مشاركات خارج موضوع طلبات النوتة

[وائل]

[QUOTE=عادل صموئيل;383475]احبائى اشكركم
اشكركم على كلامكم الجميل وهو اعلى اجر اتقاضاه
هذه الجملة ادمعت عيني وتدل على انك انسان عظيم وفي قمة التواضع والعطاء
معقولة في انسان بالجمال والتواضع ده!!!!!! بجد احنا لسه في زمن الفن الجميل لان استاذ عادل انسان قلبه وروحه جميلة
ياعزيزى وائل
انا يشرفنى ان انتمى الى زمن الفن الجميل ويمكن احمد الله على انى دخلت معاهم وانا سنى عشرين سنة واليوم وكلهم رحلوا وانا اطال الله فى عمرى شوية بعدهم لأكون سفيرهم والمتحدث بلسانهم واكون شاهدا على هذا العصر الذى يمثل خلاصة نضج الثقافة والفن من منشأ الفن من ايام المتنبى وابو فراس وزرياب كان العمالقة الذين عشت معهم هم بلورة كل تلك الثقافات والفنون , والفنان فى الزمن الجميل لابد ان يكون جميلا من الخارج وجميلا من الداخل يعنى شكل ومضمون
وجاء فى كلامك استاذ عادل بيكتب بدون مقابل مادى ؟ بالعكس انا باخد مقابل مادىى كبير يعنى لو حد محترف كلفنى اكتب حكاية غرامى اجر الكتابة مش اقل من 3 آلاف جنيه بأسعار اليوم لكن لما بكتبها لكم انا باخد اكتر من 3 مليون جنيه احنا من اهم ماعلمونا فى زمن الفن الجميل الذكرى العطرة والتاريخ
يعنى اللى بيغنوا النهاردة بيكسبوا فى سنة اكتر من اللى كسبه ام كلثوم وعبد الوهاب وفريد طول عمرهم مجتكعين لكن لما يرحلوا حياخدوا معاهم كام ؟ او المسموح ياخد من البنك معاه فى الآخرة كام مليون ؟ لكن العمالقة اخدوا معاهم الآخرة كتير
تخيل فى هذه اللحظة كام واحد فى الكرة الأرضية بيسمع ام كلثوم ويقول الله دى مثلها مثل الصدقة الجارية وانا بعد ما اموت لما اى انسان يقرا نوتة من اللى انا كتبتهم ويستفيد بيها حتى بعد عشرات السنين او يسمع احدى معزوفاتى اكيد الاجر حايوصلنى هناك , ولا تنسى مفهوم الصدقة الجارية وهى كل من ترك شىء يستفيد به الناس مع تحياتى عادل صموئيل

[عمرو الهنداوي]

استاذ عادل كل سنة وحضرتك طيب

كان عندى سؤال وهو لماذا لم يتم التعامل او التعاون مع عبد الوهاب وفيروز فى اكتر من عمل من وجهة نظرك

ازى ؟ عبد الوهاب بكل امكانياته عمل اغنية واحدة فقط لفيروز وليه باقى الملحنين المصريين ما لحنوا لفيروز؟؟؟
زى السنباطى والموجى وسلطان وغيرهم

سمعت مرة انه فيروز كانت براعة فى مود معين من الغناء ونغمات معينة وغير قادرة فنيا على اداء اغانى غير القصيرة
والموشحات هل الكلام دة صحيح؟؟ مع انها غنيت فى مسرحيات اغانى طويلة!! وما هو السر فى رايك من نجاح صوت فيروز واختلافه؟؟ لدرجة انه فى بعض الناس لسه بيقولوا انه صوت من السماء وليس الارض

وعلى فكرة كان فى اخت لنا هنا كانت طلبت زهرة المدائن من حوالى 6 اشهر يعنى فاضل 3 اشهر والاغنية تجيب بيبى هههههه

