الفنان القدير
>> فـيصل عبدالله <<
الصوت الكويتي الجميل..
هو فيصل عبدالله الحجي, مطرب كويتي قدير أشتهر في سبعينيات
القرن الماضي في الفتره اللي كانت فيها الأغنيه الكويتية في عالي
سماها, راهن عليه المرحوم خالد الزايد الملحن القدير اللي
أكتشف صوته وإمكاناته وأظهره على الساحه وتبناه مثل ماتبنى
غيره من الأصوات مثل عايشة المرطة ورباب وغيرهم.
فيصل عبدالله له نمط غنائي يميزه عن غيره من المطربين حتى في
شكله ونظارته الطبية كان مميز والنظارة الطبية ماتفارقه أبد,أغانيه
دائما تدور حول الموضوعات اللي غالبا ماتتطرق لها الأغنيه الكويتية
والعربية بشكل عام, يعني عن الحب, العشق, الهجر,
وصف المحبوب وهلم جرا..
له أغاني كثيره حلوة ورائعه وتذاع بشكل متكرر على البرنامج العام
ومحطة الغناء العربي القديم عبر إذاعه الكويت وله بعض الأغاني
موجودة عالأنترنت لكن اغلب اغانيه الجميلة مو موجودة عالنت,
وهذة بعض كلمات اغانيه الجميلة
الأغنيه الاولى:
يا صـبر قلبي
يا صبر قلبي من يصبرني
حتى الصبر ضيعت انا دروبه
دربٍ عليه بالحيل يجبرني
ودرب يكّثر لي عذروبه
...
ياقلبي شاللي بس جابرني
دور عشيرك واطلب التوبه
ولاّ تناسى ولا تذكرني
الصبر ماهو بيدي لعبوبه
...
جرح الهوى ياناس عذبني
مسكين منهو دار دالوبه
ياهيه ياللي دوم تعذلني
أحذر لا تزرى تحوشك الحوبه
أما الثانيه واللي فعلا اللحن فيها جميل جدا فتقول:
حبيبي حبني
حبيبي حبني والعمر فاني
دخيلك وش جرا بينك وبيني؟
قبل ترتاح ياحلو المعاني
تقول حياك اسكن وسط عيني
وأترك كل شي واهجر مكاني
وادق الدرب بين شوقي وحنيني
واكتب للهوى احلى الاغاني
واخش رسمك, أغطيه بجفوني
واحس ان بعيونك لي مكاني
مكانك انت في عمري وعيني
واشوف الحين ﭼـن قلبك نساني
تغير كل شي بينك وبيني
واختمها بأغنيه بدور,تغزل فيها بهالاغنيه وأحسن وصفها
بــــــــدور
أول كلامي في بدور أتغزل
وأحتار شوصف من جمال ﭼساها
أم العيون اللي لها الطير حول
سبحان من صــــوّر ومن حسنه عطاها
للاسف أن الفنان الكبير والرائع فيصل عبدالله أعتزل الغناء
مبكراا وبدون أسباب واضحه !!
وبصراحة الكل يفتقد تواجده بالساحه الغنائية منذ
سنوات طويله!!
والأكيد ان اغانيه وأعماله خالدة مهما طال الزمن ومازالت تسمع
وينطرب لها الكثير من الناس سواء من اللي عاصروه أو حتى
الجيل الجديد من الشباب ,أغانيه مميزة وحلوة حيث انه يمتلك
الصوت الهادئ والحنون ولديه بحة صوت مميزة ومحببه لمن
ينطرب لصوته .
وسامحونى لانى لم اجد له الكثير من المعلومات او الصور لكى
اجعل موضوعه متكامل كباقى المطربين والفنانين .
ودمتم سالمين ,,
*****
كلمات أغنية ( وين ياخلي يمينك ؟؟ )
وين يا خلي يمينك؟
والعهد بيني وبينك
حبنا وذاك الوصال
الزعل باين في عينك
والسبب هم عاذلينك
ليش تصدق ما يقال؟
لا تخش عني كلامك
قول يا خلي اش علامك
وش سبب هذا الدلال؟
من طريقتك في سلامك
للمتيم في غرامك
وصلنا يصبح محال.
كلمات سالم ثانى الوهيده
الحان عبدالعزيز الحمدان