طلبات نوتة أ / عادل صموئيل الجزء الثانى

[احمد علي البدري]

ياريت تتحفنا ماستر عادل ب نوتة "حمد الله ع السلامة " لنجاة , هي صغيرة بس ارجوا من حضرتك تدوينها
https://www.youtube.com/watch?v=HYdB77KDgug

[وائل علوي]

استاذي العزيز عادل صموئيل

كل سنة وانت بألف خير وصحة وسلامة وتفضل بيننا علطول يارب
وجودك بيننا هو عيد كل يوم بالنسبة لنا
مع تمنياتي لك بالسعادة والاعياد والصحة والعمر المديد

[bilalkahil]

thank a lot maestro

[eagleeast]

كل سنه وانت طيب يا هرم وعقبال 1000000 سنه وانت بخير
محتاج اغنيه مبروك لياسمين الخيام لحفله امام مدير الادارة فى احتفاليه اوائل الثانويه العامه
وده الرابط : https://www.youtube.com/watch?v=vmNUxOtdBIs
ومرة تانيه كل سنه وانت طيب.....
ابنك ...... نسر الشرق

اخى العزيز اشكرك .. الاحتفالية دى امتى ؟
عشان بعمل حاجة كبيرة اوى اوى اوى بشتغل فيها بقالى عشر ايام انا خلصتها فاضل ع التشطيب وبعد كده تحت امرك
مع اطيب تحياتى عادل صموئيل

[عادل صموئيل]

احبائى

اقدم لكم اغنية ياسمين الخيام

مبروك مبروك

الاخ العزيز نسر الشرق لما طلبها وقال محتاجها ف حفلة وانا رديت قلت له الحفلة امتى هو لسه ماردش قلت اعملها لأنها صغيرة وانزلها لأن مش عارف الحفلة بتاعته امتى واتمنى له التوفيق .. وبالطبع فى قنبلة جاية بس بشطب فيها
مع اطيب تحياتى

[dorame]

المشاركة الأصلية كتبت بواسطة dorame

عمل جميل جددددددددددددددددددددا لا يوصف ابدا لكن مش غريب أو جديد من انسان مثلك ولكن
عندي ملاحظة بسيطة
في معظم النوتات لا يوجد مجال للرد أو التعليق
طبعا اكثر شئ رائع من الاستاذ الدكتور / عادل
تعليقاته ومعلوماته على نوتات الاغاني وحكايتها وانا بقرأ بتمعن كل تعليق او قصه اغنية واود أن ارد او استفسر ولكن لا اجد اي ايقونه للرد أو الاقتباس
مثال على ذلك حكاية اغنية فاتت جمبنا
الاخ العزيز
شكرا على كلامك الجميل
انا لاحظت انك بتقول مفيش لارد او اقتباس طيب انت كتبت مشاركتك دى ازاى ؟ واذا كان الاقتباس عندك وهو على اليسار فى اسفل الموضوع مش موجود ممكن تستعمل متصفح آخر يعنى اذا كنت بتستعمل انترنت اسبلورر جرب فاير فوكس مثلا لأن احيانا بيبقى المتصفح فى جهازك فيه عطل فى خاصية ما
مع اطيب تحياتى وانا تحت امرك فى اى استفسار لأن اسئلتكم بتؤدى الى اهم شىء عندى وهى ان الاعضاء يستفيدوا اكبر استفادة ممكنة يعنى انا لما بكتب التعليق ممكن تفوت عليا حاجة او مش بحب اطول فى الكتابة كتير
مع اطيب تحياتى

استاذي العزيز
أنا اقصد من صفحة الاستاذ الفاضل هيثم الصالحي للفهري الذي يضم كل النوتات المدونه منك فاول الجدول هناك بند اسمه رابط المشاركة عندما ادخل عليه احصل على النوتة مع تعليق حضرتك بدون امكانية التعليق على معظم النوت
والمعذرة
نسيت اقولك
كل سنه وانت بالف خير وصحة وسلامة

اخى العزيز
اشكرك اولا على ذوقك
ثانيا انا فهمت قصدك بس ده صعب من الناحية التقنية لأن الفهرس اللى عامله الاخ هيثم قائم على روابط ومعلومات يعنى النوتة هو بياخد رابط صغير الحجم جدا .. لكن لو اخد المشاركة كلها يعنى النوتة بالكلام حايبقى رابط حجمه كبير ممكن يعمل اختلال لما المواضيع تكتر .. هو الفهرس كده جميل جدا جدا ووافى جدا .. انت لما تكون فى وقت فراغ ممكن تفتح صفحة طلبات النوت من اولها حتلاقى طبعا حاجات وردود ممكن ماتلزمكش لكن امشى واحدة واحدة حتلاقى الشروحات اللى انت تحبها وممكن تنسخها فى ملف عندك لو حبيت هى مش صعبة لكن حتاخد وقت شوية لكن مفيش طريقة غير كده مع اطيب تحياتى عادل صموئيل

[محمد برس]