كل سنة وانتم طيبن واخواتنا الاقباط كلهم بالف
صحه وسعادة ان شاء الله
عزيزى عمرو هنداوى
اولا فيروز غنت من تلحين عبد الوهاب اغنيتين سكن الليل ومر بى غير انها غنت له ياجارة الوادى بالنسبة لأى لحن اللى كان بيحصل ان المطربة هى اللى بتطلب من الماحن يعمل لها لحن مش العكس وعبد الوهاب كان بيحب فيروز لكن فيروذ كان عندها مجموعة ملحنين اولهم الخوين رحبانى اضافة الى الياس رحبانى ثم فيلمون وهبه ( بتاع يامرسال المراسيل ) وعدد من الماجنين اللبنانيين غيرهم ودل كانوا بيتميزوا بغزارة لحنية كبيرة يعنى هم اللى كانوا بيعملو الكلام واللحن وتأليف المسرحيات وتلحينها يعنى ممكن يعملوا لها 365 لحن رائع فى السنة يعنى مثلا لو حفلة بكرة فى اى مناسبة كانوا يعملوا لها اغنية تأليفا وتلحينا غير نظامنا فى مصر لازم تجرى ورا المؤلف لحد ما ربنا يفتح عليه ويعمل الاغنية بعدين تجرى ورا الملحن لحد ما يفضى لك ( وعبد الوهاب كان لازم تديلة الأغنية وتسيبه لحد ما يعمل احلى حاجة ممكن ياخد سنة وده ما يمشيش مع فيروز اللى كانت شلال متواصل او سيل من الغناء ) وبعد كده تجرى ورا الفرقة ودى مشكلة تانية يعنى عندنا الفرقة الماسية لو فيه اغنية جديدة لأم كلثوم بتاخد بروفات شهرين وورث عنها الحكاية دى عبد الحليم يعنى شهرين ما تقدرش تطلب من الفرقة الماسية بروفات كتير للحن كبير اما فيروز كان عندها فرقة ضخمة عبارة عن 3 فرقق فرقة شرقية وفرقة اوركسترا سيمفونى وباند وكانوا موظفين عند الإخوين رحبانى يعنى شغالين او موجودين تحت امرهم 24 ساعة , اما بالنسبة لفيروز لو سمعت حفلة فيروز فى القاهرة كان فيها فاصل رائع ورهيب من الموشحات ( وللعلم كان مختصر ) يعنى لو سبتها براحتها فيروز تديك وصلة موشحات يعنى مش اى أى ولا زى زى , اما بالنسبة لأداء فيروز الغنائى ( اصل اخوك مدمن فيروز )
عندها اغانى طويلة وقصيرة واغانى كوميدية واغانى سياسية يعنى كل الألوان , اما ادائها االفنى ماحدش زى فيروز يعنى كان لها ميزة انها بتغنى شرقى بإقتدار وبتغنى على توزيع اوركسترالى يعنى هى بتغنى لحن والأوركسترا بيغنى توزيع حاجة تانية خالص وكان ممكن تغنى كده طول اللحن او عشر جمل ورا بعض وانا طبعا ( او الصح يقال ) لو حسبت فيروز مع عمالقة نجوم الصف الأول فى زمن الفن الجميل تكون هى الوحيدة فيهم كلهم اللى امتلكت الميزة دى يعنى لو تسمعها كويس فى الألحان الموزعة تكتشف حاجة تانية خالص مش موجودة عند اى حد غيرها يعنى عمرك ماتلاقى اى مطرب منهم فيه الميزة دى وطبعا كل مطرب كان بيتميز بميزة مش ف غيرة ودى كانت ميزة فيروز مع اطيب تحياتى عادل صموئيل

[imane-tanger]

السلام عليكم و رحمة الله و بركاته
تحية للقائمين على المنتدى عامة و للأستاذ عادل خاص
أنا عضوة جديده معكم، شدني هذا القسم بالخصوص لهذا المنتدى القيم
و حتى لا أطيل عليك أستاذ عادل أنا لي طلب أتمنى يحظى بالاهتمام، أتمنى الحصول على نوتة أغنية " يا ليل طول"' للفنان المغربي محمود الادريسي و ألحان الأستاذ عبد القادر الرشدي ، و لكم مني جزيل الشكر و فائق الاحترام

[نقولا رفيق]

المشاركة الأصلية كتبت بواسطة عمرو الهندواى

استاذ عادل كل سنة وحضرتك طيب

كان عندى سؤال وهو لماذا لم يتم التعامل او التعاون مع عبد الوهاب وفيروز فى اكتر من عمل من وجهة نظرك

