امثال من الموال والمربعات فى الفن الشعبى

[محروس موسى]

هذا المسبع للأخوه إلى عندهم هواية فى فك وترجمة المسبع
يادهر إوقف كفاك ألفين غلبانه
فى بحور عايمين وكان الريح غلبانه
الأسعار شدت ويمن الشرق غلبانه
شوف الدنيه بتفتح للردى ساكتين
تديله مواريث بدل الساقيه ساكتين
والأرنب أستوحشت عملت عازول سكتين
مع هذا سكتين والأيام غلبانه

[محروس موسى]

(بعد العبور فى عام 1973 أنشد الشيخ أحمد برين وقال)
ياحاضرين وحدوا الله ، إذكروا المولى الغفور؛ إلى جرى كله من الله إلى خلق سينا والطور؛ رب العباد ذكرها فى أيه، والطور وكتاب المسطور، نصب الموالى على مصر صور، إسمعوا الأزجال والفن، فن التاريخ لأبد الدهور،أنا بفنى لازم أهتم علشان يوم العبور، فرحان بلنصر ومتهنى ، وأمدح طه كحيل العين ،لجل النبى مولاى تقبلنى
فقير وذليل من أل برين ،علشان بلادى وأرض جدودى ،لازم أغنى وأبذل مجهودى
لجل النبى ياليالى عودى للقاهره بلد الحسين ،ست سنين ياعالم صبرنا ،صبرنا والمولى جبرنا ،وفى ست ساعات عبرنا ،لكن بإذن من الرحمن ،كان ديان بيشرب سوبر ،وإحنا عبرنا فى سته إكتوبر ،ويوم عشره فى رمضان ،فى الإذاعه سمعنا بيان ،قريناه فى كذا جرنال ،على جولدمائير بتقول كلام ،وتبكى زى الطفل العيان ،كنت فين ياديان ،لما العرب عبروا القنال ،قالها كنت مشغول ،مشغول فى الحرب لاكن سكران ،وأتمتع بعيد الغفران ،جونى الجنود من كل مكان ،كتفونى وركبنى جنان ،عليا لزوا الحيطان ،على رأسهم طه العدنان ،بيقلى سلم ياديان ،ياجولدمائير أنا بقيت فى حيره ،وملفلفالى دماغى البيره ،يوم السبت بقيت فى غيره ،لما إنتصر دين الإسلام ،أدينى قاعد مدريش ،طول عمرى فى البيره والتحشيش ،ميل عليا واحد شاويش ،من خلعتى أصابنى التشويش ،ضربنى وضيعلى العين ،جندى من أولاد الحسين ،فيصل ملك ولاعايز قول ،بطل بيهدرزى الغول ،من الغروب قطع البترول ،قطعوا من الغرب والأمركان ،رب كريم ياصاحب العزة ،وتل أبيب بقت على لزه ،العاقبة لما نوصل غزه ،وفى العريش ناكل رمان ،بحق طه اللذى أسرا،الله فى كتابه ذكر مصرا ،بعد كدا بدلوا الأسرا ،فضوها ولموا النزعان ،بحق طه وبنى قريش ،إلى بمديحو بغنى واعيش ،يارب بارك لنا فى الجيش ،من رأس التين إلى سد أسوان

[محروس موسى]

يوسف شاف شقيقه جوا القصر عمل إمعاه فرحولو (فورى حيله )
قال إمسكو داك حطوا الصاع فرحولو (فى رحاله )
الكل عبوا وشدوا قوام فرحولوا (فورى حلوا )
كل القوافل مشت سمعوا المؤذن هات
قال إنتو سارقين ماأحلى الكلام والهات
بحقه من سابع سما غيره مفيش إلهات
يلا إمسكوا هات إلى تلقوا الصاع فى رحيله

[حسن عـلى]

يا اهل العقول اسمعوا حلاال مشاكلكم
ابن البحيرة ال عايش فى مشاكلكم
ميبعش فيكم رخيص ولو لحم مش اكلكم
عامل كلام على الصديق ويا العاويل قالوه
وعن اللاهالى بامثال ناس كبار قالوه
والابن والاخ واحوال العباد قالوه
ولو راح تفسروه تنحل مشاكلم

يا شاهد الزور قولى قبضوك فيها كام
وعملى راجل جدع ولابس هدوم بالكام
وتبيع ضميرك وتشتال الذنوب بالكام
ياشيخ اتقى الله فى نفسك دا الزمن غدار
تبيع ضميرك بمبلغ لم يجيب غدا دار
والحق من ايد صحابه يلهفوا غدا
وانت تروح النار وشوف ساعة الحساب لك كام

