* : شــاديــة (الكاتـب : الباشا - آخر مشاركة : soso omar - - الوقت: 20h52 - التاريخ: 05/07/2020)           »          صـــبـــاح (الكاتـب : الباشا - آخر مشاركة : نور عسكر - - الوقت: 19h44 - التاريخ: 05/07/2020)           »          أعمال محمد عبدالوهاب بصوته في الخمسينات (الكاتـب : الباشا - آخر مشاركة : نور عسكر - - الوقت: 19h03 - التاريخ: 05/07/2020)           »          "هكذا تكلمت درعة" الشعر الغنائي لواحات وادي درعة (الكاتـب : مصطفى - - الوقت: 14h49 - التاريخ: 05/07/2020)           »          عبد الوهاب الدكالي (الكاتـب : mokhtar haider - آخر مشاركة : benarbi - - الوقت: 14h43 - التاريخ: 05/07/2020)           »          ملا طه الكركوكلي 1877-1945 (الكاتـب : نجم العيداني - آخر مشاركة : صفاء الحلي - - الوقت: 13h04 - التاريخ: 05/07/2020)           »          الفنانة لبلبة (الكاتـب : د أنس البن - آخر مشاركة : حازم فودة - - الوقت: 12h46 - التاريخ: 05/07/2020)           »          ليلى نظمى (الكاتـب : سماعي - آخر مشاركة : حازم فودة - - الوقت: 12h09 - التاريخ: 05/07/2020)           »          عــبد الــرؤوف إسماعيل (الكاتـب : هامو - آخر مشاركة : Omar Saleh - - الوقت: 10h58 - التاريخ: 05/07/2020)           »          نجوم الغناء والتلحين .. صور نادرة (الكاتـب : Talab - آخر مشاركة : محمد أحمد 5500 - - الوقت: 10h37 - التاريخ: 05/07/2020)

العودة   منتدى سماعي للطرب العربي الأصيل > جذور وفروع > تراتيل وترانيم كنسية

تراتيل وترانيم كنسية من التراث القبطي

رد
 
أدوات الموضوع طرق مشاهدة الموضوع
  #1  
قديم 02/01/2009, 18h33
ramzybeshara ramzybeshara غير متصل  
ضيف سماعي
رقم العضوية:75864
 
تاريخ التسجيل: septembre 2007
الجنسية: مصرية
الإقامة: مصر
المشاركات: 4
افتراضي قصيده عن الرعاه بمناسبة عيد الميلاد المجيد

النِّجم دَل المَجوس طَب وإنتوا مين دَلُّكوا
وِعَن مَكان الميلاد مين بَس كان قال لُكوا؟
روح رَبِّنا القُدُّوس هُوَّ إللى شاورلُكوا
رُحتوا ليسُوع قُلتوا له جايين نِرَحَب بيك
ما بَعَتِّش البِشارات لِملُوك ولا لحُكَّام
وماكانشى فى إستِقبالَك إلاَّ رُعاة أغناَم
راحوا شافوا طِفل صغيَّر فى قلب مِزوَد نام
غَطيت حَياتنا بمَجدَك والقَش بيغَطِّيك
لكِن يارب إحتَرت إشمِعنَى يَعنى رُعاه!
إشمِعنى دولَ إختَرت! فَهِّمنى يا الله
طَب ما الغَلابَه كتير! أرجوك عايز تَفسير
وَلا بِتحابى وَلا تفَرَّق والنَّاس واحِد فى عينيك
دى خِطَّه دَبَّرتَها وِرَسَمتَها من الأزَل
راعى وهُمَّ رُعاه وبيشبِهُوك فى العَمل
وكمان لأنَّك فادى جيت للرُّعاه يا حَمَل
وديع قوى ومُتَواضِع وِنزِلت مِن أعاليك
دى خِطَّه مِترَتِّبَه وِحَقيقى ليها العَجَب
قَبل الميلاد بِشوَيَّه يوسِف يروح يُكتَتَب
يروح على بيت لَحم ويتَمِّم إللى إتكَتَب
إنَّك هِنَاك تِتوِلِد دى نبوَّه تَمِّت فيك
رُعاه فى عِز الليل مِصَحصَحين وسَهَرَاى
جالهُم مَلاك مـ السَّما ومعاه خَبَر وبِشاره
لو كانوا بَقى نايمين كان يبقَى ألف خساره
دول سِهروا وأنا سَهران يارَبِّى مِستَنِّيك
قال المَلاك إتوَلَد جُوَّه بَلَد داوود
الله وواخِد جَسَد جيه ليكوا يوفى وعود
هُوَّ المَسيح الرَّب بالحُب جاى يسُود
بِنمَلِّكَك عا القَلب وِحَياتنا آهيه بنِهدِيك
قال المَلاك الخَبَر بَعديها بدقيقتين
خورس ملايكه ظَهَر وبَدأ يقول تَرانيم
جُمهُور كتير مـ النُّور مَشهَد جَميل وعَظيم
ملايكِة السَّمَوات يا يسُوع بِتُسجُد ليك
قالوا الملايكه: المَجد لِلَّه فى قَلب عُلاه
وسلام لأهل الأرض بَقى ليكوا تانى حَياه
بالحُزن فاض الكاس والفَرح جيه لِلنَّاس.
آمِنت بيك يا يسُوع وهاأعيش عَشان أرضيك
وَصل الرُّعاه لِلمِزوَد وعِليت الهِتافات
شافوا إللى قالوا عليه ملايكِة السَّمَوات
نايم فى حُضن العَدرا مَلفوف فى قَلب قُماط
نُونو جميل بِتوَأوَأ والنِّعمه باينَه عليك
يارب أنا إستَعجِبت مِن كُتر تَواضعَك
حِجر البَتول يحِملَك رغَم إرتِفاع وَضعَك
بِتِصنَع الأنهار وِتنَزِّل الأمطار
إزَّاى بَقَى تِعطَش وثَديها يسقيك!
مُمكِن آقولَّك حاجه ... حقيقى دى غريبَه
مِزوَد ده تَعبير شِيك لا مُؤاخذه دى زريبَه
يارب أنا مُندَهِش ما شُفتَهاش عِيبَه!
إسمحلى إنى أنحِنى وِأوَطى أبوس رِجليك
بَس الحَمَل يِتوِلِد فين غير ما بين حِملان
ماهو إنتَ جيت تِندِبِح بدالى أنا الإنسان
حَبِّيتنى مِن غير سَبب ياآبو قلب كُلُّه حَنان
تَعالى فىَّ إتوِلد يا يسُوع أنا باأناديك
كلمات الشَّاعر رمزى بشاره


رد مع اقتباس
رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
طرق مشاهدة الموضوع

تعليمات المشاركة
You may not post new threads
You may not post replies
You may not post attachments
You may not edit your posts

BB code is متاحة
كود [IMG] متاحة
كود HTML معطلة

الانتقال السريع إلى


جميع الأوقات بتوقيت GMT. الساعة الآن 23h40.


 
Powered by vBulletin - Copyright © 2000 - 2010, Jelsoft Enterprises Ltd