ازى ؟ عبد الوهاب بكل امكانياته عمل اغنية واحدة فقط لفيروز وليه باقى الملحنين المصريين ما لحنوا لفيروز؟؟؟
زى السنباطى والموجى وسلطان وغيرهم

سمعت مرة انه فيروز كانت براعة فى مود معين من الغناء ونغمات معينة وغير قادرة فنيا على اداء اغانى غير القصيرة
والموشحات هل الكلام دة صحيح؟؟ مع انها غنيت فى مسرحيات اغانى طويلة!! وما هو السر فى رايك من نجاح صوت فيروز واختلافه؟؟ لدرجة انه فى بعض الناس لسه بيقولوا انه صوت من السماء وليس الارض

وعلى فكرة كان فى اخت لنا هنا كانت طلبت زهرة المدائن من حوالى 6 اشهر يعنى فاضل 3 اشهر والاغنية تجيب بيبى هههههه

كل سنة وانتم طيبن واخواتنا الاقباط كلهم بالف
صحه وسعادة ان شاء الله
عزيزى عمرو هنداوى
اولا فيروز غنت من تلحين عبد الوهاب اغنيتين سكن الليل ومر بى غير انها غنت له ياجارة الوادى بالنسبة لأى لحن اللى كان بيحصل ان المطربة هى اللى بتطلب من الماحن يعمل لها لحن مش العكس وعبد الوهاب كان بيحب فيروز لكن فيروذ كان عندها مجموعة ملحنين اولهم الخوين رحبانى اضافة الى الياس رحبانى ثم فيلمون وهبه ( بتاع يامرسال المراسيل ) وعدد من الماجنين اللبنانيين غيرهم ودل كانوا بيتميزوا بغزارة لحنية كبيرة يعنى هم اللى كانوا بيعملو الكلام واللحن وتأليف المسرحيات وتلحينها يعنى ممكن يعملوا لها 365 لحن رائع فى السنة يعنى مثلا لو حفلة بكرة فى اى مناسبة كانوا يعملوا لها اغنية تأليفا وتلحينا غير نظامنا فى مصر لازم تجرى ورا المؤلف لحد ما ربنا يفتح عليه ويعمل الاغنية بعدين تجرى ورا الملحن لحد ما يفضى لك ( وعبد الوهاب كان لازم تديلة الأغنية وتسيبه لحد ما يعمل احلى حاجة ممكن ياخد سنة وده ما يمشيش مع فيروز اللى كانت شلال متواصل او سيل من الغناء ) وبعد كده تجرى ورا الفرقة ودى مشكلة تانية يعنى عندنا الفرقة الماسية لو فيه اغنية جديدة لأم كلثوم بتاخد بروفات شهرين وورث عنها الحكاية دى عبد الحليم يعنى شهرين ما تقدرش تطلب من الفرقة الماسية بروفات كتير للحن كبير اما فيروز كان عندها فرقة ضخمة عبارة عن 3 فرقق فرقة شرقية وفرقة اوركسترا سيمفونى وباند وكانوا موظفين عند الإخوين رحبانى يعنى شغالين او موجودين تحت امرهم 24 ساعة , اما بالنسبة لفيروز لو سمعت حفلة فيروز فى القاهرة كان فيها فاصل رائع ورهيب من الموشحات ( وللعلم كان مختصر ) يعنى لو سبتها براحتها فيروز تديك وصلة موشحات يعنى مش اى أى ولا زى زى , اما بالنسبة لأداء فيروز الغنائى ( اصل اخوك مدمن فيروز )
عندها اغانى طويلة وقصيرة واغانى كوميدية واغانى سياسية يعنى كل الألوان , اما ادائها االفنى ماحدش زى فيروز يعنى كان لها ميزة انها بتغنى شرقى بإقتدار وبتغنى على توزيع اوركسترالى يعنى هى بتغنى لحن والأوركسترا بيغنى توزيع حاجة تانية خالص وكان ممكن تغنى كده طول اللحن او عشر جمل ورا بعض وانا طبعا ( او الصح يقال ) لو حسبت فيروز مع عمالقة نجوم الصف الأول فى زمن الفن الجميل تكون هى الوحيدة فيهم كلهم اللى امتلكت الميزة دى يعنى لو تسمعها كويس فى الألحان الموزعة تكتشف حاجة تانية خالص مش موجودة عند اى حد غيرها يعنى عمرك ماتلاقى اى مطرب منهم فيه الميزة دى وطبعا كل مطرب كان بيتميز بميزة مش ف غيرة ودى كانت ميزة فيروز مع اطيب تحياتى عادل صموئيل

