اقتباس:
المشاركة الأصلية كتبت بواسطة عاصم المنشاوى
صديقى العزيز/ هيثم الصالحى...
صباحك معطر بالورد...تحياتى ياصديقي
|
انااقول لك ازاى بفك طلاسم السنباطى
فيه حاجة لازم تكون عزفت مع السنباطى شخصيا 28 سنة عزفا وتدوينا .. وشفت الاغنية لما تطلع فى 45 بروفة يعنىكل يوم بتعزف السنباطى مع تفرغ كامل لمدة 45 يوم واى اغنية انت بتسمعها فى الراديو كانت اول ما ابتدينا بروفات نصها حاجة تانية غير كده ونفس الكلام مع كل الملحنين واهم شى حاجتين الحب وثانيا الأمانة يعنى الناس دول لحم كتافى من خيرهم والامانة تقتضى انى اقدم الحانهم بدقة علىا د ما اقدر مع ان ده بياخد اضعاف الوقت يعنى زمان لما كان لسه فيه مدونين اعترف بيهم انا كنت بكتب بطىء وهم كانوا بيكتبوا اسرع منى بس فىالبروفات بتطلع غلطات كتيرة وتعديلات كتير يعنىكل عازف معاه قلم وموس عشان يقعد يكحتالورقة يمسح المكتوبة ويصاحها ودىكان من النادر تحصل فىتدويناتى إلا لو امللحن غير اللحن او غير الحرف .. لنى كنت بكتب بطىء بتذوق الجملة اقول لك سر .. ساعات لما اتدبس ف اغنية لهجتها مش مفهومة انا بكتب اللحن وبلحق اول ما القط اللحن اكتبه بسرعةلا يطير .. لكن الجملة الموسيقى انا بكتبها وبالذات الغنا كأنى حعزفها علىالكمنجة ( وانا احسن واحد فىمصر بيغنى بالكمنجة ودى ماحدش يقدر يقول غير كده ) ليه بهضم الجملة كويس وبغنيها فى سرى كتير بعدين بتخيل الكلمات كمنجة لذلك لما اعزفها بعبر اوى اوى عن الكلمات .. والسنباطى عامل زى الهيروغليفى بس انت تفهم هو عايز يقول ايه .. وفيه ملحوظة برضه خطيرة لما السنباطى يتوصى شوية فى اللحن .. يعنى مثلا شوف شهرزاد كام اغنية كان ممكن يعمل لها المقدمة نص كده وربع كده كمان تبوس ايدها وش وظهر وللعلم بتوع دلقوتى بيوفروا الموسيقى لأغنية تانية يبيعها بعدين .. يعنى ييجوا المتخلفين الى بيعملوا الاغانى دلقوت على الاورج ويسجلوا فى الاستوديو والمطرب يلبس هيدفون ويسجل على اللحن المعمول ومرة ابن حسن الأمام الممثل جسين الامام فى برنامج تليفزيونى بيفتى ف حاجةما يفهمش فيها بيتكلم عن التجيل بالتراكات والمطرب يركب صوته المذيع سألأه لو ام كلثوم اتوجدت فى العصر ده كانت كانت حاتسجل كده الحمار قال له ايوه وللعلم ام كلثوم لو وصلت لكده كانت حتروح طماى الزهايرة وتجيب جموسيتين تحلبهم وتعمل زبدة وتربى شوية فراخ وتعتزل .. يعنىمرة انا سألأت هىليه بتحب اوى اوى المقدمة الموسيقية كل ماتكون طويلة عشان انت بتشوفها بتقعد فين فى وسط الفرقة عشان الدوزان يدخل فىوحدانها يعنى تتسلطن لأقصى درجة وللعلم كان بعد ما الفرقةتخلص المقدمة والجمهور يهيص عايزها تانى لو كانت لسه عايزة جرعة سلطنة بتخلى الفرقة تعيد المقدمة كلها تانى ولو كانت اتسلطنت بتخلى الفرقة تعيد لازمة الانتظار او آخر جزء من المقدمة .. يعنىفك طلاسم السنباطى مش بس شطارة ولكن عوامل كتير مش حتتوافر فى الناس اللى بعدنا لأن الموضوع مش تسمع وتكتب .. ولكن حاجات كتير مع اطيب تحياتى
رد: طلبات نوتة أ / عادل صموئيل الجزء الثانى
العرض العادي