[رافت والى]

يارب أحنا الكل عبيدك

خالق لينا شى بتجلى فيه عبيدك

كرمات للنبى يارب ترضينا

وببركة نبينا ترحم كل عبيدك

[علي سيف]

مربعــــــــــــــــــــــــــــــــات

* ولابد من يـوم معلـوم
ترتــد فيـه المظـالم
أبيض على كل مظلـوم
واسـود على كل ظـالم
* مسكين من يطبخ الفـاس
ويريد مـرق من حـديده
مسكين من يعاشر النـاس
ويـريـد من لا يـريـده
* إوعى تقول للنـدل يا عـم
وان كان على السرج راكب
ولا حد خالى من الهم
حتى قلوع المـراكب
* كيد النسا يشبـه الكى
من مكرهم عدت هارب
يتحزمـو بالحنـش حى
ويتعصبـو بالـعقـارب
* الليـل مـا هـو قصير
إلا على اللى يـنامـه
والشخـص مادام فقير
ما حد يسمـع كلامه
* أنا باوَحِّد اللي خلق الناس
خلق مسلمين ونصارى
وناس نامت على فَرش وِكْناس
وناس ع المعايش حيارى
* طبيب الجرايح قوم اِلحق
وهات لي الدوا اللي يوافق
فيه ناس كتير بتعرف الحق
ولاجل الضرورة توافق
* فَرَطت قِلعِي ما جانيش ريح
وعاودت ع البَر ناوي
ياما ناس زيِّنا مجاريح
لكين صابرة ع البلاوي
* سكت الهَوى والناموس طار
والسبع طاطا بعينه
خليه دا النومِ أستار *
لما الكلب ياخد يومينه
* شوف الزمان انتهت عَدَليه
وادي البُطْل ع الحق راكِب
جه السبع يُطلُب عدليه
لَقَي الهِلف ع التخت راكب
* يا قلبي إوعى تعاشر الدُون
ولا تكلِّمُه بالاشتراحة
تكلمه الكلامِ موزون
تلقاه يرد بقباحة
* جاني طبيبي مع العصر
وف إيده ماسك عصاية
اتاري طبيبي قليل أصل
من خصمي جابلي الوصاية
* كلام الغَرَأبا حِمِلناه
فات علينا كما ريح هاوي
كلام القرابا إخ منَّاه
وياجي فوق فرش الكلاوي
* إوعى تقول للندل يا عم
ولوكان على السرج راكب
ولا حد خالي من الهم
حتى قلوع المراكب
* غربي بلدنا بلد سيح
وادي الهِلف ماشي ورانا
مش عيب كراسي التماسيح
تقعد عليها "الوِرانا"؟*
* اللي حبنا حبناه
وصار ماتعنا متاعه
واللي كرهنا كرهناه
ويحرم علينا اجتماعه
* يا بت جملك هبشني
والهبشة جت في العبايا
رمان صدرك دوشني
وخلى فطوري عشايا
ولا يقرب النار دافي
ولا يطعمك شهد مكنون
إلا الصديق الوافي.
————————-
الجاه.. لو كنت خايف من الله
ولا من القبر والهول
ما كنت تغتر بالجاه
والظلم والجوز والصول
———
يا قلب لاكويك عاشق بالنار
وان كنت عاشق لازيدك
يا قلب حملتني العار
وتريد من لا يريدك
خشب المراكب من السنط
في البحر ياخد مهاجه
واجب ع الحر يلزم الصمت
لَمَا الهِلف ياخد مهاجه
*
الليـل مـا هـو قصير
إلا على اللى يـنامـه
والشخـص مادام فقير
ما حد يسمـع كلامه
*
طبيب الجرايح قوم اِلحق
وهات لي الدوا اللي يوافق
فيه ناس كتير بتعرف الحق
ولاجل الضرورة توافق
*
فَرَطت قِلعِي ما جانيش ريح
وعاودت ع البَر ناوي
ياما ناس زيِّنا مجاريح
لكين صابرة ع البلاوي
سكت الهَوى والناموس طار
والسبع طاطا بعينه
خليه دا النومِ أستار
لما الكلب ياخد يومينه
*
شوف الزمان انتهت عَدَليه
وادي البُطْل ع الحق راكِب
جه السبع يُطلُب عدليه
لَقَي الهلف ع التخت راكب
*
جاني طبيبي مع العصر
وف إيده ماسك عصاية
اتاري طبيبي قليل أصل
من خصمي جابلي الوصاية
*
كلام الغَرَابا حِمِلناه
فات علينا كما ريح هاوي
كلام القرابا إخ منَّاه
وياجي فوق فرش الكلاوي
*
إوعى تقول للندل يا عم
ولوكان على السرج راكب
ولا حد خالي من الهم
حتى قلوع المراكب
*
غربي بلدنا بلد سيح
وادي الهِلف ماشي ورانا
مش عيب كراسي التماسيح
تقعد عليها “الوِرانا”؟*
*
اللي حبنا حبناه
وصار ماتعنا متاعه
واللي كرهنا كرهناه
ويحرم علينا اجتماعه
من يبغضك لم يحبك
ولو طعمتو الحلاوه
السن للسن ضاحك
والقلب كله عداوه