ألسلام عليكم
إلحقيقة حبيت أضيف كمان حاجة مهمة جدا , وهي مقتبسة من الأستاذ محمد عبد الوهاب ألله يرحمه , ووقتها صرّح إنو أحد الأسباب اللي خلته ميلحنش لفيروز كانت رغبة الأخوين رحباني بإجراء تعديلات على ألحانه , وساعتها قال عبد الوهاب : "وعبد الوهاب لا يسمح بذلك" , ولكن عبد الوهاب كان يحب صوت فيروز

وأما بالنسبة للإمكانيات الغنائية بتاعت السيدة فيروز , فصوتها خاص خالص ونادر , ولكن الإمكانيات محدودة جدا مقارنة مع العملاقات المصريات : ألسيدة أم كلثوم , أسمهان , وليلى مراد وغيرهن
وكمان ده كان واحد من الأسباب المهمة والرئيسية إللي شكلت حاجز ومانع بوجه الملحنين المصريين من تقديم ألحانهم للسيدة فيروز
نقولا مرجية

[salhi_haithem]

بسم الله الرحمن الرحيم

"من لا يشكر الناس لا يشكر الله"

لولا الله -تعالى عز وجل- ثم هو لم يكن لهذا الصرح أن يستمر و لا لهذا المنتدى ان يزدهر و يكبر و يجمعنا على الخير...لولاه لما كنا لنتابع نستمع نحلل و نناقش.. لولاه لم نكن لنتوحد تحت هذا الصرح المشيد... طفنا معه في أيام زمن الفن الجميل وتخطينا معه حدود الزمان والمكان ... حللنا معه اغاني وفتحنا معه نافذة الفن الاصيل وأحيينا معه الفن و الالحان فهو أخونا وحبيـــبنا و استاذنا و ملك التدوين الأول في وطننا العربي هو الاستاذ عادل صموئيل إنه مترجمنا و مؤرخنا و مدوننا الأول الذي لا يضاهى...
أخوتي وأخواتي:
أخونا و استاذنا الاستاذ عادل بذل و يبذل دون انقطاع جهدا كبيرا و شاق كي يسعدنا رغم طلباتنا المتنوعة و الصعبة فهو بدون ملل و لا تعب ما كف عن تلبيت طلباتنا.. لذا واجب علينا أن نرد له عشراً من فضله علينا فقررت فتح هذا الموضوع الخاص لنعبر عن ما بداخلنا اتجاهه..
فلا بدّ أنكم على دراية كافية أنه كان السبب الرئيسي و الاول في لمم شملنا رغم بعد المسافات بيننا و مواصلت متابعتنا صفحة طلب نوتة بكل شغف ويكفي أن نعلم أنه دوون لنا أكثر من 700 نوتة تنوعت بين السهلة و المتوسطة و الصعبة و الصعبة جدا و سرد لنا تاريخ العمالقة لحظة بلحظة و اسرارهم ومنحنا معلومات قيمة في شكل نوتة موسيقية او حتى في العزف و طرق العزف ناهيكم عن الدروس لتعليمنا

إذاً سيكون هذا الموضوع مكاناً تبدعون فيه بوضع أرقى وأحلى وأطيب الشكر لأستاذنا عادل لتكون هدية نقدمها له في المنتدى