والله انك استاذ يا استاذ - محتاجين منكم نصائح لتنمية المهارة في العزف

الاخ العزيز
اولا اهلا بك فى المنتدى
هو المهارة بالعزف مالهاش خط سير محدد لكن ممكن تيجى من مليون طريقة .. اولا من المفضل ان يكون معاك فى الاول مدرس او حد فاهم صح يرشدك لأى اخطاء وانت بتعزف عشان تصلحها .. وكل آلة ولها طبعا طريقة ولها ايضا اخاء الولحد بيقع فيها يعنى انت ماقلتش بتعزف آلة ايه .. ومطلوب انك تكون تعرف تقرا نوتة عشان تبتدى بالألحان اسهلة وبالتدريج الاصعب .. ومهم جدا انك تكون بتركز فى السمع للأغانى بحيث تحس اللحن رايح فين طالع ولا نازل ولما تحاول تعزف ابتدى باكثر الاغانى اللى حافظها اوى ولنا كلام اكتر
مع اطيب تحياتى عادل صموئيل

[eagleeast]

شكرا يا هرم ده فى البدايه على مجهودك الجميل وتلبيه رغبتى فى اغنيه مبروك لياسمين الخيام ......
ثانيا شوقتنا للقنبله اللى جايه واللى اخدت من المايسترو 10 ايام بعيد عنا واكيد هتكون حاجه جامده من ابدعات الهرم ....
شكرا جزيلا مرة تانيه ... ابنك ..... نسر الشرق

[salhi_haithem]

السلام عليكم
أستاذ عادل نحن في إنتضار الأغنية الثقيلة عجل بيها جزاك الله خيرا و عندي إحساس هي حتكون إلا أوقاتي بتحلو و إما قبل النهارده لأن الأغاني ديه من أثقل ما طلب في الفترة الأخيرة
أخوك هيثم

[عادل صموئيل]

احبائى
اقدم لكم رائعة من روائع الموسيقار الكبير رياض السنباطى
امشى اليك
الاغنية دى الاخ العزيزعود الاندلس طلبها ولاحظت انو طلبها كذا مرة ونزل رابط يوتيوب وانا شخصيا ماكنتش اعرفها من قبل واول ما لقيتها هو مسجلها بالعود فقط يعنى خفت منها .. لأن الاغنية لما بتكون متسجلة بفرقة مش بيبقى فيها مشاكل موسيقية لكن مع العود من واقع خبرتى طبعا .. مش معقول الملحن يلحن الاغنية ويسجلها ع العود وينزلها السوق او يبيعها لشركة لأن هنا اللحن بيكون انتهى تلحينا لكن لسه فيه مرحلة الاخراج وعادة الشرائط المسجلة ع العود دى بيبقى الملحن خلص تلحين الكلمات لكن لسه اللزمات الموسيقية ما اكتملتش اوى وبيكملها اثناء البروفات والشريط دهب يبقى يديه للمطربة تحفظ منو وهى مالهاش دعوة اوى باللزمات الموسيقية لكن تاخد بالها من تسليمة الغناء اللى بتدخل منها .. بعد كده فى البروفات اللزمات بتتبلور وممكن تتصلح وممكن تتغير بحالها .. وده يدل ان اللحن ده متسرب من عند السنباطى وانا حسيت انو ممكن يكون هو اللحن اللى كان عامله لفيروز وحصل عليه مشاكل .. المشكلة الخطيرة انو وهو بيعزف ع العود ممكن يسخن ويتسلطن وممكن يسرع او يبطىء وهنا ممكن يكسر الواحدة وفيه فعلا كذا مازورة مكسورة اضطريت اعمل لها تدخل جراحة يعنى اضيف لها كروش بس الخطورة ( وانا زمان كنت يشتغل والسنباطى قاعد قدامى يعنى المازورة 4 اضلاع انا احط السكتة دى فين فى اى ضلع ممكن يكون احساسى انا غير اللى هو عايزه .. المهم حسيت انى انا الوحيد فى العالم اللى ممكن يكتب اللحن ده اولا بخبرتى مع السنباطى وان حتى لو كان لسه حد من زملائى المدونين الكبار لسه موجود مكانش حايكتبه الا لو مطرب معين كلفه بتدوينه وكان طبعا شوف لحن زى ده تدون بكام .. كمان ماحدش مدون متوسط يقدم على عملية انتحارية فى تدوين لحن زى ده .. ولو تلاحظوا وان دى مش طريقتى كنت بكتب اول كلمتين فى الغنا على المقاطع عشان ما اتوهش فى اللحن لأن اللحن مش كوبليهات ولكن بطريقة رباعيات الخيام يعنى البيت شطرتين .. وبالطبع لما بيكون متسجل على فرقة بيبقى اول الكوبليه واضح لكن لما يكون اللحن كله بالعود الواحد بيتوه فيه وكذا مرة تهت لما بتعب واقفل وارجع بعد شوية كنت بسمع اللحن تانى من الاول عشان اول للجزء اللى وصلت لو ف التدوين المهم اللحن ده اخد منى عشر ايام مجهود متواصل واظن انتم حسيتم انى كنت تقريبا مختفى .. بس اتمنى ان يستفيد منه اكبر عدد من الاعضاء .. هو طبعا انت لو سمعته بالعود حاتحسه صعب جدا لكن لما اتكتب اعتقد بقى اسهل كتير يعنى طلاسمه اتفكت شوية
واترككم مع النوتة مع اطيب تحياتى