نصحتك ما اتنصحت
والطبع فيك غالب
وديل الكلب لم يتعدل
لو حطوا فيه قالب

صابونة العدو ما ترغيش
وان رغت ياللا السلامه
إن قعدت فى مطرح ما ترغيش
حتى تقوم بالسلامه
الندل له طعم مالح
وله خصايل ذميمه
القرب منه فضايح
والبعد عنه غنيمه


طبيبى بالعجل الحق هات لى دواك الموافق
فيه ناس كتير بتعرف الحق ولجل الضرورة توافق
كل عيشك بملحك وفجلك وعيش عيشة جدودك
واتمد على قد رجلك بلا تزيد عن حدودك
لا أنام على الشوك عريان
واصبر على ما جرالى
واصبر عليك يا زمان
حتى ينعدل حالى
طبيب الجرايح قوم اِلحق
وهات لي الدوا اللي يوافق
فيه ناس كتير بتعرف الحق
ولاجل الضرورة توافق
جاني طبيبي مع العصر
وف إيده ماسك عصاية
اتاري طبيبي قليل أصل
من خصمي جابلي الوصاية
كلام الغَرَابا حِمِلناه
فات علينا كما ريح هاوي
كلام القرابا إخ منَّاه
وياجي فوق فرش الكلاوي
إوعى تقول للندل يا عم
ولوكان على السرج راكب
ولا حد خالي من الهم
حتى قلوع المراكب

ولابد من يوم محتوم
تترد فيه المظالم
أبيض على كل مظلوم
أسوَد على كل ظالم

غربي بلدنا بلد سيح
وادي الهِلف ماشي ورانا
مش عيب كراسي التماسيح
تقعد عليها “الوِرانا”؟

الندل ميت وهو حي
ما حد حاسب حسابه
وهو كالترمس الني
حضوره يشبه غيابه

أتاريكى يا دنيا بعوة
راحوا فين اللى بنوكى
راح فين آدم وحوا
سكنوا التراب وهملوكى
وزمننا زمن الالوفات
ولمبات الصفيح بطلوها
ياما ناس كانت فتوات
صبحت بتحلف بأبوها

خلخال خطر ع القدم
كل المحاسن فيه
والصايغ اسمه حسن
صانع جميع مافيه
جاني جواب من البلد
وسلام حبيبي فيه
مكتوب بحرف الألم
والدمع باين فيه
دخلت بستان حبيبي
أتفرج علي اللي فيه
لاقيت عريض الفلا
فارش ونايم فيه
ومبين الدق لاخضر
قلت له غطيه
قال لا انت ابن عمي
ولا ابن خالي
ولا شريكي فيه
سحبت سيف المحبه
لجل ما أرميه
رمش بعينه رماني
قبل انا ما أرميه
لا تخمم لا تدبر لا تحمل الهم ديمة
الفلك ما هو مسمر ولا الدنيا مقيمة
**
يا ذا الزمان يا الغدار يا كسرني من ذراعي
نزلت من كان سلطان وركبت من كان راعي
**
راح ذاك الزمان وناسه وجاء هذا الزمان بفاسه
كل من يتكلم بالحق كسروا له راسه
**
مثلت روحي مثل الحمام مبني على صهد ناره
من فوق ما باين دخان ومن تحت طاب أحجاره
**
ما أتعس من ماتت أمه وأبوه في الحج غايب
وما وجد حد يلفه وأصبح بين الدواوير سايب
**
الشر ما يظلم حد غير من جابه لنفسه
في الشتاء يقول البرد وفي الصيف يغلبه نعسه
**
المكسي ما دري بالحافي والزاهي يضحك على الهموم
اللي نايم على الفرش دافئ والعريان كيف يجيه النوم
**
من لا يطعمك عند جوعك ولا يحضر لك في مصايب
لا تحسبه من فروعك قد حاضر أو غايب
**
الصمت الذهب المشجر والكلام يفسد المسألة
إذا شفت لا تخبر وإذا سألوك قول: لا لا
**
نوصيك يا واكل الراس في البير ارم عظامه
اضحك والعب مع الناس فمك متن له لجامه
**
كل مهذار مسوس يجيب الهلاك لراسه
يستاهل ضربه بموس حتى يبانوا أضراسه
سكت الهوى والنموس طار

