات الاخ العزيز احمد الجوادى .. لن فيه مشكلة من الخراب والتخلف والتصحر الثقافى اللى ابتدا يغزو معظم بلادنا العربية مستوردين الكتب الموسيقية بطلوا يستوردوا الكتب دى .. لأن الاذواق لما انحطت ماحدش صار يشتريها
ف مش معقول حد يشترى كتوب بألوف الدولارات وتقعد عندو ماحدش يشتريها
وتحسرت يا ايمان على ايام زمان لما كنت صغي وآخرها لما كنت طالب فى السنوات الاولى فى كلية التربية الموسيقية
كان فيه محل اسمو بابازيان فى شارع عدلى ( كان قدام المعارة اللى ساكن فيها صديقى المرحوم منير مراد ) وقبل العمارة اللى فيها مقر الفرقة الماسية بكام عمارة
لو كنتى شفتى المحل ده فى الوقت ده كنتى اتجننتى .. كان فيه كميى كتب للبيانو يعنى ممكن تشترى مش عشر ولا عشرين كتاب .. لو تقدرى تشيلى طن كتب كان موجود .. ولكل الموسيقيين يعنى باخ وبيتهوفن وتشايكوفسكى ومندلسون وموتزارت وكلهم كلهم .. وايه كمان بالاوبس opus يعنى لو عايزة اى اصدار لأى موسيقى تلاقيه كمان
النهاردة المحل ده بعد ما الفن مات مع الاسف بيبع لعب اطفال
مع اطيب تحياتى

التعديل الأخير تم بواسطة : عادل صموئيل بتاريخ 02/10/2013 الساعة 18h54
رد مع اقتباس
رد

Tags
عادل صموئيل


الذين يشاهدون محتوى الموضوع الآن : 5 ( الأعضاء 0 والزوار 5)
 
أدوات الموضوع
طرق مشاهدة الموضوع

تعليمات المشاركة
You may not post new threads
You may not post replies
You may not post attachments
You may not edit your posts

BB code is متاحة
كود [IMG] متاحة
كود HTML معطلة

الانتقال السريع إلى


جميع الأوقات بتوقيت GMT. الساعة الآن 22h13.


 
Powered by vBulletin - Copyright © 2000 - 2010, Jelsoft Enterprises Ltd