وسأبدأ من نفسي:
مهما كتب القلم ونطق اللسان فسيظلان عاجزين كل العجز عن شكر ما قدمته لنا جزاك الله-تعالى عز وجل-خيراً...ولنرى ما ستبدعه أقلامكم أيها الفنانون تجاه أستاذنا الفاضل ونهاية سأقتبس كلام
قال صلى الله عليه و سلم " إذا كان أحدكم مادحا صاحبه لا محالة فليقل : أحسب فلانا و الله حسيبه و لا أزكي على الله أحدا أحسبه - إن كان يعلم ذاك - كذا و كذا " رواه مسلم 4/2296
لذا أقول أحسب استاذنا عادل و الله حسيبه و لا أزكي على الله أحدا أنه صاحب خير طيب النفس جزاه الله خيرا و غفر الله له ذنبه و أسكنه فسيح جناته والله يحفظك ان شاءالله من كل مكروه اللهم أحفظه من الحساد و الحاقدين. اللهم أسكنه الفردوس الأعلى. اللهم إرحمه برحمتك. اللهم وفقه لما تحبه و ترضاه و نقه من الخطايا كما ينقى الثوب الأبيض من الدنس... و انا عارف انو كلمات الشكر قليلة في حقك..
شكرا لك على كل ما قدمته لنا . اتمنى لك التوفيق و النجاح الدائم و الصحة ان شاء الله
احبابي في الله و اخوتي و اخواتي تذكروه ولو بدعة واحدة في اليوم اثناء السجود ان الدعاء يدفع البلاء ويذهب الهموم فاكثر له الدعاء في السجود

اخوكم هيثم الصالحي

اشكر يا هيثم الف شكر
مع اطيب تحياتى عادل صموئيل

[RABAB ZEAN]

اعجبتني هذه الكلمات و وجدت فيها بعض ما اشعر
اهديها لاستاذنا العزيز و مشاركه في الموضوع
الى صاحب التميز ولأفكار النيرة ..أزكى التحيات وأجملها..وأنداها
وأطيبها..أرسلتها لك بكل ود وحب وإخلاص..
تعجز الحروف أن تكتب ما يحمل قلبي من تقدير واحترام..وأن تصف ما اختلج بملء فؤادي من ثناء واعجاب..فما أجمل
أن يكون الإنسان شمعة تُنير دروب الحائرين..


اشكر يا رباب على ذوقك
يعنى انتى مش بس فنانة فى اختيار الصور
انتى شاعرة كمان
والشاعر مش بس اللى بيكتب الشعر
ولكن اللى بيختار الكلمات الحلوة ويسعدنا بيها
وانا اتمنى انى اكون استاهل الكلام الحلو ده
مع اطيب تحياتى عادل صموئيل

[nazehmohamed]

السادة أعضاء وإدارة منتدى سماعي للطرب العربي الأصيل
أسعدني جداً خبر قبول عضويتي بالمنتدى واسعدتني أيضا كلمة الاستاذ الفاضل / عادل صموئيل في حقي كما أسعدتني كلمة الاستاذ الفاضل / محمد الآلاتي بشرح قوانين الانضمام للمنتدى وشروط قبول العضوية والتي كنت أتمنى أن أعلمها من فترة ولكن الحمد لله على هذا الشرف بحصولي على لقب عضو منتدى سماعي وأسعدتني أيضا تهنئتة الاستاذ / أرمندو والله واحشني والحمد لله إني اطمئنيت عليك وأسعدتني أيضا كلمة العضوة المتميزة رباب زين لكل هؤلاء أقدم خالص حبي وتقديري ولن أنسى صاحب المجهود الكبير وصاحب الروح الطيبة الاستاذ / احمد الأمير والذي له الفضل الكبير في رفع أعمالي للمنتدى لكل هؤلاء وأعضاء المنتدى لهم من كل الحب والتحية ووفقنى الله لما فيه النفع والإفادة لكل أعضاء المنتدى الأعزاء ـ نزيه محمد ـ مصر

[عادل صموئيل]

اشكرك يا أستاذ نزيه واكرر ترحيبى بك فى المنتدى
ونحن فى انتظار اعمالك
مع اطيب تحياتى

[RABAB ZEAN]

الي الاستاذ المتميز نزيه محمد يشرفني جدا انضمامي الي هذا النتدي و انضمامي الي اساتذه عظام و وجودك من ضمنهم يزيد من متعه الصحبه الطيبه و الف شكر للاستاذ العظيم نور الصباح سبب هذه المعرفه التي اتشرف بها

[nazehmohamed]

السلام عليكم ورحمة الله وبركاته رمضان الكريم
قمت بتقديم تهنئة لسيادتكم وإلى جميع الأعضاء واكتشفت أنها حذفت من قبل الادارة ولا أعرف سبباً لهذا الحذف لذلك أرجو أن تفيدونا ولكم كل الشكر والتقدير ـ نزيه محمد من مصر