وادى السبع طاطا بعينة

وجب عالحر يتبع الصمت

لما الندل ياخد يومينه
وغزال الجبل منزلو منين
شوف القطر عالسكه ماشى
وادى الفرخ اللى بلا ابات
اليوم فارده الشماسى
وجانى طبيبى بلا جناح
اللى معاه عله بلجها
شوف المره اللى ما تردش الباب
خاف وحرص قوى من ولدها
وجيناكى يا بيضه جيناكى
عشانك تعبنا الهجينه
عيزين منك غدى بلا نار
ولا تتعبيش فى عجينه
جبتلك العيش مطبق
فوق منه السمن سايح
دا الغدى اللى بلا نار
يجيب لاهله الفضايح

[سعدالشرقاوى]

وجبة رائعة من الفنون
بارك الله فيكم
ويسعدنى ان اشارك معكم ببعض كلماتى

قليلة الأصل
قليلة الأصْـــــل بتسوّد حياة جارها
وتسيئ لكل البلد ولألف بيت جارها
وتشوّه المحترم واللىّ ساكن جارها
تمشى ف طريق اللبط من جهلها ترقص
وكلامها كله عبط من غير طرب ترقص
حركات على وشـّها من غير كلام ترقص
تشـْبه لِـبغله بترفـُصْ لو تفــوت جارها

معاند الناس

يامعاند الناس بأىّ أساس تبيع غيرك

وتنسى عيبك وعينك بصّه على غيرك

فى الزحمه تهرب وترمى الحمل على غيرك

باصص لفوق فى السما وكبير على المخاليق

وكأن طينتك عجب مش طينة المخاليق

والشرّ منــّك سيول بيغرّق المخاليق

وتلاقى قلبك يضيق مايساعش يوم غيرك

(عديم الرأى)
لو يوم تصاحب عديم الرأى هايضرّك
ويهين كرامتك فى وسط الخلق ويضرّك
وان جه يفيدك يخونه الفكر ويضرّك
وان مرّه جه يمدحك من جهله هايضرّك
تعمل معاه الجميل وف ظرف يوم ينسى
فى الخيبه فكره سديد وعلى المفيد ينسى
بدل ماتقعد تحفــّظ فى الغبى ينسى
ياعم انسى العسل لو أكله هايضرّك

(أنا والفشار)
ياعم بطــّل بكشْ دايما علينا تسيح
الكيل طفح والمرار فى معاملتك بيسيح
والبحر ناشف ومن كدبك تملىّ يسيح
عمـّال تبعتر كلام بين البشر تساويه
والكدب عندك مزاج واخد عليه تساويه
يشبه كلام الليل بالسّمنه لو تساويه
ساعة ماتطلع عليه شمس النهار بيسيح

مراتك
طول ما انت مبسوط مراتك تخاف منك
وتشيل مداسك وتجرى بيه ورى منك
وكلمتك لو حديد تبقى حليب منك
طول ما انت مبسوط وعندك مقدرة وصحة
تمشى وراك كيف تمرجى او طبيب صحة
وان خسْ مالك ومنك ولــّت الصحة
تجيب عيلتها وتيجى تاخد العزال منك

[GHASSAN I]

Yussef Sheta

Mawwal Of Wardani And Toffaha: Interpreted and Composition by Yussef Yussef Sheta, Lyrics by Abdl Ghaffar Ramadan

[GHASSAN I]

Yussef Sheta

Mawwal Of Wardani And Toffaha

[جمال المنياوي]

أسعد الله أوقاتكم بكل الخير وشكراً جزيلاً على هذه المواويل التي تذكرني بأيام جميلة وعزيزة علي قلبي
إليكم هذا الموال البسيط
( الراجل إللي زرع جميله في الواطي ولترباش
وبدر التقاوي على أرض خسعه ولترباش
يستاهل إللي حصلوا مشي مع الواطي ولترباش
أبوك قالك إبعد عن دول وأنا أبيع عليك توبي
ومش عيب عليك تتوب عن الغلط وترجع تنقض التوبة
يستاهل إللي وقع نوبة ولترباش )